بنات النت ..!!!

[هاوي الهلال]

هاااايااات

كيفكم داجين وداجات :rolleyes:

موضوعي عن بنات النت ..


وهل النت مكان لفساد .. ومكان أمن للفتاه لتفعل ماتريد بعيد عن اعين الغير :confused: :confused:

الكثير من الشباب ينظر لبنات النت على انهم ( :ignor: )
والكثير يقول مستحيل اثق في بنت تعرفت عليها عن طريق النت

ولكن هل الوضع هذا عام وشامل على جميع البنات ؟؟

بالتأكيد لا ..

فيجب الا تكون نظرتنا عامه ..
فالذي يتحكم في هذه النقطه هي اخلاقيات ونشأة هذه الفتاه

فأذا كانت الفتاة ذات خلق ونشأت نشأه صحيحه وعلى اسس
بالتأكيد لايفرق معها اذا تواجدت على النت
او لم تتواجد ..

فالنت مثله مثل غيره من امور الحياه

فالفساد موجود في كل مكان في المنازل والاسواق والمدارس وعن طريق الاصدقاء
والتلفونات والجوالات
والان ايضا عن طريق النت والمواقع المشبوهه او حتى عن طريق الماسنجر ..

كما هو الوضع خارج النت .. ونجد بنات محافظات على انفسهم
نجد ايضا بنات .. استغلواا عدم رقابة اهلهم او حريتهم في امور تفقد الفتاه امور كثيره ..


للاسف مازال البعض صاحب نظره قاصره
ويحكم على الشئ من زاويه واحده
فقد يكون سمع عن بعض الانحرافات عن طريق النت ..
فعمم هذا الشئ على الجميع

الوضع نفسه ينطبق على الشباب
لكن الوضع يختلف لان الشاب مهما فعل لا تكون نظرة المجتمع له مثل اي غلط يصدر من الفتاه ...

البنات اشكال والوان ..
فمنهم من تتستخدم الماسنجر فقط مع بنات مثلها
وبعضهم تستخدمه بشكل طبيعي .. فكلامها سواء مع بنت او شاب لايخرج عن الاداب العامه
او يتجاوز الحدود ..
وبعض البنات .. ممكن تعرف شخص عن طريق النت .. وقد تنشأ بينهم موده واحترام
وقد تطور هذه العلاقه لارتباط .. وثيق فيما بينهم .. وتحافظ على هذا الشخص وثقته بها ..

وهناك البعض من البنات .. تستغل النت لاغراض اخرها
فقط تجدها تحادث شخص وتدعي الاخلاص
وقد تفعل مايحلوا لها من خلفه
كان تفتح ماسنجر ثاني . يصير ( لسعة الصدر )

اما القسم الاسوء فهي من تأخذ من هذا النت مكانا للانحراف
وتتبع مواقع مشبوهه وممنوعه .. دينيا وتقاليديا
ويصبح هذا النت مكانا لانشاء علاقات محرمه ومكانا لفسادها الاخلاقي ...


بأختصار النت .. ليس بهذا السوء
واذا كانت واحده اخطأت فهذا لايعني ان الجميع مخطأ

فكم من قلم نسائي رائع
وكم من فتاه صاحبة رأي واسلوب ممتاز

وقد تجد في هذا النت منفسا لها لنشر ابداعاتها ..

وان كان بعض الفتياة بأفعالهم فقدوا ثقة البعض فيهم
فهناك الكثير منهم كسب الحترام وتقدير الجميع ..

===========================


ملاحظه ..

المقصود القضيه بشكل عام
ولا دخل لاي عضوه معنا دخل في الموضوع
فجميع من معنا ولله الحمد .. على خلق
ويلقون احترام الجميع
في هذه الشبكه الرائعه

:yes:




بااايااات
خالد
(himo)

[dr.x]

هلا وغلا بمرضى الشبكة :magkiss:

كلامك سليم 100 %

فجميع من معنا ولله الحمد .. على خلق
هذا خبري فيهم ظني مايكذب ،،،،،،،،،، الأصل طيب والمعدن ذهب:yes:


مع تحيات طبيب الشبكة dr.x

[مها العالميه]

اهليــــــــــــــــــــــــــــــــــن ..

هلا ..هاوي ..منور ..;)

موضوع حلو زيي:magkiss:

والله شوف البنت لو تحطها بين مية حارس اللي تبي تسويه تسويه

والبنت الشريفه لو تحطها بين مية رجال ما احد يقدر يلمس شعره من شعر راسها

ولا دخل لاي عضوه معنا دخل في الموضوع

ليه احد قال شي (rambo)

موضوعك:yes:

;)

[منبع الثلج]

مرحتين

هلا والله اخووي هاوي الهلال
صح لسااانك في كل كلمة قلتها
والانترنت فيه الخير والشر وعلى ما قالو سلاح ذو حدين:nrey:

ومشكووور اخوووي على الموضووع الهادف:yes:

[مجنـــ يوسف ــــون]

مرحبــــــــا هاوي ,,

يعطيك العافيه على الموضوع لانه والله من جد مهم لان بعض الناس

اللي عقليتهم على قدهم يعتقد ان النت بشكل عام مو مفيد

والبنات مثل ماقلت انواع ومثل ماقالت بعد الاخت مها البنت الشريفه شريفه ,,

ومانقصر على الموضوع الرائع من جد والى الامام

[الطيرالهلالي]

السلام...

هلا هااوي..اقصد الفيلسوف هاااااوي :nrey:

والله يابن الحلال... ان النت مثله مثل اي مجااال ثاني..فيه الصالح وفيه الطاالح..وانت شفت بنفسك هذا الشي...

اذا كانت البنيه خايفه على نفسها وعلى سمعتها ومحترمه نفسها وتقدر احترام الغير لها صدقني ...ماراح يفسدها لانت ولا غيره...فالحمد لله..بنات الاجاويد الي على خلق حميد كثيرون ولله الحمد .والله يزيدهم يارب:yes:

[الذيب وبس]

هلا ابوخلود;)

وينك عننا زماان ما شفناك:) والله موضوعك مثل وجهك يا حلو ;)


بس تراالمجتمع له نظرة سيئة على النت :rolleyes: ..... قمت اتفلسف:D

[بدر]

سلام..

هلا خالد وشلونك.. صاير مشغول بالماسنجر هاليومين;)....

اخوي خالد المشكله صدقني ماهي في بنات النت المشكله باللي يدور البنات علشان

يبدا بمغامراته معهم مع الاسف والناس ذولا كثيرين سواء في منتديات او محادثات جماعيه

يعني بالعربي شات<-- امحق عربي... اخوي خالد انا جلست اكثر من سنه وشوي في الشات

وشفت شي والله اذا قلت لك انه اشبه بالخيال يمكن ما تصدق... والحمدلله اني ما مريت بالاشياء

هذي بس بحكم كثر معارفي في الشات اللي كنت فيه كنت الاحظ اشياء ما تتصدق من البنات والسبب

بعض عقليات الشباب ... طبعا ما اقصد كل الشباب وانا من الناس ما احب التعميم باي شي سواء

بالموضوع هذا او غيره... بس اللي ابي اقوله فيه الكثير من البنات يتغيرون بدايتهم في النت وبعد

مرور وقت طويل عليهم وتحس في طبايعهم وفي اخلاقهم حتى في طريقه تعاملهم مع الشباب صار

الموضوع كله يلف حول اشياء محدده ومنحله اخلاقيا مع الاسف... وبنفس الوقت ان فيه بنات

من الادب اللي فيهم تستحي والله انك تكلمهم من قمه الاخلاق اللي هي فيهم واحب ازيدك من الشعر

بيت اخوي خالد ترى اكثر اللي ما يدري وشو النت اما انه يحسبه محادثات او امور سياسيه:yuupy: ...

اللي ابي اوصله لك اخوي خالد تخيل انك اول مره تدخل بشي اسمه نت وتدخل لدردشه وتشوف الفوضى اللي

صايره وش بيكون ردة فعلك... طبعا انت راح تحكم بنظره واحد مر بالنت ويعرفه بس اللي ابغاه انك تحكم حكم

شخص ما يدري وشو النت.. وتسلم على موضوع حلو من عضو رائع;)....

















تحياتي؛؛

[برستيج]

هلا هاوي



اللي ملاحظه انا ..

انا الطالح من البنات .. اساء الى الصالح منهم .. باعطاء فكره عامه على ان كل بنت تستخدم النت

تستخدمه لاجل اهداف سيئه .. :noo:

وهنا ياتي دور الوعي لدينا لتصحيح هذه الفكره والتمييز بينهم .. وكيفية التعامل معهم .. (himo)




وتسلم يا غالي .. :yes:

[الامل الضائع]

مشكووووووور على الموضوع الرائع
ياريت من زماااان كاتبه

[علي معتـوق العمـــري]

هلا خالد موضوع رائع كفكرة ولكنك في النهاية شطحت وغلبت العاطفة المنطق فقلت :

المقصود القضيه بشكل عام ولا دخل لاي عضوه معنا دخل في الموضوع فجميع من معنا ولله الحمد .. على خلق
ويلقون احترام الجميع
في هذه الشبكه الرائعه


وانا اعترض على رائك في هذه النقطة مع احترامي للجميع فانت عممت ورفضت الاقتناع بالتعميم على سوء بنات النت !!

تحياتي لك ،،،،،،،،،،،،،

[عنود الصيد]

أهلين اخوي خالد ..


موضوعك ذكرني بواحد يوم جاء بيخطب وحدة قالوا له : لا تاخذها تراها قد سافرت برى المملكة .. ( تخيل ) ..


أما حكم الناس على بنات النت أحس انه يشبه هالموقف :كانت المديرة بالمدرسة اذا سمعت ازعاج بالفصل تجي ومعها العصا , وتطقنا كلنا رغم ان فيه بنات ماسوو شيء( زيي :(:( ) .. واذا قلنا ليش تطقينا ماسوينا شيء .. قالت لنا( السيئة تعم والحسنة تخص ) .. بس انا للحين مافهمتها :D

و أعتقد أنه معظم اصحاب هالتفكير ( ان بنت النت مش ولا بد ) يكون شخص له علاقات غالبا مع بنات في النت , وحكم على كل البنات من هالشيء ..
زي بعض الشباب اللي ينكدون على خواتهم في روحات السوق ( لدرجة الشك فيهم ) .. وكل هذا لأنه صاحب سوابق مع البنات , ويخاف ان خواته يسوون زي هالبنات ..


شكلي طلعت برى الموضوع :D

اللي بغيت أقوله ان ( كل إناء بما فيه ينضح ) ..
مدري احس ان المثل فيه شيء غلط ..


بايات .. وتشكرات على الموضوع :yes:

[هاوي الهلال]

هااايااات

مشكورين جميعا على ردودكم ..

وماراح اكتب اسماء خلاص كل واحد ياخذله واحد شكرا ويطلع :rolleyes: (himo)



برايفت ابو معتوق ...



هلا خالد موضوع رائع كفكرة

يكفيني شهادتك :yes:




وانا اعترض على رائك في هذه النقطة مع احترامي للجميع فانت عممت ورفضت الاقتناع بالتعميم على سوء بنات النت !!

انا فعلا عممت بس باللي شفته ...
قد يكون فعلا هناك بعض البنات على خطأ
ولكن لااستطيع الحكم عليهم
فليس من السهوله اطلاق اي تهمه على اي بنت كانت
بدون دليل او شئ رأيته بعيني
وعندما اقول ان البنات عندنا محترمات فهذا مارأيته ..
ولم أرى غير ذلك
وحتى ان رأيت شئ فليس من حقي اتهامهم .. فقد اكون مخطأ في نظرتي او وجهة نظري :yes:



باااياات
خالد
(himo)

[هلاليه بالفطره]

بصراحه موضوعك من اجمل ماقريت في هالمنتدى :)

** البنت الشريفه شريفه وين ماتكون والبنت ...... برضو :ignor: وين ماتكون


تشكرات :yes: