الإيدعشريين والإيدعشريات ... [الأرشيف]

مشاهدة النسخة كاملة : الإيدعشريين والإيدعشريات ...

هلال العرب

3/8/2008, 18:19

http://www.adslgate.com/dsl/customavatars/avatar20208_1.gif

أهلين بــ الأبضايات والمعتـّرين والمعتـّرات
أهلين بــ الإدعشريين والإدعشريييات

كيفكم إن شاء الله بخير

هذا الموضوع راح يتكلم فيه كل أبضاي (himo)وأبضايه:qw: وايضا الزلايب :d:عن مغامراتهم ومطاققهم مع أي أحد في البيت والمدرسه والشارع والملعب:jhgy: أو في أي مكان
الأكيد كل واحد ووحده قد إنجلد في يوم من الأيام والأكيد بعد إن البعض مابعد انجلد (himo)وهذا قليل بالحيل

طبعا الموضوع يتكلم عن ذكريات الطقاق والمشاكل قديما
وإذا فيه أحد إنجلد هاليومين يعلمنا:fghty:

طبعا محدثكم نص إيدعشري:angel: أجلد:jeng: وأنجلد:slv:ويمكن أصيح:cry:

ومن هالسوالف اللي قد حصلت معي
أذكر مره أيام الإبتدائي كنت مع عيال الحاره في رمضان بعد صلاة العشاء
جالسين عند بوابة مسجد الحاره
وكان فيه واحد أقشر:amle: جالس يتحرش باللي جالسين وكان معه سلك كهرب
المهم مسكت معه على اخوي اللي أصغر مني
وهات تمحيط خفيف بالسلك على اخوي وأنا وعيال الحاره جالسين:q:

بدأ اخوي يكلمه ويطلب منه انه يتركه بحاله
والولد ماعنده أمل يتركه بحاله
والله وتاخذني النشوه كأني باباي ماكل سبنتش:d:
وهات ياكفوف على وجهه والرجال يمحطني باللسلك
وعينك ماتشوف إلا مجالد وطقاق
وكل واحد يرفع صوته على الثاني علشان يخوفه
المهم بديت أنا وياه بالصياح:cry:
بس قلت ياولد عطه الساخن وآخذ منه السلك وجلد وتمحيط
إلين جاء واحد يمني وفكنا
تبون الحقيقه أنا وهالأقشر انبسطنا لأن فيه أحد فكنا من بعض
بس عقبها هالأقشر ماعاد تحرش بأحد من عيال الحاره
لأني صرت أبو النار(himo) حق الحاره
والمفاجئة أن هالأقشر بعد سنوات صار عم زوجتي :jhgy:

والحين اخوكم يمشي جنب الحيط
لاأجلد علشان ماانجلد:angel:

عطونا ذكرياتكم مع الطقاق

دمتم بكل الخير

لورين

3/8/2008, 18:32

وهات ياكفوف على وجهه والرجال يمحطني باللسلك
وعينك ماتشوف إلا مجالد وطقاق
وكل واحد يرفع صوته على الثاني علشان يخوفه
المهم بديت أنا وياه بالصياح

<~ تسني اتخيلكم

نياهاهاهاها

والله موضووع مآآرهـ حلو

ويااكثــر ما انطقيــت واقعد اصيح

واجيب مشاعل فزعــه وبعض الاحيان تطق وبعض الاحيان تنطق

لي بآآك ان تذكرت موقف ولا شيء من تسذا :d:

بدر الجنوب

3/8/2008, 18:41

انا الطقاق.. كان ملازمني في الصغر..
مااروح حديقه والا منتزه والا عرس ومااطلع الا ولازم اجلد فيه احد..:d:

اذكر مرة كنا مصيفين في ابها كنت وقتها سادس ابتدائي..
ورحنا لمنتزة ابو خيال جات وحده وضربت اختي اللي اصغر مني.. وانا اللي اسوي فيها ابو العرابجه
لزوم الفزعه..:angel:

واراقبها الين مسكتها.. واعطيها ذاك الكف اللي يبرد الخاطر.. وجلست المسكينه تصيح :cry:

ودي اعرف وينها الحين اروح استسمح منها :d:

لكن بعدها الحمدلله مااذكر اني ضربت احد او احد ضربني..

