بنت بمنتديااات رياااضيه

[معذبني الهلال9]

بسم الله الرحمن الرحيم

صبحكم / مساكم الله بالخيـر

أخباااركم يا بنو هلال؟؟

راح ابدأ على طووول

لو تجي اختك او اي بنت وتتناقش معك بالامور الرياضيه

ايش راااح يكون موقفك منها بترد عليها؟؟؟ او بطنشها؟؟

او تتكلم بأختصاار كونك موقناَ بان ليس لها التدخل بمثل هذي الامور

وتركها للشباب؟؟

والعكس لو جاك واحد وقمتوا تتناقشون بنفس الموضوع أكيـــــــد راااح يكون عطاااءك معه غير

وطرحك بيختلف ؟؟

اللي ابغى اوصله ان البنت مايصير تتدخل بامور الشباب وان الولد مسموح له التعرف على كل شي

وهذي بالضبط نظرة المجتمع الخليجي

يعني غير مقبول ان البنت تتكلم عن امور الرياااضه وكرة القدم والطائره

والولد مهما كان الموضوع يخصه ما يخصه مسموح صح؟؟

واللحين يمكن زاد تشجيع البنااات للأنديه ومتااابعة كرة القدم ومع هذ تحس انك ما تقدر

تتناقش معها او تحلل معها مباراة

واذا كان اللي قدااامك ولد او من الشباب وصلتوا بالتحليل لحكم الرااايه؟؟!!!!

وعلشااان اكثركم كذا او الغالبيه كذا

انا لما فكرت اسجل بذا لمنتدى سجلت بأسم ((ولد)) لأدخل بالامور الرياااضيه وعلشااان اقدر

اتناااقش معكم لأني ببداية مشوااري التشجيعي وعشقي للكياان الازرق

واجدت صعوبه من اخوي انه يتنااقش معي لأني بنت والموضوع ما يخصني

بس لما شاااف ان عشقي للهلال بشكل خااص وللريااضه بشكل عاام وانها مو مرحله وتعدي

وقتها صااار يعااملني مثل مايعاامل اخواني الشباب

وكلهم صااارت معاملتهم لي من النااحيه الريااضيه مثل ما يعاملون بعض

وصااروا يتباادلون مع المقااطع الرياااضيه ويراسلوني برسااائل الفوز والمبااركه

وسجلت بأسم ولد علشاان اتعااايش معكم مثل ما تعاايشت مع اخواني وهذا

اللي سويته بكل المنتديات الريااضيه واخذت معلومات عن تصرفااتكم ومفرداااتكم

يعني اللي ابغى اقوله اني انا بنت مو ولد واني تعبت اعيش الدور اكثر من كذا

واني ابغاكم تسااامحوني وتحللوني لأن كثر قالوا لي انك ما يصير تلعبي عليهم

اتمنى انكم تسااامحوني وانا والله ماقدرت اكتمها اكثر وخصوصا بعد ما طرح علي احد الاعضاااء

مااتذكر الاسم زين وطلب مني اني اتناااقش بموضوع من مواضيع المرور

هنااا حسيت ان الكيبورد قلم حبر ونشف

حسيت ان الارض ضااقت علي

لأن الموضوع ما يعنيني ابداَ

اللي اقدر اقوله اللحين انكم تسااامحوني على الكذب اللي كذبته وعلى اللعبه اللي لعبتهاا

وابغاااكم تفهمون وجهة نظري وان كل اللي سويته علشااان خااطر الهلال

بس علشااان القى من يعطيني وجه ومن ينااقشني ويفيدني بأموره

وثاني مره لا جتكم بنت تتنااقش معكم عن الامور الرياااضيه عطوها وجه ولاتحملونه حمل ما تقدر عليه يعني مثلي

بالاخير اتمنى الاقي من يفهم الموضوع ومن يساامحني

والى اللقااااء بلا عوده عن طريق المشاااركه ومع التواااجد الدااااائم عن طريق المتاابعه

[بيروتي الهلال]

أختي الفاضلة ،،، السلام عليكم ورحمة الله وبركاته.

أختي بما يخص بدايات سطورك فهي مهمة بالفعل ، لوجود الميول الدائم للشباب من الناحية الكروية ، ولكن ذلك لا يمنع بأن نناقش هذه الأمور سويا ً وعلى طاولة واحدة .

فعندما يلد الطفل من بطن أمه يولد معه شعور رائع لا يوصف .

وهذا ما جرى معكي اختي مع نادي الشعب .

ولا أجد اي مبرر للتكذيب وتغير الإسم الخاص بكي ، فيوجد أخوات لنا هنا في الشبكة الغالية يتناقشون ويتواجدون في المدرج الهلالي أكثر من تواجدهم في الساحات الأخرى .

فوفقك الله لما يحبه ويرضاه ، وأدامك لنا أخت نفتخر بتواجدها بيننا .

وأتمنى من المولى بأن تطالبي المشرفين بتغيير إسمك الكريم ورتبتك الشخصية .

تقبلي مروري وامتناني :)

[عــبــدالــرحــمــن]

؟؟!!مدري وش أقول

[معذبني الهلال9]

بيروتي لي لعوده على ردك


عبدالرحمن / اتمنى ماتكون زعلت وقل انك مسامحني وانا اختك

[عــبــدالــرحــمــن]

مب سالفة زعلت بس لخمه شوي

[Il Capitano]

حاولي تراسلين الإدارة لتغيير الرتبة لتكون هلالية بدلا من هلالي


بعدين زي ما قالو الشباب فيه كثير بنات في المنتدى يشاركون في النقاشات

ولهن كثير من الاحترام

[مشتاق لنظره]

أختي ,,,,

انا من ناحيتي لا أستطيع أن اتناقش مع بنت على موضوع رياضي الأ ماندر


بس أبضربلك مثال ،،،،

انا مافية امل اتناقش مع بنت في مواضيع المكياج و التنانير و الشنط الفخمة

ولك أمثلة كثيرة


زي بنت تتناقش معي على الرياضة

وشكراً

[معذبني الهلال9]

بيروووتي / انا ماابغى اغير شي ابدا وحتى الرتبه ابغى اكون مثل ماانا

بس اللي حبيت اقوله واطلبه منكم تسااامحوني وبس

وشكرا لك

[معذبني الهلال9]

هلال11

مثل ماقلت لبيروتي اقولك انا لو ابغى اغير غيرت ومن غير ماعلمكم

بس حبيت انه يكون موضوع وعاام علشاااان تساامحوني لأني كذبت

[معذبني الهلال9]

مشتاااق لنظره / البدااايه اللي طرحتها بس لبدء موضوعي مو للنقاااش

[Il Capitano]

هلال11

مثل ماقلت لبيروتي اقولك انا لو ابغى اغير غيرت ومن غير ماعلمكم

بس حبيت انه يكون موضوع وعاام علشاااان تساامحوني لأني كذبت

طيب خلاص ما حصل الا الخير

بس لازم تعدلين الرتبة

وان شاء الله الشباب قلوبهم طيبة وبيسامحونك

[معذبني الهلال9]

طيب خلاص ما حصل الا الخير

بس لازم تعدلين الرتبة

وان شاء الله الشباب قلوبهم طيبة وبيسامحونك

بااارك الله فيك وشاااكرتك اخوي

[اغراب]

اعتقد ان التفكير الحجري انتهى وقته بان البنت ليس لها سوء مطبخها وبيتها
نعم لها الحق في متابعة الرياضه والمناقشه فيها
واكبر دليل اني اعرف بنات وعجايز ثقافتهم الرياضيه اكبر من بعض الي يدعون انهم رياضيين

[معذبني الهلال9]

اعتقد ان التفكير الحجري انتهى وقته بان البنت ليس لها سوء مطبخها وبيتها
نعم لها الحق في متابعة الرياضه والمناقشه فيها
واكبر دليل اني اعرف بنات وعجايز ثقافتهم الرياضيه اكبر من بعض الي يدعون انهم رياضيين

منصور

انا اتكلم عن اللي لاقيته من اخواني وانهم ما كانوا يتفاعلوا معي

واذا انت تقبل هالشي غيرك الى الان والله ما يتقبله

[اليااسريه]

سـمـووووووووووووووووووووووووووووووووووووووووووووووووووحـ ياابعدي :) ..،، مع اني ماشوف التفكير المتحجر عندنا بالشبكة !! يااحبيلهم مـره ذوق ومايتحيزون لاحـد ^_^ ..

[معذبني الهلال9]

سـمـووووووووووووووووووووووووووووووووووووووووووووووووووحـ ياابعدي :) ..،، مع اني ماشوف التفكير المتحجر عندنا بالشبكة !! يااحبيلهم مـره ذوق ومايتحيزون لاحـد ^_^ ..

انا ما قلت النظره موجوده هنا وبس انا قلت بكل المنتديات الرياضيه

وشكرا على مرورك

[mr.google]

:ignor:









امزح





اتمنى والله انتس تستمرين في المنتدى و لا تنسحبين على انتس بنت و لاتسطيعين مجاراة الشباب

فمثلا في موقع الزعيم بنت اصبحت عضوة في مجلس الاستشاري وانا كثير ما انظر الى مواضيعها

[بيروتي الهلال]

بيروووتي / انا ماابغى اغير شي ابدا وحتى الرتبه ابغى اكون مثل ماانا
بس اللي حبيت اقوله واطلبه منكم تسااامحوني وبس
وشكرا لك

يا أختي إذا كان على المسامحة فأكيد نحنا مسامحين من قبل ما نزعل ، والحمد لله ، ما شفنا حقد ولا كراهية في الشبكة ، والله يخلي الأعضاء والمشرفين والقائمين على هذا الصرح الجميل .

بالتوفيق لك أختي الكريمة :)

[معذبني الهلال9]

:ignor:









امزح





اتمنى والله انتس تستمرين في المنتدى و لا تنسحبين على انتس بنت و لاتسطيعين مجاراة الشباب

فمثلا في موقع الزعيم بنت اصبحت عضوة في مجلس الاستشاري وانا كثير ما انظر الى مواضيعها



انسحااابي مو لأني لا استطيع مجاراة الشباب بالعكس اصلا محد حس

شااااكره لك مشاااعرك واتمنى والله

[ثــامـر]

ماغلطتي علشان نسامحك ! وكونك ذكر ولا انثى شي مب مهم ! مجرد يوزرات بالمنتديات والاهم الافكار !

يعني وش بنستفيد اذا عرفنا انك بنت ولا ولد !

باختصار مافي شي يستحق الاعتذار

زحمه مالها داعي :)

بالتوفيق

[خالد المهدرس]

طلب مني اني اتناااقش بموضوع من مواضيع المرور

هنااا حسيت ان الكيبورد قلم حبر ونشف

حسيت ان الارض ضااقت علي
:d::d::d:
عادي في وقتها تنشق الأرض وتبلعك

معذبني الهلال9
:yes:

[شهراني هلالي]

اكثر النقاشات مع اخواتنا هنا في المواضيع العامه

وتبين الصدق الاحظ اخواتنا هنا في الساحه الرياضيه مشاركتهم قليله حتى اذا شاركوا مشاركتهم محدوده وفيها شوي خجل
وانا اشوف الوضع عادي اذا الفتاه تناقش في الرياضه



بالتوفيق اختي

[معذبني الهلال9]

ماغلطتي علشان نسامحك ! وكونك ذكر ولا انثى شي مب مهم ! مجرد يوزرات بالمنتديات والاهم الافكار !

يعني وش بنستفيد اذا عرفنا انك بنت ولا ولد !

باختصار مافي شي يستحق الاعتذار

زحمه مالها داعي :)

بالتوفيق

شكـــــــراً

[الــــنــــاقــــــــد]

ياكثر الأولاد اللي مسجلين بيوزرات " بنات "
و
ياكثر البنات اللي مسجلين بيوزر " أولاد "

طبعاً .. لكل عضو " هدف " من ذلك ..,,

أما من ناحية نقاش البنات في الكره .. فأعتقد أن لاشيء يمنع من ذلك ..,,
ولعلك تعرفين الهلالية (( أم فيصل )) .. والتي إشتهرت بمداخلاتها في البرامج الرياضية ..,,
ومن يستمع لكلامها يدرك أنها تفهم في الرياضة أكثر من فهم بعض الشباب ..,,

عموماً ..,,

مسألة تقبل النقاش في الأمور الرياضية مع الأخوات .. أعتقد أنها تعود للجو العام في البيت .. وطبيعي أن تحكم تلك النقاشات علاقة الأخت مع الأخت وعلام قامت وكيف ؟؟
فبعض الأولاد يكون " رسمي " في تعامله مع شقيقاته .. رغم علمهن بتعصبه الرياضي .. ولايسمح لهم حتى بأن يقلن له كلمة " مبروك " ..,,

وبعض الأولاد مع أخواته " فري " في كل النقاشات .. ولايمانع من النقاش معها في الرياضة ..,,

بإختصار ..,,

المنتدى مفتوح للجنسين " أولاد وبنات " .. وهو منتدى رياضي بشكل عام ومتنوع في نفس الوقت .. والنقاش فيه من حق الجميع ..,,

وكما قال الأخوان .. هناك يوزرات نسائية تقتصر مشاركاتها على المدرج وعلى أمور الهلال .. ولاعيب في ذلك :)

أخيراً .. أمر الرتبة لك الحرية فيه .. متى ما أردتي تغييرها فأطلبي ذلك في منتدى الملاحظات ..,

أطيب تحية لك :)

[معذبني الهلال9]

ياكثر الأولاد اللي مسجلين بيوزرات " بنات "
و
ياكثر البنات اللي مسجلين بيوزر " أولاد "

طبعاً .. لكل عضو " هدف " من ذلك ..,,

أما من ناحية نقاش البنات في الكره .. فأعتقد أن لاشيء يمنع من ذلك ..,,
ولعلك تعرفين الهلالية (( أم فيصل )) .. والتي إشتهرت بمداخلاتها في البرامج الرياضية ..,,
ومن يستمع لكلامها يدرك أنها تفهم في الرياضة أكثر من فهم بعض الشباب ..,,

عموماً ..,,

مسألة تقبل النقاش في الأمور الرياضية مع الأخوات .. أعتقد أنها تعود للجو العام في البيت .. وطبيعي أن تحكم تلك النقاشات علاقة الأخت مع الأخت وعلام قامت وكيف ؟؟
فبعض الأولاد يكون " رسمي " في تعامله مع شقيقاته .. رغم علمهن بتعصبه الرياضي .. ولايسمح لهم حتى بأن يقلن له كلمة " مبروك " ..,,

وبعض الأولاد مع أخواته " فري " في كل النقاشات .. ولايمانع من النقاش معها في الرياضة ..,,

بإختصار ..,,

المنتدى مفتوح للجنسين " أولاد وبنات " .. وهو منتدى رياضي بشكل عام ومتنوع في نفس الوقت .. والنقاش فيه من حق الجميع ..,,

وكما قال الأخوان .. هناك يوزرات نسائية تقتصر مشاركاتها على المدرج وعلى أمور الهلال .. ولاعيب في ذلك :)

أخيراً .. أمر الرتبة لك الحرية فيه .. متى ما أردتي تغييرها فأطلبي ذلك في منتدى الملاحظات ..,

أطيب تحية لك :)

النــــــاقـــــــــــد

هذا اللي كان متواااجد يوم كنت بسجل وانا داريه ان النظره اختلفت علشااان كذا تكلمت

وشااااكره لك ردك ويعطيك العافيه

[معذبني الهلال9]

اكثر النقاشات مع اخواتنا هنا في المواضيع العامه

وتبين الصدق الاحظ اخواتنا هنا في الساحه الرياضيه مشاركتهم قليله حتى اذا شاركوا مشاركتهم محدوده وفيها شوي خجل
وانا اشوف الوضع عادي اذا الفتاه تناقش في الرياضه



بالتوفيق اختي

شهراااني

علشااان كذا سجلت بيوزر ولد

اتمنى لك التوفيق

[عاشق الازرقين]

الوضع عادي جدا جدا..

هي مسالة رغبات وميول..

وتصدقين حلو انك فتحتي هالموضوع مش علشان تعتذرين!!!

ولكن نناقش نظرة المجتمع والناس للبنت عندما تكون ميولها رياضيه..

طيب ابضرب لك مثال حي..

وحده مالها ولاعليها بالرياضه وزوجها متعصب هلالي..

اصبحت الزوجه بدن ماتشعر مشجعه ومتحمسه للهلال وتدخل وتاخذ وتعطي معاه بالنقاشات كان الهدف تدخل اجواءه ومن حبها له الى ان اصبح عندها تشجيع وميول هلاليه!!..

وفيه ناس تاثر عليهم الاجواء في البيت والعيشه مع شباب متعصبين كرويا!!

الزبده..

لانستغرب دخول المراه في مجال التشجيع لان المراه وكما نلاحظ دخلت في مختلف المجالات!!!

ولاتستغربون لو سمعنا مستقبلا انه في الملاعب وضعوا مكانا مخصصا للنساء واكاد اجزم انه سيكتسح السواد ارض الملاعب!!!

تقبلوامداخلتي وتحياتي..
ودمتم بود..

[هلال العرب]

الله يحللك ويبيحك يا أختي
بس ماله أي داعي هروبك من المشاركة مع اخوانك ومناقشتهم في أمور الرياضة والتي تهم في المقام الأول الشباب ولكن الرياضة ليست حكرا عليهم فقط
ومثل ماذكر بعض الأخوان اكتبي للمشرفين بأن يغيرون الرتبه وتنتهي المشكله
إلا وشخبار المرور يا أوخيتي << (rambo) (himo) (rambo)
ننتظر أقرب مشاركاتك

[الجنرال الازرق]

ياهلا فيك ,,

بالعكـس البـنت لها الحريه كما للشاب الحريه في طرح المواضيع الرياضيه ولا مانع اذا كانت البنت مثقفه وتملك حس كروي مثقف عن الرياضه ،،

فـ الرجل اذا شاف بنت تحب كوره قال هذي مسترجله وهذا مايدور للاسف بين الشباب وهذا هو الخطأ في بال الشباب بل ان المرءه تعرف جيداً اذا كانت من اولويات الكره الحديثه


فـ اذا نظرناً الى ثقافتها فـ يكفينا هذا ويكفيناً نقاشها الهادف بل بعض الاحيان تكون افضل من الشباب المترززين ويتحدثن ويقولون


لكن في بعض الاحيان تبقى المرءه الافضل من ناحيت الحس الكروي .. فـ مثلاً امرءه تعيش مع شباب في منزل واحد فـ 90 % انها ستميل معهم الى عشق الكره وتحميسها والخ .....


فـ لابد من اعطـأ المرءه حقهـا ولكن بشكل معقول فـ البعـض يستخف ويعطيها على قد عقلها لان الحرمه مستحيل تحب كوره

لكن فيها قله يعـشـقون جـنـون الكره وهـذا من ميـزات العـصـر الحـديث :)


والله الموفق وباذن الله نشوف طلاتك في كل فتره :)
تقبلي مروري :)

[شموخ]

هلا بك أختي ...

أنا اعتقد أن ما فيها شيء لو بديتي من الأساس بيوزر بنت بدل كل هالحوسه ....وتشجيع البنت للكورة عادي بس إذا ما تجاوز لأمور أخرى...


وأنا أقول لك عن نفسي يمكن بحكم أني بين أخوان كثير وما عندي إلا أخت وحده فأثروا أخواني علي بالكوره واهتماماتهم رغم أني ما أفهم شيء بالكوره أهم شيء يفوز الهلال :mad: و حبي للهلال جاء بسبب مشاكل اخواني النصراويين معي :cry: وأخواني الهلاليين حبيبين وش حليلهم:love: سبحان الله مادري ليه هم كذا:req:


والله يوفقك ونشوفك بينا دايم..:qw::noo:

[هلالـ أزرق ـي و أبيض]

من ناحية انا كل واحد بنت ولد اتناقش معاه وما افرق بين احد

ومسموحه

[معذبني الهلال9]

تسلمون والله وهذا العشم فيكم وريحتوني الله يريحكم وان شاءالله اغير الرتبه من هلالي الى هلاليه

[sul(7)tan]

هل كرة القدم حصريا للشباب !!!


كرة القدم تتكلم بكل لاغات العالم ...,


في بعض البنات تفهم اكثر من بعض الشباب ...



مشكوره على الموضوع المهم ..,

[معذبني الهلال9]

مشكور يا سلطان وصااادق والله

[رائد فضاء]

أنا عن نفسي ماأرضى أن تكون أختي تشوف الكورة كما لاأسمح لنفسي بالحديث مع أخواتي عن المكياج والفساتين النسائية..

[معذبني الهلال9]

أنا عن نفسي ماأرضى أن تكون أختي تشوف الكورة كما لاأسمح لنفسي بالحديث مع أخواتي عن المكياج والفساتين النسائية..

طيب ليش ما ذكرت السبب

وش فيها اذا البنت تشجع وما فيها شي لو تعطي رااايك لأختك بالمكياااج او اي شي ثاني

ماراح ينقص فيك شي او يزيد

بالعكس كل ما كنت تتناقش مع اختك بأي موضوع بتكون قريب منها

والريااااضه مثل ما قالوا الشباب اللي فوق مو حكر على الشباب من غير البنااات

انا اللحين افهم بالكوره اكثر ما يفهم اخوي اللي اكبر مني

وهو داائما يسألني عن موعد المبارايات واذا كانت منقوله او مكانها

يعني عاادي ليش ما تتقبل من اختك والله مافيها شي

[منسيووه]

معليش اختي انا عندي اقتراح لك اتمنى تراسلين الاداره لتغير الاسم لن النقاش عند احد المواضيع يختلف كوني اناقش شاب غير اني اناقش بنت اختلاف كبير قد يترتب عليه حرج لك وعليك ...


وحياك الله يا بنت الاجواد

[العـــاشق]

مسامحه ومحلله وماصار الا الخير وانتي وغيرك من البنات هنا ماتلقون انشاء الله الا المعامله الطيبه والله يستر عليكم من بعض الشباب وانتبهي من الرسايل الخاصه (rambo)

[معذبني الهلال9]

معليش اختي انا عندي اقتراح لك اتمنى تراسلين الاداره لتغير الاسم لن النقاش عند احد المواضيع يختلف كوني اناقش شاب غير اني اناقش بنت اختلاف كبير قد يترتب عليه حرج لك وعليك ...


وحياك الله يا بنت الاجواد

الاسم له معزه خاصه عندي وصعب اغيره والاكيد اني اغير الرتبه

والله يحيــك

[معذبني الهلال9]

مسامحه ومحلله وماصار الا الخير وانتي وغيرك من البنات هنا ماتلقون انشاء الله الا المعامله الطيبه والله يستر عليكم من بعض الشباب وانتبهي من الرسايل الخاصه (rambo)

مشكوووور ويعطيك العافيه

[زعيم دوم]

ومن الي ماراح يسامحك هذا إذا كنتي سويت شي غلط لا بالعكس إنتي ماسويتي شي
غلط أنتي تعشقين الهلال ويحق لك المتابعه وعلى فكره الرياضه ماهي بس لشباب
حتى البنات لهم نصيب منها وانا أشوف ماله داعي تتأسفي وانتي ماسويتي شي غلط
وعني أنا ماراح أقول شي لأنك ماغلطتي علشان أسامحك
سلام

[الجن الأزرق 9]

بالتوفيق

[إبراهيمـ]

ياكثر ما اعجبني بنات في المنتدى ..


بـ رقي الطرح والفكر ..

[الجنرال الازرق]

مبروك الرتبه الجديد :)

[| | | أٍطٍلٌقَ هٍلآًلٍيٌهَ | | | vip]

لا يااختي عااااااااااااااادي جدا واذا بنت تتكلم عن الرياضه اصلا الرياضــــــه مو مخصصه للاولاد بس

يعني انا بعد لنا كلام في الرياضه
صحيح انا الاقي بعض الجفاء لاني بنت معاهم بس انا هلاليـــــــــــــــــــــــه وافتخر حتى لو مالاقي احد يشجعني .....
هلاليه وروحي هلاليه ومايهمني اذا احد اعترف فيني كمشجعه ورياضيه ولا لا....

[abyd90]

يعطيك الف عافيه على الموضوع الرائع

[zayedalbishi]

الكثير من البنات اللي شفتهم بالمنتديات
يتبادلون المعلومة بكل تفهم وعقلانية واحترام

[الفتى^الذهبي^11]

انا من أتجاهي مسامحك .. بس لاعاد تكررينها مرة ثانية :angel:..

[وهج المشاعر]

بالعكس اختي الكريمه

انا بنت وحبي لمجال الرياضه ماهو عيب

لأني موازنه اموري بحيث لاتغطى هالمجالات علي بحيث انها تلغي انثويتي

ولا يجعلني حبي الزائد لها افرط في واجباتي المنزليه الآخرى

وا الأهمـ من ذلك لا اجعل من حبي لمجال الرياضه وكورة القدم بالذات جسر او حبل لتعلق بالاعبي الفريق

لحد الجنون والهيام لأن المعيب في عشق البنت لمجال الرياضه هو تعلقها بالاعب الوسيم الاعب وهالشي

هو اللي احنا نتعيب فيه هي ما تحب الرياضه اصلا لكن جعلت من حبها للكوره شماعه لتداري العواطف الفارغه


اللي ملأتها بحبها للأعب الفلاني والعلاني.. (( وهالنوع والله هو الشي المعيب في عشق البنت للرياضه))


:::


عني انا اكاد اكون أكثر تقهم واحاطة بمجال الكوره وامورها من بعض اخواني

وهالشي مو عيب ولا اقوله مجاهره بمعصيه او شي لا انا مقتنعه ان الشغله اللي انا احبها ما تقلل

من كوني انثى لأني ما جعلتها تطغى على اموري الثانيه فالموازنه شي مطلوب


فحب الرياضه امر لا يعيب المرأه

والحمدلله اغلب اللي اشوفه من بعض الأقلام النسائيه في لمجال الرياضي

يحملون وعي وثقافه كبيره مع محافظتها على نفسها من اي امر يخدش احترام الأخرين لها


::

[معذبني الهلال9]

شاااااكره للجميع الوقفه الاخويه

والله يعطيكم العافيه

[الفيضان الهلالي]

بالعكس
انا اتناقش مع الهلاليات تفكير راقي ومحترم ويجبرك على الاحترام
يكفي ان مواضيعهن تتثبت مثل ماشفنا بموضوع نحبك ياسامي
والزمن الحين تغير كل شي يتشارك فيه الجنسين مافيه انتي بنت مايصلح لتس ومدري ايش

[FaHooDe]

السلام عليكم اختي الكريمه

انا من زمان ودي ارد على ها الموضوع !

اول شي :

احييك على جرائتك بالاعتراف هذا !

ثاني شي :

بالنسبه لي , انا طبعا بالنت اسير على الشبكه قليل جدا ! وغالبا ما اكون على مواقع تشات او على الماسنجر ! ودايم اناقش ناس كثير بالكوره! ولا افرق بين ولد او بنت بالنقاش ! لان التعصب او الحب لفريق معين وللكوره بصفه عامه ماهو محدود على جنس واحد !
ياما وياما ناقشت بنات ! وعقولهم نظيفه بالكوره !

واذا نظره الناس لك تبي تختلف بسبب انك بنت ومايبدون يناقشونك لانك بنت ! انا مدري وش اقول عنهم !

بس النقاش بصفه عامه في الكوره مع البنات ممتع ! واكتشفت ان في بنات كثيرات يحبون الهلال ويتابعونه احسن مني ! ويحبون البرسا :love: ويتابعونه اكثر مني ! وبعضهم يفحموني في كثير من الامور لدرجه اني اسكت مقدر ارد " يا شيــــــــــــــــــنها :q: "

تحياتي لك ياختي ! ولاتخافين النقاش بالكوره بالعكس الكوره شي ممتع الواحد يتابعه

[puma]

يا بعدهم انتي :magkiss:
تصدقين عاد عجبتني صراحتك وقوتك ;)
شوفي يا الغلا من ناحيه ان الشباب (ما يعطوننا وجه )
فهذي ما ادري عنها
حنا ما عندنا شباب كبار علشان اجرب :d:
اكبرهم بسادس وهذا هو رجال العائله :jhgy:
بس تقدرين تثبتين وجودتتس
يعني زودي نفستس بالمعلومات واذا اختلفوا بالراي استرجعي اللي قرتيه والمعلومات وقولي رايتس والله بينجنون :angel:
يعني مثلا انا اعوذ بالله تسني كتاب
كل ما صارت مباراة قاموا يسئلونن متى واي قناة ووش التشكيله
يعني وهكزا :angel: <<<<<< طيب ..!:amle:
بس يا الغلا ترا الرياضه مو للشباب
احس انتس مريتي نفس اللي مريت فيه انا
بس خوالي كانوا يعطونن وجه :angel:
ولا يحطمونن :d:
ولا تسان الحين مرطوقه من الرياضه كلللللش :jhgy:

بس كل ام ابونا محللينتس :angel:
لا تخافين يا قللللبي :love: