[[ ســــــــــــؤال الـــــــيـــــــــوم ]] [الأرشيف]

مشاهدة النسخة كاملة : [[ ســــــــــــؤال الـــــــيـــــــــوم ]]

برستيج

16/1/2009, 00:55

http://alhilalclub2.com/2008-2009/images/todays-question.gif

نحن وانتم معاً و بشكل يومي من خلال هذا الموضوع المتجدد

لمعرفة الاراء حيال كل سؤال نقوم بطرحه .. وبكل تجرد وشفافيه

فمن يرغب بالمشاركة في الاسئلة .. ماعليه سوى ارسال سؤاله

الى احد مشرفي الساحة العامة .. ليتم طرحه ضمن سلسلة هذا الموضوع

[ ســــــــــــؤال الـــــــيـــــــــوم ]

قدر الله عليك ومسكت خط طويل .. وحصلت سيارة متعطله
وصاحبها ينتظر المساعده .. هل توقف ( توقفين ) وإلا تصد ولا كانك شفت شي
مع ذكر السبب .. ؟

هلال العرب

16/1/2009, 00:59

بصراحه كأني شايف سراب لأن الخوف مليح

•●Ś£ЯĞįǾ ●•

16/1/2009, 01:02

والله ع حسب راعي السياره اذا هو شبهه يحلم اوقف لـه

الـقـيـصـر الـبـافـاري

16/1/2009, 01:23

لا والله ما أوقف ، أولا الحمد لله أمن الطرق عندنا الآن من دورهم مساعدة الحالات اللي مثل كذا ،
ثانيا الخوف مليح على قولة هلال العرب ، :angel:

ثــامـر

16/1/2009, 01:26

الخوف مليح :q: اسال مجرب ولاتسأل طبيب :d:

يوسف الثنيان لاعب فنان

16/1/2009, 01:39

اوقف له واسأله تبي مساعده اذا قال وصلني للمحطة اوصله واذا يبي سطحة جبنا له سطحه
المهم اساعده باللي اقدر عليه

طيب الاخوان اللي يقولون كأننا ما شفناه لو صار لك نفس موقفه وشافك واحد وطنشك وش شعورك !!

انا مرة صار لي موقف قبل سبع سنين بالدائري الشرقي كنت ماسك الايسر وفجاءة الا تخبط السيارة وطفت وانا مسرع ثم حاولت اني اوصل السيارة علشان اطلع السيارة برى الخط ولا ما وصلت الا المسار الايمن
واجلس متوهق شلون ادف السيارة لحالي ولا شوي ويجي واحد شامي مدري سوري او اردني او فلسطيني كبير بالعمر ولا دف السيارة معي وطلعت السيارة برى الخط وقالي تبي اوصلك تجيب سطحة قلت له لا شكرا ما قصرت واخذت ليموزين ورجعت للبيت

والله كل ما تذكرت هالموقف للرجل الشهم اني ادعي له وما انسى له هالموقف ،، الله يجزاه كل خير

هذا انا وبوسط البلد وما نسيت معروفه عاد كيف لو بخط طويل وما حولك احد ..

اللي يقول خايف يكون الواحد شبهة انت سو المعروف ولا تخاف من عواقب معروفك

فيه رجل دخل الجنة بسبب كلب كان الرجل عطشان ولقى الكلب يلهث عطشا فسقى الكلب وكان سبب بدخوله الجنة ..

فما بالك بمساعدة انسان .. سومعروف واحتسب الاجر ولعل يحدث لك ما حدث لمن ساعد الكلب .

اطيب تحية

انسـان عادي

16/1/2009, 01:45

...

لأ

مـا تأمن أحد هالأيام !

...

هلال العرب

16/1/2009, 01:48

^^^
اخوي الوضع بصراحه صعب وانا معك ان الواحد ما يتمنى يصير له مثل هذا الموقف
بس من القصص اللي نسمعها والمطاردات اللي تصير وانت ماسك الخط السريع تخلي الواحد يكون حذر
ولد عمتى صار له مثل هذا الموقف وفي عز النهار شاف له واحد متعطل في مقطعه وكان الطريق مرتفع شوي عن مستوى سطح الارض ومهدي يبي يوقف يساعد الرجال الا يشوف ذاك الكابرس اللي موقف تحت وفيه واحد ، ولد عمتي حط رجله وهات يا مطارده وما تركه إلا اول ما دخل وحده من هالديار اللي على هذا الخط ومره واحد من اخوياي مع زوجته طاردينه اثنين على الخط السريع أجل لو هم شايفينه متعطل وش بيسوون فيه ؟؟!!
يا حبيبي الله لا يكتبه نصير في مثل هالمواقف لأن الحنشل مالهم امان

اغراب

16/1/2009, 01:56

اذا كنت لحالي ولا معي عائله او كنا الي طالعين كلنا شباب
وكان الشخص المتعطل يستاهل المساعده
ماعندي مشكله اوقف عادي

كلمات

16/1/2009, 02:09

أول شي ( المكان والزمان ) من اهم المؤثرات على ( إتخاذ قراري ) ..

يعني .. تخيلو أن الساعة ثلاث في تالي الليل و في طريق مقطعة .. وألقى واحد يأشر لي يبيني أوقف له ..

هل يعقل أني بـ أوقف ؟

يخسي ويعقب ما بقى ألا هي .. اوقف له ..
والله لو اني طايح على راسي ما وقفت ..

لكن لو حصلت لي واحد في النهار و على طريق سريع ..
في هالحالة .. أوقف ولا عندي مشكلة ..

وخصوصا لما تكون عائلة
لان العائلة .. مساعدتهم لها طعم << ألا يالخبيث :d:

[ TaReQ ]

16/1/2009, 02:21

والله على حسب هيئة الشخص

لو الود ودي كان وقفت لكل متعطل ووصلت كل الي يأشرون على الخطوط

لكن الواحد يخاف على نفسه قبل كل شي وانا قصدي وجه الله ولكن تطيح لك بناس مطلوبين ولا معهم بلاوي ولا ...آلخ

لأنك بيوم من الايام راح تصير في محله تتعطل ولا تلقى الي يساعدك

وردة الهلال

16/1/2009, 06:33

زعيم ميلان

16/1/2009, 12:56

على حسب (himo)

لو كنت فاضي ورايق يمكن اوقف:o

اما اذا كان العكس بسحب عليه(rambo)

غـانِـم

16/1/2009, 14:57

مرة من المراريت كنت طالع لجدة مع واحد .. وبالخط الجديد جنوب محطة الحجاز :nrey: صادفنا واحد متعطل .. المهم اتفقنا معاه نوصله للمحطة وهناك يدبر نفسه ويرجع مع أي واحد ..
أخذنا إلين نوصل المحطة حول ربع ساعة تقريبا .. ولاحظت إن الراجل ثرثار بشكل مو طبيعي .. هروجه ماتنتهي وأنا استشكيت بالوضع :q:
المهم نزلناه هناك بعد ما أخذ دبة يعبيها بنزين .. وخويي أخذ رقمه عشان يستلمها منه بعدين بجدة! .. المهم كملنا طريقنا و وصلنا لنقطة تفتيش السنابل وبعد ماتجاوزناها .. خوينا المتعطل يدق على خويي ويقله انتبه أنا نسيت حاجة لي بالمقعد اللي ورا !!

أنا مديت يدي وألقى خاتم من أبوالفص الكبير :angel: .. طبعا مالاحظت شيء وقلت بس السالفة خاتم يعني ؟ :kello:
خويي المنحرف قال هات الخاتم .. ويطلع من قاعدة الفص ذاك الشيء اللي اسمه حشيش :q:
( تذكروا إن نقطة التفتيش ورانا تماما )
وحالتي حالة .. خلاص يعني مافيه دراسة ولا وظيفة ؟ :cry:
أنا اللي أخذ البنادول بالدس يطلعلي حشيش !! :cry:

طبعا رميت الملعونة وخويي قال حلال عليه الدبة وحلال علي الخاتم :qaf:

هذه قصة حياتي :angel:

نعود لمحور حديثنا :
طبعا ماقد صادفت من بعدها أحد متعطل ولله الحمد .. ولكن ألقى ناس تأشر سواء داخل أو خارج المدينة وخاصة بـ طريق دوامي وأولا أشوف مظهر الشخص لو كان كويس ومريح حياه :angel:

!!RIVALDO!!

16/1/2009, 15:18

مستحيييييييييل اوقف

اول شي لانه الوالد الله يحفظه محذرني من هالشي

غير كذااا عندي كم واحد اعرفهم تورطوا في هالاشيااااااااء وكلها ياحشيش ياحبوب :q::amle:

يمدحوووووا الطبلووووووون في الخطوووط:love:

ماجد التميمي

16/1/2009, 18:41

اظني باقف .. الا اذا كنت في مقطعة فبصراحة العافية تنشرى
وش يدريني اغاديه جني و لا من اهل الارض .. لا لا نوواي الخوف از مليح :((
و نصيحة اذا المكان ظلام و الطريق يم حدى هالمحافظات خصوصاً الطرق الطويلة و في نفس الوقت هي مختصرة يعني اقصر من الطريق الرئيسي لهالديرة .. لحد يوقف تراها مليانة جنون و اشباح حتى في وضح النهار تطلع مو شرط الظلام .. لحد يوقف هناك همن ينلحس عقله ما تسوى عليه ..

هندي وقف لواحد سعودي مشى فيه داخل مقطعة بعدين ضربه بعدين ذبحه بعدين طلع عيونه بايده علشان يقولون المقتول تغمض عينه على اخر شي شافته . قسم بالله اجرام لا عاده الله من توقيف و لا عادها الله من فزعة .. :(

وقفوا يمال الغنيمة على خط الحجاز خط الدمام .. الخطوط الداخلية .. لأنها تحت السيطرة ..

سمي يمه :yuupy:
وشوله تطلقين فتاوي وانتي امرأة لا تقودين المواتر :d: الله يعطيس العافيه بس ضحكت عالنصايح البناتية :d:

:kany:
معصي والله ماوقف له الا ان كان مطلع اثباته يقول انا تميمي
:wello:
مهبول انا ، تخيل واحد يقولك اشتر حبوب !! تقوله مابي يقول انا ماشحدك .. اشششتر (himo)
بعد ترا عندنا شعب زاحف :d:

وردة الهلال

16/1/2009, 18:58

سمي يمه :yuupy:
وشوله تطلقين فتاوي وانتي امرأة لا تقودين المواتر :d: الله يعطيس العافيه بس ضحكت عالنصايح البناتية :d:

:kany:
معصي والله ماوقف له الا ان كان مطلع اثباته يقول انا تميمي
:wello:
مهبول انا ، تخيل واحد يقولك اشتر حبوب !! تقوله مابي يقول انا ماشحدك .. اشششتر (himo)
بعد ترا عندنا شعب زاحف :d:

جرب خط بين الرويضة و الحصاة اللي هم على خط الحجاز.. و تعال ورنا قوتك :fghty:
> على فكرة ترى كلهم شياطين الانس و الجن ما اعني ناس دون ناس > اما ناس اخخ
المهم ان المساعدة صح ان القريب اولى فيها .. لكن اي واحد يحتاج صعبة اخليه علشانه مو من قبيلتي فقط !
صح ..؟

**
و لا تقول لا تقودين المواتر لأنك ما تدري عن الخافي و البران تخصص .. :nrey:

ابوسعد الهلالي

16/1/2009, 20:35

على حسب وضعي اذا معي عايله اولا .. وعلى حسب وضعه اذا هو شبهه اولا ..!!

اتذكر مره اخوي شاف شايب متعطل في الدايري ومبنشر كفره ووقف وعطاه استبنة سيارته وساعده ووصف له بيته واخذ رقمه عشان يرجعله استبته .. اخر شي لما جاء اخوي ياخذ استبنته من بكره قعد الشايب يتحيسب عليه ويقول انت السبب وانت اللي حديتني على الرصيف لين بنشرت وانبك ضميرك ووقفت تساعدني .. واخوي اول مره يشوفه ولا حده ولا يعرفه ..!!
اعمل خير تلقى شر ..!!

نوااااااااف11

16/1/2009, 22:27

ابعد عن الشر وغني له خاصه اذا صاروا
شباب يصير معهم شي يجي امن الطرق تروح في الجغرافيا قصدي الخريطه:angel:
كانهم عائله وشفت بزارين مو مشكله اوقف
طبعا هالكلام بالنهار بالليل ماظنتي احد بيوقف وخاصه على الطرق الطويله
لكن داخل الرياض اوقف عادي حتى لوكان معه دبابه :kany:

هلالي وأعشق القحطاني

17/1/2009, 06:25

ممكن أيه وممكن لا ..

ع حسب الظروف ..

ان كان معي الأهل فهاذا شي مستحيل التوقف ..

وأن كنت بلحالي فيه أشياء تخليك توقف وفيه أشياء لا ..

بالنهار أهون من الليل بكثير ..

لأن بصراحه نسمع كثير من القصص المرعبه والمخيفه التي تعيقك ع التوقف ..

ممكن إذا نزلت بالليل بكون مسلح وش عندهـ عنتر زمانه :angel: ..