ياهووووووه .. اللي من شقراء او القصيم يدخل [الأرشيف]

شــقــراويـه

22/8/2002, 07:22

هاااااااااي صباااااااياااااا :love: وشبااااااااب :guns:
كيفكم ؟ انشاء الله بخير ..

الموضوع يا اخواني واخواتي <-- مؤدبه :D

الحين تقريبا نص الاعضاء ينقسمون لنصين <-- شكلكم مافهمتو وش اقصد .. ماعلي منكم :yuupy:
المهم والنصين هذولا نص من شقراء :love: :love: ونص من القصيم :amle: :amle:

علشان كذا ودنا نعرف من اكثر ومن يستحق الرياده .. الشقراويه :love: او القصمنجيه :amle:

علشام كذا اي واحد يدخل هالموضوع ياليت يقولنا هو من شقراء :love: او من القصيم :amle:
يعني بنسوي احصائه .. اوكييييك :nrey:

يلله كل واحد يقول هو من وين ...

سلااااااااااااااااااام ;)

الاســـطــــوره

22/8/2002, 07:35

هلا وغلا " بشقراويه " ,,,

حرام عليك تقارنين اقليم كامل بمدينه واحده :( يعني معقوله " أقليم القصيم كله " بتقارنينه بشقراء :eek: بتكون مقارنه ظالمه :),,,

:yuupy:

بـحـر

22/8/2002, 07:38

بدون زعل

الموضوع اللي زي كذا وفيه انقسام .... يكون موضوع غير مرغوب فيه.

نزلت مواضيع قديمه مثل كذا وللأسف سببت حزازيات وكلام ماله داعي

والبعض غلط على البعض فيها والنتيجه للأسف كانت اغلاق اسماء بعض الأعضاء.

كلنا مهما حصل اخوان و اخوات وكلنا يد وحده انشالله.

ارجو من الجميع و من الأخت شقراويه خاصة
عدم الزعل اللتى اكن لها كل احترام كبقية الأعضاء
هذا هو رأي الشخصى اتمنى انه يكون مافيه اي التباس على البعض.

ودمتم.

بااا :) اااى

TOTTI- 10

22/8/2002, 07:42

افا ... و الله وين راحو ... اهل فيضه السر :D:D <<< وش يبي ذا

السجين بتهمة حب الهلال

22/8/2002, 07:44

سجلي عندك....(himo)

انا شقراوي وابوي شقراوي وامي شقراويه وخطيبتي شقراويه وشغالتنا فليبنيه:D

يقول الشاعر...

(اهل شقراء لامن الليالي غدن عوج يرسون كما ترسي السفينه على الموووووج)(himo)

واحلى تحية لاحلى ناس.......

وكلنا عيال تسعه:angel: <<<<<< وش دخلها هذي:req:

شــقــراويـه

22/8/2002, 07:46

الاسطوره ..
هلا فيييك وكلامك :yes:
شقرا وبس :love:

بحر ..
هلا وغلا فيك ..
بالنسبه للموضوع اعتقد انه مايتعدى الدعابه .. ولا والف نعم باهل القصيم .. ومهما يكون كلنا ننتمي لبلد واحد وبينا نسب .. لكن زي ماقلت الموضوع مجرد دعابه والزعل مرفوض :hgfd:
كلنا مهما حصل اخوان و اخوات وكلنا يد وحده انشالله كلامك صحيح وماراح يفرقنا شيء انشاء الله .. لكن الموضوع للترفيه بسسسسس :)
رايك على عيني وراسي .. ومافيه بيننا زعل انشاء الله :)

بحر ماقلت انت من وييين ...؟

سلاااام :)

شابع بطولات

22/8/2002, 09:39

يالله مدري من وين طلعوا لنا اهل شقراء ذولي :cool: ولا ويحسبون انهم كثار بعد اال ايه ااال نص المنتدى:D

وين راحوا اهل سدير هاه ؟؟؟؟:D :D

صح فرصتكم اللحين كل اهل سدير مسافرين برى اللحين يعني يمديكم تصيرون اكثر منهم ههههههههههههه:angel: :angel:

بي بااااي

زرقاء نجد

22/8/2002, 10:04

هلا شقراوية ..
صدق اخوي شابع بطولات وييييين أهل سدييييير :love: ؟؟؟
نووووووور نجد وضياها http://www.eqla3.com/pic/Hp229.gif

صح فرصتكم اللحين كل اهل سدير مسافرين برى اللحين يعني يمديكم تصيرون اكثر منهم
بس ان شاء الله فيه اللي يسد مكانهم :guns:

سجلي حضور ثاني لسدير :D

alhilalia_9

22/8/2002, 10:06

القصيـــــــــــــم يابعدي والله

وتحديدا عنيـــــــــــــزه

شقراوي

22/8/2002, 10:09

ههههههه
مه انهم اقليم كااامل لكن ما ظنيت انهم اكثر:guns:

سجل عندك واحد اشقر:sheto:

ياسر عبدالعزيز

22/8/2002, 10:25

هلابالغاليه..شقراويه:)

نعم بجيررانا....... اخبر حليوه......:D

المهم...انا من هذي الديره>>>> دوووووووووس (http://www.geocities.com/alwashm/aothathyah.htm)

http://www.geocities.com/alwashm/aoth.gif

يوسف

22/8/2002, 10:41

هلا بالداجين والداجات:magkiss:
هلا شقراويه:zael:
انااا قصيمي :cool:
بس ابعلمكي شي واحد وهو انك بتفضحين باهل شقراء بهذي المقارنه الظالمه:hgfd:
يعني بنضحك عليكم اليووووم الى نطفشششش:angel: :angel: :angel:
:magkiss: بااااااااااااي:yes:

الطيرالهلالي

22/8/2002, 11:05

اهلين شقراويه...

انا من اثيثيه...بس بما ان القصيم اقليم..راح نخلي الوشم كله اقليم واحد...

اذاً اثيثه تعتبر من الوشم وشقراء هي عاصمة الوشم ....اذاً انا شقراااوي

سجل عندك حتى الان...

6 شقراويه ..حتى الان..
http://www.geocities.com/alwashm/aoth.gif

مها العالميه

22/8/2002, 12:02

اهليـــــــــــــــــــــــــن ..

هلا ..شقراويه..منوره .. ;)

علشان كذا ودنا نعرف من اكثر ومن يستحق الرياده .. الشقراويه او القصمنجيه

شقراويه اسحبي كلمتك قال قصمنجين قال قولي قصيمين ولا:guns: :jeng: :lkj:

حرام عليك تقارنين اقليم كامل بمدينه واحده يعني معقوله " أقليم القصيم كله " بتقارنينه بشقراء بتكون مقارنه ظالمه

اعلان من كبيركم بالاستسلام

لاتحطون راسكم بروسنا يا شقراويين <<<<<<<<<<<وحده مصدقه على بالها داخله حرب

سجلوا عندكم

قصيميه :love:

;)

هلالي اثيثيه

22/8/2002, 12:20

والله والنعم بالكل أنــــــــــــــــــــــــــــا

مــــــــــن (( أثــيــــــــثيــــة ))

تتبع محــــــــــــــــــــــــافظة شـــــــــــــــــــــــــــــــــــــــــــــــــــقـــــــــــــــــراء

allord

22/8/2002, 15:25

اسطوره
حرام عليك تقارنين اقليم كامل بمدينه واحده يعني معقوله " أقليم القصيم كله " بتقارنينه بشقراء بتكون مقارنه ظالمه ,,,
:jeng: :guns: اعلان حرب
سجل انا من الفرعه
تتبع لمحافظه لشـــــــــــــــــــــقـــــــــــــــــــــراء

POWER

22/8/2002, 15:40

هلا شقراويه :D

ياشينهم يحتكون فينا ذولا :D ..

خلاص سجلي عندك قصمنجي ..انا داري انهم واجدين بس ماودهم يحتكون بكم :D

تحياتي@لكم

الامل الضائع

22/8/2002, 16:26

اهلين والله فكرتك حلوه
طبعا سجلي قصيميه احم احم

الامل الضائع

22/8/2002, 17:15

:D :D :D :D :D :D :D ;)

POWER

22/8/2002, 18:11

ما يحتاج تردين مرتين يا سحر نجد :D

صاكينهم صاكينهم مابها كلام :D

Malcolm x

22/8/2002, 18:29

<---------شقراااوي :yes:

ثــامـر

22/8/2002, 18:37

سجلي عندكي قصيمي وبكل فخر:cool:
وتحديداً باريس نجد (بريده)

جـــلال

22/8/2002, 18:47

سلام من دار الحرم مكــــــــه ,,, بقلوبنا شوق لقيــــاكم
سيب"السرا"والعب الأكّـــه,,,لأهل القصيم صعب ننساكم
(himo) (himo) (himo) (himo) (himo) (himo) (himo) (himo) (himo)

سلام ((مكّــــــاوي)) لأحلى شبكه , وبالرفاه والبنين-----> فاهم غلط!!!:D :D :D

اذا تبوا الصراحه كلكم "عينين في راس" , لكن يبقى حبي وولائي لمنطقة نجد منحصر لأهالي "القصيم" , لأن رفاق الطفوله وخلان الصبا ينتمون لهذه المنطقه الرائعه, ولازلت أكن لأهلها "حب أستثنائي" عن بقية مناطق المملكه, رغم أني لم أتشرف بزيارتها, وأن كنت أتمنى ذلك لـ"تقر" عيني برؤية أعز رفقه,,
طبعاً لاأحد "يجرؤ" ويقحم مكه في هذه المقارنه لأنها دائماً لاتقارن بأي بقعة كانت, وحبي لها لايعلمه الا الله , وهذا من فضل ربي,,

ولذلك ضموا صوتي الى صوت أحبتي في القصيم وأكتبوها باسم,,

((متعصب قصيمي)) ,,(rambo) (rambo)

وتبقوا جميعاً من أي بقعه من بقاع مملكتنا الغاليه , جزء من محبتنا لهذا البلد المعطاء,,

أخوكم:
جـــــــلال

POWER

22/8/2002, 18:56

هههههههههههههههههههههههههههههههههههههه :D

ههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههاي :angel:

الله يرجك ياجلال :D

((متعصب قصيمي)) ,,
:D :D لا وخوي هيمو بعد ..!! (himo)

ألف تحيه لك ياغالي ;) اخوك ومحبك ابو حسين :)

جـــلال

22/8/2002, 19:40

هلا حبيبي أبو حسين,,

واجبنا تجاهكم يحتم علينا ذلك,,:D :D :D

وترى أذا بغيتوا أصوات زياده "أبشروا", بس على فكره ماتعرف المثل اللي يقول,,

((أدهن السير يسير)),,;) ;) ;)

خلاص أجل أبشر بالاصوات , بس نفّذ المطلوب , وكل شي بحقه,,;)

تحياتي لك ياغالي,,

الذيب وبس

22/8/2002, 22:45

اهلييين

:D :D :D

الحين السيطرة قمنجه ماشاالله

سجل عندك قصيمي :nrey:

الا اقول جلال , لكن يبقى حبي وولائي لمنطقة نجد منحصر لأهالي "القصيم" ,

تسلم جلو تذكر يوم نروح نصيد ضبان وناكل كليجة ;)

POWER

22/8/2002, 23:23

هلا بالغالي جلال ;)

((أدهن السير يسير)),,

ما يحتاج يا جلال :D ..اصلا لو نرشح انفسنا للحكم كان فزنا بس ليتهم يفهمون :D :D

وكل شي بحقه,,
خخخخخخخخخخخخخخخخخ :D شدلي واقطع لك :kayf:

ألف تحيه لك,,, :)

خالد الهلالي

23/8/2002, 00:36

احلى سلام للقصمنجيه والشقراوية ;)

سجل عندك قصيمي

اشوف مافيه مقارنه الحرب انتهت بفوز ساحق للقصمان وخسائر فادحه في صفوف الشقراوية :D :D

ياحبيلهم كلهم

تحياتي

خالد

شــقــراويـه

23/8/2002, 01:01

النتيجه الى الآن :nrey:
9 للشقراااااااااويه :love: :guns: :love:
مقابل
7 للقصمنجيه :p :angel:
اقووول انسحبوا قبل لا تفشلون (himo)

****************
TOTTI 10
افا ... و الله وين راحو ... اهل فيضه السر هذي حول شقراء .. يعني تعتبر من ديار الوشم وسدير .. ولا لا :req:

السجين بتهمة حب الهلال
(اهل شقراء لامن الليالي غدن عوج يرسون كما ترسي السفينه على الموووووج) ياااااعيني كلام كذا:yes: وماكذب اللي قاله :love:

شابع بطولات
يالله مدري من وين طلعوا لنا اهل شقراء ذولي ولا ويحسبون انهم كثار بعد اال ايه ااال نص المنتدى ترا اهل سدير عيال عمنا .. اركد :guns:

زرقاء نجد
سجلي حضور ثاني لسدير قصدك حضور لشقراء .. لأنكم تتبعون لديار الوشم وسدير :guns:

alhilalia_9
الله يهنيكم بعنيزه :kany:

شقراوي
مه انهم اقليم كااامل لكن ما ظنيت انهم اكثر بدري عليهم يكونون اكثر مننا :guns:

ياسر عبدالعزيز
هلا والله بولد جيرانا .. حليوه تسلم عليك :D
والنعم والله بأهل اثيثيه عيال عمنا :love: مهوب مثل بعض الناس :rolleyes:

داج
بس ابعلمكي شي واحد وهو انك بتفضحين باهل شقراء بهذي المقارنه الظالمه بنشوف من اللي بينفضح :guns: واللي بنضحك عليهم :angel: :angel:

الطيرسداح
انا من اثيثيه...بس بما ان القصيم اقليم..راح نخلي الوشم كله اقليم واحد... كلامك سليم 100% بس ياليت اهل سدير يفهمون :rolleyes:
اذاً اثيثه تعتبر من الوشم وشقراء هي عاصمة الوشم ....اذاً انا شقراااوي والنعم فيك ياولد العم :love:

مها العالميه
اعلان من كبيركم بالاستسلام مهاوي افهمي اول بعدين تكلمي :D

هلالي اثيثيه
ياحبي لكم يا اهل اثيثيه .. الله يكثركم :love:

allord
هلا والله بولد عمنا :love:

أبو حسين
انا داري انهم واجدين بس ماودهم يحتكون بكم ياااااااشييييييييييخ :amle:
ياشين الترقيييييييع :angel:

سحر نجد
اتركو عنكم هالحركات .. بتسوون نفسكم كثار بأي شكل :angel:
راده مرتين .. مهيب علينا هالحركات :guns:

Malcolm x
هلا والله بولد العم :love:

ثامر-توتا
وتحديداً باريس نجد (بريده) هههههههههههههههه قال باريس نجد :angel:
واكبر دليل الغبره اللي ماليه جوكم :angel: وشوارعكم :angel:

جـــلال
ولذلك ضموا صوتي الى صوت أحبتي في القصيم وأكتبوها باسم,, معليش صوتك مرفوض :hgfd: الا اذا جبت دليل ان لك اصول من القصيم :nrey:
ولاء ومحبه ذي ماتمشي عندنا :guns:
ترا الدعوى مزح :kany:

وترى أذا بغيتوا أصوات زياده "أبشروا", بس على فكره ماتعرف المثل اللي يقول :eek: :eek: افااااااااا :sheto: :sheto: كشفتوا نفسكم :guns:
الغش ممنوووووووووووع :guns: :guns:

الذيب وبس
الحين السيطرة قمنجه ماشاالله هههههههههه من الشفاحه اللي فيكم يا اهل القصيم اكلت الحروف :angel:
تسلم جلو تذكر يوم نروح نصيد ضبان وناكل كليجة ماعندكم غير الضبان والكليجه :angel:

ابوحسين ,,,
لاتحول الموضوع تشااااااااااااااااااااااااااااااااااااااات :lkj: :lkj:
ترا اذا تقفل ما اعرف الا اااااااانت :sheto:

سلاااااااااااااااااااااااااام (himo)

يوسف

23/8/2002, 02:08

هلا بالداجين والداجات:magkiss:
هلا شقراويه
الحين انتي وخشتكي اي واحد قال انا ماني قصيمي قلتي هذا معنا <<يعني من قلتكم قمتم تاخذون من هنا وهناك:angel:
ما اقول الا ياقاهرينهم يالقصمااااان:angel:
:magkiss: بااااااااااي:yes:

قرقو

23/8/2002, 02:35

هلا والله باهل الدجه
:confused: :confused: :confused: مقارنه بين القصمان والشقراويه:req: :req: وشلون تجروا على كذا

سجلي عندك

قصيمي على سن وضرس اقصد ورمح

الشاطر

23/8/2002, 04:11

والله ماكان عندي نيه ارد علي الموضوع

لان الشقراويه يحاولون يحطون روسهم بنا لانه تكفيهم المقارنه معنا:D

حتي ولو صرنا اكثر منهم بس المقارنه معهم ترفع من شأنهم:req:

عموما احسبي عندك قصيمي قصيمي:nrey:

ابو اسرار

23/8/2002, 11:21

:D :D :D :D :D :D :D :D :D :D :D :D :D :D

اكيد من :nrey:

يعني من اقليم شقراء

ابراهيم النجيدي

23/8/2002, 11:31

وخروا , جاكم الأطخم (himo)

سجلي عندك يالشقراويه , ( الله يعافيك من ما إبتلاك فيه (rambo) ) , واحد تعرفين زين من وين هو (himo) ,,,

وحتى أنا ماكان ودي أرد لإن القصمان لا خلا ولا أعدم مايحتاجون دليل على كثرتهم كما وكيفا :cool: ,,,

لكن يوم شقتك تحسبين كل واحد مهوب قصيمي , قلت نشوف وش آخرها , وترى مابقى عليكم إلا إنكم تحسبون سواقينكم وتقولون بعد هذولا من أهل شقراء (rambo) ,,,

تحياتي ,,,

عواض الحربي

23/8/2002, 12:17

___هلا شقراوية;) ;)

__ الله يعينك صارت المقارنة ظالمة بعد كثرة القصمنجيه هنا يعني رحتي فيها;) ;)

__ انا طالعي تحت الاسم يمينك وانتي تعرفين(himo) (himo)

__ تحياتي ;) ;)

طروووقي

23/8/2002, 12:24

أنحن من شقراْْء ولنا الفخر. صح ان أنحن حضارم نجد وحبابييين خبر بس عادي.
ويابعد عمري يا اثيثية.

منبع الثلج

23/8/2002, 12:33

هلا شقراوية

يا حليلهم الشقرااوية يقالهم يحتكوون بالقصماااان:D :D :D

والنتيجة معروووفة القصيم وبس :nrey: :nrey:

وسجل عندك واحد قصيمي :cool:

مها العالميه

23/8/2002, 12:36

اهليــــــــــــــــــــــــــن ..

هلا ..منوريين ..;)

مهاوي افهمي اول بعدين تكلمي

مخليه الفهم لك يا شقراويه :D

واكبر دليل الغبره اللي ماليه جوكم

الغبره جايتنا من حايل (rambo) يعني من عندكم

بعدين يا شقراويه انتي شوفي شقراء قبل بعدين تعالي دافعي عنها :D

وانا اقراء ردك كاني بمسلسل بدوي من كثر ترديدك لعيال عمنا :angel:

هههههههههه من الشفاحه

بعض من ماعندكم ياشهبان;)

;)

يوسف

23/8/2002, 13:07

هلا بالداجين والداجات:magkiss:

هلا طرووووقي
<b><font face="Arial, Helvetica, sans-serif" size="2"> أنحن من شقراْْء ولنا الفخر. صح ان أنحن حضارم نجد
</font></b>
:D :D :D وشهد شاهدا من اهله الحمد لله صفه والا في الاحلام:angel: ياحليلكم ياهل شقراء:kany:

قالت قصيمي قلت فخر ومعزة ****** أهل الكرم والعلم والحلم والباس :cool:
قالت قصيمي قصدها بي تهزة ****** ماتدري اني بفتخر وارفــع الراس :)
الحمــــــــــدلله روسنا دوم رزة ****** اللي خلقنا بس نحني له الراس :hgfd:
صافي نسبنا والحسب فية عزة ****** أصل أصيل وفصل والعرق دساس;)
أهل الوفاء والدين صافي منزه ****** عن كل ماشاب العقيده من أدلاس :)
حنا العقيلات انشدي رجال غزه ****** حنا هل الدنيا وللدين حــــــــراس :hgfd:
حنا سنايد نجد في كل حــــزه ****** لا خانت حلوق الرجاجيل الأنفاس :ignor:
حنا اجبال يعجز الريـــح هـــــزه ****** حنا لنجد حزام وعصابة الــــــراس :amle:
نارد حياض المرجـــــلات ونلــزه ****** مانمشي دروب الرذيله والأدناس :hgfd:
من يغلط لسانه علينــا نجــــزه ****** واللي يحقر قدر الرجاجيل ينداس :jeng:
منا العدو تكفيه بالعين خــــــزه ****** يقضي عليه الخوف مع كل هوجاس :angel:
من ذكرنا في قلبه تثور نـــــــزه****** من طاري القصمان يبلاه وسواس :D
نومه كوابيس وروعه وفـــــــــزه ****** دقت نواقيس الخطر له والأجراس (rambo) <<هديه لشقراويه:asno:
وان هو لقي له من علينا يــوزه ****** هون له الصعبات وابليس خنــاس :angel:
مايدري انه للمهالـــــك يــــدزه ****** عجل علي مبناه يمحي من الساس :hgfd:
يابنت حنا من نخانا نعــــــــــزه ****** يأمن بنا الملهوف وتهابنـــا الناس :sheto:
مرسولنا للخير دايـــــــم نكـــزه ****** ولصرخة المحتاج نرخي الأكياس :nrey:
تاريخنا مجـــــد لبسناه بــــــزه ****** نمشي بوسط السوق ماندحم الساس ;)
لك ماتركنا بكاس الأمجاد مـزه ****** واجد عليك ومثلك حثالة الكاس :kello:
وش جاب حر الطير :cool: لفريـخ وزه :angel: ****** منهو يساوي جوهر الماس بنحاس :yes:
لاتحسبين انك لنا مــسـتفـــزه:hgfd: ****** وش ياخذ الباعوض من ريش قرناس(rambo) :asno:
:angel: :angel: :angel:
وش اخبار شقراويه انتي وعيال عمك على قولتك(rambo)
<<من غير زعل والي زعل يقولي:nrey:
:magkiss: بااااااااي:yes:

منبع الثلج

23/8/2002, 17:02

تسلم داااااااااااااااااااااا(himo) اااااااااااااااااااااااج

على الابياااات الحلوووة الي خلت الشقراوية يسكتوووووون:p :p :p :p :p

وواضح ما فيه مقاااارنة القصمااااااان هم الفايزين ما في غيره:yes:

لك ماتركنا بكاس الأمجاد مـزه ****** واجد عليك ومثلك حثالة الكاس
وش جاب حر الطير لفريـخ وزه ****** منهو يساوي جوهر الماس بنحاس
لاتحسبين انك لنا مــسـتفـــزه ****** وش ياخذ الباعوض من ريش قرناس
:love: :love: :love: :love: :love: :love: :love: :love: :love: :love: :love:

قرانديزر

23/8/2002, 22:33

هلا شقراويه

انا قصيمى وافتخر
بس على فكره شقراءمااحبها لان صار لى موقف هناك :cry: :cry: :cry:

اما اهلها والنعم فيهم

وحرام تسوووين هذى المقارنه

باااى
:yes: :yes:

يوسف

24/8/2002, 00:09

هلا بالداجين والداجات:magkiss:
هلا بالشقراويه
اقووول وين وصلنا يعني كم الفرق بيننا الحين وانتم معكم الغير قصيميين وحنا لحالنا القصمااان بس:angel:
يعني حبه السماء اقرب لكم تحطووون رووسكم بالقصمااان :D
:magkiss: بااااااااي:yes:

هـلالي مرات

24/8/2002, 00:34

(himo) سجل عندك من مرات
:love: :love: :love: واهل الوشم عز والباقي :magkiss: حبايبنا

يالله بااااااي الحقوق (rambo) مسروقه (rambo)

سارة

24/8/2002, 08:17

قصــــــــــــــــــيمية

انا القصيميه انا القصيميه وافتخر اني قصيميه

:love: :love: :love: :love: :love:

واخت شقراويه ما اعتقد ان شقراء تقارن باقليم القصيم

ومن الظلم هذه المقارنه

الروح

24/8/2002, 08:25

اهلين شقوره

مشكوره ع الموضووووع

انا "

قصمنجيه حتـــــى الموت

ههههه ومشكوره مره ثانيه

باي
سبورته

الباش مهندس يوسف 15

24/8/2002, 11:59

اهـــــــــــل شقراء يحتكون

لكن مافيه مقارنه ابد :jeng: :jeng:

وسجل عندك قصيمي قصيمي :yes: :yes:

ابوخالد

أبوحمـــ15ـــــــــــد

24/8/2002, 16:40

؟؟؟؟؟؟؟؟؟؟؟؟؟؟؟؟

احوووووووووووووولللللل وش يبون ذولي؟؟؟؟

ماصدقتوا على الله تلقون فرصه تتفوقون<==لا تسألوني وشلون طلعت!!!
المهم ماصدقتوا على الله تلقون فرصه تتفوقون على شقراء الا وطلعتوا..
انا قصيمي
انا قصيمي
انا قصيمي
انا قصيمي

ياشباب خلوا المقارنه بين الوشم والقصيم وبس...

وياااااااااااااااااااااااحبني لكم ياهل شقراء وخصوصا الباطن

^~الفـيـصل~^

24/8/2002, 19:19

اويلاااااااااااااااااااااااااااااااااااااو يالنفود الشرقي

اويلاااااااااااااااااااااااااااااااااو ياحليوه

اويلاااااااااااااااااااااااااااااااااااو ياحي الصفراء

بس على فكره انا شقراوي 100%

والمفروض ان المقارنه تصير بين شقراء وبين بريده اوعنيزه او اي مدينه.

او بين الوشم والقصيم،،،،،،،،،،

بس على فكره القصمنجيه حبايبنا ومهما كتن تفوقنا والا تفوقتو صدقونا الشقراوين مرغوبين في المجتمع بشكل اقوى :D

الاســـطــــوره

24/8/2002, 19:37

لاحول الله , مدري وش يبون هالقصمان (himo)

والمفروض ان المقارنه تصير بين شقراء وبين بريده اوعنيزه او اي مدينه

حنا نقول كذا من اول , خاصه اهل بريده , نبي نتوطاهم ونكتسحهم بغالبيه الاصوات :angel: والا بقيه اهل مدن القصيم حبيبين ,,,

او بين الوشم والقصيم،،،،،،،،،،

يعني على الاقل ممكن ندخل تحدي مع أقليم القصمان بهذا الشكل , ياحبي لهم اهل الوشم :love:

وسجلي عندك ياشقراويه انا شقراوي 100% اب وأم :magkiss:

قال ايش يقارنون شقراء باقليم كامل :amle:

(( كبيره ياشقراء )) :love:

^~الفـيـصل~^

24/8/2002, 19:57

ههههههههههههههههه

صدقت يالاسطوره .....

كبيره ياشقراء دام القصمان كلهم بيتحدونك :o :o :o :o

أبوحمـــ15ـــــــــــد

24/8/2002, 20:20

خلااااااااااااااااااااص عاد دام الاسطوره رد يعني خلاص...

الا يالاسطوره اثرك من شقراء؟؟؟
والله اني شاك<<<بدا ينصب....

لاتكون اللي في منتدى شقراء!!!!

والله ياقربها...

لا ذاك نصراوي...

والله ورحتوا فيها يالقصمان....

بس ولو ترانا نعزكم ولو انا مانعزكم ماناسبناكم:ignor: سكته ابوه يقول لاتعلمهم من انحن...

وترا كلمة حضارم نجد مهيب صحيحه تلقاه شايب مر من عند شقراء وطاحله في واحد بخيل صار يمر بذالدير ويسب اليييييييين طلعت كلمة حضارم نجد...

^~الفـيـصل~^

24/8/2002, 21:36

على العموم كلنا اخوان وهلاللين وهذا اهم شي،،،،،،،

وبالنسبه لحظارم نجد تراها غلط واصابع يدينك مهيب زي بعض يعني كل ديره فيها الزين والشين وبعدين اي ديره لها عياره ((انشاء الله فهمتو قصدي))

والــــــــــــــــــــــــرجـــــــــــــــــــــاء من الاخوان القصمان يحللوني انكاني غلطت عليهم،،،،

ابو حسين اذا غلطان سامحني..

http://songs.6arab.com/mu3een..7abebi1.ram:D:D

الاســـطــــوره

24/8/2002, 22:18

بااااااااااك (himo)

أبوحمد ,,

الا يالاسطوره اثرك من شقراء؟؟؟

ايه نعم وبكل فخر (himo) ودمي تمشي فيه حروف (( ش ق ر ا ء )) :magkiss:

لاتكون اللي في منتدى شقراء!!!!

والله مدري من تقصده , انا ماسجلت الا من يومين بنفس المدات اللي في اسمي , واذا كان نصراوي ابي احوسه هناك , والا اقولك يكفي انه شقراوي :love:

وترا كلمة حضارم نجد مهيب صحيحه تلقاه شايب مر من عند شقراء وطاحله في واحد بخيل صار يمر بذالدير ويسب اليييييييين طلعت كلمة حضارم نجد...

والله ونت الصادق ياابوحمد , شكله شايب " قصيمي بريداوي مقهور (( علشان ماتزعل علينا )) :rolleyes: مثل ربعنا اللي في هالموضوع :D ,,,

اهل شقراء والوشم بشكل عام معروفين بالخير والطيبه ودايم خيرهم مغرق اى ديره يروحون لها , واكبر دليل التجاره في الرياض لاهل شقراء منها بصمه (himo)

قال ايش حضارم نجد :amle:

أبوحمـــ15ـــــــــــد

24/8/2002, 22:32

الله يعينك...

فيه واحد قبلك مسجل باسم الاسطوره وادارة المنتدى مايبونه وطردوه:(

أبوحمـــ15ـــــــــــد

24/8/2002, 22:32

الله يعينك...

فيه واحد قبلك مسجل باسم الاسطوره وادارة المنتدى مايبونه وطردوه:(
العيون بتصير مركزه عليك

الاســـطــــوره

24/8/2002, 22:37

أكيد انه شقراوي مندس :D

مثل ماهو " اسطوره " مندس بعد :kello:

وكويس انه انطرد علشان اكتب براحتي ومايعترض على الاسم (rambo)

<======== يفكر لبعيد :angel:

انا راعي محل هناك دامهم شقراويين :love:

تحياتي لك ياابوحمد :)

ابراهيم النجيدي

25/8/2002, 00:49

كأنكم قلبتو الموضوع تشات !! (himo) ,,,

تبوني أدخل و أحوسكم وبالذات الشقراويه منكم وخصوصا كبيركم اللي علمكم البخل (rambo) ,,,

وصاحبة الموضوع شقراويه بعد ...... بس كذا لعانه ومن غير لاتسوي شيء (rambo) ,,,,

إركدوا لا أقفل الموضوع .... أدري إنكم تدورن تقفيلة الموضوع يالشقراويه علشان لاتطلع فضايحكم , لكن عناد ماهنا قفل إلين تسلمون :cool: ,,,

تحياتي للجميع ....... وأقصد بالجميع القصمان بس :cool: ,,,,

^~الفـيـصل~^

25/8/2002, 01:13

افاااااااااااااا يا براهيم..

ماتبي تسلم علينا.....افاااااااااااا....ماهقيتها منك

هذا وانت زعيم القصمان في المنتدى.....

لالالالالالالا عيب عليب عليك يا راعي الهايلكس كفرات خط..

ترا (بوه) اعضاء قصمنجيه انت قدوتهم (اويلاااااااو) .

تراك ما(علمتن) انك زعلان علينا؟؟

:D

ابراهيم النجيدي

25/8/2002, 01:29

يالفيصل أنا ما ( قلتا ) إني زعلان على الشقراويه,,,

وبعدين ( أنتا ) من يوم ( رحتا ) ما ( جيتا ) !! :rolleyes: ,,,

لكن كله ولا زعلك يالفيصل ..... إذا ( صليتا ) تلقى العشا في ( البـيتا ) (rambo) ,,,.

