.. على طاري الدوري الإنجليزي [ ياسر القحطاني ] ..

[دبلوماسي]

السلام عليكم ورحمة الله وبركاتة ..

ومساكم الله بالخير ..

وعيدكم مبارك .. وكل عام وانتم بخير ..

الموضوع ومافيه يا إخوان ..

أن خوي الذيب ناوي يحترف بالدوري الأنجليزي الله يوفقه يارب ..

وزين إن الزي تبع المان سيتي لونه سماوي يعني من اقارب اللون الأزرق ..

لو إنه لون أصفر يابو سعيد كان رفضت إحترافك :d: ..

وبما إن الموضوع توه ماعرفنا هو صدق ولا لا .. قلت نتجهز من الحين ونعرف وش عندهم ..

حبيت أستفسر عن الدوري الأنجليزي ومثل منتوا عارفين انه عند الشوتايم ..

ياليت اللي عنده خبره يعلمنا كيف إشتراكاتهم باقات زي الارتي ولا قنوات معينه ..

يعني ياليت شرح وافي وكافي من ناحية الباقات والاسعار وغيره ..

أنا أشهد إن الشوتايم راح تدبل أرباحهم لو راح ابو سعيد هناك ..

بالتوفيق لياسر والهلال ..

ومشكورين مقدما على الافادة ..

[الزعيـALZAEEMـم]

والله يالشوتايم غرف جيوب ..:nrey:

آخبر قبل بداية الدوري الانجليزي .. رايحن لهم آنا وخشتي يقالي كشخة .. وقام يقولي القنوات اللي معها والجزيرة والخرابيط ذي ..:jhgy:

آنا من شفته يرطن عليّ شكيت بالوضع قلت آكيد وراه شي المصري ..:jhgy:

المهم طلع السعر لـ أخس باقة .. بـ 2500 ريال .. :eek:

عاد آنا قلت له طيّب آبروح آجيب فلوسي من السيارة وراجع .. عاد رحت وسحبت عليه ..:d:

خير وش 2500 .. آحفر لي بير آحسن .. صح ولا لا يالدبلوماسي .. ياخي إسمك رزّه .. :angel:

[دبلوماسي]

هلا والله الزعيـALZAEEMـم ..

الحين على كلامك أخس باقه بـ 2500 ريال ..

أحسن باقة 5000 ريال << يستنتج على كيفه :angel:

بس ماتدري وش القنوات اللي بالباقة ( الخايسه ) :d: لقب جيد ولا ..

يعني ماتدري كم قناة ووش القنوات وغيره .. سمعت بـ 2500 وطرت

والله من ناحية البير أنا معك احسن وأبرك ..

تامر على اليوزر يالحبيب ..!! مايغلى عليك ..

بس بشرط أخذ يوزر الأسطورة << لايكثر :ignor:

[الزعيـALZAEEMـم]

هلا وغلا ..

شف .. إدخل هنيّا وإقعد دبّر فهالموقع لين تطلع بنتيجة ..

" فيذا (http://www.showtimearabia.com/on/channels/default_ar_ae.aspx)"



إيه تذكرت ..


شف السـعر 1700..
ويعتبر هالسعر آقل شي لكي تشترك بالباقة الرياضية ..

تجيب لكـ البآقة .. الرياضية كاملة .. وبعض باقة الآفلام وقناة للبزارين .. وقناة للردح والآغاني ..

هذا اللي قاله لي خويي قبل شهرين ..

عاد مدري اللحين تغيّر آو إلى الآن السعر

[دبلوماسي]

الله يعطيك العافيه ..

بناخذ لفه بالموقع وإن شاء الله يكون بنتيجة ..

واللي عنده خبره ووده يختصر علينا اللفلفه لايبخل ..

[عبـدوش]

الشوتـايم غاليـه إذا كـان الكلام على السعـر وشوي عليها كلمة غاليه .

انـا مشتـرك باول الدوري الانجليزي إذا كنـت انت راعي افلام ومباريات خذ لك باقـة بتاع كلو الظاهر إنـها

3000 وشـوي إن لم تخنـي الذاكـره عـاد هالشـوي يمكـن يوصل لـ 900 :d:

كـل القنوات الرياضيـه اللي فيها اربعـه شو سبورت 1 تنقل الاستديو مـع اهـم مباراة بالعربي

شو سبورت 2 الاستديو ومع اهم المباريات بالانجليزي ..! شو سبورت 3 - 4 كرة قدم امريكيه

ومصارعه وخرابيـط وإذا كـان فيه مباريات كثيره فتنقلها عـلى قنوات الافلام والمسلسات وهذي دايم

تكـون للمـان سيتي إذا لعب مع انديه بايخـه وإذا مـا كـانت عنـدك هالقنوات تـدبر عمـرك :d:..!!

......

ابشـرك اليـوم تـعادلوا فريق ياسـر 1-1 وسجـل المهاـجم اللي يبونـه يروح بيانكـي ..!

هـذا اللي اقدر افيدك فيه مع إنـي ادري إن كلهـا سواليف بس اهم شي حطيتـك بالصوره :d:

[the.best]

انا أذكر ان الجزيرة تنقل مباريات مانشستر سيتي وأرسنال وفرق ثانية بس ما أذكرها إعادة اذا ماخاب

ضني :angel:

[شلهوب توب]

يا خوي اشترلك دريم بووكس
ولا تخسر على الوسخين الشوتايم
اقبح قناة عربية

[هلالي دائما]

الله يلعن الشوتايم واللي سواها واللي خذا الدوري الانجليزي ..
حرموني من متعة الارسنال والدوري الانجليزي والديربيات والمباريات القوية ومتعتها ..

يوم جت الارسنال وتشيلسي درت على كل مقاهي الرياض ما لقيت مقهى عنده شوتايم <<< اللي يعرف يقولي تكفون

والله ياخوي .. يمدحون الدريم بوكس والـ اوبن سات .. شكلي بطق لي وحده منها ..

[عبـدوش]

يوم جت الارسنال وتشيلسي درت على كل مقاهي الرياض ما لقيت مقهى عنده شوتايم <<< اللي يعرف يقولي تكفون

ميز للقهـوه بحي الغـديــر .

[سعــــــــــ14ــــــــــود]

قنوات منحطه وصاحبها منحط مثلها ....


حسبي الله عليه .... فاسد وياويله من ربنا .....


تحياتي ....

[الـفـارس الازرق]

دريم بوكس هذا ودي اعرف سالفته ؟

وش اللي مودم واسيفر وسوالف الدشير اللي ما تخارج

المهم انا تراني مثلك ياخوك ودي اشترك بس ياخوي وش اللي 2500 ؟

[ابو عزه]

والله ما استفاد من احتراف ياسر الا الشوتايم ..

واللحين عرف قيمة الدوري الانقليزي صالح كامل << ياحليله هو واسعاره والله ..

[دبلوماسي]

هلا وغلا بالجميع ..

ياشباب ياليت تنورونا عن الدريم بوكس والاوبن سات ..

وش يحتاج لهم .. وسو بحث وبس ولا يبيلهم سالفه ..

وصدقت يابو عزه.. وينك ياصالح كامل .. :d:

من جد فرق بالاسعار .. :angel:

مشكووورين ..

[الزعيـALZAEEMـم]

سمّ طال عمركـ

الموضوع ذا يبي يعطيك نظرة عن الدريم بوكس ..

http://www.alhilalclub.com/vb/showthread.php?t=131470

[زعــ العودة ــيم]

الناس تطورت وانتم اشتراك

مع الدريم بوكس

مش ممكن مش ممكن مش ممكن

[Lee Young]

اسمع وانا اخووك .....
انا اليووم رحت عندهم وقام يبربر على راسي قلت اسمع ابغى اقل باقه فيها القنوات الرياضه
كم سعرها قالي باقة فاميلي اللي هي باقه العائله قال سعرها كاش 2040 ريال اما اقساط فهي 2148رياال
ياخذون منك 174 ريال شهرياّ وتدفع دفعه اولا حقت شهرين 357 ريال
يوم جيت اطلع قال الحق قبل مايرتفع السعر لانهم راح يحطون صور ياسر على الزجاج.

[دبلوماسي]

الزعيـALZAEEMـم .. دايم بالموعد الله لايهينك ماقصرت ..

زعــ العودة ــيم .. ودي أتطور مثلك .. بس ماقلت لي يعني الحين الدريم بوكس كلش يجي معك ..!! الشوتايم الارتي وغيره ..!!

((عـاشـق الـقناص20)) .. والله وهم صادقين .. اذا راح ياسر الله يستر الاسعار بتولع ..

مشكورين على تعاونكم يالربع .. :noo: