انتحااار خادمه عند مخرج 11 يوجد صور

[نوااااااااف11]

كان فيه زحمه اليوم عند مخرج 11 والسبب خادمه كانت تبي تنتحر سكرت الشوارع بسببها

اتركم مع الصور وكل الشكر للمصور

http://ahmad646.files.wordpress.com/2008/05/dsc_3373.jpg
تمشي على طرف الجدار والله التوازن بس وشوله السكين ياهي تسمع بالانتحار


http://ahmad646.files.wordpress.com/2008/05/dsc_3379.jpg


http://ahmad646.files.wordpress.com/2008/05/dsc_3359.jpg

العالم زحمه كلهم ينتظرونها تطب

http://ahmad646.files.wordpress.com/2008/05/dsc_3362-copy.jpg

هنا يولمون لها المفرش اللي تبي تطب عليه :jhgy:


http://ahmad646.files.wordpress.com/2008/05/dsc_3365.jpg

الدفاع المدني يطلع لها بالسلم


http://ahmad646.files.wordpress.com/2008/05/dsc_3369.jpg


بعد ساعه ونص من الانتظار الخدامه هونت لاتنتحر درت ان الموت مب لعب :amle:

[abo-sagr]

:d::d:

بعد ساعه ونص من الانتظار الخدامه هونت لاتنتحر درت ان الموت مب لعب

خلااص المفترض تسفر لـ بلدتهـا ولا دقيقه تجلس بالسعودية ,,
و مساكين و الله هالـخدم و الخـادمـات ضعف إيمـان و إسلام لك عليه ,, و الواحد منهم نفسيته تعباانه بعيد عن أهله و تلاقيه ساكن عند عائلة لا إحترام ولا تقدير و حاطينه شغال 23 ساعه ,, وتـسأله يقول نعطيهـ 650 ريال ,, مهب ببـلاش ,, :zael:

مسـاكين و الله ,,
و الحمد لله على نعمت ربنـا اللي خلانـا عيال بلدة البترول و خلالنـا نشتغل بديرتنـا لا إغتراب ولا غثاء ,,

و سـالفة الإنتحار كـاثرة هـ الآيـام ,, أمس أسمع إن فيه شخص بـ رتبة ( لوى ) منتحر عند كلية اليمامة ,,
الله يكفينا الشر

[яαsнэd]

لاحول ولاقوة الا بالله

ياليت لو يسوون خطط علمية مدروسة<<-- :d:

لتجنب انتحار الخادمات

وأتوقع سبب الانتحار

المعاملة الخشنة من معزبين هالخادمات
ويمكن تحرش الشباب بها في المنزل

[نوااااااااف11]

هو اكيد ماسوت كذا الا من المعامله بس مو لازم فيه اشياء ثانيه
غير المعامله يمكن نفسية الخدامه وبعض الخدامات تلجأ للانتقام
من اهل البيت

الثنيان وزيدان الخدامه مانتحرت هونت شف اخر سطر :d:

[حبلوص]

:amle:
وراه هونت :jhgy:


اللهم لك الحمد
اهل العقول في راحه:)

[الإسكـندر]

أهليــن,,

لاحول ولاقوة الا بالله..

على طاري الانتحار..

البارحه اشوف برنامج سيرة الحب مستضيفين جورج وسوف..

اسألوه عن الانتحار ..قال أعوذ بالله تبيني اروح النار دا ربنا مايرضاو..

واسالوه قالوا تتوقع خلال يعني الايام السوداء ماعاد تجيــكــ؟! قال: وهو ربنا معنده غيري..

أعوذ بالله تناقض الله لايعاقبنا..

المهم انتحار الخادمات والعمال بكل تأكيد من المعامله السيئه..

بس تنتحر أزين من اللي يسوونه بعض العماله..

يرمي نفسه بالشارع عشان الديــه..!

عموما الحمد لله على نعمة العقل والاسلام والامن..

تحيـــاتي..

[محمد الهلالي]

طيب ماودها تجيني محتاج خدامه وسواق والله فاضي واعاملها عادي ولا اعصب واصونها من الانتحار :angel:

[نوااااااااف11]

أهليــن,,

لاحول ولاقوة الا بالله..

على طاري الانتحار..

البارحه اشوف برنامج سيرة الحب مستضيفين جورج وسوف..

اسألوه عن الانتحار ..قال أعوذ بالله تبيني اروح النار دا ربنا مايرضاو..

واسالوه قالوا تتوقع خلال يعني الايام السوداء ماعاد تجيــكــ؟! قال: وهو ربنا معنده غيري..

أعوذ بالله تناقض الله لايعاقبنا..

المهم انتحار الخادمات والعمال بكل تأكيد من المعامله السيئه..

بس تنتحر أزين من اللي يسوونه بعض العماله..

يرمي نفسه بالشارع عشان الديــه..!

عموما الحمد لله على نعمة العقل والاسلام والامن..

تحيـــاتي..


تقريبا انا واوافقك اللي تنتحر اهون من اللي تحط حرتها بطفل بريئ
مثل ماشفنا بعض حوادث الخدامات مع الاطفال
اما جورج وسوف والوسط الفني عامه لاتشره عليهم
ونانسي عجرم مب بعيده عنه يوم انها تتحدا انها تدخل الجنه او زي كذا

[نوااااااااف11]

طيب ماودها تجيني محتاج خدامه وسواق والله فاضي واعاملها عادي ولا اعصب واصونها من الانتحار :angel:

انت والله انك خليتني اجرم في تكر عشانك يالسوسه وعدلت الرد
:angel:

[الزعيـALZAEEMـم]

http://ahmad646.files.wordpress.com/2008/05/dsc_3379.jpg

لا اله الا الله ,, اللحين ذولا ينتظرونها تطيح وتموت ؟

مدري وش يحسون فيه لا تجمهروا ,,
مره بالدائري صار حادث بالسيد الثاني ,, وماتشوف الا سيارات موقفه بالسيد اللي انا فيه وركض عالسيد الثاني ,,
ليتها فزعه ليتها نخوه ليتها مساعدة ,, يجي يتفرج ويمشي !!

لاهنت

[яαsнэd]

الثنيان وزيدان الخدامه مانتحرت هونت شف اخر سطر :d:


ايه عارف يابعدي

بس انتحار الخادمات بشكل عام

[||+[[ الكاســر ]]+||]

و سـالفة الإنتحار كـاثرة هـ الآيـام ,, أمس أسمع إن فيه شخص بـ رتبة ( لوى ) منتحر عند كلية اليمامة ,,
الله يكفينا الشر

اللوا اللي يقولون انه انتحـر .. يعرفه الوالد شخصياً .. واليوم جالس مع الوالد وعنده احدى الزمـلاء .. وكان الحديث عن اللوا .. هذا اللوا اسمه (( محمد عايض )) قوي الايمان , واللي يعرفه يقول انه مستحيل ينتحر ..
وترى مهوب اكيد يكون انتحار .. ماثبت شي الى الان :) ,,
وانا بقول لك قصته كاملة ..

(( يقول لك محمد عايض .. في يوم الاثنين راح عند مسؤل في عمله وسلمه ظرف وقال له اذا ما جيت يوم الثلاثاء سلم هذا الظرف لولدي .. يوم الثلاثاء ما داوم محمد .. راح المسؤل وسلم الظرف لولد محمد .. فحاولو يبحثون عن ابوهم , عن طريق ذبذبات الجوال .. فتوقفت الذبذبات عند العمارية , وبعد مدة ارسلو طائرات ورجال يبحثون عنه فوجدوه محترق هو وسيارته .. وحتى الان لا يعلمون هو انتحار او بفعل فاعل !! ))
والسر اكيد في الظرف :) ,,

[وردة الهلال]

و الله الشغالات حيوانااااااااات لا ترحمونهم يا قوم >> اسأل مجرررب

مجرد انك ترفض انها تخرج من البيت تسوي الهوايل .. الشغالات الحين مدلعات قسم احياناً نخدمهم مو يخدمونا .. :hgfd:

تصدق لو احسب نسبة اللي ( انحاشوا ) شغالاتهم القاهم فوق 80% ..!!!!

اقسم بالله انواع الدلع اصلاً كل عوايلنا يخافون على الشغالة من نسمة الهوا ( سلكوا لي اكمل سالفتي .. :d: )

و فيه شغالات لا شغل و لا مشغلة بس جايبينهم علشان حرمة كبيرة قادرة ع العمل ( لاحظ يعني ) بس تجيبها تسليها و تصلح شغلها عنها و هاتسذا نص وقتها في الاسواق و السوبر ماركات و مع ذلك تنحاااااااااش .. المهم اني اكره الشغالات مثل ما اكره البنغالية .. هالجنسين اكره شي في بالي الايام هذي ..:zael:
ترا هم ما يطلعون لسوء معاملة و رب الكعبة صاير فيه عصابات داخل المملكة و لو تعدّ عدد المخالفين نظام الاقامة بهالطريقة بتلاقي نسبة منتازة .. !!! الله يستر من القادم بس يمكن احنا ما صار لنا مستعمر يحوس لنا دولتنا و مجتمعنا .. لكن صار ما هو العن من المستعمر و هو هاللي نشوفه من محاولة ضرب الصف السعودي ( كسر تسلل ) من الداخل يعني من العائلة نفسها .. المواجهات صارت دامية مع هالمتخلفين عيال يموتون اهل تصير لهم اعاقات .. فساد من كل ناحية تنشره .. اتوقع كل وحدة لا راحت قامت تعدد بطولاتها اللي سوتها في السعودية بالذات ..!!
( على فكرة .. الفكرة اللي فوق مكتملة داخل ذهني لكن نزلت و فيها فيها حلقة ناقصة بحاول اكملها :jhgy: بعدين )


نرجع للي ما تنتسماش ..
يا ليتهم ياخذونها و يجلدوووووونها لين تعرف ان الله حق ..
لو هي طاحت كان صار سين و جيم .. كان تدخلت السفارة و جمعية هلاك الانسان .. كان وصلت الى التحقيق بشأن عدم منحها اجازة اسبوعية ( يا و الله الويل اعطيه اجازة وين تذلف ..؟؟ اسيّعها في شوارع الرياض ..؟؟ ) .. بصراحة موقفها يشوّه وجه المملكة ( المشوّه خلقة ) .. و يطلّع اشاعات بايخة ..
تلاقيها من زود البطرة محتّجة ليش ملبسينها نقاب و الدليل انها طالعة سايبة شعرها .. >> دليل منتهي :d:
ليت من فرسهم هالشغالات .. الله يغنينا عنهم مير شلووووون ..؟؟ :req:


على فكرة يا نواف انت الحين منحتها اضواء و ساعدتها على تحقيق مأربها >> براااا :angel:

عوافي نواف ..

[نوااااااااف11]

على فكرة يا نواف انت الحين منحتها اضواء و ساعدتها على تحقيق مأربها >> براااا :angel:

عوافي نواف ..

عاد تتوقعين تشوف صورتها بشبكة الهلال
مع ان الخبر مانزل بالصحف والظاهر بعد هالسالفه اهل البيت
مب مخلينها ولادقيقه ياخرابي تلقين سيرتهم بالحاره الحين وش مسوين لخدامتهم
وانواع الاقاويل :d:

والله يعافيك

[abo-sagr]

]+||;3095198']اللوا اللي يقولون انه انتحـر .. يعرفه الوالد شخصياً .. واليوم جالس مع الوالد وعنده احدى الزمـلاء .. وكان الحديث عن اللوا .. هذا اللوا اسمه (( محمد عايض )) قوي الايمان , واللي يعرفه يقول انه مستحيل ينتحر ..
وترى مهوب اكيد يكون انتحار .. ماثبت شي الى الان :) ,,
وانا بقول لك قصته كاملة ..

(( يقول لك محمد عايض .. في يوم الاثنين راح عند مسؤل في عمله وسلمه ظرف وقال له اذا ما جيت يوم الثلاثاء سلم هذا الظرف لولدي .. يوم الثلاثاء ما داوم محمد .. راح المسؤل وسلم الظرف لولد محمد .. فحاولو يبحثون عن ابوهم , عن طريق ذبذبات الجوال .. فتوقفت الذبذبات عند العمارية , وبعد مدة ارسلو طائرات ورجال يبحثون عنه فوجدوه محترق هو وسيارته .. وحتى الان لا يعلمون هو انتحار او بفعل فاعل !! ))
والسر اكيد في الظرف :) ,,

لا حول ولا قوة إلا بالله ,,
و المسـألة فيه ( إنّ ) ,, و مثل ما قلت الظرف فيه كـل شيء عن القضية ,,
و الله يستر علينا من تقلبات الدنيا ياارب

[سلا1م]

:jhgy:طيب وراك كاتب انتحار دامها ما انتحرت

[Hard]

الحمدلله على نعمة العقل..

كل واحد يمر بظروف صعبة.. بس ماتوصل للأنتحار.. والسبب الأول والأخير للأنتحار هو ضعف الوازع الديني ويتفرع منه مايسمى بالفراغ الروحي والعاطفي .. وغير ذلك كلها اسباب غير مبررة..
عاد اللي يضحّك ويقهر بنفس الوقت ان كلمة بنتحر صارت موضة بهالزمن وكلٍ صار يبي ينتحر .. العاشق اللي تركته حبيبته يهايط و يبي ينتحر هذا اذا ما انتحر فعلا << وهذا بالذات اقوله الله يخلف على امٍ جابتك .. والعاطل لو مالقى وظيفة فكّر بالانتحار.. والولد يهدد اهله وخصوصا الأم عطيني اللي في بالي ولا بنتحر<< وهذي منتشرة بشكل مب طبيعي .. والحرمة لو زعلت من زوجها دقت على صديقتها وقالت انا خلاص بموت نفسي..
والله الحياة حلوة و السعادة واضحة طرقها ومعالمها بس حنا اللي مانشوف ولا نفكر اشلون نوصل لها..
رغم ان اسباب الانتحار واضحة بس للأسف الدور التوعوي بخطورة هالظاهرة معدوم بالبيت وبالمدرسة وبوسائل الاعلام..
استغفر الله العظيم.. الله يحسن خاتمة الجميع..
^
احس اني تفلسفت بس امون :angel:

عوافي نواف..

تنسيق العاتي..:d:

[عــبــدالــرحــمــن]

صحيح

وتوي قبل شوي شايف فيديو لها مع واحد من اخوياي

[! S A U D !]

يا ليتهم ياخذونها و يجلدوووووونها لين تعرف ان الله حق ..

انشهد ان هذا هو الحل [ :lkj: ] ،، والله اني ارفع يدي وبقوه مع رد وردة الهلال

والله يا ناس لو تشوفون شغالتنا كيف نتعامل معها ،، كأننا نتعامل مع وزير [ :lkj: ]

اجل هالشغاله قاعد اكثر من ساعه ونصف ومعطله أرواح ،، هذا الي عندي موعد بمستشفى وهذا الي رايح لمستشفى يزور احد من اقاربه وبتقضي الزياره وهذي قاعده تلعب

ياخي و الله على قولة حبلوص اهل العقول في راحه [ :lkj: ]

ياخي لو ابقعد اتكلم ابسويلكم مكتبة كتب تترزقون الله منها [ :lkj: ]

انا من يوم ماشفت ذيك الشغاله الي بـ [ 99 ] وانا غااااسل يدي [ :slv: ] [ :slv: ]

مشكور يانواف على الطرح والله يسعدك يابعدهم

موفق ،،

[العاتي]

اللهم يا كافي ،، وش هالانتحار :d:

يرجع هالشيء لسوء المعاملة ،، على فكرة ترى حنا صحيح إن الرق ممنوع عندنا ،، لكن معاملتنا للخدم سيئة جدا :( ،، ما لها راحة ،، ما تعطى أي حق من حقوقها ،، يعني رق بطريقة غير مباشرة وهالشيء سبب هالافكار عند الخدم بشكل عام ،، هالحين هي تاركه أهلها وجايه تشتغل عشان تجمع لها كم قرش ولا عشان تستعبد ..!!

مهما يكن هي إنسانة ومستحيل تصل لهذه الدرجة من التفكير إلا بعد المعاناة اللي شافتها ،، لأنها إذا رجعت لأهلها وش تسوي وهم اللي قايلين لها روحي أشتغلي ،، وإن جلست عند السعودي بيستعبدها ،، فشيء أكيد راح توصل للانتحار كأفضل حل لها ،، إذا ما علمنا* إن أكثرهم جاهلين في الدين الاسلامي .. ،،

الحمد لله إنها ما أنتحرت ،،

مدري أحس الموضوع له أبعاد ثانية يمكن أعرج على رد وردة لأني كأني قريت إن الشغالات دلوعات :d:


هذه عينه من الشعب الكريم اللي ماخذ الشغالات ملك لهم :)



نرجع للي ما تنتسماش ..
يا ليتهم ياخذونها و يجلدوووووونها لين تعرف ان الله حق ..

:)

وليش تجلدينها ،، أسأليها طيب قبل وش سبب هالفكرة اللي جتها ..!!


* فهمت يا هلالي اليمن ولا أشرحها لك :d:

[هلالي اكاديمي]

وش لون ذي الاشكال تنتحر
مزيونه وفنانه وإكه :d:

يوم قريت الموضوع طرت ببالي سالفه شغالتنا يوم انجنت يوم الثلوث الي فات ... باكتبها لكم الحين
وجت بعد سالفه اللواء العسيري .. والي صراحه بعد ما شبكنا خطوط القضيه انا وخويي ومدير مكتبه في الرياض ... درينا ان السالفه فيها ان ..
لكم عندي سالفتين .. شوي واقولها .. توني جاي من الهافمون ... وحفرنا ولا لقينا لا بقر ولا حمير من الي يقول ابو نقد .. بس ما قصر خلانا نستانس على شاطي الشوام في الهافمون (rambo)

[DODY ALBLUES]

ضعيفة ايمان!!!!!!!

[هاوي نو11ف]

ياحليلها جيبوها لي بس

تبي تنتحر اجل :angel:
عوافي نوااف ،،>> يالبى الي في صورتكـ بس:love:

[هلالي حتى الموت $]

آآآآبوهاااا يالرخمة ورآ ما طبت :angel:


والله مشكلة هالتجمهر صراحة مصيبة عند الشعب السعودي :slv:

[كنكان زرقاء]

يرجع هالشيء لسوء المعاملة ،، على فكرة ترى حنا صحيح إن الرق ممنوع عندنا ،، لكن معاملتنا للخدم سيئة جدا

عندنا هي المعزبة وحنا الخدم..بسم الله عليك لا يغشى عليك..

الله يغنينا عنهن بالعافية ولا يحدنا لهن..

وجعل اللي حدهم ما يحدنا..

[العاتي]

يا ملحي وأنا أقول لي عودة من جديد للتعقيب كأني داري :d:
أعذرنا يا نواف11 :magkiss:
ـــــــــــــ

عندنا هي المعزبة وحنا الخدم..بسم الله عليك لا يغشى عليك..


هلا كنكان :)

:d: لا والله صاحي ما أغشى علي ولا شيء :d: أنت ردد معي بسم الله بسم الله ،، << :d:

يا كنكان أما هي المعزبه كثّر منها !! أرجع لمشاكل الخدم في مكاتب الاستقدام أو أفتح الجريدة يوم من الايام وأقرأ الاخبار المحلية ..!!

هل هي المعزبه عشان أنها ترفض تنزل لمعزبها آخر الليل وتسوي له كاس شاي .. ؟؟

هل هي المعزبة لأنها تبي ترتاح وقت معين في اليوم مثلك مثلها !! مثل ما تقيل أنت بعد الغداء هي تبي تريح المغرب أو العشاء أو الظهر ،، ترى يقولون إنهم بشر :)

هل هي المعزبة لأن غرفتها سبيل :rolleyes:

هل هي معزبه لأنه تبي تطلع للسوق بيوم من الايام .. ؟؟ ويجيها الرد ان شاء الله ،، موب لازم ،، أنتِ أشتغلي أول زين بعدين نطلعك للسوق ،،

هل هي معزبه .. لأن راتبها ما تستلمه بوقت منتظم والسبب ،، خلي فلوسك عندي أنا أحفظها لك ،، (himo) ولا جاء وقت سفرها بدت المساومة ،، تبين فلوسك وتجلسين ولا تسافرين بس الفلوس موب كامله (rambo)

هل هي معزبة لأنه تبي إجازة ، يوم واحد في الاسبوع ؟ ويجي الرد ،، خير إن شاء الله ،، انا مستقدمك عشان تخدميني ولا عشان تأجزين عندي !! :lkj: ,,

والله لو يخدمنا رجل آلي كان أمداه خبط :d:

الله يغنينا عنهن بالعافية ولا يحدنا لهن..

وجعل اللي حدهم ما يحدنا..
آمين والحمد لله إننا ما احتدينا لهن :)

لكن وضع الخدم في المجتمع ككل مؤلم :)

و ردة الفعل اللي نشوفها من قبلهم شيء طبيعي ،،وقالها نيوتن لكل فعل ردة فعل مساوي له في المقدار ومعاكس له في الاتجاه :)

[كنكان زرقاء]

هلا العاتي..

شف العاتي أنا أتكلم عن المجتمع اللي أنا عايشة فيه..ومن هم حولي..

بحكم أن البيت اللي أنا فيه يميل قليلا ( أما قليلا) إلى الوسوسة فالإعتماد على الشغالة يكون في الأشياء البسيطة جدا(يعني ما تنكرف )..وأبيه أبيه عليها عشان ما تضرب ولا تخنفس..

والنوم تنام أكثر منا..

أرجع لمشاكل الخدم في مكاتب الاستقدام أو أفتح الجريدة يوم من الايام وأقرأ الاخبار المحلية ..!!

