شبـــيــــه الريــــــح [الأرشيف]

مشاهدة النسخة كاملة : شبـــيــــه الريــــــح

TOTTI- 10

2/1/2002, 11:16

من ابرز ما قاله الامير الشاعر عبدالرحمن بن مساعد و شدى بها الفنان الكبير ( فنان العرب ) محمد عبده

شبيه الريح وشباقي من الالام والتجريح

وش باقي من الاحلام.. وش باقي من الاوهام

غير اني ألاقي في هجيرك في

وألاقي في ظلامك ضي

وأوقد شمعتي في الريح.. شبيه الريح

* * *

شبيه الريح انا ما اقدر اكدر صفوك العاصف

شبيه الريح انا من لي سوى احساسك الجارف

بقايا زيف اشواقي.. سما أمطار أحداقي

شبيه الريح وشباقي

* * *

ابي اعرف ؟؟؟ متى تسكن رياحك ؟؟؟

وابي اعرف؟؟؟ غرورك هو متى يطلق سراحك ؟؟؟

وابي اعرف؟؟ متى تعصف؟؟،

ومتى تعطف، ؟؟

متى تنزف جراحك ؟؟

وابي اعرف؟؟ اذا باقي في بحرك موج اكسر فيه مجدافي ؟؟

وابي اعرف؟؟ اذا باقي في همك هم ما شالته اكتافي ؟؟

وابي اعرف؟؟ اذا باقي في هالدنيا حزن ما مرني واستوطن اطرافي ؟؟

بقايا زيف اشواقي .. سما أمطار أحداقي

شبيه الريح وشباقي ؟؟

* * *

سنيني يم، وقلبي المركب المتعب وانت الريح

مجاديفي عذاب وهم، وزاد الوجد والتبريح

وصبري صبر بحارة بغوا باليم محارة

غشاهم موج كان من الغضب اغضب

وكانوا للهلاك اقرب، لولا كثروا التسبيح

* * *

حبيبي الأصدق الأكذب

تعبت اوصل شواطئ طبعك الأعذب

تعبت اجمع الم كل الموادع في الموانئ واحضن اطيافك

تعبت السهد في ليل الشوارع والثواني تنطر مصابك

تعبت الظلم واجحافك

بقايا زيف اشواقي.. سما أمطار أحداقي

شبيه الريح وشباقي

وشكراً لكم

هاوي الهلال

2/1/2002, 13:13

هلا فيك TOTTI 10 ..

مشكور على كتابة القصيده ..

بس احس لو ان الامير عبد الرحمن خلاه قصيده بدون ماتغنى كان افضل ..
ماتصلح كاغنيه .. رغم روعتها
ونجاحها كان لان ابونوره هو اللي غناها .

تحياتي
خالد
:)

TOTTI- 10

2/1/2002, 13:21

هلا والله اخوي هاوي .

مشكور على المشاركه في الموضوع .

وكلامك هذا الي قلته منطقي وصحيح 100% .

وشكراً لك مره اخرى .

:) :) :) :) :)

الذاهبه

2/1/2002, 16:50

والله القصيده روعه ودائما المبدع عبد الرحمن بن مساعد معودنا علي القصائد الزينه :)

واعتقد لو هي ماتغنت مراح تشتهر سواء غناها محمد عبده او غيره .

TOTTI- 10

2/1/2002, 17:47

لالالالالالالالالالالالا يا رهف فنان العرب محمد عبده فنان كبير و حتى لو ما غنى الاغنيه هذي راح يظل فنان كبير

شكلك يا رهف من الذين يسمعون خالد عبدالرحمن او راشد الماجد:D :D

ارفع راسك انت هلالي

2/1/2002, 18:09

مشكور ياخوي وماقصرت...

بس اعتقد ان الاغنيه كانت حلوه وعاجبتني شخصيا واشوف ناس كثير يقولون انها قصيده بدون غناء احلى...

TOTTI- 10

2/1/2002, 19:36

مشكور اخوي ارفع راسك انت هلالي على المشاركه .

وكلامك صحيح 100 %

بـحـر

2/1/2002, 21:04

رووووووووووووووووووعه

اعتقد بدون ابو نوره

ما رايح اعرفها

حبيبى لو تكتب ابيات و يغنيها لك ابو عبدالرحمن

عرفك العالم العربى.

بينما لو لم تغنى

ما راح احد يعرفك غير محبيك

لذالك زين ان ابو عبدالرحمن وافق يغنيها.

تحياتى.

جـــلال

2/1/2002, 23:08

مســــــاء الخير للجميع...

في رأيي المتواضع أن الأثنين مبدعين...
وكل واحد مكمل للثاني...
لكن أنا عندي أعتقاد أن أبو نوره لو غنى من كلمات (ضيدان بن قضعان) راح تشوفون أنتشار غير مسبوق للكلمات..
وهذا لايعني أنني أقلل من شأن الشاعر الرائع عبد الرحمن بن مساعد...
لكن أبو نوره (غير) والله (غير)..

TOTTI- 10

17/1/2002, 19:23

اخواني بحر و جلال مشكورين على المشاركه

ريمانة

17/1/2002, 22:39

مشكور اخوي ويعطيك العافيه:)

TOTTI- 10

18/1/2002, 14:57

لا شكر على واجب و الله يعافيك يا ريمانه