رسالة الى عشاق الجنرز......هل انتهى كل شئ؟

[{ذ يبان}]

بسم الله الرحمن الرحيم




السلام عليكم ورحمة الله وبركاته أما بعد:-

(مقدمه)

كلنا في نهاية الموسم الماضي رأينا ماكان عليه حال الارسنال ....

حيث انه دخل الموسم وخرج منه كما دخله....

خرجنا من المنافسة على الدوري باولى الجولات,وخرجنا من ابطال اوروبا من فريق(ايندهوفن)...



وانتظرنا وكنا نأمل ونعول على الموسم القادم

(الانتقالات الصيفيه) قبل بداية الموسم الجديد

كنا نأمل ونتوقع التعاقد مع لاعب من الطراز الذهبي يقف بجانب الغزال تيري هنري...

وانتظرنا وكنا في كل يوم نسمع بالتعاقد مع لاعبين شبان ....

ثم تفاجأنا بأن نادي برشلونه قد تقدم بعرض للغزال ,ولكن كنا على يقين بأن هنري للأرسنال وأرسنال لن يعيش بدون هنري..

نرى تطور في عرض أبناء الكامب نو وكأنهم جادين,,ومن ثم بدأت التصريحات (التلميحية) من هنري...

فبدأنا نشعر بأن هناك خطه تحاك لخطف غزالنا....

نعم لقد خطفوا هنري

تغلغلنا اليأس والحزن وال(قهر)..

فاذا بتصريحات فنجر بانه سيعوضنا بمهاجم أشبه بهنري...

زال الحزن قليلا ,رجع الأمل قليلا...
وانتهى الموسم ولم نتعاقد مع ذلك اللاعب الذي سيعوضنا عن هنري.دقت أجراس الموسم الجديد ,أجراس الموسم الملئ بالتشاؤم
وفتحت أبواب البريمر ليج.

بدأ الآرسنال بشبابه موسمهم ورأينا الابداع والتألق من هؤلاء الأبطال وذقنا طعم الانتصارات التي ابتعدت عن الارسنال...

تصدرنا الدوري بكل جدارة ,بكل قوه ,بكل تنافس...

بدأ المديح ينهمر على أعضاء الفريق وعلى مدربه الداهية...

ومن ثم بدأ الارسنال يفقد بريقه يفقد توهجه يفقد انسيابيته..

وبغمضة عين وجدنا أنفسنا خارج حسابات دوري الابطال والدوري الممتاز.


تعليق بسيط: نعم ..انتهى كل شئ هذا الموسم ....

لكن صدقوني الآرسنال ينتظر وبفارغ الصبر أن تقرع أجراس الموسم القادم ليأكل كل شئ باذن الله.

[عاشق الهلال حسون]

الموسم القادم صدقوني بيصير نـآآر من كــل الجهـآت ..

وفـي جميع دول أوروبـآ سيكون الموسم القـآدم غيـر ،،

[ثــامـر]

انا اؤمن ان الفريق يستطيع ان يتغير الموسم القادم بشرط ان يتغير فينجر قليلا ويترك عناده واعتماده على احتياط ترقيعي .. مره جلبرتو قلب دفاع .. ومره توريه ظهير .. ومره فابريجاس وسط مهاجم .. مره والكوت مهاجم ومره والكوت جناح .. ابوديابي الي سمي العام الماضي فييرا المستقبل شاهدناه هذا الموسم كلاعب وسط ..

هذا غير ايبويه اقسم بالله عار على فريق مثل الارسنال وجود الظهير الايمن ايبويه كلاعب وسط !! ابسط ابجديات لاعب الوسط الي هي التمريرات مايعرفلها .. دائما مايقتل الهجمات بتمريراته الغبيه .. وماستفدنا منه كوسط الا بتوغلاته على الطرف لان هذي احد مهماته يوم كان ظهير ايمن رائع

فينجر راهن على بعض القناعات وخسر الرهااااااان .. صحيح انه للوهلة الاولى ضن الجميع انه سيكسب لكن العيوب لابد له ان تظهر وان طال الزمن وهذا ماحدث بعد كثرة الاصابات بدأت تظهر عيوب الفريق وانه لايوجد بدلاء !!

[[[ عبود ]]]

الارسنال فريق كبير و ما فيه عاقل ينكر هالشي ..
الاهم هو التغيير " شوي " و دعم الفريق بلاعبين ..
و اتمنى يكون واحد منهم لاعب " كبير " .. لأن الفريق تنقصه الخبرة شوي ..
فأغلبهم شباب .. و حاب اسأل عشاق القنرز .. كم معدل اعمار اللاعبين عندكم ؟؟

طبعا ً اقصد بلاعب كبير ما يكون كبير بعمره بس .. الا باقي عنده اداء فني ..
و لا تقولون ما راح يجي برخيص .. ارخ دراهمكم و يرتخي كل مزيون :d:
و اكبر مثال هنري بالبارشا الحين ! من كان يتوقع ؟؟

و أتفق مع الغالي (( حسون )) بخصوص الموسم القادم ..
و لو نلقي نظرة "صغيرة" على اكبر الفرق بنلاحظ هالشي ..

سلامي :magkiss:

[ثــامـر]

^
تصدق ماعرفتك :jhgy:

خلاص مانيب متحرش بك صرت تخوف الحين :angel:

الي 30 وفوق هم المونيا وليمان وجالاس وجلبرتو سلفا واللي فوق 25 هم هليب ورزسكي وتوريه والباقين تحت 25

[[[ عبود ]]]

8
8

ههههههههههههههه لبى قلبك بس :magkiss: ,,

_____

يعني 7 لاعبين فوق 25 ..
بعضهم جاته اصابة و لعبوا الفريق بدونه لفترة مش قصيرة .. مثل روزيسكي , و هليب بأول الموسم اذكر مصاب بعد ,, و الحراس ما ثبت فينجر على واحد طول الموسم .. مرة ذا و مرة ذا:jhgy: و سيلفا ما نشوفه على طول ..

ما زلت عند رأيي ان الفريق يحتاج لاعب خبرة كبير بعد رحيل هنري .. وش رايك ؟



و عندي اقتراح ورا ما تعطونا فابريجاس ( دامه صغير ) و تاخذون سيلفستر و براون ( لأنهم كبار ) :d:

[الزعيم عالي]

منور القسم يا عبدالعزيز :love:

الأرسنال هالسنة كان ماشي تمام بس تشكيلة فينجر ما كانت ثابتة !

واتوقع هالسبب هو الي اضاع الارسنال !

في الختام :

اتمنى الارسنال يثبت على المركز الثالث علشان نشوفه في التشامبيوز ليغ (himo)

وبالتوفيق لتشلسي لحصد البرمير ليغ هذا الموسم + دوري الابطال :mad:

[الدعيــ ( 1 ) ــع]

طبعاً لا ..

آرسنال بعد ما طلع هنري كل العالم توقعوا إنه ينتهي ، لأنهم كانوا يعتقدون أن آرسنال = هنري .. وهالشي غلط أكيد ، صحيح هنري كان شايل الفريق .. لكن أسلوب الفريق هو اللي كان يساعده ، وشوفوا وشلون مستواه متذبذب مع برشلونة .. ومع ذلك شفنا كيف صار الفريق أقوى من الموسم اللي راح مع إن هنري كان موجود !!

يثير استغرابي اللي يرددون كلام الشوالي إن فينغر لازم يغيّر قناعاته !! وكأن قناعاته هي السبب وراء اللي صار للفريق ، لكني أشوف إن اللي خذل آرسنال ، وفينغر تحديداً شي واحد فقط : الإصابات الله يبعدها عنا الموسم الجاي :( ..

وعشان أوضح الموضوع أكثر .. بعطيكم مثال على أكثر من فريق ، وبحكم إن ثامر وعبود من اللي يناقشون الموضوع راح أضرب لكم مثالين بفرق تشجعونها .. لو فرضنا إن روني وتيفيز وفيردناند لاعبين المان أصيبوا أو ابرا وكريسبو وكمبياسو لاعبين انتر أصيبوا ! وفي أهم فترة بالموسم .. تتأثر فرقهم والا لا ؟

هذا اللي صار بآرسنال هالموسم .. فان بيرسي اللي كل آمال الجمهور كانت عليه في أول الموسم أصيب وغاب أكثر من 6 شهور !! وبديله ادواردو (( اللي كانت أرقامه ومعدل تهديفه ممتاز )) أصيب في أهم فترة بالموسم (( قبل إياب ميلان )) إصابة تهدد مستقبله الكروي !! مليون بالمية البديل الثالث في أي فريق بالعالم ما راح يكون بمستوى الأساسي أو الاحتياطي الأول ! عشان كذا قلت روني وتيفيز ، وابرا وكريسبو !!

والثالث روزيسكي .. من بداية الموسم كان يغيب على فترات متقطعة من أسبوعين إلى أربعة ، والحين من مباراة الكأس ضد نيوكاسل في أول فبراير إلى اليوم مصاب !! يعني صار له شهرين ونص غايب عن الفريق !! وحنّا نتكلم عن نجم من أهم نجوم الفريق ، وكابتن منتخب بلاده !! وعشان كذا افترضت إصابة فيردناند وكمبياسو النجوم بفرقهم ومنتخباتهم واللي لهم ثقل كبير عند مدربيهم ، وقارنتهم بروزيسكي ..

الحين الإصابات قضاء وقدر ، واللهم لا اعتراض .. لكني افترضت إصابة لاعبين يعتبرون أعمدة بفرقهم ، مثلهم مثل أعمدة آرسنال المصابين .. وأتصور لو تطبق افتراضي على أرض الواقع راح نشوف هالفرق تدج بدرجة أكبر بكثييير من آرسنال ..

[[[ عبود ]]]

كلامك حلو حبيبي (( الدعيــ ( 1 ) ــيع )) ..

انا اقصد بالتغيير هو " دعم الفريق " ما هو تغيير قناعات فينجر ..
يعني فريق بحجم ارسنال والله حرام ما عنده دكة قوية تساعده ..
انت تحتاج تريح لاعبين ببعض اوقات الموسم .. تحتاجهم وقت اصابات ..

صحيح ان فينجر "على ما يبدو" شايل من مخه فكرة جلب لاعبين .. مثله مثل مانشستر قبل ..
و لكن لما دعمنا الفريق شف وش صرنا .. الكل يشيد بنا .. عندنا لاعب "كرستيانو" وصلت قيمة العروض له الحين 120مليون !!و هالشي ما هو بمجهود لحاله .. اللاعبين الباقين خدموه كثير ..

حتى شف الحين .. جات اصابة لسكولز لمدة 3 شهور و لا تأثرنا ! ليش ؟؟
جبنا لاعبين بالصيف و نفعونا .. اللي هم بالتحديد هارغريفز , و اندرسون ,,,

جات اصابة لروني .. تأثرنا بس مو كثير .. ليش ؟ برضو عندنا لاعب جايبينه غير الموجود قبل ..

و امثلتك صحيحة و صارت لنا الموسم اللي راح .. و أكلناها قدام ميلان 3/0 ..

سلامي يالغالي :magkiss:

[عاشق الهلال حسون]

8

:yes:

[الدعيــ ( 1 ) ــع]

عبود وعاشق ..

يختلف الوضع إذا كان الكلام عن التدعيم والدكة .. أذكر إني تناقشت مع ثامر بهالخصوص ، وقلت صحيح إن دكة آرسنال ماهي بقوة دكة تشيلسي ولا حتى مانشستر .. لكنها ماهي سيئة لدرجة إنها ما تليق بفريق بحجم آرسنال !
وبرضو الكلام اللي قلته قبل ينطبق على الدكة .. في أي فريق بالعالم الاحتياطي الثاني يقل عن الأول ، والاحتياطي الأول يقل عن الأساسي .. واللي صاير بآرسنال إن الأساسي والاحتياط الأول مصابين فترة طويلة فأكيد البديل ما راح يكون بفعالية الأساسي ..
وروني أقرب مثال .. يوم أصيب أول الموسم عانى مانشستر وخسر وتعادل مباريات كثيرة بسبب غيابه وأذكر ان ترتيبه صار 17 :d: مع ان تيفيز وساها موجودين !!

[[[ عبود ]]]

هلا ابو دعيع مرة ثانية :magkiss: ..

المركز كان 18 للتصحيح بس :) ..
بس كنـَـا بأول اربع جولات يمكن أو خمس .. و الفارق ما وصل 10 الظاهر ,,


صحيح إن دكة آرسنال ماهي بقوة دكة تشيلسي ولا حتى مانشستر .. لكنها ماهي سيئة لدرجة إنها ما تليق بفريق بحجم آرسنال !


اذكر لي الخماسي اللي كان الاكثر مشاركة كإحتياط هالسنة , وراح أعطيك احتياط مانشستر .. و نقارن ,,
ميزة احتياطنا ان بعضهم يلعب لك بأكثر من مركز .. مثال .. أوشي يلعب بالأساس محور .. تبيه ظهير يمين ينفع .. تبيه ظهير يسار ما فيه مشكلة .. تبيه قلب دفاع عادي .. جوكر .. حتى اذكر مرة كان حارس و بدع بعد :d: ..
و هارغريفز يلعب بالأساس محور .. و ينفع ظهير يمين و قد لعب بهالمركز مع البايرن "حسب ما سمعت" .. و بالمان لعب جناح بعد .. و مرة يمين و مرة يسار .. اندرسون بعد , تبيه محور دفاعي عادي .. محور هجومي مو مشكلة عنده .. حتى ببورتو كانت أدواره اغلبها قدام .. و لحد الان بمانشستر ما لعب بمركزه الاصلي و رغم هالشي يبدع ..

وروني أقرب مثال .. يوم أصيب أول الموسم عانى مانشستر وخسر وتعادل مباريات كثيرة بسبب غيابه وأذكر ان ترتيبه صار 17 :d: مع ان تيفيز وساها موجودين !!

و بخصوص تيفيز و ساها .. الثاني كان توه راجع من اصابة و ما تعافى منها 100% و الدليل انها رجعت عليه .. و رجع يلعب بعدها .. و الحين مصاب !!أما الأول اللي هو تيفيز .. كان جديد على الفريق و حتى الوديات اللي بالجولة الاسيوية ما لعب بها بسبب عباطة وست هام بالصفقة .. و طبيعي يكون ما فيه تأقلم خاصة انك بالدوري الانجليزي وانت اخبر بصعوبة هالدوري عن غيره .. صحيح انه كان بوست هام لكن تفرق من نادي لآخر ,,

سلامي :magkiss: