الاتحاد السعودي يتقدم بإحتجاج ضد حكم المباراه . . ويرفع إحتجاج للأتحاد الدولي ,,

[بندر القناص]

بسـم الله الرحمن الرحيم ,,
وجه صاحب السمو الملكي الامير سلطان بن فهد بن عبدالعزيز الرئيس العام لرعاية الشباب رئيس الاتحاد السعودي لكرة القدم الامانة العامة للاتحاد برفع مذكرة احتجاج رسمية للاتحاد الدولي لكرة القدم تتضمن ما تواجهه المنتخبات السعودية لكرة القدم من تجاوزات واخطاء تحكيمية خلال مشاركتها في المسابقات والبطولات التي يشرف على تنظيمها الاتحاد الاسيوي لكرة القدم


من جهة اخرى تقدم الاتحاد السعودي لكرة القدم برئاسة صاحب السمو الملكي الامير سلطان بن فهد رسميا ً بإحتجاج ضد حكام مباراة منتخبنا السعودي الاول الذي لعب مساء امس ضد المنتخب الكوري الجنوبي والذي ارتكبوا عدة أخطاء جسيمه كانت كفيلة بأن تنقل نتيجة المباراة للمنتخب الكوري هذا وقد قام مدير المنتخب فهد المصيبيح بتسليم الإحتجاج لمراقب المباراة الصيني / شانج جنق ..,,


كل الشكر والتقدير ,,

بندر

[شلهوب سدير]

اخطاء واضحة والله :confused:

لكن وش نسوي :lkj:

شكرا ً بندر :heart:

[هـ سدير ـلالي]

ايه احسن يا سلطان ذق ما ذقناه في الهلال

ذق الحرهـ والظلم اللي عشناهـ من توفى المرحوم فيصل بن فهد

سبحان الله يمهل ولا يهمل

[عاشق نورة]

بالنسبة لضربة الجزاء

أشوف انها غير صحيحة لأن نايف مثّل فيه

ولو تلاحظون نايف سقط قبل دخول الحارس

[OnLine]

ردد ردد معي

يالييييييييييييل ما اطولــكـ
:kello:

[رايد التحدي]

بدل مايقدم على إستقاله يقدم على إحتجاج
وما أدري ليش المكابره البنتي غير صحيح والتمثيل موجود
وستتذكرون كلامي إذا رأيتم رد الفيفا
ماغير يفشلنا عند الفيفا هو وإحتجاجه

[شفاف]

يا اخوان للحين مافهمتوا اللعبه !!؟

لاسمح الله ما تأهلنا

بيطلع ونقول حنا مظلومين و حنا وحنا وحنا

يعني سلطان قاعد يشحن الجماهير على الحكام عشان الجماهير تتقبل خروج المنتخب من التصفيات بصدر رحب وبفكر ان حنا مظلومين ومساكين ..


ولو تأهلنا بيطلع يقول الحمدلله رغم الظلم ورغم الصعاب والعقبات والمطبات تأهلنا برغم عنهم (himo)

لعبه اعلاميه محبوكه صح من سي سلطان امااال اييه ياعم :kayf:

[هـ سدير ـلالي]

ياشباب اللي يقول ان البلنتي غير صحيح هذا ما يعرف الكوره اقسم بالله ولا يدري وشي

مفروض بلنتي وطرد للحارس

بتقولون ليه ؟؟

لان نايف استلم الكوره قبل الحارس

ويكون لمعلوميتكم اكثر البلنتيات اللي تحتسب ياسر بنفس لطريقه

واذا ما تأكدتوا الحمد الله الحن في عصر متقدم وتقدرون ترجعون لها وبحكم انكم انتم الان على النت يعني الللي تبونه عن ياسر راح يجيكم على طوول

[أبو راكان الهلالي]

وينك يا سلطان الغفله عن ظلم التحكيم والاتحاد الاسيوي للزعيم

ألحين جاي تتكلم وتحتج على بلنتي غير صحيح .. لو تستقيل أنت ومع

أبو المكياجات والمجاملات يكون أحسن لنا وللشعب السعودي .....

[m-c-t..24]

مسوين البرقان الله يهديهم ..!

[helaly_9]

* فيصل السلطان قراده مركبه (اخذ فرصته كامله شكرا لك فيصل ناديك يناديك)
* اهتزاز ثقة تكر الريشة التي قصمت ظهر البعير
* استعراض عبدو + الفريدي = طعنه في خاصرة المنتخب
* هوساوي + تكر = دفاع اعرج (الرجل الشمال خارج نطاق الخدمه)
* حكم لا يعرف من التحكيم الا صافرته = ارضاء للسركال
* محاربة السركال للمنتخبات السعوديه بعد الحادثة الشهيره في كأس الخليج 17 وحقده على منتخبنا بعد هزيمة 96 والمباراة الآخيره في التصفيات (ولازال لخيبته بقيه)
* الجوهر = ماكل مره تسلم الجره (المنقذين الذابح والكاسر والهالك خارج الخدمه)
* موقع اسامه المولد = تنفس برئه واحده

2002 تأهلنا من خرم ابره
2008 سنتصدر المجموعه بإذن الله ولكن بشرط!!!!

[Bader AL-Tamimi]

الحكم هذا محطوط لنا بحركه مقصوده

[الــصــاروخ]

المنتخب لم يخسر < ههههههههههههههههه ما اقول الا اطلع من مخي

انا ابعرف شي واحد بلنتي ما احتسب اوكي على عيني وراسي لكن وين هجومك النايم .. !!
ولا الوسط الضايع !!
بس النكته دفاعكـ .. اجل ابو كور يلعب باصات بـ [ روسهم ] داخل منطقة 18 المنتخب السعودي هذي اللي ماتترقع ابد

الخلاصه انك انت نكبة المتخب مع ولد اخوك


والله عيب هـ التصاريح نسمعها من اعلى سلطة سعوديه .. هذا اسمه استخفاف بعقول الشعب السعودي

والله يعين كل هلالي للحين يشجع منتخب السعودية ..

بالتوفيق للهلال

[الزعيـALZAEEMـم]

اللي يقول بلنتي صحيح ويبرر انه انحنائه عشان تكون انطلاقة سريع لولا اعاقة الحارس ... سلاماات .. والله لو انه بيطب في مسبح :d:

اللاعب مبيّت الطيحه قبل لا يوصل للحارس .. ولو انه مكملها زي الناس كانت هدف


فورزا سلطان بن فهد :wr:

[Aimar 16]

الحين ذا له وجه يطلع بـ الإعلام ؟؟

يـ خي ليش كل ما أنهزمنا حطوها بـ الحكم ؟؟ يـ خي اللي يشوفنا ماسكين المباراه طول بعرض !!! والحكم ظلمنا بعدم إحتسابه سبع ركلات جزاء صحيحه :( ولا طرد لاعبين مننا ظلم ؟؟ ولا ألغى لنا هدفين صحيحين ؟؟

أصلاً المباراه كلها على بعض ما فيها إلا هجمتين لـ المنتخب الأولى اللي صارت فيها ركله الجزاء المشكوك فيها والثانيه هجمه مالك اللي جت بمجهود فردي ..

يعني رح المشاكل اللي بـ المنتخب بعدين رح حطها على الحكم الضعيف ..

أصلا لك وجه تحطها بـ التحكيم على هـ المستوى ؟؟؟

[هلالي منذ الأزل]

الحين ذا له وجه يطلع بـ الإعلام ؟؟

يـ خي ليش كل ما أنهزمنا حطوها بـ الحكم ؟؟ يـ خي اللي يشوفنا ماسكين المباراه طول بعرض !!! والحكم ظلمنا بعدم إحتسابه سبع ركلات جزاء صحيحه :( ولا طرد لاعبين مننا ظلم ؟؟ ولا ألغى لنا هدفين صحيحين ؟؟

أصلاً المباراه كلها على بعض ما فيها إلا هجمتين لـ المنتخب الأولى اللي صارت فيها ركله الجزاء المشكوك فيها والثانيه هجمه مالك اللي جت بمجهود فردي ..

يعني رح المشاكل اللي بـ المنتخب بعدين رح حطها على الحكم الضعيف ..

أصلا لك وجه تحطها بـ التحكيم على هـ المستوى ؟؟؟

فيه هجمة هزازي والسلطان من ركنية في الدقيقة 3. وشوتة مالك من بعيد، وفرصة صنعها الراهب من لا شيء تقريباً لمالك. وطبعاً أغلب الفرص محاولات يائسة بعد ما طاح الفاس في الراس. أغلب الاستحواذ على الكرة مع كوريا، أخطر الفرص لهم، اللي يشوف المباراة ولا يدري وشهي بيقول الكوريين يلعبون على أرضهم.

نعم البلنتي صحيح في رأيي حتى لو كان هزازي يبحث عن بلنتي. الحارس ما كان لم الكورة وخش على رجله اليسار. أنا شفت المباراة على قناة أمريكية بمعلق أمريكي وإيرلندي واثنينهم ما صدقوا وشلون ما انحسبت مع إن اللقطة انعادت اللقطة من جميع الزوايا تقريباً.

لكن اللي يحط سبب الهزيمة في البلنتي فهذا أحسه ما كان يشوف المباراة.

والله شي يقهر. إذا في أرضنا مربوشين وما يعرفون يلعبون، وش بيسوون في طهران عند 100 ألف مشجع إيراني حاقد. شكلها بتكون مباراة كارثية. منتخب لا يبعث على أي قدر من الثقة، ولو تأهل فأتوقع مباراة مشابهة لمباراة ألمانيا.

[B&&W]

للاسف يطلع البعض يعارض الحقيقة
طبعا لن اتكلم عن المستوى السيء حتى قبل الطرد ولكن الكلام الم يكن المنتخب السعودي بنفس الحالة امام ايران وخرج متعادلا وكذلك امام الامارات في ابوظبي وخصوصا الشوط الاول كنا اسوء من الشوط الاول مع كوريا ولكن في الشوط الثاني قلبنا المباراة فالفريق كان بامكانه العودة في اي وقت والدليل انه بعد الهدف الاول لكوريا ورغم النقص هجم المنتخب وكاد يحرز هدفين على الاقل لولا قلة التركيز
وانا راح اتكلم عن الي يقول البلنتي غير صحيح وان اللاعب مثل اسمحلي اقول انه يرجع يشوف اللقطة مره اخرى وبعقلانية
اللاعب انفرد والحارس تدخل (بقدميه) كانه لاعب كراتيه والحارس اعاق اللاعب بركبته وقدمه وهزازي بعد ذلك سقط ولكن سقوطه بدا وكانه يمثل ولكن الحقيقة ان الحارس في الاصل اعاق المهاجم بشكل واضح مره ولا يمكن ان ننكر ذلك
وكان الحكم بعيد جدا نقول معليش لا تحسب بلنتي اذا انت غير متاكد ولكن ايضا لا تعطي بطاقة على التمثيل اذا لم تكن متاكد
وطبعا حكام الراية مالهم فايدة الا بالتسلات لانه كما تعودنا من الحكام الاسيوين انهم (جبناء جدا) لكي يتدخل ويحتسب او يلغي فاول او ضربة جزاء

وحتى الي ما اقتنع بالبلنتي باي طريقة فممكن يتفضل ويرقع لنا كيف الحكم ما طرد الكوري الي شات الفريدي بوجهة بدون كورة !!!!!!!!!!! رغم ان الحكم كان قريب مره وشاف الحادثة ولكن شرد مثل الجبان لكي لا يتورط بطرد لاعب كوري واعتقد حتى حكمي الراية والحكم الرابع شاهدوا الحادثة ولكن حسبنا الله ونعم الوكيل!!!

[Eng.Fahad]

بالنسبة لضربة الجزاء

أشوف انها غير صحيحة لأن نايف مثّل فيه

ولو تلاحظون نايف سقط قبل دخول الحارس

انا معك..

للي يقولون الحكم فاشل انا معكم انه فاشل جدا..

بس البلنتي تمثيل..

[هـ سدير ـلالي]

ياشباب اللي يقول ان البلنتي غير صحيح يطلع من المنتدى يتثقف كروياً ويرجع لنا بعدي

قنات الكاس والدوري فيها سبع محللين كلهم يقولون البلنتي صحيح

وثلاثه في قنات الرياضيه ابو ثنين والرومي والهريفي يقول ان البلنتي صحيح تجون انت وتقولون لا

بالله ارجعو لبنتيات ياسر وردو لي

[الرداء الازرق]

هههههههههههههههه
الله اكبر اللي يشوفه يقول المنتخب ماسك اللعب لين طرد الحكم هزازي...!!

المنتخب فاشل بفشل مدربه واختياره للعناصر

اجل هزازي والسلطان هجوم..؟؟!! هذولا تلعبهم مع البحرين الكويت ايه
لكن مع كوريا لعب ناس خبرة المحياني الشمراني بشير...!!

ولا الظهير المولد البطيء وين الرهيب وين حسن معاذ وين كامل..؟؟!!!

اللاعبين كلهم "كيف الحال" باستثناء وليد عبدالله وهوساوي فقط

عطني هجمة منظمة تكتيكية وحدة بس...!!

اتحادك واللي تحتك من حكام ولجان هم الفاشلين ولا تقيس الناس عليك..!!

عدل امورك داخليا ينصرك الله خارجيااا...!!

[الرداء الازرق]

.

[الرداء الازرق]

[QUOTE=B&&W;3713520]للاسف يطلع البعض يعارض الحقيقة
طبعا لن اتكلم عن المستوى السيء حتى قبل الطرد ولكن الكلام الم يكن المنتخب السعودي بنفس الحالة امام ايران وخرج متعادلا وكذلك امام الامارات في ابوظبي وخصوصا الشوط الاول كنا اسوء من الشوط الاول مع كوريا ولكن في الشوط الثاني قلبنا المباراة فالفريق كان بامكانه العودة في اي وقت والدليل انه بعد الهدف الاول لكوريا ورغم النقص هجم المنتخب وكاد يحرز هدفين على الاقل لولا قلة التركيز

وهل تقيس مننتخبات ايران والامارات اللي مثل السعودية واردى لياقيا وفنيا وتكتيكيا بمنتخب كوريا "السياكل" على قولة يوسف الثنيان :angel:...؟؟؟

هناك فرق
ولو كان المدرب غير الجوهر + اللعب للأحق وللأجدر بعيدا عن التخبط في اختيار العناصر + الرئيس ليس بسلطان والنائب ليس اسير الشوك = منتخب قوي لا يلتفت الى التحكيم ولا يجعله شماعة يعلق عليه الخسارة...!!

المنتخب في يد سلطان واسير الشوك ذكرني بالنصر
ينهزمون بأخطاءهم وتخبطاتهم ويلقون اللوم على التحكيم والاتحاد الاسيوي "السعودي"...!!

[أزرق مرح]

وش استفدنا عاد


بيعيدون المباراة

[شلهوب توب]

اقول ورا ماترسل خطاب بعد انك ترأس الاتحاد اليمني ويلحقك ولد اخوك !

[Grande Inter]

وش استفدنا عاد


بيعيدون المباراة


وبنآكلهـآ مره ثآنيه :ignor:

خلهـآ على هدفين وتنبلع :d:

[MeEeSh]

المنتخب لم يخسر < ههههههههههههههههه ما اقول الا اطلع من مخي

انا ابعرف شي واحد بلنتي ما احتسب اوكي على عيني وراسي لكن وين هجومك النايم .. !!
ولا الوسط الضايع !!
بس النكته دفاعكـ .. اجل ابو كور يلعب باصات بـ [ روسهم ] داخل منطقة 18 المنتخب السعودي هذي اللي ماتترقع ابد

الخلاصه انك انت نكبة المتخب مع ولد اخوك


والله عيب هـ التصاريح نسمعها من اعلى سلطة سعوديه .. هذا اسمه استخفاف بعقول الشعب السعودي

والله يعين كل هلالي للحين يشجع منتخب السعودية ..

بالتوفيق للهلال


:angel::angel:

[هلالي اكاديمي]

سلطان بلنتي

[الإعـ20ـصار]

بالنسبة لضربة الجزاء

أشوف انها غير صحيحة لأن نايف مثّل فيه

ولو تلاحظون نايف سقط قبل دخول الحارس

البلنتي صحيح بس الظاهر انك شفت اللقطة من الخشبية //

قناة الآرتي وضحت اللقطة و بين البلنتي :

http://www.merkaz.net/up/uploads/92688.jpg

[Abdulmajeed]

الحين بدال ما نصحح اخطاءنا نروح نلوم الحكم ونقول ان اللعيبة كانو رجال وقدمو كل شئ !!

ابي واحد بس يطلع ويقول ان المنتخب سئ ولا قدم شئ من بداية التصفيات .. الكل خايف ويطبل :q:

المنتخب سسسسسسسسسسسسئ مرة مرة واللي يقهر يطلع رئيس الاتحاد ويقول انهم كانو رجال ولا يلامون !!!!

فزنا على الامارات بمجهودين فرديين وقالووو ان المنتخب كان كويس واروع منتخب في العالم ّّ


قلنا ما فيه مشكلة فايزين على الامارات نمشيها :nrey:

بس ان المنتخب يخسر ونقعد نقول حكم وحكم ونطلع ان اللعيبة ما عليهم كلام هنا الشئ اللي يقهر :amle:

الحين ابي اعرف شئ واحد بس لو كل فريق بيقدم احتجاج للفيفا بسبة انه ما احتسب له بلنتين في مباراتين مختلفتين أجل من بيبقى ما رفع احتجاج :noo:

أجل فريق الاهلي وش يقولون .. :req: << بإعتبار انهم دايم ينظلمون ويسكتون

[مطفوق]

يا اخوان للحين مافهمتوا اللعبه !!؟

لاسمح الله ما تأهلنا

بيطلع ونقول حنا مظلومين و حنا وحنا وحنا

يعني سلطان قاعد يشحن الجماهير على الحكام عشان الجماهير تتقبل خروج المنتخب من التصفيات بصدر رحب وبفكر ان حنا مظلومين ومساكين ..


ولو تأهلنا بيطلع يقول الحمدلله رغم الظلم ورغم الصعاب والعقبات والمطبات تأهلنا برغم عنهم (himo)

لعبه اعلاميه محبوكه صح من سي سلطان امااال اييه ياعم :kayf:


هههههههههههههههههههههههههههههه ياخي كلام بالصميم لا عاد والأعلام عندنا وزيد عليهم فوده وطقته انواع التطبيل مع سموه قال ضربة جزاء يعني ضربة جزاء

[مساعد الطيار]

أخطاء واضحه

لاكن ايش نسوي

الله لايوفق من كان سبب خسارة المنتخب الغالي

[شقردي الهلال]

اقالة الجوهر واعادة كالديرون هو الحل لأن الجوهر مدرب طوارىء فقط

وان شاء الله يشيلون السيكل وابن خمام يا رب