يعني بإختصار كبرنا وعقلنا..:kello:

Golden Pen

3/8/2008, 19:12

طرح جميل واكثر من رائع ويعيدنا للذكريات...
انا بصراحه اغلب مشاكلي عائليه..يعني ابناء العمومه
وابناء الخلوله((ابناء الخوال)) المووهيم هوشاتنا دائمه
دام اننا نلتقي ونتجمَع.. واكثر واحد كنت اتطاق معه خااالي
كنت مقهووور منه...كيف خالي واصغر مني وكل يوم انا ويااه
هوووشه. اما الحاره بصراحه عيال الحاره عقال مهنا مشاااكل،
المدرسه مااذكر لي مع الطلاب مشاكل سوى هوشتين بس،
اولها بالتمهيدي كان معي طالب خال هههههه...المهم اول ماشفته
قلت ياسوداني<<تعرفون العقليه ماااش المهم انو جا وعلمني منهو السوداني
سبحان الله دارت الايام واجتمعنا بالمتوسط وكان بيننا احتكاك بسيط واخذت حقي منه
بطراااق اليم جدا سمعه المدير وحنا بمعمل الفنيه.لاكن الشخص هذا حاليا من اعز الناس
عندي. هذا مابجعبتي ومشكور مررره يالغالي.

جداوي بس هلالي

3/8/2008, 19:28

موضوع رائع للغاية

عندي كثير من المواقف الي انجلدت فيها والي جلدت فيها

ان شاء ارتب لكم كم من موقف

واسدحها فيذا

معذبني الهلال9

3/8/2008, 21:20

جينا على الطقاق

يوم اني صغيره قبل ما ادخل المدرسه كنت دايما بالشارع وخذلك تكفيخ بالبنات

وما اخذ ساعه الا انا منطقه من اخوها:yuupy:

ومره بالمتوسط صارت هوشه بين شلتي وشله مكروهه بالفصل المهم قبل لا يبدون بالهوشه قالوا لي انتي

محترمه اطلعي منها <<<< ياحليلهم يحسبوني هاديه :d:

والله وبدت الهوشه وانا اشوف صديقاتي الرخمات واطب بالهوشه وخذلك تكفيخ والله انا ماكان عندي الا الشعر

ويوم خلصت الهوشه حسيت الفصل مشغل والبنات قاصين شعورهم فيه:d:

وطبعا من بعد الهوشه وهم يسموني الشريه:d: من بعد المحترمه:sheto:

طبعا هوشاتنا ولا شي عندكم يالشباب

مشكووور اخوي على الموضوع

تفاريس9

3/8/2008, 21:35

عــُدنا :qw:

هـ الموضوع بيطلع فضايح و ذكريات :angel: ..

بـ أمسك خط :kello: ..

مرّه كنت طالع لـ متنزه ، و تحارشت مع خال :angel:
و يجيك هـ الخال يهايط عليّ :( ، يهايط عليّ أنا المسكين :cry: ..
و أمسكه و أكمخه بـ كم بقس :d: ، وهو ماقصر فيني :cry: ، و تروح وحده من قرآيبه و تعلم أخوه الكبير :jhgy: .
و يروح ولد خالتي ينادي أخوي :kello: ، و نلاقي الخال الكبير جآيب " عدّته " من عصا و إحتياجات أخرى :angel: .
و أنا ماغير جلـد بـ الخال :d: ، و يجي الخال الكبير بيضرب أخوي بـ العصا :yuupy: ، و يستلمها أخوي بيده :love::fghty: .
و يأخذ أخوي " حصى " من الأرض و يلحق الخال و الخال يزبن و أخوي ورآآآآه :jhgy: .
و يمسكه أخوي و يتفلت عليه ضرب :kello::q: .
و بعد محاولات عدّة مسكت إدارة المتنزه أخوي و الخال :kany: .

