مخفات الانترنت .. والماسنجر ؟؟

[هاوي الهلال]

تحياتي ..


انا مثل سداح .. مااحب المقدمات ;)

والعنوان يغني عن اي مقدمه ...
هذي قصة واحد .. طاح في واحد .. يدخل النت على انه بنت ..والمشكله انه رجال كبير .. والمفروض انه عاقل ..

تعرف على وحده في احد غرف الشات .. على انها بنت .. وخش معها جو .. وكل يوم وهو بالساعات معها ...
وطبعا .. مايحتاج اقول وش المواضيع اللي يتكلمون فيها .... المهم مع الوقت .. طلب انها تكلمه .. على تلفونه الثابت .. قالت مااقدر .. اكلم تلفون من عند اهلي ..
طيب قالها على الجوال ... قالت ماعندي ...
بس هو مصر على الكالمه .... راح طلع شريحه وشرالها جهاز ... وقالها .. عندي هديه ليكي .. تعالي قالت مااقدر بارسل السواق .. وفعلا راح السواق .. واخذ الهديه
هديه عليها القيمه .. مغلفه احسن تغليف .. وداخلها شريحة جوال عائلي (ماخزن فيها الا رقمه) .. ووردتين وحده حماء والثانيه صفراء (حب وغيره:cool: ) ودبدوب ابيض (يسمع بالحب) ..
بس على حظه .. اللي مسوي فيه المقلب ماطاوعه قلبه ورجع السواق بالهدايا ( بس ماكشفله الحقيقه للحين)
والمسكين العاشق المحطم .. عايش في حالة من الحزن والالم .. يبي يعرف ليه ماقبلت الهديه .. وهو سوى كل اللي يقدر عليه .. علشان يكلمها .. وبعد كذا يكملوا اللي اتفقوا عليه .. على النت ...



هذا القصه تتكرر كثير ...
وما يندرى العله في اللي ينغش .. ولا اللي مسوي بنت ويلعب على العالم ..


وهالقصه ذكرتني بواحد ... مسوي بنت على الماسنجر .. وحاط ماسنجره في المنتديات على انه بنت .. وحتى مسجل باسم بنت
واتوقع 90% من اللي بيقرون هالموضوع .. موجوده هالبنت(اللي مسوي بنت) عندهم على الماسنجر .. وانا منهم .. :D
لانه حاط ماسنجره في الزعيم وساحة الاقلاع ...
بس اللي بيقابله على الماسنجر بيكتشف انه ماهو بنت من المواضيع اللي يتكلم فيها .. وبجرأةفظيعه ..
ولو ماعرفتوه .. فترى بعد يومين ولا ثلاثه معه بيقولكم (معليش ماراح اقدر اقابلك ثاني اشتراكي بيخلص .. الا لو بتجيبلي اشتراك )


بس ودي اعرف هاليسوون كذا .. وش هدفهم .... يجرجرون العالم وبس ..
ولا هو نقص فيهم .. وماهو عاجبهم وضعهم انه رجال ... ولايمكن .. كانوا مشاريع بنات وفشلوا ....



احسن شئ الواحد على الماسنجر يعامل البنت ولا الولد بنفس الطريقه ولايفرق .. ولا بياخذ كل يوم مقلب جديد :D



ترى القصه الللي كتبتها قبل شوي .. حقيقه . .. وصارت في الرياض والهديه رجعت للمغشوش قبل نص ساعه ...



تحياتي
خالد
:D

[جـــلال]

أخوي هــــاوي:
الله يعطيك العافيه وراك زعلان ...
أنا بصراحه ماقد جربت هالطريقه في أحد..
لكن ماصدقت أن عندنا مخفات في السعوديه بهالشكل..
تؤمن بالله أن واحد من أخوياي وصله أكثر من 2000 ريال
وعطور وهدايا شي مومعقول
والضحيه من..؟؟؟
مثل ماقلت واحد مخفه انضحك عليه بكلمتين..
وعلى باله خوينا مسوي ذكي يبي تلفونه ..
عطاه رقم غرفته الخاص و قاعد يقلد صوت بنت..
وذاك الدلخ مصدق وداخل جو هو ووجهه..
والى الان وخويي كل مااهتزت الميزانيه عنده شوي..
رفع السماعه..
وذاك الافدغ قاعد ينفذ بالحرف الواحد..

صدق والله أنها مأساه بس بصراحه شي يموت من الضحك..:D :D :D

[ابو الذهب]

والله انك فضيحه .. احمد ربك ان اشتراكى بيخلص بعد كم يوم :mad:

وبعدين ليش الحسد مادام فيه ناس خفيفه وتصدق خل الناس تترزق . ترى الحسد مهوب زين :mad:

وبعدين المخفه اللى انت تتتكلم عنهم مساكين الله يخلف عليهم مافيه امل احد يعطيه وجه ( من زين هالشكل )

لا ومتسلف قيمه الهديه على باله ولد نعمه ..:p وياريتك تشوف اشكالهم والله ان تقوم مرتاع وانت نايم :eek:

[الشاطر]

هلا هاوي

من جد شي يخوف بس مثل ماقلت لازم الواحد يعامل الكل بنفس التعامل


وعلم نفسك ياهاوي:p

[الطيرالهلالي]

السلام...

شف ياهاااوي...

انا في الماسنجر ..اعامل كل الموجودين على انهم اولاد وليس بناااات..لان مافيه فرق عندي اكلم بنت ولا اكلم ولد كلهم بشر وعندهم احساس..بس المصيبه من ذولا الي يسون انهم بنااات ما يستحون على وجيهم ..سبق وان طحت بواحد بساحة الاقلاع..اسمه اسم بنت ..والغبي حاط بريد بسم ولد...:D :D :D :D :D ولا طالب يسجنلي يعني شف بنت وتسجلك..
بس اول ما كلمته قلت وشخبارك ياوسام هو اسمه وسااام...بريده كذا..قااال انا فلانه قلت لاتنصب بريدك فضحك ....ضحك..وقااال ياغبيبي..قلت له انت تقرب لمديرنا والا انت من الحوطه...

[3boud]

ههههههههههههه

من حقدك ...شكلك ملعوب عليك حتى انت:D :D :D


الحمد لله انا ما افتح الماسنجر الا دقيقتين عشان الرسايل وعلى طول اقفله
و الشات مالي فيه

[هاوي الهلال]

تحياتي للجميع ..

Mr.jalal من قالك يالغالي اني زعلان ... بالعكس اللي بيمشي فهالطريق يتحمل اللي بيجيه ..
بس انا الوم الواحد اللي يسوي انه بنت ..
ومشكور على مشاركتك يالغالي ... :)



ابو الذهب ... الظاهر ان هالمقلب صارلك .. اشوفك معصب :D
مشكور على مشاركتك ..
بس لاتزعل علينا ...(مادريت ان الموضوع بيفتح عليك مواجيع قديمه:D )



الشاطر .. هلا (خلودي) نور الموضوع بوجودك .. يالغالي
اهم شئ كيفك ... وش اخبارك ;)
خلنا حبايب احسن ماله داعي نطلع الفضائح .. (بالذات اني انا وانت شربنا من نفس الكاس :D )



الطيرسداح .. اهلين حمودي ...
اشوى ماعندي هالوسام .. انا اللي عندي واحد بس ماسنجره بنت .. وباسم بنت ... (والمشكله انه عايش في الدور بشكل غير طبيعي)
نور المنتدى بوجودك ... يالغاااااااالي



3boud ماانلعب علي مثل اللي شاري هديه .. بس معي على الماسنجر واحد من اللي مسوين بنات .. بس انكشف مع الايام
وكشف هالعينات بسيط ..
بالتاكيد لما تكون مع بنت بيختلف اسلوبك .. يعني في الفاظ وكلمات ماراح تقولها مع البنت ابدا .. وبتقولها مع الشاب كنوع من المزح .. لكن هالنوعيه مكشوفين من الفاظهم .. ومن طريقة استغلالهم ..
ومشكور على مشاركتك



تحياتي
خالد
:)