المودم مايطلع صوت الاتصال والتصفح داخل الصفحه بطيء ليه ؟

[أيــمــن]

السلام عليكم

تكفون ياشباب اذا اجريت اتصال مايطلع صوت المودم مع العلم انه يتم الاتصال ويدخل على الانترنت بس صوت الخط مايطلع ليه ؟

هذي المشكله الاولى نجي للمشكله الثانيه

انتم تعرفون مثلا الحين اللي جالس يتصفح منتدى الكمبيوتر فيه على يسار الصفحه او يمينها والله مدري المهم فيه الاسهم اللي تحركها فوق وتحت عشان تشوف المواضيع اللي تحت وتروح للي فوق زي ماتبي طبعا الاسهم هذي في معظم صفحات الانترنت تقريبا لكن انا مشكلتي مع الاسهم هذي انها بطييييييئه مدري ليه تكفون ابي احركها بسرعه

اللي عنده الحل لايبخل علي ويعطيكم العافيه مقدما :)

تحياتي:)

[M.Alkahtani]

الغالي (أيــــــمــــــن)
بالنسبه للمودم فسهله ضبط الصوت مع أني أحس أن صوته أسوى شيء سمعته في حياتي :)
تروح للوحة التحكم (control panal) بعدين تختار المودم على شكل صورة تلفون (modems) بعدين يجي نوع مودمك في الشاشه البيضاء أضغط على زر خيارات (propreties) بيطلع لك لوحة أخرى فيها بورت المودم و صوت المودم و سرعة الأتصال .... أختار صوت المودم أو صوت السماعه ما أدري وش ترجموها بس بالأنجليزي (speaker volume) و خله مفتوح (on) . و أنتهت المشكلة .

أما بالنسبه للسهم أنه بطيء فهذا طالع عمرك يبي لك تزيد الرام عندك أو أنك تقلل برامج بداء التشغيل . و أنصحك أنك تزيد الرام .

[POWER]

مرحبا بالغالي أيمن .. :)

بالنسبه لمشكلتك الأولى ..فهناك اكثر من طريقه للوصول لصوت المودم والتحكم به ((سواء بزيادته او نقصانه) ..المهم ..اضغط بزر الماوس اليمين على جهاز الكمبيوتر واختر خصائص propirties .وبعدها اختر علامة التبويب إدارة الأجهزه

وبعدها اختر المودم ..وانقر على خصائص.. وبعدما تذهب لخصائص المودم اختر علامة التبويب مودم modem ..ستجد حجم صوت المكبر اجعله على (مرتفع)

هذه طريقة..والطريقه الثانيه هي انك تروح لشبكة الطلب الهاتفي..وتختار الاتصال اللي عندك وتضغط عليه بزر الماوس اليمين وتختار خصائص ..وبعدها اضغط على تكوين

ثم في خانة حجم صوت المكبر حطه على مرتفع ..

طبعا جميع الطرق السابقه تؤدي إلى روما ..:) ..لكن حبيت اوضح لك أكثر وأكثر..:)

وبالنسبه لمشكلتك الثانيه ..أعتقد والله أعلم ان الاكس بي هو كذا..دائما شريط التمرير يكون فيه بطء ..لكن انت متأكد انك ما سويت شي في اعدادات الماوس او غيره !!
أو اذا كان عندك بارتشن ثاني في الجهاز وفيه اصدار ثاني غير الوندوز اكس بي..ادخل فيه على الانترنت وعلمنا هل المشكله نفسها تصير معك او لا ..
اذا صارت معك فالسبب يكون من الرام ...واذا ما صارت معك فالسبب يكون من نفس الاكس بي ..

تحياتي لك...:)

[أيــمــن]

يعطيك الف عافيه اخوي mksa

لكن تحملني شوي وانا اخوك انت وابو احسين وشباب المنتدى كلهم


اخوي انا سويت اللي تقول بالنسبه للمودم لكن لقيته محطوط اصلا على ON مدري وش رايك ؟


وبالنسبه للرام ماعتقد انه فيه شي لأن الكمبيوتر حقي جديد تقريبا والرام حقه 256 والسرعه 1000 MHz !!! وللعلم اخوي انا توني مسوي فورمات للجهاز وكنت اشتغل على النت بسرعه حلوه لكن الحين غيرت الوندوز حقي وحطيت البروفيشنال بدال الهوم اديشن طبعا XP !!! مدري اذا تقدر تساعدني الله يجزاك خير .

ويعطيك العافيه مره ثانيه على المجهود الرائع اللي تقدمه انت وابو حسين الله يخليكم لنا


تحياتي :)

[أيــمــن]

أبو حسين هل فيه فرق بين الهوم ادشن والبروفشنال بالنسبه للاكس بي ؟؟؟ لأني زي ماقلتلكم الهوم ادشن كان شغال معي بالنسبه للسرعه تمااااااااام التمام لكن يوم سويت فورمات وحطيت البروفشنال صار بطيء !!!

وبالنسبه للمودم سويت كل اللي قلت لي عليه ولقيت كل شي تمام لكن لازال بدوووون صوت ؟؟!

اعتقد ان الحل للمشكلتين ذولي اني ارجع للهوم ادشن والا وش رايك يابو حسين انت و mksa وباقي الشباب ابي نصيحتكم ترا مالي غنا عنها


ولكم تحياتي :)

[M.Alkahtani]

و الله أنا مرتاح مع وندوز 98 النسخه الثانيه