قصيدة التوجد للشاعر خالد بن مدعث الدوسري (شيله حزينه ومبكيه)

[النيزك]

قصيدة التوجد الشهيرة للشاعر خالد بن مدعث الدوسري (شيلة)

صراحه قصيده محزنه وفيها إبداع وسرد درامي رائع للقصة المحزنه والمبكية وقد لقت رواجاً واسعاً لمستمعي الشعر ومتذوقيه حتى أن الشاعر ناصر الفراعنه قام بمجاراة هذه القصيده الحزينه لروعتها وقد أطلقوا عليها بعض النقاد بأنها أفضل قصيدة توجّد في الشعر الشعبي عامة وبعضهم قال بأنه حين يسمعها لا يستطيع أن يمسك دموعه

حتى لحن الشيله كان رائعاً جداً ومناسباً لها

اسمعوها وعطوني رأيكم


http://file9.9q9q.net/Download/64154286/altawajd.rm.html

تحيااااااااااااااااااتي

[Eng.Fahad]

الشاعر خالد مدعث من افضل الشعراء..وهو الحين مشارك بقناة رواسي

والقى القصيده هذي في المسابقة..


ومشكور اخوي عالقصيده..

[ابوعبدالله2006]

يا غالي , حاولت احمل الملف فيه مشكله بسيرفر الموقع المرفوع عليه الملف

تحمست ابسمع القصيدة

[الفارس المعصب]

يا غالي , حاولت احمل الملف فيه مشكله بسيرفر الموقع المرفوع عليه الملف

تحمست ابسمع القصيدة

حمل المرفق :)

[لاعـــب كاراتيه]

تم التحميل


وجاري الأستماع


يسلمو

[النيزك]

الشاعر خالد مدعث من افضل الشعراء..وهو الحين مشارك بقناة رواسي

والقى القصيده هذي في المسابقة..


ومشكور اخوي عالقصيده..

لا شك أخوي فهد بأن الشاعر خالد من أفضل الشعراء

شكرا لك عل المرور

يا غالي , حاولت احمل الملف فيه مشكله بسيرفر الموقع المرفوع عليه الملف

تحمست ابسمع القصيدة

اخوي الرابط شغال تمام ولا فيه مشكله

تم التحميل


وجاري الأستماع


يسلمو

وباقي نسمع رأيك ياغالي

تحياتي لك

[السـامـر]

...

[كورةالأزرق]

تسلم اخوي

والشاعر مافيه كلااام

[ابوعبدالله2006]

كل ما فاضت عيونـي باشـت الأضـلاع غنـا
المـوارد فـي الضلـوع وكـل ضلـع فـيه ونـه

والتمنـي مـا يحقـق هقـوت القلـب ان تمـنـا
بـس قلبـي مـا يدانـي تبـعـد الهـقـوات مـنـه

وا وجودي وجد من جلّـي عـن ديـاره مجنـا
تـو عمـره عشـر واربـع والليالـي مـا تحنـه

مـا وراه إلا عـجـوزٍ واخـتـه وعــود مسـنـا
بين فقر وبين ديـن وبيـن ضيـم وبيـن منـه

مـا ذبحهـم غيـر دمـع مـن الغبينـه مـا يكنـا
ويـل مـن سـود الليالـي بالمصـايـب يبتلـنـه

راح مثـل الذيـب وهبلتـه حيـاة الذيـب ظـنـا
وآمـن والمـوت يومـي بيـن مخلابـه وسـنـه

راح ينقـل دم قلبـه وان ضــواه اللـيـل ونــا
الـذيـابـه مـروحـاتـه والـسـيـوف يــدورنــه

لا ذكــر دم القـرايـب عـانـق البـيـدا وثـنـا
وان تذكر ضحكـة امـه زاغ قلبـه مـن مغنـه

ما يلوعه في حشاه إلا ليا شاف البرق سنا
غاب عشر اسنين ما به من يرد العلـم عنـه

ان حـداه الخـوف منـا هـزت الأشـواق مـنـا
يـوم طـال الوقـت عـود للديـار الـلـي ربـنـه

قـــال مـــا دام الـمـذلـه والـبــلاوي يبـتـلـنـا
والله ان الموت في الأوطان بين الربع جنـه

يـوم وقـف فـي المنـازل مـا لقـى بيـت مبنـا
غـيـر بـيـت للهبـايــب والـــذواري يلعـبـنـه

راح يمـه كـنـه الـلـي ضـاربـه رمــح مطـنـا
وعذابـه مـا دري ان اسهـوم بقعـا يحتـرنـه

يوم قرب سمـع لـه صـوت مـن العلـه يحنـا
حصل امه عندها ضيف يقـول المـوت سنـه

قـال يمـه قالـت عيونـي مـن الـدمـع انعمـنـا
قال ابوي قالـت اطـوال النصايـب قـد خذنـه

قال واختي قالت اقفى القوم باختك مع ظعنا
قـال ربعـي قالـت اسنـيـن المجـاعـة فرقـنـه

قـال جيتـك قالـت ان المـوت مـا ظنـي تونـا
واستلمهـا نـازع الارواح روحــن مرجهـنـه

ثم صاح من التفرق صيحـة اللـي فيـه جنـا
دق صدره وانطوى من حر ما به طي شنـه

كـل هــذا حــال قـلـب مــن خلـقـه الله معـنـا
الـهـمــوم يـوكـلـنـه والــروابـــع يـوكـلـنــه

لـيـه ادور للسبـايـب والسـبـب فيـنـا ومـنــا
النفوس وما تسـوي واليديـن ومـا حصدنـه

لا توسدنـا الخطايـا نلـحـق الشـرهـه زمـنـا
مــا جـزانـا إلا عمـلـنـا والـخـلائـق يثبـتـنـه




" جلس يصيح :cry: "


اطربتني شعرا .. واشبعت ذائقتي بهالجزله .. عز الله انها بالقلب ومؤثرة بالحيل :( ..

قريت قصيدة الفراعنه والمجاراة لها .. بس ما دريت انها مجاراة للقصيدة الرائعه هذي

ابدع ابن مدعث واجاد ابوفارس ..

صحت ابدانهم جميع (L)

[كاكاالعمري]

الله يعطيك العافية و الله يوفقك
شكراً لك

[في قلب نواف]

يعطيك العافية

والقصيده حلوه :)

[موت الهلال]

صح السااااااانك

وربي يعاااااافيك

ولا ارووووع ابيات روعه وجميله ومعانهيا خيااال

تسلم يمينك

[قلبها ازرق]

قصيده مؤثره ومعانيها خياال وتحزٌن :cry:

صراحه اثرت فيني ,,

تسلم ..

[الكبيتانو]

ونعم والله في ولد عمي .,.,.,.,.,


قصيده جدااااااااااااااا مؤثرررررررررررررره


مشكور اخووووووي

[[[ SaMi ]]]

ما فهمت شي :angel:

[ظلموك ياشلهوب]

تم التحميل


وجاري الأستماع


يسلمو

[النيزك]

تسلم اخوي

والشاعر مافيه كلااام

تسلم روحك ياغالي وابو مدعث علم

" جلس يصيح :cry: "


اطربتني شعرا .. واشبعت ذائقتي بهالجزله .. عز الله انها بالقلب ومؤثرة بالحيل :( ..

قريت قصيدة الفراعنه والمجاراة لها .. بس ما دريت انها مجاراة للقصيدة الرائعه هذي

ابدع ابن مدعث واجاد ابوفارس ..

صحت ابدانهم جميع (L)

الله يعافيك ياذوق وسلمت روحك على الاطراء الجميل والتعليق الرئع:asno::asno:

الله يعطيك العافية و الله يوفقك
شكراً لك

مشكور يالغالي والله يعطيك العافية

صح السااااااانك

وربي يعاااااافيك

ولا ارووووع ابيات روعه وجميله ومعانهيا خيااال

تسلم يمينك

تسلم يمينك ياغالي والله يمدك بالصحة والعافية

ونعم والله في ولد عمي .,.,.,.,.,


قصيده جدااااااااااااااا مؤثرررررررررررررره


مشكور اخووووووي

ونعم فيك انت بعد

والله يعطيك العافية

];3454611']ما فهمت شي :angel:

مانت من أهلها:amle:

تم التحميل


وجاري الأستماع


يسلمو

وقتاً وأستماعاً ممتعاً نتمناه لكم:yes:

[فتى الساحه]

يعطيك العافية

والقصيده حلوه

[Hillalih 4 Ever]

القصيدة روعه بكل ما تحمله الكلمه من معنىآ
انا سامعتها في احد المسابقات
يعطيك الف عافيه اخوي