الــــعـــرابــــجه .. والخــــكاريا .. [الأرشيف]

برستيج

1/7/2002, 17:13

كيفكم يا حبايبي .. ان شاء الله تمام ..

هذولا .. خمسه عرابجه .. من العرابجة اللي انتم خابرين ( بالله اللي خابر شي يعلمني ) .. :D .. المهم ..

ان ذولا العرابجه تجمعوا .. كل واحد بدا يحش بخكاريه هاليومين .. وطبعاً حشهم غير .. بتقولون لي كيف ..

اقول لكم كيف .. هذولا استخدم الشعر في الحش وبطريقه حلو .. يبدون من حرف الألف .. وبما انهم خمسة..

يعني من الألف الى حرف الجيم .. ( ما يبغالها ذكاء ) .. :angel: .. نشوف وش قالوا :

ــ يقول العربجي .. عبيد اللوح .. (himo) .. الملقب .. باللوح وراعي الهايلكس اللي صافط عند الباب..

قال بالخاكاريا بحرف الالف ..

الف ألـوف من الخـكاري بلـونا *** ياشينهم بالسوق لا قابلونا
مقلدين الغــرب هـــم فشلونـــــا *** كلامهم يشبه كلام الخوجات

ــ اما العربجي .. هايم ونايم وتوني قايم .. (himo) .. والمشهور بانتحاريته اللي مالها داعي .. :D ..

فيقول بحرف الباء:

بــــلانا من بعــــــض هالشــــباب *** اللي على الكوكتيل والعز رابي
يصرخ الى من شاف حوله ذباب *** ولامن مشى مشيه تقل فوق يايات

ــ العرجبي الثالث .. هو مفجر المحطات .. (himo) .. صاحب اول جريه بسوق عتيقة عند افتتاحه ..

بعد ان جلد اربع باكستانيه .. ويقول مفجربحرف التاء :

ترى الخـكري كثيـره وصـوفه *** من ملبسه باين وملس كفوفه
ودك ببياره سرررريع تلـــوفه *** يموت لو مايكشخ ويطرد بنيات

ــ العربجي الرابع .. هو ابو حمامه .. (himo) .. ويتميز انه رومنسي بالحيل .. ;) .. مايسمع الا اغاني

مايكل جاكسون .. :slv: .. ويطبق حركة الريوس وهو لابس زبيريات .. ويقول بحرف الثاء :

ثـلاث انــواع دايــــم عطــــوره *** ومقـــــــابل دش وفـــديو وكـــــــورة
مشروبه الدخان هـــــــذا بخوره*** ولا قلت عيب يقول هذي موديلات

ــ العربجي الخامس.. واللي يكمل القصيدة المتناسقه .. هو فصفص المقلع .. (himo) .. ويعتبر اول عربجي

ينجح بالرياضيات من الدور الأول بصف سادس ابتدائي ليلي .. :D .. ويقول بحرف الجيم :

جســـمه مــنشحــط مـــن ثـــــيابـه *** عقـاله سخـيف حشا ماتهابه
يسمع ميوزيك مـا يحب الربــــابه *** يحب دق العود معه الكامنجات

وسلامتكم .. (himo)