شبكة الهلال .... ايجابيات وسلبيات !!!

[هاوي الهلال]

تحياتي للجميع ...


بعد مرور مايزيد على الشهر على افتتاح هذه الشبكه الرائعه .. بالتاكيد .. جميع متابعي هذه الشبكه لاحظ اهم ايجابياتها وسلبياتها (وبالتاكيد مادام هناك عمل فهناك اخطأ) ..

وبما ان هذه الشبكه لنا جميعا كهلاليين ... فمن حق الجميع المشاركه في كشف مايجده من سلبيات ..

لذا اتمنى من الجميع المشاركه ..


وابدأ بنفسي :

الايجابيات

لعل مايميز هذه الشبكه الغاليه علينا امور عديده ولكن اهمها على الاطلاق نقطتين وهما :
1_ اعطاء الحريه لطرح الاراء .. وعدم فرض رأي اي شخص مهما كانت مكانته ومهما كان حجمه .
2_روح الاخوه بين الجميع والعمل كفرد واحد فلا يوجد فرق بين عضو او مشرف



السلبيات
كما قلت سابقا بما ان هناك عمل فهناك سلبيات .. ومن وجهة نظري ان ابرز هذه السلبيات هو المثاليه الزائده لدى المشرفين ..
صحيح انا مع مقولة سفر انهم يعملون ويتركون الكلام للاخرين .. لكن هذا لايمنع ان يحفظوا حقوق هذا الشبكه الرائعه .. باي طريقه كانت


اتمنى مشاركة الجميع


تحياتي
خالد

[بنت الرياض]

السلام عليكم ورحمة الله وبركاته


اهلين بهاوي الهلال :)

احب اقول انا ماتابعت المنتدى من بدايته ولكن انا اقول ان هذا المنتدى حلووو ومريح للاعضاء.


موضوعك حلوو جداً .

شكرا على الموضوع :) .

[barbie_ksa]

سلاااااااااااااااااام ياقدع



مااقول الا موضوع رهيييييييييييييييب وحلو مع اني مالي كثيير في المنتدى بس موضووع


شييييييييييييييق وجمييل ويستحق النقاش والتعليق
لووووووووووووول


ادري ودك تصفقني لاني جالسه اتفلسف :p

مع تحيات باربي العسوله
ملااااااااااااااااااااحضه
يمكن انهبل يمكن انجن يمكن اسوي حركات اكشن هل يوميين
بسسبب الاختبارات معلييش تعرفوون ثلاث وهبالها

[هاوي الهلال]

مشكورات ( barbie_ksa) و (بنت الرياض) ..

على مشاركتكم ...


بس والله مشكله ماردوا علي الا بنات ....

الحين بينشبون المشرفين في حلقي ويجيبوا الهيئه ..

بس والله مالي ذنب هم اللي ردو لحالهم :p



تحياتي
خالد
:)

[طلال]

وين مشرفي المنتدى العاااااااااام ؟؟؟؟؟

شكلهم نايمين :p

الموضوع ياهاوي الهلال المفروض تكتبه في منتدى الملاحظات مفهوووووووم :rolleyes:

وبعدين ياخي ماعندنا سلبيات كلنا ايجابيات في ايجابيات :p <<<<------ مصدق نفسه :D


نفسي اعرف ايش تقصد من المثالية الزايدة ياخالد ;)

بنت الرياض وباربي :)

اثنينكم كاتبين موضوع حلو!!!!!

نفسي اعرف وين الموضوع اللي كتبه هاوي الهلال ;)

كل اللي كتبه ملاحظتين وسلبية ;)

ولابينكم منافسة للظفر بالخالد :D

لاتغركم مواضيعه تراه من جنبها :eek:

ومتزوج وعنده عشرة عيال :p


اخوكم

أبو فيصل

[علي معتـوق العمـــري]

الاخ العـزيـز / خالد الهلال :confused:

موضوع رائع بس كان ودي تتوسع اكثر !!!!

الايجــابيــات :

- روح المحبة والاخوة بين الاعضاء ثم بين الاعضاء والمشرفين السبــ 7 ـــعــــــة .

- حرية الرأي التي منحها المنتدى قوبلت بالاحترام من الاعضاء عمليا ؟؟ بحيث لم يستغل احد ذلك في الاساءة لمن يريد انتقاده ... ومن شذ عن القاعدة فنيته مطيته !!

- منتديات بلا مشرفين ؟؟ لان الاعضاء واعين وفاهمين وحالات تدخل المشرفين قليلة وهنا يحسد المشرفون على هؤلاء الاعضاء :D

- التقنية العالية للمنتدى وذلك بسبب خبرة المشرفين الكبيرة وامتلاكهم لدراية تامة عن الانترنت والكمبيوتر .



السلبيـــات :

- تفاعل الاعضاء مع المواضيع قل الايام الاخيرة وقد يكون للاختبارات دور في ذلك ..... نتمنى ان يتفاعل الاخوة مع مواضيع المنتدى بشكل اكبر ....

وفي الطريق مفأجأت تعدها الادارة ..... ومفأجأت اخرى يعدها بعض الاعضــاء وستكون ممن يطلع عليها قبل نشرها بس أخاف اي بنت تسألك تضيع وتعلمها !!!!!


ومرة اخرى مشكور يا خالد ولاتهتم من الغيورين امثال طلال وسفر :D تراهم مقهورين من ردود البنات عليك وانتبه تراهم يحيكون مؤامرة لايقافك بس الاولاني رفض الفكرة جملة وتفصيلا وينوي تشفيرك على منتدى الرياضة العالمية فقط:confused:

[ارفع راسك انت هلالي]

اشكرك على طرحك لهالموضوع المهم..

اعتقد ان شبكه الهلال وبدون مجامله الى الان تمشي في الطريق الى الكمال ..

بصراحه مالاحظت سلبيات...

يعني الشئ الواضح للجميع روح المحبه بين المشرفين والاعضاء والجهود المبذوله من اداره الموقع لنجاحه والله يوفقهم..


الله يديم المحبه بين الهلاليين....

[ابو الذهب]

الاخ هاوى الهلال.........

اعتقد انه مابعد جاء الوقت لكى نحكم على ايجابيات وسلبيات الشبكه.. فأنت تعلم انها لازالت فى البدايه .

ولك تحياتى:)

[الشاطر]

هلا هاوي

يعني لازم تكتب مواضيع بايخه عشان تجذب البنات لك:mad:


وين الهيئه عنك بس

اتمني لو يحطوني عضو بالهيئه والله لااطفشك من المنتدي:D

عموما ياغالي اللي قلتها كلها ايجابيات والله يديم الايجابيات علينا:)

[هاوي الهلال]

تحياتي ...

طلو ابو فيصل
انا معك ان الموضوع مفروض انه في الملاحظات لكن هذا لو اني حاطه للمشرفين بس انا حاطه للاعضاء .. ماادري انت وش خلاك تشارك معنا :D

وبعدين ردود البنات حتى انت ابو فيصل بتظلمني .. مالي ذنب حبيبي ;)


الغالي ابو معتوق
مشكور على تنويرك الموضوع .. وعلى ارائك القيمه يالغالي ...

بس .. حتى انت ظالمني معهم .. البنات .. في المنتدى مجرد اخوات .. لايهمونك الاسطوره وسفر وطلال :p




ارفع راسك انت هلالي
مشكور على مشاركتك يالغالي


ابو الذهب
مشكور على المشاركه يالغالي .. ويمكن لسه بدري على الحكم بس البدايه مشجعه وان كان فيه سلبيات لازم نقولها علشان نتلافاها مستقبلا


الشاطر خالد
وش جايبك وراي الحين :mad: ترى يدورونا وممنوع التجمع هالايام :(




تحياتي
خالد
;)

[سويهر الليل]

مشكور ياخوي هاوي الهلال00فعلا موضوع يستاهل النقاش مع اني جديد على المنتدى الا اني اشوف جميع الاخوان مرتاحين وانا اولهم وباين هذا من ردودهم0
تقيل تحيات سويهر