مايجيني رسائل اليكترونية ليش ؟

[علي معتـوق العمـــري]

بسم الله الرحمن الرحيم

الأخوة مشرفي منتدى الكمبيوتر وأعضاءه السلام عليكم

الحقيقة انا مقصرين معكم بس هذا ازين لكم لأن ماعندنا سالفة ولو شاركنا معكم طفشناكم من شيء اسمه كمبيوتر .... والحقيقة وعلشان اكون صريح معكم فلا نحتاجكم الا وقت الضرورة يعني مصلحجيين:cool: بس مابتقصرون معنا 0

السالفة الرسائل تجي عندي على ( junk mail ) بدلاً من أن تأتي على ( inbox) ما ادري وش الخلل علشان كذا جيتكم عاني وماظنيت تخيبوني أملي وظني فيكم 0


وتقبلوا تحيات اخوكم علي جاركم من منتدى القماهير :)

[السعلو]

هلا ابو معتوق ..

حياك الله في منتدى الكمبيوتر .. وابشر بالحلول .. :)

الحين ادخل على الايميل .. بعدين تلقى اختيار جمب الـinbox اسمه Options اضغط عليه ..

بعدين بتلقى اختيار اسمه Junk Mail Filter اول اختيار في العمود الثاني .. اضغط عليه .. بعدين

بيفتح لك صفحه فيها 4 خيارات .. اضغط على اول واحد اللي هو OFF عشان يلغيلك شي اسمه Junk Mail

بعدين اختر الاختيار اللي يعجبك بعدين اضغط OK وخلاص انتهت المهمه ..

اذا ما اعجبك الشرح هذا او ما فهمت منه .. قلي اشرح لك بالصور ..

تقبل تحياتي .. السعلو ..

:yes: :yes: :yes: :yes:

[علي معتـوق العمـــري]

الأخ العزيز / الـســـعــلو :

ألف ألف شكر على إفادتك التي أتت أُكلها شاكراً ومقدراً لك 0


والله يحفظك لنا عضواً نافعاً خدوماً محباً للأعضاء كما عهدناك 0

وحركة توقيعك الشهير تكفي للإدلالة على تميزك .........


تقبل تحياتي وتحمل أسئلتي من اليوم ورايح عن أي مشكلة :cool:

[M.Alkahtani]

مسير علينا أبو معتوق قلت بس أمر خطير جداً ....
و أخرتها بريد الله يهديك
وش تبي بالرسائل من أساسه وش هوله البريد أساساً ريح بالك ونام :):):)

[السعلو]

السلام عليكم ..

العفو اخوي ابو معتوق .. وماسوينا الا الواجب .. واشكرك على كل كلمة قلتها لي ..

وهي بصراحة دافع كبير لي .. باذن الله ..

ومن ناحية اسئلتك .. فانا في خدمتك وخدمة كل الهلاليين واعضاء هذا الصرح الهلالي..

وتقبل تحياتي .. السعلو ..

[حـسـاس]

يعطيك العافية السعلو على هذه الافادة الكريمة . . .
وما قصرت اخوي علي على طرحك لهذا السؤال . . .
من قريت الموضوع وانا متوقع سؤالك لانه بصراحة تواجهني المشكلة نفسها . . .

تحياتي للجميع ، ، ،

[Alex_10]

ماتجيك لأن ماحد يبيك :D

الشباب ماقصروا :)