عيــــــــــــــــوب المنتدى العام.....!!

[بدر]

السلام عليكم ورحمه الله وبركاته...

صبحكم الله بالخير جميعا او مساكم الله بالخير...

الفكره هذي جتني بعد ما تمشيت في الشبكه وخاصه منتدى الملاحظات ولقيت موضوعين يخصون

المنتدى العام... وبالاخص مواضيع المنتدى العام وكان النقاش في الموضوعات مدى فائدة مواضيع

المنتدى العام ... والبعض اتفق والبعض الاخر اختلف؛؛؛ طبعا انشالله اختلاف للاصلاح ولا شيء غيره..

قلت ليه ما اكتب موضوع يتحدث فيه اي عضو عن الشيء اللي يضايقه في المنتدى العام حتى لو هو

شي بسيط جدا... اي شي تحس انه من عيوب المنتدى العام قله سواء عيب بسيط او عيب قوي ...

كنت راح اكتب الموضوع هذا بمنتدى الملاحظات بس حسيت انه موضوع يهمنا حنا الاعضاء اكثر

من اداره الموقع خاصه ان فيه اعضاء اشتكوا من حال المنتدى العام بعد ماكانوا يشاركون في

مواضيع هم الان معترضين عليها وهذا رأيهم الخاص واحترمه...

اما العيب الوحيد اللي اشوفه وما ادري يشوفه غيري ولا لا هو بعض الردود فيها المواضيع يكون

فيها نوع من الاستهتار من العضو او موضوعه حتى لو بطريقه غير مقصوده؛؛؛ واحيانا حتى صاحب

الموضوع يدري ان الرد فيه نوع من المزح وعادي ما يهتم بس فيه ناس يشوفون الردود قويه

وفيها نوع من الاستهزاء وبعدها يتخوفون من كتابة مواضيع.. مع العلم اني اعترف ان هالشي قليل

مره بس قلت ابدا بقول ملاحظاتي "العامه" اللي انشالله نحلها بيننا يا الاعضاء واتمنى ايضا اني

اكون وفقت بكتابه الموضوع... واسف على الاطاله..













تحياتي؛؛

[POWER]

هلا بالغالي بدر..صباح الخير حبيبي..

انا عن نفسي..ارى المواضيع التي تنكتب بواسطة عضو واحد..فترى العضى يدخل المنتدى وما صدق على الله يدخل النت
وخذ يا نسخ ولصق من المواضيع بس علشان يشوف اسمه مرتز في الصفحه..

عادي تشوفه كاتب 6 او 7 مواضيع وما يدري وش تتكلم عنه لانه يكون ناسخها..وما اعتقد ه يكتبها لانها نزلت في وقت واحد :req:

انا هذا الي اشوفه..

اما عن ردود المزح فوالله هذي ردود تطفي على الموضوع روح من الفكاهه التي تلطف الجو :) ..

انا هذا رايي..ولك كل التحيه ياغالي :) ..

[قرقو]

هلا بدر
انا رايي بصراحه اكره المواضيع اللي تجيك تقول صوره فلان وهو قاعد يسوي كذا :nrey:


تحياتي لك

[خالد الهلالي]

هلا بالغالي بدر


صباح الخيرات



موضوع جميل وطرح اكثر من رائع


وانا من رأيي ان المنتدى العام يعتبر المتنفس لجميع المنتديات يعني منتدى سعة الصدر ولتقاء الاعضاء بجو يسوده المحبه والالفه وقبل كل شي الاخوه


وبالنسبة للردود اعتقد انها ملح المنتدى العام فلابد من البعد عن الجديه نوعاً ما وإضافة شي من المرح على الموضوع في حدود معينه












تحياتي
كل يوم جرح جديد
خالد

[برستيج]

هلا بدر


بالنسبة لي بصراحه اقول ...

ان ما اكون مرتاح الا اذا دخلت هالمكان .. ;) .. لان فيه اخوه رائعه بين الجميع .. :yes:

بالاضافة الى سعة الصدر اللي يمكن ما نحصلها في مكان ثاني .. وهذا يدل على التميز ..

صحيح يمكن يكون فيه بعض الامور البسيطه واللي يعتقد البعض بانها عيوب ..

لكن مع ابداعات الجميع فهي لا تذكر .. :)



وتسلم يا غالي .. :yes:

[عنود الصيد]

أهلين أخوي بدر ,



طرح ممتاز للموضوع .. وسأدلي بدلوي في الموضوع :)

من العيوب .. كثرة المواضيع المنقولة , واللي تكون على حساب بعض مواضيع الاعضاء الجيدة و اللي تعبوا وهم يكتبونها .. قلة المواضيع الجادة واللي تناقش مشاكل اجتماعيه رغم ان لها تجاوب من الأعضاء عند طرحها .. عدم التفات المشرفين لبعض المشاركات ووضع الحد لها بسبب حسن النية ..



أما غير هذا فعندنا أعضاء يتمناهم كل منتدى متعاونين ومتحدين في السراء والضراء .. والله يخلينا لبعض ان شاءالله ..


أما من ناحية تحطيم بعض الاعضاء الجدد بردود فكاهية ( تفهم غلط ) , فعني عند اول مشاركة لي بالمنتديات ( مهوب هنا :D ) زعلت بسبب رد كان يقصد فيه روح الفكاهه .. لكني ماكنت مستوعبه هالشيء , لاني مابعد تعودت ..( بس كان موقف سخيف مني :( )

يعني ممكن الواحد يقول اللي يبي , بس لا ينسى ينبه بنهاية رده انه كله مزاح :D


ويعطيك العافيه :)

[يوسف]

هلا بالداجين والداجات:magkiss:
هلا بدر
بالنسبه لي يوم ادخل الشبكه وبالاخص المنتدى العام ارتاح به والقاء سعه الصدر والوناسه وكل الاعضاء الداجين والداجات
والله مهوب مقصرين بشي ابد وكلنا اخوان واخوات واكثر بعد من كذا :yes:
اما بخصوص الردود الي يدخل فيها المززح فهي افضل الردود وهي الي تحرك الموضوع اكثر :)
ومشكوووور والله يعطيك العافيه
:magkiss: بااااااااااااي:yes:

[منبع الثلج]

هلا والله اخوي بدر

بالنسبة للمنتدى العاام انا اشوف انه منتدى مميز

والاعضاااء مثل الاخواااان ما شاء الله الله لا يضرهم:D
وجربت انا كم منتدى من قبل لكن ما فيه مثل هالمنتدى هذا

ومن راايي انه الرد الي فيه نووع من المزح هو حلااوة الموضووع ;)

وان شاء الله يستمر المنتدى على كذا او يتقدم للافضل
ومشكووور اخوي بدر