مالعلاقة بين خالد عبد الرحمن والتفحيط؟؟وبين جمهور هذا وذاك؟

[السجين بتهمة حب الهلال]

ربما العنوان قد يكون غير واضح القصد منه ولكن سأتناول بالشرح ما اعني


هناك صلة ووجه شبه كبير بين(التفحيط وخالد عبد الرحمن وامور ايضا كثيرة سنأخذها على حده:


**يتباهى الكثير من الجماهير المراهقة لخالد عبد الرحمن بشعبيته الجارفة:confused: وهنا نجي ونقول...اليس للتفحيط جمهورا كبيرا؟؟؟؟

بالتأكيد الاجابة نعم......

طيب التفحيط فيه خير؟؟؟؟ بالتأكيد لا:hgfd:


التفحيط اولا من يجي يشوفه؟؟؟ المراهقين...... واضرار التفحيط ان سيارتك تنعدم وتذي خلق الله وتتوط الاوادم عشان بس تسمع احد يقولك(ياهوووووووه يا سعد مرزوق)...وهذا في حد ذاته قمة التخلف..لان مافيه احد يتمنى يكون طموحه زي سعد مرزوق...كل واحد يتمنى ان يكون قدوته في هالحياة انسان على الاقل يكون على خلق كبير

واضرار خالد عبد الرحمن مثل التفحيط....يصج اذانك....يجيبلك النوم....صوت سيء جدا...يخاطب عقول المراهقين

والمراهقات.....وباتالي اصبح خالد (قدوة سيئة) للمراهقين سواء في افعاله اللي ودته السجون او ادائه لبعض الاغاني(المحرمة) وهذا اللي ادى الى انحلال اخلاق بعض المراهقين لانهم مانضجوا فكريا وجسميا!!!



وبنظرة سريعة نشوف خالد عبد الرحمن مثل(التفحيط)


يعني جمهور خالد(مراهقين) وهذا حال جمهور التفحيط

وخالد عبد الرحمن فنان متواضع الامكانيات سواء الفكرية او الفنية.... وهذا هو حال اللي يشوفون التفحيط او يفحطون

وخالد عبد الرحمن(خريج سجون)...... والمفحطين نفس الحالة راعين سوابق!!!!!

**من خرابيط جمهور خالد عبد الرحمن انهم يقولون ان جمهور خالد يوازي حفلات ابو نورة!!!

طيب نجي ونعيد مسألة(التفحيط)

التفحيط يجتمع عليه اكبر عدد من الجمهور المراهق......وهذا حال حفلات خالد!!

الفرق بين جمهور خالد ومحمد ان جمهور خالد معظمهم من(اصحاب الطواقي البيض,, اصحاب سيارات الكامري,, خريجي السجون,,,اصحاب الذوق الردي..) وانا هنا اقول معظمهم وليس كلهم!!! بينما جمهور محمد عبده اناس من الذوق العالي ..واصحاب العقل والذوق الرفيع.


*يقولون خالد عبد الرحمن متواضع!!!!!!!

لو نظرنا للموضوع من جانب اخلاقي.....فالبتأكيد تواضع خالد تواضع واحد عنده عقدة نقص!!!!

لو لاحظنا كيف يتكلم خالد اثناء حوارته...نجده شخصا متغطرس يالله يخرج الكلمة من شفايفه

يعني (مسوي فيها رزه) وانه متواضع ويتقبل ي واحد يجيه....وهذا بالتالي يوضح لنا مكامن عقدة النقص بين (الرزه وبين التواضع)

بيعني بالمفهوم الشعبي....خالد مسوي لنفسه اهمية كبيرة...وهو صدق هذا الشيء...وراح يطبقه على معجبيه وصدق نفسه انه متواضع بينما هو على العكس تماما!!!


خالد عبد الرحمن بداياته كانت جيدة.....اقصد بالنسبة للمراهقين!!! يعني

خالد..........كان يدق على وتر الحزن اللي عند المراهق

والحين خالد...صار يدق على اوتار البنشرية:D



**يدعي جمهور خالد عبد الرحمن ان خالد لايحضر بنات معه في الفديو كليب احتراما للمشاهد!!!! وهنا على طول نتذكر قصة الحادثة الشهيرة لهذا المطرب (راعي السوابق) والبنت اللي كانت معاه ودخل بسببها السجن!!

اذن ..السبب الرئيسي اللي يخلي خالد مايجيب بنات معاه في الفيديو كليب سببه (عقدة نفسية من البنات) ادت الى ان تطغى على جميع امور حياته حتى الفنية منها!!!

اي ان خالد ما جاب طاري الجمهور..ولاعملهم حساب....لانه يفكر بسمعته فقط لا اكثر..واللي ضاعت بسبب شهوات دنيوية

عشان كذا من الطبيعي يكون خالد حريص من هالجانب.....ليس احتراما لجمهوره..ولكن خوفا على سمعته التي لطختها (بنت) كانت هدفا لخالد فأصبحت (عقوبة عليه)!!!!


مجرد موضوع عابر يبين (الخدعة الكبيرة) التي صدقها معجبوا خالد بمطربهم(الزئبق)

تحياتي للجميع(himo)

[زعيم العز الأزرق]

فهذا المطرب النشاز لايستمع له لها الا المراهقين والداجين بس داج خويك مو معهم :D :D
وانا كنت في احد الاعراس قبل كم يوم وقابلت ناقد صحفي معروف على المستوى الرياضي والفني ونحن نتجاذب اطراف الحديث سمعنا صوت هذا النشاز يغني اغنيته الجديد ابصملك على العشرة فقال متخلف يقصد صاحب السيارة الي مشغل المطرب فقلت انت تسمع له فرد انا ماقتنع فيها وفي شخصها فكيف استمع له وازيدك من الشعر بيت تراه نصراووووووووووووووي

[بدر]

سلام..

هلا بندر وشلونك عساك طيب;)...

والله مع اني ما اسمع لشي اسمه خالد عبدالرحمن وما اواطن يصير معي شريط له الا اني بنفس

الوقت اقول اني احترم جمهوره سواء صغار او كبار لان هذا ذوقهم:D .. واما عن جماهيريه ابونوره

فمهما قلنا هو القمه بوجهة نظري على الاقل ...ويعيب خالد عبدالرحمن عدم اهتمامه بفنه يعني تلقى كل

مقابلاته تسعين بالميه منها تتكلم عن الصيد وخمسه بالميه يسالونه عن جمهوره وخمسه بالميه مقسمه بين

القصايد وبين الالحان والاغاني....



















تحياتي؛؛

[بـحـر]

الله يهديك ياسجينوه

ثاني مره اكتب مواضيع زي الناس ... وحط لنا مطرب يلعلع له كلمات والحان صواريخ.

مهوب تضيع وقتنا مع المبزره :amle:

هذا اخر انذار لك :eek: .. وبعدها ترى ابسرق ايميلك (rambo)


بااا :kany: اااى

[منبع الثلج]

انا قايل من اول خالد عبدالرحمن ما عنده ما عند جدتي:noo: :noo:

ومشكوووووور على الكلماااات الحلووووووة والواقعية:amle:

[الذاهبه]

هلااااااااااااااا ..

مادري المراهقين هم مثلنا ولا يختلفون عنا :confused:

اللي يشوفك يقول ابد مامر بمرحله مراهقه نطيت من الطفوله لرجوله :confused:

وبعدين على اي اساس تحكم ان كل جمهور خالد من المراهقين مسوي احصائيه ..!!

واضرار خالد عبد الرحمن مثل التفحيط....يصج اذانك....يجيبلك النوم....صوت سيء جدا...يخاطب عقول المراهقين
:confused: وشلون يصج الاذان..وبنفس الوقت يجيب النوم..؟؟؟
وخالد عبد الرحمن(خريج سجون)...... والمفحطين نفس الحالة راعين سوابق!!!!!
:noo: :noo: مكان له داعي تجيب طاري السجون.. وبعدين ماتدري اصلا كل الكلام صدق
ولا مجرد اشاعات ..ومعروف كلما زادت شهرة الشخص كلما كثرت الاشاعات..!!

**من خرابيط جمهور خالد عبد الرحمن انهم يقولون ان جمهور خالد يوازي حفلات ابو نورة!!!
هاذي هي الحقيقه واصلا مافي مقارنه بين جماهير خالد عبد الرحمن وجمهور محمد عبده

يحلم محمد عبده وغيره من الفنانين انهم ياصلون ربع جمهور خالد ;)
الفرق بين جمهور خالد ومحمد ان جمهور خالد معظمهم من(اصحاب الطواقي البيض,, اصحاب سيارات الكامري,, خريجي السجون,,,اصحاب الذوق الردي..) وانا هنا اقول معظمهم وليس كلهم!!! بينما جمهور محمد عبده اناس من الذوق العالي ..واصحاب العقل والذوق الرفيع.
انا مادري على اي اساس تقول هالكلام :req: وخريجين سجون ..!!الله يهديك هاذي قويه
إذا كنت تكره خالد المفروض انك ماتحب تجيب سيرته ابد ولا تكتب موضوع عنه بس تضيع مجهودك
على الفاضي..

اما مسأله تواضعه فهو متواضع ..متواضع.. متواضع جدااااااا ..

ماقول الا ياقاهرهم ياخالد :cool: :cool: :cool:

[ياسر عبدالعزيز]

هلا بالغالي.سجين:)

بصراحه انا ماسمع خالد... ولااكره:cool:

جوووووووووود



هاذي هي الحقيقه واصلا مافي مقارنه بين جماهير خالد عبد الرحمن وجمهور محمد عبده

يحلم محمد عبده وغيره من الفنانين انهم ياصلون ربع جمهور خالد

عسى مااااشر جوووووووووووود:req: وش انتي ماكله.......:eek:
محمد عبده فووق مقاارنته باي فنان عربي:noo: موخالد عبدالرحمن شوفي حفلاته في باريس والقاهر من يحضرها قبل واعرف مكانت محمد عبده:nrey:



تحياااتي لك:yes:

[سارة]

جود انتي :yes: :yes:

[هلال مدريد]

مشكووووور يا الغالي ...

الحقيقة تكلمت عن واحد ما خذ بنفسه مقلب..

وترى قبل أسبوعين ألغو حفلته إلي صارت با القاهرة..

والسبب إن عدد الجمهور قليل...

أما فنان العرب محمد عبدو القاعه أمتلت إلى أخرها
وكانت مدة الحفلة ثمان ساعات ...

أجل وش قالوا جمهور النشاز يساوي جمهور فنان
العرب... والله كلام فاضي..

[يوسف]

هلا بالداجين والداجات:magkiss:
هلا السجين
كلاامك يالغالي كله صحيح 1000000% وماعليك من الي يقول غير كذا لان حقيقه هذا الشخص واضحه للجميع وهو
ينكره من فعايله واغانيه الساقطه والمحرمه:noo: بس اختلف معك في نقطه واحده وهي :
لو لاحظنا كيف يتكلم خالد اثناء حوارته...نجده شخصا متغطرس يالله يخرج الكلمة من شفايفه
مو بس متغطرس الا جاااااااااااهل مايعرف يقول كلمتين على بعض:jeng:
والف الف الف شكر على الموضوع
:magkiss: بااااااااي:yes:

[TOTTI- 10]

اهلين سجين ...

و الله كلامك سليم 100% و مع الاسف ان جمهور خالد مو راضين يصدقون هذا الكلام ... انا اعرف كثير من اخوياي يسمعون لخالد و اذا جيت تكلمه عنه .. وش يسوي يرفع صوته على باله انه اذا رفع صوته بيصير كلامه هو الصح و ان كلامي خطاء ...

اتمنى و الله اتمنى و هذا الكلام طالع من قلبي ان ما نشوف اي مقارنات بين محمد عبده فنان الكون و هذا الي اسمه خالد عبدالرحمن ... يا ناس هذا ابو نوره تدرون منهو ابو نوره :yes: :yes:

جود !! هاذي هي الحقيقه واصلا مافي مقارنه بين جماهير خالد عبد الرحمن وجمهور محمد عبده

يحلم محمد عبده وغيره من الفنانين انهم ياصلون ربع جمهور خالد


ما اقول الا الله يشفي جمهور هذا الي مسمي نفسه فنان ...

ماقول الا ياقاهرهم ياخالد

اي قاهرهم ,,,!!!!!

(( في النهايه احب اشكرك اخوي بندر على طرح هذا الموضوع الممتاز )) :yes: :yes: (( و ما حبيت ادخل في ردي بعض الاغاني الي امتعنا ابو نوره في مسيرته الفنيه لانه اعتقد انه اكبر من انه يقارن بهذا (( المتفنن ؟؟؟)) ))

اخوكم خالد :yes: :yes:

[جـــلال]

الله يهديك يالسجين,,,

إذا كنت تكره خالد المفروض انك ماتحب تجيب سيرته ابد ولا تكتب موضوع عنه بس تضيع مجهودك على الفاضي..
صدقت والله جود , أنت أضعت وقتك في شيء مايستاهل,,,;) ;)



هاذي هي الحقيقه واصلا مافي مقارنه بين جماهير خالد عبد الرحمن وجمهور محمد عبده ي

حلم محمد عبده وغيره من الفنانين انهم ياصلون ربع جمهور خالد
جمهور محمد بلغ أقصى البلاد العربيه , وجمهوره في مصر وتونس والخليج العربي دليل على أن جماهيريته لاتضاهى باي فنان آخر ,, بينما جمهور خالد هم "ثله" من أطفال مملكتنا الحبيبه مع أحترامي لجمهوره العزيز,,:yes:

أما مسألة التواضع فهي محسومه منذ زمن بأن خالد " يفتعل" التواضع , ويحاول تقليد من سبقوه في مجال الفن بمحاولة كسب "صبية" بلادنا,,

تحياتي لكم,,

[برستيج]

هلا سجينوه


شف حبيبي .. خالد عبدالرحمن ..

جمهوره فعلاً من الناس المراهقه .. واعتقد انه هو بنفسه ما يقدر ينكر الشي هذا .. :noo: .. تدري ليش

لان بداياته كانت لهذه الفئه من الجمهور .. وكان حريص على كسبهم دون غيرهم .. وهذا اثر على تفكيره

وعلى مستوى اغانيه المراهقيه ( ان صح التعبير ) .. وهذا الشي هو اللي كان سبب في بعد العقلاء عنه

وعن اغانيه ..

اما من ناحية الشهره .. فاعتقد ان ما حدث له من مشاكل .. وتعاطف الكثير من الناس معه ..

هي سبب رئيسي لما وصل اليه من شهره .. :confused:




جود ..

يحلم محمد عبده وغيره من الفنانين انهم ياصلون ربع جمهور خالد
لا تحاولين تغالطين نفسك .. :noo: .. مع اني اتمنى ان يكون كلامك صحيح .. :kany: .. لكن
الدلائل تقول غير كذا .. فابو نوره وين وخالد وين .. (himo)



وتسلم يا غالي .. :yes:

[allord]

ابو حسين , السجين
انت :yes: :yes: :yes:
قال ايش قال خالد ومحمد عبده

[الكاسر888]

هلا سجين




يالغالي عاداتي إني ما أحب أتكلم عن الفنانين بسوء لإنهم في نظري مجموعه سلنتح..وماناخذ منهم إلا الأغاني

والباقي طز فيهم وباللي خلفوهم بعد...


نجي للفنان هذا المسمى خالد عبدالرحمن

خالد طلع في فترة وكان ساير على الرتم الحزين واللي كثير من الشباب يحبونه لإنه زي ماتفضلت يلمس وترحزين في كيان هذا المراهق... إستمر خالد وهو يكسب المزيد من المراهقين..

حدثت له قصته المعروفه من إطلاق النار على الهيئة ...الخ وتم سجنه

بعد ماطلع غنى أغنيته المعروفه زليت..وكان يطلب الصفح من شخص ما:amle:


بعدها ومستواه في إنحدار تام حتى وصل لقمه الإنحدار في أبصم لك على العشرة ...وأبو صالح سرى ليله..


نقطه يجب التنبه لها..

المعروف أن خالد هو نفسه الشاعر ( مخاوي الليل )
لكن اللي أبي اعرفه هل من كتب افراق ..وزليت وغيرها من الأغاني ...هو نفسه من كتب أبصم لك على العشرة !!!

لو افترضنا أنه كذلك


هل من كان يلحن تلك الأغاني الحزينه اللتي تلامس وجدان كل مراهق:)

هو من يلحن الألحان الأن ..شخصيا أجزم بالنفي...فشخصية الملحن في السابق والان مختلفه تماما
والاسم ثابت ..وهذا يؤيد رأي متداول أن من كان يلحن لخالد شخص أخر إبتعد عن سكة خالد فبدأ خالد بالخوران وبالدجه..



خالد والدعم الفاشل:

خكل من يدعمه خالد يكون مغني فاشل ولا يحقق ما يستطيع أن يصل له بدون خالد

فهذا عبدالعزيز المنصور من يوم أبتعد عن خالد وهو نجح ويكفي شريطه الجليد دليلا على فشل خالد



أيضا المغنيه شمس ذات إمكانيات جميله ولكن بتعاولنها الأول مع خالد يبدو أنها إتخذت سكة الفشل ديدن لها...

والكثير منهم
ربما الوحيدة احلام والتي بذكائها كسبت المراهقين (( الي هم جمهور خالد )) إلا جمهورها...



@@ خالد والنصبه الكبرى @@

في شريط ياهاجري غنى خالد أمروىء القيس هههههه أقصد خالد عبدالرحمن أغنيه باللغه العربيه الفصحى
وبعد الشريط بمقابلة في امس بي سي اف ام اتصل واحد وقاله ان في القصيدة عيوب نحوية كثر الهبل...قال خالد سيبويه:)

انه بعد ماكتبها عرضها على دكتور في الجامعه إختصاصه أدب وقال القصيدة مافيها أي غلطات نحويه



@@ خالد وإستحقار جمهوره @@

يقول خالد إنه سجل شريطه بإسبوع..كان طلع كشته ورجع سجل شريطه بإسبووووووووووع وبعدين رجع للمقناص (( ياعزة الله ))


@@ قبل فترة نزل حبيبنا المتميز موضوع في رابط لخالد وهو يتسحب من واحد يقلد صوت بنت وبيني وبينكم طلع فنانكم خفيف بالحيل..هههههههههه

@@خالد غنى أغنيه يقول فيها والنبي وبجيبها لكم من موقعه

@@ طلع شريط لخالد يغني وهو سكران وانتشر وعارف بيجي أحد ويقول نصب هههه

@@ في أغنيه قذرة جدا لخالد هي تحريق لأغنيه خالد الشيخ
يقول فيها..رقصوه بين الشباب رقصوها.. فراغ بين الشباب فراغ

أغنيه كلها قذرات وتتحدث عن حادثة زنا قام بها شباب مع بنت جابوها ورقصوها..

@@ من يشاهد حفلات خالد داخل المملكة يعرف منه جمهور خالد


@@ يتغنى جمهور خالد بإن خالد مؤدب وشطور وأمور لإنه مايجيب بنات بفيديو كلب والحقيقه لو فكرنا فيها شوي

الأغاني حرام ومايفعله خالد حرام...والأغاني غالبا تخاطب حالات حب بين أشخاص...وأتوقع لايجي واحد يتفلسف ويقول رجال ومرته لإن الرجال وزوجته مايحتاج اغنيه يهديها لها

كل الاغاني موجهه للبنات وعلاقتهم بالشباب والعكس

يعني ليته جاب بنيات أزين له ولا يسوي لي فيها

والا ذي فيديو كلبات الله يستر عليه بس



تحياتي واسف ياجود لاتزعلين بس هذا خلوديكم:)

[رهف(RGH)]

صادق سجين صراحه


هذا المغني غثيث





مهجدة الرجه

[عاشق الهلال حسون]

اعتقد ان خالد عبدالرحمن ,, ليس بذلك الفنان الذي يمكن ان يسبب المشاكل والخلافات بين الاعضاء ,,

:) فارجوا هدو اللعب

[الذاهبه]

هلاااااااااااااا :)

ياحليلك يا خالد عبد الرحمن اثراللي يغارون منك واجد ;)

بسم الله نبدا ..

جلال...

جمهور محمد بلغ أقصى البلاد العربيه , وجمهوره في مصر وتونس والخليج العربي دليل على أن جماهيريته لاتضاهى باي فنان آخر ,, بينما جمهور خالد هم "ثله" من أطفال مملكتنا الحبيبه مع أحترامي لجمهوره العزيز,,
انا لله اشغلتونا في محمد عبده :slv: شوف أخوي جلال لو انك قايل عبد المجيد عبدالله
كان صحيح لان من المعروف ان عبد المجيد اشهر فنان خليجي وله جماهيريه عريضه
داخل البلاد العربيه..اما محمد عبده فا لولا الله ثم الاعلام اللي ذبحنا فيه كان ماعرفناه..
وبعدين معروف أن ابو نايف هو الفنان الجماهيري الاول في الخليج العربي وبدون منازع ;)
والدليل الحفلات وبيع اشرطة الكاسيت :cool: اما قولك ان جماهيره من الاطفال اقول انشاء
الله هالاطفال بكرى راح يكبرون ويصيرون رجال وراح يبقى حبهم للفنان خالد عبدالرحمن ..
برستيج..
وعلى مستوى اغانيه المراهقيه ( ان صح التعبير ) .. وهذا الشي هو اللي كان سبب في بعد العقلاء عنه
لو انك قايل اي فنان ممكن تمشي بس خالد اغانيه مراهقه :confused:
أجل وش نسمي اغاني الفنانين الثانيين :req:
يكفى خالد عبد الرحمن انه يغني باحساس حلو :) واحياننا لما نسمع اغانيه كانها
تحكي عن مانشعر ونحس فيه ;)

الكاسر..
المعروف أن خالد هو نفسه الشاعر ( مخاوي الليل )لكن اللي أبي اعرفه هل من كتب افراق ..وزليت وغيرها من الأغاني ...هو نفسه من كتب أبصم لك على العشرة !!!
على حسب فهمي اخوي الكاسر..انك تشكك في شاعرية خالد والحانه بعد !!
اولا.. انت قلت من كتب اغنية افراق وزليت هل هو من كتب اغنية ابصم لك على العشره
وأنا اقولك لا :hgfd: اغنية افراق كاتبها مخاوي الليل اللي هو خالد عبد الرحمن
أما اغنية زليت كاتبها محمد الخضيري.. واغنية ابصملك على العشره كاتبها مجازف
اللي هو عبد الرحمن الناصر.. أما الالحان فمعروف خالد عبد الرحمن بألحانه الحزينه
وتقدر تميزها عن غيرها من الالحان...
لو افترضنا أنه كذلك
لا :hgfd: تفترض لانهم ثلاثه شعراء وكل واحد له اسلوبه :)
مهوب مخاوي الليل اللي تشكك شاعريته ;)
فهذا عبدالعزيز المنصور من يوم أبتعد عن خالد وهو نجح ويكفي شريطه الجليد دليلا على فشل خالد
اصلا لو ماتعاون معاه خالد عبد الرحمن من الاول كان ماعرفناه..فخالد دعمه في بدايته
الفنيه ولما عرف عند الجمهور ابتعد عنه ..
ربما الوحيدة احلام والتي بذكائها كسبت المراهقين (( الي هم جمهور خالد )) إلا جمهورها...
حلومه عرفت قبل ماتصرح بحبها لخالد عبد الرحمن..وماتعاون معها خالد الا مره وحده
في اغنية راضي ..
@@ قبل فترة نزل حبيبنا المتميز موضوع في رابط لخالد وهو يتسحب من واحد يقلد صوت بنت وبيني وبينكم طلع فنانكم خفيف بالحيل..هههههههههه
ماهو اول واحد ولا اخر واحد يكلم بنات..على الاقل البنات هم اللي يطايرن وراه مهوب
العكس ..
الأغاني حرام ومايفعله خالد حرام...والأغاني غالبا تخاطب حالات حب بين أشخاص...وأتوقع لايجي واحد يتفلسف ويقول رجال ومرته لإن الرجال وزوجته مايحتاج اغنيه يهديها لها
عارفين ان الاغاني كلها حرام سواء خالد او غيره بس يفرق بين واحد يجيب
بنات عاريات!! ويرزهن عنده وبين فنان يتمشى بحديقه لوحده على الاقل هذا
احترمنا شوئ ..
اما اغنية والنبي للاسف مدري وشلون غناها :( :(

لو نطلع فضايح الفنانين كان ماخلصنا ابد وفنان عن فنان يفرق وخالدعبدالرحمن
اهون من غيره..!! على الاقل ماألتزم ودل طريق الهدايه وأذن في الناس
وبعدها يترك طريق الهدايه ويرجع يغني مره ثانيه.. والمشكله يقول ضغوط
أي ضغوط اللي تخليك تترك الهدايه وترجع لضياع مره ثانيه..!! أو حب للفلوس
والشهره.. والمشكله له احفاد بعد يعني شايب يالله حسن الخاتمه..:noo: :noo:
وفنان ثاني الله بلاه بمرض خطير..وبعدها ترك الفن سنتين ولما شفاه الله من المرض
عاد للفن مره ثانيه..هذا بدال مايحمد ربه على العافيه :( وبعد يقول أن اللي عالجه
اشترط علي اني اعود للفن مره ثانيه..!!! وأكيد عرفتوه ..!! تراه هذا الفنان قايله
في مقابله معاه في احدى المجلات المعروفه يعني موثق..

ما أقول الا الله يهديهم وينور دربهم لطريق الصلاح...

[جـــلال]

أختي الغاليه جود:

نحترم وجهة نظرك ونقدرها , لكن يجب أن نخرج عن أطار هذا الموضوع , لأنعدام الفائده المرجوه منه , فجماهيرية خالد وجماهيرية محمد لن تزيدهم ولن تنقصهم شيئاً , سوى اختلافنا وتضارب آرائنا , مما سيوصل علاقتنا الى طريق مسدود وهذا ليس من أهداف الشبكه , التي تحرص على علاقة أعضائها أن تبقى على مايرام, وأنا ونيابة عن الباقين نعتذر عن مابدر رغم ان ((الاختلاف في الرأي لايفسد للود قضيه)),,:)

أخواني الاعضاء:

أعتقد أنكم وأختنا "جود" قد أسهبتوا في هذا الموضوع بما يكفي, والعلم عند الله أنه سيأخذ منحى أخر غير محمود العواقب,
فنرجوا منكم الالتفات لموضوع آخر "ولايهون حبيبي بندر" لأن الاستمرار في هذا الجدال لاطائل من وراءه,,:)

تحياتي للجميع,,

[قرقو]

انا بصراحه اسمع لخالد بس يعني هذا مايدل انه يصير قدوه لي انا اذا بغيت قدوه شفتلي ناس صح موب مغني ولا ممثل
بس لا تقارنون ابو نوره بخالد يعني ذا فنان العرب ماتقارنونه بخالد
صح ان خالد بعض اغانيه حلوه زي تقوى الهجر بس موب نوصله كذا الى ابو نوره
على العموم ترا اللي ياخذ اي واحد من ذولا قدوه تراه ماااااااااااش
تحياتي لكم

[برستيج]

جود ..

ياحليلك يا خالد عبد الرحمن اثراللي يغارون منك واجد
يا حليلك يا جود .. حنا ما نغار .. حنا نقول الحقيقه .. :p





جلال

أعتقد أنكم وأختنا "جود" قد أسهبتوا في هذا الموضوع بما يكفي, والعلم عند الله أنه سيأخذ منحى أخر غير محمود العواقب
حنا و ( جود ) اخوان قبل كل شي .. والاحترام بيننا موجود .. :yes:

صحيح يمكن نتجالد بعد شوي .. :D .. بس ترى الدعوه سواليف .. ;)

[عاشق العثرات]

السلام عليكم .. ورحمة اللله وبركاته ..

في البداية ----<راعي طويله ;) .. انت الان تهين خالد عبدالرحمن وكانك تهيني تماما .. لذلك راح ارد عليك وكانك اهنتني .. على العموم نذكر .. ان اختلاف الراي لا يفسد للود قضية ..:hgfd: ..

هناك صلة ووجه شبه كبير بين(التفحيط وخالد عبد الرحمن وامور ايضا كثيرة سنأخذها على حده:

ياللله بسم الله ..

**يتباهى الكثير من الجماهير المراهقة لخالد عبد الرحمن بشعبيته الجارفة وهنا نجي ونقول...اليس للتفحيط جمهورا كبيرا؟؟؟؟

بالتأكيد الاجابة نعم......

طيب التفحيط فيه خير؟؟؟؟ بالتأكيد لا

هههه .. عليك اسلوب ..(( من قال الله يذكر عبدالرحمن بن سعود بالخير ))


واضرار خالد عبد الرحمن مثل التفحيط....يصج اذانك....يجيبلك النوم....صوت سيء جدا...يخاطب عقول المراهقين والمراهقات.....


اسالك بالله التفحيط يجيب النوم ..:p .. هذا شي .. والشي الثاني .. وش دخل المراهقات في الموضوع .. لا تقولي بعد جايين يتفرجون على التفحيط .. ترا كل شي جايز هاليومين..


وباتالي اصبح خالد (قدوة سيئة) للمراهقين سواء في افعاله اللي ودته السجون او ادائه لبعض الاغاني(المحرمة) وهذا اللي ادى الى انحلال اخلاق بعض المراهقين لانهم مانضجوا فكريا وجسميا!!!

اول شي .. افعاله .. ما علينا منها .. ههه .. الحين كل المطربين والممثلين .. مؤدبيييين مرررة .. ما قد صارت بلاوي ومشاكل .. :) .. وتقولي اغاني محرمه .. لالالالالا الاغاني اللي يغنيها راشد الماجد حلال .. واللي يغنيها خالد (( محرمه ))
.. هههه هذا كله صوب .. ومانضجوا فكريا وجسميا:eek: صوب .. ما اقول الا عساك سالم بس ..:nrey: ..

وخالد عبد الرحمن فنان متواضع الامكانيات سواء الفكرية او الفنية.... وهذا هو حال اللي يشوفون التفحيط او يفحطون

لا تعليق ..

وخالد عبد الرحمن(خريج سجون)...... والمفحطين نفس الحالة راعين سوابق!!!!!

اللي يسمعك يقول .. عايش معه ..هههههه ..

**من خرابيط جمهور خالد عبد الرحمن انهم يقولون ان جمهور خالد يوازي حفلات ابو نورة!!!

ههههههه ..شف يالغالي .. تكلمنا بالمعقول نرد عليك بالمعقول ..اما تجيب لنا مثل هالكلام .. الله يهديك بس .. ابو نورة له جمهوره وهذا له جمهوره ..واكيد ابونورة جمهور اكثر .. لأنه اقدم .. واكثر شهره ..وكلهم عينين في راس وحده ..

الفرق بين جمهور خالد ومحمد ان جمهور خالد معظمهم من(اصحاب الطواقي البيض,, اصحاب سيارات الكامري,, خريجي السجون,,,اصحاب الذوق الردي..) وانا هنا اقول معظمهم وليس كلهم!!! بينما جمهور محمد عبده اناس من الذوق العالي ..واصحاب العقل والذوق الرفيع.

معظمهم .. والله مدري عن هالاحصائية اللي طالعه ما بعد قريتها والله .. :angel: ..طيب واللي يحب محمد عبده ..وخالد ..
ههههههههه ..

*يقولون خالد عبد الرحمن متواضع!!!!!!!

طيب انت وش حارق رزك ..

**يقولون خالد عبد الرحمن متواضع!!!!!!!

لو نظرنا للموضوع من جانب اخلاقي.....فالبتأكيد تواضع خالد تواضع واحد عنده عقدة نقص!!!!

لو لاحظنا كيف يتكلم خالد اثناء حوارته...نجده شخصا متغطرس يالله يخرج الكلمة من شفايفه

يعني (مسوي فيها رزه) وانه متواضع ويتقبل ي واحد يجيه....وهذا بالتالي يوضح لنا مكامن عقدة النقص بين (الرزه وبين التواضع)

ههههه قمة التناقض .. مسوي رزه .. وتواضع عقدة نقص ..بالله وشلون متواضع والكلمة يالله تطلع من بين شفايفه .. اقول ارس لك على بر خلنا نعرف نرد ..;)

بيعني بالمفهوم الشعبي....خالد مسوي لنفسه اهمية كبيرة...وهو صدق هذا الشيء...وراح يطبقه على معجبيه وصدق نفسه انه متواضع بينما هو على العكس تماما!!!

ياخي .. ما صار مطرب ذا ..

**يدعي جمهور خالد عبد الرحمن ان خالد لايحضر بنات معه في الفديو كليب احتراما للمشاهد!!!! وهنا على طول نتذكر قصة الحادثة الشهيرة لهذا المطرب (راعي السوابق) والبنت اللي كانت معاه ودخل بسببها السجن!!

بس تدري حلوه راعي السوابق .. ولاهوب اول واحد يطلع معاه بني .. هذا راشد قدام العالم مطلعهم ..ويترقص معهم ..والله حاله ..

اذن ..السبب الرئيسي اللي يخلي خالد مايجيب بنات معاه في الفيديو كليب سببه (عقدة نفسية من البنات) ادت الى ان تطغى على جميع امور حياته حتى الفنية منها!!!

اي ان خالد ما جاب طاري الجمهور..ولاعملهم حساب....لانه يفكر بسمعته فقط لا اكثر..واللي ضاعت بسبب شهوات دنيوية


والله مدري وش تقول بس احتياطا ..هههههههههههه ..



مجرد موضوع عابر يبين (الخدعة الكبيرة) التي صدقها معجبوا خالد بمطربهم(الزئبق)


ههه اذا كل هالمخمخه وموضوع عابر .. ما شالله عليك ياولد القصيبي ..

هذا بالنسبة لموضوعك يالغالي ..

اما بالنسبة لردود .. بناخذ بعضها ..

الاخ الغالي بدر ..

سلام..

هلا بندر وشلونك عساك طيب...

والله مع اني ما اسمع لشي اسمه خالد عبدالرحمن وما اواطن يصير معي شريط له الا اني بنفس

الوقت اقول اني احترم جمهوره سواء صغار او كبار لان هذا ذوقهم .. واما عن جماهيريه ابونوره

فمهما قلنا هو القمه بوجهة نظري على الاقل ...ويعيب خالد عبدالرحمن عدم اهتمامه بفنه يعني تلقى كل

مقابلاته تسعين بالميه منها تتكلم عن الصيد وخمسه بالميه يسالونه عن جمهوره وخمسه بالميه مقسمه بين

القصايد وبين الالحان والاغاني....

كلامك سليم .. بالفعل .. هو ماعاد صار يهتم بفنه .. والدليل في احد المقابلات قال ان الفن هذا ما قام عندي .. ويحق له بعد ما اغتنى من ورا الفن ..

لكن تعبجني يالغالي .. كل واحد وذوقه ..

الاخ الغالي ..منبع الثلج ..

اجل عزازي اللي عنده سالفه ..مع العلم اني احب اسمع له ..


وتعجبيني يا جود والله كلام عسل ..


والاعضاء الباقين والله العظيم اخاف ارد عليكم وتحقدون .. يكفي حقد السجين علي الحين .. هههههه ..


واتمنى يالغالي ... انك ما تزعل حبيت اوضح لك بس ان خالد .. فنان كبير .. ما يعجبك فه هذا شي راجع ..لك انا راشد الماجد من افضل المطربين بالنسبة لي .. الكلام هذا في السابق .. لكن من يوم ما بدا يخمبق .. ويجيب هالاغاني والكلمات الخايسه .. ويلي وما ويلي .. وانا مغسل يدي منه .. ((واذكرك ان خالد عبدالرحمن بادي في نفس هالطريق .. ))

اخيرا اتمنى انك ما تحقد علي .. لأن هذا اول احتكاك لي معك واتمنى ما ياثر على علاقتنا واخوتنا ...


لكم تحياتي العذبة ياغالين ..

[جريح الرياض]

مشكور اخوي السجين على الموضوع :)

وبالنسبة للي يقاررنون شعبية المسمى بخالد بشعبية ابو نورة ... اقول لاتقارنون شعبية خالدكم براشد الماجد عشان تقارنونه بابو نوره :)

قال خالد قال :)

خخخخخخخخخخخخخخخخخخخ

[صقر النوادي]

سلام يا شباب ..
ما راح اتطرق الى خالد عبدالرحمن واخوض الجدال معكم لكن هناك شيء واحد لازم نستوعبه وهو ان محمد عبده له وضعه الخاص وحرااام نقارنه بأيفنان في الساحه لأنه الى الأن لم يظهر ذلك الفنان الذي يستحق هذا الشرف الكبير


فنان العرب وعاصمة الطرب الأصيل ابو نوره لا خلا ولا عدم