و طبعاً أستلمتها جلد بالبيت من أخوي عشان ما أتعودها :(:d:

ع فكرة أخوي يلعب تايكوندو :cool: (himo)

و بعطيكم وحده ثانيه مو جلد بس تصريفه يوم بكيت :angel:
أذكر يوم كنت بأولى إبتدائي كان طول وقتي مع محمد ولد خالتي :love::jhgy: ..
يوم جت الطلعه قالي محمد أمسك شنطتي و وقف هنا شوي و أجيك .. قلت طيب :( .
و أنا كنت خايف :(:d: ، و أجلس أبكي يوم رآح هههههههههههه :angel:
يوم رجع قالي وش فيك ؟ قلت الشنطه ثقيله :kayf: :angel:

نوااااااااف11

3/8/2008, 21:49

ماشالله كل واحد مسوي نفسه الايدعشري
يعني ولاواحد فيكم قد انجلد :angel:

اذكر من زمان عندي ولد خالي مزحه بثر وكان طويل شوي ومعصقل
اذكر مره كنت متكي على جدار نشوف التلفزيون وهو من الفضاوه ماعنده شغل
ولازم يسوي اكشن قرب لمي وحط يده على جبهتي ويصقع راسي بالجدار من ورا انا كلي
ماعاد ادري وش السالفه وهو ميت ضحك :d: المهم واقوم وراسي احس انه ناشب بوجهي
رايح للمطبخ
والقا مكنسة اليد مربعه اللي تسنها يد باكستاني واخذها معي والقا ابو الشباب جالس ومعطيني ظهره
ومبسوط عند التلفزيون ونا امسك المكنسه بأقوى شي واعطيه رصعه مع راسه
خليت عيونه توقف :d:

كيوووت

3/8/2008, 22:04

مساعد الطيار

3/8/2008, 22:23

لي عوده ان شاءلله

قلبها ازرق

3/8/2008, 23:37

صراحه انا من النوع اللي ماعمره تمشكل ابد ناعمه:angel: مسالمه لااابعد درجه:angel: ..

بس اذكر بالابتدائي اذا منيب واهمه اولى جتني سودانيه قالت عاوزتك تصيرين صديغتي :d: قلت لا امااحبتس شعرتس معكرش :d:

المهم قلت ماابي سكتت ماقالت اي شيء يوم جا بكرا والا هي مقبله مع خوياته وتحط ايدها على كتفي وتقولهن هادي صديغتي ههههههههههههههههههههههههههههههههههههههههه:d::d:

وعاد انا رضخت للواقع وصاحبته وكانت حليله < تخاوي خواجات من يومه بزر ههههههههههههههههه:d::d: بس نقلت من المدرسه بعد اسبوع وحزنت عليها بجد :cry::d:

____

وفيه بعد مره اذكر فلقني حموده ولد جيرانا ابد جدارنا بجدارهم ماادري وش عشان يمكن عشان قلت ماابي اصير خويتكم :angel:

فلقني مع جبهتي < بس الحمدلله اللحين ماله اثااار :d: ورحت قلت لمي وراحت امي لمه وماعاد

يحركني وهجد من بعدها :d:

مشاعل الزعيم

3/8/2008, 23:45

يووووه اغلب المواقف انجلد واجلد لكن اللي ماانساه سالفه قد ذكرتها قبل هنا يوم وحده شيعيه مسكتني على المسرح وهات ياتصفيق فيني قدام الله وخلقه كل المدرسه واقفه تطالع بالمهرجان اللي يصير فوق من جد تفشلت وماعاد لي وجه ادخل المدرسه وهذا بالمتوسط :d:

اما بالابتدائي وحده الله يرجها ياهي متسلطه علي بعد الصرفه تناديني تقول امشي وترمي شنطتها من فوق وتقول روحي جيبيبها واروح اجيبها واطلعها لها للدور الثالث واذا جبتها رمتها مره ثانيه واروح اجيبها بعد وهي وشلتها يضحكون علي كانت ترووووع جثه وضخمه ماكانها بابتدائي وجننتني كل صرفه صرت اكره انصرف واندس عنها ماادري الا اللي كاشفني وتخيلوا 4 سنين وانا على هالحال ترمي الشنطه واروح اجيبها :d:

هاوي نو11ف

4/8/2008, 01:39

أذكـٍر مرة في رمضـأأن كنت في الابتدائي ،،:d:
،،
المهمـ ،،
،،
انا واخوياي في كل صلاة ترواايح نبدا الادهأٍر :d: ،،
فـ يوم من الايـام في صلاة الترآويح اقترٍح علينأ واحد اقتراااحـ ،،
قـأأل وش رايكم والنـأأس يصلون الترآويح نولع صوآآريخ ونوجههـا عليهمـ مرة وحدة وهم يصلون ،، :d:
قلنـأأ ياللهـ وكل واحد يولع داخل المسجد ماتسمع الا ووووووووووين طعـ :jhgy:
،،
يوم خلصوٍأأ من الـصـلأة جـأأء الامـآآم لمنـآآآ ،،
المهم كلهمـ هجوأأ الا انا :kayf:
سويت نفسي قـــوٍي ،،
واشوفهـ يجي لمي وانا ولا همني مآآآدريت الا يسدد لي ذااك الكفـ الا من بعدهـ كرهت شي اسمه طرطعاان :cry:
وانهمر في البكاأأء واخويأي ضحك علي :cry:
وادخل البيت وقعدت لي كم يوم ماطلعت منه :cry:
،،
ومن بعدهـأأأ حقدت علىآ الامـأأأم حقد شديد ،،:lkj:
،،

بدر الجنوب

4/8/2008, 03:39

شلهوبي&موهوبي

6/8/2008, 19:46

هذا الله يسلمكم ولد جيرانا بالسويدي اسمه معتصم :love: وكان اعز واحد بالحاره لكن يوم الأربعاء بالذات يصير عدوي :angel: يجي ولد عمي ويقول يالله نجلده والضعيف اطلعه من بيتهم وندبغه الين ما يبكي :d: .

واذكر فيه واحد صكني كف يوم كامل قعدت اصيح :d: .

ابوسعد الهلالي

6/8/2008, 20:12

ههههههههههههههههههههههههه

موضوع رايق بصراحه غطى على موضوع الاعترافات..

انا مواقفي اتذكر اني كتبتها مع سعيدان ولد عمي في موضوع مستقل ههههههههههههه

واذا فيه شي محرز بذكره بس على حسب الاعترافات لانها الين الحين عاديه ..

متابع بعنف ,,,

abo wdee3

11/8/2008, 00:26

اووووووووووووهووووو هههههههههههههههههه يمديني ياشيخ اسويلك مواضيع بوسط هالموضوع عن المضاربات خصوصاً يوم اني بزر , الحين ماش مدري وش جاني شكلي صرت رخمة ههههههههههههههه

اول مضاربة بحياتي كانت ببيت جدتي جلدت 2 من عيال عمتي وطردوني أهلي بالشارع حفيان :angel:

ومرة ثانية عند بيت عيال عمتي ذولي جاء ولد عمتي ثاني مهب ذولي واحد ثاني وقعد يطرطع على سيارة ابوي وامسكه واجلده جلد وشف عاد زمن العجائب جاء ابوي وجلدني أنا !!!!!!!!!!!!!!!!!!!!

ومرة عطيت مدرس الفنية كف لأنه يقول اذا لمس الدوسري الكورة بحط بلنتي على فريقهم وسواها صدق وأتحمى له بهاك الطراق بس قهرني المتخلف قعد يضحك مدري ليش أنا ابيه يطلع اللي براسه :angel:

وفيه صومالي كنت اذا طلعت طلعة وما لقيت ابوي رحت أجلده إلين المسكين ما صارت أمه تجي تاخذه من المدرسة :angel:

ومرة كنا حنا بثالث ومعنا واحد جثة وكبير دايم يسقط وانواع الهياط عاد واعدته بالطلعة وقابلني الولد , تعرفون اذا صار كل واحد خايف من الثاني ؟ :d: أبد زي كذا مغير مناوشات ودفدفة اليـــن ما شفت سيارة ابوي مقبلة :d: واتحمى له بهاك الطراق ما دريت الا الولد ينحاش !!!! وطردي بهالشموس وابوي يا مال الجنة يصوت لي يا محمد خل البزر هههههههههههه وانا عاضن ثوبي ولا اشوف الا ( زهير ) ابلعن امه عاد بالنهاية مسكته وطقيته ونزل ابوي وكمل الناقص ,, ولله الحمد أول مرة أبوي يدري اني طقيت أحد ولا يجلدني :d::d:

عاد زهير ذا نقل من المدرسة ويوم رحت المتوسطة الا وأشوف الولد معنا ومن شين الحظ أخوه يدرسني :d:

اما المضاربات اللي انجلدت فيها دايم مع اخوي منجلد والله يا انا ناوي عياله هههههه .. ومرة طقيت واحد جاء اخوه من بكرا المدرسة وجلدني ,, ومرة طقني واحد بسادس يوم كنت باولى او ثاني لاني كبيت عليه موية ,, ومرة حدني راعي لكزس أيام المراهقة وانا اللي اوقفه يوم نزلت والا هاك الجلف قلت ما بدهاش يبو وديع اقتصرها على كلمات جارحة وانفذ بجلدك هههههههه المهم عطاني كف ابن الكلب وهو بالسيارة ياشيخ اذني الى الحين تزن اذا تذكرته :d: ويمشي يبي ينحاش وانا ادور اي شي وما لقيت الا نعالي الله يعزكم وارميها عليه خلاص خاربه خاربه ووقف هو عاد رحمني ربي وصار فيه راعي دوريه شايف السالفة من اولها ولاحقنا والحمدلله ما أمداه ياصلني البعير إلا والدورية عندنا وعدت على كف بس هههههههه , ياشين اذا صار اللي تضاربه قوي ولا بيدك شي :d:

هذا اللي اذكره الحين ان ذكرت شي خصوصاً ( مشرف ) تأكد اني ابرجع هههههههه

Hard

11/8/2008, 01:35

اذكر مرة كنت في بيت خوالي رحت عندهم يوم اربعاء على اساس اقعد خميس والجمعة اروح بيتنا..

تهاوشت انا وولد خالي وانا بصف سادس وكان اصغر مني بسنة وحنا نتهاوش قلتله ماراح اتركك لين تبكي قال والله ما ابكي.. عاد انا مسكت كأسة مويه استيل مدري حديد وصقعته مع اسنانه لين انكسرت فيه سن وطلع يبكي وسمعت صوت الحريم امه وعماته اللي هم خالاتي.. كانوا نازلين مع الدرج اللي تقول وينه هذا الصايع واللي تقول الله لا يحللك يابن فلانه .. :d: على طول انا انحشت وفي فله كانوا تو يعمرونها قريب بيت خوالي اتخبيت تحت الدرج وهالفلة بعدها مهجورة وهالكلام صار بعد العشاء وقعدوا يدوروني مايبون يطقوني يبوني ارجع البيت بس.. ودقوا على اهلي قالوا تعالوا ولدكم ضايع.. ودوروني لين حصلوني بعد ساعة ونص وانا تحت الدرج بالظلمة.. ويحلفون اني ماعاد طبيت بيت خوالي اكثر من 3 شهور خوفا من ام الولد .. لقد كانت شريرة..:d:

اما اكثر مرة انجلدت فيها:( مرة عيال ضربوا اخوي الصغير وكانوا اثنين منهم رحت لواحد وضربته عند باب بيتهم وبعد كم يوم تامروا عليه وحشروني في زاوية كانوا 4 والله ياني انجلدت هذاك اليوم ههههههه قسم اني قلت اححح من قوة ضربة جتني على راسي بحديدة ضربني فيها واحد كان واقف وراي ماعاد شفت اللي قدامي.. وربي ثوبي صار احمر من كثر الدم اللي نزل من راسي..

في الحلقة القادمة بقولكم قصة الثأر من هالعلوج والتوقيف في احد اقسام الشرطة..:fghty:

اتوقع اللي بعدي ابو وديع<<< تأثير الضربة..:d:

بدر الجنوب

11/8/2008, 02:54

غلط :p

:angel:

في إنتظار قصة الثأر..

هلال العرب

11/8/2008, 15:15

مشكورين ياللي فوق
اثاريكم قشران:amle:
وين الزلايب ليه مايعلمونا عن سواليفهم:angel:

Golden Pen

11/8/2008, 15:39

والله ياهالموضوع فله
خلوني اقول لكم سالفتي مع خالي مهوب ذاك اللي اصغر مني لا واحد اكبر مني ودب بعد:q:
كنا رايحين انا وياه المسجد وكنا ضحك وفله ووناسه طلعنا من المسجد ولا عيال البدو قدامنا
((عيال البدو،عيال على قد حالهم قريبين من بيت جدي كانوا هم البدوان الوحيدين اللي في الحاره،صرنا نسميهم
عيال البدو))المهم جا خالي بيتفاهم معهم على سالفه صارت واجي ارد على واحد منهم قال خالي اسكت
قلت منيب ساكت الا ويجيني ذا الكف جلست ابكي طول الطريق طبعا انا رحت وخليت خالي يكمل موضوعه
بس بصراحه كل ماشفت خالي قلت بانتقم منك :d:

وردة الهلال

11/8/2008, 16:33

ممم اذكر ولد خالتي قاعد عند جدانه و هم جيرانا و دايم العب معه قبل لا ادرس طبعاً
و عمتي كانت تجينا الخميس و تمسي عندنا و عندها ولد كبر ولد خالتي اذا جا جحدت ولد خالتي
و مرة طلعنا الصبااااح و رحنا بيت جدان ولد خالتي و اخذنا سيارة ولد خالتي و هاتك يا تفحيط طبعاً انا راكبة و ولد عمتي يدفني علشان نبتعد بسرعة عن بيتهم و ولد خالتي يصايح و لا ما يصايح ما بالحمض احد :angel:

و فيه من المراريت كنا بالمزرعة كان فيه حجرة ( تبن )
اخوي قال لي صلحي شاهي ( كان في خامس و فرحان جا عنده اخت يتأمر عليها خخ )و انا كنت بصف اول يعني ما اعرف حتى اولع الكبريت ( قبل لا نكشخ بـالمسدسات :d: )
و اخذت الكبريت و اولع واحد و اثنين ما طاع يولع الفرن لأني ما كنت ادير الموجة كنت بس اقبس في الكبريت و احطه عند العين . يوم مليت ظفيت الكبريت معي و طلعت و اخذت قطعة جريدة و ادخل غرفة التبن علشان محد يشوفني و انا اسوي التجربة :angel: عاد انا ولعت و عينك ما تشوف الا النور :angel: اللي هو نور النار اللي ولعت في التبن حق ابوي انحشت و النار جت في طرف ثوبي المزركش :d: و جوا العمال فزيع و حركتات عاد البكستن المهم اني توزيت و على بال ما تعرف ابوي على مكاني جا و سوى حاجة مش كويسة :cry: بس ما بغت ثانية وحدة و ما عاد صار يقول لي شي عن السالفة داري اني مرتاعة و خايفة بس كان حاز في خاطره اني اولع في تبنه :angel:

فيه حادسة كنا مسمينها الحرب العالمية ..
كنا بنات في جهة و بنات في جهة و نتهاوش بالطق و اي شي ممكن الواحد يستعين فيه عاد على حسب ضميره هذا و انا كنت ممنوعة من الخروج و اطلع من ورى اهلي كنت بصف سادس و كانوا يبون يعودوني على عدم الهيتة في الشوارع ..
كانت ذيك الحرب هي اكثر مرة في حياتي آكل ضرب بدون خوف من الله :d:
بصراحة كنت اطق و انطق بس كانت اليييييييمة لما تبرك عليك وحدة دبا اصايح يا دبا انقلعي كتمتي نفسي و هي متحمسة و تبي تاصل لشعري علشان تمسكه لأني انا كنت متجودة في شعرها باقوى ما عندي :angel:
رجعت للبيت و انا كاتمة الصيحة بينما فريقي كله يصيح و الفريق الثاني رجعوا يصيحون .. و يوم قالت اختي يمة الدبا قعدت عليها و كانت تبي تموتها و انا اللي انفجر اصيح مو علشان الالم الا علشانها علمت و انا ابي اصير ابضايا و ما صار فيني شي :d: مع ان الشوش واصلة ثلاثة متر فوق من التمعيط ..
الحمد لله و الشكر من بعدها و انا عارفة قيمة الحياة و ان العمر مش بعزأة وش يقردني اسوي حرب عالمية
وو بس .. البنات من بعد يومين تصالحنا معهم و رجعنا نلعب خطة و عادي الوضع ..
صراحة بعدها قل الاكشن في حياتي ..
خصوصاً هالحرب قد سووها اخواني مع عيال ثانين و كان طق بعصي و طلع دمان و تكسير اسنان يعني اسوء منا بكثير ..
و انا من النوع اللي ينظر لـ اخوانه نظرة اعتزاز :kello: يعني هم سووا شي لازم اسويه مثلهم مو غيرة لا لكن احب اسوي اللي يسوونه حتى لو هو غلط ..

عاد بكيفكم اللي يبي يصدق يصدق و اللي مو مصدق براحته :angel:

تسلم اخوي هلال العرب على اتاحة الفرصة :qw:

شلهوب توب

11/8/2008, 17:14

هههههههههه

احلا يالادعشريين والادعشريااات

وبالنسبة لسوالف الطق :d:

هذي لها شيء ثاني معي :d: وخصوصا بالمتوسطة :d:

الله يالزمن اتذكر كنت انا وثلاثة مالكين فصلنا

ابن ام ام الي يتكلم علينا :d:
حنا "انا خالد ، ومحمد واحمد عيال عم او خال ناسي ، وصالح "
ويوم من الايام وانا طاق اللثمة ونايم بالزاوية يجيني محمد مفزووع قم يا خالد
الحق احمد ينطق من فلان وفلان وعلان

وانا افك السبرنت واروح وانادي صالح ونروح الثلاثة لمكان الجريمة ونشوف خوينا راح فيها
ونطب ونفزع وطق واستلم وطقني واطقك :d: المهم
وبعدين بعد ما خلصنا ارسلنا مكتوب للشلة الي مطاقين معها يفيد بأن يوم الاربعاء معودنا بالبراحة الي جنب المدرسة

وما ان انتهاء اليوم الدراسي كان يوم الاحد واذ بنا نركب بالجمس الاحمر :d: ونرووح لبيت واحد من الشباب راعي مطاقات قلنا له جهز العده الوعد الاربعاء

ونروح لشباب "ياذابحين يا مذبوحين " :d:

ونقول لهم الااربعاء موعدنا مع الدم

وجاء يوم الاربعاء بعد الدوام
وتوجهنا الى البراحة

واذ بيجمع غفير يحضر المعركة
وكنا تقريبا حدود الخمسطعش نفر
وهم مثلنا تقريبا

قلت انا لجيشي جهزوا العدة ويا صالح قد المسيرة من اليسار ويا احمد اجمع جيشك الى اليمين
ويا محمد اذهب من خلفهم وانا سأقود المسيرة من الامام :d:

وبدت المعركة بالبداية بالسب والكلام ومحاولة التصريف والتهدئة وخذ وعط من الكلام
لدرجة لم تبقى سبة ما قالت حتى انا قمنا نعيد الكلام :d: وقلت ما بينهي هالكلام الا الدم :d:

وبدت المعركة الفعلية وخذ وشف دم يتساقط واذ بنا نسمع بقدوم رجال الامن

واذ بنا نركب الجمس الحمر :d: ونذهب الى احدا المزارع التي بالمشاعله

الى ان العشاء ونحن نختبئ وبعد عودتي للبيت وجدت والدي يحمل الخيزرانة وخذ على ظهري الذي
استوا نارا

وذهبنا صباح الخميس الى مركز الشرطة الي بالديرة والضابظ يقول للوالد حجز اسبوع كامل مع 30 جلدة
والوالد يحاول المهم انتهى بنا المطاف الى الحجز يومين مع غرامة 200 ريال

حبلوص

11/8/2008, 17:52

هههههههههه

احلا يالادعشريين والادعشريااات

وبالنسبة لسوالف الطق :d:

هذي لها شيء ثاني معي :d: وخصوصا بالمتوسطة :d:

الله يالزمن اتذكر كنت انا وثلاثة مالكين فصلنا

ابن ام ام الي يتكلم علينا :d:
حنا "انا خالد ، ومحمد واحمد عيال عم او خال ناسي ، وصالح "
ويوم من الايام وانا طاق اللثمة ونايم بالزاوية يجيني محمد مفزووع قم يا خالد
الحق احمد ينطق من فلان وفلان وعلان

وانا افك السبرنت واروح وانادي صالح ونروح الثلاثة لمكان الجريمة ونشوف خوينا راح فيها
ونطب ونفزع وطق واستلم وطقني واطقك :d: المهم
وبعدين بعد ما خلصنا ارسلنا مكتوب للشلة الي مطاقين معها يفيد بأن يوم الاربعاء معودنا بالبراحة الي جنب المدرسة

وما ان انتهاء اليوم الدراسي كان يوم الاحد واذ بنا نركب بالجمس الاحمر :d: ونرووح لبيت واحد من الشباب راعي مطاقات قلنا له جهز العده الوعد الاربعاء

ونروح لشباب "ياذابحين يا مذبوحين " :d:

ونقول لهم الااربعاء موعدنا مع الدم

وجاء يوم الاربعاء بعد الدوام
وتوجهنا الى البراحة

واذ بيجمع غفير يحضر المعركة
وكنا تقريبا حدود الخمسطعش نفر
وهم مثلنا تقريبا

قلت انا لجيشي جهزوا العدة ويا صالح قد المسيرة من اليسار ويا احمد اجمع جيشك الى اليمين
ويا محمد اذهب من خلفهم وانا سأقود المسيرة من الامام :d:

وبدت المعركة بالبداية بالسب والكلام ومحاولة التصريف والتهدئة وخذ وعط من الكلام
لدرجة لم تبقى سبة ما قالت حتى انا قمنا نعيد الكلام :d: وقلت ما بينهي هالكلام الا الدم :d:

وبدت المعركة الفعلية وخذ وشف دم يتساقط واذ بنا نسمع بقدوم رجال الامن

واذ بنا نركب الجمس الحمر :d: ونذهب الى احدا المزارع التي بالمشاعله

الى ان العشاء ونحن نختبئ وبعد عودتي للبيت وجدت والدي يحمل الخيزرانة وخذ على ظهري الذي
استوا نارا

وذهبنا صباح الخميس الى مركز الشرطة الي بالديرة والضابظ يقول للوالد حجز اسبوع كامل مع 30 جلدة

والوالد يحاول المهم انتهى بنا المطاف الى الحجز يومين مع غرامة 200 ريال

:eek:

يا بعبع:d:

كلكم عرابجه:yuupy:

مافيه احد عاقل:req: