قـــالــــت بـــــــدو !! [الأرشيف]

مشاهدة النسخة كاملة : قـــالــــت بـــــــدو !!

Rui Costa

24/6/2002, 15:48

قالت بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تعني صفر على الشمال
هذا على احسن احتمال
تصدر حكم ماتلتفت
تحكم ولا تترك
مجال
قالت بدو
متصورتني باستحي
واترك مكاني وانتحي
تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا
يابنت يالي تضحكين
قلتي بدوي تستهزئين
غرك لباسك الاجنبي
المشكله ماتعرفين
ان البدو اصل العرب
تبغين هالكلمه طرب
صارت نشب
ياانسة .. ياعانسة .. ياضايعه ومستانسة
ياتارسه وجهك صبغ
ياتارسه عينك شدو
حنا البدو
ولو كان قلتيها بقرف
لنا الشرف
انا بدو
حنا البدو
حنا بداوتنا شيم
دين وقيم
طيب وظفر
معنى كبير ما اظن مثلك
يعرفه
لو تدعين المعرفه
شيء عسير
ما اظن مثلك ياصله
صعبه ولاهي حاصله
كلمه بدو
تعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
كلمه بدو
تعني الشمم
فعل وكرم
مبدى حضارات الامم
حنا القمم
نار على راس العلم
يشهد لنا سيف وقلم
وان كان ماعندك خبر
لنا الفخر
لو عشنا ببيوت شعر
عيشت الم عيشت فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنه رمل
اهي الدواء واهي العلاج
عيشت رضى ماهي نكد
مافيها تعقيد ابد
ساعات مافيها ذرى
يكفي نتلحف بالنجوم
وفراشنا رمل الثرى
وسراجنا نور القمر
لامن ظهر
ونام من عقب العشاء
ونصحى قبل وقت الفجر
نؤمن بقضانا والقدر
ماهو كسل
ولا نعيش ابلا امل
نملك طموح علم وامل
ونرعى الابل ونرعى الغنم
ونعزف من الونه نغم
ونتابع اخبار المطر
وندور الروض الخضر
ونسرى ورى
برق سرى
ولا نتراجع للوراى
نبحث عن المرعى العشيب
ومن شعيب الى شعيب
مانستقر
عنوانا كل الديار
تجوالنا ليل ونهار
نعيش عيشه هاديه
وهذي حياة الباديه
سنه الربيع
سنه الدهر
ورغم الفقر
نخاف من قوله افا
ونتعب على قول نعم
ونعيش عالين الهمم
من فضل ربي مانخون
نرعى الذمم
ونركض ونتعب ما نمل
محنا مثلك لا شغل
ولا عمل
ماغير بس اكل ونوم
ومن الشحم ضاقت عباتك والهدوم
يااسمن انواع الحريم
ياعايشه على الرجيم
ياانسة .. ياعانسة .. ياضايعة ومستانسة
ياتارسه وجهك صبغ
ياتارسه عينك شدو
حنا البدو
يالي تقولين بدوي
انا بدوي ولي الفخر
اني بدوي
عزمي قوي
مااخون
ماابوق الخوي
يبدا نهاري بالصلاه
واصارع امواج الحياه
ماضاقت الدنيا ابد
ولاني من اصحاب الحسد
ارفع ايديني للسماء
واطلب من الله واستخير
ماقول يمكن ربما
ولا يصير ولا مايصير
محافظ على الخمس الفروض
واضح ولا احب الغموض
ولا اتلون والتوي
لاني بدوي
متمسك باصالتي
ولا اغير لهجتي
انا بدوي
في فزعتي
وفي قومتي
وبقعدتي
وفي مشيتي
وبجلستي
وفي كلمتي
وبنخوتي
حتى عقالي
ولبستي
ولو قلتي عني فوضوي
ما ضرني
بالحيل يابنت بدوي
ويسرني
اعرف من انتي .. ومن انا
والفرق واضح بيننا
تدرين وادري من اكون
ويكفينا نعرف بعضنا
انتي مثل عمر الزهور
ومالك عمر مالك سنين
شهرين ويجيك الجفاف
وتذبلين
وتصبح الوانك باهته
وانا جذوري ثابته
ماخذ من الصحراء الهدوء
وان كان هذا يسعدك
حطي على راسك يدك
هالمره لاقلتي بدو
ياتارسه وجهك صبغ
ياتارسه عينك شدو

الشاعر/طـــــلال السعـــــيد

تقبلو تحياتي ومعجبتني القصيده بقوووة ..

:yes:

مخاوي نجد

25/6/2002, 00:28

قالت بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تعني صفر على الشمال
هذا على احسن احتمال

واااااااااااااااااااااهههههههههههههههههههههههههههه

قووويه والله بحق اخوان بدوه :nrey: :D

<------ مستانس الحضري (rambo) (rambo)

تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا

مستانسين انهم طعوووس:D :D :D

ييييييييييييييييييييييييييييييييوه يا وجه الله...
ابك يا مناحي وين الدله (شخخخخخخخخ طنق)<-----صوت القهوه:angel:
مشرب قهوتك يا شيخ خلف... اجل وش تشرب تركش كوفي
انا طالب يد بنتك عمشه لولدنا محماس ... زوجتك اياها <-----بدو ما عليهم شرهه كنهم يبيعون غنم :kany: :ignor: :D

لا لا لا تصدقون عاد البدوا هم النشامى عيال الطويله (ايه هين)

انا بدوى ثوبي على المتن مشقوق....مدري وش الباقي :req:

<-----يبي يرقعها لعن والديها :nrey:

,,,تحياتي ,,,

Rui Costa

25/6/2002, 10:14

مخاوي نجد ...................................................

انا طالب يد بنتك عمشه لولدنا محماس ... زوجتك اياها <-----بدو ما عليهم شرهه كنهم يبيعون غنم

ماهي بداوة تليفزيون
والا مسلسل اردني
بس بدوي بالمكرفون !!!

اخوي اتمنى انك تقرى القصيدة كامله ..

;)

صقر النوادي

26/6/2002, 00:49

صح لسانك ومن قالها وهذا وصف وجيز للبدو لانهم يعجز اللسان عن وصف شهامتهم وعلومهم..

رهف(RGH)

26/6/2002, 01:10

<-----يبي يرقعها لعن والديها
ويش ترقع بالعكس خربتها

لا لا لا تصدقون عاد البدوا هم النشامى عيال الطويله (ايه هين
عندك مانع غصب عنك

(himo)
<------ مستانس الحضري
واجدادك مين كانو

ابك يا مناحي وين الدله (شخخخخخخخخ طنق)<-----صوت القهوه
شكلك طالعت اجزاء جواهر كلها

انا بدوى ثوبي على المتن مشقوق....مدري وش الباقي
لاتقول شيء منت حافظه

انا طالب يد بنتك عمشه لولدنا محماس ... زوجتك اياها <-----بدو ما عليهم
محماس بن ولاهيل
تحياتي لك ريوكوستا
مهجدة الرجه

مخاوي نجد

26/6/2002, 10:40

انت يا روي كوستا...

لمعلومك أنا قريت القصيده كامله قبل ارد
و ردي كان من باب النكته فقط لا غير...

يعني لا تقعد تسوي فيها فاهم :nrey:

آسفين على الازعاج

,,, تحياتي ,,,

رهام(RGH)

26/6/2002, 19:33

و ردي كان من باب النكته فقط لا غير...

ويش فيكم على فتى نجد ماحد يمزح معكم انتم:yuupy:
تحياتي لك ريووووووووووووووووووو
قصيده حلوه;)
تحياتي الملاك
:angel:

Rui Costa

26/6/2002, 21:06

صقر النوادي .. تسلم يا الغالي ويعجز الوصف بحروف لكن محاوله من الشاعر .. ;)

رهف(RGH) .. الف شكر على الرد .. تقبلي تحياتي ..

مخاوي نجد ..

رهام(RGH) .. فيه فرق بين المزح والطنازه .. والف شكر على الرد ..

انصح بعض الاخوان الي ينكتون بعدم شرب لبن منتهيه مدته .. :D ( اشربو حليب خلفات علشان البدو (himo) )

تقبلوا تحياتي .. :yes: :yes:

بدر

27/6/2002, 17:25

تسلم يا Rui Costa على هالقصيده وحبيت انزلها عن طريق الريل بلير... وانشالله تعجبك;)...

بدر

27/6/2002, 17:32

تسلم يا Rui Costa على هالقصيده وحبيت انزلها عن طريق الريل بلير... وانشالله تعجبك;)...

الطيرالهلالي

27/6/2002, 17:35

السلام...

ونعم والله بحظرنا وبدونا...:yes:

المشكله ماهي مشكلة بدو وحظر المشكله هي عقول الناس؟؟؟؟

كم من بدوي يسوي مليون حظري .والعكس؟؟؟؟:nrey:

وهذا الاشياء تصير في ارقى الدول حظاره وتقدم:yes:

اخوي فتى نجد...
بقولك كلام بس ارجوك لاتزعل علي;)

اخوي فتى نجد تراك زودتها شوي على ري كوستا ...يعني المفروض ما تمزح هالمزح في موضوع جدي ;)

كلنا نحب المزح والتعليق على بعض المواضيع بطريقه حلوه وغبيه :req: بس موضوع حساس زي هذا ما يفترض انك ترد كذا....

واتمنى ان تتقبل نقدي بصدر رحب :yes:

Rui Costa

27/6/2002, 18:58

بدر الف شكر لك يا الغالي وتقبل تحياتي .. :)

الطيرسداح .. عزيزي انا ما ازعل من اي عضو لكن يقول المثل ( يا جبل ما يهزك ريح ) ;) بعدين مهب هو الي يحكم على البدو التاريخ مسطر قبله كله شي .. :D الف شكر لك على الرد تقبل تحياتي ..

كلامك عين العقل :yes:

مشكورين جميعاً على الردود .. تقبلو خالص تحياتي ..

:yes: :yes:

روان(RGH)

27/6/2002, 23:24

فيه فرق بين المزح والطنازه .. والف شكر على الرد
رهام ويش السالفه
تهااااااااوشتم
:kany:
حلوه القصيده ياررررررريو

نواهي الدلوعه

28/6/2002, 13:51

والله انه فحل من فحول نجد هلي قايل الكلام الجميل والي يبكي:cry: :cry: :cry: :cry: :cry: :cry: :cry:

بس ازين مايكمل ياRui Costa

ليت اسمك عبد العزيز او اي اسم عربي

الله يخليك عيوني على الموضوع الرائع

مشكو مشكور مشكور

اي واحد يستخف في هذا الكلام ناقص في كل شئ

الف مليون شكرا

واذا كن لي حق من المسؤلين في الشبكه ارجو تثبيت هذا الموضوع:yes:

باي عيوني وتسلم

شابع بطولات

28/6/2002, 17:32

اقووووول روي كوستا لا تقاطع بس ;)

وتقبل تحياتي :ignor: :ignor:

Rui Costa

29/6/2002, 12:29

رند(RGH) هلا بك انا ما تهاوشت مع احد .. ومشكورة على ردك ;)

نواهي الدلوعه الف شكر على تقبلك الموضوع .. بعدين هذا مجرد لقب والحمد الله اسمي عربي بحته (حسام) ومشكوره على الردك السخي والرائع .. والموضوع يتثبت با العقول ان شاء الله .. :) الله يسلمك ..

شابع بطولات اقول بس وحده لحم والثانيه دجاج بدون ماينويز :D :D

:yes: :yes: :yes:

Rui Costa

2/7/2002, 18:47

هلا شباب اخيراً لقيتها للي يبي يسمعها

أضـــــــــــغـــــــــــــــط هـــــــــــــنـــــــــــــا (http://faisal1.com/poems/rm/bado.ra)

:yes:

يوسف الرشود

2/7/2002, 19:33

قويه قويه قويه .
.
.
.
.
.
.
.
وصح لسااااااااااااااااانك ...
.
.
.
.
وماظنتي فيه بدوي (مثلي ) مهوب مفتخر ببداوته :yes: :yes: :yes: :yes: :yes: :yes:
.
.
.
.
بس على فكره ..
ترى فيه تخفيضات بمطعم كبده بالملز (himo) (himo) (himo) (himo) (himo) (himo)

Rui Costa

8/7/2002, 14:42

يا الغالي يوسف الرشود ..

وماظنتي فيه بدوي (مثلي ) مهوب مفتخر ببداوته

مــــــــســــــــــــــتــــــــــــــــــحــــــــــــــــــــيـــــــــــــــــــــــــل

الف شكر على الرد واعذرني على التاخير .. شاكرين ومقدرين ..

والنسبه لمطاعم الدوار خلها عنك ترى فيها تسمم :yes: :yes:

حلوووس

8/7/2002, 16:20

مشكور اخوي Rui Costa

قصيده حلووووووووووووووووووه

Rui Costa

10/7/2002, 01:03

العفوووووووووووو حلووووووووووس

وردك احلى

مشكورين على الردود يا حلوين :)