ســــــــــواليــــــــف مــــــــــــجــــرم .. ( عــشــر خـــطوات لتحتـــــــــرف الإجـــــــرام )

[هلالي اكاديمي]

صراحه الكثير منا يفتقد للجرأه .. والكثير يعيش حياة عادية مملة .. تطلع من البيت تقابل اخوياك في مقهى .. تفرفر بالسيارة في الحواري.. تطلع للإستراحه ...تطارد البنات في الشوارع والاسواق ... تداوم .. ترجع البيت .. تنام ... الخ
فيه احد يسمي هذي حياة ؟
حياتك ممله بهالشكل .. لازم تغير شوي .. تجرب تخترع اشياء .. تجرب تعيش حاله ثانيه غير الي انت عايشها .. تشوف لك طريقة تصير فيها بطل .. بدون ما تتسدح بالنت .. وتاكل وتداوم وتنام ... لازم تحاول تثبت نفسك في مجالات ثانيه .. يمكن بالأخير تحترف وتصير شخص مشهور من غير ما يعرف الناس من هو هالشخص .. حكاية تقدر تكتب فصولها بالواقع .. وغيرك يقصها ويحكيها في الكتب والمواقع .



مجرم


كثير يحسب الإجرام سبه .. وقليل يحسبها مدحه او كلوة عادية .. ولو شفنا الواقع .. بنشوف ان الكل مجرم .. انت تسرق مجرم .... انت تقتل مجرم ... انت تتعدي على الغير مجرم .. انت تسرع مجرم ... انت تطلع بسيارة العمل خارج اوقات العمل مجرم ... بس تختلف الجرايم لطبقات ... منها الجريمة العادية .. ومنها الجريمة الخطيرة ... الي يفرق مجرم عن مجرم .. ان الي ينصاد يصير مجرم .. ولكن الي ما ينصاد ... ما يصير مجرم .. ويصير أسطورة وذكي وداهيه .. طبّق الجريمة الكاملة بحذافيرها .. واستطاع ان يزبن عمره ويهرب... كل مجرم يطمح في ان تكون جريمة كامله .. ما احد يصيده ... لا حكومه ولا هيئه ولا حتى مشرف :fghty:




الموضوع الصدق الصدق طويل .. تقدر تقراه في ربع ساعة .. إذا انت راعي وناسه وسوالف وانت كفو إجرام وتبي تتعلم تصير مجرم اقرأ الرد الاول وزبط بياله الشاهي والقهوه الفرنسية .. أما إذا انت واحد مستعجل وراعي اقرأ واطلع .. مثلي .. ابد رح للرد الثاني وخذ خطوات الجريمة الكاملة وانحش بشرط انك تطبقها >> هذا الي يبي يخربكم :d:


مالكم بالطويلة .. يقول لك :




وقّف سيارتك شهرين في مواقف المطار.. وطلعها بريالين !!!


هذا الله يسلمكم حركه قد سويتها انا وواحد من الشباب ... الله يستر عليه .. كنت طالع للشرقيه طيران .. كنت باقابل الرجال في مطار الرياض .. نتخاوى للجامعه في الشرقية عندنا ترم صيفي ... المهم الرجال ترك سيارته في المطار ودق على اخوه يطلعها ويوقفها في الجامعة ... وصلنا لمطار الشرقية .. ودق الرجال على اخوه يسأله وين وقف السياره .. طلع اخوه نسى السالفه كلها ولا طلع السيارة لانه كلمه وهو نايم واخوه بيني وبينكم راعي كيف
المهم توهقنا حنا الحين ... السيارة في مواقف المطار والحساب الي عليها حدود 2000 ريال .. قال لي خويي نطلع تاكسي للجامعة وناخذ سيارتي ونترك السيارة حقته لحد ما يجيب الرجال واسطات ومن هالخرابيط ... ويمكن تمشي هالأمور بنسبه 20 بالميه .. لانه بالعربي ما عنده واسطه .. يبي يقط وجهه على اي واحد ..
جلسنا نتناقش شوي ... وجت ببالنا انا ندور على السيارات وندور سيارة مفتوح بابها ولا قزازها .. وناخذ الكرت حق الطلوع .. عاد إذا لقينا سيارة مفتوحه هالأيام ... ونضرب الكرت ... وندفع المقسوم .. اكيد انه اقل من الفين .. ولا نروح لهم ونقول الكرت ضاع .. بعد ما نمسح السيارة من التراب الي عليها علشان ما ننكشف ان لها فترة السيارة موقفه .. وهالطريقة يمكن تنجح ويمكن لأ ... وبتكلفنا حدود 200 او 300 ريال .. ما اتذكر .. بس بالأخير بنتوهق لان الميزانية بتنضرب ضربه أليييييمه ..
ويوم جلسنا نشرب شاهي داخل المطار .. جت ببالي فكرة ... قلت لخويي شغل سيارتك ومشينا .. قال وش بتسوي ... قلت ما عليك .. محلوله ان شاء الله .. المهم شلنا الشنط ووديناها للسيارة وشغل السيارة .. وقلت له يوقفني قريب من بوابه الدخول ...
راحت غيرت ملابسي لرياضه .. ووقفت عند بوابة الدخول .. ومسوي تمويه على اني اكلم جوال .. ومسوي اسولف واضحك ... واحوس في هالمكان .. يوم حسيت ان ما فيه احد حولي ... جيت يم المكينة الي تطلع الكروت ... واحاول اطق كرت .. مب راضي ... اضرب اضرب احاول ارفس ما نفع.. ولا فيه كرت طلع ولا شي ... عاد عرفت انه لازم يكون فيه سيارة واقفه علشان يطلع كرت .. لحد ما جا واحد من الشباب الزقرت من راعي الحسى يا لبى قلوبهم بس .. قلت له : السلام عليكم ... يا فلان طلبتك .. ابي منك شغله بسيطة بالمره .. قالت آمر يبه ... قلت ابيك تطق الكرت وتعطيني ياه .. كرتي ضاع وما ابي اعطيهم 200 ريال وانا توني داخل .. قال لي : بس شذي .. تآمر امر يبه.. ويطق كرت ويعطيني .. وينتظر لحد ما تقفلت البوابه .. ويطق كرت ثاني وياخذه ويدخل داخل ... انا خوفي كله من كاميرا كانت معلقه فوق راسي .. المهم آخذ الكرت .. وادعس عند خويي ... وادخل السيارة واعطيه الكرت واقول له .. فر شوي بالمواقف ... وبعدها ادعس للبوابة .. واغير ملابسي والبس الثوب وادق ذيك الترسيمه .. ونروح لبوابه الخروج .. ونعطيهم الكرت .. ويطالع فينا الهندي وقال : اثنين ريال :d:
نرميها في وجهه وندعس .. الله آبوكم وآبو مواقفكم الي بندفع فيها راتب شهرين من الجامعة علشان قطعة أرض كانت فضا وصرتوا تأجرونها علينا بفلوس :rolleyes:







سرقة أكثر من 100 مليون في تسع شهور



تخيل انك في ظرف تسعة أشهر .. تستطيع ان تملك ما يقارب المئه مليون دولار .. هذا الكلام مو دعايه لموقع .. او مضاربة في أسهم .. هذا كلام قد يحصل لك .. ولكن تحتاج إلى (شوية تفكير) فقط .. مع دراسه بسيطة .. وتصبح من الميارديريين الكثار في هذا العالم .. ما تحتاج راس مال .. ولا تحتاج مجموعة أشخاص يساعدونك .. تحتاج فقط لذكاء .. وفطنة .. و شوية تفكير مع قليل من الدراسة .. وتصبح مليونير يشار إلية بالبنان .
لو فكرت شوي بتلقى أن ملبغ مثل ميه مليون لا يتواجد إلا في بنك ... إذا نحتاج إلى بنك .. ولو تعبت في التفكير بتلقى ان فكرة ان تسطوا على بنك .. الكل يعرفها .. وقديمة .. والبنوك ماخذه حرصها .. لدرجه ان مجرد ما يرسل جرس الإنذار .. تلقى عشر دوريات واقفه قدام البنك .. يعني شيل فكرة السطو من مخك .. وما تقدر تسطو على بنك لوحدك ..
فكر شوي .. ان ميه مليون صعبه تلقاها في بنك في يوم واحد.. ولكن تقدر تاخذها على دفعات .. علشان ما اتعبكم في التفكير الطويل .. هذي الفكرة الي تقدر خلت خوينا ميلونير في تسع شهور .
هالرجال الطيب الي يبي يصير مليونير .. فتح قوقل وكتب انظمة البنوك .. وعرف انواعها واشكالها .. وعرف ايضا انها تستخدم برنامج لتحويل الأموال .. وهو السر في هالطبخه كلها
قرأ شوي عن هالبرنامج .. وعرف ان فيه غلطة الكل يعرفها .. ولا احد يقدر يغطيها .. هالغلطة هي لو ان عندي الرقم واحد .. ورمزه $01 .. والرقم ثنين .. ورمزه $02 ... الخ من الارقام
اقدر اموه على البرنامج بشي بسيط .. اني احط الرمز $$01999990 ... وراح يقراه النظام واحد ويتجاهل الرقم الباقي .. لان النظام يقرأ $01 الموجوده في الوسط .. وينسى الرقم الي في النص .. او يتجاهله .. وهالشي يقدر يخليني بدل ما احول ريال احول 999999 ريال عن طريق البرنامج الي راح اصممه ..
عرفنا الفكرة او الغلطة في البرنامج .. والحين يجي وقت التصميم .. راح صمم الرجال برنامج يحول كود الرقم من 100 إلى عده ارقام مختلفة أقل من ميه الف .. لان ميه الف راح تكشف العمليه وتثير الشكوك .. واضاف لتصميم البرنامج شي مهم .. الي هو شرط ان البرنامج يشتغل إذا كان رقم الحساب المحول له يطابق رقم حسابه الخارجي ..
يبقى الحين وش لون تنزل البرنامج في جهاز البنك الرئيسي ؟ راح الرجال وفتح قوقل .. وكتب عن أكثر شي يخلي مستخدم الكمبيوتر ينزل برامج .. وعرف انه مشغل الفيديو .. ريل بلير 11 الجديد ..
راح وفتح موقع ريل بلير .. واستخدم ايميلهم عن طريق التلنت وصار يرسل كأنه هم .. وارسل رابط برنامج الريل بلير مدموجا ببرنامجه حق التحويل .. ارسل البرنامج لأيميلات الشباب في البنك .. والشباب ما قصروا .. نزلوا برنامجه وتأكد انه شغال .. لانه صممه على ان البرنامج يرسل له خبر عن طريق شي اسمه "شل" .. وبدأ الرجال يحول من حسابه العادي بالتلفون 100 ريال في اول يوم .. وشيك على حسابه لقى المبلغ صار اقل من ميه الف .. وفي اليوم الثاني ارسل هندي يحول 100 ريال لحسابه الخارجي .. وصار يرسل ميه واحيان يرسل مبالغ مخلتفه علشان ما يثير الشكوك ... لحد ما مرت تسع شهور .. والي هي الفترة الأضمن لان البنك بينتبه للشغله لان المبلغ وصل للميه مليون .. والعجز راح يكون واضح ... وبيصير تدقيق في الحسابات تخليه ينصاد .. وعلشان ما يضمن ان البنك لو مرت سنه بيسوي جرد وبيشوف الارباح والخساير .. يعني بالعربي بيحط العين عليه .. سافر الرجال للبلد الي فيه هالحساب وسحب المبلغ لبنك ثاني .. وغسل الاموال في دولة ثانيه بغساله كبيرة .. وراح لدوله ما عندهم إلا لقمة يومهم.. وعاش فيها ملك ...
وبعدها بفترة قرأ عن سرقة لبنك كبير عن طريق مجموعة من الموظفين ..تم التحقيق معهم وحجزهم ..ضحك على دلاخة البنك .. وتذكر ان ما فيه شي بيوصله لأنه صمم البرنامج على انه يمسح نفسه اول ما تنتهي التسعه اشهر المحدده للعملية.
هذي جريمة تعتبر شبة كاملة .. إذا نفذت بدقة وذكاء خارق .. ودراسه واهتمام .. لن تستغرق من وقتك سوى أسبوع أو اسبوعين .
بس تذكر ان هالفلوس حرام .. وتعتبر سرقة .. يعني لولا مخافة الله .. كان تلقى المجرمين على قفى من يشيل .. وخصوصا في بلد إسلامي مثل السعودية .
بس ربك يسترها علينا إلا في الشعب دلاخة غير طبيعية .. وخصوصا انهم يثقون بأي واحد ..



إرهابي خواف و مجرم



هذا سلمكم الله شخص ارهابي ما اعرفه ولا يعرفني ... ما باع الدنيا مره ولا شراها .. يعني ارهابي نص ونص ... يبي يسوي عمليه انتحاريه .. بس ما يبي ينتحر .. فكر شوي .. فكر وطلع بفكره رهيبه .. ما تخطر ببال احد ... وتنطبق عليها الجريمة الكاملة ..
راح الرجال وفتح قوقل .. وكتب نظام التكييف ... قرأ عن نظام التكييف في جميع المباني الكبيرة .. وعرف كيف يكون النظام فيها ... وكان المبنى الي يبي يسوي فيه العمليه الانتحاريه يعتمد على نظام تبريد بالماء .. وعرف ان أجهزه التبريد بالعاده تكون خارج المبنى غير محروسه ... وشاف مخططات من الشركات الي صممت نظام التبريد وتفاخرت فيه .. وسوت عنه إعلانات من موقعها بالانترنت ... نسخ الملفات وتفحصها في يوم .. وعرف نقطة الضعف ان الماء لا بد ان يكون مفتوح للهواء .. يعني يقدر يوصل للماء بسهوله .. والأمن غير موجودين في هذا المكان بالذات .. وش لون عرف ؟ الرجال طق صحبه مع واحد من الامن .. وعرف اماكنهم ... كيف طق صحبه معاه ؟ ابد جلس يوم يراقبه وعرف مكانه وجلسته وروحته وجيته .. سوى حادث بسيط معاه في شارع .. واعتذر منه .. وكان يسولف معاه لحد ما تجي الشرطة .. بعد ما جت الشرطه و حطت الغلط عليه 100% عطاهم بطاقه التأمين القديمه حقته .. ما قبلوها الشرطه .. راح الرجال وعزم السكورتي عنده في البيت بزعم انه بيعطيه الفلوس .. وسالفه جرت سالفه .. وعرف عدد الأمن الي هناك .. وكيف تقسيمهم في وقت الزحمة .. وعطى الرجال فلوسه وغداه .. وقال له الله يستر عليك
راح هالرجال .. وفتح قوقل مره ثانيه .. وكتب مجزره حلبجه .. أول مجزره تحدث بغاز كيماوي ... وقرأ عنها وعرف الغاز المستخدم الي هو الغاز المسيل للدموع وغاز الخردل .. والكلور والفوسجين .. راح لأقرب بقاله .. وجمع المكونات .. الأهم .. وهي غاز الكلور Cl .. موجود في الكلوريكس .. وغاز الفوسقين Cl2CO .. الي يتكون من كربون وكلور ...جمع المكونات .. وحطهم في علبتين مويه صحه صغيره .. وصار المكونات جاهزه ... والطريقة جاهزه .. باقي وقت التنفيذ
انتظر لين بدأ العمل في الصباح .. قبل ما يبدأ العمل .. راح لخزانات الماء .. لبس الكمامات ... و فتح العلب بفتحات صغيره .. ورماها في الخزانات ... ومشى لحال سبيله
حجز رحلة في الظهر .. وجلس في الفندق يطالع الأخبار .. ويوم جا موعد رحلته .. وحزم شنطه .. قرأ خبر عاجل .. في الـ CNN تعرض مبنى ×××× لهجوم كيماوي .. بعد ان نجح شخص من داخل المبنى في تسريب غاز سام من فتحات الهواء ..
ابتسم .. وتابع طريقه للمطار .. وسافر .. وأصبحت القصص تحكى عنه بأنه صمم الجريمة منذ سنين .. وهرب مواد .. .. وهو لم يخسر أقل من ألف دولار ..
الجريمة سهله التنفيذ .. صعبة بالتفكير .. دقه في التوقيت .. ولكن تظل في نظر الكثير محرمة . وهذا شي كويس
قد تتوقع ان ما فعله الإرهابي جريمة كاملة ... ولكن وقع في أكبر خطأين قد يقع فيهما المبتدأ في الإجرام .. اولهما انه كشف وجهه لرجل الأمن .. وهذا قد يثير الشك لرجل الأمن .. لان بدأ وان اسألته مثيره للشك .. وثانيهما انه سافر بعد وقوع الجريمة مباشرة .. والمفروض انه ينتظر فترة لا تقل عن شهر .. لكي يبعد عنه الشكوك ..
بس وش نقول .. إرهابي مبتدئ
الله يكفينا شر الإرهاب وياكم ...






اقتل الي تبي وان جاك شي بوجهي



بعض الاحيان يجي الواحد شعور حقد وغضب من واحد .. لسبب قوي او تافه .. إذا السبب تافه اصدمه بالسيارة وانتهينا.. اما اذا السبب قوي ويستاهل .. فخذ لك هالسالفة :
يقول لك فيه واحد شري كان يهدد واحد ويستقعد له .. فصله من وظيفته .. وطرده من شقته .. وخرب عليه زواجه .. وينقل عنه كلام لحد الناس ما صارت تتقزز منه .. وهو ما سوى شي إلا ان هالرجال كان عنده ارض واشتراها منه هالرجال الشري .. وطلعت الارض معيوبه .. وما يقدر يبني فيها ..وباعها بخسارة كبيرة .... حس انه غشه فراح قلب عيشته فوق تحت !!
الرجال فكر في طريقة كيف انك يذبح هالآدمي و اهم شي انه يبعد الشبهه عنه .. ولا يدخل في سين وجيم .. بعد ايام من التفكير طلع بطريقة ذكيه .. ما تجيب له الشبهه ويرتاح من هالآدمي للأبد .. الحقد وما يسوي
راح الرجال لبيت الرجال الشري وصار يترصده ويعرف عنه وين يروح ووين يجي ..وعرف انه يطلع من بيته الفجر للدوام .. ويرجع الظهر للبيت .. ويطلع المغرب للقهوه وفي آخر الليل يسمر في الإستراحه .. في الدوام ما يقدر يسوي له شي .. والقهوه مليانه ناس .. والإستراحه فيها شباب .. فقرر انه يخلق لنفسه الظروف المناسبه للجريمة ..
راح الرجال وشرى جوال بدون اسم من محلات الجوال .. وراح يدق على الرجال دقه و يقفل .. ويدق الرجال الشري وما يرد عليه ... وجلس على هالحاله اسبوع كامل .. لحد الرجال ما عاد صار يدق ...وبعدين دز عليه رساله وقال : ليش ما عاد صرت تدق .. ترى دقتك كنها في قلبي
ورجع دق الرجال ودق .. وبالاخير ما يجاوب الرجال وارسل له من معي ؟ رد عليه قال انا جارتكم ونفسي اني ارد عليك بس زوجي معاي على طول
المهم الرجال طاح بالرسايل يرسل ويرسل .. وصار بينهم حب وتفكير شهواني لحد الرجال ما انعمى وما صار يشوف قدامه إلا جارتكم الي هي الرجال الي خرب عليه .. الكل لاحظ تغير اسلوبه .. ما عاد صار يكلم احد .. وصار انطوائي ويجلس بلحاله كثير .. ويجي الاستراحه ضيف شرف ويمشي ..
وبعدها باسبوع .. جته رساله من جارته الوهميه .. تقول انا باطلع لك من الشباك وافتح لك الدريشه واوريك جسمي وانا قدام زوجي .. بس انت طالع وشوف جسمي يعجبك ولا لأ بس لا تحط جوالك في جيبك وانت فوق الخشبة نزله بعدين اطلع على الخشبة .. عاد الرجال ما صدق خبر وقال متى ؟ ووين ؟
رد عليها اخونا بالله وقال : الساعه 3 بالليل ابغاك تروح للعمارة الي قبالنا والي توها تنبني وخلك بالدور الثالث .. وطالع للنور وهو يشتغل الي قدامك .. فيه خشبه دايم يحطونها العمال اطلع عليها علشان تشوفني كويس .. قال الرجال ما طلبتي شي .. الساعه 3 وانا هناك
جت الساعه 2 ونص والرجال طلع من بدري وطلع درج العمارة بالليل ..ونزل جواله قبل ما يركب الخشبه على حسب الوصيه وركب فوق الخشبه .. وتطيح فيه الخشبه تحت ويموت ... اثاري خوينا حاط فوق خشبه فوق بلكتين الاولى الي ورى والثانيه الي على الشارع فيها حبل .. يوم طلع ابو الشباب فوق الخشبة راح سحب الحبل وطاحت البلكه وطاح معاها الرجال .. واخذ الجوال وكتب فيه انا بانتحر وسامحوني ولا تتهموا احد بموتي !!!
يوم صار التحقيق مع الي يعرفهم قالوا ان وضعه تغير تالي الايام وصار انطوائي ويفكر كثير .. يوم عرفوا انه مديون وحالته صعبه .. ويوم قروا الرساله الي بجواله .. حسوا ان الرجال انتحر ... وقيدت القضيه انه انتحار .
بس النفس ما تروح ..






جريمه في نص ساعه



يقول لكم يا طويلين العمر ان فيه ثنين اخويا مطفرين .. ما عندهم الي ياكلونه ما غير الي يستلفونه من البقاله .. مرت عليهم ايام عصيبه .. وما رضى احد يسلفهم .. وهم باقي في نص الشهر ... فكر واحد منهم .. وقال للثاني تقدر تصير حرمه ؟ قام خويه عصب عليه على باله انه يبي *** **** :angel: .. قال له خويه ما عليه انت بس رح لخويك فلان الي متزوج .. اعرف انك تمون عليه .. وجب منه عباية قديمه لعياله وجب جراب لليدين اسود .. اكيد انك تمون عليه .. قال له خويه وش السالفه ؟
قال اصبر .. ان بس جبها وباعلمك كل شي
راح الرجال عند خويه الي يمون عيله وعطاه عباية والجوارب ورجع للبيت .. قال له خويه بكره الصبح تجهز نبي نطلع من الساعه 8 .. ورجع سأله خويه وش ناوي تسوي .. قال له الصبح اقول لك ..
قاموا الرجال وتجهزوا الساعه 8 وطلعوا .. وجابوا العبايه في كيس واخذوا جزمه حريمي من شقة عوايل جنبهم وطلعوا للسوق .. يوم وصلوا خويه قال له البس العباية والبس الجزمة وحط ثوبك وحذيانك في كيس وخلنا ندخل السوق ...
دخلوا الشباب الطيبين السوق وراحوا لمحل الذهب ... وقاموا ينزلوا في الذهب حبه ورى حبه ويسأل خويه ويقول وش رايك في هذي ووش رايك في هذي .. جلسوا يمكن عشر دقايق لحد ما دخل المحل حريم وصارت زحمة في المحل .. قام الرجال رمى الذهب شوي من الذهب على الارض وطيحه في الكيس وقال لراعي المحل مشكورين ما نبي شي وطلعوا ..
شك راعي المحل .. و راح يعد الذهب لقى ناقص منه كثير وعرف انهم سرقوه .. ما امداه يروح إلا وما فيه احد .. عاد الرجال مطمن على الآخر .. السكورتيه عند الباب .. وراح بلغ وقفلوا البوابات إلا بوابة وحده ... وجلس راعي المحل عندها .. يتوقع انهم راح يطلعون ... ويصيدهم .. بعد ما تأكد انهم ما قد طلعوا لانه بلغ بسرعه .. ولا السكورتي قالوا ما فيه حرمه ورجال طلعوا من الباب ... المهم يمروا الناس من عنده ولا يشوف الحرامي الي سرق الذهب .. وطلعوا الناس كلهم في الظهر من السوق .. وخوينا ما لقى الرجال ولا الحرمة .. وفتشوا المحلات كلها ودورات المياة .. ما فيه احد في السوق .. كنهم فص ملح وذاب
وش سووا اخويانا ؟ قام الرجال الي لابس لبس العباية دخل دورات المياة حق الحريم . وراح بدل ملابسه وحط العباية في الكيس ... وانتظر لحد ما فضى المكان ودق عليه خويه دقه وقفل من جواله وعرف ان الطريق خالي وطلع عند خويه واعطاه الكيس ... راح خويه دخل دورات مياة الرجال وبدل ولبس العباية وانتظر لين فضى المكان الي فيه دورات المياة ...ونفس الشي دقه وقفل ... وطلع عند خويه ... وراحوا للبوابه .. مروا من جنب راعي الذهب وهو يناظرهم .. ولا عرفهم ... راحوا محل ذهب ثاني وباعوا ذهبهم وتصرفوا بفلوسه لحد ما جا نهايه الشهر :d:
صحيح ان الفلوس هذي حرام .. بس يقول لك الحاجه ام الإختراع .. واذا اضطروا على السرقه .. وش يسوون ؟
ما اقول إلا الله يغنينا بحلاله عن حرامه :rolleyes:








قضت قهوتنا وقضت سواليفنا .. الي ابي اوصل له من هالموضوع ان الجريمة ممكن تصير .. ولأي واحد .. مع إختلاف الأدوار .. ممكن يصير المجرم .. وممكن انه يصير المجني عليه ..ان كنت مجني عليه .. لازم تكون مفتح لكل الي حولك .. ناظر في العين .. العين فضّاحه ... الي تشك فيه .. لا تخاطبة ولا تكلمه .. ولا تثق فيه ... الله بيعوضك خير .. وكل شي مقدر من الله .. والارزاق بيد الله
بس إذا حدتك الدنيا انك تصير مجرم ولو لساعات .. لازم تكون جريمتك كاملة .. ما فيه احد يقدر يصيدك ... تخطط لها كويس ... تحسب لكل رده فعل حساب .. اهم شي ما ينضحك عليه .. وتنصاد مثلك مثل اي بنقالي.. اقرأ الخطوات العشر الي بالرد الثاني راح تساعدك .... خلك ذيب .. وما تدري يمكن تتعود ... وتصير مسؤول كبير في الدوله :rolleyes:

* القصص من نسج خيالي يعني ما فيها شي حقيقي إلا اول قصه :angel:

[هلالي اكاديمي]

في خلال سبعه دقائق ونص بإمكانك ان تغير حياتك و تفعل ما فعله الكثير ... بإمكان ان تصبح متى أردت مجرما .. ولن يعلم أحد .. بإمكانك ان تجعل جريمتك كاملة .. وتحتفظ بها لنفسك .. او لمجموعتك التي ساعدتك على ان تكون جريمتكم كاملة ..
لا بد ان تتحلى بالجرأه التي تجعلك تفهم أنه ليس كل جريمة يعاقب عليها القانون .. وليس كل جريمة خطأ .. وليس كل جريمة بالإمكان كشفها .. اتكلم هنا عن جريمة لم تكتشف قط .. اتكلم عن جريمة كاملة .. انت بطلها


أول خطوه من خطوات الجريمه :




الهدف

لكي تكون هناك جريمة .. لا بد ان تكون تلك الجريمة لها هدف ... تختلف الأهداف من طرف لآخر ... فمنها هدف سياسي .. اقتصادي .. ديني .. وايضا هدف انتقامي ... ولكل هدف توجهات خاصه ..
البعض يريد ان يمتلك المال .. والبعض يريد ان ينتقم لعائلته او لأخيه .. ومنهم من يريد أن يدافع عن معتقده الديني بجريمة .. وهذا منه حقه .. فهو ليس مجرما دائما .. ولكن مجرم مؤقتا ليجرب هذه الحياة ويحقق هدفه بطرق غير مشروعه في نظر البعض .. ولكن شرعيتها يكمن في هدفها .. وليس في اسمها كجريمة !!!!



دراسة الجو المناسب

لن تكون هناك جريمة كاملة في أي وقت .. لا بد من وجود الظرف المناسب والوقت المناسب لكي تتواكب الظروف معك .. وتستطيع ان تحقق هدفك بكل دقة .
يفضل في الجريمة الكاملة .. ان تخلق لها ظروفها .. ولا تنتظر الظروف لكي تتحقق لك ... فلا يوجد أفضل من تكون ظروف جريمتك بصنع يديك .. وصنع الظروف ليس بالسهل .. فهو من أصعب تلك الخطوات ... وبها تثبت شخصيتك وقوة أسلوبك الإجرامي .. وفكرك وذكائك .. فظروف تصنعها بيدك .. ستجعل الكل يفكر بك كمثال قوي يستحق ان تفرد له الصفحات .. وتنشر عنه الإشاعات .. ويتظاهر الجميع بمعرفتك .. والبعض يتمادى لينتحل شخصيتك .
لكي تخلق الظروف المناسبة لا بد لك من معرفه أفضل الظروف لمصلحتك .. فأحيانا تحتم عليك الظروف ان تكون جريمتك تحت جنح الظلام ... واحيانا تحتاج لكي تخلي المكان من الأفراد .. والعكس صحيح .. فظروف اخرى تحتاج للنور .. ولكثرة الناس من حولك .. فلكل جريمة ظروف خاصة .. وانت من تحدد هذه الأهداف في الجو المناسب لك لكي تكتمل أطراف الجريمة الكاملة .




اختيار الأفراد

بعض الجرائم لا تستطيع ان تفعلها لوحدك .. قد تحتاج إلى مجموعة من الأفراد .. بشرط ان يتم اختيارهم بعنايه وتركيز.
من المعلوم ان كلما زادت عدد المجموعة تضائلت نسبه نجاح الجريمة الكاملة .. فمع كثرة العدد قد تنكشف خطتك .. او قد يشي بك أحدهم .. أو على الأقل ان يبتزك .. فيفضل ان تجمع الأفراد لهم نفس اهدافك ... وتكون علاقتك بهم فقط لهذا العمل .. يفضل ان تبتعد عن اصحابك .. لانك ستبتعد عنهم وكأنك لا تعرفهم .. وتقطع اي وسيلة اتصال بهم .. حاول ان تفشي أقل الأسرار لهم ... وتفضح جزء بسيط وما يحتاجون معرفته من خطتك في جريمتك الكاملة ..
يجب ان تعد الإختبارات لأفراد مجموعتك ... فلا تريد ان تختار فرد يخذلك في وسط العملية .. ولا تريد ان تختار فرد إذا تم الكشف عنه يدلهم بيسر وسهوله لك و يشي بك و بمن ساعدوك .
أهم شخص في المجموعة هو أنت .. فاحرص على ان تكون بمأمن منهم .. ومن غدرهم .. وحاول ان تعتبرهم من ألد أعداءك .. لا بد ان تجعل لنفسك خطة تستطيع ان تنقذ نفسك إذا حصل الغير متوقع من مجموعتك .. لا تثق في أحد منهم ... لا تجعل لهم دليل عليك .. لكي يبتزونك به .. ولا تقوم ببناء علاقات دائمة معهم .
حاول ان تجعل لكل شخص من المجموعة علاقات شخصيه بك .. لكي تجعله يميل لك .. ليس شرطا ان تكون تلك العلاقة حقيقيه .. أختلق قصه حزينة لكي تقوي علاقته بك وتضمنه في صفك ... وافعل ذلك مع الجميع .. وأجعلهم يرونك بطلا .. لكي لا يعصوا لك أمرا .. واجعلهم اصدقاء مؤقتين وليسوا دائمين .
اجعل لك نائبا .. ونائب للنائب .. ونائب سري .. بحيث ان تكون قريب لأكبر عدد ممكن





خطط بديلة


ان تصنع خطه واحده محكمه .. هذا جيد .. ولكن أن تصنع عده خطط أقل إحكاما من الخطه الواحدة .. فهذا أفضل .
تساعدك الخطط البديله في أن تتأقلم مع الظروف الجديده بكل سلاسه ويسر وسهولة .. فالخطط البديله تجعل الهدف يتحقق بعده فرص .. وليست بفرصه واحده فقط .. فكلما زادت الخطط .. كلما كان أفضل لك وأفضل لتحقيق هدفك .. أولى خطوات الخطه البديله ان تحدد الأوليات والظروف لكل خطه ... وتحدد الظروف الطارئه والخطط المناسبة لها .. فلتجعل اول الخطوات هي الخطوه أ ... وبعدها الخطه ب .. وبعدها الخطه ج ..
الخطه الأساسيه بالظروف التي تصنعها انت هي الخطه أ وتعتبر أفضل الظروف بالنسبه لك ... وتتعبها الخطه ب وهي الظروف الطارئه التي تحدث لك غالبا .. كأن يظهر عنصر غير مرغوب فيه ويوجد في مكان الجريمة .. أو غياب عنصر من عناصر مجموعتك .. وتستعيض به بفرد او تلغي عمله .. او تحمل عنصر آخر مسؤوليات العنصر الغائب .. ويعوض غيابه .
لا بد لك من ان تطلع الجميع على جميع الخطط وتتخذ طريقة لكي تخبرهم بتغير الخطه ويكون هناك طريقة تواصل بينكم .. واتصال دائم لمعرفه الأحوال ... وتقارير سريعة وكل دقيقه للتأكد من أنك خطتك تمشى على الطريق الصواب .






توقع الأسوأ

عندما تبدأ تطبيق دراسه الجريمة .. توقع اسوأ سيناريو يمكن ان يحدث .. لا تجعل للحظ نسبه في حساباتك ... عندما تنوي فعل ما .. توقع ان يتواجد شخص في المكان الخطأ .. توقع ان تكون هناك مواجهه بينكم ... توقع ان تنكشف .. تعلم كيف تلملم الموضوع بذكاء .. اخترع الكاميرا الخفية في هذه المواقف ... ادّعي انك من البحث او من الشرطة .. او حتى انك مرسول علشان تشوف نسبه الجريمة ... لا تحاول ان تكابر وتفضح نفسك .. ولا تحاول ان تبرر وتصبح في موقف ضعف .. ولا تحاول ان يظهر عليك الجبن والخوف وتهرب وانت في مكان لا تستطيع ان تهرب منه ..
توقع ان يغيب شريكك او ينسحب .. توقع ان تنسى جوالك .. توقع ان كل شي .. وضع خطه لكل سيناريو محتمل





لا تعود لمكان جريمتك

إذا اجرمت في مكان .. لاتعاود لنفس المكان مره اخرى .. ولا تحاول ان تجعلها عاده لك .. الأماكن كثيره .. والفرص كبيرة ..وبطبيعه الإنسان .. انه يرجع للمكان الي سوى فيه الجريمة .. وهذي أسهل طريقة تقدر تنكشف فيها ... لانها ببساطه أسهل القواعد عند مكتشفي المجرمين ... المجرم لا بد ان يعود لمكان الجريمة .. وانت بعودتك كمن تذهب للمصيدة بيديك ... ارحل من المكان .. غير اسلوبك .. لا تذكر الموضوع لقريب او لبعيد .. حتى مضي وقت ليس بالبسيط .. واذكرها على انك قابلت هذا الشخص في مكان ما .. حاول ان ترى ردات الفعل إذا كان غرورك يريدك ان ترى رده فعل الناس تجاه جريمتك .. ولكن لا تعود لمكان الجريمة ابدا ..






أقطع اتصالك بالعالم .. وركّز على جريمتك

لا تحاول ان تتورط بمقابلة أشخاص .. او مهاتفه افراد ليس لهم علاقة بالجريمة .. لا تشتت تفكيرك في امور اخرى .. لا تفكر بعمل آخر .. ولا بفعل آخر .. فقط فكر في الجريمة .. وركز فيها .. اجعل يومك كله تفكر فيها .. وكيفيه انجاحها .. وبرمج نفسك على انك ستنجح وستتم الخطه بنجاح .. فكر في كل خطوه الف مره .. ركز في كل خطوه .. استرخي وخذ لك قسط من الراحه بين كل فترة وفترة لكي لا تتعب قدرتك العقليه والنفسية .




لا تهبط معنوياتك .. ولا تحبط نفسك

من الخطوات السيئه فينا كأشخاص اننا نحطم انفسنا .. ونتقبل التحيطم من الآخرين ... وهذي لا بد للشخص انه يتنبه لها وخصوصا انك لازم تقنع نفسك انك انسان ناجح .. وانك تقدر .. وراح تقدر .. لان ما فيه شي اسمه مستحيل !!





راجــــــــع

لا بد لك من ان تراجع جميع الخطوات السابقة وتتأكد من جهوزية الأغراض الي تحتاجها في كل عملية .. عيد الخطه في ذهنك أكثر من مره ... وعيدها كتابة في أكثر من مره .. وتكلم بها في صوت عالي ... لان المذاكره بالسمع اقوى من المذاكره بالبصر والذهن .. راجع العملية .. وسميها اسم حركي .. عيد السيناريو المحتمل في ذهنك اكثر من مره .. حاول في كل مره تكتشف شي غفلت عنه .. وناقش فيه أحد الأفراد إذا كنت تحتاج منه مساعدة ...



تذكر الله


مو شرط كل جريمة تكون في معصية .. الإنسان أحيان يضطر إلى فعل أمر ما ... لان الدنيا ما ترحم .. والعالم كلها تجرم في بعض ... بعضهم محدود على هالشي .. وبعضهم لمجرد التسلية ... انت لا بد لك من ان تذكر الله في كل خطوة لك ... وتذكر ان الله يراقبك ... ما فيه احد راح ينفعك غير نفسك .. ولا فيه احد راح يعاقبك إلا ربك .. فأحرص على ان تكون جريمتك شريعة .. ولها هدف سامي



أخيرا : قد يستغرب البعض من هذا الطرح ... ويمكن يزعل البعض .. ويشوفه غير مناسب ... بس مو شرط هالامور تتطبق ... يمكن يطلع لنا كاتب سيناريو .. يكتب قصه خيالية إجراميه .. يمكن يحتاج لها بعض الأشخاص لكي يلقى لقمة عيشه .. ويمكن يحتاج لها مجموعة كبيره .. لإبقاء مصطلح الجريمة الكاملة ... مستحيل التطبيق !!!!

تحياتي لكم ... وتروني كتبت الموضوع طويل علشان الي يشوفه يعرف اني كتبته يوم السبت :d:



سلام :)

http://www.alhilalclub.com/vb/images/hilal/misc/sig_line.gif


http://alhilalclub2.com/2007-2008/images/4/bcdc8e7b25.jpg

[عيون زرقاء]

مجرم يا أبو كدم ..

الموضوع ممتع ..


اسمح لي بالرجوع والقراءه ..!!

[هلال العرب]

واضح ان الموضوع يبيله مخمخه

ألحين مثلك عارف في هالوقت يكون الغــدا محطوط على السفره وإن شاء الله بيكون هناك رجعه

تشكراتي اخوي

[شلهوب توب]

يا كبييير

بس علييك قصص اغلبها راح وفتح قوقل طيب وش زوود الياهو عنه :d:


بس تصدق ان قصت المليونيير والذهب نشبت في رااسي

الله يهدييك

بالنسبة للموضووع

في غايه الجمال لكن شو سالفه الجن معك :d: امزح بس اتذكرك في موضوع شاعر 1000000

[abdulmajeed_1]

لا لا أنا بأجرم فيك الـظاهر ، وش هالبشكه الحلوه يبو كدم ؟ ياخوي كان أجلتها لين الأعصاب تروق شوي عقب من ثورها الخثران الله يهديه !!

بصراحه علي اختبارين وكل واحد يقول الزين عندي ههههه يعني والمراد من ذلك أنني سأعود بإذن الله ولكن بعد ماتعدي هالاختبارات ولكني أعدك بالعوده لأجرم في جد جد جد موضوعك الجنائي يا مجرم !!

على فكره تراني لارجعت بأجرم فيك زي ماأجرمت بولد الفراعنه ، ياخوي خف ربك وش جايك منه ؟ عويذ الله من شرك !!

بس بصراحه يوم مريت على سالفة مواقف المطار حسيت أنك أسمر طويل وشعرك فلافل , وفيك لمحات من الهليل اللي لعب مباراة امس هههههههههه لا اذا على كذا تراني هونت منب راجع !!

[هلال العرب]

ألحين وراك ماتذكّرت الله وانت في مواقف المطار:angel:

ورجع دق الرجال ودق .. وبالاخير ما يجاوب الرجال وارسل له من معي ؟ رد عليه قال انا جارتكم ونفسي اني ارد عليك بس زوجي معاي على طول
المهم الرجال طاح بالرسايل يرسل ويرسل .. وصار بينهم حب وتفكير شهواني لحد الرجال ما انعمى وما صار يشوف قدامه إلا جارتكم الي هي الرجال الي خرب عليه .. الكل لاحظ تغير اسلوبه .. ما عاد صار يكلم احد .. وصار انطوائي ويجلس بلحاله كثير .. ويجي الاستراحه ضيف شرف ويمشي ..
وبعدها باسبوع .. جته رساله من جارته الوهميه .. تقول انا باطلع لك من الشباك وافتح لك الدريشه واوريك جسمي وانا قدام زوجي .. بس انت طالع وشوف جسمي يعجبك ولا لأ <<< خبث حريمي
بس لا تحط جوالك في جيبك وانت فوق الخشبة نزله بعدين اطلع على الخشبة .. عاد الرجال ما صدق خبر وقال متى ؟ ووين ؟
رد عليها اخونا بالله وقال : الساعه 3 بالليل ابغاك تروح للعمارة الي قبالنا والي توها تنبني وخلك بالدور الثالث .. وطالع للنور وهو يشتغل الي قدامك .. فيه خشبه دايم يحطونها العمال اطلع عليها علشان تشوفني كويس .. قال الرجال ما طلبتي شي .. الساعه 3 وانا هناك
جت الساعه 2 ونص والرجال طلع من بدري وطلع درج العمارة بالليل ..ونزل جواله قبل ما يركب الخشبه على حسب الوصيه وركب فوق الخشبه .. وتطيح فيه الخشبه تحت ويموت ...


ياهو خبيث هاللي مسوي نفسه (( الجاره ))
ودّي أشوف هالمسيكين وهو يرقى بآخر الليل يبي يقز:eek: هالحرمه

[نوااااااااف11]

اجرام يابو كدم اجرام :d:
بس حلوه حقت المطار لكن اللي اخبره
انك اذا جيت تسحب ورقه جديده الموظف موجود في الكونتر
وتطلع لك وحده بس
شلون خويكم الحساوي طلع وحده بدون مايدخل سيارته ولا وشلون :req:




بعض الجرائم لا تستطيع ان تفعلها لوحدك .. قد تحتاج إلى مجموعة من الأفراد .. بشرط ان يتم اختيارهم بعنايه وتركيز.
من المعلوم ان كلما زادت عدد المجموعة تضائلت نسبه نجاح الجريمة الكاملة .. فمع كثرة العدد قد تنكشف خطتك .. او قد يشي بك أحدهم .. أو على الأقل ان يبتزك

صادق صادق الله يكفينا الشر وش انت مفطر اليوم :d:
على طاري السرق الشرعي كان فيه قصة
واحد مشبوه وله اعداء مترصدين له بيرجعون حق لهم وكان عنده مكان يسهر فيه
وقرروا ثلاثه انهم يطبون على استراحته اللي هو يتكي فيها
يوم دروا انه مسافر وفعلا خذوا عتله وخرعوا ام الباب :d:
ولقوا بلاوي متلتله شوازن وعيالها وصور وكيف المراد ان هالربع اللي طبوا على الغرفه
لقوا كيف واجد وتهاوشوا عليه :d:
المهم الشباب ماقصروا نظفوا المكان تنظيف كل شي خذوه حتى ورق الشام :d:
خوينا صاحب المكان اول ماوصل بيكمل سهرته ويشوف الباب مقلوع على جنب جن جنونه :d:
وقام دخل المكان عرف ان كل قشه واغراضه راحن سلسبيل :d:
ويقوم ويعشق بالاول ويقعد يخمس بقريتهم مستنكر بقوه من اللي سرق خمامه
السالفه طويله اكتفي بهذا القدر(himo)

والمفروض انك كاتب ممنوع مادون الثامن عشر


لا تعود لمكان جريمتك

إذا اجرمت في مكان .. لاتعاود لنفس المكان مره اخرى .. ولا تحاول ان تجعلها عاده لك .. الأماكن كثيره .. والفرص كبيرة ..وبطبيعه الإنسان .. انه يرجع للمكان الي سوى فيه الجريمة .. وهذي أسهل طريقة تقدر تنكشف فيها ...

هذي هي المستحيل يابوكدم ما ادري وش نوع الجاذبيه
اللي تخلي الانسان يرجع مكان جريمته كله شي بالنفس
انه بيروح يتطمن او يبعد الشبهه عن نفسه

تذكر الله


مو شرط كل جريمة تكون في معصية .. الإنسان أحيان يضطر إلى فعل أمر ما ... لان الدنيا ما ترحم .. والعالم كلها تجرم في بعض ... بعضهم محدود على هالشي .. وبعضهم لمجرد التسلية ... انت لا بد لك من ان تذكر الله في كل خطوة لك ... وتذكر ان الله يراقبك ... ما فيه احد راح ينفعك غير نفسك .. ولا فيه احد راح يعاقبك إلا ربك .. فأحرص على ان تكون جريمتك شريعة .. ولها هدف سامي

:d::d:


تحياتي لكم ... وتروني كتبت الموضوع طويل علشان الي يشوفه يعرف اني كتبته يوم السبت

البطاله وماتسوي وش انت ناوي يابوكدم :d:

[Hard]

ههههههههههه إجرام إجرام..


ونزل جواله قبل ما يركب الخشبه على حسب الوصيه وركب فوق الخشبه .. وتطيح فيه الخشبه تحت ويموت ...
اخبرك حي ومابعد مت يابوكدم..:angel:

تحياتي لكم ... وتروني كتبت الموضوع طويل علشان الي يشوفه يعرف اني كتبته يوم السبت
ههههههه اوفر تايم يالعاطل..

الموضوع طويل واللياقة لك عليها,,:p

عواافي ياهلالي اكاديمي..<< الا على الطاري وش يقرب لك ستار اكاديمي..:amle:

ابدعت يابطل..

[Eng.Fahad]

لا تعود لمكان جريمتك




هـذا اهـم جزء

..

[السفاح الازرق]

شوف الكلاب البنغاليه كم يربحون باليوم

[قلبها ازرق]

888

الله يصلحك ياابوكدمه خربت علينا الاعضاء:d: اللحين الهواجيس تجي وتروح عنده من افكارك يامِجرم :d:

ياسااتر الساحه كلها اجراام اللحين تلقى الناقد مبسوط تدغدغه هالمواضيع :d:مكيٌف ع الاخر وتلقاه طاقها اساسي عند مدرعم :d:

نرجع لـ اجرامك ..

من خلال قرأتي تحلف ان اللي كاتب هالموضوع مجرب انواع الجرايم :angel:تكتب هالموضوع بااحساسك ..عاد احساسك مايصدق الا بالاجرام :jhgy:

شف من قريت موضوعك الظهر وانا الفار بدا يلعب بعبي :angel: افكر اقول ودي اسوي جريمه بس من النوع الراقي :d: فكرت لو اقدر احوٌل رصيد ابوي من المحافظ اللي معطيني رقمهم وكلمت السر وفرصه امي مهيب موجوده مسافره هالايام واسافر :d: انا اللي سويته مهوب جريمه لان اللي بااجرم فيه :d: يقرب لي < طلع لغز :d: يعني حلالنا واحد < تفكر من الظهر بهالطريقه :d:

بس بجد الجريمه يبي لها قلب قوي مهوب مثل قلوبنا ياحسرتي اذا هبٌ هوا طار :d: وخلني اطلع قبل لااكب التبوله :jhgy:

عوافي ابوكدمه وفالك الدرجه الكامله :angel:

[! S A U D !]

ما شاء الله عليك يابو كدم ،، طول عمرك مبدع يابعدهم [ :magkiss: ]

والله وش اقول ،، حدي اقول موضوع حلو [ :fghty: ]

موفق ،،

[abo wdee3]

ايا الخبيث المخبث ! والله يا ابو سكوفيلد انه لاعبن بمخك لععععععب

يلعن شكلك خليتني ودي اصير مجرم ناجح .. اهم شي ناجح


ابداع يابو كدم يا صديقي < خايف منك


ابو كدم ترا ان ذبحتني قسم بالله مالك داعي


لا تربت يداك ومشكور خالص .. موضوع ممتع بمعنى الكلمة .. ادام الله بقائك وفي رواية الله يبقيك

[ابوسعد الهلالي]

يامـــــــــجرم ..

رد: ســــــــــواليــــــــف مــــــــــــجــــرم .. ( عــشــر خـــطوات لتحتـــــــــرف الإجـــــــر


هههههههههههههههههههههههههههههههههههههههه

من طق باب الناس كسروا بابه اشوى ان موضوعك فيه خطأ عشان معاد تتطنز بخلق الله خخخخخخخ

عوافي يابوالاجرام ..

[برستيج]

888


ياسااتر الساحه كلها اجراام اللحين تلقى الناقد مبسوط تدغدغه هالمواضيع :d:


:angel:

اكيييييييد .. والدليل انه هو اللي مثبت الموضوع

:d: :d:




ابوكدم .. اشك ان هذي اغلبها من نسج خيالك .. (rambo)


(himo)

[حبلوص]

(rambo)

ابو كدم

سلمت يمينك يا الغالي

والموضوع توب التوب ماشاء الله يا الغالي:)

[هلالي راسه عالي]

مشكور ابو كدم

اثريك خبرة اجرام

[Suhaib]

يعطيك العافية يا مجرم

مع ان الموضوع ماله داعي بس مسلي :d:

[عاشق العثرات]

الا وش اخبار الصيد .. ؟ هههههههه تسني بك انت والقفل على الكورنيش طاقين الوزره والطواقي الحساوي ومادين السناره ولا طلع لكم الا سمكه مضيعة كفيلها ويوم شافتكم حامت كبدها وماتت من القهر ههههههههههههه

اما بعد ..

بشر القاتل بالقتل ولو بعد حين ..
وربك ما يطق بعصا .. واحد من الشباب يروي لي انه تم اكتشاف قضايا خطيره تمس امن المواطن عن طريق اخطاء تافهه جدا من المنفذين ، تافهه للدرجه اللي يمكن تضحك عليهم فيها ..
الشاهد ان فيه آيات كثيره واحاديث في هالمجال ما تحضرني
يعني هتروح من ربونا فين يا بو كدم :d:
مبطي والله ما شفت زي هالابداع ..
إلى الحاير بعد اكتمال التعبئة .

[Il Fenomeno]

ههههههههههههههههه :d::d: .. وش تحس به يوم تكتب الموضوع :d: ..

موضوع جبار والله يا الأكاديمي :yes: ..
قصص أكثر من رائعة تنبئ بـ مستقبل كبير لك كـ مجرم :d: ..

تذكر الله


مو شرط كل جريمة تكون في معصية .. الإنسان أحيان يضطر إلى فعل أمر ما ... لان الدنيا ما ترحم .. والعالم كلها تجرم في بعض ... بعضهم محدود على هالشي .. وبعضهم لمجرد التسلية ... انت لا بد لك من ان تذكر الله في كل خطوة لك ... وتذكر ان الله يراقبك ... ما فيه احد راح ينفعك غير نفسك .. ولا فيه احد راح يعاقبك إلا ربك .. فأحرص على ان تكون جريمتك شريعة .. ولها هدف سامي

كله كوم وهـ الجزئية كوم ثاني :d: ..

على فكرة مستحيل تصير فيه جريمة كاملة لازم يكون فيه أخطاء مهما كان .. والاخطاء ذي هي اللي تدل على المجرم .. والاخطاء غالبا ما تكون اشياء تافهه ما يهتم لها المجرم ..

تسلم يمينك يا أبو كدم :magkiss: ..

[الــــنــــاقــــــــد]

مُجرم يامُجرم:d:

إبداع والله .. وآآخ لو فكرة الـ 100 مليون تضبط كان تصير أصحب أصحابي:angel:


ياسااتر الساحه كلها اجراام اللحين تلقى الناقد مبسوط تدغدغه هالمواضيع مكيٌف ع الاخر وتلقاه طاقها اساسي عند مدرعم

شعور غير طبيعي لما أشوف الصفحة الأولى كلها كلمة جريمة(rambo)

لازم نطلع مواهب المجرمين في الساحة:rolleyes: وأبكلم العيال نغير اسمها لـ ساحة الجرائم:d:

لكن تظل أبشع جريمة أرتكبها أبوكدم في مسابقة من أنا يوم كشفك من أول خمس دقائق وأستخدم التشريح بالحروف في كشف الجريمة:d:


أبوكدم .. بما أن الموضوع جاز لي وثبته لك .. فياليت نجرب سالفة الـ 100 مليون تراها جازت لي , وأنا أعرف مواهبك في هيك شغلات:d:



فالك ... التشويت:kany:

[العاتي]

^
صورة واحد يشوت في الموضوع << الناقد صبحك الله بوجه عبدالله بالخير :d:

أبو كدم والله ما هكذا يورد الاجرام يا فتى .. وش ذا ! فضحتنا بسالفة الغسيل .. لو أنك قايل إن أبو 100 مليون غسل فلوسه بكلوركس كان أرحم ..أو على الاقل قل إنه أستثمر فلوسه في غسيل الكلى ..
بس تعلمهم الطريقة سيدا ما يصير ياخوي .. لا لا .. لازم أكلم عمي ..

قسماً بالله .. إني ثلاث مرات أدخل موضوعك وأكتب رد وش طوووله .. وفي الاخير يجرم فيني جهازي ويصك نفسه إبن اللذين .. فعشان كذا أحس إني بديت أحفظ موضوعك من كثر ما أقراه .. وراك ما كتبت عن جرائم الاجهزه في أصحابها .. :(

إن الله أراد رجعت لك الليلة .. أو إن أعطان جهازي فرصة من جديد .. فالمحاولات محدودة << إغتنم الفرصة :d:

سمعت والعهده على الرواي .. يقولون إن موضوعك طبعوه وبيعرض على ...َ .... أحم أحم وين رز إضافة الرد السريع :d:

فالك خشبه يحفر عليها أسمك ويضرب بها رأسك كي يبقى أسمك شامخ في جبهتك .. :d:


انتظرني في الشرفة حتى يحين موعد رجوعي .. (f) :jhgy:


رد: ســــــــــواليــــــــف مــــــــــــجــــرم .. ( عــشــر خـــطوات لتحتـــــــــرف الإجـــــــر
:d::d::d::d::d:

[عـــهـــود]

مبدع ماشاءالله .. خشيت جو مع كل قصه .. خاصه حقت الذهب لانها قريبه جداً من الواقع واحتماليه حدوثها100%


وانا اقرا جرايمك اللي ماشاءالله توصفها وصف تخلي اللي مايفكر يفكر (rambo).. تذكرت امي اذا شافت معي فيلم وفيه سرقة سيارة والا شئ .. تقول : شوفي الملعنة يعلمون عيالنا السرقة:jhgy:

الا عندي سؤال .. الحين انت وخويك حطيتوا الخطة بي والا لا .. ؟

وكيف كان وضعك ذاك اليوم وانت مقدم على شئ ماتدري هو بينجح والا لا .. ؟:q:


خطوات الاجرام بصراحه تدل على مجرم بروفيشنال ..:cool:

بس بـ نحسن النية ونقول آثار بريزن بريك:angel:


يعطيك العاافيه ابو كدم ..

[abdulmajeed_1]

والله وطلعت راعي جنايات يامجرم ، بيني وبينك ماينلام الهلالي اللي يشوف فريقه يخسر من النصر وفي نهائي بطوله ولايضيق وتضرب فيوزه وتتغير مبادئه وأخلاقه !!؟

بصراحه يبو كدم أنا أحلل الانحلال الجزئي في أخلاق معاليكم :d: إلى الخثران ونكبته أمام النصر وجمهور اللاعبين من يسكنون المنتديات الهلاليه ، ياخي ناس تخلي الواحد يفكر يصير مجرم ويجرم بأبو جدهم < توه جاي من المدرج والاخلاق مضروبه !!

يبو كدم رح فالك البيرق وابشر بمليونين هديه مني للأعضاء عشان يصوتون لك وتاخذ المليون والبيرق من ابو خالد المنتدى !!

[ابوعبدالله2006]

هههههههههههههههههههههههههههههه

رايق الموضوع على هالصبحيه والجو الخقاااااااااااق

على طاري القصص الخياليه عن الحراميه
تخيلت مرة من المرات بصبحيه رب العالمين اني
صورت من موضوعك نسخه ودزيته لموظفي الماليه :d:
ردو علي بفاكس عاجل توقعت انهم يشكروني واني ابقولهم لا شكر على واجب بالعكس اشكرو ابوكدم بشبكه الهلال

تدري المنسمين وش ارسلو

قالو لي " شف لك وحده غيرها قدييييييييييييييييييييييييييييييمه :d: "

هنا يتضح دور الخبرة بالمجتمع السعودي :d:

يمديك تتخيل هالموقف هذا بعد الميزانيه :d:
خخخخخخخخخخخخخخخخخخخخخخخخخخخخخخخخخخخخخخخخخخ

[Bader AL-Tamimi]

هههههههههههه

احب روح المغامره

[هلالي اكاديمي]

حي الله المجرمين والمجرمات:d:


الشيخ عيون زرقا

يالله حيه .. نورتنا يالشيخ
خذ راحتك يا حلو ..


الشيخ هلال العرب
دام الغدا محطوط .. معذور
الصلاة وهي صلاة عادي تتأخر .. وش لون عاد موضوع خخخخخ
يله حيه ومنورنا يا الشيخ


الشيخ شلهوب توب
حي الله شيخنا الكبير
هههههههههههه اصلا قوقل اطلق من الياهو ومثلك عارف لو قروا قوقل هالموضوع يمكن يوظفوني عندهم
تسلم يا حلو .. والجن ابد تحت امرك عطني اسم امك وابشر بالي تبي >> صار مشعوذ
لاهنت ياقمر


الشيخ ابا نورة طول الله في عمره
هههههههههههه جزاك الله خير يالشيخ
الله يوفقك في اختباراتك اهم شي تشد حيلك .. بس لا تشده مره ينقطع
اسمر ؟ طويل ؟ شعر فلافل ؟ الهليل ؟ انت اكيييييد تتكلم عن القفل يا حبيب البي :d:

شرفت ولا كلفت يبو نوير .. والله يعوض عليك بخير في الفراعنة :angel:



الشيخ هلال العرب اقين

ههههههههههه مواقف المطار كان فيها مٍسأل ضرورات .. وانت عارف الضرورات تبيح المحظورات
يعني اكيد ما ودك تشوف انت بعد هههههههه :fghty:

حياك الله يالشيخ


الشيخ نواف طيب الله ثراه
يالله حيه يالله حيه ...
ههههههههههههههههههههه تحسب مواقفنا مثل مواقف الرياض
بالشرقيه كل شي توماتيكي يعني ادخل توماتيكي بس الطلوع لازم فيه تدقيق حبتين خخخخخ


ههههههههههه كمل كمل تكفى :d:
فيك عروق مجرمين ياالنوفي وش سوى ؟ اكيد قال لهم انت بايخين .. ولا رمى عليهم علبه فاين وانحاش


اذكر الله يا رجل اليوم سبت مثل كل ايام السبت بس انه طويل مثل ذا الموضوع هههههههههه
حياك الله يا حلو .. وشرفتنا يالشيخ



الشيخ هلالي اليمن .. شيخ عشائر اليمن ومن حولها
حي الله سلم الله .. اخبار علوم
هههههههههه الاعمار بيد الله وانا اخوك لا تتفاول علي

إذا الاوفر تايم على برستيج تراي كاتبه يومين ورى بعض
تسلم يا حلو .. جزاك الله خير


الشيخ فهد الدوسري
اوووه حي الله راعي الاسهم
منور يا حلو


الشيخ السفاح > ما تركب خخخ
يا رجال من كثر دراهمهم وهم في السعودية ودك تصير بنقالي خخخخخخخخ


الشيوخ الي باقين لي عوده ان شاء الله


برايفت : الشيوخ تدل على ان اليوم جمعة :d:

[نايف 15]

أسلوب وتفكير خيالي ورووووووووعه يبو عابد (himo)
ما شاء الله تبارك الله عليك :magkiss: ,,


أبو كدم ليش ماتستغل هالذكاء اللي عندك وتسوي لك مشروع يدر عليك ذهب ..
طبعا ً المشروع يكون حلال :angel:

وخاصه بما أنك بالوقت الحالي فاضي لاشغله ولاعمله ماغير تاخذ القفل وتكشخبه بالراشد :d: ..



إجرام في إجرام = أبو الإجرام كله .. بــو كدوووومه .. سلام ياحلو :cool: ,,