أهـلآ بك فـي عآلم البويـآت والكيوتـآت ،،

[عاشق الهلال حسون]

بسم الله ..

صبـآح الـخيـر ..

مشكلتي أني سئ في تقديم الموآضيع ولآ أملك الأسلـوب ألـي يشد القـآرئ :( ..

لكن في موضوعنـآ اليوم بصرآحه مآيحتـآج مقدمـآت .. ولآ يحتـآج له تمهيد عشـآن أبـدأ موضـوعي ،،

تعـبنـآ من التلميـح ..

بس برضـوآ بـدون تجريـح ،،

أعتقد موضوعي يمكن وآضح من عنوآنه للبعض .. وهو البويـه ..! والكيوت ..!
هي فعلآ مجرد مسمـيـآت لكن معتقدآتهـآ تغزوآ بنـآتنـآ بقووه وأرتيـآحيه بنفس الوقـت < رآح يتبين أن شآءلله كيف جت مع بعضهـآ ،،

للـي مـآيعرف الكيـوت والبويـه .!
هذآ قسمين أنقسموآ بنـآتنـآ بينـه هـآليومـيـن .. وصآر الموضوع كبير .. ويمكن بدأ يوصل لدرجـة صعـب أنك تقدر توقفـه .. للآسـف !
قـٍسـم الكيوت .. يجي تحت هذآ القسم بنـآت دلع يمكن أقدر أوصفهم لك بأنهم أنثويـآت بزيـآده أكثر من القسم الثـآني الي هو البويـه ..
الكيوت هذي بشكل عام تكره الجنس الذكري بآلشكل العـآم .. رآفضه فكرة الزوآج ..

قسـم البويه .. بنت تكره أنك تنـآديهـآ يـآبنت ..! مآخذه الطـآبع الذكري .. وتحـآول بجميع الوسـآئل أنهـآ تكون صوره عن نفسهـآ بأنهـآ ذكر .. برضوآ تكره الجنس الذكري بشكله العـآم .. ورآفضه فكرة الزوآج ..

طبعـآ والأكيـد أن من أسبـآب هذآ الأنحرآف عن الفطره هو ضعف الوآزع الديني الي أعتقد مو البنـآت وبس الي مآيملكون هذآ الشي بل أصبح الكثيـر منـآ يعـآني من هذآ الضعف .. نسأل الله السلآمـه ،،

قال الرسول عليه الصلاه و السلام

( و الذي بعثني بالحق لا تنقضي هذه الدنيا حتى يقع بهم الخسف و المسخ و القذف .
قالوا : و متى يا نبي الله بأبي أنت و أمي ؟ قال : إذا رأيت النساء قد ركبن السروج و كثرت القينات و شهد شهادات الزور و شرب المسلمون في آنية أهل الشرك الذهب و الفضة و استغنى الرجال بالرجال و النساء بالنساء فاستدفروا و استعدوا و قال هكذا بيده و ستر وجهه .).

وبعد هذآ السبب أعتقد الأسبـآب البآقيـه تجي ثآنويه .. ومن أحد أهم هذه الأسبـآب تربية الفتآة على الأنوثه من صغرهـآ ..
وتتبع مرحلة المرآهقه بدقة .. لآنهـآ تكون هي تحديد الهويه الجنسيـه .. فأمـآ تكون في مسـآرهـآ الصحيح .. أو تنحـرف ،،
ولآننسـى المدرسـه .. ودورهـآ أيضـآ عظيم وجبـآر من هذي النآحيه .. فالمعلمات لهم دور كبير في التوجيه والمراقبه للفتـآيـآت ،،


وش رآيكم ندخل في عـآلمهم شوي .. يعني نشوف وش يحسون به :req:

عـآلم صدقني تمسك رآسك منه .. صعب أنه يخش المخ ..!
تخيـل تشوف بنـآت يرقمون بعض ؟ أو بنـآت مسوين لهم منتدى يتشكون لبعض فيه وكل وحده تشتكي من حال خويها او خويتها " طبعـآ خويها وخويتها بنـآت ..! " .. وتشوف تغزل وخواطر وأشعـآر ،،
غآلبـآ مـآيكون تعـآرفهم في المدآرس أو الجـآمعـآت .. والحين للأسف صـآر النطآق أوسع ألي هو عبر الأنترنت بشكل وآضح للجميع عبر منتديات يسوونها ومواقع خاصه لهم ..

أخت صديقي تدرس في أحد جآمعـآت الريـآض .. دخلت لبوفيـه الجـآمعه بين أوقـآت المحـآضرآت أخذت أكلهـآ وتوجهت لأحد الطآولآت وجلست وصـآدف أن جمبهـآ طآوله عليهـآ بنتين ووضعهم فيه غرآبه .. يعني متكركب .. وبدأت أصوآتهم تعلـى في البوفيـه .. طبيعي ألتفت البنت تبي تشوف وش صاير في حال هالبنتين .. لقت المدعوه بويه جآثيه على ركبتيهـآ ومـآسكه أيد المدعوه كيوت وتبكي بكل حرآره ومرآره وتتوسل وتترجى وتقول " تكفين لآتتركيني والله أحبك وأموت فيك " والمدعوه كيوت وآقفه تنظر لهـآ ورمت الخـآتم على الطـآوله وهي تطلب الانفصال عن زوجهـآ .. أي والله زوجهـآ .. تصور متزوجين ومعلنين بينهم وبين صحبـآتهم أنهم زوجين ..
والأمر من ذلك أن قبل كل زوآج لآبد يكون فيه علآقة صدآقـه .. يعني أدرس نفسيتك وتدرس نفسيتي .. ونشوف أحنـآ لآيقين على بعض أو لآ ومن هـآلكلآم .. وشوف عـآد وش يتخلل هذي العلآقه سوآء الي بعد الزوآج أوالي قبله :rolleyes:

العـآئله مرتـآحه والبنت مرتـآحه ..!

العـآئله طبعـآ مستحيل تشك في الأمر هذآ .. يعني صديقه وزآيره صديقتهـآ في البيت أعتقد مـآفيهـآ شي ؟
البنت شـآيفه أن الأمور سهلـه .. والي تبيه صـآير لهـآ .. فآبتأكيد مآرآح تلتفت لأشيـآء ثـآنيـه ..

وصلني عبر البريد رسـآلة يتكلم فيهـآ شخص عن مغـآمره له في هذآ العـآلم .. وكيف قدر يتسلل وسط هآلبيئه .. فعلآ أكتشف لنـآ بأنه عـآلم ثـآنــي .. وتكلم عن موآقف صـآرت له يقشعر منهـآ الأبدآن ويمكن تضحك أحيـآنـآ منهـآ .. وبحـآول أذكر لكم بعض منهـآ ..

في البدايه شرح كيف خش هالعالم ودخل بينهم .. واصبح يتطور مع الوقت الولد واكتسب خبرات الحديث والكلام ..
وعطـآنـآ معلومـآت عنهم :( ..

" معلومات يمكن تكون جديده لكم

هل تعلمون ان البويه تغير علي الليدي غيره عجيبه اشد من غيره الرجل علي اهله يمكن


هل تعلم ان اغلب البويات و البنات الي يدورون بويات انهم توهم احداث في السن بين 12 و16 سنه "

http://static.flickr.com/111/313011844_3652291acd_o.gif

هذي بعض المعلومـآت .. والمعلومه الثانيه والله ياهي كآرثه بنآت بين الـ 12 والـ 16 :( ..


