][][][ بعد ان ُظِلم ياسر ... يجب ان نقف مع سعد ][][][

[عاشق هلالي سعودي]

بعد المفاجأه التي اطلقها الاتحاد الاسيوي

بإستبعاده لياسر القحطاني من قائمة المرشحين للجائزه

يجب علينا جميعاً الوقوف جميعاً مع ممثل الوطن سعد الحارثي

بعيداً عن التعصب والاستفزازت والملاسنات الصحفيه والاخبار التعصبيه من هنا وهناك

سعد الحارثي يمثل السعوديه قبل ان يمثل نادي النصر

فنحن مع سعد الحارثي حتى يحقق جائزة افضل لاعب اسيوي 2008 ان شاء الله

مثل ما فعلها ياسر سنة 2007 راح يفعلها سعد 2008 ان شاء الله

اتمنى عدم الاستفزاز والتفكير بعقلانيه قبل الرد

من اجل انجاز جديد يسجل بأسم الوطن وبأسم ابن من ابناء الوطن

[زعيم الزعماء]

بالحيـــــــــــــــــــــــــــــــــــــــــل ...

عاملوهم مثل مايعاملوننا ...

[علنده]

شف انا ممكن اقف معه بس فيه عندهم عضو شرف فيه نعره ما قد شفتها في عيال عبدالعزيز عشان كذا ممكن اصوت لإوباما ولا اصوت له ولا اقف معه ،،،

اخاااااااااااااف يقولون ما عنده وطنيه ،،، مثل الاهلي اللى تخطط ضده في الخليجيه بس بأذن الله راح ياخذه الاهلي .

[الإعـ20ـصار]

بالحيـــــــــــــــــــــــــــــــــــــــــل ...

عاملوهم مثل مايعاملوننا ...
888888

و ليش ما نصير أحسن منهم و نوقف مع سعد ..؟!:kany:

[[ TaReQ ]]

لا والله يبطي :kayf:

[نظرة الحب]

من جدك انت من الظلم انه تروح له

ياخذه الي يستاهل احسن

[HilalyToday]

من اجل انجاز جديد يسجل بأسم الوطن وبأسم ابن من ابناء الوطن

اقدر لك وطنيتك ولكن تسمية هالمسألة بالإنجاز وبإسم الوطن .. الى آخر هالكلام الإعلامي اللي مضحوك علينا فيه من سنين في جرايدنا وقنواتنا المتهالكة والمتزلفة !

أي إنجاز وانا أخوك ذلك الذي يعتمد على مجرد فوز بجائزة لا راحت ولا جت ؟

حدثني عن إنجاز طبي .. علمي .. تقني .. هذا ما أفخر به وتأخذني الحميّة فيه .. أما مجرد جائزة أفضلية كروية فاسمح لي أقول لك انني أني لا آبه بها ولا تهمني .. وعلى ذلك بإمكانك أن تعتبرني غير وطني !

ثم هب اننا نحفل ونهتم .. ما الإنجاز الذي حققه الحارثي حتى يدخل ضمن مرشحي الجائزة ؟

عندما رُشح سامي .. والشلهوب .. كانا يستحقان ذلك وإنجازاتهما تتحدثان عنهما وبالأرقام .. أما الحارثي فماذا عمل؟

أشبه ترشيح الحارثي تماماً بفوز خلفان بالجائزة دون أن يعرف 99.9% من مشجعي ومحبي الكرة في آسيا أين يلعب هذا اللاعب ولا حتى ما جنسيته !!

[حمـــــودي]

يـعـطـيـك الـف عـافـيـة عـلـى هـالـمـوضـوع
واحـي فـيـك الـشـجـاعـة < < < يـالله عاد لا اوصيكم فسـروهـا انـي ماني هلالي ها :d:
اعـتـقـادي وتـوقـعـي يقــول انهــا لـ : عـجـب ;)
لاكـن اتـمـنـاهـا لأبـو سـعـود لـيـش لا .. ممثـل الوطـن :love:
وبالتوفيـق إن شاء الله

[هلالي وعاشق 20]

خخخخخخخخخخخخخخخخخخ


اقوووو لا يكثر بس ... وان شاء الله بيعووود ياسر للقائمه


وبياخذها للمره الثانيه على التوووالي ...


قال ايش قال سعد ؟؟؟؟؟ هو يعرف يلعب علشان نرشحه ونوقف معه ..

[DieGo]

هذا الي مايعجبني في جمهورنا
ياخي كيف تساند لاعب يمثل نادي يعتبر العدو الاول لك

ياخي اصحو اصحو

شف النصر وادارته وش جالس يسون من اظطهاد قسمابالله اظطهاد



لكن
قسمابالله مايخسي الا هو وناديه

الله لايوفقهم

وباذن ان الله مايشمها

[انسـان عادي]

...


أحتـرني هاه :noo:


...

[يوسف الثنيان لاعب فنان]

أوقف لحالك واذا تعبت اجلس ..

[alkateb]

أخوي ..

أعتقد لو سألت النصراويين انفسهم ، هل سعد أفضل لاعب في اسيا .؟
وش تتوقع بيردون .!

ولا انت كنت مع ياسر عشانهه هلالي سواء يستحق او لا.!

[السهم القناص]

يا رجال ما بعد جف حبر بيان ابو بيان الوليد بن فقر وهو يؤيد ابن همام في حرمان الشلهوب من الجائزة الاسيوية

[Ibrahim_20]

هههه تحلم انت
قسم يبطون .. والله مآ أوقف معـه لو إيش
لأنـه مآيستحقهآ ومن الظلم يآخذهآ

وأقدر لك وطنيك :love:

[هلالي MAN]

أوقف لحالك واذا تعبت اجلس ..


:angel::angel::angel:

ممكن سؤال ياصاحب الموضوع ؟؟؟


على ايش ارشحه ؟؟؟ على لعبه مثلا ؟؟؟ اقسسم بالله انه لاعب اقل من عادي ( قدم الكوره والحق)

انا احب الصرراحه .. سعد مايستاهل يدخل القائمه من الاساس !!!!


حتى قائمه افضل لاعب في الدوري السعودي حرام يدخلها والله .. مع كامل احترررامي له ولك ;)

[هلالي^الشرقية]

اتفق معك يجب ان نقف مع سعد الحارثي

[هلال العرب]

مع احترامي لك إلا اني أقول معصي

[الـغـريـب]

شكلك نسيتم بيانهم يوم الشلهوب

خلهم يسرونها بس وباذن الله الجائزه لعجب العجيب

[9 يفوقـ الوصفـ 9]

على ايش نقف معه !! :amle:

والله انه يبطي :wello:

[helaly.moot]

يخسى والله ذا النادي وكديشه

[MR.3Bo0o0o0DY]

أقدر لك وطنيتك لاكن
7
7
7
7
7
7
7
7
7
7
7
7
7






معصيييييييييييييييييييييييييييييييي

[سهـ20م]

ماشاء الله عليك نسيت وش سوا الوليد يوم الشلهوب

مع احترامي لك

لن اقف او حتى افكر ان اقف

[Hillalih 4 Ever]

و الله حتى لو وقفنآ معه بكل امآنه مستوآه ابداً ما يآهل
ان شاء الله و بحيل اللي ما تنآم عينه ما يخذهآ غير {{ عجب }}

[عاشق هلالي سعودي]

شكرا لكم على المرور الرائع

لماذا لا نكون جمهور راقي ونموذجي في كل الاحوال

كيف تبون تصيرون جمهور راقي وانتم بذا التعصب ؟؟

روحوا شوفوا وتعلموا كيف يقف ابناء الدول الثانيه مع ابنائهم من مختلف الانديه

يا حسافه عليكم بس ؟؟

[ღ NaB ALTheeB ღ]

هلا حبيبي

باخذك نقطة نقطة

الاولى
وطنيتك وانا اقدر لك هالشي

الثانيه
ياسر مانظلم وش اللي سواه ياسر بالمشاركات الخارجية هالسنه ؟
احلف بالله لو ياسر متاهل لقوول مابيه ياخذها وهو مايستحقها اذا كنا مانبي الظلم علينا مانبي الظلم لنا

الثالثة
تصويت لسعد وهذا معليش يبطي ياخذها لانه ماسواء اي شي يقوول انه يستحق هالجائزة هذي اولا
ثانيا ان جمهور النصر للحين عايشين سب فينا وتبينا نصوت للاعبهم هذي معصي ياحبيبي


اتمنى انك تقبل وجة نظري وااسف ع الاطالة :noo:

[m7mmad]

لا والله وانا اخوك الا وقف لحالك على ما قالوا الاخوان اللي فوقي والله الا ابطت عليه والله ما ياخذها الا في حالة تدخل اسير الشوق وللمعلوميه اسير الشوق يدعم النصر ماديا الى الآن !!!!!!!!!!!!!! ما بالك معنويا على العموم ان أخذها سعد فوالله ثم والله ان الاتحاد الآسيوي منتهي ,,,,, الله لا يوفق نادي النصر في الرياضه لا هم ولا لاعبينهم


الله يوفق الهلال و بسس...

[نجم التكتيك]

ولله ماعقب زعله على إخراج الكوره ومعااالجة لاعب الهلال المصاب شي !

[هلالـ أزرق ـي و أبيض]

الله لايقوله

[شلهوب آسيا]

ههههههههههههه

مصدق إنهـ يباخذهــا

هذا إذا ما شاتوهـ من القائمة الجاية

[ابو خلود 16]

ياخوي احيي فيك حسكـ الوطني ,,,


لكن بعيد عن الوطنيه هل اللاعب يستاهل ولا لا .. انا اشوف لا سعد ولا ياسر يستاهلون جائزة هالسنه ,,,


شكرا :)

[هلالي وأعشق القحطاني]

ما أتوقع ياخذها ولا %0 بالمية:d:

[هلال ارسنال]

والله كان ياخذها انه قمة الظلم

اجل الناطح الدايخ مناحي ياخذها

بالتوفيق لعجب العجيب

[أزرق مرح]

كلامك صحيح

[هلالي مجازف]

أيييييييه هيــن

أصلا مدري وش المميزات اللي خلتـه يكون ضمن قائمة اسيا

شيء مضحـك

مع أحترامي له مايستـاهلها وبعد تبي أوقف معـه

[الـفـارس الازرق]

اوقـف مع اللي يستاهل طال عمرك
سواء نصراوي والا إتحادي والا غيره

أما لاعب ما يـستاهل .!!
سلامات أن شاء الله

[Nesta 13]

<table border="1" cellspacing="1" width="100%" id="AutoNumber1" background="http://www.snabelnet.net/uploadedfiles/3924_01203177821.jpg"><tr><td width="100%">

ههههههههههههههههههههههههههههههههـ، ,,
آآهـ، يآبطني ,,:d:,,

قآل آييه قآل الزآآبح ,, :d: ,,

بآلتوفيق لـ عجب ,, :love: ,,

<td></tr></table>

[&azo0oz&]

ان شاء الله احمد عجب ياخذها

تخيل الحارثي يبطي والله

[الموهوب_10]

ياسر ماسوه شي ولا الحارثي .... المفروض عبدة عطيف

[$عاشق التايب$14]

بالتوفيق لسعد بس ماظنيت

ان شاء الله لاعب عربي هنا الزبده

[المشجع الكبير]

وانت مصدق ان سعد راح يكون قبل المرتبه الاخيرة
سعد مع كامل احترامي له لاعب عادي جداً
ولكل شخص وجهة نظر وانا اتمنى عجب ولكن عن الاحقية لا ادري هل يستحقها عجب او يوجد من قدم افضل منه من الاعبين الاخرين {سعد خارج هذه الحسبة طبعاً}

[Rui Costa 10]

يا رجال .. إبن همام يحاول يستغل الشعب السعودي

كل سنة يحط لاعب من نادي جماهيري .. :Bad:

والسنة الجاية أتوقع يحط مالك معاذ


وبـ صراحة .. جائزة ما أخذها ناكامورا ..

تعتبر جائزة فاشلة وبـ جدارة


مع إني أتوقع سعد الحارثي يكون من الثلاثة الأوائل هذه السنة

ليس لـ مستواه , لأن مستواه مايأهله لأفضل لاعب بـ الدوري السعودي

ولكن لـ كسب الإعلام السعودي

[اسد الرياض]

يا رجاااااااااااااااااااااال
سعد الحارثي اخذ سيارة
وصجوناااااااااااا
اجل لو يفوز باحسن لاعب اسيوي وش راح يسون !!!

انا ما فيه امل ادعم اي لاعب نصراوي