ثــامـر الفراعنه [الأرشيف] - منتديات شبكة الهلال

ثــامـر

16/5/2008, 02:33

السلام عليكم

هذي محاولة شعريه مني هي الاولى لي وقد تكون الاخيره :angel: , ويسعدني اشوف رايكم فيها , ويهمني اكثر نقدكم

اللي له بالنقد يحللها وينقدها والي ماله يقول رأيه بشكل عام

وهذي القصيده
ناقتي ياناقتي :angel:

الجد هذي القصيده (himo)

شــفـتـها ولــيــــت انـــي مـــاشــفـــتــهـــــا .. ماذاقت عيوني الــنوم مــن بـــعـــدهــــا
هـي لـحـظـه لـكـنها عـن لـحظاتي كلهـــــــا .. سرقت عـينـي وخــذت قلبي بحســنهــا
صــــرت اتــخـــــيل كــل الناس بـشـكلـهــــا .. واحسب ان كــل الاصوات صـــوتــهـــا
عـذبة والـعذاب ماخـلانـي مــن بـعـدهــــــــا .. مـاامـيز الـنهـار مـن اللـيل لاذكـرتـهـا
من نعومتها لامشت ساح التراب تحـتهــــــا .. هـذي رجـــلــها ! وش عـــاد خــدهـــا !
من زينها يـسـتحي الوصـف على وصفهــــا .. جـــمــيلــة والجمال يقول يالبـا قلبــهــا
حتى اسمها ! من الورد خذوا اسمـهــــــــــا .. ويلوموني لاقلت مجروح بــحــبــهــــا
قالو دكتـــور وعاجز تــــداوي جــرحـهـــــا .. قلت الا جروح القلب لاصابتني اخرهـــا
يكفـي اني قبـلـها مــالي بالاشـــعار كلهــــا .. ماكنـت اعرف حتى شرقها من غربهــــا
وشــفـــتــهـا ولــيــت انـــي ماشــفـــتهـــــا .. مــاذاقـــت عــــيونــي الــنوم بــــعــدهــــا

وسلامتكم

الزعيـALZAEEMـم

16/5/2008, 02:49

يااااخطيييييييييييييييييييييييييييييييييييييييييييييييييييييييير
وش ذا والله احسبها اغنية من اغاني راشد :d:

بسم الله عليك تف تف تف

والله وطلعت رومنسي يالدب من ورانا (rambo)

نوااااااااف11

16/5/2008, 02:50

ثامر الفراعنه

معليش ابضحك شوي ياثامر
هههههههههههههههههههههههههههههههههههه
هههههههههههههههههههههه:d:

قسم بالله قصيده خطيره صح ان فيه كلمات مثل هذي

من نعومتها لامشت ساح التراب تحـتهــــــا .. هـذي رجـــلــها ! وش عـــاد خــدهـــا !

ساح صار ثلج مب تراب :d:

جـــمــيلــة والجمال يقول يالبـا قلبــهــا

هنا ترقيع جزل بكلمة يالبا قلبها اهنيك يالفراعنه :d:

ثامر ابداااع والله يعطيك العافيه

فالك المليون :o

ماجد الناصر

16/5/2008, 03:11

حتى اسمها ! من الورد خذوا اسمـهــــــــــا .. ويلوموني لاقلت مجروح بــحــبــهــــا

يازهرة العمر . والحب والهوى ومايسوي

ورائعه بصراحه كونها الاهم تعبر عن حال صاحبهاا

والشعر لحظات واحساس وموقف وصح لساانك

abdulmajeed_1

16/5/2008, 03:12

ومنهو ناصر الفراعنه وابو الفراعنه وشعار المليون كلهم عندك يابو توتا ؟؟ أشهد إنك فحل من ظهر فحول ، أشهد إنك سنايدي وابن سنايدي ونسل الذيابه

تكفى لاتكررها طلبتك ياثامر ههههههههههههههههههههههههههه
(السموحه نتفتك على الطاير بموضوع آخر رساله :d:)

فديتك انت والشعر كله :magkiss:

تذكار المحبة

16/5/2008, 03:15

أنا أول ما شفت إسم الفراعنه في الموضوع قلت أما ناصر الفراعنه مسجل في شبكة الهلال وحنا ماندري ويوم قريت القصيده قلت هذا هو أسلوب ناصر الفراعنه يوم أطلع للأسم وألقى ثامر الفراعنه قلت عز الله راحت عليك يا ناصر جاك الوحش ثامر :love: ..

وإذا إنت تبغا القصيده تتغنى وتصير مشهور مالك إلا المطرب الشعبي شعبان القدي والملحن المعروف عوض بوساكت وانا بنتج الأغنيه على حسابي ولا أخاف يكون جاك عرض من منصور البلوي قصدي منصور الشادي وأشتري القصيده :d: ..

والله القصيده حلوه مع إني ما أحب الشعر بس أشوف إنها جيده كبداية بس لو تخلي القوافي مختلفه بين الشطر والشطر اللي بعده يعني تخلي الوزن للبيت كامل اشوف بتكون أفضل
وهذا لا يمنع إنك أستخدمت مفردات جزله وأنا أجيزك وفالك المليون :sheto: ..

إذا شفتها مره ثانيه صورها عشان أشوفها و أصير شاعر زيك :d:

S e e k e R

16/5/2008, 03:17

مافيك حيله .. يابو توتا على قولة ابو نوره :angel:

أنا مالي بتقييم القصايد .. لكن ابي اقول لك رأيي ..

كمحاوله أولى .. جيده .. واتمنى ماتكون الاخيره ..

سي يو تومورو ابو توتا ويذ ابيسود لوست يو نو :jhgy:

&azo0oz&

16/5/2008, 03:22

امش يالحبيييييييييييييييب

ههههههههه فالك المليون

knight

16/5/2008, 03:27

بصراحه المحاوله جيده

ولواستمريت في الكتابه راح تتطور بإذن الله

مــــوعــــود

16/5/2008, 04:09

محاوله ممتازه لو كانت الاولى فعلا ً ..

التصويـر والبلاغـه رائعه.. ياثامر ,, الترتيب حلو كـ بدايه في عالم الشعر

الوزن والقافيه لك عليها.. لكن بما انها على قولك الاولى.. فهي مشجعه للإستمرار..
فقط ينقصك القراءه في الشعر اكثر واكثر.. ليس استماعا ً بل حتى قراءه انت تحتاج الى ذلك ..

موفق خير ياثامر وسامحونا على الصدق في الرد ,, فهو كما طلب صاحب الطرح :)

ابوعبدالله2006

16/5/2008, 07:19

حلوة كمشاركه اولى
لكن
الوزن والقافيه والجرس الموسيقي 3 اعمدة رئيسيه لكتابه اي بيت شعري

اتمنى لك التوفيق

الفارس المعصب

16/5/2008, 13:20

الكصيده جميلة وفالك البيرق:jhgy:

mr.google

16/5/2008, 13:31

ما شاء الله عليك

لكن القافية و الوزن لك عليها <<<<<<<<<<<<<<< تراني ما شفت رد موعود :d:

حبلوص

16/5/2008, 13:47

ان كانت هذي الاولى ماشاء الله
كمل

وفالك البيرق

ثــامـر

16/5/2008, 13:49

محاوله ممتازه لو كانت الاولى فعلا

وش قصدك ؟ قل اني كذاب :amle: خخخخخخخخخخ

هي الاولى لي كـ تدوين .. سبقها تقريبا 3 محاولات خلال السنتين الماضيات وماكانت كلها شعر .. مجرد خواطر نثرية وشعريه ..حتى اصلا مادونتها ولاكانت محاولات جاده

وعلى فكره مالي بالشعر لاسماع ولاقراءه .. بحياتي ماسمعت قصيده كامله الا قصايد الفراعنه :angel: لكن اسمع احيانا مقتطفات من قصايد عبدالرحمن بن مساعد :magkiss: وتطربني بساطته والقضايا الجميله الي يطرحها

وبالعكس اعتبر ردك قمة في المديح والمجامله لـ شخص ماله بالشعر مثلي :)

وياحبذا اذا مافي كلافه تقولي الابيات الي فيها مشاكل بالوزن والقافيه الا اذا كان عدم تخصيصك يعني ان كل الابيات غير موزونه فهذي مشكلة :angel:

عافاك الله برذا :magkiss:

ولكل اللي مروا بالموضوع نورتوني وشرفتوني وراجع للتعقيب عليكم يالبا قلبكم :love: لاتخلوني اتهور واقول فيكم قصيده :d::d: (ماعدا ابونورة ابكتب فيه هجاء :p :d: )

برستيج

16/5/2008, 13:53

بطل يا ثامر

(himo)

البطل نواف11

16/5/2008, 14:05

قصيده عاديه ولا اجد فيها اي حس شاعري وانا لا اجيزها ولا بريال ولو سمحت اطلع برا << بدر صفوق (rambo)

ماشاء الله عليك كمحاولة اولى اعتبرها انجاز وان شاء الله تغطي على الفراعنه وبندر بن سرور وعبدالواحد وخالد الفيصل ويصبح ثامر افضل شاعر شعبي :kany:

بطل يا ثامر

بطل في اي بنك تنصرف :amle: عط ثامر الشرهه ولا ترى بيكتب شعره في مكان ثاني (rambo)

نايف 15

16/5/2008, 15:16

وعليكم السلام .. هلا بسمي أخوي :cool: ,,

صح لسانك .. وبداية منتازه بالحيل :asno: ,,

يكفـي اني قبـلـها مــالي بالاشـــعار كلهــــا .. ماكنـت اعرف حتى شرقها من غربهــــا

الحب خلـّى ثامر اليوم شاعر .. // .. وبكــرة نشوفــه بالعيادات دكتور
الله يوفقـه ثـم تزين المشاعر .. // .. ومنهو يحب ياناس للشعر مجبور
;)

عـــهـــود

16/5/2008, 16:45

اول ماشفت الموضوع قلت اكيد منزل مقطع مضحك خاصه الايقونه الموجوده قدامه والا يعلق له على شئ ..

لاني بصراحه استبعد ان ورى هالاسم شاعر او حتى رومانسي:jhgy:

اجل طلعت شاعر ياثامر ..

Suhaib

16/5/2008, 16:51

ما شاء الله عليك

عط الهلالي ابو فراس خاص ويجيك بالنقد :angel:

D.7.o.O.o.M

16/5/2008, 17:19

ما شاء الله عليك

عط الهلالي ابو فراس خاص ويجيك بالنقد :angel:

وانا اؤيد اخوي ذايب

ابو فراس الهلالي ناقد كبير ومتعاقدين معه السنة الجاية

برنامج من سيربح المليون اااااااااااقصد شاعر المليون

الــصــاروخ

16/5/2008, 18:54

هلا ثامر
:)

بصراحه ماصدقتكـ يوم تقول انها المحاوله الاولى يوم قريت الابيات !!
:love:

القصيدهـ روعــه ويعلم الله اني ما أجاملكـ ولا شي

وأعجبتني هـ البيتين
من نعومتها لامشت ساح التراب تحـتهــــــا .. هـذي رجـــلــها ! وش عـــاد خــدهـــا !
من زينها يـسـتحي الوصـف على وصفهــــا .. جـــمــيلــة والجمال يقول يالبـا قلبــهــا

:qw:

على فكرهـ أنا مافهم ابد ابد بالشعر :kello:

مشتاق لنظره

16/5/2008, 18:58

العععععععععععب

ماتمزح يا ثامر

طلعت شاعر وحنا ماندري يالدب

ياشييييخ فالك بيرقين موب واحد خخخخخخخ

اخبارك طال عمرك

16/5/2008, 21:02

اعطيك محاولة اخرى
وعندي مشاركة :

يا ليحااااااااا يا ليحااااااااا
ثوبي تشقق من لعب الليحي
يا ليحااااااااااا يا ليحاااااااااااا
ثوبي تشقق .. روح شليح

والسلام عليكم

اخبارك طال عمرك

16/5/2008, 21:04

اخوي رجعت لموضوعك من الأهمية التي اراها
فإني قد كتبتو كلماتن جميلتن
ارجو ان تقرأها بتمعن
انت ماعندك ذايقة شعرية !!!!!!!!!!!!
نعم نعم هاته الحقيقة وانتبه لا تسلك هذا المصار لأنه سعب جدا على امثالك
اقصد من المبتدئين

عندي مشاركة اخوي ::::

ودنا بالطيب بس الدهر .. جحاد طيب
كل ما تخلص مع الناس كنك إتغشها

يَدك لا مدت وفا .. لا تحرّى وش تجيب
كان جاتك سالمه حب يدك وخشها

كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا

وكل ما واجهت لك فالزمن وجه غريب
مثل ماقال المثـل دام تمشـي مشهـا

وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

والسلام عليكم اصلن انا شاعر

ثــامـر

16/5/2008, 22:08

الزعيـALZAEEMـم

اما راشد :amle: قل محمد عبده (himo) < ماينمدح :d:

يعطيك العافيه عالمجاملة :kello:

نورت

نوااااااااف11

دوم الضحكه :angel:

ساح صار ثلج مب تراب

وش عرفك بالعمق العاطفي :angel::angel:

الله يعافيك وتسلم عالمجامله :kello:

نورت

ماجد الناصر

اسمها مب زهرة :angel:

والحب والهوى ومايسوي

طلع الحبّيب صدق :d:

وصح بدنك

نورت

ابو نورة شايت الكورة

ومنهو ناصر الفراعنه وابو الفراعنه وشعار المليون كلهم عندك يابو توتا ؟؟ أشهد إنك فحل من ظهر فحول ، أشهد إنك سنايدي وابن سنايدي ونسل الذيابه

< طار وهو يقرا هالكلام :angel:

تكفى لاتكررها طلبتك ياثامر

ليش خايف اكسر سوق الشعراء :) :angel:

فديتك انت والشعر كله

تسلم والله :kello:

نورت ياحلو

يُتبع (himo)

ثــامـر

16/5/2008, 22:54

:love:تذكار المحبه

أنا أول ما شفت إسم الفراعنه في الموضوع قلت أما ناصر الفراعنه مسجل في شبكة الهلال وحنا ماندري ويوم قريت القصيده قلت هذا هو أسلوب ناصر الفراعنه يوم أطلع للأسم وألقى ثامر الفراعنه قلت عز الله راحت عليك يا ناصر جاك الوحش ثامر

ههههههههههههههههههههههههههههههههههههههههههههههههه واهههههههههههههههههههه < ابونوره :p

تذكارووووووه اكيد مافيك عرق مصررري :angel:؟؟

وإذا إنت تبغا القصيده تتغنى وتصير مشهور مالك إلا المطرب الشعبي شعبان القدي والملحن المعروف عوض بوساكت وانا بنتج الأغنيه على حسابي ولا أخاف يكون جاك عرض من منصور البلوي قصدي منصور الشادي وأشتري القصيده

طلع الصدز :( :angel:

إذا شفتها مره ثانيه صورها عشان أشوفها و أصير شاعر زيك

:angel:

نورت

محللنا الكبير هلالي الجوف :love:

يعطيك العافيه عالمجاملة

اما لوست اطلق حلقه :love:

نورت

&azo0oz&

امش يالحبيييييييييييييييب

يمديك (himo)

نورت

knight

تسلم ياحلو

نورت

يُتبع (himo)

ثــامـر

16/5/2008, 23:44

ابوعبدالله2006

تسلم

لكن
الوزن والقافيه والجرس الموسيقي 3 اعمدة رئيسيه لكتابه اي بيت شعري

افهم من كلامك اني مااتقنت ولاوحده من الي ذكرتهن اجل ماصارت قصيده :angel:

نورت

الفارس المعصب

انت الجميل :jhgy:

تسلم

نورت

mr.google

تسلم

ولاتغش مره ثانيه :d:

نورت

حبلوص

تسلم

نورت

برستيج

تسلم

نورت

تعبت اكمل بعدين :jhgy:

السـامـر

16/5/2008, 23:56

محاوله ممتازه وكلمات جميله
سلمت يمينك لافض فوك

العـــاشق

17/5/2008, 00:04

بالله هذي قصيده ؟؟ :d:

محاوله جيده اذا كانت الاولى فعلا :d: :d:

لا والله الصراحه القصيده مش ولابد <<تحطيم :d:
بس جيده كبدايه
بس لو تركز شوي الله يصلحك :d:
يعني وش الي ساح التراب :d: وفيه مفردات مستهلكه مثل ماذقت النوم واتخيل الناس شكلها وصوتها هذي مفردات مستهلكه ومنتهيه من زمان كل من قال انا شاعر قالها يعني حاول تبتكر شي جديد سواءا بالاسلوب او بالمفردات لو تشوف اغلب الشعراء المتميزين بالساحه الان مبتكرين اسلوب جديد وكلمات جديده خاصه بهم اما يوم عطتني ذيك الرساله ماقدرت انام بعدها ياحياتي الروح تفداك الروح ومن هالخرابيط المكرره والي اكل عليها الدهر وشرب <<<بالله شرايك عاد :d:
شف شلون جبتها وحيوطت وكوبري فن فن والله لو انا من محمد بن زايد كان جبتني :d:

يالله جا دور رفع المعنويات
ثامر ... مافيك حيله :d:

ثــامـر

17/5/2008, 22:16

البطل نواف11

وان شاء الله تغطي على الفراعنه وبندر بن سرور وعبدالواحد وخالد الفيصل ويصبح ثامر افضل شاعر شعبي

والله ياهي ماتلبق علي :jhgy:

تسلم على المجامله :kello:

عط ثامر الشرهه ولا ترى بيكتب شعره في مكان ثاني

الله الله (himo) :d:

نورت

نايف 15

هلا والله بالي اخوه سميي :nrey:

الحب خلـّى ثامر اليوم شاعر .. // .. وبكــرة نشوفــه بالعيادات دكتور
الله يوفقـه ثـم تزين المشاعر .. // .. ومنهو يحب ياناس للشعر مجبور

والله ماودي احطمك بس ترقب اعترافي بااخر رد :angel:

لكن صح لسانك :yes:

نورت :magkiss:

عـــهـــود

اول ماشفت الموضوع قلت اكيد منزل مقطع مضحك خاصه الايقونه الموجوده قدامه والا يعلق له على شئ

لهالدرجه مامليت عينك :jhgy: :d:

لاني بصراحه استبعد ان ورى هالاسم شاعر او حتى رومانسي

يعجبني الي فاهمني :jhgy:

اجل طلعت شاعر ياثامر

لاتخليني اتهور واهجو اليوفي :jhgy:

نورتي

ذايب مع التايب

عط الهلالي ابو فراس خاص ويجيك بالنقد

مالها داعي تجيني عقده نفسيه من اولها :jhgy:

حياه الله (himo) ابوفراس لاتنسي اني مثلك انتراوي وارسنالي وبرشلوني :q:

نورت

D.7.o.O.o.M

حياه الله

نورت

الــصــاروخ

هلابك :)

تسلم على المجامله

نورت

مشتاق لنظره

ماتمزح يا ثامر

طلعت شاعر وحنا ماندري يالدب

خلاص المره الجايه ابعطيك خبر :jhgy:

تسلم على المجامله

نورت

ثــامـر

17/5/2008, 22:18

اخبارك طال عمرك :jhgy:

انت ماعندك ذايقة شعرية !!!!!!!!!!!!
نعم نعم هاته الحقيقة وانتبه لا تسلك هذا المصار لأنه سعب جدا على امثالك
اقصد من المبتدئين

والله من ملاحظتي لردودك ارى انك تفتقد الاهلية لاعطاء نصائح :angel:

صح لسانك ياحلو

ونورت

السامرالولهان

تسلم على المجامله

نورت

العـــاشئ

ملاحظات سـ تأخذ بالاعتبار (himo) وبعدين افرض اني مثلا صدق مانام بالليل فـ ماتصير مفردات مستهلكة :angel:

ظلمت قصدي نورت ياحلو :d:

تشكرون جميعا على مروركم :magkiss:

وبقى اعترف ان المقصوده بالقصيده والله خيالية مألفها من عندي ولو حقيقيه كان ماعرضت القصيده لان المشاعر الحقيقيه بالنسبة لي غير قابلة للنشر (himo) يعني ياتوصلها القصيده او احتفظ بها لنفسي .. وعسى الله يجيبها بس بدون مااسهر بالليل لان اهم شي عندي بالحياة النوم :angel: يعني تذكار انسى تصير شاعر :p