قصائد صوتيه لشاعر قل ان تجد له في ساحة الشعر مثيل تركي 2000

[CaSSaNoVa]

*&& الشـاعر / تركي بن عطاالله الميزاني المطيري الملقب ( تركي 2000 ) &&*

http://www.m5zn.com/uploads/9b630173e3.gif

ظاهرة الشعر (( تركي بن عطا الله الميزاني ))

الشاعر اللذي قلب الطاولة على كبار شعراء المحاورة فأصبح المطلب الأول لمكاتب الشعراء
و أصحاب الحفلات ومحبي المحاورة ..
فـ بقوة لفظة و جمال شعره وحسن خلقه استطاع من خلال استفتاء على شعراء المحاورة
بالتعاون مع مكاتب الشعراء بمناطق المملكة الغربية والشرقية والوسطى والشمالية والجنوبية في مجلة فواصل ونشرت ذلك في عددها رقم 14 الصادر بتاريخ 15اكتوبر الماضي 2004 م ..
و ركز الأستبيان على الشعراء الأكثر طلباً وتفوق الشاعر ( تركي 2000) وفاق الجميع
بثمان نقاط , كما شمل كذلك الحفلات الأكثر مبيعاً ...
وهذا دليل واضح على مدى شعبية شاعرنا الشاعر تركي الميزاني اللذي لن ينتهي الكلام
لو تحدثنا عن موهبته .. و لكن لندع موهبته تتحدث عن نفسها ..

شاعرنا:هو الشاعر الفذ وصاحب الصوت الشجي والقوة البارعه في نظم القوافي والسيل الجارف من المعاني والصور يضاهي أبرع الشعراء في المحاوره ان لم يكن أبرعهم في الوقت الحاضر حتى أصبح له جمهور من المحيط الى المحيط من محبي شعر القلطه التي لا يستغني عنها أبناء الباديه في مناسباتهم السعيده......


وفي الأستبيان الذي اجرته مجلة فواصل على اكثر الشعراء طلبا وشمل الأستفتاء شعراء المحاورة مثل مستور العصيمي ورشيد الزلامي وصياف الحربي وفلاح القرقاح وسلطان الهاجري وفيصل الرياحي وحبيب العازمي وعبدالله بن شايق وسعيد المري وسعود المالكي وعطيه السوطاني وصالح اللخمي وضيف الله العمري وسعيد بن هضبان وعلى السالمي وعلي الشمراني وصالح بن عزيز وعبدالله البيضان وعيظه بن طوير وعبد الواحد الزهراني ومحمد بن حوقان ومحمد القويماني وملفي المورقي .
وتفوق الشاعر ( تركي 2000) وفاق الجميع بثمان نقاط , كما شمل كذلك الحفلات الأكثر مبيعاً (الكلام هذا في عام 2002) اما الأن فقد تعدى بمراحل كبيره

http://www.turki2000.net/vb/image.php?u=431&dateline=1186889315

إذا شاعرنا هو: تركي عطالله بن شامان بن سميليل القحم الميزاني العوني العبدلي المطيري

نشأته:
ترعرع ونشأ في الجياسر منطقة تتبع لثرب و ثرب والجياسر يقعان شرق مهد الذهب ب 150كلم تقريبا...وخواله من السماليل من القحومه....وله من الأخوة 8 أفراد وأبيه متزوج من أثنتين ,

http://www.kll1up.com/up/uploads/151a7caf0c.png
متى بدأ الشعر؟؟؟
بدأ الشعر وعمره 13 عاماً....


من شجعه؟؟
وجد شاعرنا الفذ تشجيعا قويا من أبيه لقرض الشعر والمشاركه في المحاوره فأبيه وجده شعار فهو من بيت شعر ...

يسكن شاعرنا في الرياض في حي أشبيليه وله بيت أيضاً في جده...

سبب التسميه بتركي2000

سئل تركي عن سبب تسميته بهذا الأسم
فقال: ان سبب ذلك انه كانت بداياتي في المنطقة الغربية عام 2000 وغنيت موال اسمه ((العام عام الفين والله يحييه))

وقد اورد تركي في حديثه لمجلة فواصل هذي الابيات التي كانت بينه وبين الشاعر/فيصل الرياحي البقمي في بداياته

حيث قال فيصل:
الهدية من المطران شاعر جديد********والهدايا القديمة تجلس أحسن لها0

فرد عليه تركي:
الهدية من المطران سيفن حديد*******وانت مالك سيوف تقوم وتسلها0


شاعرنا يحمل شاهدة ثانويه ومنتسب لجامعة الملك عبدالعزيز بجده

لماذا شارك شاعرنا في شاعر المليون؟؟؟
لأنه يريد مزيداً من الأنتشار في العالم العربي واللقب وإلا شاعرنا عنده خير...


