لماذا لانتحدث باللغه المكسيكيه..!!!

[هاوي الهلال]

هااااياااات


كيفكم داجين وداجات (himo)


موضوعي عن اللغه العربيه ..
وتعدد اللهجات ..
من قطر عربي لاخر ..

يعني في الخليج لهجه
ومصر لهجه ثانيه
وشمال افريقيا غير ..
ومصر والسودان واليمن ..

جميعنا عرب .. ومع كذا .. تلاقي عربي ..
ويمكن ماتعرف تتفاهم معه ..
او ماتفهم بعض من مفردات كلامه ..



والمشكله الاكبر ..
ان اللهجات .. واختلافها ليس مقتصر فقط .. على اختلاف الدول ..
بل ايضا .. في الدوله الواحده
قد تجد مزيج من اللهجات ..

ولناخذ المملكه مثال ..
فاهل الرياض .. لهم كلامهم
والقصيم .. نفس الشئ
والشرقيه
واهل الحجاز (جده ومكه)

والمنطقه الجنوبيه .. بعد عندهم كلمات تختلف
ويمكن في المنطقه الجنوبيه .. اكثر من لهجه
اهل الباحه .. مثلا كلامهم يختلف عن اهل جيزان :)

ونفس الشئ ينطبق على دول ثانيه
شمال افريقيا
كلام المغاربه يختلف عن التوانسه ..
وفي مصر .. ايضا خليط من اللهجات
والسودان .. و .. و .. و...


فالمفروض .. اننا كلنا عرب ..
وكلامنا يكون موحد ..:kany:

بصراحه فشيله ..
لو تسافر لبلد اوروبي
وتقابل مثلا جزائري
وتسولف معه ولايدري ويش تقوله او هو ويش يقولك :noo: :noo:


علشان كذا ..
ويش رايكم .. في اللغه المكسيكيه
والله انها رايقه ...

اكيد كثير يتابع مسلسلات مكسيكيه :D

اللي يتابعها علشان .. افكارهم .. المخربه ..
يعني تخيل .. لو عائله تتفرج .. على مسلسل ..
وبينهم بنات اعمارهم بين الـ 12 .. والـ 18 ..
وتلاقي .. بطلة المسلسل
تحب واحد
وتتزوج واحد
وحامل من واحد ثالث :qw:
وتاثير .. هالموضوع عليها :ignor: :ignor:

والبعض .. يتابع هالمسلسلات .. علشان القصص الرومانسيه اللي فيها
ومسوين فيها حبيبه :D
وكيف .. ان المليونير ..
يضحي ببنت شريك ابوه
لانه يحب بنت غجريه :love: :love: :love: :kany: :kany:

والبعض يتابعها .. علشان يشوف ملابس اللي فيها .. من بنات
ويعرف ان الحريه .. ماوراها غير الفساد
ويقارن .. بين مجتمعاتنا .. وبين مجتماعاتهم ومافيها من انحلال اخلاقي
يعني هدفه شريف :kany: :kany:


وانا احيانا اتابع هالمسلسلات ..
بس لسبب ثاني ..
وهو لهجتهم او لغتهم ..
بصراحه لغه روعه ..

يعني لو صارت .. هاللهجه منتشره بينا كعرب ..
وصارت لغه موحده ..
كنا بالتاكيد بنفهم بعض
حتى الاغاني ..
تسمع اغنيه للشاب مامي
ولا تدري ويش الموضوع
مع انها اغنيه عربيه :amle: :amle:


علشان كذا انا اقترح اننا نعمم هاللغه بينا ..
وايش المانع لو بدأنا بانفسنا :D :D

يعني اذا اتقابل الطير سداح مع العجمي
يصير كلامهم غير
سداح : السلام عليكم اخي العجمي
العجمي : وعليكم السلام ورحمة الله وبركاته
سداح : كيف حالك ..
العجمي : الحمد لله بخير .. كيف حالك انت ..
سداح : الحمد لله
العجمي : أردت ان اسألك سؤال ؟
سداح : تفضل
العجمي : اين تعمل ؟؟
سداح : ماهذا السؤال .. لقد اخبرتك .. من قبل
ولكن ساريحك .. انظر هذه هي بطاقتي ..
تاملها جيدا وستعرف اين اعمل


:noo: :noo:
بصراحه ماهي راكبه عليهم

بعد ماكنا نشوف .. اليخاندرو .. والكسندرا .
يحبوا بعض بهالكلام
نسمعه من سداح :noo: :noo: :noo:

يمكن اللي يقولوا الكلام هم الحلوين
ماهي اللغه نفسها :D :D :D :D


الظاهر .. مالنا الا كلامنا ..
اصلا .. لو تكلمنا مكسيكي بنتوهق
من وين بنطلع كلمة دلخ ولا داج
ماقد سمعتها عندهم :D :D :D

فخلينا على دلاختنا احسن ..
وبعدين اصلا اختلاف اللهجات .. له طعم حلو
<==== قلب :D :D :D

يعني عندك اللهجه البنانيه .. انواع الدلع :love: :love:
اما اللهجه الجزائريه تخوف :kayf:


وبعدين انا مااقدر اتخيل .. سفر
يكلمني ويقول
متى سنتقابل هذا اليوم :noo: :noo: :noo: :noo:

خلاص الغيت الاقتراح
وانتهى الموضوع

خلاص اطلعوا :D :D :D :D :D

بااايااات
خالد
(himo)

[TOTTI- 10]

انا من رايي يا هاوي انك تروح و تنام احسن لك لان بكره عندك مدرسه ... و عندك صلاه جمعه و راك قومه من 11 و نص :D:D ...

[السيناتور]

اقول ...








بسم الله عليك :D


مدري كيف طلع الموضوع هذا منك :req:


بس حلوه نتكلم مكسيكي .....والله جريتني على وجهي :D :D

[Alghaly]

مرحبااااااااااااااااا

اقول خالد

انتم بعد جلسه 777 تجيكم مواضيع دجه

وانا بعدها تجيني قصيده مدري وش السبب؟:hgfd:


:req: :req:

[ريـــ2002ــــم]

مرحباا..

هيه انت ياارجل الم ترا نعجتي اقوستيناا لقد كنت اسرح مع النيااق ولم انتبه لغياابهاا دلني عليها من فضلك..

<<< مااثر فيها بقوه..

بس احس مو ضاابط مع البدوو..

<<<< تعني نفسهاا:angel:

وخير مثال الذي ادرجته لك..

والله حركه نتكلم كذا..:cool:

مشكور والله على الموضوع..

بـــــــــاي

[ياسر عبدالعزيز]

هلالالالا بالغالي هاااوي:)



يعني اذا اتقابل الطير سداح مع العجمي
مالقيت غير ..ذي اثنين:yuupy:

وانا بعدها تجيني قصيده مدري وش السبب؟

مالومك........من كثير سواليفك........ :D

تحياااتي لك:yes:

[مغرور]

هاوي الهلال هلابك

اخوي هاوي كيف الحال :N:

###
ريـــ2002ــــم هلابك


هيه انت ياارجل الم ترا نعجتي اقوستيناا لقد كنت اسرح مع النيااق ولم انتبه لغياابهاا دلني عليها من فضلك..

:angel: :angel: :angel: :angel: :angel: :angel: :angel:



بس احس مو ضاابط مع البدوو..

:req: حنى بدو حنى عمى عين العدووووووووووووووووووووووووووووو يا انسه يا .......:ignor:


مع خالص تحياتي

مغرور (himo)

[الطيرالهلالي]

السلام...

والله ياخويلد...

لو انك كلتمني بالغه العربيه الفصحى؟؟؟

اكيد بتقول لي؟؟؟

ماالك ياسداح الم تحضرن بعض من هزا....يعني تبي تحتسي زي السدحان والقصبي في ابن حلسه ...

وتسلم يا هزاااااا:D

[مَـلَـــك]

هلا اخوي هاوي..

موضوعك مرررررررره راااااااااااايق:yes:


بس كيف نحكي مكسيكي على قولتك واحنا ماعندنا سالفه:req: :req:


واصلاً احنا يالله نقدر بحصة العربي نحكي كلمة فصحى وعشر لا:angel: :angel:


بعدين اذا بغيت اهاوش احد كيف اهاوشه ماتجي ابداً:D :D


يعني إذا بتحكي مكسيكي لازم تصير عاقل واليف ماتهاوش احد:ignor: :ignor:


ومشكور اخوي هاوي...

[هاوي الهلال]

هاااايااات

توتي ...
لان بكره عندك مدرسه ... و عندك صلاه جمعه
ماتجي مدرسه ويوم جمعه
ركز شوي :p :p :p :p

السيناتور ..
عادي تنجر على وجهك ماهي جديده عليك :D :D :D

الغالي ...
اكيد . بتكتب قصايد .. لان الكل يتكلم
وانت عايش جو ثاني .. :love:


ريـــ2002ــــم

الم ترا
ماتضبط معك اللغه
وانتي من اولها غلطات املائيه :D

اما ادلك عليها
بعد ثالث دوار .. على اليمين
:req:



ياسر عبدالعزيز
مالقيت غير ..ذي اثنين
لانها اذا نفعت معهم
ممكن نعممها :D


مغرور .
اخوي هاوي كيف الحال
الحمد لله بخير :p :p :p

يا انسه يا .......
عسى ماشر يالغالي (himo)


سداح ..
لو انك كلتمني بالغه العربيه الفصحى
اسمها كلمتني :D :D :D


عاشقة نمر ..
حمد الله على السلامه :)

يعني إذا بتحكي مكسيكي لازم تصير عاقل واليف ماتهاوش احد

:noo: :noo: :noo: :noo:
اجل هونا :D :D

مشكورين على الردود :)

بااياات
خالد
(himo)

[برستيج]

هلا هاوي



بصراحه ماهي راكبه عليهم
بالعكس .. راكبه ونص .. :kany: .. على شان كذا بارجع اتابع هيك مسلسلات على شانهم .. :D




يعني عندك اللهجه البنانيه .. انواع الدلع
اقول .. والله ياذولا ان كل شي عندهم دلع .. :love: :love: .. ;)




وبعدين انا مااقدر اتخيل .. سفر
يكلمني ويقول
متى سنتقابل هذا اليوم
ما عليه كله كم يوم وتتعود .. :D :D




خلاص اطلعوا
خلاص طلعنا يا لدجه .. :D .. :yes: