أيــمــن
24/6/2002, 19:20
الحين لو يسمحون للبنات انهم يرزووون وجيهم في مباريات الهلال والنصر وش تتوقعون يسووون ؟؟؟ >
>انا باقول لكم اللي جا في بالي...
>هلالية ونصراوية يتهاوشون .. النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ . . وترد الهلالية: وع على لاعبينكم القواطي مالت عليهم ... ماعندكم صاحي إلا سيزار وبدا يخرب بعد .. بعدين لو فيك خير ما لبستي عباية كتف :D
>أم تهاوش بنتها المراهقة: وجع إن شاء الله تغطي.. شوفي هذاك من اليوم يناظرك :yuupy: .. ترى والله لأعلم أبوك عليك :q:
> وحدة عربجية تصايح: يا حارثي يالنذل .. لا تكسّر سامي حسبي الله عليك بلا (himo)
>وحدة تبكي قلبها متقطع وأختها تقول: خلاص يا بنت الحلال .. قسم بالله التمياط إصابته بسيطة .. شوفيه بيرجع للملعب مرة ثانية :love:
>حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق
>وحدة دلوعة تقول للى جنبها: لو سمحتي معك كريم واقي من الشمس؟ ما لقيت كريمي
>وحدة فاضية تسئل اللى حولها: ما شفتوا عدستي الرمادية؟ طاحت الله ياخذها
>وحدة ثانية فاضية: من يعرف طريقة محشي ورق العنب؟ عجزت أضبطه
>وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟" .. طرااااخ صوت كف متعوب عليه :sheto:
>هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك
>وحدة بريئة: يا حبي لك يا شلهوب ياصغيرور...
>وحدة ما تدري وين المباراة معه: أحلى على الطول يا مفرج... :confused:
>وحدة مسوّية نفسها فاهمة: يامدرب الهلال .. طلّع النزهان ودخّل بداله ادميلسون (ادملسون يلعب من البداية) وقدّم خميس قدام .. ونزّل أبو يعقوب الله يقلعك :req: :D
>وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد
>وحدة تراقب الفاول ويدها على قلبها واللي جنبها تقول: البارح رحت العقارية .. بس ما لقيت شي حلو الله يقطعهم ... عبايتك مشتريتها من سيدتي الجميلة ؟؟؟؟؟؟؟ ( والثانية معطيتها أشكل )
>هذي بعض الهتافات والأحاديث الجانبية النسائية في الملعب كما تخيلتها!!!
تحياتي لكم :)
>انا باقول لكم اللي جا في بالي...
>هلالية ونصراوية يتهاوشون .. النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ . . وترد الهلالية: وع على لاعبينكم القواطي مالت عليهم ... ماعندكم صاحي إلا سيزار وبدا يخرب بعد .. بعدين لو فيك خير ما لبستي عباية كتف :D
>أم تهاوش بنتها المراهقة: وجع إن شاء الله تغطي.. شوفي هذاك من اليوم يناظرك :yuupy: .. ترى والله لأعلم أبوك عليك :q:
> وحدة عربجية تصايح: يا حارثي يالنذل .. لا تكسّر سامي حسبي الله عليك بلا (himo)
>وحدة تبكي قلبها متقطع وأختها تقول: خلاص يا بنت الحلال .. قسم بالله التمياط إصابته بسيطة .. شوفيه بيرجع للملعب مرة ثانية :love:
>حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق
>وحدة دلوعة تقول للى جنبها: لو سمحتي معك كريم واقي من الشمس؟ ما لقيت كريمي
>وحدة فاضية تسئل اللى حولها: ما شفتوا عدستي الرمادية؟ طاحت الله ياخذها
>وحدة ثانية فاضية: من يعرف طريقة محشي ورق العنب؟ عجزت أضبطه
>وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟" .. طرااااخ صوت كف متعوب عليه :sheto:
>هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك
>وحدة بريئة: يا حبي لك يا شلهوب ياصغيرور...
>وحدة ما تدري وين المباراة معه: أحلى على الطول يا مفرج... :confused:
>وحدة مسوّية نفسها فاهمة: يامدرب الهلال .. طلّع النزهان ودخّل بداله ادميلسون (ادملسون يلعب من البداية) وقدّم خميس قدام .. ونزّل أبو يعقوب الله يقلعك :req: :D
>وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد
>وحدة تراقب الفاول ويدها على قلبها واللي جنبها تقول: البارح رحت العقارية .. بس ما لقيت شي حلو الله يقطعهم ... عبايتك مشتريتها من سيدتي الجميلة ؟؟؟؟؟؟؟ ( والثانية معطيتها أشكل )
>هذي بعض الهتافات والأحاديث الجانبية النسائية في الملعب كما تخيلتها!!!
تحياتي لكم :)