رهف(RGH)
24/8/2002, 07:18
كان يا مكان في قديم الزمان يعني من حوالي 23 سنة
في مره ما تجيب أولاد زوجها يسمونه أبو فيصل ... ترى لا في فيصل ولا ما يحزنون .
بس الربع ينادونه أبو فيصل علشانه نذر لربه إذا رزقه بولد يسميه فيصل
تقول القصة
إن أم فيصل المسكينة تهوجس كل يوم ( صار لها على هذا الحال حوالي 20 سنة ) خايفه من زوجها أبو فيصل يتزوج عليها ويجيب فيصل من حرمه ثانية .
قامت أم فيصل تدعي ربها يا الله يا كريم .... ولد ..... وما كان يجي الولد
اليوم الثاني ..... يا الله بنت .... وما كانت تجي البنت .
وهكذا حتى صار عمر المسكينة في سن اليأس ..... لكن رحمة الله واسعة .... وما إنقطعت هالمسكينة عن الدعاء
أخر ما دعت المسكينة تقول يا الله ولد مهما كان شكلة .... بس ولد ....بس ولد .... حتى ولو كان شكله مثل الزيتونه .
المهم ما نطول السالفة إستجاب ربي لدعاء هذه المسكينة وحملت أم فيصل .
الله الله تعالوا شوفوا حال أبو فيصل من الفرحة صار يرقص وراح نشر بكل الصحف المحلية والفضائيات خبر يقول فيه :
مّن الله علي بفضل من عنده ورضا مني وإمتان على هالفضل ترى كل سكان المملكة معزومين عندي يوم الخميس القادم على العشاء ........... وعلشان يتمكن من إستقبال المعازيم الي راح يجون بالملايين ...... كتب في الدعوة .... الإحتفال في الربع الخالي ........ من مفرق سلوى إلى شيبة " المساحة حوالي (150) كيلو متر ".
طبعاً جهز كل هالمساحة بلمبات 60 و 100 و200 شمعة بنوعيها ( أبو مسمار ولمبات قلووز ... الي تلف زي الصامولة ) .
وحتى يغطي مساحة الـ 150 كيلو متر بلمبات إشترى كل الي في السوق وكتب عقد مع المصنع بالإستمرار في التصنيع (24) ساعة في اليوم إلى يوم الحفل وصار في كارثة بأن لمبات أبو شمعة خلصت من كافة بقالات وأسواق وسوبر ماركات المملكة .
بس في الوقت نفسه قضى أبو فيصل على البطالة لمدة أسبوع لأن المصنع نشر إعلان بكافة الجرائد ( مطلوب موظفين بدون مقابلة شخصية وبمكافآة مغرية ) وتقدم للمصنع حوالي مليونين عامل ووظفهم المصنع على الفور .
راح أبو فيصل قدم معروض لمدير الخطوط السعودية بتسهيل مهمة حامل كرت الدعوة ... وقال ترى الحساب عندي ... وأرفق شيك في حساب الخطوط السعودية بـ (15) مليون ريال .
قال له جاره ترى يمكن طيارات الخطوط السعودية ما تكفي أنشد الطيران الأجني أو قدم معروض للملك وقول فيه إنك بتتأجر كافة طيارات وزارة الدفاع وطيارات الدفاع المدني لنقل المعازيم .
وراح أبو فيصل قدم معروض للملك وشرح فيه القصه بالكامل ما ترك شي إلا قاله بهالمعروض بدأ من يوم زواجه بأم فيصل إلى أن حملت أخيراً يعني ذكر في المعروض قصته خلال (20) سنة ... طبعاً إستعان أبو فيصل بجش الحرس الوطني لطباعة المعروض لأنه ما بقي وقت على يوم الخميس (6) أيام فقط وبلغ طول المرعوض 9999 متر .
هذا وتو فيصل ما بعد جاء ..... ولو جا ء وش راح بيسوي ... تعالوا نشوف
طبعاً العزيمه تمت بنجاح وحضرها كل سكان المملكة (مواطنين ومقيمين) .
كان كل واحد ياخذ أسرته وعلى المطار طالما الذهاب والعودة ببلاش .
تجهيزات العزيمة كانت على النحو التالي :
1- ذبح حوالي مليون راس من الغنم ومليون راس من العجل ومليون راس من القعود .
2- حفر (13) بئر ماء علشان يشرّب المعازيم .
3- إشترى كل إنتاجية مصانع المرطبات باللملكة من يوم الخميس ( يوم العزيمه ) وكان يقنعهم ويقول لهم ترى إذا ما بعتوا لي ما أحد بشتري منكم شي لأن الزباين راح يكونون عندي يوم الخميس.
4- إشترى كل إنتاج مصانع البلاستيك من يوم الخميس لتوفير الصمات الي بيحطون عليه الوليمه .
أهتم أبو فيصل بزوجته أم فيصل كل الإهتمام وسافر على أندونيسيا وجاب معاه 10 خدامات لخدمة أم فيصل و 5 سواقين علشان يتقضون من السوق لأم فيصل ورجع في ثاني يوم على طول ما يبي يتأخر على أم فيصل الي شارط عليها ما تقوم من السرير إلا للضرورة وبس .
صار يروح يشتري من المكتبات كتب عن الأطفال وتربيتهم ويعطي أم فيصل وتعامل مع مكتبة جرير لتزويده بالكتب أول بأول .
ما خلى مجلة نسائية أو أسرية إلا وإشترك فيها .
كان يقول لأم فيصل بس إقري وتثقفي يا حرمه أبي منك تعرفين كيف تتعاملي مع الأطفال وخصوصاً ولدي فيصل الي بالطريق .
طبعاً أبو فيصل كلف سواقينه يروحون من الفجر يومياً على السوق ويشترون الطازج من الخضره لأم فيصل ويا ويل الي يجيب خضرة بايته .
ووصى شركة المراعي والصافي ونادك يجيبون كل يوم لبن طازج لأم فيصل من المزعة إلى المائدة.
تعامل أبو فيصل مع مطعم ( قوزي ) ووقع عقد معهم كل يوم إثنين من الطليان ... يعني خروفين وينوعون بالطبخ مره مندي ومره مشوي ومره مظبي ومره محشي ، وأم فيصل ما غير تاكل من هالطليان وتحمد الله وتقوم تتوزن وتشوف كم زاد وزنها علشان تطمئن على البيبي الي بيجي .
أبو فيصل ما فاته يوقع عقد مع المستشفى السعودي الألماني بتكليف فريق من الأطباء لزيارة ومتابعة أم فيصل في البيت .... رفض أنه أم فيصل تروح على المستشفى وتفتح ملف متابعة حمل .... علشان ما تتعب أم فيصل من الروحه والجيه
أما تجهيزات ملابس البيبي ..... راح دار كل الأسواق المتخصصة عالمياً لملابس الأطفال ( بيت الطفل ، الطفل السعيد ، مدينة الطفل ، كيو مارت ، بيبي هوم ، تشلدرن بلازا ....الخ ) وإشترى ملابس كثير لفيصل ومن كثرتها تراه تلبس أكثر من 200 طفل .
معذور أبو فيصل ولهان على ولاد .... والولد جاي بالطريق .
أبو فيصل يعد مع أم فيصل الأيام والساعات والدقايق ونفسه يغمض عين ويفتح عيني ويجي يوم الولاده ويشوف ولده فيصل ..... هذا فيصل إلى دوخ الأطباء فيما بعد لما إستطاعوا بالتصوير والمنظار أن يتعرفوا على جنس البيبي .... طبعاً ولد ... ما قلت لكم بأن الله إستجاب لدعاء أم فيصل لما دعت ربها أن يرزقها ولد .
