سالفتي مع الهيئه ((نقاش))

[فهد الهلال]

بسم الله رحمن الرحيم
السلام عليكم ورحمة الله وبركاته
ياشباب اليوم انا ابي اقولكم قصه صارتلي قبل كم يوم
ونا الى الحين محتار مادري انا استاهل الي صارلي ولالا
المهم انا ابي اقولكم القصه ونتو احكمو


كلنا نعرف رجال الهيئه الي يقمون با اشياء رهيبه مايعلمها الله وهم احد اسباب نجاح الامان
عندنا واله حمد
ولولاالله ثم رجال الهيئه مكان اهلينا يطلعون من البيت


المهم...

قبل كم يوم دق على ولد عمي

ولد عمي:الوهلافهد اخبارك تمام

انا :الحمدالله طيب ابشرك
ولد عمي : وشعندك يا فهد الحين؟؟


انا::والله اني منشغل شوي !!
ولد عمي :اها اجل سلامتك ماتشوفر شر


انا :ليش وش بغيت

ولدعمي:قال كنت ابيك تخويني لمكتبة جريرالي في مخرج5

انا:والله ماتوقع لئني مشغول شوي
ولدعمي :قال خلاص الله يستر عليك

انا:قلت خلاص انا اذا فضيت كلمتك
ولدعمي: قال طيب



انتهت المكالمه

راح ولد عمي للمكتبه مالقا الكتب الي يبيها قالوله رح لفرع ثاني يمكن تحصلها
المهم بعده بشوي خلصت الشغل الي عندي ودقيت على ولد عمي
هاه وينك خلصت شغلك قال لا رحت للمكتبه ومالقيت الي ابيه
قلت طيب مرني الحين قال طيب وجاني
المهم رحت معه قلت وين بتروح قال ابي اروح لجرير الي في حياة مول قلت ليش وش عندك ماخلصت شغلك قال مالقيت الي ابيه
ويمكن القاه في جرير الي في حياة مول
المهم رحنا حياةمول
منعد البوابه بس من ورا السوق عشان نبي نوقف وننزل للمكتبه
المهم ولد عمي الله يهديه مع المطر موتره فيه غبار ورجال كاتب ايميله ورقم جواله ورا في السياره
المهم لبقنا قدام المكتبه ونزلنا على رجولنا وحنا نمشي الا الي ينادي ياولد ياولد ويلتفت ولد عمي الا الهيئه راح لهم

هلا امر وش بغيت قال انت صاحب السياره ذيك قال ايه ونا كنت اراقب الموضوع عن بعد

المهم ناداني الشيخ قال تعال انت قلت سم امر وشبغيت قال اثباتاتكم

عطيناه اثبتاتنا ونزل الشيخ من الجمس وجا عند السيارة ولد عمي قال ماشالله حاط رقمك على السياره والايميل بعد

ودور عند سوق قال ولد عمي والله مو بقصدي شي والله ومادري ايش قام يتهرب ولد عمي من الموضوع يوم حس انه غلطان المهم قال الشيخ ورني اسمك في البلوتوث

ولد عمي حاط اسم عادي المهم جاني الشيخ قال عطني جوالك وعطيته جهازي وجلس يفصفصه فصفه المهم نادانا الشيخ يالله تعالو اركبو في الجمس قلت ليش انا وش دخلني

طيب في الموضوع قال انت معه وركبت معهم المهم جلسو يحققون معنا وش عندكم وش جايبكم وحنا نقول كنا نبي المكتبه قال ايه عاد هو ماخذ جولاتنا وجالس يفتشها

المهم خذونا للهيئه ونزلونا في التوقيف وكانو يبون يوقفون بس انهم قال نبي نوقعكم على تعهد ونمشيكم
وقوعونا ومشونا

الي ابي اعرفه من الموضوع ذا كله انا وش ذنبي في السالفه كلها
معني مكتبت رقمي ولا سويت شي


الي ابي اعرفه انا مضلوم ولا استاهل؟؟


وشي الثاني التعهد الي وقعته علىه اضرار مستقبليه
ووتمنا اني ماطولت عليكم في الموضوع وعذروني اذا فيه اخطاء

[حبايب]

ولدّ عمك يستاهل ما جاه .. شنو الهدف من كتابته إميله ورقمة على سيارته ..؟؟

توصيل طلبات ولا فزعه مع الغير إذا تعطلت سيارتهم ..؟؟:d:

جدّ يعني وش الهدف من وضع الرقم والأيميل ..؟؟


بالنسبة لك إنت .. ما عليك ملامة .. البلا من رجال الهيئة إنت راكب .. ماله حق يجي ويفتش جوالك أو يستدعيك للمركز .. حتى لو كنت راكب مع ولدّ عمك .. مع العلم إن البوادر تقول إنكم ما تعرضتو لأحد يستدعي الأمر نقلكم للمركز .. !!


عموماً رجال الهيئة فيهم الصالح والله يكثرهم ونشدّ على أزرهم .. وفيهم الطالح اللي ندّعي ربي إنه لا يكثرهم ويكفينا شرّهم .. !!



وشي الثاني التعهد الي وقعته علىه اضرار مستقبليه


لا تطمن يالغالي .. ماله أضرار مستقبلية .. لأنه موقع على ورق ولا يحمل الصفة الرسمية .. ولا يسجل في الحاسب .. ولعلمك حاسب الهيئة ليس مربوط بالمركز الوطني للمعلومات التابع لوزراة الداخلية .. !!



حطّ في بطنك بطيخ وأرقد وآمان .. ما عليك ضرر بأذن الله .. !!


أنصح ولدّ عمك يشيل إيميلة ورقمه .. عشان ما يصير له شيئ أشدّ من اللي صار .. !!


مب كلّ مرة تسلم الجرّة يالغلا .. !!


الحمد لله على سلامتك .. وأنتبه مرة ثانية حق نفسك .. !!



أطيّب تحية ..

[مميز الهلال]

بصراحه ولد عمك غلط غلطه كبيره خصوصا عند سوق

يعني جاب الشبهه لنفسه طبعا انت معه فااكيد انك داخل في المشكلة نفسها !!

اما من ناحية التعهد فانا مااقدر افيدك والله

[فهد الهلال]

888
يعطيك العافيه ياالغالي ماقصرت
بس الي صار كله من ولد عمي يعني انت اذا تبي تلوم تلوم ولد عمي انا مالي اي ذنب

[!! دمعة المقهور !!]

قال الرئيس العام لهيئة الأمر بالمعروف والنهي عن المنكر الشيخ إبراهيم الغيث، رداً على سؤال عما يفعل بعض رجال الهيئة في التعدي على الأشخاص وتفتيش هواتفهم النقالة ومصادرتها: «كررت سابقاً بأنه لا يحق لأي رجل هيئة أن يفتش أي هاتف نقال، ولا يجوز له ذلك، لأن فيه تعدياً على خصوصية الشخص، والتفتيش يعني الاطلاع على أسراره، وهذا لا يجوز شرعاً، لأن فيها حرمة المسلم، ولا يتم تفتيش الهاتف النقال إلا إن كان مستخدماً في جريمة».

[هلالي اكاديمي]

هالكلام بالرياض ؟ :q:

[فهد الهلال]

88 ايه ياالغالي في حياة مول

[زيـزوم]

هلا حبيبي فهد .

888
يعطيك العافيه ياالغالي ماقصرت
بس الي صار كله من ولد عمي يعني انت اذا تبي تلوم تلوم ولد عمي انا مالي اي ذنب

من واجب المسلم إحسان النية دائماً تجاه أخوه مسلم ، لكن إذا كان الشخص عارض رقم جواله وإيميله على السيارة وفي مجمع تجاري أو سوق أو أي تجمع آخر ، مايبقى مكان لإحسان النية .

هات أي ترقيعة لهالحركة .. لو غبية .. مافيه والله إلا إنه يغازل


ثانياً / رجل الهيئة الله يقويه مايعلم بنوايا خلق الله ولايعرفك ولا أظنه شافك قبل ، لكنه مايملك الدليل إنك بريء ولا إنت جاي مع قريبك علشان تغازل .. لأنك بصراحة حطيت نفسك بموطن شبهة

أما التعهد فما أعلم عنه والله ، لكن يبدو إن أمره هين لأنك ماانت من أصحاب هالسوابق (rambo)


الله يستر عليك ويوفق أهل الحسبة لما يحبه ويرضاه ، والله إنهم على ثغر كبير ولوا بدر من بعضهم مايعتقد بعضنا إنه خطأ

[الزعيـALZAEEMـم]

انا بس تعليقي على تفتيشه للجوال .. سلامات ؟
لو اني منك تهاوشت معه .. ابوووووي اللي هو ابوي مافتش جوالي http://www.alhilalclub.com/vb/images/smilies/ismile029.gif

[! غير البشر !]

تفتيش الجوال ممنوع
ومو من حقه يفتش جوالك

وولد عمك .. يستاهل.. حقه وماجاه :d:

اما التعهد اتوقع للتخويف فقط

[فهد الهلال]

ياحبيبي اذا تهوشت معه يمكن يكبر لي السالفه ونا مابي الموضوع ياخذ اكبر من حجمه لئنه انا واثاق من نفسي وجوالي مافيه شي

[!! دمعة المقهور !!]

^
^
حتى لو جوالك بكرتونه جديد لاتسلمه الجوال ..
تصبحون على خير اخاف اتهور بالموضوع شي يرفع الضغط :ag::ag::ag: ..

[الزعيـALZAEEMـم]

ياحبيبي اذا تهوشت معه يمكن يكبر لي السالفه ونا مابي الموضوع ياخذ اكبر من حجمه لئنه انا واثاق من نفسي وجوالي مافيه شي

حتى ولو كان الجوال مافيه شي .. .. ماله حق انه يفتش بشي خاص لك ..
كل ذا بلاغة :sleepy:

وبالعكس انت موقفك سليييييم لو رفضت ..

[oOo Totti oOo]

يرجال عادي وسع صدرك :angel:

التوقيع علشان يخوفونك اذا بعدين حاولت تسوي شي تتذكر توقيعك ثمن تهون :d:

[هلالي اكاديمي]

88 ايه ياالغالي في حياة مول

الرياض هذي ما فيه كويس
مدري وش لون الواحد يبعد عن المشاكل هناك


فكرتهم عنك :
دامك عزابي... فانت تعتبر مغازلجي ... سكرجي .. محشش .. محبب .. متعاطي ... ( محتمل )

عموما ما فيه احلى من انك تهايط .. فان الهياط للمهايطي .. نجاه

[زيـزوم]

^
^
حتى لو جوالك بكرتونه جديد لاتسلمه الجوال ..
تصبحون على خير اخاف اتهور بالموضوع شي يرفع الضغط :ag::ag::ag: ..

تلقى خير
والله يكفينا شر التهور والمتهورين ، وش اللي يرفع الضغط بالتحديد يالغالي ؟

[فهد الهلال]

888
وين حنا فيه في العصر الحجري هياط ياحبيي اذا تبي تهياط لازم يكون عندك ضهر واسطه تشق الوجه شق عشان تهيط لاكن اذا صرت على قد حالك لازم تسكت وتقضب الارض

[الـفـارس الازرق]

انت ما يلحقك شي ..
لكن صراحه ولد عمك يستاهل بصراحه يعني .!
رقم جوالي وإيميل بعد .!؟؟؟

وماله حق يناقشك لأن انت مالك ذنب ومو من حقه يـفتش جوالك اصلاً .
ومن ناحية التعهد ..لا تخاف .أوراق التعهدات مهيب رسمية
إذا الدعوة مجرد توقيع [ جرة قلم ] فهذا كلام
لكن اذا [ بصمة ] ...فالله يعينك :p

[زيـزوم]

الذين يشاهدون محتوى الموضوع الآن : 5 ( الأعضاء 5 والزوار 0)
زيـزوم, ماجد التميمي, دمي نصراوي

لآحوووول :(

[ماجد التميمي]

اذا جاك مطوع من هالشاكله
قلك عطني اي شي غير هويتك ..

قوله اقلب وجهك ..

ولا عليك منه ..

مايقدر يسوي لك شي لو تقول اقلب وجهك ..

لكن ان قلت لا مو من حقك بيسطي عليك ..

هذول عافسين البلد ونكبونا نكب .. ليتهم يخلونهم بس بمدارس البنات وعساهم يسلمون من بعض الاجتهادات السلبيه ..

[وردة الهلال]

دامك عزابي... فانت تعتبر مغازلجي ... سكرجي .. محشش .. محبب .. متعاطي ... ( محتمل )

ابو كدم .. بعّد عن اماكن تجمّع النساء في الاسواق و قدام الملاهي و ما راح يجيك شي > بس البلا ان حريم الرياض واصلات المريخ ما هنا مكان ما ملنّه :amle:

الرياض نفسها كثر فيها الفساد و اللي يقوم فيه رجال الهيئة لمنع مخاطر كبييييرة .. بما انه لا يمكن بأي حال منع انتشار الاسواق ( المرَضي ) و اللي نشوفه الان .. يعني شي يلحقون عليه و شي لأ ..

اما انت يا راعي الموضوع .. كثّر خيرك على فزعتك لولد عمك ..
بس رجل الهيئة ما يعرف الا انك شاب جاي في سيارة مسجل فيها رقم و ايميل و في مكان يكتظ بالنساء ..
احسان النية بابه ضيّق في هالحالة .. لا تلوم الرجل و هو ما سوّى هالشي الا علشان يحفظ حقك انت ايضاً و حق اهلك ..

بارك الله فيك ..,

[وردة الهلال]

هذول عافسين البلد ونكبونا نكب .. ليتهم يخلونهم بس بمدارس البنات وعساهم يسلمون من بعض الاجتهادات السلبيه ..


لا و الله ياخي الا نبيهم عند الاسواق ..
و نبيهم عند الملاهي و ملاعب الاطفال ..
و الشباب مكانهم معروف و ما شاء الله اكثر ما كثر ربي الاماكن اللي تستوعب الشباب .. بدون ما يكون وجودهم مضايقة لأحد .. :)

[شفاف]

ياشيخ ماوراهم الا وجع الراس

وخر هش انقلع تعال انقز ..

حوش غنم مو بشر

[البطل نواف11]

انا بس تعليقي على تفتيشه للجوال .. سلامات ؟
لو اني منك تهاوشت معه .. ابوووووي اللي هو ابوي مافتش جوالي :rolleyes:
<!-- / message -->

حتى لو جوالك بكرتونه جديد لاتسلمه الجوال ..
تصبحون على خير اخاف اتهور بالموضوع شي يرفع الضغط :ag::ag::ag: ..



هههههههههههههه :d:

انا قلت للهيئه يوم طلبني الاثبات : وش دخلك ؟؟ قعدت يومين بالمركز :d:

بعدين ترى الهيئه كلهم اجسام تلقى طوله عشرين متر وعرضه خمسه امتار :d: انت الخسران لوتهايط يعني :redcard:

عموما الهيئه لها سلبيات وماننكرها بس قليله جدا ..

والله ان الهيئه بردت قلبي من ها الدشير اللي بالاسواق :d:

اتذكر مره قلت لخوياي خلونا نلعب بلايستيشن او نروح صاله بلياردو بس اجمعوا على الذهاب للسوق :cry:

قلت روحوا انا بروح للبيت .. وفعلا اتصل علي بعد ساعتين واحد منهم وهم بالمركز حق الهيئه يقول ماتعرف واحد يدبرنا :d::d:

قلت له : حتى لو اعرف والله ما ادبركم حقكم وماجاكم .. (himo)

طلعوا بعد ست ساعات في المركز والظاهر ان جاهم كم علقه :nrey:

الهيئه للي يمشي مضبوط يعتبرها نعمه :noo:

والى الامام يا احفاد الصحابه :heart:

[الـقـيـصـر الـبـافـاري]

سبحان الله ، بعض الناس يتركون الشيء الايجابي الوااضح في القصة ، ويروحون لتصرف سلبي واحد فقط !! ، :rolleyes:

أدام الله الهيئة ، و أصلح رجالها ووفقهم ، :yarab:

[الزعيـALZAEEMـم]

البطل نواف .. انا ماقلت الهيئة ماعندها الا الدجة .. بالعكس هم كويسين ويعطيهم الف عافية ..

بالنسبة للاثبات .. له حق انه يطلبه منك مافي مشاكل .. لكن الجوال :req:
ياخي لو اقعد بالمركز عشرين يوم .. الدعوه عباطة انه يجي يفتش بالجوال .. :confused:

تخيل موقفك والناس تطالع فيك .. وهالرجال يجي يفتش جوالك .. خخخ

[عــبــدالــرحــمــن]

و الشباب مكانهم معروف و ما شاء الله اكثر ما كثر ربي الاماكن اللي تستوعب الشباب .. بدون ما يكون وجودهم مضايقة لأحد .. :)

وين؟مخططات مثلا؟:jeng:

[هلال العرب]

رجل الهيئة ما عليه أي ملامة في اللي سواه معك ومع ولد عمك
سيارة مكتوب عليها رقم وإيميل وواقفه عند سوق ( حياة مول ) اللي سمعته بصراحه سيئة من اللي شفته بعيني وسمعت عنه من بعض الزملاء
أما طلب الجوال للتفتيش فهذه مخالفة من رجل الهيئة للتعليمات
وليتك واجهته بكلام حسن وأخبرته ان طلبه للجوال ممنوع على رجل الهيئة
والتعهد فقط لـ الإستهلاك الورقي

ألاحظ أن هناك من يريد تحويل قضية الموضوع إلى شتم وإستهزاء وتصفية حسابات مع رجال الحسبة ومراكز الهيئة
وعدم محاولة النقاش الموضوعي وكأن رجال الحسبة وفقهم الله لكل خير هم سبب إنتكاسة البلد إقتصاديآ أو أنهم هم سبب إنهيار سوق الأسهم وإرتفاع الأسعار أو أنهم هم سبب البطالة بين الشباب والفتيات وبالتالي تسببوا بكثرة سرقات السيارات التي يقوم بها بعض الشباب وأيضآ تسببوا بإنتشار العنوسة بين الفتيات أو أنهم هم سبب زحمة السيارات في الشوارع وبالتالي هم سبب الحوادث المميتة للمعلمات المغتربات !!!

[زعيم نصف الارض]

يا ليل الليل على هالسوالف اللي ما تنتهي ..

لو كل واحد يعترف بخطأه كان ما كبرت السالفة ..

[MidoOo]

ليش تسمح له يفتش جوالك !!!


باي حق يمسك الجوال

والله اكسره في الارض ولا يمسكه

لانهممنوع عليه يمسك الجوال

[مشتاق لنظره]

ولد عمك اظاهر انجن

رايح لحيآة مول وحاط ايميلة ورقمة

[عضو شرف]

الحمدلله حنا بالكويت لا هيئه ولا بطيخ ولا مشكله

[هلال العرب]

الحمدلله حنا بالكويت لا هيئه ولا بطيخ ولا مشكله

وش تحمد ربك عليه الله يشفيك ؟؟؟
لا يكون مجتمعكم ملائكي ؟؟؟

[هلالي الغربه]

بالنسبة للتعهد مافيه اي مشكله انت تروح من هنا وهو يفرم من هنا

اما انهم يمسكونك وانت مالك دخل
صراحة انا ايدهم ولد عمك تتخلى عنه خلك معه

[نادي البطولات]

ولد عمك يستاهل اما انت والله ما تستاهل ..

وبالنسبة لتفتيش الجوال ماله اي حق ..


بقولكم سالفه ايام الاختبارات قاعد ادور عند مدرسة عمتي احتريها تطلع وفجأه اسمع صوت ينادي وقف على جنب يا راعي الجمس << موتر ابوي

وقفت ونزلت ومعي ولد خالي قال وش عندكم هنا قلت احتري عمتي قال تستهبل انت قلت لا والله تبيني اتصل عليها قال لا وقال عطوني جوالاتكم قلت ما راح اعطيك الجوال لانه فيه خصوصيات قال للعسكري اسحب الجوالات واخذها غصب وركبنا الجيب غصب ورحنا للمركز وسجلنا تعهد مدري وشو والله وخلى الجوالات عنده قال ما تاخذها الا إذا جاء ابوك ولا اخوك بس عطاني الشريحه وقال توكل على الله وراح ابوي العصر واخذ الجوالات وسأله كان بيروح يجيب عمته قال ايه وطاح وجهه ومن بكرى شفته عند المدرسة ولا سلم ولا وقفني مرة ثانية :d: ..

رايكم شباب

[أبو زيد 2005]

موضوع ما يستاهل تحط موضوع عشانه

هذي السالفة صايرة لنص سكان الرياض . . . لا تشيل هم وانا أخوك :cool:

[ابوسعد الهلالي]

انت مخطئ لانك راكب مع واحد يتعرض لاعراض الناس بالترقيم وانت مانبهته ولا نصحته ولا تركت سيارته له .. يعني كلكم غلطانين !!

الله يقويهم .. لولا بعض حركاتهم الاستفزازيه ..

قبل اكثر من 15 سنه ايام عز الهيئه يسولف لي واحد اعرفه يقول كنت توني متزوج وكان اطلق سوق في الرياض ذاك الوقت العقاريه .. يقول الرجال اذا دخلت السوق ومعي زوجتي ما ادخل الا بمسدسي عشان لو تعرضوا الهيئه لزوجتي دافعت عنها وياروح مابعدك رووح .. بس الرجال هالحين عقل وبناته في سن الزواج وعرف قدر الهيئه الفاهمين منهم ..

واتذكر مره كان معي اخوي وكنا لاعبين كوره العصر وماشين بالسياره جمب الملعب منطقه ترابيه واشوف اللي يكبس لي والجو مطر وطين قلت منيب مخليه يسقط عشان مايحوس سيارتي .. ويدعس واحدّه بالسياره وادعس لين شفته يكبس لي يبي هواش شكله قلت لاخوي منك شده طقاق ..عاد اخوي يلعب حديد .. قال لبق ماعليك .. واصفط ويجون جمبي ويطلع جيب الهيئه ومعهم عسكري وورى بزرين في عمر 12 سنه !!
قلت خير .. قال وين رايحين .. قلت ابد لاعبين كوره وطالعين البيت تبي شي قال لا خلاص وهو يطل بخشته يشوف من راكب معي !!

السالفه الاخيره البارح يقول واحد من زملاي عنده محل احذيه بصحارى جوه الهيئه وضفوا من عنده 8 كراتين كل كرتون فيه درزن احذيه .. قلت ليش قال انهم يقولون ان اسم الماركه اذا قريته بالعكس يطلع اسم الله !! طيب لاتقراه بالعكس لان هذا اسم اجنبي !!

ع العموم كل هالسوالف لاتقلل من قيمة رجال الحسبه .. والله يقويهم ويوفقهم .. ولا يعرف قيمتهم الا من يتعرض اهله لموقف ولايجد من يسانده او يقف معه الا رجال الحسبه ..

وفق الله الجميع لما يحبه ويرضاه ,,,

[هلال العرب]

موضوع ما يستاهل تحط موضوع عشانه

هذي السالفة صايرة لنص سكان الرياض . . . لا تشيل هم وانا أخوك :cool:

الله من ثلاث سنين عضو بالشبكه وهذي أول مشاركه:mfhi2:

[فـۈق مستۈاگ]

وجلس يفصفصه فصفه


والله لافص وجهه بكف ,,
سلامات ومن حضرته يفتش الجوال ؟؟
ياخي هذا شيء خاص فيك ,,
لو فيه صور لاهلك ,,
صدقني هاللي مسكوك توهم جدد ,,
ولا والله ما يمسكون جوالك ,,

واذا عالتعهد ,,

فاتوقع انه اذا مسكوك مرهـ ثانيه تفاهموا معك زين ,,
:d:

[[ TaReQ ]]

بعطيك مثـال

الله لا يقوله ويبعد عنا وعن المسلمين نفترض انك راكب مع واحد مرّوج مخدرات وتم مداهمة السياره وانت معه بتتوقع بيتركونك وياخذونه ؟



انت موقفك سليم لكن مايُلامون الهيئه ،،

اما بخصوص تفتيش الجوال [ نجوم السماء اقرب له ]


تحياتي

[لورين]

عادي والله يحق لهم واكيد انهم ما اخذوكم من الباب للطاقه

يعني يمكن لاقين شيء بالجوال :fghty:

وغلطك انك تماشي ولد عمك صديق السوء مثل نافخ الكير ماتاخذ منه الا الشيء الشيـن


وانا دااااايم في صف الهيئه سواء ظالمه ولا مظلومه

وما اقدر احكم على موقفكم بيكوز اننا سمعناها من طرف واحد واحس ان فيه اشياء مشفره :d:

وبالنسبه للجوال حلاله والله لو يبي ياخذه صحة راسه بعد

يااحبي لهم يااخي


.........

<~ الرد عقب التعديل

يااخي بعض الاعضاء عليهم هياط مدري وش يبي

والله ان شفت الهيئه يمديك تنافض هذا ان ماطقتك البتسوه

اجل بتقول وش دخلك هههههههههه ياحليلكم

[زيـزوم]

عادي والله يحق لهم واكيد انهم ما اخذوكم من الباب للطاقه

يعني يمكن لاقين شيء بالجوال :fghty:

وغلطك انك تماشي ولد عمك صديق السوء مثل نافخ الكير ماتاخذ منه الا الشيء الشيـن


وانا دااااايم في صف الهيئه سواء ظالمه ولا مظلومه

وما اقدر احكم على موقفكم بيكوز اننا سمعناها من طرف واحد واحس ان فيه اشياء مشفره :d:

وبالنسبه للجوال حلاله والله لو يبي ياخذه صحة راسه بعد

يااحبي لهم يااخي


.........

<~ الرد عقب التعديل

يااخي بعض الاعضاء عليهم هياط مدري وش يبي

والله ان شفت الهيئه يمديك تنافض هذا ان ماطقتك البتسوه

اجل بتقول وش دخلك هههههههههه ياحليلكم



بجنبي واحد قرأ ردك ويقول لك : والله إنك بنت رجال ، والله يرحم اللي ربوتس ويقر عينهم بتس .

[زعيمـ2010]

إذا أنتم مسوين جريمة قويه حولوكم للشرطه (himo)

لاتخاف من التعهد تخويف بس وعشان اذا جيت مره ثانيه يعرفوك :cool:

الله يوفق رجال الهئية ويقويهم

[هلالي مجازف]

ولد عمـك يستـاهل

ولا ليش يحط رقم جواله وأيميلـه بعد

أيضا رجال الهيئة مالهم حق يفتشون جوالـك

أذكر أنه جتهم تعليمات مشددة لكن بعضهم الله يهديه ماينفع معـاه الا تحقيق وتعهد علشان

مايفتش جوالات خلق الناس

[أبوابراهيم]

جزى الله رجال الحسبة خير الجزاء :)

[السجين بتهمة حب الهلال]

الله ينصر رجال الهيئة ومع احترامي لولد عك الله يهديه هو اللي حطك موضع شبهه !!

وانت مستقبلا الاسواق ابعد عنها ولو لك حاجه فيها رح لحالك عشان تفتك من تميلح الشباب اللي يخاونوك!!

وقل الحمدلله ان فيه هيئة والا كان مثل ولد عمك كثير يعثون بالاسواق فساد !!

شكرا لك الغالي وتحمل وجهة نظري ولكنه الواقع

[سهـ20م]

ياخي ولد عمك كاتب رقم الجوال ليش ؟؟؟؟


ااما تفتيش الجوال ماله اي حق يفتشه

[قاهرهم(هلالي)]

الي سواه صحيح ..
لأن حركة ولد عمك مالها هدف .. ؟؟؟
جواله وايميله .. ؟؟؟
بس الجوال ابد ماله اي حق .. :)
يا حبيبي هنا .. لو عندك واسطة .. لا هيئة ولا غيرها يقولك شيء .. !!
القوي ياكل الضعيف وبس .. !!
الله يخلف .. !!

[عاشق لهلاله]

والله ولد عمك يستاهل ماجاه لكن انت ضعيف لكن هذا عيب الهيئة الجفاسة الزايدة شوي


مهب قصدي يقولون لك ليش سويت كذا ياحبيبي لكن بطريقة افضل واهذب


لكن مع كذا الهيئة يبقون ركن مهم لايتزحزح

[hilal.com]

رجال الهيئات على ثغر عظيم

الله يوفقهم ويسددهم

هذا الامر فيه خير لك وماتدري

المفترض اخوي فهد

1- كلمت ولد عمك على الرقم والايميل خاصة انكم داخلين سوق .

2- انت شريك لولد عمك مع ان ( لا ) ناقة لك ولاجمل فالخير يخص والشر يعم (rambo) .

3- تفتيش الجوال ( حسب النظام يحق له تفتيش جوالك ومصادرته ثم تحويله الى الشرطة اذا وجد بداخله

مايسئ للدين او الاخلاق ) . المعلومة هاذي من محقق في هيئة التحقيق والادعاء العام التابعة لوزارة الداخلية


التعهد قد يضرك اذا تكرر منك ذلك في اي مركز هيئة في المدينة التي تسكنها او قبض عليك في قضية امنية .

[شفاف]

رح اشتك الحين بيقولك احتسب الاجر .. :angel:

[هلالي تكساسTX]

اولا ً الهيئه مهمه جدا ً خصوصا في ظل التدهور الغزلي السنوات الاخيره ، والترقيم والتطيلع جهارا ً نهارا ً ..

والموقف اللي حصلك ، انت مشترك بالفعل ، لأنك معه والراضي كـ الفاعل !!
والاعضاء اشبعوه هذه الجزيئه توضيحا ً ، فلا داعي لتكرارها ..

ولكن ، أن لم تعمل لن تخطأ ، والهيئه يعملون ليل ونهار ( بالاسواق ، عند مدارس البنات ، في المخيمات والخ ) .. فـ طبيعي جدا ً ان يحصل منهم خطأ او تقصيرٍ ..

سألت احدهم مره ، لماذا هذه القسوه في التعامل مع من يلاحظ عليه سوء ، قال لي : من كثر مانشوف من مصايب صرنا نشوف الناس كلها على خطأ .. وهو صادق

اللحين ( السيـّاف ) اللي يقيم الحد صار عنده هالشي عادي والشخص يتأثر بمكان عمله ..

انا هنا لا أقول ان رجال الحسبه منزلون من الجنه ، ولكن نقرأ ونسمع بأفعالهم الايجابيه اكثر من السلبيه

رغم انه حصلت لي مواقف شينه ومعامله قاسيه منهم ( وانا بري براءة الذئب من دم يوسف ) ..

واكثر شي يزعجني فيهم تفتيش الجوال ( الاسلام مايقول كذا ) !!!!
بالعكس ارى انه تعدي على محارم الاخرين فكما نعلم وتعلمون ان الجوال احد الامور الشخصية ..

عموما من احد المواقف الطريفه اللي صارت ، طالع من بيتنا لصلاة العشاء شغلت سيارتي ابيها تحتمي شوي الا جمس الهيئه واقف جنبي ويأشرلي يقول نزل الدريشه ، نزلتها قال ليه ماتصلي قلت وش تشوف انت ! قال اشوف انك جالس في السياره قلت ايه طيب وش مطلعني من بيتنا الا اني رايح اصلي ، قال طيب مهوب لازم بالسياره رح على رجلينك قلت لا انا ابي اروح على سيارتي وذب علي كلمه نسيتها ومشى ..
هههههههههههههههههههههههههههه

بس عموما في كل شركه او مؤوسسه او وزاره او هيئه او شرطه او او .. لابد يكون فيه المستقيم والأعوج

والله يستر علينا وعلى المسلمين ..

[blue_9]

مالهم حق في تفتيش الجوال
بس الله لايخلينا منهم رجال الحسبة حارسين أعراض المسلمين بعد الله

,,

[البطل نواف11]

3- تفتيش الجوال ( حسب النظام يحق له تفتيش جوالك ومصادرته ثم تحويله الى الشرطة اذا وجد بداخله

مايسئ للدين او الاخلاق ) . المعلومة هاذي من محقق في هيئة التحقيق والادعاء العام التابعة لوزارة الداخلية




عساك اقتنعت ياوائل انت والشباب اللي ردوا ان الجوال ماله حق يفتشه :angel:

[زعيم شمري]

اخوي اذا انت شريف الناس الغرباء ما يدرون

والي ما يعرفك ما يثمنك

[قناص الرياض]

رسالة لمثل هؤلاء

أعراض الناس مهوب لعبه ياللي تغازل

لو حدث و جاء أحد وغازل اهلك بترضى

حاط رقم جوال و إيميل بعد و زعلان الاخ

حشفا و سوء كيل

و انت لا عاد تماشي ولد عمك المغزلجي وخر عنه نصيحه لك


العقوبة من جنس العمل اللي يغازل بنات خلق الله بيجي يوم والناس تغازل أهله

[((البرنس))]

احمد ربك انها وقفت على كذا بس

[!! دمعة المقهور !!]

اللي يقول النظام يجيز له يفتش الجوال نقول له الله لايهينك عطنا صورة من نظام الهيئات عندنا (( إن كان لهم نظام )) عشان نقتنع ..
والشي الثاني الرئيس ابراهيم الغيث تصريحه وهو النظام بكامله يقول (( يٌمنع تتفتيش الجوال )) ..

زيزوم :
اللي يرفع الضغظ تفتيش الجوال وأنت برئ ومالاحظ عليك حدوث سلوك غريب ..

انتهى الحديث ..

[دحوش]

ولد عمك جابه لنفسه . هع

بس ماكان له حق يفتش جوالك .

الله يوفق رجال الهيئه والله حنا من غيرهم مانسوى
صح ان فيه ثغرات من بعضهم بس اجابياتهم اكثر من السلبيات

لاهنت