من يحب ان يقابل تركي في المحاوره؟؟
تركي يحب ان يقابل في المحاوره (الرياحي والمورقي ومستور العصيمي ,والقرقاح)

ومع ان شاعرنا من محبي الشعر و جدوله ملأن بالمواعيد فلم يترك الأصاله وإرث الأجداد فقد إتخذ له ذودا من الإبل وقد انزلها الأرطاويه وكلها مغاتير ...


http://www.turki2000.net/vb/image.php?u=1638&dateline=1189089444
ولاول مره على مستوى شعراء المحاور يدشـــن تركي المطيري خدمة جوال تركي 2000
ومختصه بجميع ما يخص تركي من مواعيد محاوره وغيرها
وكان التدشين بحضـور قناة العربية والاقتصادية والقنـوات الشعبيـة والصحـف والمجـلات الشعريـــة
واعضـــاء شركـــة الاتصــالات السعوديـــة ..

جـــوال تركــي الميزانــي رقم 82000

اشتهر شاعرنا بالصوت الجميل وشيلاته الرائعه ومواويله في المحاوره

هذي الشيله جديدهـ بعنوان ( يا حرفي )

ياحرفي اللي ضاع مابين الدفاتـر والرفـوف
اللي رسمته من تنهَّاتـي ومـن حبـر قلمـي
ضحيت لجله في حروف وقمت لجله في حروف
وصبرت لو النار من فوقي ومن تحت قدمـي
ياصاحبي اللي على شانك تحديـت الضـروف
اسمع كلامي زين وافهم وش اقوله من فمـي
ماهو بأنا اللي تتركه بين الخناجر والسيـوف
وتمص دمه بين خلق الله يامصـاص الدمـي
انا بدويٍ ماسكن في الوقت مسكان الضعـوف
اتبع هوا بالي واسيـر عنـد ذودي وغنمـي
طوفتها لك لجل خاطـر عيـن ولا ماتطـوف
ولا انت مهما زاد وزنك وزني يطرحك نسمي
صمتي يدل اني وفي ومسويٍ فيـك امعـروف
وصبري يدل اني من زحول الصناديد انتمـي
ياقوم ياللي تذبحـون الحيـل قـدرٍ للضيـوف
وش رايكم في اللي يعشيني من اوصال لحمـي
وقفت له يوم اجلسوا واجلستله ناسٍ وقـوف
غير الذخيره والفشق في محزمه من محزمـي

هــذي قصيدة يا حرفي صوت رائعه جداً (http://www.alqasabup.com/data/58/63/storm_977_633ed12c1b.mp3)



وهذي قصيدة بعنوان ( لبيه ) رائعه ايضاً

http://www.m5zn.com/uploads/72712e6e46.gif (http://www.m5zn.com)

هذي قصيدة لبيه رائعه من روائع تركي المطيري (http://www.alqasabup.com/data/58/63/storm_151_07-lbyh-ya-syd-almzayyn.rm)




وهذي قصيدة بعنوان ( فاح عطر القصيد ) والتي شارك بها في برنامج شاعر المليون

http://www.m5zn.com/uploads/64dd02ff90.gif (http://www.m5zn.com)

قصيدة فاح عطر القصيد (http://www.alqasabup.com/data/58/63/storm_588_02-fah-vtr-alksyd-alkap.rm)

وهذي تكملت القصيدة وكما يحبها جمهور بالشيله (http://www.alqasabup.com/data/58/63/storm_963_03-fah-vtr-alksyd-shylh.rm)

من اقوى وافضل قصائد برنامج شاعر المليون ..... ( اشعلت عيني لجل شوفك وذابت )

http://www.m5zn.com/uploads/f491fec880.gif (http://www.m5zn.com)

قصيدة غزليه رائعه من شاعر رائع (http://www.alqasabup.com/data/58/63/storm_760_01-ya-sahby-oally-khlk-nvmh-alsmv.rm)