صارت أم فيصل بالشهر الثاني وقرر أبو فيصل يسوي عزيمه مثل عزيمته الأولى يدعو فيها كل سكان المملكة ويكرر العزيمة نهاية كل شهر ( الثالث والرابع ..... التامن ) أما التاسع بسويه شيئ مختلف .... توه ما بعد فكر بالشي المختلف ..... وها بس هالمسكين ركضه ما بين شركات الطيران والمرطبات والبلاستيك وشركات حفر الأبار .
أبو فيصل ولهان يعد مع أم فيصل الأيام والساعات والدقايق ونفسه يغمض عين ويفتح عيني ويجي يوم الولاده ويشوف ولده فيصل .
صارت أم فيصل بالشهر التاسع
أبو فيصل تعب من التفكير وش يسوي ...... قال بسوي شي مختلف يعزم الناس وإلا يشرّهم وإلا .... وإلا ... المهم تعب أبو فيصل وراح على المستشفى يسوي فحوصات .... قالوا له الأطباء ريّح نفسك يا رجال ما غير تفكير وركضه وعزايم ... ترى الصحة متدهوره ......... ما سمع نصائح الأطباء .... وتعب حيل حيل حيل وقبل ولادة أم فيصل بثلاثة أيام نقل أبو فيصل فاقد الوعي إلى المستشفى ودخلوه العناية المركزه ...... نقل دم ... وفحوصات وعلاجات .... ما في فايده ... الدكاتره عجزوا ما يصحوا أبو فيصل من غشيته .... صارت حالته خطيره ... يومين فاقد الوعي ........مسكين .... راح تعبه على خالي بلاش ...... كان يحلم يغمض عين ويفتح عين ويجي يوم ولادة فيصل .... بس المسكين غمض عينه وما قدر يفتحها ..... مات أبو فيصل وماتت أحلامه وفرحته وظلت في الذاكرة رقصته يوم ما عرف بحمل أم فيصل ..... والله طامة كبرى ....... مات أبو فيصل ومات معاه ولعه على البيبي ....... حزنوا كل سكان المملكة ( المعازيم ) لما عرفوا بالخبر وكان حزنهم شديد لأن المسكين توه ما بعد شاف فيصل .... مسكين .....
باقي يوم على الولادة ..... أم فيصل ما تدري عن الخبر ...ما حب أحد يقلها وهي بالمستشفى تستعد للأنجاب ... أخيراً ولدت أم فيصل وجابت فيصل ......... كتبة كل الجرايد عن حالة ولادة عجيبه ..... طفل لا يتعد وزنه 3 غرامات ...... ولونه وشكله بالضبط مثل حبة الزيتونة بس لها راس وأطراف ( أيدين ورجلين ) . ...
فعلاً إستجاب الله لدعاء أم فيصل لما كانت تدعي وتقول بس ولد حتى ولو شكلة مثل الزيتونه .
وهكذا بدت حياة فيصل من البداية غم شكله من جهة ووفاة والده من جهة اخرى .
كبر فيصل وصارت أمه عجوز وسرحت السواقين والخادمات الي عندها علشان تربي فيصل لأن الحال صارت عدم بعد وفاة أبو فيصل لا مورد ولا معين .
كان فيصل ( الزيتونه ) يتعذب كل يوم يكبر فيه ......ما أحد يصدق أنه ولد يقدر يتكلم كل من شافه يحسبه زيتونه ... بس يتكلم زيتونه يخافوا الناس منه .
كانت أم فيصل كل يوم تعطينة ريالين علشان يتشري فطور ... بريال فول وبريال خبز .. وهذه بحد ذاتها معاناة ... أول مره راح على الفوّال يشتري فيها فول أخذ معاه غذاره ( صحن ) علشان يشتري فول ... ولما يمسك سره ( طابور ) ما أحد يشوفه بس يشوفون صحن وإذا وخر الصحن وجد تحت الصحن زيتونه خضره ... كل واح يجي يتعداه في السره ...وهل المسكين ينتظر لما يخلص السره ... وهنا تبدأ معناه أخرى مع الفّوال .
يطلع فيصل على طاولة الفّوال ويقله بريال فول لو سمحت .
الفوال يسمع الصوت ويشوف الصحن بس ما يدري من وين هالصوت يوخر الصحن يلقى زيتونه .... يشيل الفوال الزيتونه ويرميها بسطل الزبالة .... يقوم فيصل ينفض نفسه ويرجع على الطاولة ..... بريال فول لو سمحت .... تكرر معه المسألة عشر مرات ما في فايده ..... بعدين صرخ على الفوال وقاله لا ترميني أنا اسمي فيصل أنا الزيتونه الي قدامك ...... خاف الفوال لكن فيصل بذكاؤه الفطري إستطاع أن يتحدث إلى الفوال ويقنعه بقصة دعاء أمه .... المهم صار هو والفوال بعدين اصحاب ....
على فكرة لم أخبركم عن معاناة فيصل مع الخباز لما راح أول مره ......
راح فيصل على الخباز ومثل ما صار معاه بموضوع السره عند الفوال تكرر عند الخباز ... بس مع الخباز حكاية أكبر ....... والقصة تقول أن الخباز يسمع واحد يقول بريال خبز لو سمحت ... يلتفت وما يشوف أحد وبعد تكرار الطلب من فيصل ركز الخباز على مصدر الصوت وشاف حبة زيتونه إلى جانب طبق بيض فاضي ( على شان يحمل الخبز الحار) .... أخذ الخباز الزيتونه ورماها بره المخبز ..... وفيصل يرجع .... مصّر .... بريال خبز لو سمحت .... المهم أن الخباز تعجب!!!! كل ما رمى حبة الزيتونه ترجع ثاني مره ... قام الخباز في أخر مره وبدل من أن يمرمي الزيتنونه خارج المخبز رماها داخل الفرن .
الله على الفرن وحرارت الفرن الي قاعدة تشوي الزيتونة ( فيصل) ... الحمد لله أن فيصل إستطاع الخروج من الفرن بسرعة لأن الله عوض حبة الزيتون بقدرات عجيبة مثل القفز والنط .
ومع إصرار فيصل فكر أن يذهب للفوال ويطلب منه مساعدته بالحصول على الخبز وفعلاً راح الفوال مع صاحبه فيصل (حبة الزيتون ) وإشترى له خبز وطبعاً الفوال شرح أمر فيصل للخباز وقاله ثاني مره لما تشوف طبق بيض بجنه حبة زيتونه تعطيه خبز على طول .
ومره وهو طفشان أقصد الزيتونة فلاحظ الفوال عليه وقال له ... وش العلم ... ساكت هاليوم .... قل لي ترى حنا أخوان .. قل لي صديقك يمكن أقدر أساعدك .
رد فيصل ... عمل ... أريد أن أعمل .... أبي اجيب قروش ..... تشغلني عندك .... وافق الفوال .
لكن ما توفق فيصل لأن الناس كل ما شافوا حبة الزيتونه على الطاولة إما يرمونها وأما يقعدون يهاوشون الفوال ويقولو له ....... يا أخي تعال نظف هالطاولة ..... مسكين فيصل قصده يوفر الطلبات للزباين .... قرصون بالمطعم ... واجبه كذا ... لكن ما أحد يعرف قيمة الزيتونه .
مرة من المرات أحد زبائن المطعم من جماعة علي عبدالله صالح ( يماني ) طلب صحن فول وراح فيصل يجب له خبز .. وعند حضور الخبر شاف هالزيتونة ... شالها بغى ياكلها .... لكن ستر الله .... تفل فيصل في وجهة وإمتلى هالضعيف رخامة ... وبكذا تخلص فيصل من هالزبون ومصارينه الي كانت راح تودي فيصل بداهيه .
تحياتي مهجدة الرجه
في مره ما تجيب أولاد زوجها يسمونه أبو فيصل ... ترى لا في فيصل ولا ما يحزنون .
بس الربع ينادونه أبو فيصل علشانه نذر لربه إذا رزقه بولد يسميه فيصل
تقول القصة
إن أم فيصل المسكينة تهوجس كل يوم ( صار لها على هذا الحال حوالي 20 سنة ) خايفه من زوجها أبو فيصل يتزوج عليها ويجيب فيصل من حرمه ثانية .
قامت أم فيصل تدعي ربها يا الله يا كريم .... ولد ..... وما كان يجي الولد
اليوم الثاني ..... يا الله بنت .... وما كانت تجي البنت .
وهكذا حتى صار عمر المسكينة في سن اليأس ..... لكن رحمة الله واسعة .... وما إنقطعت هالمسكينة عن الدعاء
أخر ما دعت المسكينة تقول يا الله ولد مهما كان شكلة .... بس ولد ....بس ولد .... حتى ولو كان شكله مثل الزيتونه .
المهم ما نطول السالفة إستجاب ربي لدعاء هذه المسكينة وحملت أم فيصل .
الله الله تعالوا شوفوا حال أبو فيصل من الفرحة صار يرقص وراح نشر بكل الصحف المحلية والفضائيات خبر يقول فيه :
مّن الله علي بفضل من عنده ورضا مني وإمتان على هالفضل ترى كل سكان المملكة معزومين عندي يوم الخميس القادم على العشاء ........... وعلشان يتمكن من إستقبال المعازيم الي راح يجون بالملايين ...... كتب في الدعوة .... الإحتفال في الربع الخالي ........ من مفرق سلوى إلى شيبة " المساحة حوالي (150) كيلو متر ".
طبعاً جهز كل هالمساحة بلمبات 60 و 100 و200 شمعة بنوعيها ( أبو مسمار ولمبات قلووز ... الي تلف زي الصامولة ) .
وحتى يغطي مساحة الـ 150 كيلو متر بلمبات إشترى كل الي في السوق وكتب عقد مع المصنع بالإستمرار في التصنيع (24) ساعة في اليوم إلى يوم الحفل وصار في كارثة بأن لمبات أبو شمعة خلصت من كافة بقالات وأسواق وسوبر ماركات المملكة .
بس في الوقت نفسه قضى أبو فيصل على البطالة لمدة أسبوع لأن المصنع نشر إعلان بكافة الجرائد ( مطلوب موظفين بدون مقابلة شخصية وبمكافآة مغرية ) وتقدم للمصنع حوالي مليونين عامل ووظفهم المصنع على الفور .
راح أبو فيصل قدم معروض لمدير الخطوط السعودية بتسهيل مهمة حامل كرت الدعوة ... وقال ترى الحساب عندي ... وأرفق شيك في حساب الخطوط السعودية بـ (15) مليون ريال .
قال له جاره ترى يمكن طيارات الخطوط السعودية ما تكفي أنشد الطيران الأجني أو قدم معروض للملك وقول فيه إنك بتتأجر كافة طيارات وزارة الدفاع وطيارات الدفاع المدني لنقل المعازيم .
وراح أبو فيصل قدم معروض للملك وشرح فيه القصه بالكامل ما ترك شي إلا قاله بهالمعروض بدأ من يوم زواجه بأم فيصل إلى أن حملت أخيراً يعني ذكر في المعروض قصته خلال (20) سنة ... طبعاً إستعان أبو فيصل بجش الحرس الوطني لطباعة المعروض لأنه ما بقي وقت على يوم الخميس (6) أيام فقط وبلغ طول المرعوض 9999 متر .
هذا وتو فيصل ما بعد جاء ..... ولو جا ء وش راح بيسوي ... تعالوا نشوف
طبعاً العزيمه تمت بنجاح وحضرها كل سكان المملكة (مواطنين ومقيمين) .
كان كل واحد ياخذ أسرته وعلى المطار طالما الذهاب والعودة ببلاش .
تجهيزات العزيمة كانت على النحو التالي :
1- ذبح حوالي مليون راس من الغنم ومليون راس من العجل ومليون راس من القعود .
2- حفر (13) بئر ماء علشان يشرّب المعازيم .
3- إشترى كل إنتاجية مصانع المرطبات باللملكة من يوم الخميس ( يوم العزيمه ) وكان يقنعهم ويقول لهم ترى إذا ما بعتوا لي ما أحد بشتري منكم شي لأن الزباين راح يكونون عندي يوم الخميس.
4- إشترى كل إنتاج مصانع البلاستيك من يوم الخميس لتوفير الصمات الي بيحطون عليه الوليمه .
أهتم أبو فيصل بزوجته أم فيصل كل الإهتمام وسافر على أندونيسيا وجاب معاه 10 خدامات لخدمة أم فيصل و 5 سواقين علشان يتقضون من السوق لأم فيصل ورجع في ثاني يوم على طول ما يبي يتأخر على أم فيصل الي شارط عليها ما تقوم من السرير إلا للضرورة وبس .
صار يروح يشتري من المكتبات كتب عن الأطفال وتربيتهم ويعطي أم فيصل وتعامل مع مكتبة جرير لتزويده بالكتب أول بأول .
ما خلى مجلة نسائية أو أسرية إلا وإشترك فيها .
كان يقول لأم فيصل بس إقري وتثقفي يا حرمه أبي منك تعرفين كيف تتعاملي مع الأطفال وخصوصاً ولدي فيصل الي بالطريق .
طبعاً أبو فيصل كلف سواقينه يروحون من الفجر يومياً على السوق ويشترون الطازج من الخضره لأم فيصل ويا ويل الي يجيب خضرة بايته .
ووصى شركة المراعي والصافي ونادك يجيبون كل يوم لبن طازج لأم فيصل من المزعة إلى المائدة.
تعامل أبو فيصل مع مطعم ( قوزي ) ووقع عقد معهم كل يوم إثنين من الطليان ... يعني خروفين وينوعون بالطبخ مره مندي ومره مشوي ومره مظبي ومره محشي ، وأم فيصل ما غير تاكل من هالطليان وتحمد الله وتقوم تتوزن وتشوف كم زاد وزنها علشان تطمئن على البيبي الي بيجي .
أبو فيصل ما فاته يوقع عقد مع المستشفى السعودي الألماني بتكليف فريق من الأطباء لزيارة ومتابعة أم فيصل في البيت .... رفض أنه أم فيصل تروح على المستشفى وتفتح ملف متابعة حمل .... علشان ما تتعب أم فيصل من الروحه والجيه
أما تجهيزات ملابس البيبي ..... راح دار كل الأسواق المتخصصة عالمياً لملابس الأطفال ( بيت الطفل ، الطفل السعيد ، مدينة الطفل ، كيو مارت ، بيبي هوم ، تشلدرن بلازا ....الخ ) وإشترى ملابس كثير لفيصل ومن كثرتها تراه تلبس أكثر من 200 طفل .
معذور أبو فيصل ولهان على ولاد .... والولد جاي بالطريق .
أبو فيصل يعد مع أم فيصل الأيام والساعات والدقايق ونفسه يغمض عين ويفتح عيني ويجي يوم الولاده ويشوف ولده فيصل ..... هذا فيصل إلى دوخ الأطباء فيما بعد لما إستطاعوا بالتصوير والمنظار أن يتعرفوا على جنس البيبي .... طبعاً ولد ... ما قلت لكم بأن الله إستجاب لدعاء أم فيصل لما دعت ربها أن يرزقها ولد .
صارت أم فيصل بالشهر الثاني وقرر أبو فيصل يسوي عزيمه مثل عزيمته الأولى يدعو فيها كل سكان المملكة ويكرر العزيمة نهاية كل شهر ( الثالث والرابع ..... التامن ) أما التاسع بسويه شيئ مختلف .... توه ما بعد فكر بالشي المختلف ..... وها بس هالمسكين ركضه ما بين شركات الطيران والمرطبات والبلاستيك وشركات حفر الأبار .
أبو فيصل ولهان يعد مع أم فيصل الأيام والساعات والدقايق ونفسه يغمض عين ويفتح عيني ويجي يوم الولاده ويشوف ولده فيصل .
صارت أم فيصل بالشهر التاسع
أبو فيصل تعب من التفكير وش يسوي ...... قال بسوي شي مختلف يعزم الناس وإلا يشرّهم وإلا .... وإلا ... المهم تعب أبو فيصل وراح على المستشفى يسوي فحوصات .... قالوا له الأطباء ريّح نفسك يا رجال ما غير تفكير وركضه وعزايم ... ترى الصحة متدهوره ......... ما سمع نصائح الأطباء .... وتعب حيل حيل حيل وقبل ولادة أم فيصل بثلاثة أيام نقل أبو فيصل فاقد الوعي إلى المستشفى ودخلوه العناية المركزه ...... نقل دم ... وفحوصات وعلاجات .... ما في فايده ... الدكاتره عجزوا ما يصحوا أبو فيصل من غشيته .... صارت حالته خطيره ... يومين فاقد الوعي ........مسكين .... راح تعبه على خالي بلاش ...... كان يحلم يغمض عين ويفتح عين ويجي يوم ولادة فيصل .... بس المسكين غمض عينه وما قدر يفتحها ..... مات أبو فيصل وماتت أحلامه وفرحته وظلت في الذاكرة رقصته يوم ما عرف بحمل أم فيصل ..... والله طامة كبرى ....... مات أبو فيصل ومات معاه ولعه على البيبي ....... حزنوا كل سكان المملكة ( المعازيم ) لما عرفوا بالخبر وكان حزنهم شديد لأن المسكين توه ما بعد شاف فيصل .... مسكين .....
باقي يوم على الولادة ..... أم فيصل ما تدري عن الخبر ...ما حب أحد يقلها وهي بالمستشفى تستعد للأنجاب ... أخيراً ولدت أم فيصل وجابت فيصل ......... كتبة كل الجرايد عن حالة ولادة عجيبه ..... طفل لا يتعد وزنه 3 غرامات ...... ولونه وشكله بالضبط مثل حبة الزيتونة بس لها راس وأطراف ( أيدين ورجلين ) . ...
فعلاً إستجاب الله لدعاء أم فيصل لما كانت تدعي وتقول بس ولد حتى ولو شكلة مثل الزيتونه .
وهكذا بدت حياة فيصل من البداية غم شكله من جهة ووفاة والده من جهة اخرى .
كبر فيصل وصارت أمه عجوز وسرحت السواقين والخادمات الي عندها علشان تربي فيصل لأن الحال صارت عدم بعد وفاة أبو فيصل لا مورد ولا معين .
كان فيصل ( الزيتونه ) يتعذب كل يوم يكبر فيه ......ما أحد يصدق أنه ولد يقدر يتكلم كل من شافه يحسبه زيتونه ... بس يتكلم زيتونه يخافوا الناس منه .
كانت أم فيصل كل يوم تعطينة ريالين علشان يتشري فطور ... بريال فول وبريال خبز .. وهذه بحد ذاتها معاناة ... أول مره راح على الفوّال يشتري فيها فول أخذ معاه غذاره ( صحن ) علشان يشتري فول ... ولما يمسك سره ( طابور ) ما أحد يشوفه بس يشوفون صحن وإذا وخر الصحن وجد تحت الصحن زيتونه خضره ... كل واح يجي يتعداه في السره ...وهل المسكين ينتظر لما يخلص السره ... وهنا تبدأ معناه أخرى مع الفّوال .
يطلع فيصل على طاولة الفّوال ويقله بريال فول لو سمحت .
الفوال يسمع الصوت ويشوف الصحن بس ما يدري من وين هالصوت يوخر الصحن يلقى زيتونه .... يشيل الفوال الزيتونه ويرميها بسطل الزبالة .... يقوم فيصل ينفض نفسه ويرجع على الطاولة ..... بريال فول لو سمحت .... تكرر معه المسألة عشر مرات ما في فايده ..... بعدين صرخ على الفوال وقاله لا ترميني أنا اسمي فيصل أنا الزيتونه الي قدامك ...... خاف الفوال لكن فيصل بذكاؤه الفطري إستطاع أن يتحدث إلى الفوال ويقنعه بقصة دعاء أمه .... المهم صار هو والفوال بعدين اصحاب ....
على فكرة لم أخبركم عن معاناة فيصل مع الخباز لما راح أول مره ......
راح فيصل على الخباز ومثل ما صار معاه بموضوع السره عند الفوال تكرر عند الخباز ... بس مع الخباز حكاية أكبر ....... والقصة تقول أن الخباز يسمع واحد يقول بريال خبز لو سمحت ... يلتفت وما يشوف أحد وبعد تكرار الطلب من فيصل ركز الخباز على مصدر الصوت وشاف حبة زيتونه إلى جانب طبق بيض فاضي ( على شان يحمل الخبز الحار) .... أخذ الخباز الزيتونه ورماها بره المخبز ..... وفيصل يرجع .... مصّر .... بريال خبز لو سمحت .... المهم أن الخباز تعجب!!!! كل ما رمى حبة الزيتونه ترجع ثاني مره ... قام الخباز في أخر مره وبدل من أن يمرمي الزيتنونه خارج المخبز رماها داخل الفرن .
الله على الفرن وحرارت الفرن الي قاعدة تشوي الزيتونة ( فيصل) ... الحمد لله أن فيصل إستطاع الخروج من الفرن بسرعة لأن الله عوض حبة الزيتون بقدرات عجيبة مثل القفز والنط .
ومع إصرار فيصل فكر أن يذهب للفوال ويطلب منه مساعدته بالحصول على الخبز وفعلاً راح الفوال مع صاحبه فيصل (حبة الزيتون ) وإشترى له خبز وطبعاً الفوال شرح أمر فيصل للخباز وقاله ثاني مره لما تشوف طبق بيض بجنه حبة زيتونه تعطيه خبز على طول .
ومره وهو طفشان أقصد الزيتونة فلاحظ الفوال عليه وقال له ... وش العلم ... ساكت هاليوم .... قل لي ترى حنا أخوان .. قل لي صديقك يمكن أقدر أساعدك .
رد فيصل ... عمل ... أريد أن أعمل .... أبي اجيب قروش ..... تشغلني عندك .... وافق الفوال .
لكن ما توفق فيصل لأن الناس كل ما شافوا حبة الزيتونه على الطاولة إما يرمونها وأما يقعدون يهاوشون الفوال ويقولو له ....... يا أخي تعال نظف هالطاولة ..... مسكين فيصل قصده يوفر الطلبات للزباين .... قرصون بالمطعم ... واجبه كذا ... لكن ما أحد يعرف قيمة الزيتونه .
مرة من المرات أحد زبائن المطعم من جماعة علي عبدالله صالح ( يماني ) طلب صحن فول وراح فيصل يجب له خبز .. وعند حضور الخبر شاف هالزيتونة ... شالها بغى ياكلها .... لكن ستر الله .... تفل فيصل في وجهة وإمتلى هالضعيف رخامة ... وبكذا تخلص فيصل من هالزبون ومصارينه الي كانت راح تودي فيصل بداهيه .
تحياتي مهجدة الرجه