مباراة منتخبنا السعوديوالمنتخب السوري

[هلالوفتش]

السلام عليكم
اخواني ابي اعرف اي القنوات اللي بتنقل المباراه الوديه اليوم بين السعوديه وسوريا

[زيدان الميدان]

السعودية الرياضية هذا الي أعرفه ..

[هلالي دائما]

السعوديه الرياضه الارضيه .. و ART :)

[أبومهنا]

بالتوفيق لسوريا

[dr_aluool]

بالتوفيق لسوريا

خخخخخخخخخخخخخخخخخخ

ياخي المفروض توقف مع منتخبكـ مو مع سوريا

[هلالوفتش]

طيب اي art
1
2
3
4
5
6
7
8
9
اي وحده

[B R E E E H]

وعين ماتنقلها ؟

[Lionel Messi]

السعودية الرياضية بتنقل مباراة هولندا واكرانيا :eek:,,ولاتنقل مباراة منتخبنا :confused:,,

[Lionel Messi]

طيب اي art
1
2
3
4
5
6
7
8
9
اي وحده

art5

[Lionel Messi]

وعين ماتنقلها ؟

عين تنقلها اذا كانت على art7

[زيدان الميدان]

إي آر تي 5

[هلالوفتش]

الان المباراه على الرياضيه السعوديه الارضيه وليست الفضائيه

[هلالوفتش]

الكابتن رضا تكر للمنتخب

وضغط سوري على منتخبنا ....

والمنتخب يلعب بهجوم (مالك والحارثي )

[ابوعبدالله2006]

طيب مالها رابط ينقلها على النت ؟؟؟


نبي رابط على النت تكفون

[هلالوفتش]

تصحيح التشكيله
وليد عبدالله
زيد المولد
اسامه هوساوي
تكر
المولد اسامه
خالد عزيز
احمد الموسى
ناصر الشمراني
مالك معاذ

باقي اثنين اضنهم عطيب احمد ومدري من الثاني خخخخخ
والمباراه منقوله على اارتي5

والمولد يسجل الهدف الاول

[هلالوفتش]

المنتخب يتقدم بهدف لاسامه المولد
......

[عيون زرقاء]

زيد المولد او اسامه ؟؟


الأرضيه مانقلتها ..


فيه برنامج مستضيفين النمر حول " موبايلي "

[هلالوفتش]

اسامه المولد هو اللي سجل الهدف

وهالمباراه لاعب ظهير ايمن ..

النتيجه مازالت تقدم المنتخب
وكان مافيه هجوم لامالك ولا الشمراني

نجوم المباراه حتى الان عزيز واسامه المولد

[هلالوفتش]

عيون زرقاء انا اشاهدها على قناتين
الرياضيه الارضيه والارتي 5 متاكد
من عيوني منقوله على الرياضيه السعوديه الارضيه

[الموج المرعب]

ياناس الله يخليكم افتر راسي من هالمحطات ماني لاقي االمباراة
ممكن اذا في رابط مباشر في قناة بردوق للنقل المباشر ينحط هنا

[عيون زرقاء]

استغرب إلى الحين يضمونه للمنتخب اسامه المولد
بعد تصرفاته مع ياسر والقاضي ..
لاعب خشن



اتمنى ينهزمون واهديه لعيون أسير الشوق ..

[هلالوفتش]

ياناس الله يخليكم افتر راسي من هالمحطات ماني لاقي االمباراة
ممكن اذا في رابط مباشر في قناة بردوق للنقل المباشر ينحط هنا

الرياضيه السعوديه الارضيه يعني اللي موب بالرسيفر

وارتي 5

[عيون زرقاء]

عيون زرقاء انا اشاهدها على قناتين
الرياضيه الارضيه والارتي 5 متاكد
من عيوني منقوله على الرياضيه السعوديه الارضيه



الأرضيه عندي فيه النمر نائب الهلال ببرنامج مباشر ..

وأنا متأكد لأن ماعندي رسيفر :angel:



تسلم عيونك >> ضيع يحسبك تغازله :d:

[هلالوفتش]

استغرب إلى الحين يضمونه للمنتخب اسامه المولد
بعد تصرفاته مع ياسر والقاضي ..
لاعب خشن



اتمنى ينهزمون واهديه لعيون أسير الشوق ..



:amle:
وسع صدرك ياعيون زرقاء

[هلالوفتش]

ياخي صدقني على الرياضيه الارضيه السعوديه ويعلق واحد كانه يتكلم مع اذنه ياكل بعض الحروف


وعلى الارتي 5

[الجنرال الازرق]

مستوى الاخضر جيــد جيداً ،، في تنآقل الكور والتسليم الصحيح بين اللاعبيين لكن ينقص الاخضر التسديد الصحيح وهذي حلهآ جيد مع وجود الكآبتن يآسـر :)

د : 44

1 - 0 للآخضر

[هلالوفتش]

منيب اقول من عيوني يعني وشسمه يعني ومدري

قصدي اني متاكد من نظري
لاتصدق اني اتغزل فيك وتسذا

[هلالوفتش]

النجوميه لوسط المنتخب
عزيز وعيال عطيف احمد وعبده ....

اما احمد الموسى ماله ذكر

وايضا الهجوم السعودي بالكامل
اعتقد التشكيله مناسبه نوعا ما
ولكن تحتاج ماجد العمري بديل لتكر
وياسر القحطاني بديل للشمراني
ولاعب وسط بديل للموسى

[هلالوفتش]

انتهى الشوط الاول

1- صفر

اسامه المولد

نعود لكم مع بداية الشوط الثاني

[ن م ر 015]

غريبه المدرب لاعب بتكتيك غريب ،،،

[T 10]

الرياضيه الارضيه

[هلالوفتش]

نزول الخيبري بديل لزيد المولد
والزوري بديل للالموسى احمد

[هلالوفتش]

الحارثي ينزل بديل لمالك معاذ

[هلالوفتش]

كامل فلاته بديل لاسامه المولد

[هلالوفتش]

المحياني بديل للشمراني

حتى الان النتيجه كما هي
1--- صفر
د 80

[سلف ودين]

الله لا يبارك بابوكم منتخب .. جعل نتايجكم كلها سواد بسواد ياظلمة

مشكلتنا جمهور عاطفي .. ليش نتناسى ظلمهم للهلال طيلة ايام الدوري ؟ .. ياخي تكفيكم مباراة الاتحاد الاخيرة وايقاف التايب ..
بالتوفيق للشقيق السوري :kany::kany:

[سعــــــــــ14ــــــــــود]

منتخب فاشل مدرب فاشل مباراة ودية مع منتخب فاشل ... <<< قسم بالله مادام هذا طموح ادارة المنتخب والاتحاد السعودي عزالله مافلحنا ولا راح نتطور وان قطر والامارات راح تتطور علينا وبمراحل ...


تحياتي لفيصل بن فهد الله يرحمه ...

[abo10 alaz]

من فاز ؟؟؟؟؟؟؟؟

[سعــــــــــ14ــــــــــود]

السعودية 1 ـ 0 سوريا

[الأزرق العظيم]

الا فيه منتخب غير سوريا يلعبون معه وديات والله احس مافيه غيره كل مايفكرون يلعبون وديه مايلعبون الا مع سوريا وش السالفه مادري وياليت اللي عنده احصائيه لمبارياتنا مع الابضايات في اخر خمس سنوات وصلت الطعطعش ولا كم بالضبط .

[مرتاح احبك]

للي يقولون بالتوفيق لسوريا ،، حنا ما نتابع المنتخب ونشجعه عشان فلان ولا علان !!

من غير المنطق ان اكره المنتخب عشاني اكره الاتحد السعودي

عموما ،، اول مباراة دولية للبطل الزوري :asno:

عقبال مايمسك الخانة ان شاء الله

تغييرات كثيرة في التشكيلة الاساسية
اسامه المولد بغض النظر عن اخلاقياته قدم مستوى رائع صراحة

ما ادري ليه مالعب ياسر ؟ عسى ماشر ؟

[HilalyToday]

^
^
الاسهم للاخ الأزرق العظيم

شي ببلاش ربحه بين :)

غديت أكره شي فيه طاري منتخب .. آبوهم على منتخبهم !

[عاشق الهلال حسون]

والرياضيه من انحطاط الى اخر