المساعد الشخصي الرقمي

مشاهدة النسخة كاملة : وصيت قلبي ....كلمات مطلع الشمس ....بطاقة خيالية جدا ....الى الاحباب..

شرقاوي ازرق
10/7/2002, 01:12
:q:

انشاء الله تعجبكم ...بس انتظرو لمن الصورة تطلع تراها تستاهل مرة .....من احلى ما صممت ....

وصيت قلبي ....

http://shazreg.jeeran.com/waset_qalbi.jpg

نبغى ارائكم الحلوة ....

(himo)
ريوف(RGH)
10/7/2002, 01:17
مشكور اخوي يعطيك العافيه البطاقه حلوه زي صاحبها
تحياتي جنون العاشقين
:love:
شرقاوي ازرق
10/7/2002, 01:54
شكرا ريوف على الرد الجميل من جنون العاشقين..
يوسف
10/7/2002, 02:02
هلا بالداجين والداجات:magkiss:
هلا شرقاوي ازرق
من جد بطاقه رهيييبه تسلم ماشاء الله ذوقك حلو
:magkiss: باااااااااي:yes:
الكاسر888
10/7/2002, 03:51
روووووعه ياخوي شرقاوي أزرق


بس لو إنك حاط الأغنيه خلفيه لها ياسلام ياسلام
شرقاوي ازرق
10/7/2002, 20:23
هلا داج من جد انت داج ...:)


الكاسر مشكور .....وهذي الكلمات كاملة ...


وصيت قلبي+ورده بلادي
كلمات:- مطلع الشمس +عبدالله سيد الهاشمي
الحان:- خالـــــــد ناصــــــر
غنـــــاء:- ميـحد حـــمد + راشــــــد المــاجد
اشراف :- عــــلي الخــــــوار


ميحد حمد:-
وصيت قلبي عليك وفكري وظني.... ان غـبت عنـهم عليك اعتابهم هادي
ما ودي تجرح شعورك كلمه مني...وانت حياتي وعمري ومهجه فـوادي
ودي تعيش العمر راضي ومتهني...مرفوع راســـك عليك العــــز متبادي
يا تــــــاج راسي وانت مني وعني... تآمر وتنهــــي وامـــــرك أول البادي



راشــــــد الماجــــــد:-
يا شوق روحي وقلبي وقطعه مني...عتابك ألطف من النسمه على فوادي
ما يـــــــجرح القلب الا غيبتك عني...واللى عتابك يــــشابه طبعك الهادي
انا اهتني يوم اشوفك انت مــــتهني...وشوف نور الــــهنى في طلتك بادي
ما يختلف فيك ظني يا حسن ظني...دايم وفي مـــعي يـــــــــا ورده بلادي




ميحد حمد:-
من كثر خوفي عليك الخوف يمحني...وافقد شعوري واشوفك غايه مرادي
ان غاب صوتك أناجي الليل وونــي...وتخيلك وتذكر هـــامت بـــــــــــلادي
مديون لك بالغلا والحب مـــــشقني...يا مستــــــــــحل الفواد العاشق الغادي
من يشبهك في البشر يا ذوقي وفني...يا راحتي وبسمتي وموتي وميلادي



راشــــــد الماجـــــــد:-
لا تخاف مني ومن قلبـــي إذا وني...اكيد مـــــشتاق لك يا غايه مرادي
ما يتعب القلب غير الشوق لكني...اصبره بالقصيد و صــوتك الشادي
أنا احبك واحبك من صغر سني...وما ابالغ ان قلت لك من يوم ميلادي
أكبر ويكبر غلاك اللى مجنني...غصب عن عيون حسادك وحــــسادي



ميحد حمد:-
وصيت قلبي عليك وقال متــــــجني.....احذر غيابك على قلبي مهو بعادي
وصيت قلبي عليك وفكري وظني.... ان غـبت عنـهم عليك اعتابهم هادي
ما ودي تجرح شعورك كلمه مني...وانت حياتي وعمري ومهجه فـوادي
ودي تعيش العمر راضي ومتهني...مرفوع راســـك عليك العــــز متبادي



راشـــــــد الماجـــــد:-
لا توصي القلب ل بالشوق متعني...مادمت احبك عتابه ما هو بــــــعادي
عتاب قلبك على حبك يطمـــــــني...خلـه يـعاتب انا سلمـــــــــــــته فـــوادي
يا شوق روحي وقلبي وقطعه مني...عتابك ألطف من النسمه علـى فوادي
ما يـــــــجرح القلب الا غيبتك عني...واللى عتابك يــــشابه طبعك الهادي
الكاسر888
10/7/2002, 20:52
رائع يا شرقاوي أزرق




شان ماتقول بثر

بحاول أدور الأغنيه بنفسي وبجيبها :)


الف شكر لك