تحليل بيانات خط Dsl (التشويش والتقطيع والبعد عن الكبينة و السرعة القصوى للخط)

[POWER]

السلام عليكم ورحمة الله وبركاته ،،

تحية طيبة للجميع ،،

اتمنى ان تكونوا بأتم الصحة والعافية وقت الاطلاع على الموضوع وفي كل وقت يارب ..

مقدمة

الحقيقة انا بين فترة وفترة احب اكتب مواضيع عن الدي اس ال .. وكيفية تحسينة ومعرفة تفاصيلة لأن كل المستخدمين في الوقت الحالي عندهم دي اس ال .. ومعظم المستخدمين يجهلون بيانات خط الدي اس ال وفي نفس الوقت يعانون من التقطيع ويعانون من المشاكل .. ان شاء الله في هذا الموضوع راح نتطرق لبعض تفاصيل خط الدي اس ال .. والشرح باذن الله راح يكون مبسط وسهل للجميع واتمنى ان الفائدة تعم وينال الموضوع الغرض المرجو من نشره ..

المودم اللي انا مستخدمة في الشرح هو Speedtoch 585 V6 وينطبق هذا الشرح على مودم Speedtouch V7

كيف تصل الى بيانات المودم

اولا تدخل على صفحة المودم http://10.0.0.138
ثم تختار Broadband Connection
ثم DSL Connection
ثم Details

الشرح فقط لمستخدمي مودم سبيد تش .. بينما مودم لينكسس يختلف تماما ولديه عنوان صفحة مستقل غير اللي انا كتبته ..

وهذي صورة توضيحية لصفحة المودم :

إضغط على الصورة لتكبيرها في صفحة مستقلة ..

http://www.alhilalclub2.com/2008-2009/images/speedtouch1.jpg

طبعا ما يهمنا من هذه البيانات هي البيانات التالية:

http://www.alhilalclub2.com/2008-2009/images/speedtouch2.jpg

Bandwidth Up/Down

وهي معدل الابلود والداون لود اللي جايك من شركة الاتصالات ..

احيانا لازم تتاكد وتدخل على المودم تبعك تشوف كم جايك من شركة الاتصالات هل هو فعلا اللي انت طالبه .. وهل لو طلبت ترقية يرقونه لك او لا .. من هنا يعطيك القراءة الصحيحة اللي موجودة في خطك ..


Line Attenuation Up/Down

وهي لقياس المسافة من بيتك الى الكبينة الخاصة بالحي اللي انت فيه .. او حارتك اللي انت فيها .. طبعا كل ما قلـّت المسافة زادت جودة الخط .. وكل ما زادت المسافة قلت جودة الخط ..

وبامكانك ايضا عن طريق هذه البيانات ( او تحديدا رقم Down ) تكتبه في الموقع التالي ويعطيك الحد الأعلى اللي يدعمه خطك ( مثلا يدعم بحد أقصى سرعة 2 ميغا ) وأيضا يعطيك كم تبعد عن الكبينة بالكيلو متر ..

الموقع هو :

http://www.kitz.co.uk/adsl/max_speed_calc.php

صورة توضيحية بعد وضع قيمة الـ Line Attenuation فيه :

http://www.alhilalclub2.com/2008-2009/images/speedtouch3.jpg

النسبة الاخيرة المهمة هي Margin المارجن .. وهي نسبة التشويش

النسبة الصحيحة للتشويش هي ان تكون اعلى من 30 .. وبكذا التشويش يكون ممتاز وخفيف والتقطيع يكاد ينعدم .. بينما لو النسبة كانت اقل من 9 فالتشويش يكون عالي للخط والتقطيع كثير ( ولو تلاحظون وقت الظهر اي واحد فيكم يشيك على الخط بتقل النسبة وبيشوفها قليلة وهذا هو السبب في التقطيع )

هذي صورة لنسبة المارجن المقصوده :

http://www.alhilalclub2.com/2008-2009/images/speedtouch4.jpg

كثير منا يرفع سرعته بينما في الحقيقة نسبة المارجن تقل وبكذا يزيد التشويش .. وفي هالحالة لازم الواحد يرجع للسرعة اللي اقل منها علشان ما يعاني من تقطيع في الخط ..

كيفية معالجة الخط والتقطيع

في الحقيقة مشكلة التقطيع تنقسم لكذا قسم .. ابرزها التسليك الصحيح داخل المنزل .. طبعا يوجد انواع للأسلاك المستخدمة للدي اس ال وعلى حسب تجربتي لقيت ان اكثر الاسلاك المستخدمة عندنا هو نوع اسمه cat3 طبعا تلقون نوع السلك مكتوب على نفس السلك باللون الاسود وبخط صغير .. بينما افضل انواع الاسلاك هو السلك المسلح Cat6 وهذا مقاوم للحرارة وتقلبات الجو ..

http://www.made-in-china.com/image/2f0j00mvAQzlVkZacLM/4-Pair-23AWG-CAT6-UTP-Cable.jpg

طبعا بعد ما تركب هذا السلك فيه انواع للتمديد .. الاول هو مد السلك مباشرة إلى المودم بدون استخدام فلتر او سبلتر .. والثاني باستخدام فلتر او سبلتر ..

وظيفة السبلتر او الفلتر هو فصل بيانات الدي اس ال عن الخط المنزلي وبكذا تقدر تستخدم التلفون المنزلي بدون اي تقطيع لكل الطرفين سواء الدي اس ال .. او التلفون المنزلي ..

بينما الطريقة الصحيحة هي مد السلك مباشرة الى المودم في حالة عدم استخدام التلفون في المنزل .. يعني لو عندك تلفون مباشر ومنفصل عن تلفون المنزل بامكانك استخدام هذا النوع من التسليك ..


* يفضل لو كان السلك مسافته قليلة إلى المودم او السبلتر ..

* يفضل لو كان السلك فوق جدار وبعيد عن الارض ولا يلامس الارض ابدا ..

* يجب ان تبعد السلك الخاص بالدي اس ال عن اي محول كهربائي او وحدة كهربائية في المنزل .. ويجب ان تبعده ايضا عن اسلاك الكهرباء اللي تكون على الجدار .. لان هذا يأثر على الجودة ويسبب في التقطيع في الدي اس ال ..

* يجب عليك تحميل التحديث Upgrade الخاص بالمودم بين فترة وفترة ..

___________

في الختام .. هذي معلومات بسيطة اتمنى ان الجميع يستفيد منها ..

وبامكانكم كتابة استفساراتكم عن الدي اس ال في هذا الموضوع ..

تحيتي للجميع

بور

:)

[| RoMeO |]

شكرا لك وجزاك الله خيرا:):)

[keegan]

<table class="datatable" cellpadding="0" cellspacing="0" width="100%"><tbody><tr><td colspan="4" height="7">هاذي بيانات خطي اتمنى تفيدنا وش السلبيات والايجابيات خصوصا اللي ذكرتها بموضوعك

Uptime: 0 days, 5:07:26
Modulation: G.992.5 annex A
Bandwidth (Up/Down) [kbps/kbps]: 140 / 565
Data Transferred (Sent/Received) [MB/MB]: 22,49 / 356,12
Output Power (Up/Down) [dBm]: 0,5 / 2,5
Line Attenuation (Up/Down) [dB]: 37,5 / 59,5
SN Margin (Up/Down) [dB]: 20,0 / 9,5
Vendor ID (Local/Remote): TMMB / BDCM
Loss of Framing (Local/Remote): 0 / 0
Loss of Signal (Local/Remote): 0 / 0
Loss of Power (Local/Remote): 0 / 0
Loss of Link (Remote): 0
Error Seconds (Local/Remote): 10 / 0
FEC Errors (Up/Down): 70.636 / 754.614
CRC Errors (Up/Down): 115 / 16
HEC Errors (Up/Down): 5.158 / 13

[شلهوب توب]

طيب والي حقهم لينكسس ؟؟

[المتصدر]

طيب والي حقهم لينكسس ؟؟

يغيروه بـ SPEEDTOUCH :fghty:

الله يعطيك العافية أخوي بارور على الموضوع وإن شاء الله يستفيد أكبر عدد من الأعضاء

[яαsнэd]

يعطيك العافية باور :magkiss:

[روبينـ9ـهو]

ما شاء الله موضوع جميل نبي مواضيع زيها

يعطيك العافيه مهندسنا

,,,

["wolf"]

يعطيك العافية لكن انا لينكسس :(

[السفاح الازرق]

يعطيك العافيه :)

[POWER]

حياكم الله جميعا

بخصوص اللي مودمه لينكسس يدخل على الرابط التالي وبيحصل البيانات اللي انا ذكرتها في الموضوع ومن خلالها يطلع نسبة التشويش والبعد عن الكبينة

http://192.168.1.1/ADSLCStatus.htm

اما بخصوص الغالي keegan .. تقدر تدخل على الموقع اللي عطيتك في الموضوع وهو:

http://www.kitz.co.uk/adsl/max_speed_calc.php

وتكتب الرقم الخاص بLine Attenuation تبعك وهو 59,5 وبيطلع لك بعدك عن الكبينة حقت حارتكم بالكيلو متر .. وبيطلع لك اقصى سرعة يدعمها خطك مثل ماهو مذكور بالموضوع :)


ودي انك تستفيد وتطبق الخطوات بنفسك وغيرك يستفيد بدل ما اني احلل خطك لك :)

اما سرعتك واضحة لي انها جايتك 512 وزيادة لان الداون لود مثل ماهو مكتوب في قراءة المودم 565 ..


اما نسبة المارجن عندك منخفضة (9) وهي مثل ما ذكرت بالموضوع النسبة من تسعة فأقل تعطي نسبة تشويش عالية .. فمعدل تقطيع كبير ..

عندك احد الحلول انك تحاول تغير التسليك الداخلي الى السلك المسلح cat6 او cat5 .. لكن بعدك عالي عن الكبينة ما تقدر ترفع سرعتك الى اكثر من السرعة الحالية لانك بتعاني تقطيع ..

الحل الاخر انك تحاول مع شركة الاتصالات يحولونك الى كبينة اخرى في نفس حارتكم ..


تحيتي لك ياغالي

[! S A U D !]

الله يخليك يابور ويعطيك العافيه ،، ماتقصر يابو حسين ..

موفق ،،

[keegan]

حياكم الله جميعا

بخصوص اللي مودمه لينكسس يدخل على الرابط التالي وبيحصل البيانات اللي انا ذكرتها في الموضوع ومن خلالها يطلع نسبة التشويش والبعد عن الكبينة

http://192.168.1.1/ADSLCStatus.htm

اما بخصوص الغالي keegan .. تقدر تدخل على الموقع اللي عطيتك في الموضوع وهو:

http://www.kitz.co.uk/adsl/max_speed_calc.php

وتكتب الرقم الخاص بLine Attenuation تبعك وهو 59,5 وبيطلع لك بعدك عن الكبينة حقت حارتكم بالكيلو متر .. وبيطلع لك اقصى سرعة يدعمها خطك مثل ماهو مذكور بالموضوع :)


ودي انك تستفيد وتطبق الخطوات بنفسك وغيرك يستفيد بدل ما اني احلل خطك لك :)

اما سرعتك واضحة لي انها جايتك 512 وزيادة لان الداون لود مثل ماهو مكتوب في قراءة المودم 565 ..


اما نسبة المارجن عندك منخفضة (9) وهي مثل ما ذكرت بالموضوع النسبة من تسعة فأقل تعطي نسبة تشويش عالية .. فمعدل تقطيع كبير ..

عندك احد الحلول انك تحاول تغير التسليك الداخلي الى السلك المسلح cat6 او cat5 .. لكن بعدك عالي عن الكبينة ما تقدر ترفع سرعتك الى اكثر من السرعة الحالية لانك بتعاني تقطيع ..

الحل الاخر انك تحاول مع شركة الاتصالات يحولونك الى كبينة اخرى في نفس حارتكم ..


تحيتي لك ياغالي


thanks a lot your are the best admin:angel:

[الهلالي أبو فراس]

بارك الله فيك أبو حسين شارح وافي وكافي .. لا هنت يالغالي :)

شفت الاعدادات عندي وطلعت النتايج لا تبشر بخير :(

[بدر الجنوب]

:yes:
انا من مستخدمي مودم Speedtoch 585

لاهنت بور.. :)

[أحــب الـشـلـ 10 ـهـوب]

<table width="575" border=3 bordercolor=BLACK background="http://alshlhob.net/up/uploads/picture/1303ff77d6.jpg"><tr><td>









لاهنت بور على الشرح الوافي :)


طيب والي مودمه يو اس روبتكس :(


</td></tr></table>

[POWER]

حياكم الله جميعا ..

اخوي ابو فراس .. الهدف من هالموضوع ان كل واحد يعرف بيانات خطه وبما انك شفتها ما تبشر بالخير حاول انك تستخدم بعض الحلول اللي انا كتبتها .. مثلا ابدأ بالشي البسيط فالاكثر صعوبة .. يعني حدث برنامج المودم (الفريم وير) ثم بتغيير الاسلاك الداخلية وكذا ...

الله يوفقك يالغالي


اخوي احب الشلهوب 10

مودم يو اس روبوتكس .. تدخل على صفحة المودم بالرابط التالي

http://192.168.1.1

وتختار كلمة Statistics
ثم ADSL

بعدها بتحصل البيانات الخاصة بخطك ..

يعطيكم العافية جميعا :)

[oOo Totti oOo]

احتري مودم موبايلي يرخص والله ياهو فشقه لاكن غالي 1400":(

يعطيك العافيه بور على التوضيح "

[الطير3000]

يعطيك الف عافيه يابوحسين :magkiss: ,,

شرح كافي ووافي .. لو ربك يفكنا من هالاتصالات ويرزقنا بمشغل ثاني للهاتف بس كاننا بخير :sleepy: ..

لابارك الله فيهم ولابخدماتهم الي يذلونك عليها ..
الحل الاخر انك تحاول مع شركة الاتصالات يحولونك الى كبينة اخرى في نفس حارتكم ..
لاحجت البقره على قرونها يابوحسين ..

واحد من المعارف صارت له مشكله بالهاتف من فصل للخط وفواتير زايده ..الخ , جلس سنه ونص يطرد وراهم عشان يحولونه لكبينه ثانيه وبالاخر قالوا له ضف مانقدر ,,
مع انها شغله عاديه واحيان ياخذون عليها رسوم :amle:

يعافيك ربي مره ثانيه :) ,,

[MATRIX]

الله يعطيك الف عافيه ابو حسين على الموضوع الرائع والحمد الله انا من مستخدمين موبايلي ومرتاح :)

[أحــب الـشـلـ 10 ـهـوب]

<table width="575" border=3 bordercolor=BLACK background="http://alshlhob.net/up/uploads/picture/1303ff77d6.jpg"><tr><td>





يالغالي بور هل البيانات فيها اشكالية ؟

Mode: ADSL2+
Line coding: Trellis On
Status: No Defect
Link power state: L0

Downstream Upstream
SNR margin (dB): 16.6 14.3
Attenuation (dB): 59.5 33.5
Output power (dBm): 14.7 0.4
Attainable rate (Kbps): 3760 886
Rate (Kbps): 1141 277
MSGc (number of bytes in overhead channel message): 73 15
B (number of bytes in Mux Data Frame): 14 3
M (number of Mux Data Frames in FEC Data Frame): 1 8
T (Mux Data Frames over sync bytes): 2 7
R (number of check bytes in FEC Data Frame): 16 16
S (ratio of FEC over PMD Data Frame length): 0.4066 3.5556
L (number of bits in PMD Data Frame): 610 108
D (interleaver depth): 64 8
Delay (msec): 6 7

Super Frames: 6581106 6581104
Super Frame Errors: 46 858
RS Words: 1039814882 55939384
RS Correctable Errors: 293518 37149
RS Uncorrectable Errors: 878 N/A

HEC Errors: 37 4396
OCD Errors: 6 0
LCD Errors: 0 0
Total Cells: 284477416 3667095266
Data Cells: 15625747 286318476
Bit Errors: 0 109771

Total ES: 29 251
Total SES: 0 60
Total UAS: 16 39417




</td></tr></table>

[POWER]

حياكم الله جميعا ..

الطير3000 .. الحقيقة هي شركتين اللي بتشتغل وعلى حسب علمي ان الترخيص رسى على ثلاث شركات مشغلة للهاتف الثابت بتفوز منها ثنتين .. وعلى حسب علمي ان اقرب شركتين للفوز هي شركة اتحاد عذيب للاتصالات وشركة فورايزن الامريكية ( اعتقد اسمها الالياف الضوئية ) .. وكلها تقدم خدمة الـ FTTH وهي اختصار لكلمة Fiber To The Home

وطبعا السرعات عالية تصل الى 50 ميغا وبرسوم بسيطة .. والابلود يصل الى 15

اتحاد عذيب للاتصالات شفت مبناهم عندنا في الرياض توهم يبنونه .. وعلى حسب ما قريت انها مملكوة لموبايلي او ان موبايلي راح تستحوذ عليها مستقبلا .. وبكذا تكون موبايلي تنافس على تقديم خدمة الجوال باسمها (موبايلي ) وتقدم خدمة الثابت ايضا تحت اسم اتحاد عذيب للاتصالات ..

اتفق معك ان خدمات شركة الاتصالات سيئة وتحديدا في الثابت والدي اس ال .. وان شاء الله تجي شركة Verizon وتنهي هذا الاحتلال

تقدر تطلع على اسعارهم من نفس الشركة الامريكية

http://www.verizonfios.com/?ref=verizon

تحيتي لك

[POWER]

اخوي احب الشلهوب .. الله يعافيك

بخصوص بياناتك

يالغالي بور هل البيانات فيها اشكالية ؟

Mode: ADSL2+
Line coding: Trellis On
Status: No Defect
Link power state: L0

Downstream Upstream
SNR margin (dB): 16.6 14.3
هذا نسبة التشويش مثل ما قلت في موضوعي .. وايضا ذكرت ان افضل شي يكون من 30 وفوق .. والنسبة السيئة تبدا من 9 وتحت ..
الحمد لله التشويش عندك مقبول الى حد ما .. يلزمك تغير التسليك الداخلي علشان تقاوم الحرارة ويخف التشويش عندك ..
Attenuation (dB): 59.5 33.5

هذا اللي ذكرته في موضوعي بخصوص بعدك عن الكبينة .. تقدر تكتب هذي القيمة وترجع للرابط اللي حطيته في موضوعي وتشوف كم تبعد عن كبينة حارتكم
Output power (dBm): 14.7 0.4
Attainable rate (Kbps): 3760 886
Rate (Kbps): 1141 277

سرعة اتصالك في البورت تبع الاتصالات 1 ميغا.. يعني جايتك سرعتك تمام وزيادة الحمد لله
MSGc (number of bytes in overhead channel message): 73 15
B (number of bytes in Mux Data Frame): 14 3
M (number of Mux Data Frames in FEC Data Frame): 1 8
T (Mux Data Frames over sync bytes): 2 7
R (number of check bytes in FEC Data Frame): 16 16
S (ratio of FEC over PMD Data Frame length): 0.4066 3.5556
L (number of bits in PMD Data Frame): 610 108
D (interleaver depth): 64 8
Delay (msec): 6 7

Super Frames: 6581106 6581104
Super Frame Errors: 46 858
RS Words: 1039814882 55939384
RS Correctable Errors: 293518 37149
RS Uncorrectable Errors: 878 N/A

HEC Errors: 37 4396
OCD Errors: 6 0
LCD Errors: 0 0
Total Cells: 284477416 3667095266
Data Cells: 15625747 286318476
Bit Errors: 0 109771

Total ES: 29 251
Total SES: 0 60
Total UAS: 16 39417

[ALHILAL 20]

الله يعطيك العافيه

شاكر لك الفائده

[3z Alz3eem]

الله يعطيك العافيـة ويرضى عليك يابور


مشكور يالغالي

[MeEeSh]

ما شاء الله موضوع جميل نبي مواضيع زيها

يعطيك العافيه مهندسنا

,,,

[5 نيسان]

موضوع أكثر من رائع أخوي . . عندي الدي إس إل من سنتين وانا من جنبه ههه . . وعقب هالموضوع تقل بديت أفهم

سؤالي: ليه كل هالفرق في Line Attenuation . . . عندي شف وش يعطيني :

Line Attenuation (Up/Down) [dB]: 10.0 / 33.5

فرق كبير !!!

ومع ذلك نسبة التشويش منخفضة : SN Margin (Up/Down) [dB]: 34.0 / 32.5

أخيرا الـسرعة اللي أنا طالبها 256 . . هل يعني تصير كم . . :

Bandwidth (Up/Down) [kbps/kbps]: 140 / 140

مشكرو مقدما

[POWER]

موضوع أكثر من رائع أخوي . . عندي الدي إس إل من سنتين وانا من جنبه ههه . . وعقب هالموضوع تقل بديت أفهم

سؤالي: ليه كل هالفرق في Line Attenuation . . . عندي شف وش يعطيني :

Line Attenuation (Up/Down) [dB]: 10.0 / 33.5

فرق كبير !!!

نعم هو فرق ولكن لا يهم .. المهم هنا هو نسبة الداون فقط لأنه بناء عليها تحدد بعدك عن الكبينة اللي في الحي تبعك ( بالكيلو متر ) ..
شف الموضوع تبعي فيه رابط انا حاطه .. ادخله واكتب القيمة هذي ويعطيك خطك يدعم الى كم .. وفي نفس الوقت يعطيك بعدك عن الكبينة ..

ومع ذلك نسبة التشويش منخفضة : SN Margin (Up/Down) [dB]: 34.0 / 32.5

ماشاء الله تبارك الله .. خطك ممتاز والتشويش فيه قليل بما ان النسبة عالية ..
انا اعتقد التسليك عندك ممتاز .. ودي انك تدخل على قراءة المودم في الظهر شف هل التشويش نفسه والا يقل والا يكثر ياليت تبلغنا ..

أخيرا الـسرعة اللي أنا طالبها 256 . . هل يعني تصير كم . . :

Bandwidth (Up/Down) [kbps/kbps]: 140 / 140

ياليت تتأكد من شركة الاتصالات لأنه انا قاعد اشوف سرعتك 128 .. اذا قالو لك ان السرعة في اجهزتهم او نظام الاتصالات 256 اطلب منهم الفني يزورك ويعدل لك السرعة يدويا من البكسية اللي برا بيتكم .. وقل للموظف انك دخلت على صفحة المودم ولقيت السرعة نفسها ما تغيرت ..


مشكرو مقدما


حياك الله ياغالي ,,

انا هذا اللي ابغاه وان شاء الله تعم الفايدة للجميع ..

اجابتي عليك في نفس الاقتباس اعلاه

تحيتي لك ياغالي ,,

[الزعيـALZAEEMـم]

حياكم الله جميعا ..

الطير3000 .. الحقيقة هي شركتين اللي بتشتغل وعلى حسب علمي ان الترخيص رسى على ثلاث شركات مشغلة للهاتف الثابت بتفوز منها ثنتين .. وعلى حسب علمي ان اقرب شركتين للفوز هي شركة اتحاد عذيب للاتصالات وشركة فورايزن الامريكية ( اعتقد اسمها الالياف الضوئية ) .. وكلها تقدم خدمة الـ FTTH وهي اختصار لكلمة Fiber To The Home

وطبعا السرعات عالية تصل الى 50 ميغا وبرسوم بسيطة .. والابلود يصل الى 15

اتحاد عذيب للاتصالات شفت مبناهم عندنا في الرياض توهم يبنونه .. وعلى حسب ما قريت انها مملكوة لموبايلي او ان موبايلي راح تستحوذ عليها مستقبلا .. وبكذا تكون موبايلي تنافس على تقديم خدمة الجوال باسمها (موبايلي ) وتقدم خدمة الثابت ايضا تحت اسم اتحاد عذيب للاتصالات ..

اتفق معك ان خدمات شركة الاتصالات سيئة وتحديدا في الثابت والدي اس ال .. وان شاء الله تجي شركة Verizon وتنهي هذا الاحتلال

تقدر تطلع على اسعارهم من نفس الشركة الامريكية

http://www.verizonfios.com/?ref=verizon

تحيتي لك


الله يبشرك بالخير .. ومتى بيبدون شغلهم .. :sleepy:

بالنسبة للخط بتاعي السرعه جايتني تمام وزيادة على قولتك
والتشويش عندي 25 .. يعني نقدر تقول تنبلع :rolleyes:
والبعد عن الكبينة 2 كيلو بالتمام ,, :cool:

والسرعه القصوى اللي يدعمها الخط هي 8128 kbps

يعطيك العافية يبوحسين معلومات فادتني كثير ياشيخ :magkiss:

وائل :)

[مخاوي999]

هلا مشرفنا ،، هذا اللي طلع معي ،، وتبعد الكبينة ( 4.85 ) ،، والسرعة القصوى ( 1280 ) ،،

Link Information
<table class="datatable" cellpadding="0" cellspacing="0" width="100%"><tbody><tr><td>
</td><td width="30">
</td><td width="220">
</td><td width="50">
</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Uptime:</td><td colspan="3">1 day, 4:18:22</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Modulation:</td><td colspan="3">G.992.5 Annex A</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Bandwidth (Up/Down) [kbps/kbps]:</td><td colspan="3">140 / 564</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Data Transferred (Sent/Received) [MB/GB]:</td><td colspan="3">137,82 / 1,01</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Output Power (Up/Down) [dBm]:</td><td colspan="3">0,0 / 13,5</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Line Attenuation (Up/Down) [dB]:</td><td colspan="3">34,5 / 67,0</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">SN Margin (Up/Down) [dB]:</td><td colspan="3">20,5 / 11,5</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Vendor ID (Local/Remote):</td><td colspan="3">TMMB / BDCM</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Loss of Framing (Local/Remote):</td><td colspan="3">0 / 0</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Loss of Signal (Local/Remote):</td><td colspan="3">0 / 0</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Loss of Power (Local/Remote):</td><td colspan="3">0 / 0</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Loss of Link (Remote):</td><td colspan="3">0</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">Error Seconds (Local/Remote):</td><td colspan="3">13 / 0</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">FEC Errors (Up/Down):</td><td colspan="3">53.679 / 26.267.274</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">CRC Errors (Up/Down):</td><td colspan="3">6 / 1.877</td></tr> <tr><td colspan="4" height="7">http://10.0.0.138/images/spacer.gif</td></tr> <tr><td width="170">HEC Errors (Up/Down):</td><td colspan="3">1.721 / 25</td></tr></tbody></table>

[5 نيسان]

حياك الله ياغالي ,,
انا هذا اللي ابغاه وان شاء الله تعم الفايدة للجميع ..
اجابتي عليك في نفس الاقتباس اعلاه
تحيتي لك ياغالي ,,

بارك الله فيك أخوي . .

بالنسبة للسرعة أنا كنت أول مشترك د ي .اس . ال . .بس مهوب شامل وبسرعة 128 . .

وبعدين حولت على آفاق شامل . . فقال لي الموظف المختص : إنه فيه عرض للي مشترك معنا . . مثلا اللي مشترك بسرعة 128 نعطيه مجانا 256 بنفس سعر 128 ولمدة شهرين . . ومازلت بهذا العرض اللي رح ينتهي بنهاية هذا الشهر . .

بس شكلهم كذا ينصبون علي لا زادوا السرعة ولا شي . .

أما بخصوص نسبة التشويش فقد أخذت القياس في فترة ما قبل العصر تقريبا

أما القراءة الآن فهي :

SN Margin (Up/Down) [dB]: 33.5 / 36.0

[5 نيسان]

كلمتهم من شوي وبعد أخذ ورد . .

قالوا طف المودم وشغله . . وبعدين شيكت على السرعة وأصبحت

Bandwidth (Up/Down) [kbps/kbps]: 140 / 278

يعني كل الأيام اللي قبل . . راحت خسارة :(

[محمد الهلالي]

هلا بور

كيفك وش اخبارك اشتقنالك ياعم

انا التشويش عندي مره كويس 7 :d:

وعرفت الحين انه هو المشكله يوم قطع على النت قبل كم اسبوع وجبت فني وشيك على الكبينه ومدري وش سوا وقال سويته لك بس رح يقطع بأي لحظه مو مطول لازم تغير السلك الى كات 4 وطنشت قلت الين ينقطع واغيره :jhgy:

بس مادري كات 4 زين ولا لا وليه هو ماقال لي كات 6 احسن :req:

اما اعلى حد للسرعه عندي هو 2 ميغاوالبعد 4 ونص كيلو << حالته حاله :d:


الله يعطيك العافيه عمو استفدنا منككثير والله اشكرك بعنف (rambo)

[][ المـمـيـز ][]

يــعطيكــ الــعافــيه يامــشـرفــنــآآ

[POWER]

كلمتهم من شوي وبعد أخذ ورد . .

قالوا طف المودم وشغله . . وبعدين شيكت على السرعة وأصبحت

Bandwidth (Up/Down) [kbps/kbps]: 140 / 278

يعني كل الأيام اللي قبل . . راحت خسارة :(

الحمد لله .. الحقيقة اتصالك ممتاز ونسبة المارجن مرتفعة وهذا هو سبب ان اتصالك ما فصل معك طول المدة اللي راحت .. لو انه فصل كان جتك سرعتك الجديدة ..

اهنيك على قوة اتصالك ما شاء الله ..

[POWER]

هلا بور

كيفك وش اخبارك اشتقنالك ياعم

انا التشويش عندي مره كويس 7 :d:

وعرفت الحين انه هو المشكله يوم قطع على النت قبل كم اسبوع وجبت فني وشيك على الكبينه ومدري وش سوا وقال سويته لك بس رح يقطع بأي لحظه مو مطول لازم تغير السلك الى كات 4 وطنشت قلت الين ينقطع واغيره :jhgy:

بس مادري كات 4 زين ولا لا وليه هو ماقال لي كات 6 احسن :req:

اما اعلى حد للسرعه عندي هو 2 ميغاوالبعد 4 ونص كيلو << حالته حاله :d:


الله يعطيك العافيه عمو استفدنا منككثير والله اشكرك بعنف (rambo)

مراحب يابوحميد .. خل عنك النصب اجل اشتقنالك يالنصاب؟

المارجن عندك ناقص والتشويش عالي .. طيب عندي لك اقتراح

اذا انت شابك سبلتر جرب تطلع جوالك وتدق على تلفون بيتكم .. وخلك بنفس الوقت فاتح صفحة المودم وتحديدا على بيانات خط DSL .. واعملها رفرش كل شوي .. وشف هل ترتفع معك نسبة المارجن؟

وهل يفصل معك اتصالك ويرجع وتتغير النسبة؟

حتى لو كنت تستخدم التسليك المباشر جرب هالطريقة وبلغني بالنتيجة..

سلك الكات 4 مخصص للدي اس ال ( التسليك المباشر من البوكسية للمودم ) ولكن ما يتحمل تقلبات الجو ( حرارة ورطوبة وجفاف ) < وش هالكلام احس اني اتابع دعاية مرطب بشرة

لذا فيه نوع مخصص لتقلبات الجو جديد اسمه كات 5 .. وبعده نزل المسلح كات 6 .. والرجال ما اخطأ معك لكن يبدو نسى سالفة الجو او مادري وش بالضبط ..

فيه نوع من الاسلاك نادر ما تلقاه .. واعتقد ما فيه الا كم محل بالرياض وبالخبر وبجدة يبيعونه .. هو ماله اسم هالسلك لكن المتعارف عليه اسمه ( سلك شركة الاتصالات ) وهو سلك مسلح اسود .. القطر تبعه كبير ويستخدم في التمديدات الارضية لشركة الاتصالات ويتحمل درجات حرارة كبيرة ويعيش سنين طويلة ..

اتمنى اني افدتك وانتظرك تفيدني بالنتائج ..

تحيتي لك يالغالي ،،

[محمد الهلالي]

يالله حيه بور اي والله اشتقت لك بس انت تتغلى :kello:

انا سويت حركتك وسويت من غير ما ادق اليوم وطلع لي المارجن 15 ومره 17

وامس اول ماكتبت الرد لك رحت اسوي تحديث وطلع لي 12

وش سالفت هالقفزات من 7 الى 17 :req:

كل ذا رجه فيه يعني :cry:

الاتصال مايفصل اذا حد دق او شي عادي :req:

هاه وش رايك ؟

هل هالنسب المتفاوته كل شوي طبيعيه ولا فيه ارتجاج بالاسلاك ؟

طيب عندي سؤال هالاسلاك الكات وين القاه بمحلات وشو ؟ :req:


ادري تعبتك معي بس تحمل انت الكبير :d:

[POWER]

حبيبي ابوحميد .. انا ما اتغلى بس انت سحبت علي وصرت في السطوح مع الصبحي مدري وش تسوون :req:

المهم .. الاختلاف في النسب شي وارد بسبب حرارة الجو .. طبعا المفترض ان هالاختلاف في النسب يروح مع استخدامك للاسلاك المسلحة اما كات 5 او كات 6

وبيني وبينك لو شفت ان القيمة تختلف بس في النهار .. اما في الليل تكون ثابته فهذا شي طبيعي

المصيبة اذا كانت النسبة تفرق وتختلف في الليل ( من بعد المغرب لما يبرد الجو ) ..

لكن انا عندي لك حل .. وش المودم اللي تستعمله وكم الاصدار تبعه ؟ طبعا الاصدار من صفحة المودم تروح لـ help اعتقد

لانه بامكانك تحمل التحديث الجديد وراح تختلف معاك بعض القيم ويتحسن الخط شوي ..

تحيتي لك :)

[POWER]

الله يبشرك بالخير .. ومتى بيبدون شغلهم .. :sleepy:

بالنسبة للخط بتاعي السرعه جايتني تمام وزيادة على قولتك
والتشويش عندي 25 .. يعني نقدر تقول تنبلع :rolleyes:
والبعد عن الكبينة 2 كيلو بالتمام ,, :cool:

والسرعه القصوى اللي يدعمها الخط هي 8128 kbps

يعطيك العافية يبوحسين معلومات فادتني كثير ياشيخ :magkiss:

وائل :)

مراحب يا وائل حياك يالغالي ،،

الحقيقة توي اشوف ردك مدري وش جاني هاليومين منب اشوف ..

الحمد لله ان خطك تمام وواصلتك السرعة وزيادة .. ونسبة 25 في المارجن حلوه يعني زي ماتقول ( B+) لحقين الجامعات :)



نقطة مهمة وذكرتها ان الخط يدعم 8 ميجا .. وانصح اي واحد يخلي دائما فيه فرق (تقريبا نصف السرعة) بين الحد الاعلى اللي تدعمه الكبينة وبين سرعته الحالية ..
مثلا .. خطك يدعم 8 ميجا .. حاول بالكثير توصل الى 4 ميجا ولا تتعداها والا بتعاني من تقطيع كبير ..

اما بخصوص الشركات الجديدة ومتى يبدون شغلهم .. ما عندي خبر ولا فيه شي رسمي الى الآن .. وقتها الكل راح يعرف لأن الشركات راح تدرج في سوق المال وتنطرح للاكتتاب العام .. ماودي احط في ذمتي شي لكن هيئة الاتصالات وتقنية المعلومات تساعد شركة الاتصالات السعودية بكل ما اوتيت من قوة .. وذلك بتأخير طرح الشركات الجديدة .. وعندك شركتين حاليا تقدم خدمة الواي ماكس وهي ( المتكاملة و بيانات الاولى) وكلهم يعانون الأمرين بأخذ التصاريح من الهيئة علشان يطورون خدماتهم ويحطون سرعات أعلى .. و يغطون معظم مناطق المملكة ..

مثلا خذ عندك شركة بيانات الأولى .. من عام 2004 وهي قائمة .. وإلى الان ما غطو المدن الرئيسية للمملكة (الرياض-جدة-الدمام) معقولة ما غطوها كاملة؟
انا ما الومهم ولكن السبب في الهيئة اللي ما تتعاون معهم لاجل ترضي شركة الاتصالات ..

الدي اس ال في الاتصالات وصلت السرعات فيه الى 20 ميجا .. بينما واي ماكس تبع المتكاملة و بيانات اعلى سرعة فيه 2 ميجا فقط !


ادري طولت عليك لكن ان شاء الله هالمعلومات تفيدك ..

بالتوفيق يالغالي ،، :)

[5 نيسان]

أخوي Power سلمك الله : طيب وش قصة الحفر الضيقه اللي يشتغلون عليها . . و منتشره الحين وتتبع شركة موبايلي يقولون إنها الانتر نت عن طريق الألياف البصرية

[POWER]

أخوي Power سلمك الله : طيب وش قصة الحفر الضيقه اللي يشتغلون عليها . . و منتشره الحين وتتبع شركة موبايلي يقولون إنها الانتر نت عن طريق الألياف البصرية

حياك الله يالغالي ..

بخصوص الانترنت عن طريق الألياف الضوئية .. هي خدمة جديدة واسمها Fiber To The Home واختصارها FTTH سبق وتكلمت عنها في هالموضوع مدري في احد الردود السابقة .. المهم باختصار هي خدمة للانترنت بسرعات عالية تصل إلى 100 ميغا بت في الثاني للداون لود ..

الخدمة الان قيد التجريب في ثلاث مدن بعض وهي الرياض وجدة والدمام .. في كل مدينة فيه ثلاث احياء سكنية لتجريب الخدمة ..

السرعات اللي راح تطرح هي 10 ميجا بت في الثانية في البداية .. وهذي صورة لقياس سرعة الاتصال للفايبر بعد تجربته في مدينة الرياض :

طبعا هذا خاص بشركة الاتصالات السعودية لأنها ايضا هي راح تقدم خدمة الفايبر او الانترنت عن طريق الالياف الضوئية ..

http://www.speedtest.net/result/279767272.png
http://www.speedtest.net/result/279766985.png

الوقت المتوقع هو منتصف 2009 ان يتم تشغيل الخدمة ..

اما بخصوص موبايلي .. انا اللي اعرفه ان موبايلي قامت بعمليتي استحواذ .. العملية الاولى كانت بشراء 99% من شركة( بيانات الأولى ) والثانية هي الاستحواذ على شركة زاجل (96%) من رأس مالها ..

الحفريات اللي موجودة الان هي لكل من شركة الاتصالات المتكاملة .. وشركة بيانات الأولى ( تابعة لموبايلي ) .. وشركة الاتصالات .. لانها مستقبلا راح تقدم كلها خدمة الانترنت عن طريق الالياف الضوئية .. وخدمة التشغيل الثلاثي ايضا (Triple Play) وهي خدمة الانترنت والهاتف والتلفزيون كلها من مزود واحد ..

اتمنى اني افدتك ويسعدني تواجدك يالغالي ،،

تحيتي لك

[5 نيسان]

^^ عز الله إنك كفيت وفيت يالغالي ^^