كلنـآ نعرف أن هذآ الزمـآن بدأ يقترب من النهـآيه .. وأحنـآ ولآ كن حآجة تصيـر ..
بآلعكس بدة تتنكس الفطر .. والوم اليوم مآهو على البنـآت وبس حتى على الشـبـآب .. كل وآحد صآير يتبع نوع .. وبكـل صرآحـة صآروآ كثيــر .. وصرنـآ نشوفهم في الشوآرع وبكل مكـآن .. وصـآيره في " البآلتوك " كأنك تقدم على طلب وتعلن بموآصفـآت الي تبي :req: ،،

الموضوع للنقـآش :

كيف نقدر نحآفظ على شبآبنـآ وبنـآتنـآ ؟

مين السبـب فـي هذآ كله ؟ ومن وين جآت هذي الأشيـآء أصلآ ؟

مسآحـة مفتوحـه لطرح الرأي ..!

[رصاص القلم]

موضوع مغري ومهم

لي عوده بحول الله

ألأهم ان نسمع اراء اخواتنا البنات فهم اكثر قربآ منه

شكرآ

[SAM 6 وبس]

عالم البنات عالم غريب جداً ,,








اكثر ما جعل فضولي يوصل لدرجة خياليه ,,

اني ذاك اليوم كنت حاط على قناة العربية فيه برنامج اجتماعي ناسي اسمه اللي يقدمه المصري اسمه السابع مدري اليوم السابع شيئ زي كذا ماعليينا,, كان عنوان الحلقة عن الإسحاقيات وكذا الموهم جا إتصال من وحده اسمها ام محمد من السعودية تقول انها مشرفه تربوية وان للإسـف 99 من البنات اللي عندنا يميليون للعلاقه مع البنت وليس مع الشاب ؟؟
تخيلو ياعالم 99 بالمية !! ومن من مشرفه تربوية !! لا وتقول انهم مرات يعرضون عليها انهم يسون معها علاقه لكنها تقول ارفض بسبب اني مشرفه تربوية ولا انا اصلاً احس اني ايمل للجانب ذا بعد !! ياناس ياعالم تخيلو اللي صار ؟؟
معقوله هالكلام ذا بالسعودية ؟؟ معقوله في بلد الإسلام ..

والشيئ الثاني بعد كنت جالس مع خالتي الله يطول بعمرها وكانت تكلم اختي وتعلمها اقسام الجامعة علشان تختار,, يعني الموهم ان اختي قالت ابغى قسم اصول الدين خالتي ردت وقالت الا هالقسم لاتخشينه,, قالت ليش تقول كلهم اسحاقيات ومن هالكلام !! معقوله قسم اصول الدين لا وفي جامعة زي الإمام مليان,, والكلام من معيده بالجامعة !! يعني حتى بالدين عند البنات فيه كذا ..!!

بعدين يالغالي ماظن فيه مقارنة بين الشباب والبنات,, الشباب صح فيه جنس ثالث لكن صدقني مو زي نسبة البنات,, والشباب غالباً بعد عمر 20 خلاص يعقل,, لكن البنات مشرفه تربوية وكذا لا ويعرضون عليها !! انصدمت صدمه الله لايوريكم !! ما اقول الا الله يهدينا بس ..


اخوي عاشق الهلال حسون صدقني الموضوع خطير وزين انك فتحت الباب لمناقشته .!!
















عموماً اتمنى تعليق البنات بالمنتدى اللي هم اقرب مننا للعالم هذا وياليت يتكلمون بكل صراحه ومايتهربون كعادة البنات .!!

[معذبني الهلال9]

مو غريبه:yuupy:

تعال لمدرستنا تشوووف عجب عجاااب :(

انتشرت هذي الظاهره بشكل مخيف جدا لدرجه تم فصل يمكن حوالي 8 بنااات مع شللهم بالمدرسه

لوضعهم المريب:confused:

انتشر بالمدرسه صكوك الزواج والله ما ابالغ :nrey:

العام قبل الماضي تم فصل بنتين اللي يمثلون ذي العلاقه بعد كشفهم في موقع شبهه ....!

كثرت البويات عندنا لدرجه تحس انك داخل مدرسة اولاد ...!:q:

مره كنت تعبااانه واتصلت على امي تجي تطلعني ولما جت امي كان وقت الفسحه والله خااافت علي

بس تعرفني وتطمنت اكثر لما قربت اخلص دراااسه واطلع من المدرسه ...

ومثل ما انتشرت البويه انتشرت الكيوووت لدرجه تحس انهم اطفال مو باعمار 16 _ 17 _ 18

تحلف انك تعطيها عمر 12 أو 14

المداااارس احد اسباب انتشارها واهمها بعد ...

الموضوع يخوووف ويقزز بعد

وحده معنا بالفصل تموووت على مدرسة اللغه العربيه تحلف تقول والله لتزوجهاا ...؟!!!!!:eek:

والله مستحيل اجلس لوحدي في الساحه بينهم

الله يهديهم ان شاءالله

والله يوجههم للصواب

[ksa_hilali]

8
8
لايهمك كلام المشرفة التربوية, كذب أكيد,
ومعروف قنوات البراهيم ماتجيب الا الي يكذبون

مالي معرفه بهذا الموضوع
الا من فتره بسيطة
وديت الاهل لملاهي الحكير,, وبعد مارجعوا انصدموا من (البويات) وكثرتهم
وأعتقد هي إمتداد لظواهر كثيرة بدت في مجتمعناذكور واناث
أجل من يصدق بالكديش أصحاب طيحني وطقتهم!!

الوضع دمار

[دودي99_98]

يوووووووووووه ياكثرهم كثرااااااااه

تعالوا مثلا عندنا بالشرقية .... مجمع الظهران ..... تصدقون والله العظيم ... انه في بنات حووول العشر او اكثر .... دااايما متواجدات في هالمجمع ,,,, طبعا كل وحده لحالها .... ومعروفين عند الشباب .... هذي اسمها فلانه ... وهي تتصيد البنات وتطيحهم في خرابها .... وتلاقيهم قاعدات اكثر شئ في جهة المطاعم ... او دورات المياه ( الله يعزكم ) .... لانه اسهل مكان ينفردون فيه بالبنات الصغار ...
وغيره وغيره وغيره واااااااااااجد
وربي انها مصيبه ...
بعضكم اللحين بيقول طيب حتى الاولاد بينهم هالشئ ....
انا بما اني شاب ... ماانكر هالكلام ... فيه بين هالشباب نسبة شاذه .... لكن مو زي البنات .... بعدين الاولاد خلاص اذا وصل الـ 19 او بالكثير الـ 20 ... خلاص يعقل ... لانه لو راح يستمر في هالشئ الناس كلهم راح يعرفونه من حركاته ... وخلاص يتووب من هالحركات او انه يتفتح مخه ع الدنيا وخلاص ماعاد يلتفت لهالأشياء ..... ونادرا تلاقي واحد كبير ومازال مستمر في هالحركات ..... والدليل اذا فيه واحد مستمر في هالحركات .... تلاقيه مشهور جدا في البلد ..... وهم معروفين لدى الكل ..... كم واحد ينعدون ع الاصابع .... اما البنت ماحد راح يعرفها او يقول ليش تسوي كذا ....

هذي المشكله علاجها من اكثر من ناحية ....
اولا : التثقيف ونشر الوازع الديني لدى الشباب والفتيات ,,,
ثانيا : الزواج الزواج ثم الزواج .... صدقوني مابدت هالحركات الا بعد ماطلعت موضة ( البنت تووها صغيره ... خلها تخلص البكلوريس ) .... والا اوووول يوم كانت البنات يتزوجون من يوم وهم صغار .... ماشفنا هالحركات
ثالثا : اهم حل من الحلين السابقين ... الاعتراف بالمشكله وعدم الخجل من الطرح فيها ... لانه اذا راح تعترف بالمشكله ... راح تقدر تحلها ... اما اذا مااعترفت فيها ... للاسف ماراح تنحل

مااقول الا

الله يحمي شبابنا وبناتنا من عيال الحرام

[مشتاق لنظره]

كيف نقدر نحآفظ على شبآبنـآ وبنـآتنـآ ؟

عبر التربية الصالحة ، ترك التربية للمربيات الأجنبيات لأنة يؤثر على عادتنا وتقاليدنا

و عدم تآخير الزواج للبنات لآي سبب تآفة مثل الدراسة وآلخ ...

و دراسة هذة الحالة و القضاء عليها




مين السبـب فـي هذآ كله ؟ ومن وين جآت هذي الأشيـآء أصلآ ؟

قد يكون السبب الأعلام " المجلات اللتي تدعم الشذوذ "

جآت من سبب البيئة السعودية اللتي تفتقر المحبة بين أفراد الآسرة


<!-- / message --><!-- sig -->

[أبوحمـــ15ـــــــــــد]

بوية !! والله اني داخل الموضوع على انه متعلق بالبناء والمقاولات !!

مشكلة كبيرة اللي جالس يصير .. ابحث عن التربية فهي مربط الفرس ..

متابعة الابناء ومخاواتهم أتوقع أهم الوسائل لتخريج جيل زي الناس .. بدون بويات ولا كيوتات و لا سباكة :kany:

[عبود البطل]

لاحـول ولا قـوّة إلا بالله ..
( ظهـر الفسـاد في البر والبحـر بما كسبـت أيدي الناس ) .
//
كـل هـالمصـايب إلـي تحـل علينـا في البـلد من أسبابهـا انتشـار هـ الشـذوذ نسـأل الله الـسلامة .
أعتقـد أن الـمدرسـة .. البـيت .. الأم .. لابـد يكـونون فـاتحين عيـونهم أكثـر من قبـل ..
ولابـد يكونون علـى يقيـن أن الزمـان تغيّـر .. حتـى جـارك ما عاد تـأمنه .
وما هو غـلط أنهم يتحـققون من كـل صغيـرة وكبيـرة .. لكـن بطـريقة مُعتـدلة ؛ لا يتخللها الشـك في أخلاق البنـت .
\\
يعطيـك العافية ( حسـون )
:)

[Golden Pen]

موضوع حساس جدا،،
المسأله كبيره جدا وخطيره وأول حل:
التفات الاباء والامهات لابنائهم
التركيز على مسألة الاصدقاء
مراقبة الفضائيات والانترنت
منح البنت الحنان اللازم لكي لاتبحث عنه بصوره خاطئه
مين السبـب فـي هذآ كله ؟ ومن وين جآت هذي الأشيـآء أصلآ ؟
الوالدين واهمالهم لابنائهم
الفضائيات والانترنت
اصدقاء السوء،،،
تحياتي لك.

[عاشق الهلال حسون]

رصاص القلم

أهلين فيك .. ويهمني رآيك والله .. وأنتظر عودتك .. نورت الموضوع ،،

SAM 6 وبس

شف هذآ الي أتكلم عنه .. يعني أذآ كـآنت هذي " أم محمد " وبالعمر هذا وبمكانتها الاجتماعيه كتربويه وماسلمت من هذه الامور أجل كيف البنـآت الصغــآر .. الي والله مآيفرقون بين الصح والخطأ ..
وأنـآ والله مآفتحت الموضوع ألآ بعد تأني وأستشـآره .. وأتمنى بحول الله وقوته أنه يعيننا جميعا على التوعيه وتفتيح العقل على اشياء يمكن نكون غافلين عنها ،،
والله فرحت كثير لمشاركتك واتمنى تواصلك في الموضوع :) ،،

معذبني الهلال9

والله يآ أختـي ألـي سـآعدني أكتب الموضوع ولآ أخفيه عليك .. شكـآوي البنـآت من المدارس " اخواتي وخالاتي وبناتهم " .. يعني مدري ليش عندي شعور بان هذا الموضوع بذات قاعد يتوسع بشكل غريب وكأن فيه شخص قاعد يدعمه بقوه ..
أنبسطت لوجود بنت شجاعه مثلك تكلمت فالموضوع وفتحت قلبها لنا .. ارجوا منك ياختي المواصله معانا بالموضوع ومناقشته مع الاعضاء الباقين .. نورتي الموضوع ،،


ksa_hilali

أوووه .. هذولا سالفتهم سالفه الكدش وطيحني .. بس زي ماقالوا الاخوان يمكن الانتشار اوسع عند البنات .. أشكرك على مرورك ومنور ،،


دودي99_98

بالظبط .. هذا الي اسمعه بشكل كبير .. أنو فيه بنات في المدارس مسؤليين عن الصيد .. يعني تقدر تقول رئيسه الشله .. الي تتصيد للبنات الصغار وتغريهم وتدخلهم في متاهاتها الي مالها نهايه ..
وفعلا فرق الشباب عن البنات نفس الي ذكرته .. انو الشاب بعد سن العشرين يعقل .. بصرآحه مبسوط انو فيه عقليات في المنتدى بالتفكير الجميل والرائع الي يملكه عقلك .. أتمنى مواصلتك معانا في نقاش هذا الموضوع وشاكر لك الحلول الي حطيتها وعسى الله ان ينفع بها ،،

مشتاق لنظره

والله من جد .. مآلعب فينا الا الاستهانه بالتربيه .. واستعانتنا بتربيه خارجيه تختلف 180 درجه عن عاداتنا وتقاليدنا وقبل هذا كله عن ديننا ..
نـآصر أشكرك جزيل الشكر على تنوير الموضوع .. واتمنى مواصلتك معانا في النقاش ،،

أبوحمـــ15ـــــــــــد

:yes: .. كلآمك بسيط بس وربي أنك صدقت .. فالتربيه هي فعلا مربط الفرس .. وانك تخاوي ولدك او بنتك وتكون صديق قبل اب او ام هي الفيصل في مثل هالمواضيع .. الله يعطيك العافيه يابو حمد ومنور الموضوع ،،

عبود البطل


الله يعافيك .. وفعلآ المدرسه الأولى هي الأم والبيت .. وذكرك لعدم الشك في اخلاق البنت نقطه مهمه .. لانك اذا جعلت منفذ الشك يدخل بينك وبين علاقتك مع بنتك او ابنك راح تتسبب في مشاكل مالها اول ولا تالي .. اشكرك لمشاركتك معانا ويعطيك العافيـ ـه ،،

[عاشق الهلال حسون]

القلم الذهبي

منح البنت الحنان اللازم لكي لاتبحث عنه بصوره خاطئه

وربي يالقلم الذهبي ان هذا احد الحلول الرائعه .. وفعلا الحنان اذا فقده الشخص لابد ان يبحث عنه في اي مكان وباي طريقه .. أشكرك جزيل الشكر لمشاركتنا في هذا الموضوع .. ولاتحرمنا من مداخلاتك ،،

[هلال العرب]

السلام عليكم جميعآ
اخوي حسون
أحيي فيك هذه الشجاعة على طرح مثل هذا الموضوع الجريء
وخصوصآ إذا كان يمس فئة غالية علينا وهم بناتنا واخواتنا ولا نغفل شبابنا
سأتحدث بإسهاب عن سببين من أهم أسباب إنتشار هذه العادات السيئة وسامحوني إن أطلت عليكم

الموضوع خطير جدآ وأيضآ متشعب وعلينا أولآ أن نعود إلى جذور هذه القضية الإجتماعية
والتي تتواجد بكل صراحة في أغلب البيوت إلا من رحم الله تعالى
دعونا نرجع إلى الماضي ونتكلم قبل 15 أو 20 سنه
بدون مبالغة لم يكن هناك وجود يذكر لما يسمى الآن البوية أو الكيوت أو حتى الجنس الثالث من الشباب
وإن وجد فهو في نطاق ضيق جدآ ولا يسعى من ابتلي بهذا إلى أن يكشف نفسه للمجتمع في ذلك الوقت
لأسباب متعدده نذكر منها وبشكل رئيسي الخوف من الفضيحة والخوف من ردة فعل المجتمع
وأيضآ عدم وجود مايساعد على إنتشار هذه العادات السيئة مثل إنتشار الغث والسمين من القنوات الفضائية الهابطة
حتى وإن كانت هذه القنوات موجودة في بعض البيوت آنذاك
فــ القنوات المتواجدة كانت تسير بمحاذاة العادات الإجتماعية
ولا تسمح لنفسها بعكس التيار ضد المجتمع
ولكن بعد هذه السنوات انتشرت بشكل كبير وسريع هذه القنوات
ولم يعد هناك مجال للسيطرة عليها لكثرتها
بل بدأت بعرض الصالح والطالح من البرامج والأغاني والمسلسلات والأفلام المحلية والعربية والأجنبية
ولم يعد يهمها شيئ اسمه عادات وتقاليد المجتمع التي كانت تعمل لها حساب قبل 15 أو 20 سنة
بل أصبح همها الأول والأخير جذب أكبر عدد من المشاهدين والمشاهدات بأي طريقة كانت
والآن البيوت أغلبها إلا من رحم الله تتواجد فيها كثير من هذه القنوات
إذن من أسباب إنتشار هذه العادات السيئة وبهذه السرعة هي الإنتشار السريع للقنوات الفضائية الهابطة

أيضآ من الأسباب الأخرى ضعف متابعة الفرد لمن حوله من أبناء وبنات أو إخوة وأخوات
ومثال ذلك إعطاء الولد أو البنت أجهزة الجوال وهما لم يتجاوزا العاشرة من عمرهما
أو تركهما عند جهاز الكمبيوتر ودخول عالم الإنترنت بكل سهولة
دون متابعة لهما في ذلك وهذا فيه من الخطورة على أخلاقهما الشيئ الكثير
فكلنا نعلم كيف تتواجد المقاطع الشاذة والجنسية وبكثرة في أجهزة الجوال عند من لا يردعه خوف من الله تعالى وبالذات صغار السن والعقل
وأيضآ أصبح بإمكان الشخص أن يضع له إيميل خاص يستقبل فيه أمور خطيرة من صور ومقاطع وأيضآ أفلام كاملة دون أن يطـّلع عليها أحد من أهله
فيكون في ذلك سبيل لإنتشار مثل هذه المشاكل
في يوم من أيام الدراسة قبضنا على طالب في أحد الصفوف الأولية وكان معه سي دي
وعندما سألناه من أين لك هذا ؟؟
قال : إنه من اختي وسوف أسلمه لــ فلان ( أحد زملائه بالفصل ) ليسلمه لأخته
والفتاتين في المرحلة الثانوية .
هل تعلمون إننا وجدنا مقاطع جنسية فاضحة في هذا الــ سي دي .
أين المراقبة وأين المتابعة لــ الأبناء ؟؟
أم أن مشاغل الدنيا لم تعد تسمح للوالدين أو أحدهما أن يتابع أبناءه ..؟؟!!
بحكم عملي معلمآ بإحدى المدارس الإبتدائية
اكتشفت وبمحض الصدفة أن هناك مجموعة من الطلاب أعمارهم لم تتجاوز العاشرة
تمارس اللواط مجتمعة في دورات المياه أعزكم الله
وعندما تحققت من القضية اكتشفت أنها تندرج تحت مايسمى بتبادل الحب والإعجاب فيما بينهم ..!!
إذا كان هؤلاء وقعوا في هذا الوحل وهم بهذا العمر
ولم تكن هناك متابعة لولي الأمر
فكيف إذا انتقلوا إلى مراحل عمرية متقدمة وبالذات في عمر المراهقة ..؟؟!!

كنت أود أن أحكي قصصآ سمعتها من فتيات عازبات ومتزوجات عاشوا داخل هذا المجتمع وجربوا مثل هذه العادات
ولكن أترك الحديث لـ أخواتنا في المنتدى للحديث فهم أقرب منّا لهذا المجتمع ولهذه الفئة وأصدق في نقل مايحدث بين أفراده .


مرة أخرى
آسف إن أطلت عليكم

حفظ الله بناتنا وشبابنا ومجتمعاتنا من كل سوء ومكروه

دمت بكل خير

[TOTTI 10]

يالبـى قلبكـ ..!!:kany:

مـوضوع جـريء وينم عن عقليـة مدركـة لمـا يجري على الـواقع بعيـداً عن التصـنع والمثـاليـة القـاتلـة ..!!:yes:

عمومــاً من نـاحيـة البنـات أعتقـد أن العـائلة تقدر تحافظ على بناتهـ من هـذه الظـواهر بتسليحـهم بالعلم وإلحـاقهـن بدور تحفيظ القـرآن التـي تخرج العديد من الداعيـات والحـافظـات ,, كذلك حضـور المحـاضرات ,, والإنتبـاه من وضع القنـوات الفضـائيـة فهـي مفـتاح الشـر والفتنـة ,, أعاذنـا الله وإياكم منهـا ..!!

ومـن أهم الأشيـاء اللي أنـا لاحظت إنه تأثر على البنت في عمـر المراهقـة ,, هـي قريبـات هـالبنت غـالبـاً تكون بينـهم وحده تعرف بهـالأمور وتفسـد كل شـيء ,, وأســألوا أهل التخصص ..!!

من النـاحية الأخرى هنـاك أيضـاً الأولاد بيــنهم يحـدث المـصائب اللي مـايصدقه إلا اللي يشـوفه من قصص حب وغرام ..!!

قسم بالله شـيـ يقطع القلــب ,, مـع إنـي أرى إن خــراب الولد أهـون من خراب البنت ..!!

الله يستـر على أخواتنـا وبنـات المسلمـين من كـيد المتربصـين ..!!

[ماجد التميمي]

عطو الحريم فرصه يوضحون لنا طيب :d
طبو الشنبات بس ،،

انا متابع ..

[شلهوب توب]

اعتقد من اهم الاسباب البعد عن الله والوزاع الديني ،،

وايضا اهمال الوالدين لأبنتهم وعدم الاهتمام اللازم بها كحال الابن

ايضا مسؤولية الوالدين بالمدرسة التي يدخلون ابنتهما فيها من المفترض
ان يسألوا عن حال المدرسة وعيوبها وعائلات الطلاب الخ

واعتقد ان المشكلة كثر خلال هذه الايام

والله يبعد بناتنا عنها

ولا ننسى الشباب اتذكر مرة واحد من العيال يقول ان اخوك بالمتوسطة دايم يشوف طلاب بالثنوية
يجون المتوسط ولمى عرف السبب كان السبب من اجل احد الاولاد الي الله انعم عليهم بالجمال

[LEFT]
وين هلالية كيوت [/:angel:LEFT]

[الـقـيـصـر الـبـافـاري]

موضوع جريء .. وطرح موفق


لنبحث في تاريخهن .. سنجد أن "البوية" لم و لا تتمتع بالحنان الاسري والاستقرار العاطفي من ناحية الام .. على الطرف الاخر سنجد ان " الكيوت " تفتقد للحنان الابوي فتجدها " مدلعة " من أمها لكنها تعاني من الطرف الاخر..

ما يجب ، هو أن يكون هناك توازن عاطفي .. من الجانبين الأب والأم ..

صدقني .. لو وجدت البنت هذا التوازن من صغرها وحتى في مراهقتها لن تبحث في الاساليب الملتوية ولن يؤثر عليها أي كان ..


أشكـرك :)

[MeEeSh]

موضوع جريء .. وطرح موفق


لنبحث في تاريخهن .. سنجد أن "البوية" لم و لا تتمتع بالحنان الاسري والاستقرار العاطفي من ناحية الام .. على الطرف الاخر سنجد ان " الكيوت " تفتقد للحنان الابوي فتجدها " مدلعة " من أمها لكنها تعاني من الطرف الاخر..

ما يجب ، هو أن يكون هناك توازن عاطفي .. من الجانبين الأب والأم ..

صدقني .. لو وجدت البنت هذا التوازن من صغرها وحتى في مراهقتها لن تبحث في الاساليب الملتوية ولن يؤثر عليها أي كان ..


أشكـرك :)

:yes:

[عاشق الهلال حسون]

هلال العرب

أشكرك أولآ على مشآركتك و على الأطرآء ،،
فعلآ كلآمك والله صحيح .. فآلقنوآت بدأت بعرض أنحرآفهـآ بصوره أحترآفيـه .. تستهدف شريـحـه تعتبر أسـآسيـآت لأي بلد .. وهي شريحة الشـبـآب .. وأيضـآ أتفق معك بأن المتـآبعه لآبد منهـآ وخصوصـآ كمـآ ذكـرت متـآبعتهم فـي سن المرآهـقـه .. يعطيك الف عـآفيـه ولآتحرمنـآ من مدآخلآتك ،،


ROMADRIDI


قسم بالله شـيـ يقطع القلــب ,, مـع إنـي أرى إن خــراب الولد أهـون من خراب البنت ..!!


أي والله يقطع القلـب .. وأهني فيك العقليه الرآئعه التي تحملهـآ .. فآلتسلح بآلدين يصد عن الأنسـآن أشيـآء كثيره .. الله يعطيك العافيه ولآتحرمنـآ من مدآخلآتك ،،


ماجد التميمي

أتمنى والله مشـآركت أخوآتنـآ .. وأنتظرهـآ .. لأنهم أقرب منـآ لهذآ العـآلم ،،

شلهوب توب

واعتقد ان المشكلة كثر خلال هذه الايام

أي والله أنـآ معك .. كثرة بشكل كبيــر .. و هلالية كيوت أتشرف بردهـآ أذآ أرآدة المشـآركـه .. نورت الموضوع يـآعســل ،،

الـقـيـصـر الـبـافـاري

والله أنـآ الي أشكرك .. فقد أختصرت وأصبـت .. الله يعطيك العـآفيـه ولآتحرمنـي من مدآخلآتــك ،،

خوفي افقدك

منور :) ،،

[back4good]

معليش احد يشرح لي شسمه ذا

البويـآت والكيوتـآت ،،

وش هي ذي ؟؟

اول مرة اسمع عنها

احد يشرح لي و اكون شاكر له ؟؟

[هلالي أخلاق]

معليش احد يشرح لي شسمه ذا

البويـآت والكيوتـآت ،،

وش هي ذي ؟؟

اول مرة اسمع عنها

احد يشرح لي و اكون شاكر له ؟؟

اخوي لو انك قريت الموضوع زين كان عرفت
بس معليه انا بترك الموضوع ع جنب وابقول لك اللي اعرفه
اللي اعرفه انه االبويه هذي ماده سائله تلطخها بشي ينصبغ :d:
:asno:أدري استاهل صفقه للتعريف :asno:
امزح معك اخوي لا تزعل بس انا ع نياتي مثلك ما ادري وش السالفه لكن اللي فهمته ان البويه هذي بنت مسترجله:lkj: وفي رواية أخرى ما تربت عدل
والكيوتات ذولي ما اعرف عنهم شي :amle:

:noo:

[الـدرة]

بصراحة الموضوع خطير ..
وفي اشياء تصير أو سمعنا عنها نخجل نقولها ..
[ قلّة أدب من جد ]

يعني حركات وقبلات وخمخمه قدام العالم وعااااادي ..

ما أدري كيف مصدقين أعمارهم ..
يعني وش هـ العقلية ..؟
الإعجاب والرسايل هذي ماعاد نشوفها صارت حركات قديمة ..
ألحين ترقيم ..

وربي سامعه شلة بنات يمشون بسرعه ووحده قالت ..
"بنت حلوة تعالوا معي برقمها "

حسبي الله عاللي مايخاف ربه ..

قلّة وازع ديني .. وإهمال من الأهل ..
يعني أبي اعرف الأهل مايشوفون بنتهم قاصه شعرها مثل الشباب ..
مايشوفون طريقه المشية وتضخيم الصوت ونوع الملابس ..

[ !! ]

أشياء يشيب منها الراس وربي ..
الله يهديهم ويردهم لجادة الصواب ..
ويستر على بنات المسلمين ..



يعطيك العافيه أخوي ..
بارك الله فيك ..

.
.

[!! دمعة المقهور !!]

بوية !! والله اني داخل الموضوع على انه متعلق بالبناء والمقاولات !!:kany:
ههههههههههه عاد ولله اني اشوف العنوان واحسب الموضوع عن العاب الاطفال :angel::angel: ..
والعذر والسموحة على هالتشبيه ياعاشق حسون عنوانك غريب ومافهمته الا بعد مادخلت ..

ماأقول إلا الله يهديهن ..

[عطِـر]

صباح الخيرات ;)
موضوع بطل أخوي ( عاشق الهلال حسون ).,
_

عانيت منه وربي :(
بتكلم عن تجربة شخصية حدثت لي , ودمرتني نفسياً :(
فالمفروض تكون النفسية تمام التمام بما إني على باب نسبة وتخرج.,
انتقلت إلى مدرسة جديدة على الفصل الثاني , على ما تأقلمت ولله الحمد , وتحقطـلي ذيك البنت المسترجلة ,الله لايوريكم , كيف كان شكلها الأكمام مرفوعة , والأساور مالية أيدينها , والصوت خشن , والظهر منحني , والشعر مرفوع بشكل عشوائي :q:
شكلها مرررعب وربي , ومو بس كذا البنت حقت مشاكل ,
يعني ضاربة بنات لما قايلها بس , وحتى المعلمات ماأسلموا منها :lkj:

المهم أصرت الا تثبت للعالم إن مجنونها ومفتونها :angel:
لازم في كل حصة تدخل وتطالع ويتخللها الصراخ والمناقز :eek:
الله لايوريكم كيف أنشبتلي , تخيلوا درجة الهبال الي سوتها فيني جابت بخاخ وكتابات على الجدار كتابت وقحه .,
وكتبوها ا تعهد وتدفع 500 ريال حق تشويها للجدران , ولافي فايده ,
وشوفوا شكلي كيف كان بين هالعالم والله ارجع البيت وانا منهارة وأصيح من القذارة الي أشوفها :cry:

أستخدمت أسلوب التطنيش كأني مأدري وش يصير قدامي وأن هاالأشياء هذي ماهي لي ,
لأني بصدق كنت أخاف منها وكنت أخاف أنها تنتقم (rambo)
بس الأخت تمااااااادت وبقوووة , فا أشتكيت ذيك الشكوة الي ورتها شغل الله :amle:
صدق صدق أتعبتني نفسياً
ولله الحمد تخرجت وأرتحت :)

_


أسباب البوية .,
1) بالتأكيد ضعف في الدين ..
2)تشتت بالأسرة , ومنها يكون انعدم التجاوب العاطفي بينهم
3)أ والأبرز عشق الفتيات بأن يكونن مركز للفت الأنظار .,
_

في شي قاعد ألاحظه , مأدري هو شي حقيقي ولا يتهأ لي ,الا حظ أجسامهم أجسام أولاد , عارفين معي كيف , يعني جسم من دون خصر , وانا كان كل اعتقادي انه مجرد تفكيرهم وأحساسيهم ولادية:d:
.
والشي المضحك المبكي , وحدة من البنات قاعد تحكيلي عن شلة (بويات ) في الجامعة , لابسين سراويل سنة :angel: تخيلوا
_

الوضع في مدارسنا مزري حد الجنون , أنهارت القيم والمعاير , اختلط الحابل بالنابل , ليت يكون في عقوبات صارمة لها الأشكال لأن الأمر زاد عن حدة فالمفروض يكون فيه قانون رادع لهذه الشريحة
( من أمن العقوبة أساء الأدب ) :hgfd:
_
مأدري اخوي بالنسبة ( للكيوت ) مأعتقد فيها مشكلة أذا كان قصدك بنت دلووعه ,
السمة الأساسية في البنات غنجهم ودلعهم ولا في غير كذا:qw:

_


أعتذر عن هالسرد المفصل , بس تحملوني , من زمان عن الشبكة :love:
اشكرك أخوي ( عاشق الهلال حسون ) طرحك جري ء ورائع , :asno:
وخليتنا نفضفض :rolleyes:
.

عطِـر

[صحفي سابق]

من يرغب بالمزيد من هذه الموضيع ومعرفة اسراره يرجع لمراكز الدراسات النفسيه

[KHASHRMI]

لا حولــ ولا قوهــ إلا بالله ‘‘

معقولهـــ هالكلامــ في دار الحرمينـــ ‘‘

الله يـــستر على بنـــاتنـــا ‘‘ وياليتـــ لو يكون التوجيهــ من التربوياتــ في المدارســ ‘‘

وردعــ الشكليهــ هذي ..
وربي سامعه شلة بنات يمشون بسرعه ووحده قالت ..
"بنت حلوة تعالوا معي برقمها "
ياخي احنـــا الشبـــاب ما سويناهـــا ‘‘ :hgfd:

والله الموفق ..

[Dr. 2'S]

‎
يسعد صباح الجميع '
اختيار موفق للقضية ،

مواقف :
* أذكر بساحة مدرستنا قاعدين الشلة و شوي إلا بنص الساحة ثنتين منتهياااات ، المهم جت المناوبة تطلعنا وتوقعت انهن يستحن شوي يقومن أو يغيرن مكانهن ولله توقعي ماصاب ، وأنا عين ع المناوبة وعين ع قلة الأدب قربت لهم المناوبة قلت أكيد بتهزأ ولا تجرجرهم ، وخاب للمره الثانية توقعي !
ماقلت إلا يلا بنات قسم أنهبلت ،
* و ع فكرة مدرسة بنت عمي المدرسات مع الطالبات قلة أدب ماهي طبيعية ..
* والمدرسة اللي درست بها آخر ترم ، اللي مالها عشيقه فيها يقولون لها ما أنتي عايشه !! قسم قرررف يع بقوة ،
أبضاية وخبلتها تسدح وتبطح ليه !! وشوله هالخبال والتخلف !


و فعلا مثل ما قلت الدرة إذا الأهل يشوفون البنت بالبيت تمايع بقوة ولا مسترجلة فلا تبحث عن الحلول من الخارج ، هم المسؤولين أولا وأخرا عن هالأمر ،
اللهم عافنا مما أبتليتهم به ،

حسون :
موضوع جميل ، شكرا من القلب ،

[باتشـي]

المشكله هالبويه لما تتخرج وش بتصير.. بتصير مدرسه مربيه أجيال يعني
وهي طالبه ع الاقل مالها أي سلطه على الي حولها لكن وهي مدرسه لها سلطه قويه على طالباتها
تحكي لي صاحبتي عن تجربه شخصيه لها انها بثالث ثانوي انتقلت لمدرسه أهليه بالرياض علشان النسبه طبعا
وهي طالبه علمي ومعروف ان أكثر ماده تأثر على النسبه الرياضيات ياترفعها ياتدمرها
ربي بلاها بأن مدرسه الرياضيات الي متخرجه لها سنه فقط كانت بويه!!!
وللأسف هالمدرسه أعجبت فيها فتخيلوا انواع المضايقات والضغط النفسي الي مرت فيه هالبنت
وصلت بهالمدرسه انها تكلمها بليله الاختبار النهائي للترم الاول تقول لها انتي غيير و و و و.. الخ وهذي أسأله الاختبار
أعطتها أسأله الاختبار علشان هالطالبه ترضى عنها وتسايرها!!!
المضحك بالموضوع ان صاحبتي نست فقره كامله ماحلتها.. المدرسه مربيه الاجيال الغت درجه الفقره علشان عيوونها وتجيب الدرجه الكامله:d:
بالترم الثاني بدت الضغوط تكون على صاحبتي أكثر لدرجه انها صارت تغيب بالاسبوع ع الاقل يوم او يومين
المدرسه أزعجتها مكالمات ع البيت ع الجوال وبالمدرسه تناديها من فصلها بوسط الحصص
صاحبتي استخدمت معها أسلوب ماأنتبهت لك ولا لحركاتك لحد ماجتها مدرسه ثانيه على اساس جايه للصلح وقالت لها وش فيك تتجاهلين المدرسه فلانه
سوت نفسها بعد ماأنتبهت لحد ماقالت لها المدرسه البويه تبين تعرفين درجتك ردي علي استمرت بتجاهلها وقالت مو لازم اعرفها
وأخر شي سوته هالمدرسه قالت لها بالحرف الواحد لك يومين اذا مارديتي علي بتندمين:yuupy:
طبعا أم هالبنت مو أحسن حالا من بنتها وكانت كل يوم تروح بنتها للمدرسه تكون على اعصابها
لحد مايجي قبل اخر الدوام بربع ساعه وتروح الام تجيب بنتها بنفسها وتستناها عند باب المدرسه
تخيلوا الضغط النفسي الي مرت فيه هالطالبه وأمها كأنه مو كافي هم الثانويه العامه علشان تزيدها هالمدرسه
الحمد لله البنت تخرجت وجابت نسبه حلوه وكانت أزمه بالنسبه لها وعدت لانها كانت قويه وتحملت هالضغوطات
لو كان بمكان صاحبتي وحده ضعيفه وعقلها صغير وتتأثر بسرعه وش كان ممكن يصير؟؟

عذرا ع الاطاله بس هالموضوع ذكرني بمعاناه صاحبتي وحبيت أنقلها لكم...

[! S A U D !]

والله ودي اتفلسف ،، بس المشكله اخوي الأطخم نايما ً بجمبي [ :angel: ] ..

آولاً آشكرك على الطرح وفتح بـآب النقاش الي آثلج صدري بصراحه [ :) ] ..

هذه الحالآت آغلب الآحيان تكون مستعصيه ،، وليس بالساهل نزعها هذه العاده الشاذه [ :( ] ..

وثانياً آبجيب على اسئلتك ..

كيف نقدر نحآفظ على شبآبنـآ وبنـآتنـآ ؟

والله هالسؤال مايتكئ على جواب واحد ،، بمعنى آوضح كلن له عادته بالحفاظ على بناته واولاده ،، لكن من ناحيتي نحافظ عليهم بالدين والنصيحه ،، وعدم كثرة الجدال معهم ،، لان بصراحه الجدآل يجيب نتيجه عكسيه ،، وكما يقول المثل [ الضغط يولد الانفجار ] ،، فيجب على إولياء الآمور والآمهات عدم الضغط على آولادهم لان هذا بنظري هو بداية التنحي عن الطريق الصحيح والكثير الكثير ..

مين السبـب فـي هذآ كله ؟ ومن وين جآت هذي الأشيـآء أصلآ ؟

السبب عدم الإهتمام ،، عدم مداراتهم ،، والاشياء هذي جت من [ لاتحظرني الإجابه ولاتعليق ] [ :( ] ..

وآشكرك مره ثانيه على الطرح ..

موفق ،،

[ابوشهاب]

والله اني داخل الموضوع احسبه انواع بويات جوتن وطقته

اما كلامك بصراحه غريب انت تتكلم عن السعوديه الي على يمينها الخليج العربي

وعلى يسارها جمهوريه مصر وفوقها الشام وحدرها اليمن

اجل وش بيصير الجيل القادم الله يجيرنا من النار ويستر علينا وعلى جميع المسلمين

[زيـزوم]

الأعضاء والعضوات تكلموا قبلي عن هالعالم الفاسد وأشبعوه نقاش .

تبون أتكلم لكم عن عالم طلاب ((الإبتدائية)) بهالثلاثة أشهر اللي طبقت فيها !؟

موضوع موفق حسون

[الجنة الزرقاء]

بصراحة الظاهرة هاذي منتشرة وبكثرة بين البنات حتى في الجامعه اللي مفروض ان البنات فيها يكونوا مثقفات وواعيات وزي ماتقول وحدة من الدكاترة انتوا المفروض تكونوا من ارقى الناس في المجتمع لانكم من الطبقة المتعلمة ...

لدرجة انه احد المباني والكافتيرايات في الجامعه صارت معروفة بها الشي يعني اذا رحت هناك ما أصدق متى اخرج شي مو طبيعي في بنات ينادوهم بنات ثانيات بأسماء أولاد والمشكلة صاروا معروفات بالجامعه انه هادي زياد وهذيك سعود وغيرها من الاسامي لا ومفتخرين بهذا الشي

الموضوع ماصار يقتصرر على البوي والكيوت بل انه صارت اي بنت بوي تشوف بنت عادية من البنات وتعجب فيها تحاول توصلها اذا مو بالطيب بالقوة واعتقد الغالبية سمع عن المشكلة الكبيرة اللي صارت في جامعه الملك عبد العزيز بسبب هالشي لدرجة ان السكيورتي خافوا يدخلوا في المشكلة ...

البنات هذولي صاروا يسوا شلل كبيرة ومخيفة كنوع من الحماية لهم والتخويف للبنات اللي ممكن تتكلم عنهم بصراحة حتى المسؤلات عن الأمن في الجامعه يخافوا منهم...

بس انا ما زلت اقوول ان اللي تدور على البنات الكويسيين تلاقييهم واللي تدور عن البنات السيئات تلاقيهم بس اهم شي نبعد عن الاماكن اللي يتواجدوا فيها وهذه الاماكن تكون معروووفة..

هذا بالنسبة لبنات الجامعه اللي يسوا هالشي عن قصد ومعرفة ودراااية للاسف

نجي للبنات المغلوبات على امرهم وهم بنات المتوسط طبعا هالبنات من السهل جدا الضحك عليهم لعدم معرفتهم بتبعات الامور

اعرف بنت للاسف ما اقدر اقول عنها الا انها غير مدركة تمشي مشية شباب وتكدش شعرها زي الشباب وتقصه قصير وعندها معجبات بنات ومع ذلك ماترضى احد يقول عنها بوي تقول انا مو بوي ايش ذنبي اذا كان في بنات معجبات فيني ويرسلوا لي رسايل هم قصدهم مو سئ بس هم يحبوا شكلي وانا مو بوي بس هم يقولوا عن نفسهم انهم معجبات بس هم اساسا يبغوا يصاحبوني بس ما يعرفوا كيف يقوموا يسوا قصة الاعجاب هذا كلامها

وطبعا اقنع من لا يقتنع ان البنات اللي يكونوا معجبات فيك قصدهم مو زي قصدك وانت ممكن تفكيرك برئ بس هم تفكيرهم لئيم بس ابدا ما تقتنع بها الموضوع

بصراحة لازم يصير الموضوع هذا مطروح للنقاش في التلفزيزن وعلى مستوى واااااسع لازم الاخصائين يتعاونوا عشان نقضي على هادي الظاهرة السيئة المنتشرة بمجتمعنا المحااافظ

[ع ـبـووود]

لاحول ولا قوة الا بالله

الله يكفينا شرهم ويهديهم

[ريـان]

الأعضاء والعضوات تكلموا قبلي عن هالعالم الفاسد وأشبعوه نقاش .

تبون أتكلم لكم عن عالم طلاب ((الإبتدائية)) بهالثلاثة أشهر اللي طبقت فيها !؟

موضوع موفق حسون


ايه الله يعطيك الف عافية ياليت

لان يفيدني وبقية الأاعضاء الي عندهم اخوان او خوات بالإبتدائي ...

همسة ::

صاحب الموضوع ...
الله يرزق الودود الولود الطيبة الزينة الي ماينمل من جلوسها ومنطوقها
ويخلي لك امك وابوك ... ويسعدك

موضوع رائع للـغـايـة ... وبصدق بصدق لم إجد أروع من طرح هالموضوع بهالشكل
كثير إنطرح بس الردود كانت تشطح مابين " مطبل " للأمـة وفضائلها
ومابين " مظرة سوداويـة " ... لكن كما في هذا الموضوع من
" طرح " حقيقي ومناقشة هادئة وسرد لـ " وقائع "

شكرا لكل من طرح... وإيضا نريد المزيد

نريد التعمق وإستكشاف المسكوت " عنه " ... حتى نستطيع ان ننفر او نواجه
حسب " الموقف " ....

[TOTTI 10]

الأعضاء والعضوات تكلموا قبلي عن هالعالم الفاسد وأشبعوه نقاش .

تبون أتكلم لكم عن عالم طلاب ((الإبتدائية)) بهالثلاثة أشهر اللي طبقت فيها !؟

موضوع موفق حسون


والله ياليت سلطـان لو تكلم عن هالمـوضوع الحساس ..!!:)


المجتمع تغير كثير صـراحة مـهب مثل قبل عشر سنين ..!!:(

[زيـزوم]

الأحبة : ريان ، ROMADRIDI

لعلي أتكلم عن النقطة اللي طرحته بموضوع قادم ( أشمل ) ، والإعتذار لحسون عن الشطحة

[أبانمي]

jebohom we86ohom bel khobar althanawiya 3shan yt2dbon

[لورين]

اتوقع انكم مره مباآآلغيــــــــن مو لذي الدرجــه عاد

يمكن فيه اعجاب بين البنات بس ماتوصل لدرجه ان هذي بويه وهذي الليدي حقتها

يعني اعجاب جابت لها ورده وجابت هديه عطر سواره وماشابه

اما ان العلاقه توصل للسحااق ما اظن ابدا

وين احنا ترانا مجتمع اسلامي

وانا من يوم اني بالأبتدائي وبعدها المتوسط وبعدين الثانوي

ماشفت هالاشكال الا بثالث ثانوي حتى شلة خالات يخوفون مرره

يعني في 12 سنه شفت اعجاب صح بس ماشفت توصل لدرجة البويات عافانا الله

ويوم دخلت الجامعه شفت وحده مرره معرووفه في الجامعه انها بويه

حتى يسمونها يحيى والسلاسل اللي تلبسها جماجم وما ادري وشو من هالاشياء


بس في المذكور اعلاه احسكم مبالغين مررهـ


والشيء يرجع حسب المدرسه

الحمدلله ان امي وابوي من عشاق التعليم

والمدارس اللي ندخلها يختارونها بعنايه حتى لو بعيده عن حينا

وفيها بنات مشايخ مشهورين كثيـــر مــرهـ

يمكن علشان كيذا ماشفت هالاشكال والله أعلـــم


مشكوور عالموضوع الحلو .,~

[Dr.Fawaz]

اولاً الموضوع في مجتمعنا مو متعلق في البنات فقط ,, حتى العيال الله يستر عليهم لهم ممارسات شاذة و بكثرة بس مشكلة مجتمعنا نشوف مشاكل البنات بحكم انها تتعلق بالشرف بس نتغافل عن مشاكل العيال بحكم انهم ( عيبه في جيبه ) ,, و هذي مشكلة اعلام تسلط الضوء على المرأة و تتغافل عن مشاكل اكبر و اهم تحصل عندنا ,, اللي عجبني في الموضوع انه للنقاش و البحث عن الحلول بعكس المواضيع اللي تتهجم و يكثر فيها الصراخ اكثر من البحث عن الحل ,, بس برضو لازم نسلط الضوء على مشاكل العيال ,,

من وجهة نظري ان البنت تضعف عند الاهتمام وعاطفية بزيادة ,, كيف لا و هي اللي تغار لا شافت بنت غيرها تحب و مبسوطه و عايشة قصة حب و هي ياعزتي لها مالها احد :( ,,

يعني لما تكون بنت ( كيوت ) في فراغ عاطفي و لا فيه احد يهتم فيها و يجيها بنت ( بويه ) تكون اكثر الناس العارفين بـ احتياجات البنت و تعطيها اللي هي تبيه ( تعطيها جوها ) و تهتم فيها و تجيب لها هدايا و اتصالات و كلام حلو ,, ممكن انها تخق البنت و تضغف :qw: ,,

الله يستر على بناتنا و بنات المسلمين و الله يكفينا شر هالدنيا ,,


كيف نقدر نحآفظ على شبآبنـآ وبنـآتنـآ ؟

ما فيه شي يمنعك كثر دينك ,, زيادة التوعية الدينية ,,


مين السبـب فـي هذآ كله ؟ ومن وين جآت هذي الأشيـآء أصلآ ؟

السبب الاهل اللي ما ينتبهون لعيالهم و بناتهم و يعطونهم ثقة غريبة و هم في عمر المراهقة !!
يعني مراهق بالله كيف بتثق في اللي ممكن يسويه ..!؟ ممكن يسوي اي شي و لازم تكون حريص عليه ,, حتى و ان اعطيته الثقة و كان قدها لازم تكون وراه لأنه يظل مراهق يشوف الدنيا بالنظارة الوردية اللي تزيد الفضول و تخلي كل شي حلو و ممتع بغض النظر عن انه سليم او لا ,,
ما جات من مكان معين ,, هذي فطرة البشر ,, بس فيه السليمة و فيه الشاذة ,, و الدليل انها مو وليدة اليوم و الا بعد حدث معين ,, بس الفكرة في كثرتها في الزمن الحالي و انشغال الاهالي عن ابنائهم و بناتهم ,,

تحيتي لك ,,

[هلال العرب]

تبون أتكلم لكم عن عالم طلاب ((الإبتدائية)) بهالثلاثة أشهر اللي طبقت فيها !؟
هلا زيزوم
انت تقول لك ثلاث شهور
طيب وشرايك باللي عايش مع الطلاب سبع سنوات
ماكنت متوقع ان هالأمور متفشيه بين الطلاب
إلا بعد ما اكتشفت وحده من هــ الحالات

اتوقع انكم مره مباآآلغيــــــــن مو لذي الدرجــه عاد

يمكن فيه اعجاب بين البنات بس ماتوصل لدرجه ان هذي بويه وهذي الليدي حقتها

يعني اعجاب جابت لها ورده وجابت هديه عطر سواره وماشابه

اما ان العلاقه توصل للسحااق ما اظن ابدا
اختي لورين
مافيه دخان بدون نار
ومجتمع البنات تنتشر فيه هذه الامور بنسب أكبر من مجتمع الأولاد
إلا أن انتشار هذه العلاقات بين البنات وتواجدها
قد يستمر بهذه ( العلاقة الشاذة ) إلى مابعد زواج البنت
ولا أقول هذا من فراغ بل وقفت على أكثر من حادثه تؤكد لي ذلك
بعكس الأولاد التي تموت فيه هذه العلاقة
بمجرد خروج الولد من فترة المراهقة

[السـ القاتل ـهم]

الله لا يبلانا ..

[مرتاح احبك]

:eek:

يعطيك العافية ،،

انا عندي خبر ان البلاوي ذي اللي ذكرتها موجودة في البلد ،،

لكن صراحة ماني مقتنع بان الموضوع وصل مرحلة ان اغلبية بناتنا هم من هالنوعية المضروبة زي ما يتضح من الموضوع الرئيسي وبعض الردود :

هذآ قسمين أنقسموآ بنـآتنـآ بينـه هـآليومـيـن .. وصآر الموضوع كبير .. ويمكن بدأ يوصل لدرجـة صعـب أنك تقدر توقفـه .. للآسـف !

وان للإسـف 99 من البنات اللي عندنا يميليون للعلاقه مع البنت وليس مع الشاب ؟؟

هي ظاهرة سيئة ومقززة ،،،

بس رجاء حطوا كل شي في موازينه بدون انكار للظاهرة وبدون تضخيم لها حتى اللي يقرا الموضوع ممكن يطلع بانطباع ان اغلب بناتنا كذا !

مشكلتنا مافيه جهات تعطينا اول شي وش هو الوضع الحالي في المجتمع بشكل دقيق ،،، فبالتأكيد ماراح يكون فيه حل لهالمشاكل اذا ماعرف حجم المشكلة وتداعياتها

فتجد ناس ماهوب عارفين وشي المشكلة اصلا
وناس تبالغ بطريقة ماهي عقلانية

وبما اني مانيب بنت :rolleyes: فما ابغى اتفلسف اكثر من كذا

بس ودي من اخواتي البنات انهم يعطوننا نسبة تقريبية لهالعينات في مدارسهم

يعني الفصل اللي فيه 30 بنت كم فيه من وحدة مضروبة على سبيل المثال ؟

في الختام ما اقول الا اسألك يا ربي انك لا تبلانا ولا تفتتنا

تحياتي للجميع