المساعد الشخصي الرقمي

مشاهدة النسخة كاملة : [[ ســــــــــــؤال الـــــــيـــــــــوم ]]

برستيج
19/12/2008, 01:36
http://alhilalclub2.com/2008-2009/images/todays-question.gif

نحن وانتم معاً و بشكل يومي من خلال هذا الموضوع المتجدد

لمعرفة الاراء حيال كل سؤال نقوم بطرحه .. وبكل تجرد وشفافيه

فمن يرغب بالمشاركة في الاسئلة .. ماعليه سوى ارسال سؤاله

الى احد مشرفي الساحة العامة .. ليتم طرحه ضمن سلسلة هذا الموضوع


[ ســــــــــــؤال الـــــــيـــــــــوم ]

فيه ناس تعشق الاجواء البارده .. وفيه ناس تفضل الاجواء الصيفية

من وجهة نظرك .. ايهم افضل .. ولماذا .. ؟؟
زيـزوم
19/12/2008, 01:42
بالطبع أحب الأجواء الباردة ، لدرجة إني بالشتاء والبرد أشيل هم الصيف اللي مايجي الا بعد 4 أو 5 شهور .
الأجواء الحارة تسبب لي ضيقة صدر ، والواحد مايطيق حتى نفسه :Bad:
بالإضافة إلى إن ليل الشتاء طويل والشخص يقدر ينام ويشبع نوم أو يقضيه بشيء ممتع إذا كان فاضي باليوم التالي .

البرد اللي أتكلم عنه البرودة المعقولة ، ماهو مثل البرد العقوبة اللي على حايل >> 4 تحت الصفر وانت رايح :q:
انسـان عادي
19/12/2008, 02:17
...


الباردهـ آكـيد

الجو البارد حلو .. بعكس الحار تعرق و تخيس بسرعه :d:
لكن البارد يكون فيه طلعات سواء للبر او اي شي ثاني أكثر من الصيف
الليل طويل .. ماتشبع نوم وانت نايم فالشتا خخخ
تجي فيه الأمطـار ألي نطلب الله انه ينزلها علينا قريب بإذن الله

شكـراً برستيج

مُــعاذ


...
زعيم نصف الارض
19/12/2008, 02:28
تقريبا مميزات الشتاء اكثر من مميزات الصيف مع اني ما احب الاثنين :req: ..

الشتاء ليله طويل (( اليوم رحت لخوالي وجلست عندهم لين مليت ثمن رحت لعماني وجلست عندهم لين مليت ثمن رجعت للبيت وعلى النت لين زهقت والساعة ما وصلت 1ونص )) وجلسات السوالف فيها احلى واذا صار برد يمديك تدفي نفسك .. لو البرد بس نفتك من الهوا يصير تمام للاسف انا شخص لو تمر سيارة مسرعة وجعني راسي من هواها فكيف اجل بهوا هاب من شمال ويلفح الوجه :q: ..

اما الصيف ميزته ان نهاره طويل ويمديك تخلص اشغالك لطول الوقت بالنسبة لي اذا غربت الشمس خلاص تتعطل كل المصالح وتصير معلق لين باتسر .. وفيه ميزة غير طبيعية انه يمديك تنوم بعد صلاة الفجر لين وقت الدوام جامعي او الوظيفي :d: .. مشكلة الصيف انه لو صار حر ما لك الا المكيف والمصيبة اذا كان المكيف ضعيف بتصير الاخلاق حلوة :Bad: بعكس الشتاء يمديك تسوي توازن لجسمك ..


فيه مميزات للاثنين وسلبيات بس هذا اللي ذكرته ..
جـuـفـnـتـuـس
19/12/2008, 02:38
الشتآء طبعا" ..

ليل طويل وشبّة ضو يالله لك الحمد ..

وإذا تدفيت تحس بمتعة ..!

أما الصيف وشموسه وخياسه فماله حل :(
мŕ.мάήşόùя
19/12/2008, 03:18
مافيه احد يحـٌـب الصيف الا الضـٌـب > :mfhi:




;)
الــــنــــاقــــــــد
19/12/2008, 06:27
8
8
كنت داخل ابكتب الأجواء الحارة بس ابغير بعد ردك:jhgy:

لإني وعلى رواية ( بور ) دُب مش ضُب:d:
Dr. 2'S
19/12/2008, 07:23
مافيه احد يحـٌـب الصيف الا الضـٌـب >

هههههههههههههههههههااي .. ،

||

الأجواء الصيفيـة طبعـا ً أفضـل ..
ماأدريّ ليه كذا أكرهـه الشتاء ، برد يوجع وأمراض وحوسـه ..أما الصيف حتى بالعرق يهبل .. ،
مـ ج ــرد حلم
19/12/2008, 07:52
الشتـاء ..وياماحلى شبت النار فيه (himo) رحلات وعلووم تسر الخاطر

امـا الصيـف حر وشمس وكتمة انفآآس.. ماتقدر تتطلع من البيييت تحت المكيف واذا طلعت ..في السيارة ماتقدر تنزل من عند المكيف..!!



ويازين البرد تكثر في الكشتات والعلوم الحلوهــ
وشبت النــار,:love:


http://www.pc4up.com/im4jpg/xvm03758.jpg (http://www.pc4up.com/)









برستــيج:br:
لورين
19/12/2008, 11:12
والله كل واحد له مميزات عندي

بس أني احب الشتاء أكثر لأني أقوم 5,30 وانا شبعانه نوم

وبالنسبه للبس أشوف ملابس الجامعه والطلعات

الشتويه أكشـخ من الصيفيه ويبآن في هالفصل الأنسآن الكشخه من الخرطي

وطلعات البر فيه حلوه بعد ..

و أنك أذآ عم الهدوء جلستكم تلقى شيء تهرج فيه مثلا تقول اتشيييييي برررد :d:

بس عيبه ان داايم ودك تحت البطانيه وماتتحرك

وبس تسذآ
علي معتـوق العمـــري
19/12/2008, 11:36
مافيه احد يحـٌـب الصيف الا الضـٌـب > :mfhi:
;)

خربت الموضوع علينا :angel:

انا اكره البرد واحب الحر لدرجة اني ابرد في الصيف :angel::angel:
mr.google
19/12/2008, 11:43
البرد :love:

البرد تقدر تحتمي منه (himo)
زعيم ميلان
19/12/2008, 13:07
ماتفرق عندي(himo)
هلال العرب
19/12/2008, 13:40
البرد أفضل عندي من لواهيب الشمس في فصل الصيف
أصعب ما يواجه الإنسان في فصل الشتاء هو الأطفال وتعرّضهم الدائم لنزلات البرد
وغير كذا تلمّم بالبشت والفروه والبجايم وادهن عمرك بالودتس وما عليك


برستيج ... :br:
Hard
19/12/2008, 14:43
الصيف احسن طبعا يكفيك انك لابغيت تنام تكون خفيف ومرتاح ماهوب فوقك 20 كيلو من الصوف ومختنق وحالتك حالة ..

اما البرد فوق انه يوجع بالعظم وانواع الامراض والمعاناة مايخليك تعرف تتحرك ماغير قاعد في زاوية ومتلحف كنك مسوي جريمة ومتخبي..:Bad:
ثــامـر
19/12/2008, 15:21
الصيف احسن طبعا يكفيك انك لابغيت تنام تكون خفيف ومرتاح ماهوب فوقك 20 كيلو من الصوف ومختنق وحالتك حالة ..

اما البرد فوق انه يوجع بالعظم وانواع الامراض والمعاناة مايخليك تعرف تتحرك ماغير قاعد في زاوية ومتلحف كنك مسوي جريمة ومتخبي..:Bad:


بالاضافه بالشتاء تستثقل الطلعات والمشاوير خاصه بعد صلاة العشا , وماغير قاعد بالبيت

وولكم باك هارد :wr:
رسّــاوي
19/12/2008, 16:01
بالنسبة لي .. أفضل الشتاء و البرد ..

إلا بعد أحب الشتاء ..

جمال الشتاء .. إن نهارهـ (( قصير و لطيف ))
و ليله (( طويل و ونيس ))

أحب في الشتاء ..

شبة النار .. طلعات البر .. الليل الطوييييييييييل ..
أحب في الشتاء .. الفروة :angel:

حتى الثوب الملوّن .. يخفي الزوائد و الشحوم :d: << لا أحد يتوقع إني (( دب )) بس الثوب الأبيض يطلعني دب .. مدري ليه :angel:

لكن .. الصيف - أعوذ بالله -
الله يعيننا عليه ..

أنا مثل زيزوم .. شايل هم الصيف من هالحين ..

بالصيف حتى (( بطولات كرة القدم )) نادرة ..
عكس الشتاء اللي (( معظم بطولات كرة القدم في العالم )) تكون خلاله ..

وأنا شخص لازم أشوف مباراة وحدة على الأقل في اليوم .. لو أتابع الدوري الموريتاني :angel:


هذا كله بخلاف ..
الدوام في الصيف - أعوذ بالله .. أعوذ بالله .. أعوذ بالله - << يعني أوريكم وشلون الدوام بالصيف شين :d:
يوسف الثنيان لاعب فنان
19/12/2008, 22:21
الصيف ازين بمليون مرة

اذا مت حر شغل المكيف واشرب حمضيات ويروح الحر

اما الشتاء محجوز بالبيت وتعجز حتى تروح للبقالة من البرد
мŕ.мάήşόùя
19/12/2008, 23:15
الصيف ازين بمليون مرة

اذا مت حر شغل المكيف واشرب حمضيات ويروح الحر

اما الشتاء محجوز بالبيت وتعجز حتى تروح للبقالة من البرد


البس فروة وماعليك < :angel: