بــرنـــامــــج ( نــــــقـــــاطــــي ) خـــاص بــ ( الـــمـــرور )

[мŕ.мάήşόùя]

السلام عليكم ورحمة الله وبركاته

بـ ما إني حاقد على المخالفين > :Bad:

لـ أنظمة المرور

اقترح علي واحد اقتراح إنما اييييييييييه > (himo)

وعلى حسب كلامه يقول انه مطبق في الامارات

الفكرة :

نوضحها بـ مثال

واحد مسكته الشرطة عاكس السير

يـُعطى مخالفة بمبلغ وقدره ( على حسب المخالفة )

ويـُعطى مع المخالفة ( 4 نقاط )

وبعد مدة مسكته الشرطة يفحط

يعطونه مخالفة مع ( 5 نقاط )

اذا وصلت النقاط الى حد معين

مثلا ( 30 ) نقطة يسجن مع حجز السيارة ليومين > :qaf:

واذا وصلت لـ ( 40 ) تحجز السيارة شهر > :qaf:

وهكذا عند ازدياد النقاط تضاعف العقوبة

وبهذه الفكرة نضع حداً للمتهاونين


ارآئكم واقتراحاتكم > :nrey:

والسلام عليكم ورحمة الله وبركاته

[حبايب]

واللي ما ياخذ مخالفة .. وش يعطونه ..؟؟

يا حبيبي المشكلة ليست في المخالفين .. فهم يستحقون العقاب وبلاشك .. المشكلة تكمن في المسؤلين عن المرور .. أجل خدامه تسجل عليها مخالفه بالرياض وهي من الغربية ..؟ ولا عجوز تعطى مخالفة وهي بديرة غير الديرة اللي محرر فيها المخالفة ..؟

المرور أكثر جهه حكومية واكبت التطور الألكتروني .. وهذا شيئ يشكرون عليه .. لكن لا بد من مضاعفة الجهد من قبل افراد المرور .. مو معقولة مخالفات تصير أمام رجل المرور ويسكت عنها .. !!

وقبل لا نطالب بإقاع العقوبات على المخالفين .. نطالب وبشدة بتطبيق العقوبات على رجال المرور .. لأنهم لم يتقيدو بالنظام المفروض على الشعب .. من عدم ربط حزام أمان .. مروراً بالتحدث بالجوال .. نهاية بالتدخين بسيارات الدولة .. وكأنها من املاكهم .. !!

مقترحك جيد .. بس للأسف تطبيقة صعب .. وأسأل غنام جاسر عن صعوبة تطبية يفيدك ..:nrey:



كم انت رائع يا مستر مهستر .. :heart:

[زيـزوم]

وعليكم السلام

حياك ، لاتطول علينا لأننا ننتظر مواضيعك على أحر من الجمر :rolleyes:

أما الفكرة اللي تتكلم عنها فهي جيدة كـ فكرة ، لكن الأساليب ماانتهت للقضاء على المخالفات المرورية ( الكبيرة ) ، قبل حوالي ( سنة ) سمعنا إن تنظيمات جديدة لمحاكم المرور ، وهذاك آخر علمنا فيها ... الأفكار كثيرة والشدة مطلوبة .. بس وين التنفيذ ؟

[الـقـيـصـر الـبـافـاري]

انت تقصد تُطبَّق على الشعب السعودي ؟ :req:

بعد زيادة مخالفات السرعة - على سبيل المثال - ، بالنسبة لي أشوف الوضع مثل ماهو عليه !

الحل في التوعية السليـمة أولاً ، و الا فلن تستطيع السيطرة بمجرد تطبيق عقوبات قوية تعتمد على المال بشكل اساسي ، المال متوفر للكل و لن يمنعه عن القيادة الجنونية ايقاف السيارة كم يوم و دفع كم ألف ريال !!

العقوبة ليست كل شيء ، :)

مهستر ، :asno:

[هلالي تكساسTX]

.


ابشرك الآن الظاهر تم رسميا ً او راح يتم قريب في المرور بالنسبه للمخالفات المروريه ..

المخالفه تسدد في حد اقصى شهر ولا تزيد كل ما تأخرت ( حشى فيزا ) ..

على هالقرار تقل اللحين المرور مره مافيه مشاكل مابقى الا المخالفات عشان يفكرون فيها !!

الواحد اللحين اذا صدم حتى لو مغلوط عليه ياخذ هم المرور وبربستهم وشغلهم (الفوضوي) ورح وجب وود

اقول الله يرحم امك (يالبشر) بدل ماتجلس تفكر بالمخالفات ، فكر تطور أقسام المرور وتحط اجهزه حاسب آلي ( موب العسكري اذا بغا يدور الحادث جلس يسعبل بأصبعه ويفتح الاوراق ومن مجلد الى مجلد !!!) وخذ عااد سرى وحوسه ونفوس باطراف خشومهم !!

الواحد اللحين لا صار عليه حادث قالوا ( جبر الله بمصيبتك تبي تراجع مرور الناصريه او الملز !!! ) حشى رايح مقبره ..

عموما من الطرائف اللي حصلتلي ( اني مره طحت في حفريه وجاء المرور وكتب تقرير خطأ على الشركه 100 % لأسباب عدم وجود سياج وانوار والخ ، رحت راجعت المرور بعد يومين والقى سرى وفوضى تحس انهم يوزعون شرهات !!
المهم كان فيه ارقام ( على بالهم يبي ينظمون الوضع ) واخذ رقمي 62 والرقم وين وصل ياجماعه قالوا 13 !!!!
وانطق من الساعه 8 الصبح الى 1 الظهر وهذا شي طبيعي اذا كان كل واحد يبي يجي دوره يفتــّحون من هالملفات ويدورون نص ساعه التقرير حقه غير ان القراءه عند بعضهم لك عليها ، يعني ردد ياليل مطولك !!
المهم وصل دوري قالي العسكري ماصار شي بموضوعك انت دقيت عليهم !! قلت ادق على مين ؟ قال طيب هات جوالك قلت ليه ( على بالي يبي يفتشه ) قال عشان اتصل عليهم ( الشركه الي ماسكه الحفريات )
وعطيته ويدق عليهم وبأسلوب شوارعي يقول لهم ( معكم مرور الملز ارسلوا مندوب منكم ولا ترى تكبر السالفه والخ .. وجلس يهايط )

طبعا كررت الزياره مره ثانيه بشوف وش صار على الموضوع ،، صار نفس الكلام اخذ جوالي ودق وجلس يهايط شوي وسكر ..
رحت صلحت السياره وشريت راحتي ، بدل منـّة هالمرور .!!



.

[HeLaaaLiii]

هذا النظام مطبق هنا في امريكا و أبشرك بعد 12 نقطه يسحبون رخصتك لمده سنة او سنتين مانيب متأكد .. ;) و اللي اعرفه ان مخالفة السرعه عليها نقطتين ولا ثلاث و عليك الحسبه و شوف كيف التشديد في الأنظمه !! عموما تتغير الأنظمه من ولايه لولايه لكنها متقاربه ..

[بونابرت]

المفروض يصفرون المخالفات من جديد

والله ماعاد نخالف

[aljanral]

انت تقصد تُطبَّق على الشعب السعودي ؟ :req:

بعد زيادة مخالفات السرعة - على سبيل المثال - ، بالنسبة لي أشوف الوضع مثل ماهو عليه !

الحل في التوعية السليـمة أولاً ، و الا فلن تستطيع السيطرة بمجرد تطبيق عقوبات قوية تعتمد على المال بشكل اساسي ، المال متوفر للكل و لن يمنعه عن القيادة الجنونية ايقاف السيارة كم يوم و دفع كم ألف ريال !!

العقوبة ليست كل شيء ، :)

مهستر ، :asno:

:yes:

[Bader AL-Tamimi]

الله يفكنا من شر المخالفات توي مسدد =(