صرخة الطفلة أماني قصيدة واقعيه من كتاباتي لكم

[algohmani]

قصيدة تحكي عن قصة واقعيه حدثت لطفله اسمها اماني حين فقدت
امها نتيجة لمرض عانت منه لسنوات طويله
موت ام الطفلة حرك مشاعري واحاسيسي كثيرا وتعاطفا مع الطفله اماني
اكتب اليكم هذه القصيده
هذه القصيده كتبتها بشكل تلقائي واعتذر عن مابها من كسر في بعض الابيات
اتمنى ان تنال على اعجابكم


يوم صاحت وين امي يايبه
هزت اذني صرخة الطفله اماني

جرح في صدري بحاول اكتبه
دام مايقدر على نطقه لساني

آه اذكر يوم قالت انتبه
كنها قالت اخاف انك تعاني

قلت حظي واعرفه كيف اندبه
بس خوفي لو يخربها زماني

ماتت امك وصرت اهوجس واشتبه
قلت ليت الموت من قبلك دعاني

يوم مر وما أظن ان له شبه
حكم ربي وارضى لو انه بلاني

كاس مر ولازم اني اشربه
في زمن عكس ماودي أجاني

الزمن اللي وانا طفل اطلبه
بس يقفي من كثر ماهو اناني

راحت امك وانتي الباقي يبه
انت روحي وانت بالدنيا حناني

انتي ياللي صورتك لامك شبه
لو اضمك الف مره ماكفاني

الذهب انتي وانا اللي بكسبه
كيف اغمض عيني عن شوفك ثواني

انتي كل شي بحياتي اطلبه
ما ابي من الكون الا انت ضناني

ياآلهي خلها عندك بأعلى مرتبه
بجنة الفردوس في اعلى مكاني

ياآلهي واجبر بقلب جفاها عذبه
وانت تعرف انها كانت كياني

حقق من احلام اماني اصعبه
جعلها كل يوم تستقبل تهاني

ما ابيها بيوم تصرخ يايبه
ياآلهي واحفظ الطفله اماني



كتبت في 2/10/1428

[بيروتي الهلال]

http://www.t7leeh.com/mnwa/mnwa8.gif

http://www.t7leeh.com/mnwa/mnwa11.gif

http://www.t7leeh.com/mnwa/mnwa10.gif

http://www.t7leeh.com/mnwa/mnwa17.gif

http://www.t7leeh.com/mnwa/mnwa9.gif

[شلهوب المجمعه]

الله يعطيك العافيه

[رايد الاحمدي]

يعطيك العافيه