هذا كله علشان بس لاتزعل علينا (himo) ,,,

تحياتي ,,,

^~الفـيـصل~^

25/8/2002, 01:32

ههههههههههههههههههههههههههههههههههههههههههههههههههههههههههههه

مقبوله منك يابعدهم والله اني احبك،،:D

خالد عبدالرحمن

25/8/2002, 05:55

مدري اهل سدير لهم نصيب عندكم:req: :req: :req:

شــقــراويـه

25/8/2002, 06:30

هيموووو (himo)

كأنكم قلبتو الموضوع تشات !! ماقلبه الا انتم ,, وخاصه ابو حسين :jeng: اركدو يالقصمان :guns:

وصاحبة الموضوع شقراويه بعد ...... بس كذا لعانه ومن غير لاتسوي شيء ترا عندي واسطه .. الاسطوره :guns: وشقراوي:guns: عيال عمي واكيد بيفزعون لي :cool:

إركدوا لا أقفل الموضوع .... أدري إنكم تدورن تقفيلة الموضوع يالشقراويه علشان لاتطلع فضايحكم والله اذا بتقفله انت هذا شيء ثاني :rolleyes: يعني استسلااااام صريييييييح :rolleyes:

تعاااااااااال :guns:
وش فيه كلامنا :sheto: يهببببببببببل :love: :love:
رحتا وجيتا .. احسن من ( بوه :D تسذا :D هو <-- مدري وش تبي ذا الكلمه :angel: )

خالد عبدالرحمن ..
اهل سدير يعتبرون عيال عمنا .. يعني معانا :D لأن المقارنه بتكون بين اقليم الوشم وسدير :love: والقصيم :amle:

وصدق الاسطوره ,,,,
كبيره ياشقراء دام القصمان كلهم بيتحدونك

سلااااااااااام :yes:

الاســـطــــوره

25/8/2002, 06:48

اها هيمو (( بوه )) هيمو (( بوه ))

<====== هذا بزر مبسوط في روضه في القصيم :D

اقول وش كبيركم اللي علمكم البخل (himo)

نسينا ياهيمو الامثال الشعبيه اللي تطقنا فيها في غرفه الاداره عن البخل واثاره الايجابيه على الانسان ومضاره على البشريه بشكل عام :kany:

اقول هيمو ليه تبي (( تقفلن )) الموضوع ؟؟؟ (( تروااااه )) موضوع (( يهبلن )) !! :D

وبعدين لاتحش في بنتنا شقروايه وتتكلم (( عليا )) :hgfd:

ثم قل لتركي لايلعب في صواريخ العيد بعدين (( تشبب"بوه")) (rambo)

تحياتي يارامبو القصيم (himo)

جــ2002ــــيـدا

25/8/2002, 06:49

ما فية مقارنة ابداا

انا من اهل القصيم قصمنجي وبس

ارجوا من الاسطورة ان يرجع ردودة لكي يعرف خطا من اخطاة عن بريدة

الاســـطــــوره

25/8/2002, 07:10

حبيبي (( شعله الهلال )) ,,,

ترى الموضوع لايتعدى المزح , والا كلنا اهل القصيم وشقراء اخوان واخوات واحباب , ولو تلاحظ فيه مزح على اهل شقراء ولازعلنا لاننا عارفين ان الموضوع لايتعدى المزح , والا اغلب اهل شقراء او الوشم والقصيم بينهم نسب وقرابه من بعيد :) ,,

لاتاخذ الكلام بمعناه , ترى اللي في القلب غير المزح اللي تشوفه سوى مني لاهل القصيم او من غالبيه الشباب لاهل شقراء والوشم :love: ,,,

تحياتي لك ,,

Alghaly

25/8/2002, 07:15

مرحباااااااااااااااااا

انا بس خاش اسلم على حبايبي اهل شقراء وبعد حبايبي اهل القصيم

POWER

25/8/2002, 07:48

هلا والله اخواني :)

انا اشهد ان الدعوه مزح ..وحابين نسولف شوي..

وخاصه الغالي (شعلة الهلال)

ترى كلنا نمزح وهالمقارنه هذي كلها مزح في مزح وسعة صدر..والا لكنا عيال نجد :love:

يا حبيلكم بس..والا انا قصيمي وخوالي من شقراء :)..واخوي الاسطورة من شقراء..هاه بعد .؟ :D

والا الدعوه مزح..:D

والي يجمعنا اكبر من كونك قصيمي او شقراوي :) ..الي يجمعنا الكيان الازرق الهلالي :love:

مع خالص تحياتي لكم..وخاصه اخوي الفيصل (himo)

تحياتي,,,

ابراهيم النجيدي

25/8/2002, 07:52

هها هها هها هها هها هها ,,,

أما أنت يالأسطوره ماعندك لغه أبد ,,,

تعال أوريك أخطائك اللغويه (باللغه) القصيميه .....

اقول هيمو ليه تبي (( تقفلن )) الموضوع ؟؟

هاهاهاها ..... هذي وشلون تجي !! ,,,

ماتجي الله يصلحك .... أنت صرت مثل السواويق اللي عندنا , يبون يتعلمون قصيمي غصب (rambo) ,,,

( تقفلن ) <==== النون اللي بالأخير هذي نون الملكيه :D خلني أعطيك أمثله علشان تفهم :

تقفلن = تقفلني

تضربن = تضربني

عطن = عطني

وعلى هذا المبدأ اللغوي (rambo) صارت جملتك مثل كذا :

(( أقول هيمو ليه تبي تقفلني الموضوع )) :D ..... شكل القصمان قد جابوك بفيزا سنه من السنين , لكن الظاهر فهمك ثقيل مثل جماعة أبو هنود (rambo) ,,,

تروااااه

صحيح إن خوالنا فرنسيين وهذا باين من كلامنا وأشكالنا ..... لكن عاد مهوب لهاالدرجه الله يصلحك (rambo) ,,,

المفروض تقول = تراااو :cool: ,,,

عليا

عليا ولا لميا ؟؟ :D ,,,

والمفروض تقول = علياه :cool:

وش رايك أجيبك بفيزا عندي علشان تتعلم اللي ناقصك وتطلع فتـّـيت لغه قصيميه , وتتجاوز إختبارات " التوفل " بهذي اللغه الأسطوريه ؟؟ :D ,,,

شقراويه .....

هو <-- مدري وش تبي ذا الكلمه

هذا دليل واضح وصريح على مدى قوة اللغه القصيميه ( لغه ومهيب لهجه نظرا لعمقها التاريخي والأدبي (himo) ) ,,,

وهذا راجع في المقام الأول لكوننا أول لغه في العالم تضع علامة تعجب في كلامها المسموع , لشدة ضخامتها ومتانتها :angel: ,,,,

وترى زي ما اللغه الفرنسيه هي لغة الأدب والحضاره والثقافه الغربيه , ترى " اللغه " القصيميه لها نفس خصوصياتها (himo) ,,,

شباب وشابات .... ترى الموضوع مجرد مزح بريء ولايقصد منه أبدا التقليل من ناس معينين ..... وخصوصا إذا كانوا هذولا الناس هم القصمان بكبرهم ..... هذولا كيف يقدر أحد يقلل من مكانتهم !! (himo) ,,,

تحياتي ,,,

الاســـطــــوره

25/8/2002, 08:30

ها ها ها ها ها ها (rambo) لغه قصيميه اجل !!

تعال أوريك أخطائك اللغويه (باللغه) القصيميه .....

قل شفره اقولك ايه :D قل كود اقولك ايه :D بس لغه ههههههههه ماتجي :angel:

( تقفلن ) <==== النون اللي بالأخير هذي نون الملكيه

والله توني ادري عندكم في (( الشفره )) حقتكم نون الملكيه !!:nrey: اخبركم سبيل ماعندكم شىء تملكونه :D

صحيح إن خوالنا فرنسيين وهذا باين من كلامنا وأشكالنا ..... لكن عاد مهوب لهاالدرجه الله يصلحك

ههههههههههه ايه طيب يامسيو (( هيموفجيغيه )) :D اشوفك ترطن فرنسي وشعرك اشقر وعيونك زرق :D

<======= والله ماردك معنا تحت مظله الشهبان :angel:

المفروض تقول = تراااو

اهل مكه ادرى بشعابها واهل القصيم ادرى بشفراتها :rolleyes:

عليا

والمفروض تقول = علياه

هههههههه مهبو باينه , بس حلوه (( الهاء )) في الاخير , يعني الحين على بالكم بتأنثونها :angel:

وش رايك أجيبك بفيزا عندي علشان تتعلم اللي ناقصك وتطلع فتـّـيت لغه قصيميه , وتتجاوز إختبارات " التوفل " بهذي اللغه الأسطوريه ؟؟

لاواللي يرحم والديك ماابي تعقيد " شفرات " و " كودات " :slv: يكفي انك لارطنت قصيمي احس اني فاتح على قناة اجنبيه :angel:

قال لغه قال :amle:

الطيرالهلالي

25/8/2002, 09:24

(ولاوه) يالنجيدي...اليوم(موقفاً) ..(الهلكس) على الخبب..:D

تون شايفن ابوحسين في شارع خبيب ..قاعدن يضلل الهلكس :D

ويقول ان النجيدي يكلمن ..اهل شقراء...ياويلاه من القصمان والله ان لحرموه من الكليجا .والكراث :D

قرقو

25/8/2002, 09:41

اهلين شباب

الهلكس
وشو ذا:req: :req: :req:

يااخ اسطوره
يكفي انك لارطنت قصيمي احس اني فاتح على قناة اجنبيه
والله لو انا اتكلم فيفي:nrey:

ملك الليل

25/8/2002, 09:59

انا قصيمي ....... وتحديداً من (((( عــــــــــــــــــنيزه)) ....

تسف اولاه حنا القصمان اهل الجمل والسيف ... والباقي لكم >>>>

hilaly4ever

25/8/2002, 10:10

حطي عندك...من عنيزة..القصيم

ملك الليل

25/8/2002, 10:12

اقول شبااااااااااااااب >>>>>>

وين راااااااااااااااااحت شقرااااااااااااويه ؟؟؟؟؟؟؟؟؟؟؟؟؟؟؟

ودي اعرف كم وصلوا القصماااااااااان عددهم ؟؟؟؟

شقراوي

25/8/2002, 11:39

ههههههههه لا تقفلووووووووووووووووه يا هيييموووو لا تقلوووووووووووه تكفووووووووه
ههههههههههههههوووووووووووه:angel:

جبووووووووه يم دتسنووووووووووووه اويلااااااااااو:yuupy:

POWER

25/8/2002, 11:47

تكفووووووووه
عاد انت يا شقراوي غير :rolleyes: ..يعني خلك على جنب :angel:

قال تكفوه قال :amle:

خلك مع القايز حقينك :D

تحياتي,,,

شقراوي

25/8/2002, 11:58

القايز ولا القرلز:angel:

يا حبييييي لك يابو حسين ههههههههههههه(rambo)

مها العالميه

25/8/2002, 12:05

اهليـــــــــــــــــــــــــن ..

هلا ..منورييـــــــــــــــــــن ..;)

من ثامن المستحيلااااااات الي في الدنيا يكون وزير الماليه شقراوي ليـــــــــــــــــــــــه؟

لانه يتحسف يوقع على الريال علشان ما ينصرف لناس من بخله (rambo)

يا بخيلين ..

ياشقراويه يسلمون عليكم ابالخيل والعساف ويقولون لكم انسوا يجي شقراوي مكاننا(himo)

;)

سارة

25/8/2002, 12:26

:D :D :D :D :D :D :D :D :D :D :D :D

هههههههههههههههههههههههههههههههههههههههههههه

:D :D :D :D :D :D :D :D :D :D :D :D

عز الله انك جبتيها يامها :yes: :yes:

انواع التحطيم للشقراويين (rambo)

شابع بطولات

25/8/2002, 12:47

لا حوووول الى اللحين هواش بين هالقصمان والشقراويه مشكله والله ;) ;)

يعني اللي يشوف مهاوشكم يقول اهل سدير :angel: وووه بس ياهل سدير لا خلا ولا عدم :D

المهم مدام اهل سدير في هالموضوع برى الحسبه .. فانا مع اهل شقراء :angel:

صح انهم مثل ماقالت مها العالميه مستحيل يصير واحد فيه وزير الماليه بس برضوا احسن من القصمان :ignor: :ignor:

قلبا وقالبا معكم ياهل شقراء

شقراوي

25/8/2002, 13:04

الكاتب الاصلي: مها العالميه

لانه يتحسف يوقع على الريال علشان ما ينصرف لناس من بخله

ههههههههه يا طووووووووووووول هالنكته

جيبي غيرها بس:angel:

POWER

25/8/2002, 15:13

هلا والله :)

هلا حبيبي شقراوي..:D

القايز ولا القرلز
يهههههههههههههههههااي :angel:

الحين انا اغطي عليك وازبنك ولا قلت هالكلام :kayf: ..تجي انت تخر :D

اجل خل اقول باقي الكلام :D !!

قصدك ياحلو القيرلز ولا البيتش :req:

:angel: :angel:

تحياتي لك حبيبي ,,, ;)

***************
هلا مهــا..

لانه يتحسف يوقع على الريال علشان ما ينصرف لناس من بخله
انا اشهد انهم عاضين على الريال (rambo)

واولهم شقراوي :D ..يقول الي يبي تصميم يدفع كاش :angel: ..

وان كانك تدفع تقسيط..يجيك التصميم تقسيط (himo)

بس يا مها ..انا رايح فيها :(

ام حسين من شقراء :love:

وانا وش اسوي الحين :yuupy: ..؟؟

لعيون القصيم خلها تولي ام حسين..اهم شي القصمان :love:

ونفتك منها هالكم يوم :amle:

تحياتي,,,

ياسر عبدالعزيز

25/8/2002, 15:17

سلالالالالالالالالالالالالالالالالالالالام:)

اقوووووووووول ابو حسين...........كم نتيجة الشوط الاول:D

POWER

25/8/2002, 15:28

هلا ياسر..

يخوي انا قعدت احسب ..وخبطت الآله الحاسبه :yuupy:

يعني طلع منتخبنا اقوى من فريق الشقراويه ذولا :angel:

ياسر عبدالعزيز

25/8/2002, 15:46

ابوووووووووو حسين....

مشرف على عين وراسي:mad:
بس تغلط على الشقرررراويه..... وقف هنا....حدك :jeng:

هذ تحذرررررررري . تتخط انت والقصنجيه الي معاك مافيه غير ابو عكفه ير دكم:jeng: :jeng: :jeng:

^~الفـيـصل~^

25/8/2002, 16:58

ترا الموضوع كـله مزح في مزح يعني لحد يزعل والى حنا والقصمان لايقين على بعض. <--وش يبي ذا؟؟عطوه قطته كفون خلوه يضف:req: :req:

وبالنسبه لك يا مها العالميه شايله علينا يا بخيلين يابخيلين ترا والله ثم والله لطلع عيا راتكم اللي بوش يعرفها وتراهن كلهن قوياااااااااااااااااااااااااااااااااااات:D :D :D يافر...الأ.... :D <--اقسم بالله امزح لاتعلنون ابو امي:ignor:

وخلاص دام الــطـيـر سداح فازع معنا ما تهمنا النتيجه

وهذي هديه لأبو حسين

http://www.shnaan.com/?A=3&S=172

:yes: :yes: :yes: :yes: :yes: :yes: :yes: :yes: :yes: :yes: :yes: :yes:

POWER

25/8/2002, 19:08

هلا وغلا ياسر ;)

اولا..الموضوع مجرد مزح ورسم البسمه على شفاه الاعضاء :)

ولا نقلل ابدا من مكانه احد ..أبدا والله :)

وما قلته انا كان مزح وكل الشباب في ردودهم بهذا الموضوع :D

وكلنا عارفين بداية هالموضوع في منتدى الملاحظات :D

يعني الدعوه فرفشه ..

عموما سامحني ان غلطت عليك :rolleyes:

وما اعتقد ان ردي قاسي حيث كان :-
يعني طلع منتخبنا اقوى من فريق الشقراويه ذولا
:req:

المهم:D

انت بشرنا عنك عساك طيب :) ..عساك ما قلبت الهوندا كفرات خط :angel: ؟؟

تحياتي,,,

الطيرالهلالي

25/8/2002, 19:45

اقول...

اهجدو يالقصمان اهجدو ...ترى فيه كلام ..جامد لو اقوله ما طلعت من هالمنتدى ساااالم :guns:

وانا عارف انها سواليف ساعة صدر .ونااسه:D

رداً ...على مها العااالميه؟؟؟؟؟

يقولك في قنبله انفجرت بالقصيم قااالت(( بـــــــــوه) <<----قديمه صح

بس اسمعو الجديده....

فيه قصيمي جاه ولد من بعد سبع بنات سماه (وش عقبه):D

هاه وش تبون بعد...
طاعون يطعن شركم ;)

^~الفـيـصل~^

25/8/2002, 21:31

يقولك في قنبله انفجرت بالقصيم قااالت(( بـــــــــوه) :yes: :yes: :yes:

فيه قصيمي جاه ولد من بعد سبع بنات سماه (وش عقبه) :yes: :yes:

اسمعوا الثالثه: الوليد بيعطي واحد من الشعب نص مليون جاه قصيمي قاله((والنص الثاني منهو لوه))؟؟<--OLD NOKTAH

:love: :love: :love: :love: :love: :req:

الاســـطــــوره

25/8/2002, 21:34

لعن الله على ابليسكم , ماهجدتوا ابد عن هالموضوع :D

<======= علم نفسك قبل لاتقولهم :nrey:

مها ,,,

من ثامن المستحيلااااااات الي في الدنيا يكون وزير الماليه شقراوي ليـــــــــــــــــــــــه؟

ههههههههه لانهم ببساطه عندهم خير وتجارتهم (( ماشاءالله )) معروفه في السوق , و ماهم بحاجه لوزاره الماليه علشان يأخذون منها فلوس (rambo)

ياشقراويه يسلمون عليكم ابالخيل والعساف ويقولون لكم انسوا يجي شقراوي مكاننا

وحنا بعد نسلم عليه ونقول مانبي من الحكومه شىء تاركينها لكم :rolleyes: الحمدالله عندنا تجارتنا والسوق يعرف اهل شقراء والوشم ويشهد لهم السوق :love:

لانه يتحسف يوقع على الريال علشان ما ينصرف لناس من بخله

إذا كان الحرص على الفلوس وصرفها في اللي يفيد وعدم التسريف وحب (( الفخفخه والمظاهر )) تسمى بخل (himo) فايزينه من بخل :love: لاننا ماتهمنا المظاهر الكذابه اللي يدورها الغير :rolleyes: عشان كذا دوم اهل شقراء والوشم بخير ونعمه وقلوبهم على بعض :magkiss:

أبوحسين ,,,

خلك مع القايز حقينك

ههههه هاذي من اى ثقافه قصيميه هالكلمه :D شكلها من الادب القصيمي للاقتباس :angel: او الادب القصيمي اللي تكلم عنه هيمو في هالموضوع (rambo)

سلام مربع ومستطيل لاهل شقراء والوشم , وسلام دائري لاهل القصيم (himo)