الموضوع الأول للنقاش (( الخطوط السعودية ))

[قضية المنتدى العام]

سلام لكل أعضائنا وزوارنا الغالين ،،،

تلبية لرغبة العديد من الأعضاء بفتح موضوع بشكل أسبوعي للنقاش بشكل جدي ،،، فقد تم تنفيذ مقترحاتكم في منتداكم ،،، فهذا المنتدى بدأ بكم وسيسير بكم بإذن الله ،،،

وأولى المواضيع التي ستطرح للنقاش ،،، (( الخطوط السعودية ، هل تؤدي المطلوب ، وهل تفضل البديل ، وماهي السلبيات والإيجابيات من وجهة نظرك ))

طبعاً كل أسبوع سيكون هنالك موضوع بإذن الله ،،، والنقاش لا بد أن يكون فيه الشيء الكبير من الحرية في طرح الرأي ،،،

من أجل الوصول للهدف المنشود ،،،

وسوف نفتح مواضيع عن أشياء خاصة بحياتنا في الشارع السعودي الغالي على قلوبنا ،،،

وتقبلوا تحياتنا ،،،

[الـــــــعندليب]

عندي احساس ان الموضوع فاشل من بدايتها

شكله بينشات من المشرفين(العندليب) احساسه يقول كذا مايدري ليش========>:D

[هاوي الهلال]

تحياتي


مشكورين شباب على هالخطوه ..


وبالنسبه للخطوط السعوديه ...
بشكل عام ... غطت على شركات كثييييييييييييييييييييير
وانا سافرت على خطوط مختلفه ماشفت مثل خدماتهم
بس المهم يتركون الواسطات ...
وياريت لو يتم الفتح للشركات الخاصه .. وبكذا تزيد المنافسه .. وببتصير كل شركه تطمع بتقديم الافضل ..
وبالتاكيد .. بتقل الاسعار ..


اما الاخ العندليب ... (ليه التحطيم كذا بالعكس كل اللي يجي من زعمائنا حلو )

تحياتي سفور

خالد
:)

[barbie_ksa]

موضوع جمييل وشيق :)وانا عضوه جديده اتمنى انكم تتقبلوني معكم :D

[الشاطر]

ياهلا فيكم شباب

موضوع جميل


الخطوط السعوديه خطوط عالميه وناجحه بكل المقاييس

ولكن لها بعض السلبيات مثل الوااسطه وارتفاع الاسعار والاحتكار

شكرا للجميع:)

[لايفوتك]

* مشكورين على هالخطوة خاصة لنا اللي مالنا في الصرقعة والدجة.
* الآن حصل تطور كبير في الخطوط السعودية من ناحية الخدمات في المطار وعلى متن الطائرة.
* ولكن العيب الأكبر في رأيي هو ارتفاع الأسعار وهذا هو السبب الذي يؤدي الى احجام العديد من المواطنين عنها وتعويضها بشركات طيران أخرى هذا اذا كانت الرحلة دولية، وان كانت داخلية فغصب عليك اذا لم تكن الوسيلة البرية متاحة.
* وتحياتي لكم وتحملونا عندكم.. لأن الأولاني مشغول عنا هاليومين.

[جـــلال]

بسم الله الرحمن الرحيم

أولا أمنياتنا لكم بالتوفيق الدائم...

ونحن نسعد بهذه الفكره النيره التي ستأتي أكلها باذن الله ونخرج بقدر وافر من الأطروحات المميزه والمتفاوته..

لكن مايؤسف ان (بعض) الأخوه بدأ الحديث حول الموضوع بشكل أستهزائي أو دعابي مع أنه من المفترض

أن تكون الأراء بناءه وجاده ونستفيد من اراء الغير وهذه خطوه تحسب للقائمين على المنتدى ونتمنى لهم التوفيق..

أما رأيي المتواضع فهو..

أن الخطوط السعوديه تغيرت كثيرا عن السابق فأصبحت تنافس كبريات الشركات والخطوط العالميه الشهيره..

فالخدمات متميزه واستحداث أسطول جديد أضاف لها الكثير عالميا ثم أن برنامج الرحلات المستخدم بها تفتقده الكثير من الخطوط العالميه الأخرى..

أما أبرز سلبياتها وأشهرها هي المواعيد..
وكان من المفترض أن نكون أكثر الفئات التزاما بالمواعيد لأننا نعكس صوره عن ديننا الاسلامي الحنيف..

أما أقتراحي فهو دخول القطاع الخاص لمجال الطيران والذي بلا شك سيساهم في التنافس مابين الشركات ودائما مايكون المواطن هو المستفيد..

أخوكم جـــلال الشريف..

