بخصوص حبوب الرجيم [[نقاااش]]

[NETROGEN]

مساكم عطر :heart:
واحد من الشباب تفخ الله لايوريكم الحمد لله عالعافيه :angel:
قرر انه يشتري حبوب الرجيم ذي اللي تحبس مادري وش تسوي بالجسم
فسئلني قالي ااذاا احد من اقاربك جربها عطني خبر قلتله لاوالله بس حاس ان ورا هالحبوب بلاوي
قلتله اصبر خل بسئل عنها همين اجيك مجاوب :d:
اتمنى الافادة :)
اتمنى عدم الاستخفاف كلنا جسد واحد :

[لاعـــب كاراتيه]

يا جسد واحد ههههههههههههههههههه


والله شف يا صديقي فيه محلات وأنواع للحبوب وأنا أشوف بعض الاعبين يستخدمونها

بس الأغلب أنهم ما ينصحون فيها وإذا وده بحبوب يعني نسبياً مفيده بس لابد مع حرق لدهون يعني يستخدم العلاج ويمارس الرياضه

يعني (((( بمعاينه طبيه أفضل أو معالج ))
وإذا أنه ملزم أنا أعرف محلات عندنا بالرياض وممكن به فروع حول المملكة بس أنت شف رغبه خويك وأنا راح
أكون متواصل معك أن شاء الله وإذا تبي أفيدك حبذا لو تواصلني بالخاص على شان ما يكون فيها دعايه للمحلات أو الماراكات

[ماجد التميمي]

خليه يراجع طبيب احسن له :)
لأن هالاشياء قد ماتساعده .. وقد تسبب له مشاكل اخرى ..

لكن عندك حبوب الريجيم هذي نوعين :

١/ حبوب تأثيرها هضمي بحت :
مثل زنيكال او شيتوكال وهي تؤكل قبل الاكل او بعده بحسب الوصفه ..
تمنع هضم الدهون .. مقززه جدا كما سمعت وقرأت ..

٢/ حبوب تأثيرها ذهني :
مثل ريدكيتال .. هذي اشوفها افضل فهي تسد الشهية بس ..
ومنها اكثر من نوع بالقرامات ..


وافضل من الحلين يروح للدكتور يفحصه ويحدد له حل ..
ممكن يحتاج شفط او عملية ربط ..

[winnie]

خليه يستخدمها بس يستخدم حبوب من مصادر موثوقه
ومع العلم لازم يمارس رياضه كافيه في فترة تناولها ..

بالتوفيق ..

[قناص الرياض]

نصيحة لك اخي الكريم

قل له يأخذ له موعد مع أخصائي تغذية علاجية الذي بأذن الله راح يقرر من خلال وزنه وطوله وعمره
هل يحتاج إلى حمية مع رياضه ام حبوب ام عملية لربط المعدة إذا كان مصاب بسمنة مفرطة .

[الملتآع]

هلا وغلا

انا ولد خالتي يستخدمها وهي تنزل الدهون بس طبعا تسبب اسهال تكرمون

ومالاحظت عليه ذاك التغير الملحوظ بس نحف شوي


وانا اقول لو يستشير دكتور احسن

[KhâlééD]

مراحب اخوي :

كـ رأي مني :

أولا ً : احسب الـ BMI

الوزن المثالي النموذجي = الوزن بالكيلوجرام / مربع الطول بالمتر


مثال : شخص وزنه 81.9 بالكيلوجرام وطوله 1.78 متر

مربع الطول = 1.78 * 1.78 = 3.168 متر مربع

الوزن المثالي النموذجي = الوزن بالكيلوجرام / مربع الطول بالمتر

= 81.9 / 3.168 = 25.85

هـالناتج يسمى BMI لهذا الجسم ومعناه معدل التوازن الجسمي

فإذا كان معدل التوازن الجسمي
- ما بين 20 - 25 كان ذلك طبيعيا
- ما بين 25 - 30 يشير إلى زيادة الوزن
- ما بين 30 - 40 يشير إلى حدوث مشكلة السمنة
- أكثر من 40 يعني سمنة مفرطة .

غالبا ً ما فوق الـ 40 يحتاج تدخل جراحي
و ما بين 25 - 30 يحتاج حمية مع بعض التمارين

بـ رأيي :
لاااااااااازم إرادة قوية و عزيمة صلبة
تتابع مع متخصص في التغذية ..
تخفف أكلك
رياضة يومية


اللي قال ريديكتيل ( Reductil ) : الريجيم عموما ً يسبب العصبية احيان فـ ما بالكـ تطينها بحبوب الريدكتيل ؟؟؟
و حبوب الزينيكال ( XENICAL ) : تسبب اضطراب في الذهاب لـ دورة المياة و انتم بكرامه : غير زيادة الغازات و إفراز المواد الدهنية على شكل اسهال

ما انصح بهالحبوب أبدا ً أو بـ معنى آخر : نخليها آخر الخيارات مع التدخل الجراحي

لازم تنتبه لمعدل السكر بالدم حتى لا ينخفض عليك اثناء الريجيم


بالسلامة يا غالي

[NETROGEN]

يعطيكم العافيه وبآذن الله برد عليكم كلكم :)

[RAYEEG]

ما انصح فيها ابدا ابدا ابدا

بل انها خطيرة جدنا على المدى البعيد لأنها تسبب إضطرابات عصبية ورعشة غير ارادية !

وفي حلقة لدكتور فيل على ام بي سي 4 الظاهر العام الماضي بين خطورتها

لأن الحبة تؤثر على الدمغ وليس الهضم حتى الي يقولك انها طبيعية 100 %

هي عملها انك لما تاكلها تروح للدماغ منطقة معينة على اساس انها ( الدماغ ) ما تطلع

إشارات عصبية بالجوع !!!
اللهم بالغت اللهم فشهد

من محب

[بن تويم الهاجري]

الأفضل إستشارة الطبيب

و عليه بقشر الرمان تراه يخفف الوزن :)

[عبود البطل]

صباحك دهن عــود ..
الواحد وش له بوجع الراس ؟
حبوب وقلق وخوف ؟
وما يظـمن وش يجيه ؟
ويمكن لو نحـف يرجع بعد فترة وزنه " دبــل " !!
الحـل الأمثـل بدل هالقلق الي فوق ..
راجع طبيـب .. ومارس رياضة ..
والله الله بالزنجبيـل والتمر :d: ..

[أبـو حـمـودي]

يلعب رياضة ..

وياكل ألياف

[abo wdee3]

يستشير دكتور أزين .. لأن كل جسم يختلف عن الثاني واللي يصلح لفلان يمكن ما يصلح لعلان ..

أتمنى لك ولخويك صحة جيدة .. وشكرن :br: