المساعد الشخصي الرقمي

مشاهدة النسخة كاملة : خاص بسفر وبس (ماابي ملاقيف وبالذات الشاطر)

هاوي الهلال
31/12/2001, 04:42
تحياتي ..

انا داري ان الملاقيف واجد وكثير بيخش ... علشان كذا بوجه كلامي لجميع الاخوان ..

بصراحه محرج من هالكلام اللي بقوله ..(اقول بلا مقدمات ابدأ احسن)
القصه ومافيها ان سفر معي على الماسنجر من زماااااااان بس ماكنت اكلمه ..
بصراحه كنت اشوفه انسان مغرور .. وماكنت متنازل حتى اني اكلمه على الماسنجر :confused:

ومرت الايام .. وحصل توقيف الشاطر ايام الزعيم ... والكل كان حاط في باله ان سفر هو السبب .. وحقدت عليه اكثر ..
حتى مواضيعه ماكنت اقراها .. واتجاهلها ولا كانها موجوده ..
وانقطعت عن النت فتره ولما رجعت .. ودريت عن الشبكه الجديده من طلال .. سجلت على طول
بس فرحتي ماكملت يوم لقيت اسم سفر موجود .. وانه من بين المشرفين ..

بس قلت وش علي منه .. بسجل .. انا في حالي وهو في حاله ..

وشاء القدر اني القاه في يوم على الماسنجر .. قلت خلني استفزه وباركتله بالمنتدى الجديد .. بس طلع احسن مني .. ورد علي احلى رد ..
ويوم ورى يوم صرت اقابله . على الماسنجر .. وشوي شوي اتابع مواضيعه ..
وبعدها اتاكدت انه ماله اي ذنب في موضوع الشاطر ..


ويوم ورى يوم يثبتلي اني غلطان .. وانه رجل بمعنى الكلمه ..
وهو ابعد شخص عن الغرور ... ويعامل الكل .. وكانهم اخوانه ..
واليوم بعد موضوعه عن المتميز حسيت ان هالموضوع مايكتبه الا رجال .. وواحد معدنه اصيل ..


اخجلني .. سفر باسلوبه معي .. وقمته في كل شئ ..
وكل مره اقابله واشوف معاملته .. اكره نفسي .. وحسيت اني غلط غلطه كبيره ..
واني كنت فاهمه غلط..

وقدام الجميع اعترف اني غلطاااااااااان ...
وكلمة اسف قليله في حق سفر ..

واتمنى انه يعذرني على هالكلام
اللي مستحيل كنت اقوله الا بعد ماتاكدت انه فعلا .. رجل بكل ماتحمله هالكلمه من معاني

وفعلا .. هو نجم بين نجوم المنتدى الاسطوره وطلال والنجيدي و باقي الشرفين والاعضاء ...


اسف .. يالغالي سفر ...


عارف ان هالمكلمه شوي في حقك ..

لكن فعلا .. انا حسبتها غلط)



تحياتي
خالد
:)
الاســـطــــوره
31/12/2001, 04:54
أخوي الغالي (( هاوى الهلال )) :) ,,

كلماتك جميله المعنى ويتخللها الكثير من الاسف , ولكن ثق ياغالي ان سفر او اى عضو هلالي لايحمل بقلبه اى ضغينه او كره على صديقه الهلالي , فقد نعتب على بعض و نعم قد نزعل من بعضنا ولكن مانلبث الا ونتصالح وتعود المياه لمجاريها :) فمن يقدر ان يشيل على صديقه الهلالي , انا لا اعتقد سفر او اى احدمنا يحتاج موضوع (( اسف )) من بعضنا البعض فنحن اخوان واحباب بين بعضنا البعض والذى يربطنا الاخوه والمحبه والاحترام المتبادل :) ,,,

ياهاوى ثق ان الدنيا لازالت تعلمنا الكثير والكثير من طباع الناس وتصرفاتهم والافعال هي من تظهر معادن الناس وطيبهم , ولله الحمد اني وجدتكم وكل الهلالين منبع الطيبه والوفاء (( واذا تبي الصدق )) والله العظيم اني احسد نفسي عليكم واتمنى ان تكونون دائما معي ,,, :)


(( ترى الهيئه يقولون انك انحشت منهم وهو يدورونك , لاتجي للمنتدى الا بعد كم شهر )) :D



تقبل تحياتي لك ياوافي ولكل اعضاءنا الاحبه (( والله لايحرمنا منكم ابد)) :)
الاسـطوره
31/12/2001, 05:57
سمعت ان في اثنين هنا متطاقين مدري اذا تبون فزعه ولاشي ترى منب متطاق بس يالله سامحتكم هالمره تدرون ليش عشان اخوي الطويل الاسطوره متواجد..:D :p ;) :D
جـــلال
31/12/2001, 11:26
المعذره كل المعذره على التدخل..

ولكن موضوع أخوي خــالد شدني بشكل كبير لنفس السبب...

صدقوني كنت أشوف في سفر شخص قمه في الغرور..

واللي ثبت المعلومه في راسي أكثر كنت عالماسينجر ..

وفجأه (قام ســــ9ـــــامـــ9ـــي بتسجيل الدخول)..

قلت خلني أسولف معه لأني أول مره أشوفه عالماسينجر..

فجأه لقيته معين حالته(مشغول)..

قلت قسم بالله أنه مغرور وشايف نفسه وحرمت أكلمه..

أشتكيت للأطخم أبراهيم النجيدي منه ..

وأقنعني أن سفر غير ماأنا متصور..

وبالفعل مرات كثيره تكلمت معه وصدقوني ماوجدت شخص قمه في تواضعه مثل سفر..

وأنا أضم صوتي لصوت أخوي خالد وأقول أخطأت في حقك وأقبل عذري..

واللي مايعرفك يجهلك ..

وأنا متأكد أن قلبك كبير وبتقبل هالعذر..

تحيـــــــاتي لكم جميعا ولك بعد أخوي خالد..

أخوكم :جلال الشريف
ســ9ــامــ9ــي
31/12/2001, 11:35
أخوي الغالي خالد ...

تمنيت أنك ما كتبت هالموضوع ياغالي ...

والله اللي بينا كهلاليين وأخوان أكبر من أن تعتذر لي ...

والواحد يحمد الله أنه تعرف على شخصيات بحجم محبتكم وقلوبكم الكبيرة ...

وأخوي الغالي جلال الشريف ...

خلاص من اليوم ما أحط مشغول نهائيا:D ...

والله العظيم لو تعرف الظروف لتقدر ياغالي ...

ومستحيل أي واحد فينا يتكبر على الثاني ...

وليش الغرو على أخواني ...

والله يديم المحبة لنا جميع ...

أما الغالي الأسطـــــورة ما يحتاج أرد عليه ...

فهو يعرف مكانته بقلبي ...

برايفت لهيئة شبكة الهلال ...

فيه واحد مسكتوه ودايم ينحاش ممكن ترسلون لنا جمس عليه حراسة قوية :D :D :D :D ...

ولكم تحياتي ياغالين ...

أخوكم / سفر المرزوقي .
ارفع راسك انت هلالي
31/12/2001, 12:35
ياملحكم يالهلاليين الله لايحرمنا منكم....

مااقول الا الله يكفينا شر الحساد...

صحيح اني ماعرف بعض الاعضاء الا بالاسم لكن يشهد الله ان محبتهم في القلب...

وكلمه حق في سفر ان سمعته الطيبه واخلاقه العاليه هي سبب شعبيته الكبيره ولا يهونون باقي المشرفين...

وتصرفك ياخالد هذا مايتصرفه الا رجال عن جد واعتقد كل الهلاليين رجال و يعجبونك ...
المتميز
31/12/2001, 13:22
انا ماراح اتكلم عن سفر بتقولون هذا صديقه واكيد بيمدحه ... لكن للتنويه بس موضوع سفر كان لغرض معين وفي كل مره سفر يثبت معدنه وماهي غريبه عليه ....

الشيء الاساسي اللي خلاني ارد هو اني جاي (لاضافة رد) ادور مكان اتخبى فيه مع اني ماقد صار لي مشاكل مع الهيئه ومالي في البنات الا اني اخاف منهم هالحين اذا صرت مشغل اغنيه وشفت هيئة شبكة الهلال طفيتها بسرعه :D :D
هاوي الهلال
31/12/2001, 13:46
اهلين فيكم شباب ..

نورتوا المنتدى ...


الاسـطــوره
بالتاكيد سفر ماراح يحط شئ في قلبه .. لكن تعامله .. وونظرتي في الابدايه فرضت علي الاعتذار ..

بس وش رايك .. دوخت هيئتكم :p
<========== خبير في التعامل مع الهيئه :D


الاسطوره (التقليد)
اي مطاقه .... ماتشوف جيوب سفر والاسطوره (الاصلي) ومعهم جمس الهيئه يدورون .. لين راحوا بنطاق ;)


Mr.jalal
مشكور يالغالي على مشاركتك .
واشوى في احد غيري كان حاقد على سفر ... تصدق اول اكره نفسيس .. الحين صاير اكرهك انت بعد :D


ارفع راسك انت هلالي
مشكور يالغالي على مشاركتك .. وماقصرت :)

المتميز
مهما كانت اسباب كتابته للموضوع عنك .. بس اثبت معدنه ..
ومشكور على مشاركتك :)


ســ9ــامــ9ــي (سفر)

اهلين سفر .. بالعكس اقل شئ ممكن اسويه اني اكتب هالموضوع ,,
بس اشوفك مصر على جمس الهيئه ....
تصدق علد انا ماكتب هالموضوع الا علشان اتمصلح .. وتفكونا من شركم انت والاســطــوره .. وهيئتكم ..:D
بس الظاهر مافي فايده ... :( خلاص هونت مافي اعتذار :D



تحياتي
خالد
;)
راعي المحبة
1/1/2002, 11:45
اخوي هاوي الهلال
ومعي انا حصل نفس الشي

وما اقول الا الكبير كبير يا سفر

===> بس لو تشيل البلوك اللي حاطه لانه اعدم راسي:(
TOTTI- 10
1/1/2002, 11:53
الله يديم المحبه بين اعضاء المنتدى و المشرفين .
3boud
1/1/2002, 21:15
انحش....جتك الهيئة

الحمد لله مافيه بنات,.,,,,و الا مسكونا الهيئة بتهمة المغازلة:D :D :D
الله يديم المحبة و المودة و الصفاء والاخاء والفول والطعمية:D :D