المساعد الشخصي الرقمي

مشاهدة النسخة كاملة : مهزله جامعية

طروووقي
23/8/2002, 06:39
يانااااااااااااس أبي حل للمهزله:
بعد الامتحان النهائي في الصيف رحت للدكتور أحكيله ظروف منعتني عن المذاكره وعن أدائي السيئ في الامتحان عل وعسا
يشوتني وأفتك منه ومن الماده تدرون وش قال: لاتشيل هم الترم الجاي ادرسها عندي ويصير خير.

أسئلكم بالله هذا رد؟وهذا تعامل؟ وهذا رفع للمعنويات؟
:zael:


طبعا هذا شيئ بسيط من بعض المهازل في الجامعه وأكيد فيه أحد واجه بعض هالاشكال.:confused:


shh115@hotmail.com
dr.x
23/8/2002, 09:40
الله يعينكم ياأهل الجامعات
POWER
23/8/2002, 09:45
هلا بالغالي طروقي..;)

ياخي للأسف ان كان هذه الأفعال تصدر من شخص "متعلم" ودكتور ورجل علم..فكيف اذاً فينا نحن ..!!

رده واضح صراحه..يعني اغسل يدك مافيه دور ثاني ولا فيه دف ولا شي :rolleyes:

أذكر أول كانو يقولون نجحو ذولا المساكين موب لاقين وظايف..وهذا اول ..!! اجل الحين وشلون ..؟؟ :req:

وانا معك ان تعاملهم شين كنك تاخذ من جيبه راتب او يكد عليك :amle: عشان يقولك هالكلام ..!!

لكن ما باليد حيله..غير انك تلجأ لله سبحانه وتعالى وتدعي ربك ..ويالله يارب انه يوفقك في حياتك اخوي :)

اما الدكتور فربك يرزقه على قد نيته..:rolleyes:

ومع خالص تحياتي لك وتمنياتي بالتوفيق والنجاح :) ;) ..اخوك ابو حسين :)
حلوووس
23/8/2002, 15:13
هلا والله اخوي / طروووقي


مثل ما قالك اخوي dr.x


الله يعينكم ياأهل الجامعات


ومثل ماقالك اخوي ابو حسين


ياخي للأسف ان كان هذه الأفعال تصدر من شخص "متعلم" ودكتور ورجل علم..فكيف اذاً فينا نحن ..!!
آه ياهلال
23/8/2002, 15:57
هلا بطروقي
الحل سلمك الله المرة الثانيه إذا شفت نفسك داج وجاحد المادة لاتختبر ودبر لك واسطه إذا تعرف ضابط في الشرطة يعطيك ورقة إنك صادم :angel: أو ناتف لك إشارة ومسجون عندهم :D مثل هالأعذار تسلك مع الدكاترة ويعيد لك الإختبار وتروق في الدوفره:nrey: (himo)

<==== خمس سنوات نصب واحتيال على الدكاتره(rambo)
وإذا ماتعرف أحد يدبر لك هالأوراق مابدهاش دور لك أقرب سيارة شرطة عند أقرب إشارة قبل اختبارك بساعات واقطعها وكلها قسيمه :D مع 24 ساعة نزيل في أحد السجون معزز مكرم (rambo) بس لاتنسى خل كتابك معك لأنك تبي تكسب حاجتين الأولى عذر تهجد به الدكتور والثاني إنك تحصل جو هادي تذاكر فيه:kany:

<==== الدولة تعطيه نسبة من القسايم:rolleyes:

وأكيد فيه أحد واجه بعض هالاشكال
ياكثرهم وخذ هالسالفة اللي صارت لي قبل سنة من تخرجي توفت خالتي الله يغفر لها ويرحمها وأموات المسلمين قبل يومين من أحد إختباراتي طبعا غبت عن الإختبار وبعد اسبوع جيت للجامعة ومريت الدكتور أقدم له الأوراق اللي تثبت عذري رد علي برد والله لو الكلب ( الله يعز القراء ) يتكلم أنه يستحي يرد مثل هالرد قال لي عظم الله أجرك بس المرة الجاية لاتغيب عن الإختبار واعتبر أن هالشيء درس لك لأني مستحيل أعيد اختبارك:sheto: تمنيت معي بازوكه وأحطها في جبهته :jeng:

المهم شد حيلك وشبك هالدكاتره ترى الشهادة عندنا بدل ماهي 100%مجهود وتعب الطالب
صارت 50%جهد الطالب و50% علاقات مع الدكاتره :cry:
تحياتي :)
captin
24/8/2002, 10:37
السلام عليكم

هلا بك طروقي

و انشالله تعوضها

و ترى هذي بسيطه

قسم بالله اعرف ناس يوم كنت بالبترول كملو تقريبا تسع سنوات بالجامعه

و تعيش و تلقى غيرها

و الحمد لله اني تركتها

و موفق انشالله
هلال مدريد
24/8/2002, 11:22
:o هااااااااااي

وش دراك يالغالي يمكن تكون لك خيره

وبالتوفيق إت أشاء الله لك وللجميع...

أخوكـــــ أبو فيصـــــــ:angel: ـــل ــــــم