المساعد الشخصي الرقمي

مشاهدة النسخة كاملة : صحيح فقدت اخت لكن كسبت اكثر من ( 3000 ) اخ واخت

هاوي الهلال
15/8/2002, 11:22
مساء الخير جميعا ..

اول شئ احب اشكر جميع من عزاني في وفاة ( اختي ) الله يرحمها ،،،
سواء عن طريق المنتدى او بالاتصال او بتواجدهم بجانبي ..
ومانجيكم في اي مكروه انشاء الله .. والله لايحرمكم من كل عزيز وغالي ..


طبعا انا حبيت انزل ( الشكر على التعزيه ) في موضوع وليس كرد في نفس موضوع الغالي ( هاجس )
وماقصرت ياصالح .. والف شكر يالغالي :)
سبب اني اكتب هالكلام في موضوع لان في كلام كثير ودي اقوله ..

اللي ابي اقوله كثير .. بس ماادري كيف بقدر اوصفه لكم
او اعبر عما بداخلي من مشاعر تجاهكم ..

رغم صعوبة الموقف وفقداني لانسان غالي علي ...
لكن حزني لم يطول .. بتواجد الجميع ( في الشبكه ) بجانبي ..
وبالتأكيد هالشئ ماهو غريب عليهم
فالحمد لله اللي بينا اكبر من المنتديات . والنت بشكل عام
فشبكة الهلال تتميز عن اي ( موقع ) اخر بالترابط بين اعضائها
ولله الحمد الجميع ( اخوان )
ولا يوجد فرق بين اي شخص واخر ..



مهما قلت ماراح اقدر .. اشكركم على اللي سويتوه معي
الجميع والله ماقصر
من المشرفين (( الاسطوره .. والنجيدي .. وسفر .. وطلال .. ةابو حسين .. وشقراوي ..وmksa .. والاولاني ))
والاعضاء والعضوات في الشبكه
اللي مستحيل اقدر اذكر اسمائهم .. لان مهما كتبت ماراح تكفي الصفحه :)

اعذروني .. على ( اللخبطه ) في الموضوع
بس اتمنى ان اللي اقصده يوصل للجميع ..

فقدت ( اختي ) يوم الاثنين ..
لكن جميع المتواجدين في هالشبكه عوضوني حزني .. والامي
كان الجميع بجانبي والجميع اخواني لي ..
واللي اتمناه ان الله لايحرمنا من بعض
وتستمر هالعلاقه بينا والمحبه اللي تجمعنا وروح الاخوه ..

مرت لحظات .. كنت ببعد عن الشبكه بسبب ظروف مختلفه )
لكن بعد اللي شفته .. مستحيل افكر اني ابعد عن هالمكان ..
مهما حصل ومهما كانت الظروف ..
مااقدر اتنازل عن ( اخوة ) اعضاء شبكة الهلال ..


اتمني مااكون طولت عليكم
واتمنى ان اللي اقصده يكون واضح
لان للاسف .. لاول مره اكون عاجز عن التعبير .. مثل اليوم
لان اللي شفته من الجميع .. كان مفاجأه بالنسبه لي .. ( رغم ثقتي في الجميع وعلمي بقوة مايربطنا )
لكن ماكنت متخيل ان العلاقه بتوصل لهالحد

الف .. الف شكر مره ثانيه ..

وجميلكم على راسي ..
والفضل لله ثم لكم .. في قدرتي على تجاوز الاحزان

وانشاء الله تستمر هالعلاقه .. بين الجميع ..


البعض يسال ليه شبكة الهلال متميز ..

الجواب بسيط ..
لان اللي متواجدين فيها كلهم اخوان
وحزن احدهم حزن للجميع
وفرح احدهم فرح للجميع ..


مع تحياتي للجميع

اخوكم المحب
خالد
الطيرالهلالي
15/8/2002, 11:31
السلام...

كل مافعلوه الاخوان ....من مشرفين واعضاء ..هو واجب عليهم ....

بحكم الصداقه والاخوه الي بيننا ...والله يدوم علينا المحبه ...:yes:
فهد العجمي
15/8/2002, 11:34
الله يرحمها ويسكنها الجنة ويغفر لها


والله ياخالد انت تستاهل كل خير والله اننا مقصرين في حقك بعد للحين ماوفينا شي من الي سويتة سواء معي
او مع غيري وتستاهل كل خير غالي والله يابو وليد


انا من ناحيتي اشكر الاخ خالد على شي واحد فقط وهو اهم شي بالنسبة لي وهو انة عرفني على الشبكة
وعلى اعظاء الشبكة الي والله والله اعتز بمعرفتهم وافتخر ولي الشرف الكبير بمعرفتهم
خالد والله ماقصرت
اللورد سامي9
15/8/2002, 11:34
هلا بك اخوي هاوي الهلال

اعتذر لك على تعزيتي المتأخره
عظم الله اجرك...والله يكتب لكم اللي فيه الخير باذن الله

واعتذر لك مره اخرى على تأخري في الرد بسبب سفري :)

اتمنى لك التوفيق اخي العزيز تحياتي لك اخوك محمد :)
خالد الهلالي
15/8/2002, 11:36
هلا والله بالغالي خالد


احسن الله عزاك وجبر الله مصيبتك وغفر الله لميتك



لا احب الا انقول كلمه واحد اننا ما عملنا لم يكن الا الواجب وانت لك مكانه خاصه في قلوب الجميع


وقبل كل شئ ديننا يفرض علينا هذا الترابط والتلاحم


اسأل الله ان لا يري اي منا مكروه








اخوك

خـــالـــد
POWER
15/8/2002, 11:36
هلا خالد..هلا والله فيك ألف مرحبا حبيبي..

والله كلامك اثلج صدري ..وياهلا والله فيك مره ثانيه وماودنا نذكرك بالماضي ..

لكن اهم نقطه في الموضوع..
الجواب بسيط ..
لان اللي متواجدين فيها كلهم اخوان
وحزن احدهم حزن للجميع
وفرح احدهم فرح للجميع ..


يامال العوافي..وان شاء الله نهايه الاحزان اخوي..ولك تحياتي ..
مها العالميه
15/8/2002, 11:58
اهليـــــــــــــــــــــن ..

هلا ..هاوي ..منور ..;)

واجبنا اخوي ..

وانشاء الله تكون اخر الاحزان ..

:)
بدر
15/8/2002, 12:08
الله يسلمك يا خالد والله مقصرين بحقك...














تحياتي؛؛
الذاهبه
15/8/2002, 12:18
هلاااااااااااا :)

هذا واجبنا :) وانشاء الله تكون اخر الاحزان..
ياسر عبدالعزيز
15/8/2002, 13:01
هلالا بالغالي..........هاااوي:)

اخوي خالد تاكد بان الجميع يوم الجميع بسمعووا بخبر وفاة شقيقتك..... نزل هذا الخبر مثل صاعقه:( ومثل ما انت فقدت اختك نحنا ايضاً اختى لنا:(
عموما. ما قمنا بغير الواجب.. والله يغفر الله ان شاء الله



تحيااتي لك:yes:
حلوووس
15/8/2002, 13:03
هلا والله بأخوي هاوي


والسبب الرئيسي اللي يخلي اعضاء الشبكة كذا


مثل ما قلت

البعض يسال ليه شبكة الهلال متميز ..


الجواب بسيط ..
لان اللي متواجدين فيها كلهم اخوان
وحزن احدهم حزن للجميع
وفرح احدهم فرح للجميع ..
يوسف
15/8/2002, 13:47
هلا بالجميع:magkiss:
هلا هاوي
ابد والله انا اشوف انا مقصرين بحقك لان الجميع حنا اخوان واخوات
وانشاء الله تكون اخر الاحزان والله يغفر لها ويرحمها
:magkiss: باااااااااااي:yes:
الاســـطــــوره
15/8/2002, 15:28
افا عليك ياخالد , هذا حق وواجب واقل شىء نسويه , والود ودنا نقوم بإكثر من كذا , والا وش فايده الاخوه اللي تجمعنا في الموقع غير اننا نوقف مع بعضنا البعض ,,

يكفي علينا في الشبكه اننا خرجنا بتلك الكنوز وهي (( الصداقات الحقيقه )) بيننا جميعا في الشبكه ,,,


جعلها اخر الاحزان ياخالد لك وللجميع (( يارب العالمين )) ولايورينا في احد مكروه ,,,

وانشاءالله مثل ماتشاركنا معك في احزانك نتشارك معك في افراحك واولها الزواج :rolleyes:

تحياتي لك وللجميع ,,,
طلال
15/8/2002, 18:00
ياخالد هذا واجبنا كلنا تجاه أخ وعزيز مثلك .. واللي بيننا أكبر من مجرد منتدى على انترنت...

والله يوفقك ان شاء الله ..

ولله ما أخذ ولله ماعطى ..

والحمد لله على كل حال..

أخوك
أبو فيصل
روافد(RGH)
15/8/2002, 19:38
عظم الله اجرك هاوي

راعية سكوتر
ابو دينس
15/8/2002, 21:12
أخي الغالي خالد

مصابك هو مصابنا و اختك هي اختنا .... فحنا عزيناك فمن يعزينا ...

اخوي الغالي على قلبي .... شكرك لنا احزني اكثر مما اسعدني ... اخي حنا الاعضاء كلنا جسد واحد .. اذا احد زعل منا كل باقي الجسد راح يزعل ... يعني ما كان يحتاج انك تشكرنا و انا اخوك ...

لكن هذه هي عادة اهل الشيمه و الاخلاق ... فأقول لك .. لا شكر على واجب و احسن الله عزاك ... و يالله يا رب ... ان يتغمدها برحمته ....

اخوك / طارق
شــقــراويـه
15/8/2002, 21:18
اخوي خالد ..
اعتقد اللي سويناه واجب علينا ..
والجميع هنا ولله الحمد تجمعهم علاقات قويه يمكن تكون اكثر من الاخوه ,,
ولابد اننا نشارك بعضنا الافراح والاتراح .. ولا وش فايدة الاخوه !!
الله يعلم وش قد حزنت لما قريت الخبر لأن اختك هي اختنا :( لكن انشاء الله تكون هذي آخر الاحزان


ما اقدر اقول الا الله لايغير علينا

سلااااااام :)
&*&اميرهم&*&
15/8/2002, 22:18
وانا اخوك ماسوينا إلا الواجب....
متقطع بالهلال
15/8/2002, 22:19
مشكووووووووور ياهاوي الهلال على هالكلمات اللي سعدتنا

وان شاء من تكاتف الى تكاتف وما يفرقنا حتى الزمن

.......... وهذا حنا اللي نبيه اننا نسير مع بعض بالفرح والحزن

............ والله يعوضك خيرا من هالمصيبه

اخوووووك : ابو خالد
شابع بطولات
15/8/2002, 22:57
هلا اخوي خالد ..


ما سوينا الا الواجب اخوي خالد .. وكلنا اخوان ولله الحمد بهالشبكه


وعظم الله اجركم يارب
عاشق الهلال حسون
16/8/2002, 00:27
والله ماكذبت يا خالد

وانشالله ان الله بيقدرك على فعل الزين .. ومايطلع من الزين الا الزين

وحسن الله عزااك .. وشكرا
مجنـــ يوسف ــــون
16/8/2002, 01:39
مرحبــــا خالد ..

ماراح اقول اكثر من اللي قالوه الاخوان

لان هذا واجبنا تجاه كل اخو بيننا ...
صقر النوادي
16/8/2002, 02:17
هلا وغلا اخوي خالد ..

الحمد لله الذي لا يحمد على مكروه سواه
من حكم الله عزوجل ان جعل المصيبه وفقد الأحباب سنه من سنن الحياة ومن مننه علينا نعمة النسيان التي تجعل حلقة الحياة مستمره وترمي ورائها كل تلك الاحزان التي تمر على الانسان في حياته فما يملك المرء الا الصبر واحتساب الاجر

وصدقني لم ترى منا الا الواجب وما يحثه عليه ديننا الحنيف في محكم تنزيله وسنة نبيه واعضاء شبكة الهلال ولله الحمد يتميزون برابط الأخوه والمحبه في بينهم نسأل الله الا يبين غلا احد من شبكتنا واللله لا يغير علينا هذا الاتحام والتواصل

وعظم الله اجركم والهمكم الصبر والسلوان من عنده
الروح
16/8/2002, 02:35
السلااام عليكم


اهلين اخوي خاالد ماااتشوفون انشاء الله اي شر بعد كذاا ولا الاخوه والاخوات الاعضااء :)


:jhgy: :jhgy: :jhgy: :jhgy: :jhgy: :jhgy: :jhgy:


يارب ياااااااااكريم انشاء الله في جنات النعيم وجميع الموتى


عموما اخوي خالد احنا اخوه في الشبكه واتمنى انك تررررجع لنا بكل صحه وعافيه وجميع الاعضاااء الكرااااااااااااام :)


مع السلامه اخوي خاالد وماتشوف شر مره ثانيه :(


باي

سبووووووووووورته
نايف
16/8/2002, 02:41
بعد التحيه ..

بأذن الله أخر الأحزان ..

ورحم الله فقيدكم ..

والحق يقال مهما فعل الأخ تجاه أخوه يعتبر مقصر ..

فعذرً لتقصيرنا ..

أخوك نايف ..
ريوف(RGH)
16/8/2002, 03:00
عظم الله اجرك ياهاوي

والله يرحمها برحمته
جنون العاشقين
Alex_10
16/8/2002, 03:07
<center>

عسى الله لايغير علينا
رهام(RGH)
16/8/2002, 04:03
الله يرحمها ياهاوي

واحنا صحيح اخوانك واخواتك

انشاء الله انت بخير يالغالي

عظم الله اجرك مني من كل البنات الرجه
رهام الملاك:angel:
هاجس
16/8/2002, 04:22
الله يهديك يا خالد حنا اكثر من اخوان وما يبيلنا شكر ولاشيء ،،




تحياااااااااااتي ،،
برستيج
16/8/2002, 05:15
هلا خالد


اكرر عزائي لكم اخي العزيز مره اخرى ..

ويجب ان تعلم ان ما قام به اخوانك واخواتك هنا .. اقل ما يمكن ان يقوم به اخوان تجاه اخيهم ..

والوقوف معه في مثل هذا المصاب ..

وان كان هناك شكر .. فلله على هذه الاخوة التي نلمسها دائماً بيننا ..



ولك تحياتي .. :)
Don Corleone
16/8/2002, 06:07
عظم الله اجرك اخوي خالد والي سوينه اقل من الواجبواحنا ترى اخوان ويجمعنا اكبر من الحب وعسا الله لا يغير علينا :yes:
هلاليه بالفطره
16/8/2002, 06:22
هلااااااا هاوووووي :)
مانقولك غير ...
هذا واجبنا :) وانشاء الله تكون اخر الاحزان..
:) :) :) :) :) :) :)
عنود الصيد
16/8/2002, 06:55
اللي صار أقل من الواجب أخوي خالد :)


وأكيد في لحظه كل واحد فينا بيحتاج للثاني ..


وعظم الله أجركم , وادخلها الله فسيح جناته ..
Full Moon
16/8/2002, 11:25
هلا اخوي هاوي..

عظم الله اجرك..
والله يرحم اختك ويغفر لها..
ومهما صار بهالدنيا يبقون اعضاء الشبكة دايم اكثر من اخوان والله يديمنا لبعض..
TOTTI- 10
16/8/2002, 12:10
عظم الله اجرك اخوي هاوي ... و احسن الله عزاك ... و صدقني الي سويناه هذا اقول شي نقدر نسويه لاحد اروع الاعضاء في هذه الشبكه ..
عواض الحربي
16/8/2002, 12:21
__ الغالي هاوي الهلال

__ الحمد لله على كل حال

__ ومن مكاسب الشبكة التعرف على الرجال أمثالك :rolleyes: :rolleyes:

___ واللهم أجعلها أخر الاحزان

__ تحياتي
الشاطر
16/8/2002, 22:46
ياهلا ياخالد

اولا ياهلا فيك من جديد نورت وباذن الله الفقيده مغفور لها وبجنه النعيم ان شاء الله...ارتاحت من عناء هالدنيا والله يعيننا حنا بس:kayf:

ثانيا

الجواب بسيط ..
لان اللي متواجدين فيها كلهم اخوان
وحزن احدهم حزن للجميع
وفرح احدهم فرح للجميع ..

وصدق النيه لااااا الارتزاق (himo)


ثالثا كيف الحال:p
الكاسر888
17/8/2002, 00:37
اهلين خالد


الله يرحمها ويغفر لها ويصبرك ويصبر والديها

ويجعلها من عصافير الجنه




خالد انت من أغلى الناس عندي

والله لايحرمنا منك يالغالي
بـحـر
17/8/2002, 00:55
الله يهديك يا خالد ... حنا اكثر من اخوان.

وما يبيلنا شكر ولاشيء .. هذا هو الواجب علينا .

اتمنى نشاطك يكون اكثر من اول .... تحياتى لك.


بااا :yes: اااى
رمال نجد
17/8/2002, 09:06
السلام عليكم اخوي الغالي خالد ، عظم الله اجرك في وفاة اختك ، اللهم ارحمها واسكنها فسيح جناتك

العذر والسموحة يالغالي تونا ندري:jhgy:
ســ9ــامــ9ــي
17/8/2002, 10:02
والله العظيم وأنا أخوك ما أقدر أقول شيء ...

كل اللي أقدر أقوله الله يرحمها ويسكنها الجنه ...

والله يديم المحبه والأخوة اللي هي الكنز الحقيقي من تجمعنا بهالمكان المتواضع ...

ولك تحياتي ياغالي ...

أخوك / سفر المرزوقي .
شقراوي
17/8/2002, 11:06
عظم الله اجرك اخوي هاوي ... و احسن الله عزاك
:(

الله يهديك يا خالد ... حنا اكثر من اخوان
hilaly4ever
18/8/2002, 02:03
أخوي هاوي الهلال..حنا اخوان..وهذا واجبنا..
القطوه النيكل
18/8/2002, 04:41
والله آسفه اني ماعزيتك بس والله مادريت..
عظم الله اجرك ولوانها جت متأخره من جد آسفه بس غصب علي والله
عموماالف الف شكر على حكيك عنا الاعاء كذا وآسفه مره ثانيه
الوصــال
18/8/2002, 04:48
اهليييييييييييين خالد
اخواننا وخواتنا يبقون شموع تحرق نفسها لتضيء للاخرين دروبهم.....:)
وتذكروا ان لولا فضل الله في تمكين صلتنا ببعضنا لماتت الاشجار وهي واقفه.......

فجزا الله كل اخا واخت في هذا المنتدى :)




تحياتي
الباش مهندس يوسف 15
18/8/2002, 10:42
هـــــــــــلا اخوي خالد

انت تستاهل كل خير

وان شاء الله انها اخر الاحزان

وجعل ايامك كلها افراح


وســـــــــر تميز هذه الشبكة الكبيره هــــــــو الترابط بين اعضاءها والله يديم المحبه

واعذرنا عن التقصير






اخوك
ابوخالد
قرقو
18/8/2002, 22:57
السلام عليكم اخوي هاوي
الله يرحمها ويرحم جميع اموات المسلمين
واكيد اللي بيننا موب دردشه اوعلاقه نت اللي بيننااكثر من كذا

ومعليش اخوي هاوي انا كنت مسافر توي جاي ومادريت عن السالفه الا الحين.. اعذرني والله









تحياتي ..قرقو:kany:
عين الصقر
19/8/2002, 01:58
هلا خالد

اولا الي سووه المشرفين والأعضاء واجب عليهم تجاه اي عضو فكيف اذا كان هاوي الهلال


وبالنسبة لي اتشرف في اخوتك وان شاء الله نوقف معك في الأفراح


عسى الله يسكن المغفور لها ان شاء الله جنات النعيم
جبل ثهلان
19/8/2002, 07:13
اخوي خالد اوشى الله يرحمها برحمته ويجعل مثواها الجنه

والله يديم المحبه بيننا.
اخوك جبل ثهلان
^~الفـيـصل~^
19/8/2002, 13:18
هذا الواجد ياخالد واعذر اللي ماعازاك ولاكن مانملك الى الدعاء الله يغفرلها ويرحمها ويسكنها فسيح جناته،،
Muhanad
20/8/2002, 05:52
عظم الله اجرك ياهاوي واحسن الله عزاك ...

للأسف توني ادري عن هالخبر بس اهم شي نقوم بالواجب وحتى لو كان عن طريق الرد على الموضوع ..

والله يرحمها برحمته .. .

تحياتي لك ياهاوي .. .
خمسطعش
22/8/2002, 06:36
عظم الله اجرك ياخالد...
مع انها جايه متأخره بس العذر والسموحه ...
والله يسكنها فسيح جناته ...
آآآآآآآآآآآآآمين..
تحياتي"
فواز
22/8/2002, 12:35
وش دعوى أخوي هاوي الهلال ماسوينا الا الواجب والعتب والله علي لاني تأخرت بالتعزية.

وانت أخوي هاوي الهلال أخ عزيز وغالي وتستاهل كل خير.

الله يغفرلها ويغفر لجميع أخواننا المسلمين

قولوا آميــــــــــــــــــــــــــــــــــــــــــــــــــــــــــــن
هـلالي مرات
24/8/2002, 00:45
البعض يسال ليه شبكة الهلال متميز ..

الجواب بسيط ..
لان اللي متواجدين فيها كلهم اخوان
وحزن احدهم حزن للجميع
وفرح احدهم فرح للجميع

:yes: صح لسانك أخوي خالد

:nrey: وبعدين تعال هنا (بدون همزه -ء-)
(himo) وين توقيع الانصراف
:yuupy: شف وش انت كاتب ياحلو
مع تحياتي للجميع

اخوكم المحب
خالد





بااايااات
خالد
(himo)
قرانديزر
24/8/2002, 00:51
هلا واللله

احسن الله عزاك وعظم اللله مصيبتكم واللله يغفرلها ويرحمها


واللله اسفين مقصرين فى حقك
وماترون باس انشاء الله