سعد بن مشعل الحارثي ......سلامات ...........قصيده

[سليمان الشدوي]

يردد لك الجمهور ..واول كلامه


.............سلامات ياسعد ابن مشعل سلامات
عوافي ..عوافي ..تحتويك السلامه
..................ويكفيك ربك من جميع الاصابات
ويانجم ياللي مرتفع في مقامه
................شعاعك رسم فوق النوايف علامات
ولابه عليك من الملامه ملامه
....................ومثلك يسير ولاعليه الملامات
مع منتخبنا تزرع الابتسامه
................ وتعطي وتنجز في جميع المهمات
فنونك وابداعك عليها علامه
....................وتاريخك مجمَل.... بليا زيادات
عساها تزول ولاتجيك الندامه
.................ونلمحك ترقى بالجبال الطويلات
نحبك (اخو) فيه الوفا والشهامه
..................ونحبك( نجم) خط بيمينه حكايات
وجمهور الازرق ينعرف باحترامه
..................وذوقه.. ولاله في المبادي حسابات
يقدم لك احساسه ويهدي وسامه
.................وسام الرياضه والعلوم الجميلات
ومن منتدى نادي الوفا والزعامه
...............سلامات ياسعد بن مشعل سلامات



<!-- / message -->

[Oliver]

يستاهل ابو مشعل

[هاااااادي]

صراحه أشكرك والإصابه مقلقه للنصراويين والجماهير السعوديه

[No comment]

سلامات ياسعد ابن مشعل سلامات & عوافي ..عوافي ..تحتويك السلامه

كلمات جزله سلسه..
قصيده تمنيت ان لاتنتهي

صح لسانك عزيزي ( سليمان الشدوي )..

جميعنا نتمنى للكابتن سعد الشفاء العاجل
كفانا الله والجميع شر الاصابات ..

:wr:

[[ TaReQ ]]

لاعبينا انصابوا ولا شفنا كلمة سلامات بمنتدياتهم مهوب عاد قصايد

على العموم مايشوف شر

[الزلفاوي2010]

في منتدى الهلال تجد الروح الرياضيه وسلامات ماتشوف شر يا كابتن سعد

[alhilaliah]

لاعبينا انصابوا ولا شفنا كلمة سلامات بمنتدياتهم مهوب عاد قصايد

ايه بس انت هلالي ,, وهم لا وهنا الفرق ,
الف سلامه عليك ياسعد ,

[حبايب]

يا شين المثالية اللي خلّت النكرة والمرتزقة يتطاولون علينا .. !!

ياسر راح ورجع بالسلامة ما شفنا قصايد .. الخثران رجع من إصابته ما شفنا قصايد .. الغامدي سوّى عملية وإن شاء الله يرجع لنا بالسلامة ما شفنا قصايد .. !!

نجي ونهدي قصايد لاعب فريق واحد من منسوبية دايم يوقف ويساند ضدّ الهلال حتى في آسياء ..؟؟ قاتل الله المثالية اللي تخلينا كذا .. !!

[المتصدر]

;3727677']لاعبينا انصابوا ولا شفنا كلمة سلامات بمنتدياتهم مهوب عاد قصايد

على العموم مايشوف شر

أنا شفت كاتب عندهم يشمت في إصابة ياسر ويدعي إنها تكون مزمنة

وماهو في مشاركة بل في موضوع وصل ل 6 او 7 صفحات أغلبها ردود تؤيده

لكن كلن يعمل بأصله

وما نقول غير الله يعينه ويشفيه

ولا بارك الله في الكورة اللي تخلي الإنسان يشمت في تضرر أخوه المسلم

بس رغم تعاطفي مع سعد أشوف مكان الموضوع الأنسب هو الرياضة السعودية

[A D N A N]

مشكور أخوي

سعد لاعب كبير يستااااهل.


لكن وينك عن عمر الغاااامدي!!!!!!!!!!!

[نظرة الحب]

;3727677']لاعبينا انصابوا ولا شفنا كلمة سلامات بمنتدياتهم مهوب عاد قصايد

على العموم مايشوف شر

يالغلا

هذي عادات الزعماء

ونحنو اكبر منهم وهذا واجبنا

وماتشوف شر يالحارثي

[السـ القاتل ـهم]

;3727677']لاعبينا انصابوا ولا شفنا كلمة سلامات بمنتدياتهم مهوب عاد قصايد

على العموم مايشوف شر


ما نكب عفشنا الا المثالية الزايدة :slv:
المشكلة انهم ما يعاملونا بالمثل !

ويالغالي هالموضوع مكانه الرياضة السعودية .. يمكن نصراوي يدخل ويستانس هناك تكسب
به اجر :rolleyes:


لا هنت

[Nesta 13]

<table border="1" cellspacing="1" width="100%" id="AutoNumber1" background="http://www.snabelnet.net/uploadedfiles/3924_01203177821.jpg"><tr><td width="100%">

ههههههههههههههههه ,,!!

لآحول ولآقوة آلآ بآلله بس ..

يآعيني يآلمثآآلية .. !!

ع ـفكرة ترى هَذآ المُدرج آوب السآحة العآمة تنزل قصآآيدكـ فيهآ .. !!

<td></tr></table>

[يزيد المسعودي]

مــنـتـدى هــــــلالـــــــــــــــــــــــي

[الكواسر]

مشكور أخوي

سعد لاعب كبير يستااااهل.


لكن وينك عن عمر الغاااامدي!!!!!!!!!!!


المثالية بترجعنا خطوات كبيرة للخلف ..

الا صدق وينك عن عمر الغامدي مو لاعبنا اولى بالقصيدة من غيره ...

[ازرق احبه]

ايه بس انت هلالي ,, وهم لا وهنا الفرق ,
الف سلامه عليك ياسعد ,

كلامك هذا يكفي عن الف تفسير
========
سلامات ابومشعل ما تشوف شر ان شاءالله

صح السانك يا شاعرنا على الجزله اللي ماتجي الا من جزل مثلك

[تبقى الزعامة للزعيم]

كأن سعد كافر مثلاً لاعب خلوووق ويستاهل لو كان نصروي

[ازرق احبه]

بس رغم تعاطفي مع سعد أشوف مكان الموضوع الأنسب هو الرياضة السعودية

بالعكس ونا اخوك هنا افضل لان القصيده مهداه نيابه عن الجمهور الهلالي الاصيل

[madridi4ever]

قسم شاعر المليون مو المدرج الهلال

الله يشفيك انت وسعد

[السـ القاتل ـهم]

قسم شاعر المليون مو المدرج الهلال

الله يشفيك انت وسعد

:d::d::d:

[Hillalih 4 Ever]

يا شين المثالية اللي خلّت النكرة والمرتزقة يتطاولون علينا .. !!

[@مــبــتــعــث@]

صح لسانك ومايشوف شر سعد

[محمّد]

قاتل الله التعصب..يعني عشانه نصراوي ما نقول الله يشفيه !!

[الولهان]

الله يشفي سعد وكل مسلم ،، هذا حق سعد ان ندعي له اما موضوع قصايد احس مالها داعي

[أنا 9 أحبك]

ما يشوف شر الحارثي..


جمهور الهلال مكمل لأخلاق إداراته ولاعبيه ومنسوبيه..


مهما حصل من الحارثي في المباراة الأخيرة من عدم اهتمام بسقوط الفريدي


ولكن الزعماء أكبر من الرد بالمثل..!!


مشكور أخوي سليمان..

[طريب]

صح لسانك ..

لكن يا سليمان عندك الرياضه السعودية كان حطيته هناك

هذا مدرج للهلال فقط

[شـب]

سعد الحارثي الله يقومه بالسلامه ويشفيه مما ابتلاه الله فيه ..

وياشباب لايعميكم التعصب مهما كان ترانا عيال ديره وحده ومسلمين قبل كل شيء ..!!

صحيح انه سوا حركه قذره بمباراة الهلال والنصر لكن ماتلومه حرارة الديربي تخلي الواحد ينفلت

[يستاهل]

الصراااااااااحه لا تعليق في معقلنا وفي منتدانا الخاص في شؤووووون الزعيم

قصيده في لاعب في فريق منافس


لاكن لاعبنا عموووووره الغامدي أولى في أن توجه شعرك له


واتمنى من أدارة المنتدى نقل الموضوع لقسم رياضة السعودية

[Kb24]

معلييييييييييييييييش

مالها داعي والله ما لها داعي ..

وين أنت عن ياسر القحطاني و عمر الغامدي ..؟

طيب تحب سعد الحارثي نزل القصيدة في قسم الرياضة السعودية ..

نزولها في هذا القسم أعتبره إستفزاز للهلاليين بكل صراحة :( ....


عموما ً بالسلامة لكل اللاعبين المصابين ..

[نيــفــ7ــيــز]

يا اخوان انتم تتكلمون عليه وكأنه عدو مو واحد من ابناء المملكة

الله يشفيك يا ياســـــــــــــــــــــــــــــــــــــــر

الله يشفيك ياسعد

وترجعون للكرة السعوديه اللي مفتقدتكم

اااااامــــــــــــــــــــــــــــــــــين ياربـــــــــــــــــــــــــــــــــــــــــــــــــ

[الكاسر]

غرييييييبة !!!!!!!!

كأن ما عندنا مصابين يستاهلون هالقصيدة:confused:

عموماً ما يشوف شر

[القناص السامي]

الله يشفيه ويشفي كل القلوب المريضة !!
مو تبريـر .. لكن .. تفسير ..
اعتقد ان الشاعر .. شعر بقوة وحجم اصابة اللاعب سعد الحارثي .. !!
بــس .. برأيي ونظرتي اللغوية والادبية .. القصيدة سيئة جدا ولا تحمل اي حس شعري بعكس بعض القصائد الجيدة اللي قدمتها !!
عمووووووووووما
جزاك الله خير

[&azo0oz&]

جعله من رباط الى كسر ان شاء الله

عاملوهم بالمثل بلا مثاليه كفايه

[هلالي دائما]

اقسم بالله ان بعض الردود مخجله ..
طيب اكتب اللي تبي لكن على الاقل ياخي ادع بسلامة الرجال !!!!

الله يشفي الحارثي ويقومه بالسلامه .. واي لاعب ينصاب بالعالم الله يشفيه بعد .. يا كرررهي للاصابات :(