عندك نية تسافر للرياض تعال (فيه نصيحه وتعليمات) لغير اهل الرياض [الأرشيف]

الذيب جريان

28/6/2002, 23:53

نصيحة لوجه الله والنصايح قبل تنشري بفلوس اليوم نقول النصايح ونشحذ العالم بس تستمع .. يا مال الغنيمه

كيف تسوق سيارتك بالرياض....؟

اولا .. خل عنك المناديل خاصة اذا صرت تحط المناديل ورا..ومسح بشماغك..

ثانيا..دق اللطمه..وحبذا تربط الشماغ ربطا محكما..

ثالثا..طق النظارات الشمسيه..والتي هي دليل قاطع على انك بايعها باثنين شورما..

رابعا..افتح كل الدرايش..وسو نفسك مهوب هامك البرد..وهو ايضا دليل آخر على انك بايعها باثنين بروستد..

خامسا..شغل ام بي سي - اف ام..عشان يمكن تصادف تجي دعاية..شماغ البسام البصمه 5 ويقهرونك..وتعصب..حيث انك بحاجة للتعصيب..

سابعا..وهو الأهم..لا بد ان تتميز بالذكاء الأستدلاخي..حسب نظرية الأخ صويلح الملقب..بأبو نشقه..وهو من اخترع ..حركة سنوكا بالمصارعه..اللي ينقز من فوق الحلبه..علما ان صويلح كان ينقز من فوق الملحق..

نعود لشرح الذكاء الأستدلاخي..

وهو..ولنضرب مثال..على ذلك لأني توهقت

مثال تطبيقي...جاي تمشي 160 ..طبعا مهدي مره حسب قول عرابجه الرياض..

وااذا بك تفاجأ ان الأشارة خضرا..وتقزها من بعيد..مما استرعى انك تدعس (اموت يا استرعى احس اني ماجد الشبل)..ووصلت سرعتك 223 ..ويجدر الذكر ان سيارتك مابها فرامل...يعني ..لو سحبت جلنط..بيصير لك الصحن الدوار بالسيارة

اهم شي..انك قطعت الأشارة وهي حمراء..ولقطك الدوريااات...فماذا انت فاعل هاهنا..؟ هاه صفقني احد يقدر يتخلص من هول هذا الموقف..بدون الذكاء الأستدلاخي

فتقوم انت..بذكائك الأستدلاخي..وتسوي نفسك..دلخ..يعني سو نفسك قاعد تشغل المكيف..والا تغير الشريط..وسو نفسك تدور حلاق ..مع الأخذ بالأعتبار..انك تفتخ ثمك..عشان ياخذ راعي الدوريات انطباع بدلاختك....

ثامنا...لابد من اجادة اللغة العربجيه...مع التركيز..على السبات ..وذلك..لأستخدامها لأرعاب السواقين...خاصتن الأندنوسيين منهم...لأن الفلبيني توقعاتي بيجلدك..

تاسعا...لابد من ان تحط ببالك المثل اللي يقول..مد سيقانك على قد رجليك...يعني لا صار الشارع ضيق..وانت مستعجل..وقدامك..مازدا موديل اثنين...لا تقعد تضرب بواري..وتسوي ازعاج..لا ابدن..هناك طريقتين...تطلع راسك من الدريشة..وتقعد تحرك يدينك..يعني تسوي بيدك رقم ثلاثة..يعني والله لا اوريك..

او..تصدمه..نعم اصدمه صدمة خفيفه...فهو يبي ينهبل ....وبكل الحالتين يبي يصفط على جنب..ويخليك تروح..

عاشرا...اذا كنت من النوع اللي يحط اشرطة المسجل..بالدرج البعيد..يعني اللي قدام اللي راكب جنبك يمين...وانت ناوي تغير الشريط...لا تقعد تسوي لي فيها تعرف تسوق..وتمغط عشان تبي تطلع شريط..لا غلط...ولكن...افتح الدرج اول شي...بعدين...وانت مسرع..اضرب فرامل

بقوة..يبي يطيحن كل الأشرطة..عاد انت اختار الشريط المناسب..كانك بالعصر..ننصح بشريط خالد صارحيني..

واتمنى لك التوفيق...اذا مسكتك الدوريات

شكرا ويجب عليك التقيد بالانظمة والتعليمات

منقول
__________________