[[ ســــــــــــؤال الـــــــيـــــــــوم ]] [الأرشيف]

مشاهدة النسخة كاملة : [[ ســــــــــــؤال الـــــــيـــــــــوم ]]

الملك الازرق

3/1/2009, 02:18

http://alhilalclub2.com/2008-2009/images/todays-question.gif

نحن وانتم معاً و بشكل يومي من خلال هذا الموضوع المتجدد

لمعرفة الاراء حيال كل سؤال نقوم بطرحه .. وبكل تجرد وشفافيه

فمن يرغب بالمشاركة في الاسئلة .. ماعليه سوى ارسال سؤاله

الى احد مشرفي الساحة العامة .. ليتم طرحه ضمن سلسلة هذا الموضوع

[ ســــــــــــؤال الـــــــيـــــــــوم ]

سواء موظفين أو طلبه :

هل أنتم من النوع الذي يجهـٌز أو يعلم ماذا سوف يلبس لليوم التالي .. أم تطبقون مقولة الصباح رباح ؟

ماجد التميمي

3/1/2009, 02:31

هي كلها ثوب وشماغ واندرويرات :d:

واكيد يعني بيكون جاهز :d:

وطبيعة لبس الرجال غالبا اعتقد كذا .. ولا لا ياشباب ؟؟

البنات حوسه :s قرووووووشه ..

ياخي حنا نصحى وفي نص ساعه تتروش وتتجهز وكلشي وتفطر بعد اطلق فطور ..
الجنس الآخر هذول تقعد لها ساعه ونص تتجهز ..

انا شكلي لا اعرست بتلقى صدمة في التعامل :d:

زيـزوم

3/1/2009, 02:36

برغم بساطة الزي الرجالي إلا أني أخصص ملابس معينة للدوام فقط ، إذا رجعت بأحد الأيام من الدوام وحسيت إن الملابس ( مش ولابد ) وماتجمل بدوام بكرا أحرص تكون مغسولة ومكوية بالمغسلة قبل المغرب ...

قلبها ازرق

3/1/2009, 03:01

سواء موظفين أو طلبه :

لنا الله :cool:

ع العموم انا اقول يمكن اغلب البنات مثلي والا بس انا هالحاله معي:req: اختار لي لبس واذا تسان يبي غسيل وكوي ابد اسويه لااااااازم قبل لاانام ولما اجي باالبسه من باتسر والا انا مغيره رايي ولابسه غيره هاذي الحاله معي طول اياام الدراسه وحتى في المناسبات احد مثلي ؟
عالعموم انا من النوع اللي يجهز ويحوس ابد مااخلي شي للصباح لازم ويمكن ماانام والا وانا مخلصه كل شي ومنقيه وحاااجه صعبببببه صراحه وجع راس وربي :d:

زعيم نصف الارض

3/1/2009, 06:04

راس مالها ثوب وشماغ ويمديك بعد تتروش وتفطر في أقل نص ساعة ولا يحتاج لا ترتيب من الليل ولا شي لأن ملابس يومين او ثلاثة ايام جاية لازم تصير جاهزة قبل عشان كذا ما فيه تعب ولا شي ..واتوقع كل رجال كذا الاختلافات بسيطة ..

الحوسة اتوقع عند البنات و لا ينلامون هذي طبيعتهم لو بتروح تشتري مقاضي تجهزت وشلون اذا بتروح لجامعة ولا دوام وبتقابل ناس ..

ابوسعد الهلالي

3/1/2009, 06:27

الملابس عندي تتجهز(غسيل وكوي) بشكل اسبوعي في الويك اند.. بس الاختيار ماتفرق معي الصباح اللي جاهز البسه بدون تفكير ..

الـقـيـصـر الـبـافـاري

3/1/2009, 06:37

ما أختار من الليل بس أصحى من النوم قبل الدوام بأكثر من ساعتين و بهالوقت يمديني أنقي وش راح ألبس ، (himo)

حبايب

3/1/2009, 08:19

أهمّ شيئ الكرفطه .. :d:

مشكلة الألوان هي اللي تلعن خيرك و انت توك صاحي من النوم خصوصاً اذا صرت نايم متأخر و صحيت متأخر و لا جهزت نفسك لدوام .. !!

شيئ طبيعي نطبق مقولة الصباح رباح .. ألسنا سعوديين ..؟(himo)

السـامـر

3/1/2009, 08:45

والله بالنسبه لي ما أشيل هم لاني متعود ع ان جميع ثيابي وشماغاتي مرتبه
ماعلي الا اصحى الصباح وافتح الدولاب واختار واحد منهم والبس وامشي
الحيره خليناها للبنات (himo)

جـuـفـnـتـuـس

3/1/2009, 13:59

المسألة بسيطة للشبآب كلها ثوب وشماغ طبعا" قليـــــــل اللي يجهزون ملابسهم من الليل ..

يعني نقوم 7 ونص والدوام الساعة 8 ونفطر ونلبس ونوصل قبل لا تبدآ المحآضرة .. >> 10 دقايق مسافة الطريق للجامعة (himo)

هلال العرب

3/1/2009, 16:22

في الغالب أكون عارف من الليل وش راح ألبس في صباح اليوم التالي .

9الحبيب9

3/1/2009, 17:10

الحمد الله الرجال مب راعين خمقة البنات طعشين دقيقة عشان تصفيفة شعر

لورين

3/1/2009, 21:45

أنآ والله أكون حاطه في بالي وش البس من مغرب اليوم اللي قبله

وهي تكون جاهزه ومغسوله ومكويه وخالصه يعني يجي الصبح اطلع لي لبس وأخلص

على ان هذي الشغله تسبب لي صداااع وانا أفكر وش البس :cry:

وأطوول مره وانا افكر واطلع لبس لو أجلتها للصباح

لدرجه اني احيانا اغيب لو تأجل اختيار اللبس للصباح

وبس تسذآ

انسـان عادي

4/1/2009, 00:10

...

الصبـاح ربآح

ماعمري فكرت وش آلبس الليـل إذا قمت شفت وش عندي ..

...

[messi]

4/1/2009, 01:28

في الصيف سهله اي ثوب وشماغ

لكن الشتاء وخلاقينه ما تخلص!