وبالمقابل إقرأ وش تسوي بأطفالنا..وشف كم بيت عندنا انحاس كله بسبب حقد شغالة..


عموما إن صكينا عليها ما أعجبها.. وإن خليناها سيدها قيدها ما افتكينا من شرها..يعني الشر جاي جاي في كلا الحالتين..

واللهم لك الحمد حاليا منزلنا ينعم بخدمة رائعة اللي هي هلب يور سلف..والخدم كافانا الله شرهم واياكم حرمنا دخولهم منزلنا..:)

[الفارس المعصب]

انت متأكد انها شغاله(himo)

وبعدين مافكرت انك تنتظرها تحت واذا طبت تطمر وتمسكها ثمن يصفقولك الناس وانت شايلها وهي تناظرك وتقول الله هذا فارس احلامي وتعطيك قـ***:angel::angel:

:jhgy:

[الــصــاروخ]

بعد ساعه ونص من الانتظار الخدامه هونت لاتنتحر درت ان الموت مب لعب


أشوى اني موب موجود ,, احس انها مالها داعي متعبه هـ الخلق و معطلتهم عن أشغالهم ,, وآخرتها تهون :d:

يالله حس الخاتمه بس

لاهنت نواااااااف
;)

[o0o زراق o0o]

بعض الاحيان احس ان ودي اصير شرطي وانقذ المنتحرات زي ذي :jhgy:

نواف جب لنا علومها يبي لها عيد سلامة:d:

[ksa_hilali]

الله ياخذهن,, من تالي صايرات الاندونيسيات زي البنقاليه,, لاشغل ولا مشغله
فلوس عاليه ومشاكل واجد!
ونفسها بخشمها!! ياتهرب ياتقعد وتسوي باقعه!!

[ملك سانسيرو]

اكيد كفيلها مسوي شيء غلط ...

[yes2005]

اخرجوا الاجانب ترتاح البلاد

[قانون الجاذبيه]

عاد تتوقعين تشوف صورتها بشبكة الهلال
مع ان الخبر مانزل بالصحف والظاهر بعد هالسالفه اهل البيت
مب مخلينها ولادقيقه ياخرابي تلقين سيرتهم بالحاره الحين وش مسوين لخدامتهم
وانواع الاقاويل :d:



والله عاد الناس ماترحم ... والله انها خبله هالخدامه مسويه في امها قويه بنتحر .. يوم شافت الموت قالت خلك اعقل بس ..

تسلم هاليديات يا نواااف

[هلالي اكاديمي]

يوم الثلوث الي فات ..
جت شغالتنا من صباح الله خير .. وتأذن وتقول الللللللللللللله اكبببببببببببببببر اللللللللللللله اكبببببببببببر لااااااا اله إلا الللللللللللللله اللللللللللللللله اكببببببببببببببببببر اشهد ان لااااااااااااااااا اله إلا الللللللللللله اللللللللللللله اكببببببببببببر .. عاد اخوي دخل الصاله ويحمد الله ويشكره ... يقول : شميت ريحه فيوزر تحترق :d:
وتطق الباب على ابوي في غرفته .. وتقول له بابا ابي اروح اندنوسيا .. عاد ابوي قلبه طيب مثلي .. مدري انا مثله .. المهم قالها طيب ابشري يا بنتي ... الاسبوع الجاي بنوديك اندنوسيا ... قامت ونطت على رجول ابوي تحبهم ... وتبوس فيهم .. وابوي يحاول يفك رجوله منها ما قدر .. تشعبطت فيها وتبووس فيها ...
ويجي اخوي يسحبها ويرميها برا الغرفه .... قامت امي تبي تشوف وش قصتها ... عاد هالكلام الفجر ... وتجي الشغاله بنت الكلب تبي تخنق امي ... عاد امي ما قدرت تصيح ... وفي نفس الوقت منصدمه ... ويوم يمر اخوي من الصاله يسمح صوت غريب في المطبخ .. ويركض ويشوف الشغاله جالسه تخنق امي .. وامي تفك يدها بس ما قدرت .. ويجي اخوي يصكها بذاك المخمس ... ويفك يدها ويلعن ابو خيرها ... ويسحبها مع شعرها ويوديها غرفتها ... وهي تصيح وتقول اانا احب ماما فلانه ... انا احب ماما فلانه ... الللللللللله اكبببببببببببببببببر اللللللللللله اكبببببببببر اشهد ان لاااااااا اله إلا اللللللللللللللللللللللله اللللللللللله اكببببببببببببببببر
ويدق اخوي على واحد من اخوياه في الدوريات ويجي يشيلها من البيت .. يوم وصلوا الشباب ... وفتحوا الباب .. قامت تصيح وتمسك رجول العسكري تحبهم وتمسكهم وتقول انا احب ماما فلانه .. انا يبغى يروح اندنوسيا
عاد شالوها العسكر وجلست معاهم 6 ساعات وودوها الصحه النفسيه
عاد خوي اخوي الي بالدوريات يقول والله يا العسكر ما بقى واحد إلا وعرف اسم امك ههههههههههه :d:
اليوم امي راحت لها .. علشان تشوف صحتها .. وجالسه تقول ماما كله نفر يضرب انا ...

بس الحمد لله دبرنا لها حجز وفي اقرب رحله راح نوديها اندونسيا الله لا يبارك فيها من شغاله .. بغت تجيب العيد في الوالده الله يطول لي في عمرها ..
حسيت ان حركاتها استهبال علشان تسافر بنت الذين .. بس الفكه منها غنيمه ... الله لا يبارك فيها

[زعــ العودة ــيم]

كني اشوفك ملنبق معهم :angel:

بعدين مالها داعي ( ستي ) << كل هالاندوسيات اسمهن ستي وش زود هذي

مجمعه خلق الله وغاثتهم بهالحر والقلق واخرتها تسحب عليهم

عاد تصدق اني احس انها تبي تطل في بيت الجيران ويوم تجمعو العالم صرفتها كنها بتنتحر (himo)


اقول هلالي اكاديمي انت الي اسمك امك حصه :cool:

[هلالي اكاديمي]

^
مالك لوا (rambo)

[Suhaib]

الحمد لله على نعمة العقل

[سعــــــــــ14ــــــــــود]

اللهم لك الحمد على نعمة الاسلام ....


جمهورية اندونيسيا اغلبهم علمانيين ... يعني يسمعون بالاسلام ... والدليل تسونامي والعياذ بالله ...

اللهم لاتؤاخذنا بما فعله السفهاء منا ....


تحياتي .....

[ksa_hilali]

8
8
>>>220

[جنا الهلال]

ههههههههههههههههاي ياحليلها مهيب سهلة شكلها شايفه فيلم

بس مثل ماقالوا اكيد تعامل بقسوة ولا كان ماسوت كذا

يسلمووا أخوي على الصور

[KhâlééD]

يمكن ماخططت زين ؟

قالت ابطيح على الجدار والا الارض والا الفاصل ؟ :jhgy:

[.SMaSM.]

:fghty:

وش هي شايفه .. شكلها شايفه الويل

:d:

................

وكل هالعلم وش يبون تكفون

ياعندنا تخخلف مو معقــــول

[أحــب الـشـلـ 10 ـهـوب]

<table border="0" cellspacing="1" width="100%" id="AutoNumber1" background="http://www.up.5alid.com/up/uploads/71ffda37ba.jpg"><tr><td width="100%">





الحمد لله الذي عافنا مما ابتلاها الله يهديها ويشرح صدرها للاسلام :)






</td></tr></table>

[knight]

لاحول ولاقوة إلا بالله

إلا اسمه ناس ماتعرف من الإسلام

[هلالي أخلاق]

يا اخوان الخبر اللي نقل لي إنها طبت وصكت في الشينكو (الفاصل) وققق (ديد)

بعدين لا تلومون العالم اللي تتفرج أول مره شوفون هالزين ويمكنهم يحتروناه تطيح كود يطلع من بياضها شي هع هع هع

[وردة الهلال]

العاتي الخادمات بديت اشك ان لهم منظمات هنا .. تنظم عملية استقدامهم و من ثم تهريبهم من كفلائهم و من ثم يحوسون في البلد على كيف كيفك بدون اقامة و لا كفيل .. انت عارف ابعاد الكلام اللي انا اتكلم عنه ..؟؟

خروج الخادمة بهالشكل تبي تنتحر يعني تدخل جهات اعلى .. و ربما غالباً هذا هو اللي قصدته الخادمة و الدليل انها يوم شافت الموت الحمر عضت الارض و هونت ..

انا تكلمت بشكل عام .. و الاساءة للخدم ارفضها جملة و تفصيلاً .. حتى طريقة توجيه الاوامر لها ما تكون فيها اساءة لها و هذا توجهي معهم دائماً ..

[نوااااااااف11]

8
8

فيه قسم شرطه في منطقة .......... هالقسم خاص للشغالات الهاربات يجمعونهم فيه ويرسلونهم
اما لسفاراتهم ومن السفاره لديارهم او شي ثاني !!
الشي الثاني هذا بصراحه كلام خطير ومايصدق لو اقوله لكم وش اللي يصير بالضبط
في ذاك القسم من تلاعبات وطبعا العاملين بالقسم كونوا علاقات مع حق السفارات !! ومثال
السفاره ..................... فالينها وقالبين السفاره كمبني حكومي
مكتب استقدام اخر
بطريقه اخرى ومحد جايب خبرهم !!

[Hard]

يامن شرى له من حلاله عله..

العاتي ترى بالغت في دفاعك عن الشغالات .. لاتحسب اللي هنا مثل اللي عندكم..:fghty:

جد والله هذي شغلتها ومهنتها شغالة او خدامة .. وشو له ماتسوي شاهي لمعزبها .. وبعدين اللي يبي الدح لايقول اح .. وفي رواية اللي مو قد الدح يقول اح..:o ..
الخادمات بديت اشك ان لهم منظمات هنا
الحين معروف ليش تهرب الشغالة ولانها تترزق الله بطرق تأمن لها اضعاف راتبها اللي تحصله مقابل خدمتها في البيوت .. فاتوقع انها اساسا ماتجي هنا الا لانها تبي تهرب .. بس تمتهن مهنة الخدم والشغالات كجواز مرور بس ..

ابو العت مرة ثانية .. شوف ودقق ولاحظ وتابع حركات مايسمون اصطلاحا بالرجال من جنسيات دول جنوب شرق اسيا علشان تعرف ان حريمهم خراب بيوت.. قال سبيل قال .. :d:

الحمدلله ماعندنا شغالة..:kany:

[العاتي]

^
كنكان :)

وبالمقابل إقرأ وش تسوي بأطفالنا..وشف كم بيت عندنا انحاس كله بسبب حقد شغالة..

طيب نسأل أنفسنا ليش تسوي كذا في أطفالنا :req:

لا تعتقد إنه فيه أحد بيجي يشتغل عندك أيا كان سواء كان رجل أو امرأة لمجرد إلحاق الضرر بك ، ترى ما ضيعنا إلا نظرية المؤامرة :(

وردة الهلال /

حلو بما إننا متفقين على عدم الاساءة لهم :) ،

أما أن لهم منظمات وتهريب ، ما أقدر أنكر هالشيء في الوقت الحالي ، لكن لو فكرنا بالسبب ، راح يكون رب البيت أو العمل ، من ضمن الاسباب الرئيسية :)

هلالي اليمن :magkiss: *

هههههههههه اللي عندنا تجيك تخدمك كم ساعه باليوم وتروح لبيتها معززه مكرمه ، موب يكون البيت سبيل متى ما اشتهى راعي البيت شيء دق على غرفة الشغاله وأملى طلباته عليها ، أكيد ما جبتها إلا عشان تخدمني لكن في شيء أسمه حق لها بالراحة في وقت معين مثلك مثلها ، أنا ما شريتها أنا موقع عقد معها ، وإن كنت تخالف هالمبدأ ، معنى هالشيء إننا بنرجع لزمن الرق وبكذا يختلف ميزان الامور :rolleyes:

في النهاية اللي أبي أوصل له ، متى ما تمت معاملة الانسان بأسلوب حسن ، لا تتوقع إنه يقدم الاساءه لك أو أصح نقول الاغلب ما راح يسيء لك .

الحمدلله ماعندنا شغالة..:kany:
ياشين التقليد :kany:


* عطيتك إياها ـ خلاص ما تطلبني شيء :d:

[وردة الهلال]

في النهاية اللي أبي أوصل له ، متى ما تمت معاملة الانسان بأسلوب حسن ، لا تتوقع إنه يقدم الاساءه لك أو أصح نقول الاغلب ما راح يسيء لك .


اللي حاصل الان من البنغاليين مثلاً و العمالة المنزلية .. استغلال لك و لمالك و للمتهور من افراد شعبك ..!!
انا ما اركز على الحوادث اللي تحصل منهم داخل نطاق الأسرة .. الان محور التركيز على المقدار الكبير من الاستغلال الكبير لمجتمعنا و افراده .. و انا اشوف اللي تجي تخدم شهر و بعدها تهرب .. طيب باقي سنة و 11 شهر .. صدق ذي ما توفّر ..!!!
واضح و انا اختك المعاناة الكبيرة اللي ( سقط ) فيها مجتمعنا .. و لعل رد نواف يعطيك بانواراما يعني علشان بس تاخذ فكرة سريعة و شاملة و مبسطة عن دواعي حضور الكثير من الخادمات في هالوقت للسعودية بشكل خاص و للخليح بشكل عام ..!!


الحين معروف ليش تهرب الشغالة ولانها تترزق الله بطرق تأمن لها اضعاف راتبها اللي تحصله مقابل خدمتها في البيوت .. فاتوقع انها اساسا ماتجي هنا الا لانها تبي تهرب .. بس تمتهن مهنة الخدم والشغالات كجواز مرور بس ..


صدقني هذي مصيبة كبيرة جداً عجزت دولتنا تقف امامها بحزم .. و السبب .. و الله مادري ..!!

[Hard]

معنى هالشيء إننا بنرجع لزمن الرق وبكذا يختلف ميزان الامور
انت من وين تفهم؟؟
انا لا اهاجم ولا ادافع .. وعلى فكرة حتى هجوم وردة مبالغ فيه بعد..
ونظرتي للخادمة انها من البشر والواجب انها تعامل كـانسانة..
الحمدلله ماعندنا شغالة..
ههههههه:d:
قلدت من؟:req:

* عطيتك إياها ـ خلاص ما تطلبني شيء
مالي نفس..:jhgy:


صدقني هذي مصيبة كبيرة جداً عجزت دولتنا تقف امامها بحزم .. و السبب .. و الله مادري ..!!
والله مايندرى اللوم على مين بالضبط.. الدولة ولا المجتمع..

سلاام

[وردة الهلال]

والله مايندرى اللوم على مين بالضبط.. الدولة ولا المجتمع..

أكيد ع الطرفين .. لو ما فيه مجتمع يفتح ذراعيه لهالمنظمات اللي تدهر و توظف و توزع الخادمات ع البيوت و كلهم بدون اقامات .. كان ما تجرأت على وضع قدميها هنا . و بالمقابل لو ما فيه دولة نص شغلها جمش و امش .. كان محد تجرّأ على العيث بالقرب منا .. ;)

[العاتي]

^
هلالي اليمن وخر عن راسي لأني بعلمك مع وين أفهم :d:

هالحين تقول " ايه ليش ما تسوي شاي لمعزبها " وأنا ضارب لك مثال إنه "يبي شاي آخر الليل " وتقول تقدر الانسانية ، خوش يا باشا :d:

أنا فاهم وضعك أنت بالضبط مثل ليلو لا تهاجم ولا تدافع بس جالس تشتغل بهالمراوح :d: :magkiss:



والله مايندرى اللوم على مين بالضبط.. الدولة ولا المجتمع..

سلاام

اللوم على الكل مثل ما قالت الاخت وردة :yes:


مالي نفس..

مالك نفس فيها طيب رجعها ياخي :(

:d:
ـــــ

وردة الهلال ، الكل ذاق الويل من إجرام العمالة في البلد ، لكن ليش نفكر إنهم جايين عندنا عشان يخربون البلد وبس ،، قضت الديار اللي يخربونها ، الواحد موب تارك ديرته وناوي على خراب ديره ثانية .
في الوقت اللي نشوف عماله تجلس شهر و تنحاش سنة و 11 شهر فيه بعد عمالة تجلس أكثر من 10 سنوات في البلد ولا نشوف منها إلا كل خير !!

و لعل رد نواف يعطيك بانواراما يعني علشان بس تاخذ فكرة سريعة و شاملة و مبسطة عن دواعي حضور الكثير من الخادمات في هالوقت للسعودية بشكل خاص و للخليح بشكل عام ..!!
رد نواف يدين المجتمع أكثر من العمالة

أكيد ع الطرفين .. لو ما فيه مجتمع يفتح ذراعيه لهالمنظمات اللي تدهر و توظف و توزع الخادمات ع البيوت و كلهم بدون اقامات .. كان ما تجرأت على وضع قدميها هنا . و بالمقابل لو ما فيه دولة نص شغلها جمش و امش .. كان محد تجرّأ على العيث بالقرب منا ..

عليك نور ،، يعني الاجنبي ما جاء للبلد يخرّب من الباب للطاقه .

بعد ما شاف التسيب اللي صاير ، محد يقدر يلومه في الجرائم اللي تصير في البلد وأبناء البلد هم أصحاب هالجرائم بطريق غير مباشر والعامل الاجنبي مجرد دمية تتحرك على حسب أهوائهم :yuupy:

إذا كان الواحد يستقدم له 10 أجانب ويطلب منهم نهاية كل شهر 1000 ريال أو بيرجعهم لبلادهم وش تتوقعين من الاجنبي اللي جاي على أنه سوّاق أو سبّاك أو كهربائي .. الخ !! بيقول رجعني لبلدي خلاص ما أبي أجلس ،، ولا بيسوي كل شيء عشان يطلع بمبلغ يسد طمع المجرم الحقيقي !!

[قلبها ازرق]

والله احلى شيء بهالدنيا الشغالات جعلي مااذوق فرقاهن :love::d:

شوف انا مايقهرني الا شيء واحد انك تجيب شغاله ابد من بلدها الى هنا ولا تعرف اللعانه ولا اللكاعه وماغير هزٌ بهالراس وبس 5 ساعات تجلس مع شغاله لها 5 سنين بالسعوديه ومستلعنه والامٌر والادهى انها تعطيها توصيات وبعدها يقلب حال هالشغاله الجديده وتصير لاهزٌ راس ولا شي تسني اترجاها على شيء تسويه وانواع اللعانه واحسها تفكر بشيء :q: وكل دقيقه انا بااروح بلد انا :amle: ودي اقول بقلعتس بس مايقوى قليبي اقولها :angel:

[Hard]

هالحين تقول " ايه ليش ما تسوي شاي لمعزبها " وأنا ضارب لك مثال إنه "يبي شاي آخر الليل " وتقول تقدر الانسانية ، خوش يا باشا
هههههه مرة ثانية بقولك من وين تفهم..(rambo)
من الحماقة ان تناقش احمقاً .. بس انا بقولك من الحماقة ان تناقش اشتراكياً.. لان فكركم اضيق من ملابس شغالتكم اللي بالمانيا..:love:
الحين انت تقولني شي ماقلته.. انا اتكلم بشكل عام مب عالشاي بآخر الليل لانه هذي حاالات شاذة ولا تسوي منها قاعدة..

ودي اشبه الشغالة بشي معين في بالي بس وش يفكني من بعض الناس..:fghty:
من الاول حدد لها خط سيرها .. ولاتعودها على روتين معين .. ولا تحمّل اللي يجيك بعدين .. اذكر اخر شغالة كانت معنا وربي كل وقتها يا بالمطبخ تاكل او حاطه رجل على رجل قدام التلفزيون.. مرة شفت امي ترتب الصالة قلتلها اجل وشو له جايبين هذي .. قالت حرام خلها ترتاح:d:..

يعني باختصار اهل البيت هم السبب في تصرفات شغالتهم ..

و مرة ثانية اقول ضرر الشغالات اكثر من نفعهم.. هذا اذا كان لهم فايدة من الاساس..


لو ما فيه مجتمع يفتح ذراعيه لهالمنظمات اللي تدهر و توظف و توزع الخادمات ع البيوت و كلهم بدون اقامات
تصدقين ان السبب كله انتوا الحريم.. ولا لو وقفت على بيالة الشاهي اللي ذلنا فيها العاتي عادي الواحد بيسويها بروحه..:d:
آآخ بس لو يمنعون التلفزيون والمكياج كان ماشفنا هالشغالات..;)

[السـامـر]

لاحول ولاقوة الا بالله

[العاتي]

^
وخّر عن مخي عشان أقولك معين أفهم :d:


من الحماقة ان تناقش احمقاً .. بس انا بقولك من الحماقة ان تناقش اشتراكياً..

انا اتكلم بشكل عام مب عالشاي بآخر الليل لانه هذي حاالات شاذة ولا تسوي منها قاعدة

شكراً !
أجل انت ليش راد وتقول ايه تصلح شاي لمعزبها :d: ما ذُكرت نقطة الشاي إلا وقت الفجر ، ولا سويت منها قاعدة أنا ضربته كمثال بسيط ، من بين عدة أمثلة ..

أشوف إننا متفقين إن السبب يعود لصاحب الخادمة سواء كان رجل أو إمرأة ، والكلام يتكرر ،، وأنت دخلت بنقطة جديدة وشوله الشغالات ، هذه ناقشها مع مندوب حواء وردة الهلال ، لأني من الاساس أرى تواجدهن في أغلب الحالات مجرد زبرقه قدام الناس ، مثل : أنا عندي شغالتين والثانية تقول انا توها مسافرة الثالثة من عندي .. الخ :rolleyes:

كل كلامي كان عن الدافع اللي يخلي الشغاله تفكر في الانتحار او عمل شيء يلفت الانتباه بغض النظر عن خطره فقط لا غير ، ولو ترجع لتعليقي من الاول كان على وردة وهي تقولو الله الشغالات حيوانااااااااات لا ترحمونهم يا قوم

يا ليتهم ياخذونها و يجلدوووووونها لين تعرف ان الله حق ..!

من الاول حدد لها خط سيرها ..

هذا الكلام يسلم بؤك ياهلالي اليمن ،

خارج النص ـ

آآخ بس لو يمنعون التلفزيون والمكياج كان ماشفنا هالشغالات
هههههههههههههه شف معك إن التلفزيون ممكن يكون بلوه بس وش دخل المكياج :d:

تعرف الاشتراكيين ما يعرفون المكياج يعرفون الشغل وبس ، ياليت توضح لي :magkiss:




سلاام :p

[مشتاق لنظره]

ضعف أيمان


الله المستعان

[مفاهيم الغلا]

هالشغاله شغالة جيراننا ..
يعني العائله الي فيها الشغاله جيران لنا ..
هي مالها 3 شهور هنا ..
وتعرفون نظام المكاتب بالترحيل.
اذا تبي ترجع لبلدها تتدفع من جيبها قبل الثلاث شهور ..
وهي سوت هالحركه عشان يسفرونها بحسابهم ..
وهي كانت ظهر اليوم هاجت على البيت واهل البيت..
جابوا لها اسعاف .. طق لها ابره وقالوا لهم بها حالة نفسية وحنا مو مسئولين ناخذها معنا ..
وخلوها بغرفتها فوق بالسطح ومقفلين الباب ..
واختنا بالله طلعت من الدريشه بالعصصر وفضحت اهل البيت بقضية الانتحار ..
هذه الي فهمته من اهل البيت وكلامهم ..

ثنكس نواف

[Hard]

فقط لا غير ، ولو ترجع لتعليقي من الاول كان على وردة وهي تقول..و الله الشغالات حيوانااااااااات لا ترحمونهم يا قوم ..

هههههههه اجل ياقوم..:d:

هههههههههههههه شف معك إن التلفزيون ممكن يكون بلوه بس وش دخل المكياج
مدري وش دخل المكياج..:req:
اذا مافي مكياج ياشاطر كان كل حرمة تنثبر في بيتها .. يعني ماراح تلاقي الاعذار الواهية اللي دايم يتحججون فيها الحريم للحصول على الشغالة .. خلاص ماعاد تبي لا وظيفة ولا اعراس ولا زيارات ولا تبي تشوف احد او بمعنى اصح ماتبي احد يشوفها ..:d:

[وردة الهلال]

وردة الهلال ، الكل ذاق الويل من إجرام العمالة في البلد ، لكن ليش نفكر إنهم جايين عندنا عشان يخربون البلد وبس ،، قضت الديار اللي يخربونها ، الواحد موب تارك ديرته وناوي على خراب ديره ثانية .
في الوقت اللي نشوف عماله تجلس شهر و تنحاش سنة و 11 شهر فيه بعد عمالة تجلس أكثر من 10 سنوات في البلد ولا نشوف منها إلا كل خير !!


اخوي العاتي .. ما فيه احد بيجي برجليه علشان يخرب .. و اغلب اللي يخربون اصلاً يكونون يقبضون فلوس علشان التخريب .. و اللي وراهم هو اللي يوجههم .. هذا بشكل عام يعني ما فيه احد جايع و يدور الفلوس و يقول بروح اخرب ,, لا طبعاً هو راح يخرّب لان الخراب بيجيب له فلوس ..


رد نواف يدين المجتمع أكثر من العمالة

راجع رد نواف معاي .. >>


فيه قسم شرطه في منطقة .......... هالقسم خاص للشغالات الهاربات يجمعونهم فيه ويرسلونهم
اما لسفاراتهم ومن السفاره لديارهم او شي ثاني !!
الشي الثاني هذا بصراحه كلام خطير ومايصدق لو اقوله لكم وش اللي يصير بالضبط
في ذاك القسم من تلاعبات وطبعا العاملين بالقسم كونوا علاقات مع حق السفارات !! ومثال
السفاره ..................... فالينها وقالبين السفاره كمبني حكومي
مكتب استقدام اخر
بطريقه اخرى ومحد جايب خبرهم !!

السطر الاول .. تقصير في المتابعة من الشرطة .. و هنا لوم ع الدولة ..
السطر الثاني .. ( سردحة ) من السفارة الفلانية .. مع غياب المتابعة من الدولة اللي هي دولتنا .. هذا جزء هام من العملية و العمود الاساس لـ ( الاستغلال ) اللي وقع فيه ارفارد شعبنا الصاحي و غير الصاحي ..!!
السطر الثالث .. لوم يقع على افراد المجتمع اللي يتعاملون مع هالاشكال سواء للعمل او لاغراض اخرى ..!!

عليك نور ،، يعني الاجنبي ما جاء للبلد يخرّب من الباب للطاقه .

اكيد و هالشي بالذات كنت اتناقش مع اخوي قبل كم يوم لما شفت ( خلية ) باكستانية ..
و كان تعليق اخوي / شوفيهم يضحكون و يسولفون و هم يشتغلون باليومية و هذا ما لقى له يومية و مع ذلك فالّها .. يقصد طبعاً انهم موسعين صدورهم .. و انا هنا بحسي الوطني نقزت بحلقه و ليش يجون و ليش هم كذا شكلهم و هم فاضين بيجرهم الى اشياء ثانية و من هالحتسي .. الى ان وصل اخوي الى كلمة لولا الله ثم هالعمالة اليومية كان شفتينا بمعاناة كلما احتجنا عامل لو بيحرك ايش لازم تطق له ميتين ثلاث ..
ما اقتنعت طبعاً هذا مع انهم باقاماتهم و كل شي تمام .. لولا انهم بدون شغل محدد و مثل ما تفضلت انت يطلب من بعضهم اخر الشهر مبلغ معين .. و هذا يعني انهم راح يسلكون اي عمل مرضي و لا غير مرضي للوصول الى المبلغ المحدد و ما يفوق ايضاً ..

لكن الحديث عن عاملات المنزل محتلف تماماً ..
لانها تجي من برا و هي عارفة انها بتهرب اصلاً ..
و فيه من يستقبلها اول ما تهرب .. هذا ما يعطيك دليل على عمل ( لا اخلاقي ) منظم يتم داخل ارضنا ..؟؟
شعبنا حتى مع الغلاء شعب راهي و يملك نقود حتى و ان لم تشمل المجتمع كله ..
لكن هناك فئات كبيرة عندها فلوس و تضيعها يمين و يسار .. و يحدث استغلال من بعض الوافدين لهالشعب اللي ما يدري وين يصرف فلوسه ..
انا تكلمت من واقع معايشة و تتبع لاحداث يومية ..
فيه تسيب .. اي نعم من ناحية المجتمع و من ناحية الدولة ..
فيه طمع و استغلال .. اي نعم من ناحية الوافدين بأغلب اطيافهم و ليس جميعها ..
انا اكره البنغاليين بشكل عام .. لكن لو اقولك في مزرعة ابوي بنغالي جا و عمره 20 سنة و الحين عمره اربعين و الى الان موجود .. و كلمة امين شوية عليه .. هذا يعني من قوة امانته .. ,
الخادمات يا اخوي العاتي صار لهم سطوة في الفترة الاخيرة لا تنكر .. على اقل تقدير على ما اشوف ..


شكراً لك و شكراً لهلالي اليمن ..
و الاراء تختلف و تتفق .. لكن المهم الهدف واحد .. :)

[ماجد الناصر]

العاتي الخادمات بديت اشك ان لهم منظمات هنا .. تنظم عملية استقدامهم و من ثم تهريبهم من كفلائهم و من ثم يحوسون في البلد على كيف كيفك بدون اقامة و لا كفيل .. انت عارف ابعاد الكلام اللي انا اتكلم عنه ..؟؟


ميه بالميه حتى انهم يجون ويشيلونهن او يرسلون لموزين تبعهم لهن

فعلا هي عصابات

[الهلالي عبووود]

:q:

[العـــاشق]

وش افقر من وحده راتبها 600 ريال واهلها باندونيسيا وتلقا اهل البيت معاملتهم سيئه واشياء تصير ببلدها ومشاكل وبعضهن صغار بالسن اشياء تخليك تكره الحياة
طبعا ماتوصل للانتحار لكن مع ضعف الايمان



يعطيك العافيه نواف

[taroki]

الله يعافينا ويستر علينا

[الطير3000]

يوم الثلوث الي فات ..
جت شغالتنا من صباح الله خير .. وتأذن وتقول الللللللللللللله اكبببببببببببببببر اللللللللللللله اكبببببببببببر لااااااا اله إلا الللللللللللللله اللللللللللللللله اكببببببببببببببببببر اشهد ان لااااااااااااااااا اله إلا الللللللللللله اللللللللللللله اكببببببببببببر .. عاد اخوي دخل الصاله ويحمد الله ويشكره ... يقول : شميت ريحه فيوزر تحترق :d:
وتطق الباب على ابوي في غرفته .. وتقول له بابا ابي اروح اندنوسيا .. عاد ابوي قلبه طيب مثلي .. مدري انا مثله .. المهم قالها طيب ابشري يا بنتي ... الاسبوع الجاي بنوديك اندنوسيا ... قامت ونطت على رجول ابوي تحبهم ... وتبوس فيهم .. وابوي يحاول يفك رجوله منها ما قدر .. تشعبطت فيها وتبووس فيها ...
ويجي اخوي يسحبها ويرميها برا الغرفه .... قامت امي تبي تشوف وش قصتها ... عاد هالكلام الفجر ... وتجي الشغاله بنت الكلب تبي تخنق امي ... عاد امي ما قدرت تصيح ... وفي نفس الوقت منصدمه ... ويوم يمر اخوي من الصاله يسمح صوت غريب في المطبخ .. ويركض ويشوف الشغاله جالسه تخنق امي .. وامي تفك يدها بس ما قدرت .. ويجي اخوي يصكها بذاك المخمس ... ويفك يدها ويلعن ابو خيرها ... ويسحبها مع شعرها ويوديها غرفتها ... وهي تصيح وتقول اانا احب ماما فلانه ... انا احب ماما فلانه ... الللللللللله اكبببببببببببببببببر اللللللللللله اكبببببببببر اشهد ان لاااااااا اله إلا اللللللللللللللللللللللله اللللللللللله اكببببببببببببببببر
ويدق اخوي على واحد من اخوياه في الدوريات ويجي يشيلها من البيت .. يوم وصلوا الشباب ... وفتحوا الباب .. قامت تصيح وتمسك رجول العسكري تحبهم وتمسكهم وتقول انا احب ماما فلانه .. انا يبغى يروح اندنوسيا
عاد شالوها العسكر وجلست معاهم 6 ساعات وودوها الصحه النفسيه
عاد خوي اخوي الي بالدوريات يقول والله يا العسكر ما بقى واحد إلا وعرف اسم امك ههههههههههه :d:
اليوم امي راحت لها .. علشان تشوف صحتها .. وجالسه تقول ماما كله نفر يضرب انا ...

بس الحمد لله دبرنا لها حجز وفي اقرب رحله راح نوديها اندونسيا الله لا يبارك فيها من شغاله .. بغت تجيب العيد في الوالده الله يطول لي في عمرها ..
حسيت ان حركاتها استهبال علشان تسافر بنت الذين .. بس الفكه منها غنيمه ... الله لا يبارك فيها


نفس هالحاله صارت لنا قبل 10سنين تقريبا كنا معزمين عند عائله, وهلوست بالحريم الشغاله (( لبسها جني )) ساعتها ومافي احد ماباست رجله وتصارخ عليه وعلوم مدري وش تبي .. لين جاء شيخ للبيت وطلع الي مايتسمى منها واتوقع انها للحين مع نفس العائله :) ,,

الكاسر :

وش صار على سالفة اللواء ؟

العاتي صديقي كيف الحال ؟ :kany:

[الماستروالموهوب]

مسويه زحمه واغلشوارع والدفاع المدني واخر شي فنش ياخي مفروض ي ترحلون

[عضو شرف]

لا حول ولا قوه الا بالله

[D.7.o.O.o.M]

الحمدلله على نعمة الاسلام

[أزرق مرح]

أبلشونا الخدم

كل يوم مشكلة

[البطل نواف11]

والله يجي منها ها الشغالة :d:


وش افقر من وحده راتبها 600 ريال واهلها باندونيسيا وتلقا اهل البيت معاملتهم سيئه واشياء تصير ببلدها ومشاكل وبعضهن صغار بالسن اشياء تخليك تكره الحياة
طبعا ماتوصل للانتحار لكن مع ضعف الايمان

احلى رد



يعطيك العافيه نواف

[فيصل الجابر]

أنا ما يرفع ضغطي إلا التجمهر !!!

ذاكـ اليوم صار عندنا حادث قوووي وجاك التجمهر .... الســـالفه وما فيها
جاء واحد دق على خويه :lkj:(( أسمع الأسلوب))

هلا أبو خشم ويـــنك ,,,, لا يفوتك فيه حادث شنيع عالاصفر والله شكل فيه حالة أموات :jhgy: أمش شف أشكالهم لا تفوتك والله ينرحمون ومرتاعين ,,,,(( مدري يبيه يشغل رابح ويرقص :angel: ))


قسم بالله شعب غرييييييييييب !!!

ويعطيك العافيه نواااف ع الموضوع

[ابوشهاب]

اعتقد انها بس تختبر حب الناس لها


يوم شافت هالناس مجمتعه تحسبه علشانها



وهونت معشوقة الجماهير :d:



اخخخخخخخخخخخ

[N a W a F]

أهليــن,,

لاحول ولاقوة الا بالله..

على طاري الانتحار..

البارحه اشوف برنامج سيرة الحب مستضيفين جورج وسوف..

اسألوه عن الانتحار ..قال أعوذ بالله تبيني اروح النار دا ربنا مايرضاو..

واسالوه قالوا تتوقع خلال يعني الايام السوداء ماعاد تجيــكــ؟! قال: وهو ربنا معنده غيري..

أعوذ بالله تناقض الله لايعاقبنا..

المهم انتحار الخادمات والعمال بكل تأكيد من المعامله السيئه..

بس تنتحر أزين من اللي يسوونه بعض العماله..

يرمي نفسه بالشارع عشان الديــه..!

عموما الحمد لله على نعمة العقل والاسلام والامن..

تحيـــاتي..