شلة طلاب المحاسبة ابيكم باستشارات .. :) فزعة

[ماجد التميمي]

سلام عليكم

اول شي الله يوفقك ويرزقك بالعروس اللي تدلعك <<:jhgy: مبهذلن اهله يبي العرس هالايام

وبما اني ابي اعرس (himo) ابي اكون انسان مرموق ;) والمرمقة هذي بكليتنا الموقرة
كلية الاقتصاد والادارة في جامعة الملك عزوز طيب الله ثراهـ حصلتها في قسم المحاسبة..

خصوصا اني انسان مخي رياضي وتنكه لابعد درجة في مواضيع الحفظ :p

فقلت خلنا ندرعم عالجداول وفيها مستقبل ان شاء الله :q:

هالمستقبل انا مرعبني :cry:

خصوصا اني وللعلم مضيع قبل كذا ٣ سنوات في ابيخ الجامعات بالعالم :d:
وتعرضت لاصابة جلستني عالكرسي المتحرك ٣ شهور :cry: وسجلت من جديد وخلصت اول سنه وجيت اختار التخصص

توكلنا على الله ودخلنا على تخصص محاسبة :love: حبيتها صراحة

ولازلت بالبداية في التخصص ..

:yuupy: معدلي امتياز الحمدلله ومتفوق وقريب بدرعم على مسابقة على مستوى الكلية :o
بسم الله عليني :kello:


الحين السالفه ومافيها (himo)

وش اسوي عشان اطلع نحرير وبروفيشنال بالمحاسبة ؟؟؟
بالله شوي شوي على مخي لاني سهران ووراي بكره خط :noo:

وشلون تشوفون مستقبلها (ياليت الموظفين ينطلون رأيهم بهالسؤآل):nrey:

وابي احد يعلمني لو درس في جامعة جدة نفس القسم منهم الدكاتره الحبيبين:yes:
لاني مؤمن بمقولة "اشتر الدكتور ولاتشتري كتاب" :d:


وسلامتكم

اخوكم
ماجد

[الـقـيـصـر الـبـافـاري]

على حسب علمي ، ان تخصص المحاسبة هو التخصص الاكثر طلبا من التخصصات الإدارية ، :yes:

وبالنسبة للرواتب فهي ممتازة وقد تصل الى درجة ( عالية جدا ) - يعني بحدود الـ 10 آلاف ريال - في البنوك ، ;)

اما الباقي تقريبا ما أعرف فيه شي ، :jhgy:



على فكرة ترا ماني متخصص محاسبة بس حبيت أدلي بدلوي ، :kello:

الله يوفقنا وإياك ، :magkiss:

[ماجد التميمي]

(rambo)
اما لو استلم ١٠
قسم بالله فله

يااااااااارب يوفق الجميع

ياليت الموظفين اللي يعرفون محاسبين بعد يدلون بسطولهم ..


يسلم سطلك ياراعي المانيا :d:

[السليك بن سلكه]

المحاسبه من اهم التخصصات الادارية
وكل منشأة اداريه كبرت او صغرت بحاجة الى نظام مالي ومحاسبين
ودليل اهمية المحاسبه انها مدرجة ضمن التخصصات المهمه
للابتعاث الخارجي

[الصاروخ الازرق]

السلام عليكم

محاكيك تخصصه محاسبة اخر ترم ان شاء الله وهذاي اطبق بأحد البنوك

ودعواتكم لي بالتخرج ان شاء الله :heart::br:


بالنسبة لتخصص المحاسبة من افضل التخصصات بالوقت الحالي والاكثر طلبا


وهي بالنسبة لي لزيزة:yes:

ومجالاته واسعة

وأكثر شي البنوك


اول ماتعين يوصل راتبك 10000:love:

غير العلاوة السنوية

وغير خدمة العملاء 100 ريال عن كل عميل تخدمة

يعني خدمت 10 عملاء باليوم بحسبة بسيطة 100*10=1000

راتبك صار11000:love:


بس تراه شغلهم كرف:fghty:

وأدعولي بالتوفيق بالترم ذا وأتخرج ان شاء الله:heart::heart::mad:

[راكان الهلالي]

وانـا والله داخل محاسبه بجامعه الامام الله يثيبهم لسه اول مستوى والله يعين

وتكفون الي يعرف شي يقدر يفيدنا بالتخصص هذا المحاسبه ينصحنا الله لا يهينه

واذا احد يعرف دكاترهـ كويسين بالامام يعلمنا بعد ولا يبخل علينا واذا فيه دكاترهـ مو كويسين ويستقعدون للطلاب برضوا ينصحنا الله لا يهينكم يازعماء

الله يوفق الجميع ياارب

ومشكور اخوي على الموضوع الي بنستفيد منه ان شاء الله وبيض الله وجهك ويزوجك بنت الحلال

[فــهــودي]

انا تخرجت الترم هذا وحاليا تطبيق


لكن بالكليه مب بالجامعه :D


بالنسبه لي اشوف ان المحاسبه ممتعه والله وسلسه .. تبي تركيز حلو .. واغلب دروسها مترابطه


الي اعرفه وحاطه في بالي ان شاء الله دوره في بنك الراجحي وتتوزع في مناطق الرياض ،، جده ،، الشرقيه

دوره لمده 3 شهور بعدها يتم التعيين على حسب اقرب بنك حولك ان كنت في الفروع .. او تعيين في الفرع الرئيسي


هذا الي اعرفه .. ايضاء .. على حسب الطلاب الي تخرجو قبلي وهم من ربعي اغلبهم توزع على البنوك وبرواتب حلووووه .. بس الشغل كرف شوي زي ماقالو الاخوان


ولا انسى الشركات الخاصه .. يحتاجون التخصص هذا .. صحيح واحد من الشباب قالو له نبي نحطك بالمستودعات وصبر عليهم والحين يدربونه زياده في بيانات وهميه علشان مايجيب العيد (rambo)

[ALTAMEME]

انا متخرج من خمس سنوات وأعمل بقطاع مالي ولكن التخصص ادارة وليس محاسبة

مايميز المحاسبة هي وفرة الوظائف عن الادارة وبنسبة 1 الي 10

اما من يقول راتب 10000 أقول أحلم كثير الا اذا تتوظف بشركة لقريبك ممكن ؟؟

البنوك تعطيك راتب ب7000 ريال ويصل لل8500 بالبنك الربوي

الخرجون بكثرة من المحاسبة والعرض قليل جدا جداً

القطاع الخاص يفضل الدبلوم بسبب قلة الراتب و(عدم إزعاج موظف البكالوريس لهم بالترقيات والعلاوات)

البنوك تفضل الدبلوم وخاصة موظفي الفروع للسبب المذكور

اما القطاعات الاخرى فقليل جداً الطلب للبكالوريس بسبب وجود أجانب بمرتب قليل جداً

أعتقد ان الافضلية لمن لدية بكالوريس ولغة وأيضا دروات بتخصص المحاسبة تدعم موقفه.

بالتوفيق للجميع .

[شلهوبي&موهوبي]

8
8
بخصوص البنوك فهم يفضلون اللي معهم دبلوم للأسف واخص بالذكر بنك الراجحي !!

[الصاروخ الازرق]

8
8
بخصوص البنوك فهم يفضلون اللي معهم دبلوم للأسف واخص بالذكر بنك الراجحي !!

وفيه الاهلي على ماأظن


اعرف اكثر الي توظفوا بالبنوك معهم دبلوم

وأثنين معهم بكالريوس صاروا مدراء فروع

[ALTAMEME]

وفيه الاهلي على ماأظن


اعرف اكثر الي توظفوا بالبنوك معهم دبلوم

وأثنين معهم بكالريوس صاروا مدراء فروع


بالعكس جميع البنوك وخاصة بالفروع

مستحيل ان يكون مدير فرع خريج جديد وقد يعمل مدير عمليات لسنوات ومن ثم يكون مدير

هذا الكلام ليس تحطيم للطلاب الجامعيين بل يجب ان يكون الخريج مؤهل ويفضل من يعمل

وهي يدرس لكي عندما يتخرج يكون جاهز للعمل مع اللغة .

[(الفيلسوف)]

بالنسبـة لي في جامعة البترول وأفكر أدخل إدارة ماليو ( فايننس ) وشرايكم في التخصص زين ولا لا ؟؟

[ماجد التميمي]

:love:
اعضاء شبكة الهلال

يعطيكم العافيه..

طيب احد سامع عن الشركات الامريكية ؟؟

[نجل العيون]

كنت ابدخل محاسبه في جامعة سعود

اتجهت للتربيه الخاصه ومشت الامور بسلاسه وتخرجت وتعينت بفضل الله ..!

الحمدلله على كل حال

لكن الان اقول يا ليتني دخلت محاسبه

بحكم ان عالم التدريس فـ ا شـ ل


الله يوفقك ان شاء الله ويسهل لك كل امورك

[السفاح الازرق]

انا فكرت كثير بالذات تخصص محاسبة والغيته في الاخير اتجهت الى قسم التمويل لان قسم جديد ومضمون الوظيفة وان شاء الله اتخرج بكالوريس ومن ثم اتجه الى قسم محاسبة دبلوم سنتين عشان كذا عندي شهادتين تمويل ومحاسبة واستلم وزيرالمالية او بديل عن التويجري في الاسهم السعودية وتبون تشوفون كله الاسهم خضر يلعلعل فوق :jhgy: واعرف ناس تخرجوا محاسبين ووظفووا 7000 الى 10000 ريال وايضا اذا انت حصلت على دكتوراه تستلم من 50000 الى 80000 شهريا .

[عــبــدالــرحــمــن]

أنا كلية الاقتصاد والعلوم الاداريه قسم تمويل واستثمار وناوي أحول ادارة اعمال شرايكم؟اقعد في التمويل بحكم أنه تخصص جديد أو أروح للاداره لكثرة فرص العمل؟
ونعتذر لصاحب الموضوع

[شلهوبي&موهوبي]

8
8
أي جامعه ؟

[أبو شريم]

اكيد الامام

و انا مثله يا شلهوبي

تمويل و استثمار تخصص جديد في الجامعه ماله الا سنه

و ما تخرجت منه ولا دفعه

اذا عندك معلومات قل لنا ؟

[السفاح الازرق]

اللي بقسم التمويل ليش تحولون قسم جديد مطلب في كثير من الشركات ووظائفه مضمونه كالتالي :
البنوك والبنك التسليف الزراعيه والتجاريه والصناعيه ...الخ ايضا شركات الوساطة المالية الحديثة وايضا تعمل كمستثمر في الاسهم كالصندوق مثلا وايضا مجالات التأمين الطبي والسيارات ..الخ وايضا الادارات الماليه للشركات و الدوائر الحكومية وايضا شركات الصناعيه الكبرى او التجارية وممكن ايضا محلل اقتصادي او محلل مستثمر او كاتب في الصحف المحلية وايضا وظائف في شركات الاستثمار المالية ..............الخ وانا كما قلت حولت من محاسبة الى تمويل لاني استفسرت كثير وانصحوني فية وايضا تقدر تدرس قسم محاسبة دبلوم بعدما تخلص من شهادة البكالوريس تبع التمويل ويكون كذا انت مطلبك كثير من الشركات وممكن ايضا تشتغل وظيفتين محاسب وتمويل في ان واحد وكذا يدبل راتبك .

[الكابتن يوسف]

طيب والي بيتخرج السنه هذي

وش تنصحونه يقدم علييييه ؟ محاسبه .. ولا تموييل ؟ وايش الجامعات الموجود فيها هذي التخصصات بمدينة الريااض ؟

[عــبــدالــرحــمــن]

8
8
أي جامعه ؟

الامام زي ماقال أبو شريم

[ALTAMEME]

انا فكرت كثير بالذات تخصص محاسبة والغيته في الاخير اتجهت الى قسم التمويل لان قسم جديد ومضمون الوظيفة وان شاء الله اتخرج بكالوريس ومن ثم اتجه الى قسم محاسبة دبلوم سنتين عشان كذا عندي شهادتين تمويل ومحاسبة واستلم وزيرالمالية او بديل عن التويجري في الاسهم السعودية وتبون تشوفون كله الاسهم خضر يلعلعل فوق :jhgy: واعرف ناس تخرجوا محاسبين ووظفووا 7000 الى 10000 ريال وايضا اذا انت حصلت على دكتوراه تستلم من 50000 الى 80000 شهريا .

التمويل قسم ممتاز جداً وهناك نقص بالكوادر وفي اغلب القطاعات وليس فقط البنوك

اهم شي اللغة ومكانك بالسنوات القليلة بالوظيفة مضمون بعد توفيق الله

انصحك بدورات مسائية بما انك بالرياض وليس المهم دبلوم للمحاسبة فقط يكفيك دورات

وانت تدرس .

[عــبــدالــرحــمــن]

التمويل قسم ممتاز جداً وهناك نقص بالكوادر وفي اغلب القطاعات وليس فقط البنوك

اهم شي اللغة ومكانك بالسنوات القليلة بالوظيفة مضمون بعد توفيق الله

انصحك بدورات مسائية بما انك بالرياض وليس المهم دبلوم للمحاسبة فقط يكفيك دورات

وانت تدرس .

دورات في أي تخصص؟ووين تنصحنا ناخذها

[(الفيلسوف)]

مارديتوا علي ؟

[ALTAMEME]

دورات في أي تخصص؟ووين تنصحنا ناخذها

أنت تقول انك تريد ان تاخذ دبلوم محاسبة بعد الانتهاء من الجامعة

هناك دورات في الغرفة التجارية وايضا هناك في المعهد المصرفي وأعتقد ان المعهد المصرفي

أفضل بكثير لانه يؤهلك بسرعة للقطاع المصرفي والدورات لايام وأسابيع

أيضا هناك معاهد كثيره بالرياض وأعتقد انك لو تتابع جريدة الرياض لاسبوع واحد

في أعلانات الجريدة لوجدة كم كبير من الدورات وباسعار مغرية .

[ALTAMEME]

مارديتوا علي ؟

بصراحة يالفيلسوف

يكفى ان شهادتك من أفضل جامعة بالبلد

عندما يفكر احد الشركات بخريج بكالوريس فأول الخيرات هو طلاب البترول

الكثير من خريجي البترول بعد التخرج مباشر يستلمون إداراة أقسام بكثير من الشركات

وخاصة بالقطاع المصرفي والعقاري وأعرف بعض الاصدقاء خريجي مالي وإدارة بعد سنتين

من العمل تجاوزت رواتبهم ال20000 ريال لانهم مؤهليين بقوة لسوق العمل .

الله يوفقك ويوفق الجميع.

[ماجد التميمي]

يعطيكم العافيه ..
النقاش رائع جدا ..

وبالفعل ذكر احد الاخوان كلام عن المعهد المصرفي .. ممتااااااز جددا .. سامعين فيه كلام كثير والله ..

والله يعين يارب

[الكابتن يوسف]

طيب والي بيتخرج السنه هذي

وش تنصحونه يقدم علييييه ؟ محاسبه .. ولا تموييل ؟ وايش الجامعات الموجود فيها هذي التخصصات بمدينة الريااض ؟


:noo: