حصص محاظرات ساعات دوام!! كلها ملل قولو وش تسوون فيها

[اغراب]

السلام عليكم ورحمة الله وبركاته
كيفكم واخباركم
هذا اول موضوع لي بساحة وناسه وعسا مايجي القفل (مدرعم)ويتسكر موضوعي بطريقه و(برستيج)بدون مشاركه من اي انسان (نـــــــــاقد) وبما اننا كلنا هلاللين اجل كلنا نسمى الملوك الزرق ومفردنا (ملك ازرق)
وبعد هذه القصه المثيره والطويله والقصيره والاميره ومابقى الا نقول استوت الطبخه وصارت فطيره
الي دعاني اكتب هالموضوع اني اليوم جالس بمحاظره والملل لاعب دوره كلاعب اساسي قناص مثل ياسر وجالس اشخبط على الدفتر وقولت اهل الشمال التفتر واكتب شبكة الهلال تكفيك
ساحة وناسه روماريو العرب ومن هالخرابيط ومشرفينا اقدع ناس وحلوين وكويسين <<-- الاخيره نصب
المهم شوي ويهتز الجوال والا رساله من اصدق صقيق
الي هو نايف15 مسوي مشتاقلي وهو نصاب بس علشاني شايف اخوه وعيال خوانه امس بالملعب
واعلنها من هذا المنبر والله يانايف ان عبودي ابرك منك:angel: بس يالبى قلبه
المهم بوريكم الرساله الي جتني منه
مااقول تذكرتك لاني مانسيتك ...!
بس هاج فيني الشوق ...!!

قلت :اصبحك بالخير
(يابو حسين )
وانا ست الف مره قايله يا يقول ابو ريم او ابو عبدالرحمن :d:

المهم هاضت قريحتي وارسلتله :qw:


برسالة الجوال منك يا ولد عايد صباحي زان
ياجعل ربي ييسرلك كل الشدايد
عسا صباحك يالخوي جوري وريحان

وهنا خلصت قريحتي هيضان وعقلت :slv:
المهم صرفت نايف وسويت الطالب المجتهد قلت اخر الرساله ترا عندي محاظره بعدين اكملك القصيده

شوي ويرسلي نايف
كفو يالشاعر
وصح لسانك
اثاريك مثلي تشتهي تكتب قصايد وقت المحاظراتهذي من الدفاره وانا اخوك
يالله سلام لايكفشنا الدكتور :d:

المهم من هنا بدات الفكره براسي
نبي كل واحد منكم صارله موقف بكل يوم بمحاظره او بحصه او بساعات العمل

ادري الموضوع طويل بس يالله يا يتسكر يا يمشي

[! S A U D !]

مشكور يامنصور على الطرح يابعدي [ (himo) ]

مره من الأيام كان علينا اختبار رياضيات ،، وانا الله يسلمكم مطلع دفتر عشان تخبرون هالرياضيات خربطه ولحسه [ :jhgy: ]

المهم تخبرون انا بالصف الاول دافور ما شاء الله علي [ (himo) ]

المهم واحل وماعليه سهل واحل ،، ومير الاستاذ خيم أمامي ومغير يناظر تسذا [ :lkj: ]

وانا ياحليلي طيب قلت بهدوء خلص الاختبار [ :q: ] ،، قال تستهبل ؟ ،، مطلع الدفتر ،، يحسبني بغش منه [ :angel: ] ،، وانا ماقطعت ورقه لا الدفتر كله

وابتسمت بوجهي البشوش وقلت هذا مو دفتر الرياضيات [ :qw: ]

ومير يخطم علي ويسحبه وانا وجهي صار تسذا [ :zael: ]

ويشوف الاسم والصف والـمــآآآدٍه ،، ولاها الرياضيات [ :zael: ]

ومير ياخذ الورقه وانا اكاسره تقل اكاسر صاحب محل [ :ignor: ]

واخذها واشوا ولا شخبط عليها ويوم قضت الحصه لحقته وفهمته واقنعته وكملت اختباري ونجحت ولله الحمد [ :magkiss: ]

مشكور منصور للمره الثانيه [ :magkiss: ]

موفق ،،

[الزعيـALZAEEMـم]

نايف هاليومين به لفه خصوصن إن به بوادر شك كبيرة إنه من آنآ < ولّع الفتيل وإنحاش :d:

والله طال عمرك المحاظرات ملل ملل ملل ملل يذبح
خصوصا إن محاظرتنا كلها بالإنقليزي واللي مايفهم المحاظرة من آول دقيقة ماراح يفهم لو يطير (himo)
فلذلك لازم واحد من الشباب تكون عليه طلعات غلط (rambo)

في يوم من الآيآم كاانت النفس شينه والآخلاق تجارية ولو تقول لي " أأ " يمكن يكون آخر يوم في عمرك :q:
المهم كنت جالس فوق كبوت موتري ,, وجو العيال يسولفون وانا منيب لمّهم آبد آبد ..
المهم واحد دق جواله .. وكانت نغمته شي تدخل الواحد جو .. يعني لو سمعتها وقدامك حجّة تبيع فصفص صدقني بتصير مغرم فيها :d:
المهم عقب ماقظى من المكالمة ,, رحت لمّهم وقلت آرسلها لي .. وقام يتميلح وووو .. بحكم إنّي دافور :kayf: وبعد شوي عندنا كويز .. قلت له ترا منيب مضبّط وضعك ,, وخبرك المادة ذي لعبتي :fghty:
وشكلي دست عالوتر الحساس :cool: المهم ارسل لي النغمة ورجله فوق راسه :d:
ماصدقكم آخوكم في الله إنه جاته وحطيتها نغمة لجوالي ,, قبل الإختبار بخمس دقايق قالي واحد عطني جوالك ابكلم واحد .. فمن باب الكرم عطيته .. رجعه لي .. وطبعا بدت تعليمات الإختبار اللي قسم بالله تسنّا بالعسكرية :rolleyes:
المهم بدا الاختبار ..
وبعد ما إنتصف الوقت ,, ما آسمع إلا جوااالي يدق :eek:
كانت الزريبة التي تدعى بإسم " القاعة " اللي حنا فيها هدوووووووووء وفجأة
تسمع جوال يدق ,, ورئصني ياقدع :sheto:
وعندنا دكتور ياكافي لو يسمع الهزاز آثناء المحاظرة فتح لنا سالفة ,, آجل شلون إختبار وآغنية !
هالدكتور لو تجيب كونداليزا رايس ماراح يقبل واسطتها ,,
المهم الدكتور المخيس طردني :cry:
وآنآ في آوج غضبي :slv:
حاولت معاه منا منا .. لكن طلاقته بالإنقليزية آفحمتني وماقدرت آجآريه لآن يبيلي خمس دقايق عشان استوعب :jhgy:
المهم طلعت ولقيت المتصل خويي اللي بنفس القاعة :zael:
إبن اللذين ماخذ جوالي وحاطه عالعام عشان يدق علي :d:
ويورطني مع الدكتور :yuupy:

المهم خليت السالفة تمر مرور الكرام ,, وقلت لازم آردّها ..
المهم طلعوا من الإختبار وآنآ كآنه ولا شي ,, وسويت روحي ان الوضع فريي
يوم جا باتسر ونفس محاضرة الدكتور ,, قلت له يادكتور شف جوالي اللي دق علي فلان بن فلان وش الوقت (himo)
المهم صرّفني الدكتور ,, قلت مالي الا اقنع الولد يسوي هالحركة مع واحد .. والحمدلله وافق (rambo)
المهم يوم جات اللحظة الحاسمة .. ودق الجوال بنفس قاعة الدكتور .. ماتشوفون الا وايل طاير لمّ جوال خويي وآخذه وآوريه الدكتور :d:
ويشوف المتصل ,, وعرف إنه نفس الطالب :kany:
وحرمه من درجات الإختبار اللي فات ,:d:
وعطاني الدرجة كاملة بدون ما أختبر :sheto:

بس اشوا مازعل خويي لآن الإختبار هو كويز وراس ماله درجتين :d:
بس حبيت آعلّمه إنه موب آنآ اللي آندّق ,,;)

فهمت آنت ويآه :hgfd:

صح إنه آيآم غبية بس هالمواقف تحلّيها :d:

ومعليش عالسالفة اللي مدري وش تبي :jhgy:
آشكرك عالمووضوع ,, وإن طرا في بالي موقف ابسدحه ..

[اغراب]

البرنس ننتظرك
وايل من اليوم بنسميك وايل الي مايندق:d:

[الإسكـندر]

هلا والله وغلا..

بصراحـه فكره حلووه يابوحسيـــــن>> مايعاند ابد..

المهم انا بصراحه مابراسي موقف دحيــنّ..

بس حبيت اشيد بفكرة الموضوع..

ووش عندك ياوائل..!!!

أجل ماتندق..هههههههاي..

ياليتي معك بنفس القاعه..

كان والله لاخليك تحذف..

بس وربي انك كفشته كغشه ياكفّيش>> أتحداك لو فهمت..

تحيــــــــــــاتي..

[أسيرالعبرات9]

هلا منصور :angel:
<<ايام الثانوي ماتحلى الهواجيس الى وقت الحصه:nrey:
اذا طرالي شي تذكرته جيت وقلته هنا:d:

[Nesta 13]

<table border="1" cellspacing="1" width="100%" id="AutoNumber1" background="http://www.snabelnet.net/uploadedfiles/3924_01203177821.jpg"><tr><td width="100%">

هلآ والله .. عندي لكمـ سآآلفة خويي الله يجزآهـ خير نكبني فيهآ .. :jhgy:

بس لحظه .. :amle:

//
//

مااقول تذكرتك لاني مانسيتك ...!
بس هاج فيني الشوق ...!!

قلت :اصبحك بالخير
(يابو حسين )

وآنآ آقوووولـ من هو الي مرسل لي رسآآلهـ من صبآح الله خيير. . :d:
ورقم كآن غريب .. آثآريه مغير رقمه بدوون مآ يقول لي .. :jhgy:
بس مكتوب عبآدي بدآل بو حسين .. :d:

//
//

السآآلفه ومآفيهآ ..

مرهـ من المرآريير .. لمآ كنت فـ ثآني ثآنووي .. كآن فيهـ آختبآر شهري جيولوجيآ . !
المووهيم ..آنآ غشيت من الي جنبي وآحد سووري .. نقشت آم ورقته .. :angel: .. وجنبي صديقي الصدووق طلب مني آغششه .. وغششته كلـ الآختبآآر .. والوسخ خويي .. :d: .. رآح مسكـ ورقتي حقت الآختبآر وقآل للآستآذ .. ترى عبدالإله يغش مني .. :( .. وجآ المدرس وخذ ورقتي قآل لي " ليه تغش منّوه والله حـ نقص من درقآآتكـ ومش حـ تنجح فـ ده الآختبآر " .. بمآ آني كنت فـ آهليه فمآ يقدر يسووي شي طبع ـآ .. :fghty: .. رحت قلت للـ مدرس . والله هو يغش مني مو آنآ الي غشيت منه وبعدين كيف آغش منه وهو مآسكـ ورقتي ورآفعهآ لكـ قآل المصري " آيوه والله صح .. خلآص سلّم ورقتكـ وآطلع " :sheto: .. والحمدالله سلمتهآ وجبنآ الفل مآآآركـ .. :angel: .. !
بس كآنكـ آوسخ حركه صآآرت لي .. :d: .. بس كآن مزح ثقييل .. :N:

<td></tr></table>

[حبلوص]

:amle:
بم ان الييوم واحد نكبني بس رديته8 له في الحصه اللي بعده





السالفه بما فيه
هذ واحد من الشباب الله يهديه ان شاء الله وانا جالس ارضع في الجوال وقت الفسحه(rambo)

الى يروووح ويعلم الوكيل والوكيل من اختصاصي اموت واحي في الوكيل هذ مقدره لخر شي يلبا قلبه:love:
ويجي الوكيل يقالك يهاوشني قدام الطلاب:yuupy:
قلت زين انا اعلمك وش اسويلك يا زنمه<<<متعوب على الكلمه :d:

الموهم جت الحصه الانجليزي يالبا قلبها الحصه الى اللي ورطني عند الوكيل يقالك انه فاقع من الحصه
واستاذن من المدرس واطلع واروووح لم المدير واقوله ترى فلان بن عفلان متوزي في الحمام (وانتم با الكرامه)
ويجي المدير ويلعن جدفه في الغرفه وانا انواع الضحك عشان مايسوي ذيب هو وخشته:fghty:
ومايتحرش فيني بس بيني وبينك رحمته:cry:

[[ AbU tUrKi ]]

:amle:



لنا عوده

[سلف ودين]

عربي ياحبلوص ودنا نفهم لو كلمتين على بعض
وراك مرجوج انت :d:

[حبلوص]

عربي ياحبلوص ودنا نفهم لو كلمتين على بعض
وراك مرجوج انت :d:
:d:
يا اخي غصب تفهم لاتفهم ابد:d:

[أسيرالعبرات9]

^
^
جالس ترضع الصبح:amle:

[الإسكـندر]

ترضع للحين ..طبيعي والا نيدوو؟؟

متى بتفطم>>> مسووي غبي..

[شلهوب توب]

اووووه عااد انواع المقالب بالمحاضرات

ايااام وراحت

في الاختبار التطبيقي حق الحاسب

كان الدختر حاط كل شيء على ورقة الا واحد من الشباب كنت مسوي له مقلب قوي بس خارج الكلية

المهم الا الولد كان مشغول ومعه ورقة وكان جالس جنبي
المهم قعدت اشتغل وازبط واحورف وفرحان لأن طلع الاختبار سهل وما توقعت كذا
المهم وبعد كم يوم اكتشفت ان هالولد مغير ورقتي وتورطت انا عاد انا رحت لدكتور المادة
وقلت له من طأ طأ لسلام عليكم
وهو قال انا مستغرب منك هالاختبار السيء وكنت متوقع ان الدعوه فيها ان
وقالي ان جبت درجة كويسة بالاختبار التحريري حأزبطلك الوضع ده كلوووه
والحمدلله ما كزب الاخ وعطاني العلامة الكاملة
وهذي السالفة كانت بالترم الثاني بالسنه الاولى لي اي قبل ثلاث سنوات او اكثر

وبيني وبينكـم الى الآن محدثكم لم يجني على الجاني :angel:

ولحد الآن قاعد ارسم خطة مستقبلية قد تكون فيها كيماويات او قتلى لا سامح الله :d:

[نايف السبيعي]

هذي يبي لها جلسه وشاهي ..

أذكر مره صفقت وكيل المدرسه بمخمس ,, وكلها من الهواجيس بسبب مباراه للهلال ..

كانت قبل 3 سنوات .. عندما كنت بثاني ثانوي ..

السالفه يبي لها شرح مطول ..

كان عندنا أختبار والمهم انا معي ولد اخوي دافووور ماهوب صاحي مايطلع يهجول معنا بس مذاكره ..

المهم انا أعتمد عليه بنسبة 99% في الاختبارات الشهريه بحكم أنهم يجمعون كل الفصول في المسجد حق المدرس <<= بدو مافيش قاعات :angel:

المهم كان وقتها فيزياء وكانت ايام ربيع وفلله والجو خيالي ناوي أختبر ونطول مع الحوش نكمل الهجوله :d:

المهم وانا أنقل من الورقه .. الا الوكيل داخل المسجد ويقول يا نايف لا تغش جعل عينك بالعماء .. وانا اقوله الله يهديك بس والوكيل تنرفز قال ياحيوان انا ماني بأستهبل عليك او واحد من اخوياك تستهبل عليه .. قلت له يحشمون الزقرت عن الحيوانات .. فكان هذا الرد كفيل بنرفزته لحد النخاع .
المهم قعد يسب ومن هاليهياط وانا ارجع له كل كلمه يقولها بالمثل .
المهم سحب الورقه وطلعت انا ن المسجد وزعل قعد يصيح ارجع ومدري ايش ترا بحط صفرر .. قلت براحتك الجو خيالي بروح ألحق تمشيه وشغلك عندي يا .... :d:
المهم الا واحد من عيال عمي من المدرسين يقول ارجع ليحط لك الزلابه صفر تكفى عشاني . قلت أجل ابشر
وارجع ترا على شان أبو ماجد رجعت والا انت ماتستاهل .. ويومني جلست الا يقول قم .. وأخذ لك ذاك الكف الى على رقبتي يا نايف .. المهم الوكيل اقصر مني بشوي .. وانا اسوقه بمخمس أحلى كف بحياتي وأجملها على وجهه .. الا المدرسين يمسكوني .. وهو ينزل العقال ومن هالياط ولكن أحلى شي اني كسرت راسه هالكلب ..

وبصراحه كان أحلى كف بالحياه .. لأنه نصراوي ويعرفني هلالي صميم ومهجدهم كلهم ..

هذي قديمه ..


ولكن هلحين أقعد أكحل بالمزاين الي قدامي :sheto:

بصراحه ماتدري انت تشوف والا تفهم والا تفكر .. يعني هلحين وقت الصيف الكل مخربينها ..

أتمنى شاركت بموضوعك ياغالي .. وفالك التشويت .

[الساريه]

خخخخخخخخخخخخخخخخخخخخخ اثاري كلنا زي بعض والله ياطفش يجينا بالمحاضرات اوف بس

اما الزعيم انت والنغمه شي

طبعا" حنا نجي اخر ناس ونقعد ورا عشان تحلى القعده بس مشكلتي اذا تحمسنا بالسالفه تعلى الاصوات خصوصا عاد اذا كانت السالفه ضحك والله انسى اني بمحاضره اسحبها ضحكه كني برا القاعه ياما خذينا تهزيء وطرد


يالله اخر سنه ادعولي اتخرج وافتك



جدا" الموضوع حلو والاحلى مواقفكم يالعيال بس صراحه نذلين شوي!!!

[لولاه غالي]

سقى الله ايام الجامعة بالخير
هذا ايام الجامعة السمستر الخامس يمكن جانا دكتور مصيري يدرسنا مادة اسمها الصحة النفسية وانا معي اثنين من اخوياي نسولف على خفيف يعني اقرب للهمس ابومصير سمع الصوت وش قال قال الحمير اللي تانهق وراء تسكت رديت عليه لاشعوريا ياعيال قلتله واحد كشري وصلحوووووه ولايكثر قالي قوم اطلع برا ويوم وصلنا للباب دريت اني محروم من المادة والوضع خرب وانا عند الباب قلتله بالله لاتكثر مكرونه وزيد الشطه بالله <= زاحف بس الحمدلله اللي هداني <= امحق
تدرون اني بالدوام شالو الننت وجبناها بطرق غير شرعية فاحلى شي ان الواحد يسوي عليك فاهم ووانت صافطه وبالاخير يكتشف انه مغفل :)
عذرا على الاطاله :asno:

[طريب]

محاظرة مدتها ساعتين طبعا غالبا نأخذها بساعه وربع تقريبا

المهم عادتي من اول ما ادخل محاظرة ما اطيقها


اهوجس بالهلال اخلي الهلال يلعب نهائي اسيا

وتعال شف التسحيب والاهداف هههههههههههههههههههههه

حتى بعض الاحيان ابي المحاظره تطول شوي لان باقي هواجيس


المواقف كثيره وباسدحها قريب ان شاء الله

شكرا منصور

[الـفـارس الازرق]

محاظرة مدتها ساعتين طبعا غالبا نأخذها بساعه وربع تقريبا

المهم عادتي من اول ما ادخل محاظرة ما اطيقها


اهوجس بالهلال اخلي الهلال يلعب نهائي اسيا

وتعال شف التسحيب والاهداف هههههههههههههههههههههه

حتى بعض الاحيان ابي المحاظره تطول شوي لان باقي هواجيس


المواقف كثيره وباسدحها قريب ان شاء الله

شكرا منصور

:angel::angel::angel::angel::angel:

وتـحط نفسك مكان رؤؤف خليف ويقعد يمدح في الهلال ويرفع الدعيع كاس اسيا ويصرخ رؤؤف وعاااااد البطل ....الخ :angel::angel::angel:

سبحان الله نفس اللي فيك فيني ..طقها هواجيس لين تـنتهي المحاضرة لكن اشوى منك انا ..طول الاسبوع كل محاضرتي على ساعه ساعه الا وحدهـ ساعتين بس :cool:

[اغراب]

اشين شي اذا كانت عندك محاظرة حاسب والدكتور مقطع روحه بالشرح
وتقضيها نتنته بشبكة الهلال:d:
وشوي وانت مندمج مع الاخبار الي منزلها متيم وصلبوخ
تلقى الدكتور فوق راسك يناظرك وش تسوي :cry:
ياشينها اذا قدام الطلاب قالك يالله برا:yuupy:





بس ازين شي تجيه عقب المحاظره وتطيب خاطره بكلمتين وتكتشف انه هلالي :sheto:

[زيـزوم]

مااظني أقدر أتخرج من الكلية لولا البلوتوث .

الله يعز البلوتوث ولايعز عليه هو الي صبرني على المحاضرات

[معذبني الهلال9]

المواقف كثيره لكن اللي يحظرني الان
يوم كنت بثاني ثانوي
انا وبنت عمي بنفس المدرسه ونطلع للبيت مع بعض يعني بسياره وحده بحكم ان بيتهم قبال (( اي امام )) بيتنا

المهم بنت عمي قالت لي قبل مانطلع ان صديقتها بسيارتهم زباله ماصدقتها ولما جينا نطلع قالت صديقاتها تعالوا شوفوا الزباله

على اساس اللي يوديها ويجيبها سواق وحنا بعد بس سواقنا يتأخر

المهم ماصدقنا خبر وطلعنا مع بعض وفتحت باب السياره

وهم بينهم وبين السواق ستاره المهم دخلنا وكشفنا شوي وشفناها وصدقناها ولما راااحت تأخر علينا السواق وحنا بالشارع

قالت بنت عمي يلا ندخل نرجع للمدرسه

اول مادخلنا ولا يمسكنا المرور المرور هذا المعلمات المسؤلات عن المدرسه بنهاية الدوام

ولما عرفنا السالفه فهمنا ان الحارس الله ياخذه مدّبس علينا ومعطيهم مواصفاتنا وقايلهم ان هذولا البنتين مكشفين بسيارة واحد من الشباب

وحنا نتناقش عند الباب بحكم المعلمات مايقدروون يطلعون وحنا مانبغى ندخل يمكن نرووح فيها وبحالة الهواااش والحلف وسب الحارس وهو يسمع الا اسمع صوت السياره سيارتناااا

وننحاش انا وبنت عمي المعلمه تصاارخ ارجعي ترى عرفتك وانا وبنت عمي ركض بالشارع وبعباياتنا

دخلنا السياره وقلنا للسواق اددعس وطبعا غبنا ثاني يوم علشاان محد يشك فينااا

من المواقف المخيفه صراااحه

ولي رجعه

[اغراب]

8
8
8
8
اذكر ان الي بيسوي نفسه بريئ يدرس موب يغاب والا انتو يالبنات غير:rolleyes:

[السـامـر]

عادتي...متابع دقيق للشرح..كل فقره اتناقش فيها مع الدكتور
أحب انقل وجهة نظري بالدرس :)

[معذبني الهلال9]

8
8
8
8
اذكر ان الي بيسوي نفسه بريئ يدرس موب يغاب والا انتو يالبنات غير:rolleyes:

لا والله نغيب اما لو جينا يعرفون ويراقبون

[Blue 9 WolF]

انا والله صارت لي مواقف كثيره

العام يوم كنت بثاني ثانوي كنت اقلم بالصف على اني نايم و حاط الجوال بالطاوله المهم طولت و انا اكلم و ارتفع صوتي والا ما اشوف الا جاني كف حلاقه(كف بالرقبه) ماشي مليون و ميتين لا ومن صعيدي قسم بالله ان يده تغطي وجهي كامل المهم انا على طول رد فعل سريعه و الا بوقس على كتفه و يوم شفت الصعيدي و تضيع معلوماتي حتى اسمي نسيته قالي اي ده قلت له هاه وش تبي تطق اصغر عيالك انا و اطلع و اقول الوعد عند الوكيل (للمعلومه اخو المدرس انا اللي موضفه عند ابوي ) و رغم ان الوكيل من زمايلنا حط الغلط على المدرس 100% <<حادث مو مشكله
المهم رغم ان المدرسه اهليه ما يقدر لا يطق ولا يسقط ولا شي صرت انا كل يوم اذله اقول له ترا بقول لابوي يفصل اخوك هاه اقوله ولا لا :angel: (الين استقال اخوه بدون سبب معروف):d:
و من بكره يوم قلت هاه افصل اخوك والا يطلع له لسان طولي قال افصله و انا مستغرب و اقول وش بلاه خربه ابو الشباب و اول ما رجعت سالت الوالد عنه و قالي انه استقال
يوم جا بكره قلت له يا استاذ لا يكون زعلت منا بس قالي لا قلت لا والله انك زعلان اليوم العشا عندي بالبيت وهو ما صدق قال بيتكم فين و اقوله مصدق انت ابوي مسافر و اهلي ما يخلوني اطلع ما كبار:qw:
و انحاش

لا يكون طولت ولا شي

[حبلوص]

8
8
8
8
8
8
8
8
:amle:

قطعت رزق مدرس:jhgy:

[اغراب]

بما ان الاخلاق قافله من مباراة الهلال

في خلال الاسبوع الفائت <<-- اخر شي بالغه العربيه

المهم عندنا محاظرة انقلش فالدكتور قال كل اثنين يتناقشون باسئله
عندي واحد من زملائي ومن اهل الديره وجالسين نتكلم عن حايل واخبارها شوي والا الدكتور يلقط الكشف فجاه وينادي باسم خويي قال فلان الفلاني وينك ويرد هلا دكتور قاله وش سويت بالمناقشه
خويي يبي يصرفها فاقرب واحد انا قال دكتور كنت اناقش منصور الدكتور قال وين منصور <<-- ذيك الساعه ودي لو ان اسمي طهماز
المهم قال هاه يامنصور وش الاجابه انا طبعا التفت اناظر بوجه خويي وحالتي يرثاء لها والقاعه ضحك علي
فقلت يارجال دامها هجوم وهجوم خربها
قلت دكتور انا سئلته بس للحين يفكر بالاجابه :angel:
هنا خويي ماقدر يمسك نفسه عن الضحكه ولا انا ولا الباقين قال انا رفعتها لك بصرفها تكبسها بوجهي

[الملتآع]

نياهاهاهاها

الله يوسع صدوركم بالعافيه على هالموضوع
فرصه نحش <<<داق اللطمه:angel:

بقولكم موقف صار لي قبل سنتين يمكن بالثانوي
كان عندنا امتحان ادب والولد مسسوي شاطر وفاهم
كنا بالامتحانا النهائيه وعندنا قصايد كثيره وانا حفظت اللي اعجبني منها
واللي ماجاز لي سويت له بلوك:angel:
الموهم ان معنا قصيده اتاك الربيع الطلق يختال ضاحكا......الخ
وانا عارف القصيده بس متوقع اني حافظها ععلشان كذا ماذاكرتها
وفي الامتحان جاب لنا الاستاذ القصيده وقال كملوه
محدثكم راح فيها :jhgy:والسؤال عليه 6 درجات
قلت ولاتروح الورقه فاضيه>>>>كريم الولد:d:
قمت سويت البحتري :jhgy:خخخخخ وكملتها من عندي
اتاك الربيع الطلق يختال ضاحكا
.......................من الحسن حتى كاد ان يتكلما
وتفتح الريحان والود اينعا
......................وتعلم الاطفال منه تعلما
وتطاير العصفور فوقه وتكتما
.....................والغصن مائل متنوما ههههههههههههه:d:
>>>>الله اعلم من اللي نائم:d:

طبعا القصيده طويله
هذا اللي اذكره بس اذكر اني بدعت والجود من الماجود
المهم ان الاستاذ نادان يمكن شك اني شارب هههههههه
وهزءن مع اني منتظر منه الاشاده بهالموهبه المتدفقه:d:


وقال لي كنت بنقص منك درجتين على الاستهتار بس مادامك اعتذرت خلاص:(

وطلعت وانا ودي اخذ ابياتي الثمينه لان ماعندي نسخه للاسف:angel:

هذا الرد اتاك مترجما
...............لمعاناتي وانا متلطما :d:

[اغراب]

8
8
8
8
قسم بالله انك موهبه:d:

[الزعيـALZAEEMـم]

اذكر مره يوم كنت بثالث ثانوي ,, :d:



كان فيه يوم تسميع قران وانا ماحفظت ,, ومصيبة لو ماسمّعت بيخسف بدرجاتي :lkj:
اخونا في الله يجي الفصل يجلس عالكرسي ويقعد يسمّع قرآن ,,

المهم ياوايل وش تسوي وش تسوي :yuupy:

كان معي ذاك اللي مثل العودة ,, إن حطيته يقعد يقررررررررررررررررصك ,, (rambo)

يوم دخل ,, وبغى يجلس ,, قلت لا يستاااد ,, مايصير تجلس بدون سجاة ,, اخذت سجادتي وعبيتها من هالعودة اللي تقرص :d::d::d::d:
,,
المهم كان يمشي بترتيب الصفوف بالفصل وانا كنت الثالث :kany:

سمّع للآول :q:
سمّع للثاني :cry:
قلت ياولد مافيه مفعول ذا :zael:
واااااااااااايل ,, قلت نعم ,, قال حافظ ,, قلت لا وايل :kello:
قال ايييش ؟ . . قلت إيه حافظ ,, قال تعال .. قلت طيب :(
ويوم اجلس بالكرسي اللي مقابل له ,, ويبدا المفعوووووووووول :kany::kany:

الاستاد قااااااام يرقص :sheto:
كل شوي معدل جلسته :d:
ويروح يمين ويسار ,, مافيه امل .. ويتنحنح .. وبدا يعرّق ,, المهم اشوفه يمسك الجوااال , ويحط عالنغمات ويسوي إنه دق الجوال :jhgy:,, ويقول عن اذنكم مكالمة :ignor: .. ويطلع برا الفصل :d::d:

وتأخر ربع ساعة . :sheto: . جا بعدها واحد بداله .. قلنا سلامات وين الاستاذ ,, قال صار له ظرف طارئ وانا بداله .. والتسميع تأجل للإسبوع الجاي :sheto::kany::kany:

وجاك يامهنا ماتمنا :kany:

[قلبها ازرق]

نياهاهاهاها

الله يوسع صدوركم بالعافيه على هالموضوع
فرصه نحش <<<داق اللطمه:angel:

بقولكم موقف صار لي قبل سنتين يمكن بالثانوي
كان عندنا امتحان ادب والولد مسسوي شاطر وفاهم
كنا بالامتحانا النهائيه وعندنا قصايد كثيره وانا حفظت اللي اعجبني منها
واللي ماجاز لي سويت له بلوك:angel:
الموهم ان معنا قصيده اتاك الربيع الطلق يختال ضاحكا......الخ
وانا عارف القصيده بس متوقع اني حافظها ععلشان كذا ماذاكرتها
وفي الامتحان جاب لنا الاستاذ القصيده وقال كملوه
محدثكم راح فيها :jhgy:والسؤال عليه 6 درجات
قلت ولاتروح الورقه فاضيه>>>>كريم الولد:d:
قمت سويت البحتري :jhgy:خخخخخ وكملتها من عندي
اتاك الربيع الطلق يختال ضاحكا
.......................من الحسن حتى كاد ان يتكلما
وتفتح الريحان والود اينعا
......................وتعلم الاطفال منه تعلما
وتطاير العصفور فوقه وتكتما
.....................والغصن مائل متنوما ههههههههههههه:d:
>>>>الله اعلم من اللي نائم:d:

طبعا القصيده طويله
هذا اللي اذكره بس اذكر اني بدعت والجود من الماجود
المهم ان الاستاذ نادان يمكن شك اني شارب هههههههه
وهزءن مع اني منتظر منه الاشاده بهالموهبه المتدفقه:d:


وقال لي كنت بنقص منك درجتين على الاستهتار بس مادامك اعتذرت خلاص:(

وطلعت وانا ودي اخذ ابياتي الثمينه لان ماعندي نسخه للاسف:angel:

هذا الرد اتاك مترجما
...............لمعاناتي وانا متلطما :d:

:d::d::d::d: ياليل الربيع الطلدز :d::d: ياااالله هذي الابيات بثاني متوسط او اولى والله ماادري متى.. الذاكره شوي خرمانه :angel:

امممم انا صراحه مااتذكر حالياً وش المواقف بس اذكر اخر سنه لي بالكليه وخاصه الكورس الاخير كنت اغلب المحاضرات بس طاقته نوووومه :N: واذكر انه بيني وبين صديقتي النوم بالمحاضره يعني هي تراقب لي ساعتين انام فيها وانا اراقب لها ساعتين تنام فيها واربع ساعات نام كلنا بدون مراقبه :angel: وبعدها نطلع للبيت < ماادري وش له مشقين اعمارنا وطاقين مشوار للكليه :d::d:

[الزعيـALZAEEMـم]

:d::d::d::d: ياليل الربيع الطلدز :d::d: ياااالله هذي الابيات بثاني متوسط او اولى والله ماادري متى.. الذاكره شوي خرمانه :angel:

امممم انا صراحه مااتذكر حالياً وش المواقف بس اذكر اخر سنه لي بالكليه وخاصه الكورس الاخير كنت اغلب المحاضرات بس طاقته نوووومه :N: واذكر انه بيني وبين صديقتي النوم بالمحاضره يعني هي تراقب لي ساعتين انام فيها وانا اراقب لها ساعتين تنام فيها واربع ساعات نام كلنا بدون مراقبه :angel: وبعدها نطلع للبيت < ماادري وش له مشقين اعمارنا وطاقين مشوار للكليه :d::d:

يااااااااااااااااااااازييييييييييييييين النووم بالدواااامااااااااات ,,

قسم بالله انواع الوناسة ..

اذكر بالثانوية آمسك الزاااااوية وتحت المكيّف ,, وآنزّله عليّ .. وآدق اللثمه وآحط راسي عالطاولة ,, وآتلحف بالسجادة :d: ,, وآحط قدامي آطول واحد بالفصل عشان مايقفطني رادار (himo) .. بس والله كااااااان له طعععععععم النوووووووووووووووووووووم ,,

خصوصا يوم السبت اول اربع حصص ما اعترف فيها .. انام لين يقولون قم فسحة :d:
وبعد الفسحة طقطقة عالمدرسين وفصفص وفلّة حجاج :kany:

الا ليت الزمن يرجع ورا ولا الليالي تدور .. يازين الثانوية :love:

برايفت قلبها : آجل متخرجة يالعجوز :d:

[قلبها ازرق]

8888

والله ماكان قصدي اتخرج غصب عني :d::d: ليه انصدمت عسى ماطحت من عينك بس :d::d:

بالله يعني وش حاط اني ادرس اي مرحله؟ لاتقول ثانوي هههههههههههههههههههههه:d::d:

اما الثانوي والمتوسط مااذكر اني ذقت النووم فيه ..هبااااال ولااذكر اني غبت يوم واحد محلله ام الايام :d: كله بالمتوسط خاصه ثاني :love: والثانوي كللله اول وثاني وثالث كلهم مااذكر اللي غبت فيه يوم واحد هههههههههههههههههههههه :d::d: يازين هالمرحلتين :qw:

[الزعيـALZAEEMـم]

8888

والله ماكان قصدي اتخرج غصب عني :d::d: ليه انصدمت عسى ماطحت من عينك بس :d::d:

بالله يعني وش حاط اني ادرس اي مرحله؟ لاتقول ثانوي هههههههههههههههههههههه:d::d:

اما الثانوي والمتوسط مااذكر اني ذقت النووم فيه ..هبااااال ولااذكر اني غبت يوم واحد محلله ام الايام :d: كله بالمتوسط خاصه ثاني :love: والثانوي كللله اول وثاني وثالث كلهم مااذكر اللي غبت فيه يوم واحد هههههههههههههههههههههه :d::d: يازين هالمرحلتين :qw:

تقدرين تقولين صدمة :d:
بس لا تسأليني عن توقعي :fghty:

االثانوي جناااااااااااااان يختي ,, اذكر مااداوم الا الساعة 8 .. والفسحة بغرفة الوكيل نجيب تميس وفول ,, وفلّة حجاج يقالنا عرفاء الفصول VIP :angel: ,,

بس صراحة ودي ارجع لو بس حصة وحدة ..

[&azo0oz&]

:

تقدرين تقولين صدمة :d:
بس لا تسأليني عن توقعي :fghty:

االثانوي جناااااااااااااان يختي ,, اذكر مااداوم الا الساعة 8 .. والفسحة بغرفة الوكيل نجيب تميس وفول ,, وفلّة حجاج يقالنا عرفاء الفصول VIP :angel: ,,

بس صراحة ودي ارجع لو بس حصة وحدة ..


يالبييييييه يالثانوي كنا نطلب انا وشلهوبي من موريان :pمحل فلافل طععععم

والمدير حاجرنا بس مقردنين الهندي 9وربع تحت الباب تقول تهريب اشياء ممنوعه

والفلافل تصير مفرود يالله يالله تدخل ههههه بس الهندي ذيبان

جيب فلوس اول:angel:

والبيبسي الليل حط بالثلاجه وشله معك المدرسه ووقت الفسحه يجيك بارد

وعليه قطرات الندى >>>>>>ابوووك يالتشبيه:d:

ودايم لها طعم غير اذا افطرت وانا غايب مادري ليه لانها تهريب ولا وش

ونايف 15يقول كل ممنوع مرغوب

الا على طاري نايف 15قبل شوي صاقعه4-2سوني3وانا مطرود مني 2(rambo)

والبلياردو هزمت شلهوبي مره ونايف مره وهزمني مره مو بجهده

بجهد الغبي اللي يكتب لكم دخل الكوره السوداء:q:

الا وش اللي خلاني اكتب سالفه مالها دخل هههههههه المهم على طاري اللعب

فيني نوم باي بنااااااااااااااام:magkiss:لكل اللي يعقب ويبارك لي على الفوزين

[الملتآع]

8
8
8
8
قسم بالله انك موهبه:d:

الله يسلمك:kello:
بس من يقدر المواهب في زمن المال والعنجهيه:jhgy:>>>متعوب عليها ترا:d::d: