[[ ســــــــــــؤال الـــــــيـــــــــوم ]]

[برستيج]

http://alhilalclub2.com/2008-2009/images/todays-question.gif


نحن وانتم معاً و بشكل يومي من خلال هذا الموضوع المتجدد

لمعرفة الاراء حيال كل سؤال نقوم بطرحه .. وبكل تجرد وشفافيه

فمن يرغب بالمشاركة في الاسئلة .. ماعليه سوى ارسال سؤاله

الى احد مشرفي الساحة العامة .. ليتم طرحه ضمن سلسلة هذا الموضوع


[ ســــــــــــؤال الـــــــيـــــــــوم ]

لو جاءت لك فرصة أبتعاث للدراسه خارج المملكه وكذلك تم قبولك بجامعه بالمملكه
ماذا ستختار ( ستختارين ) ؟ ولماذا ؟

من الأخ / نايف السبيعي

[هلالي للابد !]

لو جاءت لك فرصة أبتعاث للدراسه خارج المملكه وكذلك تم قبولك بجامعه بالمملكه
ماذا ستختار ( ستختارين ) ؟ ولماذا ؟

اكيد افضل قبولي بجامعة بالمملكه

على الاقل اكون حول اهلي + ابرهم ولا اخليهم يحتاجون لغيري

ومو معناة هذا انا ضد الابتعاث لكن قناعات شخصيه

مع العلم بأني طالب بالكليه يعني السؤالين مب لي :d:

[الـقـيـصـر الـبـافـاري]

شخصيا فضلت دراسة البكالوريس هنا قريب من أهلي وفي جامعة معتمدة تتيح لي فرصة إكمال الدراسات العليا في الخارج وهذا الي ناوي عليه إن شاء الله ،، :yarab:

لكن في البداية وبعد التخرج من الثانوية على طول ؟ ، لا ! ،
لأن الشخص توه طالع من بيئة منغلقة و محصورة و الدراسة في الجامعة هنا فيها انفتاح أكبر ، ولكنها بشكل أقل من الانفتاح الموجود في الخارج ،، يعني حبة حبة ، :angel:

[انسـان عادي]

...


بمآ أني في ثالث ثانوي و آخر سنه لي والتفكير يوديني و يجيبني !

قال لي آخوي شد حيلك و أطلع بعثه لا تجلس هنا أحسن لك
قلت لا و الله البعثه انا عارف نفسي ما راح أفلح لأن دراستنا هنا أعتبرها شبه صعبه كيف برآ !؟

فـ يعني أنا مستبعدها مو لشي .. لكن أسوء الإحتمالات أني ما أنجح في دراستي ..

وأنا بصراحه مع الإبتعاث إذا كان الطـلاب عنده لغه جيده تساعده هنآك

وللإجابه على السؤال بدون كثرة كلام
أروح بعثه , لأن الدراسه هناك أفضل من جميع النواحـي ..
والشهـاده راح تفيدكـ كثير

آسف ع الإطاله

مُــعاذ


...

[زعيم نصف الارض]

وينكم اليومين اللي راحت ؟؟ ..

بالنسبة للسؤال انا الحين طالب في الجامعة بس وقت التقديم في الجامعة كان رايي مستحيل اني اروح ادرس برا الرياض فكيف بالابتعاث الخارجي يمكن اقدم على ابتعاث للدراسات العليا فقط ..

[لورين]

بالنسبه لي بكالريوس ما أفضـل لأني صغير السن طيشآني :angel:

أمآ الماستر فأن شاء الله برا المملكه وفي أستراليآ :heart:

[اغراب]

لو جاءت لك فرصة أبتعاث للدراسه خارج المملكه وكذلك تم قبولك بجامعه بالمملكه
ماذا ستختار ( ستختارين ) ؟ ولماذا ؟

بالطبع وبدون نقاش الدراسه الخارجيه
لسببين في بالي
اولهم ان الدراسه الخارجيه ستجعلني اعتمد على نفسي بشكل اكبر وافضل بينما لو كنت متواجد في بلادي وبين اهلي سيتوفر لي كل شي وبسهوله ربما ليش بتلك السهوله ولكنه سيكون اسهل من الغربه وهذا مايجعل الدراسه بالخارج وبظروفها الصعبه تجبرني على التكيف مع جميع الظروف
وثاني الاسباب ان الشهاده الخارجيه يتم قبولها لدينا بل وتفضيلها كان الدراسه الخارجيه فقط من يوجد بها صعوبه
او اننا هنا نتخرج بكل يسر وسهوله

[مـفـعـال]

الدراسة في الخارج أسهل وأقوى شهادة ،،
وهنا أنسب لطلبة البكالوريوس بالذات.

[يوسف الثنيان لاعب فنان]

السؤال ماينطبق علي بحكم تخرجي من الجامعة

لكن لو عاد الزمن إلى الوراء كان ما دخلت الجامعة بالاساس (لأسباب شخصية)

مشكور على السؤال المهم اخوي نايف :heart:

[ابوسعد الهلالي]

على حسب الضروف ..

لكن اتوقع انها برا هي اللي بتفوز ..

لان الشهاده من برا اقوى وافضل وتكتسب لغه ..

[•●Ś£ЯĞįǾ ●•]

بـ النسسبه لي لو تحصل طلعت حتى لو اليمن ..

لآن مستوى شهادات الجامعات السعوديه ضعيف مقارنـه بالخـاارج

[ابو الريش]

الحمد لله توفقت إني انقبلت بالخيارين سواء جامعة الملك سعود أو الأبتعاث عن طريق وزارة التعليم العالي

وبعد مشاوره واستخاره اخترت الابتعاث واخترت كندا بين الدول المفتوحه .. والحمد لله ربي وفقني وكل شي على أتم حال .. واستفدت اشياء ما اتوقع راح تمر علي نهائيا بحياتي .. والحمد لله تعلمنا الاعتماد على النفس واكتسبنا اللغه وفتحنا عقولنا على الدنيا ..

ولو عاد الزمان 1000 مره راح اختار الدراسه بالخارج وبنفس الدوله ونفس المدينه ونفس الجامعه !

تحيتي للجميع :)

[الروســــم]

أعتقــــــــــد بين أهلي ويـــــــــاااالله السلامة

[Dr. 2'S]

بديهيّ ..
برا ، شهادة قوية + لغة تمام ..

[السـامـر]

حصلي هالشيء ولكن امي الله يحفظها وقفت ضدي
ماتروح ماتروح سمعت كلامها ودرست في جامعة فيصل
والصراحه في بلدك معزز مكرم ولا في الغربه مُهان من قدرك

[نوااااااااف11]

والله على حسب يابرستيج
كان الشخص يشوف انه راح يحط في باله دراسه ومايلعب من هنا ولاهناك على بركة الله
وان كانه نص ونص يجلس بديرته اصرف

[!!RIVALDO!!]

اختاااااارالابتعاااااث بدوون تردد

بس للاسف مابقي لنا شي في جااامعه الغفلة :lkj:

[نايف السبيعي]

عندما أنهيت دراستي الثانويه قبل عامين .

كان طموحي هو تكميل دراستي خارج المملكه .
وبالتحديد بلندن في بريطانيا . لأنني قرأت عن جامعات هناك الكثير والكثير من الأشياء الرائعه

وبعد ذلك أخذت تقدير أمتياز وقررت أشد الرحال .
الأهل طبعا عادي الوضع لأنهم يعرفوني ويعرفون شخصيتي ويعرفون ما اريده انا .
فما قالو الا الله يوفقك .

وبالمناسبه تخرجت انا وعيال اخواني اثنين من الثانوي وكلنا تقديرنا ممتاز الا واحد87 ..
المهم كلهم رفضو يغتربون ويدرسون برا . لأن العروض الي جائتنا بذلك الوقت يسيل لها اللعاب من أخواني .
والشباب أختارو يدرسون بجده وكل واحد جات له سياره جديده .
ولو جلست انا هناك لحصلت على سياره ومعاهم بنفس الشقه .

ولكن انا الحين الحمدلله أموري ماشيه تمام مع ان التخصص الي أدرسه يعد من أصعب التخصصات ببريطانيا .
وجامعتي رقم 3 في بريطاينا بعد كامبرج واكسفورد .. والحمدلله انها بلندن .

والي يقول الدراسه برا سهله ماعنده سالفه بصراحه .
بالخارج صحيح انت امام طريقين يا فوق ياتحت . اقصد يا تتهور وتضيع بالشهوات والملذات ياتسلك طريق التميز والله يوفقك .
فالي يقول سهل هل تعلم لغه جديده شي سهل ؟

صرااحه الحياه بالخارج رائعه .. والي يقول ان الواحد يضيع وما الى ذلك .

انا يوم طلعت بريطاينا كان عمري وقتها 17سنه و9 أشهر .. والحمدلله ماوجهت أي شي ممكن يضيعني والخ ...

أهم شي الثقه بالنفس والعزيمه والأصرار والتحدي مع النفس في أمور كثيره .

سباسيبا يا برستيج وسباسيبا لكل الي مرو ع السؤال ..

:)