[[ ســــــــــــؤال الـــــــيـــــــــوم ]]

[الملك الازرق]

http://alhilalclub2.com/2008-2009/images/todays-question.gif

نحن وانتم معاً و بشكل يومي من خلال هذا الموضوع المتجدد

لمعرفة الاراء حيال كل سؤال نقوم بطرحه .. وبكل تجرد وشفافيه

فمن يرغب بالمشاركة في الاسئلة .. ماعليه سوى ارسال سؤاله

الى احد مشرفي الساحة العامة .. ليتم طرحه ضمن سلسلة هذا الموضوع


[ ســــــــــــؤال الـــــــيـــــــــوم ]


هل تعتقدون أن المدارس والجامعات السعودية تعد الطلاب بالشكل الذي يهيئهم للخوض في سوق العمل بعد التخرج أم لا ؟

[مـ ج ــرد حلم]

مو ذاكـ الزووووووود.. وابتكلم عن التعليم العالي((الجامعـات
والاختلاف من وجهة نظري في..!!

بالنسبة للجامعات تعد الافشل على مستوى الخليج
لاعلم ولا طموح بس حضور وغياب
اكثر شي يهتم له الطالب الجامعي والدكتور هو الحضور والغياب والبحوث!!
والله نادر تشوووف دكتور يتناقش مع طالب حو مسأله مــآ
كله يبي ينهي المحاضره ويضرب الباب!!
والخسران في الاول والاخيييييييير هو طالب العلم بعد التخرج يرووح لوظيفته وهو ماحولكـ أحد:angel:
ماكنه درس شيء...!!

والله ناس موظفين في اقسام حاسب!! مايدري وين ربي حاطه ..والسبب تخرج من الجامعه وهو فالهـا ومبسوط على باله ان الوظيفه شي سهل مايدري انه يبي لهـ علم في اشياء وخبره استفـادهـا من دراسته!!


والله نادر تشوووووووف طالب طموح وهم قله..
واكثرهم :noo: للخارج ومعه حق!!




وفيه شي ثاني تعاني من جامعات المملكه الحبيبه!!

الواسطه..
دخول طلاب ع حساب طلاب في تخصصات هو أمر مخجل للغايه طالب يجيب 96 ويبي يدخل الهندسه ولا يقبل وطالب يجيب 89 ويدخل الهندسه!!

يعني بآختصار جامعاتنـا ماعندك أحد!!
يالب جامعــات الاردن!!


وفيه نقاط ودي اذكرهــا تتعلق بالتعليم العالي هنــا..
1-الطلاب لم يعد طموحهم نيل العلم والتفوق الدراسي أصبح هدفهم التخرج فقط..
2- للاسف هنـاك((دكاترة)) والله ان اشك ان عندي شهادة جامعيه لا علم وأخلاق مع الطلاب
3- بالنسبة لسووق العمل اعتقد الوضع اصبح مختلف ((جب لي شهادة جامعية ولو بمقبول واتوسط لك ولوفي الامنيه لو تبي)) هذا داء الواسطه

والله يالملكـ انهم جامعين يبيعوون في سوق خضــآر...والسبب ؟؟


الله المستعان والله يوفقني وأتخرج واحصل لي وظيفة زينه!!يارب
:(:(



الملكــ:br:

[abo wdee3]

بسم الله الرحمن الرحيم .. والصلاة والسلام على أشرف الانبياء والمرسلين نبينا محمد وعلى آله وصحبه أجمعين , أما قبل :

الحقيقة يا اخوان أنا أطالب باغلاق سوق العمل الصراحة .. يعني الصراحة عليه متطلبات عجيبة والواحد ما يدري من وين يلقاها معه من هالحريم والا هالمدارس الصراحة .. فمحنب ناقصين يجي سوق تالي أعمارنا يقعد يتطلب والله اني من عرفته سوق العمل وهو يتطلب الصراحة هذا غير ان ما سبب عندنا الزحمات في الشوارع الا كثرة الأسواق .. أنا مع اغلاق اي سوق يتطلب بشرط ان يتم تعويض اصحاب المحلات اللي بالسوق بمحلات في حجاب وعتيقة واللي محله كشخة شوي يعطونه محل في العويس يعني عشان كلش ولا قطع الارزاق ..


أما بعد :
إطلاقاً ما تهيأك .. للأسف الجانب التطبيقي وهو الأهم لسوق العمل الاهتمام فيه ضعيف ان ما كان مفقود وكلنا عارفين ومتأكدين من الشي ذا لكن ابتكلم عن تجربتي شخصياً , انا يا طويل العمر أدرس انجليزي ممتاز ؟ الآن معدي مراحل المفترض اني ما أعديها الا واصير أرطن لكن الدعوى وسع صدرك صم الملخص وخلك ذكي وانت تذاكر واعرف وش تذاكر وبيض وجهك بالورقة وتنجح .. والله لو بتكلم انجليزي قعدت انتع كني المازدا حقت بريستيج .. الظاهر اني اذا تخرجت قبل لا أبدا أقدم واروح مقابلات شخصية يبي لي أطمر لي أقل شي 6 شهور لدولة تتكلم انجليزي عشان اظبط وضعي ,, والا على كذا سوق العمل يتعذرني الصراحة خصوصاً انه نفس السوق اللي يتطلب ناس اعمارهم لا تزيد عن 23 سنة ومعهم خبرة 10 سنوات ما شاء الله عليهم مدري وشلون .. وعلى فكرة ترا الدعوى ففتي ففتي يعني زي ما يتحمل نظام التعليم نسبة كبيرة من هالخطأ انت برضو يالطالب عليك مسؤولية لازم تطور نفسك < يسمع بالفيفتي فيفتي ..

سبحان الله وبحمده سبحان الله العظيم .. دعواتي للجميع بختام كويس لاسبوع العمل هذا وويك اند حلو يارب ,,

[فريداوي]

ما اعتقد فيه أي تهيئة
لأن بوجهة نظري أكثر من نص المتخرجين أصلاً يتوظفون بمجالات بعيدة كل البعد عن تخصصهم

:)

[عاشق العثرات]

والله ماشاءالله عليك يابو وديع مجتهد بمواضيع الاسئله هذي ..

مرحلة البكلوريوس هي مرحلة يفترض انها مرحلة تثقيفية أكاديمية، ويدخل فيها ايضا الجانب التطبيقي حسب نظام الجامعة. لكن الأهم من هذا هو مدى قوة هالتثقيف والتدريب في حال وجود تدريب .. أول كنت ألوم الجامعات على تشتيت الطالب بمقررات خارجه عن تخصصه، لكن اتضح لي مؤخرا ان الحب اصلا كذا ! + ان الجامعه ميب ميكروويف دخل فيه الطالب ويطلع لك فل اوبشن .. لازم الواحد يشتغل على نفسه

واللي يبي يتعمق في تخصصه يرجع خمسة متر ثم يجي مجلعد ويطب محيفره في مرحلة الماستر وما بعدها ..
اما عن علاقة الجامعة بسوق العمل، فهذي مثل علاقتي بنانسي عجرم. والمفترض وانا اتكلم ترى عن المفترض.. انه يكون فيه علاقه بين مخرجات التعليم ومتطلبات سوق العمل. هذا من ناحية. من ناحية ثانية. عندنا مشكلة أساسية يجب ننظر لها بعين الاعتبار، وهي تكدس الطلاب في تخصصات دون أخرى + مشكلة الواسطة. هالنقطتين هذي سببت لنا أزمة في سوق العمل وكذلك في الجامعات. وابعطيك مثال بسيط. نسبة كبيرة من الطلاب الآن لو تسألة وش تبي تتخصص يقول لك والله طب .. او هندسة او ادارة. هذي ثلاث تخصصات مطلوبة بشكل قوي جدا وتقفل نسبة دايم. والسبب اجتماعي بحت. الناس تبحث عن البرستيج في هالتخصصات الادارية او الطبية او الهندسية. وتتجاهل فعلا قدراتها هي او رغباتها. وبعضهم قد يكون مغصوب. الشيئ هذا مع الوقت. سبب تكدس في هالتخصصات وصار تقريبا فيه قصور في بعض اماكن العمل اضطروا يسدونها بالاجنبي او بغير المتخصص او باللي متوظف بالواسطة. فيه مشكلة ثانية ايضا جت من نفس الشيئ، وهو موظف الواسطة اللي اخذ فرصة الأكفأ وصار فيه قصور في أداء العمل وتسيب وفلة حجاج وخلافه. لذلك صار المتخصص مثلا في التاريخ يتوظف في مكان المتخصص محاسب وهكذا. إلين صار فيه خلل بين مخرجات التعليم ومتطلبات السوق حتى في سوق العمل نفسه صار خلل. فلاحظ ان المشكلة اساسها ينطلق من الناس انفسهم. فلو افترضنا ان الطالب اللي يحب التاريخ يدخل تاريخ ولا يروح مثلا يدخل لي هندسة علشان الناس تقول له يا مهندس. كان كل لقا فرصته في سوق العمل. لكن التكدس في تخصصات والواسطة والبهرجه واشياء كثيرة تدخلت في هالمشكلة. الا على فكرة سؤالكم وشو ههههههههههههههههههههههههههههههه

[هلال العرب]

هل تعتقدون أن المدارس والجامعات السعودية تعد الطلاب بالشكل الذي يهيئهم
للخوض في سوق العمل بعد التخرج أم لا ؟
بـ النسبة للمدارس ( من الإبتدائية إلى الثانوية ) من المستحيل أن تُــعدّ الطالب وتهيئه للخوض في سوق العمل لسبب بسيط وهو أن كل مرحلة من مراحل الدراسة في هذه المدارس لا تستطيع أن تهيئ الطالب للمرحلة التالية .

أما الجامعات فأعتبرها محطة توقف للكثير من الطلاب للحصول على مسمى ( شهادة جامعية ) ومن ثمّ العبور إلى الوظيفة أيآ كان مسمّاها سواء أكانت وظيفة رسمية أم على نظام البند , وهناك القليل جدآ من الطلاب الذين هيأتهم الجامعات للخوض في سوق العمل ولكن في مجالات معينة كـ الطب والهندسة .



شكرآ أيها الملك ... :br:

[رمــش ســامــي]

راح اتكلم عن المدارس ولا راح اتكلم عن الجامعه لاني ما وصلتلها

المدارس تعد ولاكن بنسبه معينه وتتراوح بين مدرسه واخرى خاصتاً بالوقت الحاضر

[ازرق احبه]

اي اعداد الله يرحم حالنا بس
الطالب اللي باول ابتدائي يسحب وراه خيشة فيها عشرين كتاب وهي باول ابتدائي
والمدرس اول مايدخل بس ينظر متى يرن الجرس ويطلع

ههههههه يا ابن الحلال الدعوى ضايعه ونا اخوك والتأهيل الوحيد عندنا لسوق العمل هو الواسطه فقط لاغير

عندك ؟ ارقد وامن
ماعندك؟ حط ملفك بالدرج وطق العصبه ولا يردك الا سوق الخضار او التسحب في الاستراحات

هذا واقع اغلب شبابنا الله يفتح عليهم ويسهل امورهم يارب ياكريم