[ابو الذهب]

موضوع فى غايه الاهميه .. ومشكور على طرحه

وصحيح الخطوط السعوديه وصلت ولله الحمد الى مصاف الشركات العالميه وهذا شى يسعدنا

ولكن للاسف الشديد مايواجهه الركاب مع موظفين الخطوط سواء على كونتر الركاب او لدى البوابات

فللاسف الشديد بعض الموظفين اخلاقهم سيئه جدا ولا يوجد احترام للراكب .. وخصوصا اذا كان رجل

اما اذا شاهدوا وحده من هالعبايات السود شف وش يصير فيهم :rolleyes: تزين الاخلاق ويطلع

الاحترام حتى صوته اللى كان تسمعه فى اخر الصاله فى هالحظه ياالله تسمعه من شده الادب والاحترام

وليش نروح بعيد الاخ عفركوش من ضمن هاذه النوعيه .. واللى مهوب مصدق يروح للمطار ويشوف

عفركوش على حقيقته ..

[ملك التسحيب 15]

شكرا لاداراه المنتدى على هذا الطرح الرائع وخطوه جيده تتبناها اداراه الموقع

بالنسبه للخطوط السعوديه :mad: :mad: :mad:

انا قريت راي الاخوان والحقيقه كل ارائهم جيده ولكن لن اطرح هنا راي بل اطرح موقفين


الاول كنت في احد المرات مسافر من الرياض لجده وفي وقت مدارس (يعني مهب وقت ضغط او ذروه )

ركبا الطائره وانطقيت انا وباقي الركاب حوالي ساعه الاربع والحر عامل عمايل فينا يالكبار والصغار اكثر وخلال هالمده لاحس ولا خبر لا الطايره اشتغلت ولا شي شوي الا ابو الكباتن الكابتن يمسك المايك (انا قلت الرجال بيعتذر عن التاخير ) لكن المصيبه انه امرنا بالنزول حتى ماكلف نفسه يقول السبب طبعا تخيلو المواقف ماودي اكثر كلام نزلنا وعطونا سن توب :mad: :mad: وساندوش يراضونا المهم ماعليكم من الركاب المهم الطايره اخوكم كل شوي جالس يشيك على الطياره يشوف هم يصلحونها هي فيها شي ولكن ولا شي محد عندها وجلسنا حوالي الساعه والنصف على هذا الحال وفي الاخير تبين ان الطياره محجوزه لـ واحد من اياهم.............................. تعرفون لمين طبعااااا;) :D مشت الطياره وعلى متنها الـ .................. ابيكم تحكمون على شركه تسوي بركابها كذااااا ايه نسيت اقولكم ان عدد الركاب الجددمايتجاوز الـ40 طبعا يااخوان انا اختصرت الكثير لاني مااحب اطول ولا المعناه كبيره

الموقف الثاني حاجز ok انا والاهل وبس جالسنا ننتظر الطياره بدون مبالغه 8 ساعات :mad: تخيلو مطار دولي مافيه طائره تودي ركاب حاجزين ok طبعا الاعتذارت على كيفك من موضفي الخطوط ومساكين والله يلقون احراج وغير كذا يلقون سب مساكين هالموظفين يلقون احررررااااج الله يعينهم

وللعلم وعشان الحق بس هاللخبطه ماتسير الا في الرحلات الداخليه :confused:
اما الخارجيه فلااااااا لانهم مايقدرون يتاخرون او يجي احد من الـ ........... وياخذ الرحله لانهم ملتزمين مع مطارات اخرى وحجوزات للمطارات ومواعيد يعني الي برااااا مايرحمووون لو تتاخر الطياره الغرامه جاهزه
هذا بعض عيوب الخطوط صحيح انا ركزت على الاخطاء .. ولا انكر كثير من حساناتهم وافضليتهم على شركات كبيره
لكن احترام الراكب والمواعيد اهم من الاكل والشرب وشاشات الفيديو
:D
وتحياتي لكم :D







http://www.geocities.com/malk_alts7eeb15/yosef15_.gif

[الطيرالهلالي]

السلام.....

انا والخطوط السعوديه مثل السمن على العسل ......يعني ما عندي مشااااكل مع الخطوط السعوديه....(واحد عنده واسطه بالخطوط)......

[خالد الهلالي]

السلام بداية الكلام

اولاً اشكر مشرفيننا الغالين على مايقدمونه من مواضيع وعلى كل الجهود التي ان شاء الله سوف تجعل هذا المنتدى في مقدمة المنتديات


بالنسبة لموضوع الخطوط فالموضوع من وجهة نظري اري في ان الخطوط السعودية لها سلبيات ولها يجابيات

فالسلبيات كثيرة والايبجابيات ايضاً كثيرة

نبدأ بالجانب السلبي :

1- التاخير في الرحلات وقس على ذلك مايحدث من نزول الركاب وصعودهم من الصالة الى الطائرة والمكوث فيها ثم الخروج للصالة بعد وقت طويل ثم الرجوع لنفس الطائرة او طائرة اخرى .

2- عدم المساواة بين المسافرين من ناحية الحجوزات وبعض الخدمات !!! .

3- الاسلوب الجاف لبعض الموظفين ومعاملتهم السيئة للجمهور :mad: .

4- الاعذار الوهمية او الغير مبررة لتأخير بعض الرحلات .

5- ارتفاع اسعار التذاكر الداخلية اما الخارجية فسعرها معقول مقارنة بالخطوط الاخرى .

بالنسية للإيجابيات :
ارى ان لها ايجابيات كثيرة التي هي من صميم عملها بل من االامور الواجبة على الخطوط

**************************************************

لى اقتراح وهو ان يفك احتكار هذه الخطوط ولو على شكل تدريجي كأن تبدأ الشركة الاخرى بتسيير رحلات على المستوى الداخلى وعلى مدة بسيطه ولرحلات معدودة ثم ينظر في وضعها ومدى استمراريتها وبعد ذلك تعميمها وجعلها منافسة للخطوط السعودية ، او دعوة شركة عالمية لتقديم الخدمة .


اخيراً ارجو من الله العلي القدير ان يوفق القائمين على الخطوط لخدمة الناس بما يرضي الله أولاً ثم الناس


تحياتي للجميع
;) ;) ;) ;)
خــــــــالـــــــــد

[FaHooDe]

هلا والله بالشباب :

والله قضيه الاسبوع قضيه مش بطاله ويالله نطيح حش في ها المسكينه ولا السكينه الخطوط السعوديه .


بصراحه انا عمري كله ما ركبت الا الخطوط السعوديه ومره انقرد حظي ركبت على متن الخطوط ( البريطانيه ) ولقيت الفرق بين ها الشركتين ولقيت ان الخطوط السعوديه احسن بواجد من ناحيه الخدمات او في نفس الطيار يعني يوم ركبت مع البريطانيه انواع تكسير الراس في الاقلاع وفي الهبوط اما المضيفين مافي على الطياره الا مضيفتين بس تغطي 120 راكب :confused: :confused: :confused: :confused: :confused: , هذا الفرق الي افضل عليه الخطوط السعوديه .

اما اعيب على الخطوط السعوديه في ناحيه الحجوزات والواسطات في ها السالفه اذا جا الي من طرف فلان والي يجي من طرف علاتان ولا يجيك واحد بالغصب يركب الطياره :( :( :( :( .

واما التاخير في الرحلات الداخليه حدث ولا حرج .


وقريت في رد اخوي خالد الهلالي عن اقتراحه في ان الشركات الاجنبيه تاخذ الرحلات الداخليه .
اقولك من معلوماتي ومن مصادري ان ها الشي راح يطبق عن قريب في المملكه واما متى فالله العالم .

وشكرا لكم يا مشرفي منتدى العام على اتاحه الفرصه لنا بالنقاش في هذا الموضوع

[ياسر عبدالعزيز]

الخطوط السعوديه في سلبيات وايجااابيات

لكن الايجابيات تغطى الى حد ما على سلبيته:(

ان شاء الله تتطور الخطوط السعوديه الى الافضل:confused:

[برستيج]

مشكورين يا جماعه على اهتمامك بمقترحات اخوانكم الاعضا ء وعلى جهودكم الملموسه بالمنتدى :rolleyes:

اما بخصوص موضوع هذا الاسبوع ( الخطوط السعوديه ) :

فاعتقد انه ليس بلامكان افضل مما كان :(

[بـحـر]

الدعوه داجه

الحل الوحيد الخصخصه

عفركوش خذ البوردنق من العزابيه

خلك من الجنس الناعم

عنده معلومات من المصدى


تحياتى:p :)

[كحيلان]

كيف الحال يالربع
والله الموضوع ممتاز ومهم لاكن تتوقعون يجيب نتيجه
والله ما اضنه لاكن ما يضر
انا اشوف ان البلا من المواطن نفسه
لو ان كل واحد منا يحجز ويسافر كان ضبط الوضع لاكن ربعنا يطقله عشر حجوزات وا خرتها يكنسل الرحله بدون الغاء الحجز
وياكلونها الي يحجزون بعده
اما الخدمات الضاهر انها من احسن الخدمات هذا وما فيه منافس لها
اما السبه الي على الخطوط هي الواسسسسسسسسسسسسسسسسسسسسسسسطه:confused:
وهذى الضاهر انها مافيه امل تنتهي
الا اذا صارو الموضفين مثلي:D :D :D
على العموم احسن من الطفش

[شقراوي]

والله اعتقد انها ناجحه الى حد ما

[السلطاني]

نتمنى فتح شركه منافسه لها حتى تتطور الخدمات وترخص الاسعار

ترى الاحتكار ماهو زين

ويخليهم يتحكمون بالاسعار على كيفهم

مثلا لو قالوا الرياض الدمام بست ميه ما احد راح يمنعهم لأنهم متحكمين بالسوق

وقبل فتره زادوا تذاكر الطيران الدرجه الأولي 50% وما احد عارض هم على كيفهم:confused: :confused:

[ابوحصة]

اظاهر ماتجرعتو التأخير او الالغاء لرحلة دولية بسبب عدم اكتمال النصاب
او ان الحجز ملغي عليك بدون سبب او تغير الدرجة من الافق الى السياحية
وبعين قوية
انا لااهظم حقها جيدة ولكن ليست في مستوى التطلعات
واتنما تغير جملت (( نشكركم على اختياركم الخطوط الجوية السعودية ))بسبب عدم
وجود منافس معها على الرحلات الداخلية او انا غلطان
:cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: