دعوه للنقاش تسوق المرأ والرجل (صوره)

[بنت هلاليه مرررره]

http://www.geocities.com/areensaloom/ffff.JPG


صوره تعبر عن الحال هذا اليوم

شوفو كيف الرجال ياخذ حاجته ويطلع بلمحه بصر

والمرأه تأخذ راحتها وموسعه صدرها بالمشي والرياضه بعد

ابغى نناقش هالموضوع بيننا وابغى شوي تفاعل منكم

لأني اول مره اطرح موضوع للنقاش


لماذا تحب المرأه التسوق؟


وهل هي تذهب للسوق للتسوق فعلا؟


هل تخرج لحاجه ام لغير حاجه؟


لماذا بعض الرجال لايريدون مرافقة نساؤهم للتسوق؟



أرجو التفاااااااعل:nrey:

واللي عنده سؤال في هذا الموضوع يسدحه هنا ولايتردد

سي يو:yes:

[شهراني هلالي]

لماذا تحب المرأه التسوق؟
اكثر النساء حبا للتسوق هم الموظفات عـامه بدون استثناء

اما العاطله خاصه المتزوجه تنتظر راتب زوجها ينزل علشان توريه نجوم الظهر (rambo)



وهل هي تذهب للسوق للتسوق فعلا؟تتسوق علشان يصير لها عذر يوم تحمل معها كيس ( يعنني اشتريت )





هل تخرج لحاجه ام لغير حاجه؟

اذا قصدك النساء اشوف ان وضعهم مزري مير كله بهرجه في بهرجه (himo)

بالنسبه للرجال اذا دخل مجمع كبير فيه محلات لبيع حاجيات النساء هذا شخص ( غزلنجي)
و بالنسبه لي السوق شيء ماطيقه اذا بشتري شيء اشوف لي محل على شارع عام مخصص للرجال فقط المشكله اني اشوف نساء في محل لبيع المستلزمات الرجاليه والله هذا الي حصل قبل عيد الفطر استغربت جدا جدا
حتى المستشفى ماطيقه بالعربي ماطيق المكان الي فيه خليطي
الحمدالله الصيدليات كثيره اقرب صيدليه اشتري الي ابي وخلاص .


لماذا بعض الرجال لايريدون مرافقة نساؤهم للتسوق؟


بالنسبه للمتزوجين < يمكن لعدم وجود المال :) مادري والله عنهم

مشكوره اختي وبالتوفيق


<><><><><><><><><><><>
لمساعدة الأزواج ومواجهة ظروف الحياة
النساء يقترضن 25مليار ريال في 2006
هذا تقرير المستشار القانوني المحامي إبراهيم الناصر

http://www.up4vip.com/up/uploads/45f924038f.jpg (http://www.up4vip.com/up)

على الرغم من أن القروض تعتبر من التسهيلات التي تقدمها البنوك للناس، لكنها تتحول إلى هم عندما تتراكم الديون على الإنسان فيحسب لها في بداية كل شهر ألف حساب، بعد أن يكون استسهل الحصول عليها.
والقروض التي نتناولها في تحقيقنا هذا هي القروض "النسائية" التي ارتفعت في الفترة الأخيرة، حيث أصبحت المرأة مثل الكثير من الرجال تحمل على عاتقها قرضا تضطر كل شهر إلى سداد قسطه.


ارقام و نسب

كشفت أرقام "سمة" وهي جهة تغطي قاعدة بيانات الائتمان في السعودية بأن حجم الإقراض للأفراد في عام 2006بلغ 198مليار ريال كان نصيب النساء منها 25ملياراً مقابل 173مليار ريال للرجال، كما قدرت بأن نحو % 11من حجم المنتجات الائتمانية ( القروض الشخصية والعقارية وبعض منتجات شركات التقسيط إضافة إلى بطاقات الائتمان)ذهب للنساء في عام 2006م حيث وصل عددهن إلى 227.4ألف امرأة مقابل 1.78مليون مقترض .


حلمنا تهاوى

ورغم قلة نسبة القروض النسائية مقابل قروض الرجال مع ذلك فهي زادت خلال الخمس سنوات الأخيرة، لذا نود أن نعرف لماذا زادت القروض النسائية في الفترة الأخيرة، وما أسبابها ودوافعها، وما أهم المشاكل المترتبة على تلك القروض؟

موضي حمد تعمل في قطاع التعليم منذ 14سنة ومتزوجة من مواطن يعمل في التجارة الحرة تقول : حلمنا معا ببناء مؤسسة تجارية كبيرة، فاقترض زوجي لتوسيع تجارته واستيراد بضائع جديدة، لكنه وبعد فترة لا تتعدى الأشهر خسر حلمه مع خسارة نقوده، مما جعلني أسارع إلى إنقاذه من خلال أخذ قرض آخر باسمي، أملا بأن يتكلل المشروع بالنجاح وان يقف زوجي على قدميه من جديد. إلا أن المشروع لم ينجح، بل لم تعد إيراداته كافية لسداد أقساط القرضين.

وهكذا أصبحت موضي تسدد شهريا أقساط قرض لم تتسلم منه ريالا واحدا، الأمر الذي حمل العائلة عبئا شهريا كبيرا نتيجة هذه القروض التي استمرت الزوجة خمس سنوات في سدادها.

وقالت موضي إن التزامها بتسديد القرض جعلها تقتصد في مصاريفها ومصاريف أبنائها، بل استغنت عن كثير من الكماليات من اجل أن تحد من مصاريفها.

وقد تعلمت من هذه الأزمة القاسية الكثير من الدروس والعبر، خصوصا أن لديها ابنا يكمل دراسته الجامعية في الخارج ويتطلب مصاريف كثيرة. ولذلك تعيش وزوجها على الكفاف من اجل مستقبل الأبناء.


بيت العمر

مريم سلطان أيضا اقترضت وتقوم حاليا بسداد أقساط القرض شهريا، وتعتبر نفسها كغيرها من النساء اللواتي يعملن من اجل مساعدة الزوج، ويقترضن من أجل مساعدته خصوصا في شراء بيت العمر.

وتقول مريم : إن قسط قروض الإسكان من أكبر الأقساط، ويلتزم به المرء عادة حوالي 20عاما، لكن اللجوء إلى القرض من اجل توفير سكن خاص للأسرة، أمر لا ندم فيه، خصوصا إن البيت يعتبر من أساسيات الحياة، كما انه ضمان للأولاد والبيت الملك يبقى للإنسان خلاف الإيجار.


الزوج يقترض والزوجة تسدد

نجلاء الشهري - موظفة إدارية - ترى أن الاقتراض يجلب بعض المشاكل خصوصا بالنسبة إلى المرأة المطلقة فقد تكون هذه أو تلك قد اقترضت قبل الطلاق، مما يجعلها في هذه الحالات تتحمل كثيرا من الهموم والصعاب والمشاكل، خصوصا إذا كانت قد تفاهمت مع شريكها سابقا على أن يدفع كل منهما ما يخصه من القرض، وبعض الأزواج يأخذون قروضا باسم زوجاتهم، ويعتمدون عليهن في دفع أقساطها وبعد الطلاق تستمر الزوجة المسكينة في تحمل كل أعباء القرض ولا يكون لديها أي مستند في أن القرض كان للزوج.


النساء لا يغامرن

مصرفية فضلت عدم ذكر أسمها أرجعت قلة حصول النساء على القروض التمويلية بصفة عامة مقابل الرجل إلى أن النساء لا يتقدمن بطلب الحصول على قرض سوى في حالة الحاجة الماسة دون اعتماد مبدأ المغامرة في نية الاستثمار على عكس الرجل الذي غالبا ما يتوسع في الحصول على أكثر من قرض .

فاطمة القصير موظفة لا تؤمن بالقروض ولا تحبها أو تشجع عليها، إلا أن محيطها من الصديقات مقترضات، ومنهن عرفت أن القروض دين والتزام ومصاريف زائدة عن اللزوم، وتقول: غلاء المعيشة وظروف الحياة وحب المظاهر من أسباب لجوء الكثير من صديقاتي إلى الاقتراض، ومعظمهن تتراوح قروضهن بين أربعين أو ستين ألفاً ولا يتجاوزن هذا المبلغ خوفا من عدم القدرة على السداد .

جرثومة القرض

سعاد الرواف تعتبر أن القروض "جرثومة" وآفة جديدة انتشرت بين النساء أخيرا وتضيف: حتى المتزوجات حديثا أصبحن يقترضن منذ السنة الأولى من الزواج، واغلبهن صغيرات السن، وسبب اللجوء السريع والمبكر للاقتراض هو في رأيي استعجال الغنى واختصار الوقت الذي قد يطول من دون القرض، وعلى رغم أن الرواف اقترضت في وقت سابق وأنهت سداد أقساطه، إلا أنها لا تشجع النساء مطلقا على الاقتراض باستثناء من يلجأن إلى القرض لتملك منزل، فالإنسان لا يعلم ما قد يحصل معه من ظروف في المستقبل، فقد يحتاج إلى راتبه كاملا، وان كان مقترضا سيضطر للجوء إلى الآخرين وتحمل أعباء جديدة.

مجازفة وأعباء

وحذر المستشار السابق لمؤسسة النقد السعودي المحامي إبراهيم بن عبدالله الناصر الأسر السعودية من الإفراط في القروض الشخصية، موضحا أن تراكم القروض والديون المستقبلية قد تجبر البعض على التخلي عن بعض الأمور المهمة ما يهدد مستقبل حياتهم ويضيف "وفي اعتقادي بان البنوك تحمل نفسها والمواطنين أعباء لا يستطيعون تحملها ويعتبر مجازفة ومخاطرة خصوصا تراكم الديون على أفراد وأسر ليست لديهم المقدرة على إدارة دخلهم بطريقة اقتصادية وذلك نتيجة استسهالهم الاقتراض بدون الأخذ بالاعتبار ما يترتب عليه مستقبلا وأن التوسع في طلب هذه القروض يعود في الغالب إلى سهولة الحصول عليها في البداية لكن ما يترتب على ذلك مستقبلا قد يكون مدمراً للفرد والأسرة المقترضة .

[puma]

واااوك عـ الفضيحه :angel:

والله حنا نتسوق بالسوق وندخل كل محل لأن ما ورانا شيئ :/
اما الرجال لا وراه الف شغل
صح ولا لا ...!

نروح للاسئله

لماذا تحب المرأه التسوق؟

:angel:
لأن يا بعد جبدي :jhgy:
هي اللي تشتري له هي وعياله
يعني الرجال يشتري له هو وبس
اما الحرمه لا له هي وعياله وخواته وكل العائله :angel:
ادري جوابي غلط بس ما ادري وشو :angel:

وهل هي تذهب للسوق للتسوق فعلا؟

:yuupy:
اجل رايحه علشان شو ؟:angel:

هل تخرج لحاجه ام لغير حاجه؟

والله بعض الايام لحاجه
وبعض الايام لغير حاجه
بس اذا راحت لغير حاجه لازم تشتري
يعني كل الحالات لحاجه :d:

لماذا بعض الرجال لايريدون مرافقة نساؤهم للتسوق؟

:req:
تصدقين عاد النقطه هذي ما بعد حللته :angel:
ما بعد اكتشفت السر ..!
ياشيخه ما ادري وش السبب
يعني لو جينا بنروح للسوق
ابوي ما ينزل معنا :d:
طيب نقول ما عليه عنده اشغال
بس اخوي بعد ما ينزل :/
ودتس ترطقينه اذا رفض ينزل :d:
السوق سحر يوم انك ترفض :zael:
صراحه ما ادري وش الاجابه
بس ننتظرالاولاد يجاوبوا عليها :fghty:

تسلمين قلبي على هالنقاش
صراحه نقاش روووعه :magkiss:

[نوااااااااف11]

الحين انتي ماكتبتي نفس هالموضوع
امس ونا رديت عليه وين راح الموضوع !

[لولاه غالي]

8
8
8
هههههههههههههههههههههههههههههه ماصار شي رد ثاني مره

[هلال العرب]

مشكوره اختي الغاليه عــ هذا الموضوع
//
\\
لماذا تحب المرأه التسوق؟
هذه طبيعة توجد في (( أغلب )) النساء وبالذات نساء هذا الوقت
وبصراحة أكثر هناك (( كثيراً )) من النساء وبالذات الفتيات يخرجن من أجل ’’ الإستعراض ’’ أمام الشباب والذهاب للتسوق هو عذر فقط من أجل تأشيرة الخروج من المنزل ....
//
\\
وهل هي تذهب للسوق للتسوق فعلا؟
في كثير من الأحيان ... ’ لا ’ ....
//
\\
هل تخرج لحاجه ام لغير حاجه؟
بصراحه أغلب ما تريده النساء يكون ’’ لغير حاجه ’’ ....
//
\\
لماذا بعض الرجال لايريدون مرافقة نساؤهم للتسوق؟
لأن الزوجة تمشي مع زوجها و (( تضف ّ )) من أدراج المحلات بدون ماتشاور (( ماكينة الصراف )) اللي معها وبالذات في الأسواق الكبيرة مثل ... كارفور ... هايبر بنده ... جيان ... وغيرها وهذا بحد ذاته ينرفز الرجل لأنه يعرف أن هناك من الأغراض ما لايحتاجه المنزل ... طبعاً أنا لست ضد خروج الرجل مع زوجته للتسوق ولكن في حدود المعقول وفي أمور لا يمكن أن تتم إلا بالمرأة ....
//
\\
هناك كثير من الأمور في النساء اكتشفتها بعد زواجي وبصراحة أكثر الحرمه تعطيها 500 ريال علشان تشتري غرض قيمته 100 تلقاها صرفت ( أُمهات الخمس ) على أشياء وخرابيط ترفع الضغط مال أمها داعي وهذا يدل على أن غالبية النساء إذا خرجت للتسوق وفي يدها مبلغ كبير من المال لاتفكر فيما تصرفه وهمها الأول والأخير أن لا ترجع للمنزل بأي ... هلله
//
\\
تـــشــــــــــــــــــكراتــي

[عاشق 15الفيلسوف]

يآآآحب الحريم لنعفقه:jhgy:

[KHASHRMI]

الحين انتي ماكتبتي نفس هالموضوع
امس ونا رديت عليه وين راح الموضوع !

والله زيكــ نوااف ‘‘‘ ؟؟ :amle:

[||+[[ الكاســر ]]+||]

المشكلة هي ان الحريم يروحون السوق بدون ما يكون فيه محل مطلوب :d: ..

[مشتاق لنظره]

لماذا تحب المرأه التسوق؟

ج / لان السوق يوجد بة كل ماتتمناة المرأة و تستطيع أخذ راحتها دون أزعاج من بعض الشباب



وهل هي تذهب للسوق للتسوق فعلا؟
ج / سؤال جوابة غير معروف الأعند النساء وبعض الأحيان تذهب للسوق فقط لمشاهدة البضاعة الموجودة في السوق .




هل تخرج لحاجه ام لغير حاجه؟
ج / الأغلب بدون حاجة .




لماذا بعض الرجال لايريدون مرافقة نساؤهم للتسوق؟
ج / التعب الي يجي الرجل لأنة ما هو متعود مثل المرأة أسبوعياً بالسوق
و الشعور بالزهق الشديد ؟

[بنت هلاليه مرررره]

شهراني هلالي


سلمت على ماخطه قلمك في هذه الصفحات
شكرا لمرورك أسعدتنا وأفدتنا


puma


أسعدتينا بوضع رأيك

إجابتك موشرط تكون غلط أو صح

أنا أبي أشوف آرآئكم بس


تسلمين قلبي على هالنقاش
صراحه نقاش روووعه

الله يسلمك


الحين انتي ماكتبتي نفس هالموضوع
امس ونا رديت عليه وين راح الموضوع !


نواااااااااااف11


والله حبيت أغير مسار الموضوع الى نقاش

ياليت حطيت وجهة نظرك وأفدتنا

[بنت هلاليه مرررره]

لولاه غالي

شكرا للمرور شرفتنا بس ممكن أشوف وجهة نظرك


هلال العرب


لماذا بعض الرجال لايريدون مرافقة نساؤهم للتسوق؟
لأن الزوجة تمشي مع زوجها و (( تضف ّ )) من أدراج المحلات بدون ماتشاور (( ماكينة الصراف )) اللي معها وبالذات في الأسواق الكبيرة مثل ... كارفور ... هايبر بنده ... جيان ... وغيرها وهذا بحد ذاته ينرفز الرجل لأنه يعرف أن هناك من الأغراض ما لايحتاجه المنزل ... طبعاً أنا لست ضد خروج الرجل مع زوجته للتسوق ولكن في حدود المعقول وفي أمور لا يمكن أن تتم إلا بالمرأة ....
//
\\
هناك كثير من الأمور في النساء اكتشفتها بعد زواجي وبصراحة أكثر الحرمه تعطيها 500 ريال علشان تشتري غرض قيمته 100 تلقاها صرفت ( أُمهات الخمس ) على أشياء وخرابيط ترفع الضغط مال أمها داعي وهذا يدل على أن غالبية النساء إذا خرجت للتسوق وفي يدها مبلغ كبير من المال لاتفكر فيما تصرفه وهمها الأول والأخير أن لا ترجع للمنزل بأي ... هلله

رأيك بهذا السؤال بصراحه مقنع وصحيح بنفس الوقت
لاعدمناك أخوي تسلم على المرور


يآآآحب الحريم لنعفقه


عاشق15 الفيلسوف

وجهة نظر لابد من إحترامها مع عدم وضوحها
لكن أرجو توضيحها




عبد العزيز الخشرمي

شكرا للمرور بس كان ودي تجاوب على الأسئله




المشكلة هي ان الحريم يروحون السوق بدون ما يكون فيه محل مطلوب ..

بس أخوي II+[[ الكاسر]]+II

هم يكونون محددين شي واحد يبونه

ويروحون لكذا محل يدورون افضل شي



مشتاق لنظره


تسلم ايدينك على ماكتبت آرآء مختصره وواضحه

شكرا للرد والمرور


مشكووووووووووورين للجميييييييييع



سي يو

[نوااااااااف11]

نواااااااااااف11


والله حبيت أغير مسار الموضوع الى نقاش

ياليت حطيت وجهة نظرك وأفدتنا[/SIZE]

وجهة نظري كتبتها بموضوع امس خلي احد المشرفين
ينسخ ردي بالموضوع الاول ويطبعه هنا انا وش يضمن لي
اكتب الحين اجي بكره القا موضوع ثاني (rambo)

[بنت هلاليه مرررره]

8
8
8
8


والله السالفه كلها من برستيج

هو اللي قالي

لاتخاف ماراح يجي موضوع ثاني

جاوب ع الأسئله انت بس

[بنت هلاليه مرررره]

:nrey:معقوله هالعدد الكبير بالنسبه للردود ماعنده قدره للنقاش:nrey::nrey:


سوري بصرااااااحه جتني صدمه:eek::eek:


معقوله بس هالعدد البسيط يقدر يناقش السالفه ويعطي رأيه فيها

والبقيه ماعنده قدره او ....مدري :ignor:


ع العموم انا اشكر اللي عطوني رأيهم:mad: وجاوبو ع الأسئله بكل ثقه وصراحه




سي يو:yes:

[عــبــدالــرحــمــن]

لماذا تحب المرأه التسوق؟
لانها لا شغل ولا مشغله
والملابس اللي تلبسها في العزيمه هذي
ما تلبسها فعزيمه ثانيه
ولازم ملابس جديده إضافة لحب
الشكليات والمظاهر


وهل هي تذهب للسوق للتسوق فعلا؟
غالبا لا
بمعنى انها
تطلع تتمشى وتتفرج وتغير جو
مع لزوم انها تطلع بكيس من السوق
وتلقاها قاعده بالسوق 3 ساعات
ولا تطلع الا بكيس واحد


هل تخرج لحاجه ام لغير حاجه؟
غالبا لا
فتختلق بعض الاغراض وتدعي انها بحاجتها لكي تخرج

لماذا بعض الرجال لايريدون مرافقة نساؤهم للتسوق؟
لانه مب فاضي يدور وراها 3 ساعات لين تطيح اللي براسها
إضافة الى انه لوكان معها تلقاها تشتري ولا تحسب حساب الفلوس
لان الصراف ماشي وراها
اما لوكان عطاها 500 ريال مثلا فهي تعرف ان ما معها الا هالمبلغ

ملاحظه:
من اسباب كثرة ذهاب الحريم للأسواق انها ما تقتنع بأي شي او تبي تدور على كل المحلات تدور الافضل
فتلقاها رايحه اليوم 5 ساعات وبكره برضو تروح لانها ماخذت كل اللي تبي

الاخت اللي سئلت ليه الاخوان ما يحبون ينزلون السوق
لانه مب قاعد يدور ورا اهله لين يقضون فيروح يقضيله شغله
او يسير على اخوياه
وانا بالنسبه لي غالبا ما انزل مع اهلي
وبصراحه سالفة اني ادرو ورا اهلي واشيل الاكياس ممله
واحس انهم يستانسون اني ما انزل معهم
لاني اذا نزلت معهم كل شوي اعجلهم



كل الشكر والتقدير لك بنت هلاليه مرررره

[سآم9]

لماذا تحب المرأه التسوق؟


- / لانه قليل تطلع واغلب وقتها بالبيت (( هذا سبب من الاسباب ))
ولو ان المرأه بالفطره تحب التسوق وشراء كل جديد ومتابعة الموضات وو الخ
لكن المرأه تعتبر التسوق هو رياضه وهو شراء اغراض جديده تحتاجها وتغيير جو وفسحه وكل شي :d:

وهل هي تذهب للسوق للتسوق فعلا؟

- / اكيد راح يكون براسها اشياء تشتريها لكن ما يمنع انها تحلل السوق تحليل
وتدخل كل محل ولو انها ما تبي منه شي بس كذا عن قولة اني شفت كل شي :d:


هل تخرج لحاجه ام لغير حاجه؟

- / اكيد عندها حاجه من السوق
بس يمكن عدم الحاجه اكثر من الحاجه < وش يقول :jhgy:
يعني يمكن حاجتها من السوق ما تاخذ عشر دقائق لكن تجلس بالسوق 4 ساعات 10 دقائق من الـ 4 ساعات
هو اللي تحتاجه والـ 3 سعات و50 دقيقه كلها فضاوه وتمشي ورياضه وسعة صدر وهيصه :d:


لماذا بعض الرجال لايريدون مرافقة نساؤهم للتسوق؟

انا شخصيا ما اواطن شي اسمه مرافقة بالسوق
لكن مجبور اني ارافق خواتي لا راحن للسوق
وسبب اني ما احب السوق هو اني اجلس اتمزع بالسوق 3 ساعات من المشي على غير سنع :lkj:


سـيــآ : ) ,,

[>المرعب<]

لماذا تحب المرأه التسوق؟

ج / لان السوق يوجد بة كل ماتتمناة المرأة و تستطيع أخذ راحتها دون أزعاج من بعض الشباب



وهل هي تذهب للسوق للتسوق فعلا؟
ج / سؤال جوابة غير معروف الأعند النساء وبعض الأحيان تذهب للسوق فقط لمشاهدة البضاعة الموجودة في السوق .




هل تخرج لحاجه ام لغير حاجه؟
ج / الأغلب بدون حاجة .




لماذا بعض الرجال لايريدون مرافقة نساؤهم للتسوق؟
ج / التعب الي يجي الرجل لأنة ما هو متعود مثل المرأة أسبوعياً بالسوق
و الشعور بالزهق الشديد ؟

[بنت هلاليه مرررره]

عبدالرحمن


أبدعت أخوي في صراحة رأيك
إجاباتك جدا واقعيه


سآم9

- / لانه قليل تطلع واغلب وقتها بالبيت (( هذا سبب من الاسباب ))

هذا سبب صحيح جدا

آرائك جدا مميزه تسلم ايدينك أخوي
نورت الصفحه


>المرعب<

شكرا للمرور

[سعــــــــــ14ــــــــــود]

لي رجعة بعد العشا

[بنت هلاليه مرررره]

8
8
8
8

حياك الله بأي وقت

[سعــــــــــ14ــــــــــود]

لماذا تحب المرأه التسوق؟
تحب تشتري كل جديد وتحب تكون مميزة في الافراح والمناسبات وفي نفس الوقت تحب تغير جو .

وهل هي تذهب للسوق للتسوق فعلا؟
بصراحة اغلبهم للتسوق .. يعني حرام نظلم الجميع .. <<< حقاني .


هل تخرج لحاجه ام لغير حاجه؟
نفس اجابتي فوق يعني فيه اللي يرفه عن نفسه في السوق وفيه اللي يقضي حاجته .


لماذا بعض الرجال لايريدون مرافقة نساؤهم للتسوق؟
ماينلام الرجل اذا ماطلع مع اهله او زوجته للسوق , انا بصراحة اذا رحت مع زوجتي للسوق صحيح ندخل بالكثير 4 او 5 محلات بس وربي يفر الراس اول شي من الالوان والاشكال والناس الرايحة والجاية ,, يعني ماني متعود ,, عشان كذا اروح في الشهر مره او مرتين اذا كثرت .

اشكرك عالموضوع المميز ..
تحياتي ...

[الحـوت]

لماذا تحب المرأه التسوق؟

لان طبيعه المرأه وهواياتها حب التسوق .



وهل هي تذهب للسوق للتسوق فعلا؟

70% تسوق ،،، 30 % تروح تشتري دونات وتجلس تاكل بالمطعم


لماذا بعض الرجال لايريدون مرافقة نساؤهم للتسوق؟

لان الرجال اصلا جاي للسوق وهو منسده نفسه ومغصوب بعكس المرأه اللي كنها حكم ساحه بالسوق مايتعبن ماشاء الله .


مشكوره على طرح هذا الموضوع الرائع ،،،،،،،،

[الـفـارس الازرق]

طيب ..




تخيل بكرا وانت داز مع الدائري الشرقي وراك بنت راكبه صني 2005 ..وتكبس لك :req:

[الجنرال الازرق]

والله حريم هالمواسم مراهقات بشكل غير خيالي :d: يعني فيها لف ودوران وانت ماشي لكن الي يعيبهم هو تسريح الي مافيه بريح بس في راسهم شئ وودهم يطلعون الحره بالسوق

فـ انا من وجهت نظري مالها اي داعي كل شوي طالعه الحرمه للسوق وبالاخير يدها فاضيه فاتوقعها انا تسليه فقط لاغير والبعض الي مكنش للرزه بس يعني لف ودوران :d:

لكن انا ابتكلم عن مراهقات من سن الـ 14 الى 20 وهن الي بايعتها ويبون يتخلصون من اهلهم يعني قبل كم اسبوع شايف واحد مادري وش فيه يعني شيفه يمعنى الكلمه :d: يلاحقله وحده ام 18 اذا كثرت عليها واقول مسكين يانه يبي يجيه كف محترم واستغرب انها قالت هات رقمك

يعني مالها داعي حركات نصف الكم الي طالعه يعني الحرمه مالها الا الرصه في البيت ، كلمه ماينعطون وجهه شويه الصيدليه تخيلوا يقعدون فيها ساعه كامله لكن قريباً انتظروا السر (himo)



والحين نرجع لاسئلتك



لماذا تحب المرأه التسوق؟


زي ماقلت لك ودها تتخلص من العامل البيئي الي يسيطر عليها في البيت من اكتئاب او ضيقه صدر الخ... لكن اكيد فيه حل يوقف هالتهالك المستمر لهم

يعني مثلاً اعطيك بلور مده اسبوعين يخلص في يومين فـ هذا القصد و المشكله ماتحس بامور الثانيين خصوصاً زوج او اخ الخ..... يعني ترصه ساعتيين مافيه مشكله وهذا هو الي يقهر ويقلب السوالف جد :)



وهل هي تذهب للسوق للتسوق فعلا؟


والله من وجهت نظري البعض فقط يحسون نقص ويرحون لفك الكربه :d: والبعض يتسوق وزي ماقلت في الاول بعضهم لنوايا ثانيه وخصوصاً المراهقات يعني حركات ثلث كم (himo) <<< ماتضبط ثلث :d:



هل تخرج لحاجه ام لغير حاجه؟


اكيد و 100% بدون حاجه :)




لماذا بعض الرجال لايريدون مرافقة نساؤهم للتسوق؟



زي ماقلت في السابق ماينعطون وجه يعني انرص انا اتكلم عن نفسي ساعه تخيلي في الصيدليه بس فما بالك بالسووق يعني الي اختصره هو التقدير فقط لاغير :)



وسلااامتكم :)

[||+[[ الكاســر ]]+||]

بس أخوي II+[[ الكاسر]]+II

هم يكونون محددين شي واحد يبونه

ويروحون لكذا محل يدورون افضل شي
[/COLOR][/SIZE][/CENTER]

هـذاك اول :d: :d: !
الحين يروحون مدري ليه !!
تحس انهم يضيعون وقتهم هنـاك :d: !

[بنت هلاليه مرررره]

زعيم الشرقية 2288

الحـوت


يكفيني أنكم مررتم بأحدى صفحاتي

ويزيدني فخر أن خطت أناملكم بكلماتكم الصريحه

فإن دل ذلك أنما يدل على صدق شعوركم وثقتكم بآرآئكم

سعدت بوجودكم

ما حرمني الله من أطلالتكم علي دائماً

لكم تقديري وأحترامي

[بنت هلاليه مرررره]

طيب ..




تخيل بكرا وانت داز مع الدائري الشرقي وراك بنت راكبه صني 2005 ..وتكبس لك



كبس لها وخلها توقف يمكن محتاجه مساعده(himo)

[بنت هلاليه مرررره]

الجنرال الأزرق


بصراحه كلامك فيه قسوه واضحه وظلم لجميع البنات

لا تشوف كل الناس مثل بعض من خلال موقف واحد فقط



هـذاك اول !
الحين يروحون مدري ليه !!
تحس انهم يضيعون وقتهم هنـاك !


وصلت خيييييير

[اليااسريه]

قل امين يالجنرال الازرق !! الله يصلحك ويخليك لاهلك = وش دعوه ماتنعطى وجه الحريمه !! موب كل الحريمات تسذا :lkj: لاتقول الحريم قل بعضن من الحريم :lkj: ...
وبعدين اللي يرقمن عساهن الماحي شرهتك على اهلهم اجل مراهقه تطلع السوق لحالها !!
يعني الزبده لاتعمم جعلهم يحطون تعميم ع الرقاله كلهم انهم مايخشون الاسواق :lkj: ..
ووبس :) :kello: ...
وبالنسبه للحلوه بنت هلاليه مررررره اقولك يابعدي ليش نحب نروح السوق عشان السوق فيه ملابس كشخه :angel: .. وبعدين وش يوديني السوق بدون حاجه بس عاد اذا شفت بيرشكا تلاقيني مفهيه :angel: .. طـع طــع يعني ع حسب
والرجال مايحبون ينزلون السوق بلا والله من الرصه اللي يلاقونها مننا هع والقلق والله صدق حنا نستمتع وهم ياعمري عمرهم بس يمشون !! يعني عادي مالومهم ..

طحياتي ياحياتي :magkiss:

[بنت هلاليه مرررره]

الياسريه

وبعدين اللي يرقمن عساهن الماحي شرهتك على اهلهم اجل مراهقه تطلع السوق لحالها !!

صح لسانك والله بنت رجال


وبالنسبه للحلوه بنت هلاليه مررررره

تسلمين خقيت أنا هنا:rolleyes:


وبصراحه الرجال اذا نزلو السوووق يطفشونك ويضيقون صدرك ومالهم داعي

يسلموووو خيتو

كلك ذوووق على مرورك

[الجنرال الازرق]

وش فيكم هديتو علي :d:


والله يابنات الحلال هذا الي اشوفه واكيد واجزم انهم ربع من البنات الموجودات على قيد الحياة ان وجدوا :) ،، ولكن فيه ناس صراحه تخجل الشاب ان ينظر اليهـا يعني حركات نص كم البنات

يعني كـ امثله المصري الحين صار يستهين بالحرمه السعوديه لكن الله يصلحه يقولي وش دخلك فيهن :d:
واذا تبون اقولكم القصه مافيه مانع :d:

هو ابن الحلال هالمصري جلس جنبي وتلأ يسولف معي طبيعي ويقولي على هالبنات الي يجونه وانهم متعطشات والخ..... ،، لكن تفاجئت بعد شوي يتمصخر بكثره عن الشعب السعوديه و تخلفه و عن الهيئه

لكن داري انه بغى ياكلها يوم مرة الهيئه لكن شكله يقول في قلبه الله ستر :d: مرت الدقايق والثواني والحال كما هو سب في سب في التخلف السعودي وان الهيئه مالهم دخل لو سوا الهوايل المهم مرت بنت حلال مادري وش سالفتها

دخلت المحل وطلعت شفته يتحيول بعيونه يمين ويسار فـ تمنيت هذيك اللحظه ان يقوم يلاحقها او يسوي شئ فـ الحمد لله تحقق امنيتي وقام يوقف عند الباب ومن هالحركات

الا وانا ماسكه مع رقبته واقوله خير يابن الحلال وش فيك وعاد هو صار يرجف ويتكلم كلام غير ارادي :d: المهم يجيه الكف الاول من رقبته ، ولكن فجئه جت السلطات الامنيه السعوديه (himo) ومسكتني وهدتني وقالوا وش السالفه المهم شرحت السالفه لهم ومن هالكلام وطرد المتبيئين من البيئه المغتربه السعوديه .. (himo)

ولكن جاء الرد سريعاً من الاستاذ محمد الناصري مدير شرطه سوق صحاري وقال موب كل الاماني تحت اليدين فـ المهم مشيت انا ووده شرطه الملز وتفاهموا معه وانتهت القصه على هذا الاساس

فـ انا بس ابي اوصل لشئ وهو ان الناس الغرب صارت تتهالك وتستهتر بالمرءه السعوديه بسبب هـ القله و النادره من السعوديات


وللمعلوميه هذي القصه حصلت لي انا شحصيا قبل سنتين تقريباً في سوق صحاري :)

والله يستر عليهن وعليكم :)

[اليااسريه]

ايه وانا اختك يالجنرال انا اقول لاتعمم = ماقلت انه مافي احد كذا بالعكس وش كثرهم بص ائولك (تأثرت بالمصري) هذولي بعضهم يعانون من كبت !! اي والله يصيرون الاهل نفسهم كابتين عليهم هالبنات وهم يفشون خلقهم بالسوق وغيره اللهم لاشماته ويااربي لاتعاقبنا والله ان بنات وحريم بعد مسوين ولابسين عباة راس ام طقطق وشرابات ومادري ايش وبالخير قاعده تجدع كلام على راعي المحل !!!! يعني سراااحه شي يقهر اذا جت (الهيعه) وقالت اتغطي وعباتس ارفعيها فوق راستس يقهرون وجع وش دخلهم انا طالعه من بيتنا وابوي شايفني خلاس اجل ينطمون وش دخل حضرتهم ^_^ عصبت الاخت هههههاي ,.. هذا بسراحه شي باط تسبدي يعني ,, اهم شي العباة اوب ضيقه ولا مفتوحه صح يابنات ولااوب صح ^_^ .. ماتلاحظون اني طلعت عن الموضوع هع .. :) :)
خلست هذره :) :)

[بيروتي الهلال]

بارك الله فيك أختي الفاضل على هذا الموضوع الجميل ، والذي أتمنى من المولى بأن يجلعه في موازين حسناتك ، ، ،

بسم الله نبدأ . . .

لماذا تحب المرأه التسوق؟

تحب المرأه التسوق ، لأنها تحب أن تكون الأولى دائما ً ، بعين زوجها ، وبين أهلها وبين أهل الرجل .
كما أننا لا ننسى بأن الحياة الزوجية هي مشاركة بين الزوج والزوجة ، فلا بد علي كليهما المشاركة في تلك العملية والمهمة بالنسبة للطرفين .


ولو نظرنا إلى الفتيات المقبلن على الزواج ، سنجد بأن كل من الفتيات تتباهر بأنهن ينفقن المال الوفير وأكثرها التسوق في عالم المشتروات .


وهل هي تذهب للسوق للتسوق فعلا؟

إلى من رحم ربي .

فالمرأة تحب التسوق الزجاجي ،،،

بما يعني أنها تتسوق أيضا ً بالنظر ، وليس من الضرورة دخولها إلى المحلات ، بل تتكفي بالنظرة وتعتبرها عملية تسوق ، وتعتبرها أيضا ً متعة تعترف بها أمام الجميع ، وهي عادة تحب بأن تهوس بها .


هل تخرج لحاجه ام لغير حاجه؟

إلى من رحم ربي .

ولو رأينا في عصرنا هذا ، بأن المرأة بعد الإنفتاحية !!! ، وحقوق المرأة !!! ، ومنافسة المرأة للرجل في الأرض الميداني ، فإنها لا بد بأن تجعل لها كلمة خاصة (( وكأنها لها أسرار وعالم خاص بها ))
وتناست بأن الرجل والذي هو الزوج يشاطرها الحياة .

لماذا بعض الرجال لايريدون مرافقة نساؤهم للتسوق؟

لعدة أسباب وأهمها ...

نظرا ً إلى وجود أجيال جديدة من النساء لا يحبذن بأن يتواجد الرجال معهن ، وتريد المرأة بأن تتناقش مع البائع لغرض (( تقليل السعر )) ...

أيضا ً للتباهي أمام الزميلات والأقارب ، بأنها تحب التملك ، وبأن الزوج لا يحب بأن يقصر عليها بشيء.

حب السوق والتقليد الأعمى من الغرب ، فنظرا ً إلى وجود قنوات فضائية تبث يوميا ً ما هو جديد في عالم المرأة ، وبما أن المرأة لا تحب بأن ترضى بقليلها ، فإنها تنغر أكثر من الرجل بــ 87 % في المواد الاستهلاكية ، والشرائية .

فلو عرض مستحضر عطري جديد ، فسنجد بأن المرأة أغرمت بهذا العطر قبل استخدامه لأجل ماذا ؟؟؟

لربما تكون لأجل الرجال الذي تواجد في الإعلان ، ولربما الشكل المكون به العطر ، ولربما السعر ، ولربما الرائحة .

فأتمنى من الأخوات بأن نرقتي في تفكيرنا ، ليستطع مشاركة الزوج بكل ما هو مفيد وإيجابي لحيتهم الزوجية ، وبيد المرأة كسب الرجل وبيدها خسارته .


فلا ننسى بأن الرجل هو (( رجل )) ولكن تحت ستار (( طفل )) ......

لماذا ؟؟؟

لأنه يخرج من حنان أمه - إلى حنان زوجته .

فلا ننسى هذه المقولة ، وشكرا ً لكي مرة أخرة يا أختاه :)

[بنت هلاليه مرررره]

جنرال

فهمت وجهة نظرك وفهمت قصدك
بس مثل ماقالت أختي الياسريه لاتعمم


بيروتي الهلال

أبدعت في إجاباتك المنطقيه وأظن إن جوابك على السؤال الثاني
واقعي جدا وصحيح بس بزيد عليه إنه

بعض البنات إذا سألها أحد عن محل أو شي توه طالع جديد
وماعرفته تسوي الهوايل عشان تعرفه لأنها تحس إن البنات
يتشمتون فيها إذا ماعرفت شي توه نازل السوق وتصير معقده بالنسبه لهم8

8
8
8

الله لا يبلانا

مشكورين إخواني على ردودكم وآرآئكم القيمه
أسعدتوني بتواجدكم بموضوعي

[منسيووه]

موب شرط اني ادخل ولا اناقشك في موضوعك اني ما اقدر اناقش موضوعك يمتكن مليت من كثر المواضيع الي تطرح عنه ..


لماذا تحب المرأه التسوق؟

اتوقع انها تبي تمشي جلستها في البيت تخليها تدرعم لسوق تبي تطلق سيقانها (( عصفورين بنبطه وحده )) منها رياضه ومنها تشري مقاضي تلزمها ...


وهل هي تذهب للسوق للتسوق فعلا؟

ايه ايه تروح تتسوق ومثل ما قلت تغير جو البيت في السؤال الي قبله رياضه بطريقه ذكيه ...


هل تخرج لحاجه ام لغير حاجه؟
نفس سؤالك السابق صبه احقنه اسئالي زي الناس ولا لا تسئلين (( وجه يقولك صح قهرتك )) :fghty:



لماذا بعض الرجال لايريدون مرافقة نساؤهم للتسوق؟
يمكن عنده مشاغل يمكن ما يبي يشوف بنات بسوق وتلقاه من النوع الي اذا شاف بنت طلعت خشته تسنه ذي
7
7
7
7
:kello:





<<<<<<<<< وش رايكم يعرف يناقش هههه



انا اطلع مع اهلي لسوق بس اجلس في مكان بوسط السوق وفتح الجوال ولعب الثعبان وخلص على 24 مرحله وهم ما خلصو من سوقهم :d:

[بنت هلاليه مرررره]

موب شرط اني ادخل ولا اناقشك في موضوعك اني ما اقدر اناقش موضوعك يمتكن مليت من كثر المواضيع الي تطرح عنه ..

موقصدي كذا بس تخيل الصدمه من كثر ة قراءة الموضوع

وعدم الرد لو ان العدد قليل ممكن نبلعها ونسكت

بس أكثر من 500 شخص هذا اللي جنني

نفس سؤالك السابق صبه احقنه اسئالي زي الناس ولا لا تسئلين (( وجه يقولك صح قهرتك ))


أول ماقريتها قلت خير إن شاء الله وجع بعدين قعدت أضحك على الوجه تسلم

وبعدين لو انك فعلا ذكي عرفت إنه فيه تشابه بالأسئله بس فيه فرق والأجوبه تختلف


انا اطلع مع اهلي لسوق بس اجلس في مكان بوسط السوق وفتح الجوال ولعب الثعبان وخلص على 24 مرحله وهم ما خلصو من سوقهم


من جد فاضي:amle:

بس أحيي فيك روح التضحيه إنك طلعتهم للسوق

على طاري الثعبان أنا أوصل المرحله 10 بعدين أخسر لييييش.....؟؟؟



شكرا لمرووورك أخوي فعلا أسعدتني بردك وتفاعلك مع الموضوع

دمت مشاركا لمواضيعي



سي يو

[منسيووه]

ههههههههههههههه
هذي اسهل مرحله

حاولي تجمعين النقاط الخضراء بعدين راح تجيك النقاط الزرقاء وراء بعض بعدها تختفي وراح تلقين بنفس الخط نقطه خضراء ...

اجل لو تااصلين للمرحله 24 وش بتقولين ههههههههههه

[بنت هلاليه مرررره]

8
8
8
8


اتعب من كثر ما اتعدى مراحل عشان كذا اطفش ويقل تركيزي

عن اذنك لا تقلب الموضوع شات بليز

[القرن الأزرق]

ههههههههه

صــوره معــبرهـ لحــال المراه فـي الســوق ,,


فأغـلب النساء تاتــي للمشـي في الســوق ( رياضـه ) .. <<< مكيفات وناس وعالـم هههههههههه وناســه


ومشكوووره عـلى الموضــوع الرائــع ,,

[بنت هلاليه مرررره]

8
8
8
8
شرفتنا بمروورك وتسلم على رأيك

[abo10 alaz]

فيكي تسألي بنات الشبكة

[De Rossi]

هالموضوع ماتفحم لين الحين ؟ :d: من هي بنت الأجواد اللي بتسوق قدام خلق الله ويقولون هاذي بنت فلان وهي لابسه النقاب واذا جاء واحد عرض لها قدام الاشاره قالت هيه ولد وخر عن :d: ؟ لعب بزران هو :d: والله يالحرمه بعيد عن أم ثكلتها إنه تبي تسوق اصلا القير يبي يهز وتبي تخاف والله ان تقبع بأول عامود كهرب وخذ لك عاد من النباح والصياح والجلد :d::d:

وبعدين وشلون العسكري يبي يوقفها ؟ وشلون تبي تطلع رخصه وفيها صورتها والعسكري يبي يشوفها يعني ؟ هذا منتهي أمره لامحاله لكن الخوف ان الشيطان يكون ثالثهما والله يقويكم :d::d:

قال تبي تسوق قال والله ماتلس المفتاح دام راسي يشم الهواء :d:

[بنت هلاليه مرررره]

فيكي تسألي بنات الشبكة

أنا ماخصيت أحد أنا عميتكم كلكم


هالموضوع ماتفحم لين الحين ؟ من هي بنت الأجواد اللي بتسوق قدام خلق الله ويقولون هاذي بنت فلان وهي لابسه النقاب واذا جاء واحد عرض لها قدام الاشاره قالت هيه ولد وخر عن ؟ لعب بزران هو والله يالحرمه بعيد عن أم ثكلتها إنه تبي تسوق اصلا القير يبي يهز وتبي تخاف والله ان تقبع بأول عامود كهرب وخذ لك عاد من النباح والصياح والجلد

وبعدين وشلون العسكري يبي يوقفها ؟ وشلون تبي تطلع رخصه وفيها صورتها والعسكري يبي يشوفها يعني ؟ هذا منتهي أمره لامحاله لكن الخوف ان الشيطان يكون ثالثهما والله يقويكم

قال تبي تسوق قال والله ماتلس المفتاح دام راسي يشم الهواء



شوي شوي على نفسك

وبعدين حنا نتكلم عن التسوق يعني المرأه في السوق

مو السواقه:jhgy:

[بسمة هلالية@]

لماذا تحب المرأه التسوق؟
مين الي مايروح لسوق اليوم كل الحريم يحبون السوق تروح المراءه عشان تتمشى وتتسوق

وهل هي تذهب للسوق للتسوق فعلا؟
موشرط تروح تتتسوق ممكن تتمشى وتغير جو

هل تخرج لحاجه ام لغير حاجه؟
للحاجة في بعض الاوقات بس الاكثر لا


لماذا بعض الرجال لايريدون مرافقة نساؤهم للتسوق؟
عشان يفتكون شر الهواش والصرفه الزايه
طبعا كل المسولية تكون على المراءة وهو حضرتة متكي
يعطيك العافيه اختي موضوع بحاجة نقاش فعلاً

[شلهوب توب]

ياختي مانبي حرييم يسوقن

نتحمل مشاويرهن
ولا يسببون فضايح

[M O A D 3]

عا د ات الحريم ما يعرفها الا الحريم او واحد يخالط الحريم

[دعيعاني]

بختصار الحريم ماعندهم الا السوق يتنقهون فيه

[بنت هلاليه مرررره]

يانااااااااااس ياعاااااااااااالم السوق مو السواااااااقه إفهموا

فيه فرق والله فيه فرق واللي داخل يبي مشاكل لايدخل تعال ناقش وتفاهم وبكل هدوء

الله يعينكم على انفسكم بس

[ازرق احبه]

يانااااااااااس ياعاااااااااااالم السوق مو السواااااااقه إفهموا
فيه فرق والله فيه فرق واللي داخل يبي مشاكل لايدخل تعال ناقش وتفاهم وبكل هدوء

الله يعينكم على انفسكم بس

هههههههههههه والله اني حاس في هالبنت شوي وبتنهبل من بعض الردود اللي فهمت الموضوع غلط والظاهر ما قرأ اللموضوع من أساس:d:

بصراحه فيه ناس يدخلون الموضوع على عماهم مايدرون وش السالفه تحس انه يبي يهاوش:angel:

[بنت هلاليه مرررره]

ايه والله انجنيت مو انهبلت

والتوووووووووبه احط موضوع للنقاش مرره ثانيه


والله تووووووووووووبه