حب مها تقتله العادات والتقاليد....!

[مها العالميه]

اهليــــــــــــــــــــــــــــــــــن..

هلا ..منوريين ..;)


كيفكم اتمنى تكونوا بخير ..


اتمنى تعطوني ارائكم بجد في ها الموضوع لاني من جد محتاجه لراءي كل واحد منكم ..


خليكم من مها وشايبها ..تعالوا لمها العاشقه:jhgy:


كلنا نعيش في مجتمع تحكمه عادات وتقاليد من الصعب على الواحد تجاهلها

انا من عائله قبليه عريقه ..حبيت وعشقت واحد من عائله غير قبليه

قدم لي مالم يقدمه اي عاشق ...واخلاصه لي بلا حدود ..

حبنا حب طاهر العفه عنوانه ..

واعتقد ان النهايه الطبيعه لحبنا الزواج ..

وانا الحين بسن مناسب جدا لزواج ..

بس :jhgy: خايفه من رد اهلي اذا تقدم

اخاف ردهم يجرحه وقبل ما يجرحه يقتلني

انا مستحيل اعيش مع احد غيره باقي عمري الي قدمه لي ما هو قليل ولو اعطيه عمري قليل بحقه

كيف اقنع اهلي ان الي بيني وبينه اكبر من ان العادات والتقاليد تقتله


اختكم ..

مها ..


http://song.6arab.com/3ali..men-ye7ebek.ram

[ياسر عبدالعزيز]

السلام...

اهلين مها ...

كلنا نؤمن بالحب :love: ومقتنعين فيه؟؟؟
بس المشكله في العادات والتقاااليد ..التي ليس للسلام اي صله بها:hgfd:

ولكن يا اخت مها انا بقولك كلمه يمكن تكون صعبه عليك.....


صعبه عليك تقنعين اهلك وصعبه عليك ..ان تغيري تقاليد وعادات ورثناها من اهلنا....

والله يكتب الي فيه الخير ......

[السجين بتهمة حب الهلال]

هايات مها(himo) <<<<<< في راسك شيء هاوي :D



شوفي مها...... المسألة صعبة جدا.....وما اقدر اقولك انها مستحيلة.....لكن دايم الانسان لما يلقى اانسان اللي يوافقه في كل شيء يتمنى يكون زوجه له .....بس من يقدر يصحي الناس من عادتها وبالاصح جهلها وعدم وعيها...


على العموم المسالة صعبة جدا..ورغم اني شخصيا اكره امور القبائل والحمايل ومقارنتها ...ولكن مانقدر نقول شيء...انولدنا بمجتمع زي كذا......

واذكر ان فيه قصة حب حدثت شخصيا لواحد اعرفه استمر يحب وحده ثلاث سنوات وللأسف ماحصل نصيب عشان يتزوجها...تدرين السبب ليه مها؟؟؟ عشانها بدوية وهو حضري...ورغم ان كلهم عيال قبايل كبيرة....لكن للأسف رفضوا العايلتين كلهم امر الزواج....عايلة الولد يقولون انهم بدو...وعايلة الحضري يقولون انهم حضر!!!

وانا ذكرتلك القصة على سبيل المثال فقط..وشوفي هذولا كلهم عيال قبايل....اجل كيف لو يكون واحد قبيلي والثاني لأ....تصير مصيبة....للأسف هذي افكار مجتمعنا.....وحنا توارثنها جيل ورى جيل


شكرا مها......ومن الافضل ينسون هذولا الثنيين امر الزواج وتتزوج غيره وتقتنع بالواقع..كلها مسالة وقت وتصبح في حياته ذكرى وهي بعد......


*ملاحظة: الاغنية اللي بالموضوع بايخه:slv: فكينا من الزيود(rambo)

[*أسبــــــــــانيـــة*]

اهلين اختي مها..
اول شي احب اقولك..
انه المكتوب راح يصير .. ونصيبك راح يجيكي..
لكن تأكدي.. وان كانت كلمتي قاسية شوي.. لا احد يستطيع مساعدتك... لا احد تلجأين اليه...فلا تطلبي المساعدة من عند من لا يستطيع تقديمها...
ليس هناك احد...
سوا الله الوحيد القادر على مساعدتك..
الجائي اليه..
صلي الاستخارة.. فالخيرة فيما اختاره الله..
اكثري من الدعاء في السجود.. بخشوع.. ووانت مؤمنة بانه هو الوحيد الذي سيفرج همك.. ويساعدك في الخروج من محنتك..
اكثري من قراءة القرآن.. خاصة سورة يس..
عند الدعاء ادعي ثلاثا..واكثري من التبجيل.. والاستغفار..
بعد ذلك... ومهما حدث..
صدقيني... لن تندمي...على اي قرار..
اعانك الله..
طمينيني ;)
تحياتي

[الغالي حسين]

هلا بك والله مها ..


الله يعينك .. :( من جد ورطه ..


بس والله مالك حل ..لانه زي ماقال الغالي السجين .. انه هذا مجتمعنا وهذا تقاليده .. ولا نقدر نغير مجتمع كامل بليله وحده ..:(


على العموم .. الله يكتب كل مافيه خيــر وصالح ..


بالتوفـــيق .

[هلالي واقعي]

على العمووووووم الله يووووفقك ويرسلك الزوج الصالح

[هاوي الهلال]

هااااياااات

هلا موها :rolleyes:

والله مها انا اشوف ان هالمشكاه ... منتشره في المجتمع ....

يعني البنت لو تقدملها واحد من عيال بلدها ماهو من قبيله .. يرفضون
ويمكن .. هاللي تقدم بيحافظ عليها ..
ويسعدها طول عمرها ..

ونفس الوضع اذا لو العكس واحد بيتقدم لوحده يرفضون اهله لانها ماهي من قبايل ..
مع ان البعض يرضى للعياله يتزوجون من الخارج ..

مع ان بنت البلد اولى ...


المشكله ماهي بس في القبيله من عدمها
المشكله اكبر من كذا بكثير ...

المشكله ان المجتمع للاسف الى الان .. يتقيد بتقاليد .. بسيطه
ويبتعد عن تقاليد .. اهم ..

وان كنا ندعوا للتقيد بالشريعه
فالاسلام .. لم .. يمنع الزواج .. لهذا السبب ..




ملاحظة: الاغنية اللي بالموضوع بايخه
بالعكس الاغنيه روعه

:guns: :guns: :guns: عندك شئ يالسجين يالبايخ :p :p :p :p


باااياات
خالد
(himo)

[مجنـــ يوسف ــــون]

مرحبـــــــــا ،،

هلا مها

والله مدري وش اقول لان المسألة من جد صعبة لكن

مقدر اقول الا الشكوى لله .....

[أنا خلودي]

سلااام....
اهلين مها......
مها من المعروف ان المجتمع الي
نعيش فيه الحين مجتمع قبلي تحكمه
العادات والتقاليد والاعراف القبليه
والتي من الصعب ان تتغير في سنه اوسنتين
او ثلاث سنوات ........
لذلك الله يعينك ويوفقك
ويجمعك مع من احببتي .....
مع السلااااام......

[يوسف]

هلا مها
والله موضوعك يحير وااااااجد زي ماحيرني قبلك وهالمشكله يعاني منها اكثر الشباب من اولاد وبنات:jhgy:
والله يعينك مالك الا الدعاء والصبر مثلي ومثل الاكثير :jhgy:
:magkiss: بااااااااي:yes:

[مغرور]

مها العالميه هلابك
انا من عائله قبليه عريقه ..

هلا والله ومرحبتين بمها أيه الحين انتي كذا :yes:


حبيت وعشقت واحد من عائله غير قبليه

اقول اعقلي بس هذا وانا امدحك قبل شوي خربتيها :sheto:

مها وانا اخاطب مها العالميه القبيليه مو مها العاشقه :hgfd:

مها خلي عنك الحب واذا بغيتي تحبين حبي من هو في مستواك ومن اهلك وربعك ومن يضاهيك في الحسب والنسب :nrey:

وخلي عنك كلام القصص والروايات .

وبعدين لو رضوووووو اهلك وعساهم مايرضون....... جماعتك ما راح يرضون واذا رضووووو ان اشك في قبيلتك :hgfd:

وبعدين خلي الناس اللي تقولك ماعاد فيه خضيري وقبيلي فيه حب...او اللي يقول اللي معاه فلس يسوى ستين ....:jeng:

اقول ترى كل هالكلام اللي تو مايقوله الا الي ماله اصل وفصل :amle:

واذا كنتي تحبين اكيد تحبين امك وابوك واهلك اكثر عشان كذا التظحيه مطلوبه واهلك وجماعتك هم الاحق رضيتي او ابيتي

مها صدقين انا ماقول كذا عشان اقهرك او اغيضك ولكن هذي هي الحياة

مها اتمن لك حسن الاختيار فهو اذا كان من جد يحبك يجب عليه تركك و عدم اقحام نفسه في مشاكل هو في غنى عنها

السجين بتهمة الهلال هلابك
.....بس من يقدر يصحي الناس من عادتها وبالاصح جهلها وعدم وعيها...

اخوي اذا كان فيه جهل وعدم وعي فهو اللي انت جالس تقوله نحن خلقنا احراراً ولسنى عبيد نحن عبيد الله فقط

الاخت العزيزه مها
اتمن انك تفكرين زين قبل اتخاذ القرار وأستمعي الى كلام الاخت العزيزه *أسبــــــــــانيـــة* فكلامها فيه الشفاء لكي بأذن الله

نعم والف نعم الخيره فيما اختاره الله :yes:

مع خالص تحياتي

مغرور (himo)

[Alghaly]

مرحبااااااااااااا



المساله هذي الكل يمر فيها ولكن انا اقول ان اهم شي ماهو المكانه الاجتماعيه بس

لازم يكون الوازع الديني قوي
يعني اهم الشي الدين ثم المكانه الاجتماعيه

وموضوعك صعب اكيد وكلن يمر فيه

ومالك الا الدعاء

والله يكتب الي فيه الخير

[جـــلال]

والله مها انا اشوف ان هالمشكاه

ونفس الوضع اذا لو العكس واحد بيتقدم لوحده
العكس والا الجنط,,:D :D :D :D :D

مع ان البعض يرضى للعياله
للعياله والا للبناته,,كخخخخخخخخخخخخخخخ:D :D :D

نعلن عن اضمام دلخ جديد(أشك انه جديد لأن الدلاخه متأصله فيه) انضم الى قائمه دلوخ الاملاء,,:D :D :D
نتمنى له حياة سعيده,,:D :D


أما بالنسبه لك يامها,,
اذا كنت تحبينه مررررررره ومخلصه له مررررررره انزلي وانا أقولك,,
7
7
7
7
7
7
7
7
7
7
7
7
7
7
7
7
7
7
7
اصبري جايك العلم
7
7
7
7
7
7
7
7
7
7
7
7
7
7
7
7
7
7
7
7
سددي فاتورتـــــــه,,:D :D :D :D

تحياتي لك,,

[الطيرالهلالي]

السلام...
اهلين مها...هدي اعصابك :)

المكتوب على الجبين ..لازم تقراه العين..:nrey:

وانتي قدرك حتشوفينه..سواء عاجبك او مو عاجبك:(

ولكن انا رأي انك تستخيري ..وتسمعي راي اهلك لانهو يعرفون مصلحتك ...ويمكن انهم يعرفون شي انتي ما تعرفينه:req:

ولكن...
العادات والتقااااليد...
هذي هي مشكلة المجتمع السعودي...لانهم متمسكين بالاصول القابليه....وانا في الصراحه لو اني في مكان اهلك كان رفضت..

قال الله تعالى(وجعنااالكم شعوب وقباائل لتعارفو).....

وقال الرسول الكريم(لافرق بين اعجمي ولا عربي الابالتقوى).....الرسول الكريم يقصد لاتفرقه في التعامل معهم !!

ولكي اثبت ان الاسلام يرفض التنااسب مع القبااائل الغير معروفه؟؟؟
قال الرسول الكريم....
( تخيرو لي نطفكم فأن العرق دساااس).....يعني الرسول الكريم امر بختيار عروق اصيله من قبااائل اصيله؟؟

وبما ان وضعك يرفضه الاسلام فأكيد ان اهلك سيرفضون هذا الشخص ...

والله يعوض عليك بلي هو احسن منه؟؟؟؟

وتحياتي لك....

اخوك الطير سداح

[برستيج]

هلا مها


ما اقول الا الله يكون في عونك .. :( .. لكن ..

وش يمنع انه ياخذ الطريق الصحيح للوصول لك ..

وفيه عده طرق نبيله تؤدي الى هذا الطريق .. اجزم انه يستطيع سلكها للوصول الى هدفكم المنشود ..

هذا اذا كان فعلاً .. مخلصاً في نيته .. :)

اما موضوع الاهل ورفضهم ..

فلا اعتقد ان هناك اي اسره ستجد الشخص المناسب وترفضه مهما كانت العادات والتقاليد ..

فالوضع في الوقت الحالي اختلف كثير عن الماضي ..

واخيراً ..

( انت تريد .. ونحن نريد .. ويفعل الله ما يريد ) ..


ولك تحياتي ..