شاعرنا له شريط في الاسواق وحقق ارباح كبيره جداً وهذه القصيدة من شريطه

قصيدة يا عذابي منك جميله جداً وهي من اشهر قصائده (http://www.alqasabup.com/data/58/63/storm_777_08-alkhlth-alsryh.rm)


هذه ايضاً من شريطة (( يا بنت )) (http://www.alqasabup.com/data/58/63/storm_299_09-ya-bnt-ana-klb-mn-albvd-mhrof.rm)



لـــشـــاعـــرنا قصيدت حكمه لقاها في شاعر المليون (http://www.alqasabup.com/data/58/63/storm_525_10-alhyah-afrh.rm)


اعتذار : تركي انا لم اوفيك حقك في هذا الموضوع ..

[هلال وعلوم رجال !!]

مشكوووووووور
ويستاهل ابو رهف
شاعر كبير ويكفيه فخرا
ان الامير سلمان اطلق عليه لقب
شاعر الوطن

[خالد سعود]

تركي 2000 من اسباب شعبيته هو صوته الممتاز اما بالمعاني وبالنقض والفتل فوالله انه من جنبها واكبر دليل محاورته الاخيره مع ابو فيصل (( حبيب العازمي ))اللي لقمه كم مطب على الطاير واللي كانت بدايتها ..( الا ياليل وين الشاعر اللي ضيع المليون :d: وتلعثم فيها تركي وضيع اللحن اكثر من مره :angel:
ويكفيه فخرا
ان الامير سلمان اطلق عليه لقب
شاعر الوطن
اللي اطلق عليه هاللقب ابن عمه المريخي اما شاعر الوطن المعروف بشهادة الجميع هو خلف بن هذال :kany:

[بيروتي الهلال]

يعطيك العافية يا غالي على الموضوع الشامل والرائع ، ولقد عرفني موضوعك الكريم على شاعر كبير كنت أجهله ، وبالفعل فاحة من فمه كلمات جميلة جدا ً وسطرت ّأوراقه أبيات بديعة .

فبارك الله فيك يا غالي :)

[||+[[ الكاســر ]]+||]

تركي من اروع شعـرا المحـاورة الحاليـن :) ..
يعطيك العافيـة :magkiss: ..
وتم تحميـل جميـع القصـائد :) ..

[.ღ. هــيــبــة مَـلِـكـ .ღ.]

ياحبي له تركي :love:

وكل قصيدهـ له أحسن من الثانيـه :yes: ..

بصراحه موضوعك رآئـع ... :kany: ..

يعطيك العافيـه سرور :magkiss: ...

[CaSSaNoVa]

مشكورين للمرور والتعقيب الجميل لشاعر يستحق اكثر من ذالك

طبعاً الشاعر / تركي 2000 اصبح في السنوات الاخيره مطلب لكثير من المهرجانات في دول الخليج ..

وهذا احدى حفلات بمهرجان اقيم بمملكة البحرين ..

قصيدة بعنوان الشيخ حمد بن عيسى (http://www.alqsed.com/qsed/omsya-mlyon-b7rin/almezani-7md-bin-3esa.3gp)

قصيدة بعنوان أهل الخليج (http://www.alqsed.com/qsed/omsya-mlyon-b7rin/almezani-ahl-al5leg.3gp)

قصيدة بعنوان الخلطة السرية (http://www.alqsed.com/qsed/omsya-mlyon-b7rin/almezani-al5l6ah-alsryah.3gp)

قصيدة بعنوان ما ني مجازيك بصدك وهجرنك (http://www.alqsed.com/qsed/omsya-mlyon-b7rin/almezani-mani-mjazek.3gp)



وان شاء الله راح انزل له قصائد محاوره لا تسئي للقبائل لان تركي معروف انه يلعب ضد الشعراء
بعلوم قبائلهم السابقين وهي معروفه عند كثير من الناس ولاكن لا اود انزالها حتى لا تسبب حساسيه
بيني وبين الاعضاء

[هلالي مجازف]

تركــــي 2000
شاعر ممتـــــــــاز
واكثر شيء ساعـــــده هو صوتـــه
اما قضية انه الافضل فهذا صعب جدا

[طريب]

تركي 2000 من اسباب شعبيته هو صوته الممتاز اما بالمعاني وبالنقض والفتل فوالله انه من جنبها واكبر دليل محاورته الاخيره مع ابو فيصل (( حبيب العازمي ))اللي لقمه كم مطب على الطاير واللي كانت بدايتها ..( الا ياليل وين الشاعر اللي ضيع المليون :d: وتلعثم فيها تركي وضيع اللحن اكثر من مره :angel:

اللي اطلق عليه هاللقب ابن عمه المريخي اما شاعر الوطن المعروف بشهادة الجميع هو خلف بن هذال :kany:

بالنسبه للمحاورة بينه وبين حبيب ما اعتقد انه تضييع اللحن

يعتبر لمصلحة جبيب او ان تركي ضاع لا بالعكس دائما ما تحصل

وتركي اجاد وكانت محاورة رائعه ولا تنسى ان حبيب هجوم

وتركي اخذ موقف الدفاع وكلهم اجادوا وعادة المهاجم هو في نظر الجمهور

الاقوى لكن تركي صراحه جيد ورائع واشاد به مستور العصيمي



بس يبقى الافضل (((( ابن شايق )))) :nrey: <---- وش جايب ابو شنب :d:



شاعر الوطن خلف بن هذال

[CaSSaNoVa]

السلام عليكم ورحمة الله وبركاته
اخي ابو سعود
تركي شاعر محاوره ممتاز ونظم مبتدي بنسبه لقدام شعار لهم باع طويل
مثل خلف بن هذال العتيبي فهو شاعر نظم كبير في الخليج وشاعر الوطن وبتكر أوزان جديده في النظم هذا غير الطواريق اللي جابها للحجاز وشتهرة في المحاوره وشاعر محاوره له باع طويل ولا يستهان فيه ولاي ينكر هشي الا جاهل واشتهر وهو ابن السادسة عشر نظم ومحاوره وطرق جميع اوزان القصيد حتى مل وبتكر اوزان لم ابتكره غيره مثل ابن لعبوون هذا (واحد)

اما حبيب فهو من تلاميذ خلف ابن هذال وله باع طويل في الطواريق وبنسبه للطاروق الي لعبوا فيه في هذه المحاوره كان من الطواريق الجديد على تركي 2000 وهو طاروق ( شقر ) وهذا الطاروق ما يلعب فيه غير الشعار الكبار والي لهم باع طويل في المحاورهـ ..وهذا سبب من اسباب التي جعلت حبيب يتفوق على تركي غير انها كانت في ملعبت عتيبه وتركي يتحفظ اذا لعب في مثل هالملعبات تعرف الجماهير الايام هذي ما يردها احد وما تتحمل شي لذالك تركي حاول يتحفظ شوي ويجاري حبيب قدر المستطاع ... وهذي الملعبه كانت في ديرة ( حفر الكشب ) عند ديار العتبان .. وبعدين تركي وحبيب لم يلعبوا كثير مع بعض لاكن اذا العبوا مع بعضهم يحاول حبيب انه يجيب طوارق جديد على تركي ..

الشاعر تركي الميزاني من افضل شعـار الساحة حاليا وعلى جيـله ويعتبر خصم لا يستهان به من اكبر شعراء مازالو موجودين بساحة الشعرية او المحاور بشكل خاص وهذا اللي حنا نشوفة ووللعلم فقط شعراء كبار يطلبون من تركي محاوره باْي عرس او احتفال ليكون لهم وصله بينه وبين اهل الاحتفال ..

تركي الميزاني غني عن التعريف ومن قال عنه انه شاعر اللحان ومواويل فقط فا والله لم يعرف عن الشعر شيئااا ..

.. راح انزل قصيدة لتركي وشوف فيها المعنى ..

[KHASHRMI]

الله يعطيكــ العافيهــ ‘‘

وكنت اتمنالهــ المليون ‘‘ ايام شاعر المليون ‘‘ :d:

وبالتوفيق لتركي في حياة الشعرية ‘‘

[الـفـارس الازرق]

مشكوووووووور
ويستاهل ابو رهف
شاعر كبير ويكفيه فخرا
ان الامير سلمان اطلق عليه لقب
شاعر الوطن


مثل ما قال ابو سعود :) اللي سماه ولد عمه المريخي :rolleyes: ,,


شاعر الوطن ,,,,, لا يختلف عليه ثنين ولا يحتاج من الاصل اذكر اسمه ,,لأنه اسم مقرون بـــ كلمة (القصيد) :)


ومع ذلك يبقى الميزاني شاعر لابأس فيه ,,,ولكن في المحاوره هو ممتاز ,,غيرها ,,نقول لابأس فيه :kany:

[.هلالي أصلي.]

والنعم فيه لكن لاجينا للحق محد رفع تركي إلا قبيلة (عتيبة) من كثر مايحتك فيها

وأغلب محاوراته مع شعراء عتيبة يبدأ بسبهم والتهجم على (قبيلتهم) مب على شخصهم

ولاجينا لشعراء القلطة وأفضلهم المفروض مانبص حق الشعراء الكبار أمثال مستور العصيمي ورشيد الزلامي وحبيب العازمي وفيصل الرياحي ومن الشعراء الشباب سلطان الجلاوي اللي سرا بتركي بأحد المحاورات :angel: وفلاح المورقي والعديد من الشعراء

["wolf"]

هو اللي تلفع من العتبان :kany:

[بسام]

تركي شاعر شيلات ومحاورة اما نظم فضعيف فيه
اما شاعر القلطة الاول بلامنازع احمد الناصر

[Oo أبو محمد oO]

[QUOTE=خالد سعود][COLOR=Black]تركي 2000 من اسباب شعبيته هو صوته الممتاز اما بالمعاني وبالنقض والفتل فوالله انه من جنبها واكبر دليل محاورته الاخيره مع ابو فيصل (( حبيب العازمي ))اللي لقمه كم مطب على الطاير واللي كانت بدايتها ..( الا ياليل وين الشاعر اللي ضيع المليون :d: وتلعثم فيها تركي وضيع اللحن اكثر من مره :angel:


:d:

[abdulmajeed_1]

كما قيل [ تركي عفريت محاورة وصعلوك نظم ]

لكن للأمانه ، تركي أضاف له صوته الشيء الكثير ، ولكن لايعني ذلك
عدم تمكنه من إبداع الروائع الشعرية ..

يكفي :

ماني مجازيك في صدك وهجرانك ~ ودعتك الله وتلقى واحدن ثاني
.
.
.
.
ماجيت أدور عذر وآطق بيبانك ~ ولا اترجـاك مثل فلان وفلاني
أنت الذي جيت وأعلنت بلسانك ~ إنك على شوفتي جايع وعطشاني
صدقت هرجك ومنطوقك من لسانك ~ وأقبلت لك مندفع من كل وجداني


- يمكن فيه شطحه مدري - :d:

[هلا لي من جد]

تركي ألفين في النظم حليو إلى عادي ,
في المحاوره يعتمد سياسة الهجوم ومايلعب على المعنى كثير .
لكن المستقبل قدامه وراح يتطور أكثر ويكون قامه من قامات المحاوره ,

على طاري عتيبه , والله اللي شب فيه أبو جميل " رشيد الزلامي "

يا تركي ألفين نسمع عنك بعض الكلام - ومطير ما ودنا نشذب عراقيبها
إمّا ليا جيتنا .. وقّف: وقول السلام - ولاّ نكبناك نكبه ماانت داري بها

أبو جميل هذا ماأسمع فيه :)

قبل شهرين تواجه تركي مع حبيب العازمي, المحاوره روعه وتدور حول شاعرالمليون وأحداثه , أبو فيصل قال :

ألا يا الليل وين الشاعر اللي ضيّع المليون , دامه ضيّع المليون فالالفين مضمونه :d: :d:

هذي مشكلة تركي , يندفع مع الكبار ولاّ هو شاعر ويعجبني في المحاوره , والمستقبل أمامه والنعم فيه وربعه .


برايفت خالدسعود:
كنت ناوي أرسل وأسألك بعدما سحبت علي :d:
بس الحين كل شي صار واضح بالنسبه لي :d: :d:

[هلا لي من جد]

سرور السموحه نسيت أشكرك , موضوع متعوب عليه عز الله .
وعندي عتاب لتركي المطيري :
مشكلته يسمع كثير للشله اللي تطهبل له , وشاعر الوطن يعرفه القاصي قبل الداني وهو اللي حرك جيوش عام1990 !
تمنيت أقرأ لتركي تصريح يبين فيه انه يعرف من هو شاعر الوطن وان غيره أجدر به ! لكن ان شاء الله نقرأ بالمستقبل مثل هالتصريح :rolleyes:

[خالد سعود]

تركي ألفين في النظم حليو إلى عادي ,
في المحاوره يعتمد سياسة الهجوم ومايلعب على المعنى كثير .
لكن المستقبل قدامه وراح يتطور أكثر ويكون قامه من قامات المحاوره ,
تركي 2000 في النظم فاشل بدرجة امتياز
اما في المحاوره فساعده صوته المميزه وتلحين الموالات بلحن اغاني معروفه مع كم ذبه شبابية
وخله يلعب مع حبيب او مستور او رشيد والله ان يضيع في المعاني






على طاري عتيبه , والله اللي شب فيه أبو جميل " رشيد الزلامي "

يا تركي ألفين نسمع عنك بعض الكلام - ومطير ما ودنا نشذب عراقيبها
إمّا ليا جيتنا .. وقّف: وقول السلام - ولاّ نكبناك نكبه ماانت داري بها
أبو جميل هذا ماأسمع فيه :)

رشيد الزلامي شاعر كبير ويهابة الكثير من الشعار الشباب وبحه صوته بس تجيبلهم المغص :d:


اضغط هنا لمشاهدة محاورة رشيد الزلامي وتركي 2001 (http://www.youtube.com/watch?v=UbuRmN1Iq8o)

وفيه رباعية لعب فيها رشيد الزلامي وفهد العتيبي وخليف بن دواس المطيري وتركي 2000
احرقهم ابو جميل حررررق :angel: واذا بغيتها فديو تراها موجوده (himo)



قبل شهرين تواجه تركي مع حبيب العازمي, المحاوره روعه وتدور حول شاعرالمليون وأحداثه , أبو فيصل قال :

ألا يا الليل وين الشاعر اللي ضيّع المليون , دامه ضيّع المليون فالالفين مضمونه :d: :d:

عز الله انها تحصلها في ذيك الليله :d: :d:

وارتباك تركي كان واضح للجميع ولحبيب خاصه واللي دعاه لان يقول هذا الموال

يصيب الرجال امن المواقف طنا طنا
ورمح المطني في عدوه طنا طنا
وصوت الضعيف فالمزاحم طنا طنا
عسى الله يعزك يالديار السعودية

ومن ابياته ايضا :

انا معطيني الله و العرب من بعضهم يعطون ## وانا ماني بتكسي عند خلق الله يكدونه
يوصف حال تركي وبقية الشعراء بالتصفيات :d:

اقول ان اصدقانا يوم راحو كلهم يكفون ## احد جانا معه مشلح واحد جانا بكرتونه :d:
يوصف تركي وهو مستلم الجائزه اللي على شكل كرتون :d:


مجي للمجلس اللي يجمع الصاحي مع المجنون ## ولكن الصراحة والله انه فيه مزيونة :angel:
يقصد روضه :fghty:


وهذي هي المحاوره بالفديو
http://www.youtube.com/watch?v=PVJKRVROopw




برايفت خالدسعود:
كنت ناوي أرسل وأسألك بعدما سحبت علي :d:
بس الحين كل شي صار واضح بالنسبه لي
شيك على الخاص يا بعدي :)

[خالد سعود]

وعندي عتاب لتركي المطيري :
مشكلته يسمع كثير للشله اللي تطهبل له , وشاعر الوطن يعرفه القاصي قبل الداني وهو اللي حرك جيوش عام1990 !
تمنيت أقرأ لتركي تصريح يبين فيه انه يعرف من هو شاعر الوطن وان غيره أجدر به ! لكن ان شاء الله نقرأ بالمستقبل مثل هالتصريح :rolleyes:

من جدك انت تبي تركي 2000 يطلع ويقول مثل هالكلام :rolleyes:
طيب شف رده اللي نسب لنفسه لقب شاعر الوطن وقلل من خلف بن هذال

اضغط هنا لمشاهدة محاوره مستور العصيمي وتركي 2002 (http://www.youtube.com/watch?v=pNSs3YmBWd4)

واظنك تعلم باثارة رشيد الزلامي لهذا الموضوع الذي سبب صجه ولجه بحضور فيصل بن خالد وبحضور اغلب الشعراء

[فـتـى سـبـيـع]

تركي 2000

شاعر كبير.

[الـفـارس الازرق]

اقول


يا حبي لك يا خالد سعود :kany: :kany: