التــــاريـــــخ يقــــــــص شــــــعره كـــاريه

[هلالي الظهران]

عليكم السلام والرحمة والاكرام..مبارك عليكم شهر الصيام والقيام وأعادهم عليكم عاما بعد عام.. وأدام الله عليكم نعمة السلم والاسلام..

بعد التحية والسلام.. وعظيم الاشتياق ولقيا الصحب الكرام.. وتوفيرا للدندرة وكثر الكلام.. فأقول والله الهادي الى سواء السلام:


قبل كم يوم كنت أسولف مع واحد من الشباب.. يقول: وش زود الربع عنك ورا ماتجمع قصيصك ومقالاتك وتزود عليهم شوي وتجمعهم في كتاب والطباعه والنشر علي والربح بالنص :jhgy: ..

اعنبوا ابليسه مو بصاحي! وعلى باله بيفسحون الكتاب! اصلا لو انه وصلهم شرط ان نصه ينحذف قضايا أمن دوله ونصه الثاني قضايا اداب :d: ..

الشاهد ان الرجال متحمس بالحيل ويبي اسم للكتاب.. عاد اخترت "التاريخ يقص شعره كاريه" .. وش رايكم؟ كان ودي بدال "كاريه" يصير "فراوله" :fghty: :d:

وبما انه ماصدر من الكتاب الا عنوانه :jhgy: .. خلينا نعنون به هالخنبقه.. يا اخوان التاريخ يقص شعره كاريه طيب عرفنا.. بس متى؟! أكيد لما يكتبه أمثالي :d: ..

يا الربع هالخنبقه هي جزء اخر من http://www.alhilalclub.com/vb/showthread.php?t=115455 بس باختلاف بسيط.. بالاول كنت اكتب التاريخ على ذمة ابو رشيد وابو صالح واخوياهم لكن الحين رمضان كريم وبحطها بذمتي .. بالمناسبه فقرات الموضوع منفصله وان كان بينها رابط زمني ..وبحاول انزلها على قدر المستطاع وبأسرع وقت :( ..

بالمناسبه.. ماذكر اعلاه هو مايسمى بالمقدمه << يسمع بها :d: ..

[هلالي الظهران]

مالك الا خشمك لو هو أعوج

يُحكى بأنه تم تدشين هالمثل في أحد هالايام الوطنيه اللي تمر بالمملكه ذخرها الله للاسلام والمسلمين..

ياالربع احيانا يجيني احساس مدري وشو.. احس ان ودي أهاجر لبلد ثاني.. ومايردني الا حبي لاهلي وجراك باعشن :d: << الله من زود الولاء للوطن :jhgy:

بتقولون وش جاه ذا مايحب ديرته؟!

لا يااخوان لاتفهموني غلط.. والله ذا الديره على الراس من فوق.. وحبها بالقلب سادي.. مهوب علشان اني شربت من مائها ودعست على ترابها واستنشقت هوائها واستمتعت بزقزقة عصافيرها .. لا والله الكذب خيبه هذي المويه عندنا نصها حالي ونصها مالح (rambo) .. وترابها ماشفنا منه الا الشهبان اللهبان.. وشمشمة هوائها ماجانا منه الا الغبار والكتمه :( .. وماهنا زود زقزقة عصافير مافيه الا غربان تناعق :d: ..

ايه اقول حبها بالقلب سادي لان هالديره تعبد ربك فيها وانت مرتاح حتى لو بعدت تلقى من يساعدك ويناصحك ويحرص عليك.. حبها بالقلب سادي لان هالديره تروح وتجي فيها وانت امن على نفسك واهلك ومالك.. حبها بالقلب سادي لانها تعطي وتعطي وتعطي بس تحتاج من يعطيها.. هالديره تعطيك فرص ماتحلم فيها لو كنت بمكان ثاني.. بهالديره بامكانك تصير دكتور وبامكانك تصير سيكيورتي!! كلن وهمته ورغبته.. واللي يبي يعرف قيمتها يروح يسال أي اجنبي فيها من اكبر راس لاصغر راس..

يشهد الله ان هالديره على الراس من فوق واساسا مدري وشلون متحمله خيستنا! وحنا كل ماطق عود بحصاة حطيناه فيها.. أجل هذاك اليوم طالعين البر وواحد من العيال يبي يغسل يده ومالقى صابون قال المفروض يوفرون حمامات بالبر :jhgy: :d: ..

وكل كلمه والثانيه المفروض يوفرون ويسوون ويعملون.. طيب وبعدين؟
وأنا وانت وحنا ياهالشعب وش سوينا غير اننا نملى الدنيا صراخ؟
وايش شفنا غير الحكي والدندره على قل سنع؟!

مشكلتنا نبي كل شي يوصل حدنا بدون مانقدم مقابل.. ياليت انها توقف على كذا الا انك بعد ماتسلم من الشر!

يا الربع خلونا نفترض انك رجال تبي تقضي مشاويرك بالعصريه.. من تركب السياره وانت على أعصابك.. قسم بالله كانك في رالي من المصاقط والمحاد والهواش.. لدرجة ان الواحد يختم "درايفر" حق البلايستيشن في وقتها من كثر ماهو متعود على المصاقط!! :d:

طيب قضيت مشاويرك واذن المغرب ورحت للمسجد تبي تصلي.. والله يكرمكم تبي تدخل دورة المياه.. قسم بالله ماتقدر تكمل دقيقه من الخيسه اللي فيه.. يعني وين المشكله اذا دخل الواحد الدوره وتركها نظيفه مثل ماكانت! عندكم واحد اذا أزمت معه سيده على البيت بس احيانا الله يجيركم الزنقة تمون شديده وتضطر تدخل هالاماكن :d: .. طيب الواحد كتم نفسه وتحمل هالخياس شلون ماتشمئز نفسهمن هالكتابات اللي على الجدران والابواب.. قسم بالله وقاحه لابعد الحدود.. وعجزوا فيهم المسئولين.. ان ضربوا الجدران بويه كتبوا عليها بالاقلام.. وان خلوها سيراميك استخدموا اقلام الفلومستر.. واخر شي احد هالمساجد ضرب جدران دوراته بويه سوداء علشان ماعاد يكتبون ومع كذا مانفع معهم جابوا الطامس وكتبوا فيه.. اعنبوا ابليسهم مدري وش يحسون فيه وهم يكتبون :confused: .. وفوق هذا وهذا المصيبه اذا لقيت الباب من دون قفل وهذا الغالب..(اعنبوا الحاله مزنوق ومكان حوسه وضيق وفوق هذا احتمال يدخل عليك احد باي لحظه :d: ).. تلقى حارس المسجد شغلته ماغير تنظيف بهالدورات وتركيب في هالقفول .. ما اقول الا الله يلعن ابو الزنقات اللي تسوي فيك كذا..

طيب قضيت من الدوره ودخلت المسجد وصليت وجيت طالع ونفسيتك مرتاحه.. مايمديك تطلع الا وشيبان ماتعرفهم يبحلقون فيك.. تمر من جنبهم وتسلم.. يعطونك أشكل ويستمرون في البحلقه فيك.. تمشي وتخليهم لكن يناديك واحد منهم: ياولد .. تقوله سم ياخال.. يقول:انت ولد فلان بن فلان بن فلان .. تقوله لأ.. يقول: الا نفس الخشه! تاخذه على قد عقله وتقوله طيب انا ولده.. ينقز شايب ثاني ويقول: لاتكذب فلان مايجيب عيال!!

اعنبوا ابليسك طيب علم خويك والا مستانسين وانتم تطقطقون على راسي :( :jhgy: ..

طيب شياب ونتحملهم.. يدقون عليك اخوياك وتواعدهم في الملعب بتحضرون المباراه.. من تدخل المدرجات يضيق صدرك وتستغرب ان هالعينات باقي عايشه!
شباب جايين يشكشكوا وخذ رقص ومسخره.. وشباب مايبقون لعن وسب الا وقالوه.. قسم بالله بعد كل مباراه تخرج بقاموس جديد!! طيب اعتبر نفسك تجاهلتهم وركزت في المباراه ماتدري الا وقارورة مويه مجاوبه مع قفاك :( ..

تقفل معك وتطلع من الملعب.. تدق عليك أمك تقول ابي السوق.. تروح السوق انت وامك.. تغفل عنها شوي وتلقى بزر ماكمل 16 سنه قاعد يغازل امك!! تقوله: عيب يابابا اللي تسويه.. يقولك: العب غيرها انا حاجز البنت قبلك!! :yuupy: :d:

تسطره وتمسح فيه البلاط وتطلع من السوق.. وانت رايح البيت تمر البقاله تلقى البزران مهبلين بذا البنغالي .. اللي يسرقه واللي يهاوشه.. وان طردهم ومالقوا شي يسوونه تهاوشوا مع بعضهم!!

تقفل معك ايضا وتطلع من البقاله.. وانت رايح للبيت تلقى واحد متلطم ومعه بخاخ ويكتب على احد هالجدران.. تبي تلحقه مهوب علشان تسطره لا .. بس لاجل تساله هاللي كتبه وش معناته؟! اجل عمركم شفتوا احد يكتب: " لا لتكميم الافواه.. نعم للديموقراطيه.. لا للحريه"!! :d:

اعنبوا ابليسه سامع كلمتين وجاي يكتبهم وليته يكتبها صح :jhgy: ..

توصل البيت والاخلاق صفر من هالهمج.. ماتصدق على الله تغير وتريح شوي.. ومايمديك تحط رابع لقمه بحلقك الا وتسمع صوت تفحيط وقربعه بالشارع.. تنزل تشوف السالفه تلقى سيارتك مصقوع واللي صاقعها منحاش.. تقفل معك وتقول هين والله لافضحهم واشرشحهم بالمنتدى..

لاحظوا ياجماعه هالبلاوي كلها بمشوار كم ساعه.. اجل لو تكلمت عن معاناة 24 سنه كان احتجت أاجر الساحه لمدة شهر عشان اكتبها :d: .. وبعد هذا كله ماتبوني أهاجر..


لكن يااخوان والله اللي في سماه ان الواحد مايتحمل يفارق هالديره الا وهو مشتاق لاهلها وبثارتهم وللناس وسواقتهم وللهمج وطفاقتهم.. ومثل ما قال راعي الموضوع: مالك الا خشمك لو هو أعوج (himo) ..

وقولوا آمين معي.. الله لايعيد هاليوم الوطني ابد ابد الا وربعنا افضل الناس واحرصهم(طراه بن هذال :fghty: ).. وان شاء الله نصير مضرب المثل بين العربان .. الى متى واليابانيين والامريكان احسن منا .. اللهم فرقهم شذر مذر واجعل مالهم الى سقر (اركد لاتحمس لاتجيب العيد :d: )

=.=.=.=.=.=.=.=.=.=.=

يا الربع انتظرونا غدا او بعد غد او بعد بعد غد وان ماجيت اعرفوا اني سحبت على ابو مندوبكم :d: .. انتظرونا بالحلقه القادمه في "التاريخ يقص شعره كاريه" ..

والله الود ودي اسدحها مرتن وااحده بس اللياقه ماش والوقت لكم عليه.. السموحه منكم والوعد بالحلقه القادمه بعنوان " تيتي تيتي زي مارحتي جيتي" :cool:


أخوكم/ ابو سباستيان سابقا- ابو الدرداء حاليا <<لزوم رمضان :d:
بالتوفيق..

[Dr. 2'S]

ماهو عوداً حميداً :angel: لأن كل ماحمدنـا لك غطست ومارجعـت _ أمزح _ :angel: :jhgy:

العنوان تُحفــــــــــــــــه :angel: :angel: :angel: :angel: :angel: :angel: :angel: :angel: :angel: :angel: :angel: :angel: :angel: :angel: :angel: :angel:
/
مشكلتنا نبي كل شي يوصل حدنا بدون مانقدم مقابل..
نُقطة ذكية :yes:


/
وواحد من العيال يبي يغسل يده ومالقى صابون قال المفروض يوفرون حمامات بالبر ..
:angel: رهيب هذا ..

/
يعني وين المشكله اذا دخل الواحد الدوره وتركها نظيفه مثل ماكانت!
نفس الحكاية بمدارسنـا :angel: وربي ساعات أقول مدري وشلون بيكونن أسرة هالطملات :angel: :angel:
/


الله لايعيد هاليوم الوطني ابد ابد الا وربعنا افضل الناس واحرصهم
يــــــــآآآآرب ..
و الله أمنية لي أني أنام وأصحـى ع شعب وااعي ..
بعد ضم للأماني أمنيـة /
أني أجي للمدرسة وناس تستقبلني وجيههـا تفتح النفس مبتسمة ماهو مكشرة لاوكله كوم وأن سلمـت باليالله بنت الصف تسلم كني ضاربتها مو مسلمه عليها :angel: <== ماادري وش دخل هالأمنية بالأفضلية:angel: :angel: :angel: .. بس يلا دبرونا يمكن تجي..


حيـاك الله :) ..
وبأنتظار الحلقة القادمة :yes:

[KHASHRMI]

الله يعطيكــ العافيهــ أخوي هلالي الظهران ‘‘

يا الربع خلونا نفترض انك رجال تبي تقضي مشاويرك بالعصريه.. من تركب السياره وانت على أعصابك.. قسم بالله كانك في رالي من المصاقط والمحاد والهواش.. لدرجة ان الواحد يختم "درايفر" حق البلايستيشن في وقتها من كثر ماهو متعود على المصاقط!!

:d: :d: درايفر يا حبي لهــ :love:

وفوق هذا وهذا المصيبه اذا لقيت الباب من دون قفل

:angel: :angel: يا كثر الحالات ذي بمساجدنا :angel: :angel:

ماتدري الا وقارورة مويه مجاوبه مع قفاك ..
لا تعليق ‘‘ يا كثر علب المويهــ ابو نصف تباع بريال ‘‘ :d: :d:

تسطره وتمسح فيه البلاط وتطلع من السوق.. وانت رايح البيت تمر البقاله تلقى البزران مهبلين بذا البنغالي .. اللي يسرقه واللي يهاوشه.. وان طردهم ومالقوا شي يسوونه تهاوشوا مع بعضهم!!

لا تذكرنا بأيام زمان ‘‘ :d:


تحياتي ‘‘ تمزق بطنة من الضحكــ ‘‘ :d:

ويسلموو ‘‘ :noo:

[abdulmajeed_1]

هههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه

وعليكم السلام والرحمه يابو غالب اللي باب الحارة !!
هذا :
http://www.maktoobblog.com/user_files/babalhara/images/979image.jpeg

ياخي قسم بالله من زمااااااااااااان وانا قايل في نفسي إنه أنت ، نفس الشطحات سبحان الله
بس الفرق هو يقفل الدكاكين وانت يقفلون فيك الدكاكين ياقفل هههههههههههههههههههههه

:d: :d: :d:
عموري حبيبي .. لاعاد تجي حارتنا ولا قسم بالله لا أطربق هالبليله فوق راسك :d:
بعدين تعال وراك ما تصحي ابو عصام وعياله للسحور .. أوريك أنت وابو النار حقك هذاك هههههه :d:

لك راجع يا أحلى مسحراتي بالشام ، راجع وانا عقيد الأبضايات راجع (himo)
:d:

[بيروتي الهلال]

يعطيك العافية يا غالي على هالموضوع .

تقبل تحيتي :)

[برستيج]

اقول يا لشين


الله العالم .. الله العالم

انك كاتب هالتحفه و انت في مشغل يا راعي الكاريه .. :d:



طيب قضيت من الدوره ودخلت المسجد وصليت وجيت طالع ونفسيتك مرتاحه.. مايمديك تطلع الا وشيبان ماتعرفهم يبحلقون فيك.. تمر من جنبهم وتسلم.. يعطونك أشكل ويستمرون في البحلقه فيك.. تمشي وتخليهم لكن يناديك واحد منهم: ياولد .. تقوله سم ياخال.. يقول:انت ولد فلان بن فلان بن فلان .. تقوله لأ.. يقول: الا نفس الخشه! تاخذه على قد عقله وتقوله طيب انا ولده.. ينقز شايب ثاني ويقول: لاتكذب فلان مايجيب عيال!!

عندك شيبان يحبهم قلبك .. :d: :d: :d:





لاحظوا ياجماعه هالبلاوي كلها بمشوار كم ساعه.. اجل لو تكلمت عن معاناة 24 سنه كان احتجت أاجر الساحه لمدة شهر عشان اكتبها .. وبعد هذا كله ماتبوني أهاجر..

ترى فيه ملحق في السطح فاضي .. اذا انت محتاج له فالحق عمرك

فيه سباك مصري مكلمنا عليه .. :d:




وتسلم يا ابو الدرداء ( حالياً ) .. ابو سباستيان ( سابقاً )

عفشك وفوق يا حلو .. (himo)

[شموخ]

تسلم يمينك على هالموضوع .....


والحمد لله على هالنعمة التي نعيشها في هذا البلد .....لكن مشكلة كثير من الشعب انه لم يتربى على أن مقدرات البلد هي ملك له ولأبنائة وأنه يجب أن يحافظ عليه ولذلك تجد هذا التسيب ....


أما الإزعاج من البزران والمفحطين فحدث ولا حرج ....

فأنا مثلا أكره أيام الإمتحانات لأن الطلاب اللي في حاراتنا من يخلصون من الإختبار أنواع الإزعاج عند البيت ما يخلون أحد يرتاح والغريبه أنهم يقعدون على هالحال إلى بعد الظهر والأغرب أن أهلهم ما يفقدونهم ... :req: :jhgy:

هذا غير مسلسل سقوط كورتهم بحوش البيت وإزعاجهم عشان نعطيهم الكوره ولا يهمهم يرون الجرس بأي وقت ...والمشكله أنهم يقعدون على باب بيتنا وسولفون ويضحكون بصوت عالي لدراجة تحس أنهم عندك بالغرفه :cry: وبعض الأحيان تجي في بالي أني أفتح المويه عليهم وإذا قفلت معي أحط أسيد :angel:غير إزعاج الألعاب الناريه من واحد رمضان لدرجة تحس أنه عيد مو رمضان :zael:

نكته على الطاير ..بجنب بيتنا دار لتحفيظ القرآن تكرمت إحدى الإميرات وتبرعت لهم بحافلات جديده وبعد فترى قاموا ( أبضايات الحاره :d: ) وحطوا مويه بخزانات البانزين للحافلات :lkj: ..


عموما أتمنى أن نقدر الوطن الذي نعيش فيه ونربي النشئ على أن اللي يجي بالساهل يروح بالساهل ...



أهديك هذه القصص الواقعيه حتى تضيفها إلى كتابك في طبعته القادمه :angel:

يعطيك العافيه :noo:

[الهلالي أبو فراس]

عودا حميدا أبا الدرداء :d:

وبانتظار الحلقة الثانيه :angel:

أجل يالله مع السلامه :d:

[abdulmajeed_1]

ورجعنا ،


بعد التحية والسلام.. وعظيم الاشتياق ولقيا الصحب الكرام.. وتوفيرا للدندرة وكثر الكلام.. فأقول والله الهادي الى سواء السلام:
قبل كم يوم كنت أسولف مع واحد من الشباب.. يقول: وش زود الربع عنك ورا ماتجمع قصيصك ومقالاتك وتزود عليهم شوي وتجمعهم في كتاب والطباعه والنشر علي والربح بالنص ..

لالا تسويها يالخبل ، والله ان تروح فيها يابو حنضله :d:
أركد بس ، أنت ناسي إن أحد رواياتك نافست رواية بنات الرياض في الخوض بالمغريات
والمنحنيات :d: ، ناسي سالفتك مع بيطرية المستشفى الألماني :d: ايه اركد بس



..(اعنبوا الحاله مزنوق ومكان حوسه وضيق وفوق هذا احتمال يدخل عليك احد باي لحظه )..

يبو بليله :angel: ،
ذكرتني مره وكنا في زنقه من الزنقات ، قعدت أقرا وش مكتوب ، قسم بالله لقيت واحد كاتب آيه
بالحمام :( ، بس جاي واحد زكرت ومطفي النور عقبه وراد عليه ، يقوله [ أستغفر الله ، حرام عليك ياخي ] :d: :d: :d: :d:


مالك الا خشمك لو هو أعوج

عز الله إنك جبتها بسلة البليلا :d:
المهم ، تراك إن عتبت حارتي عقب هالمره لاتلوم إلا نفسك ، وقد أعزر من أنزر ،
و على راسي مية ورده يازكرت !

يالله :cool:

[هلالي الظهران]

ليتنا من حجنا سالمين + يامن شراله من حلاله عله!!

في يوم من ايام شهرنا الفضيل (<<ياخي قل قبل عشرة ايام ولايكثر :jhgy: ).. قرر محاكيكم المصون ان يستغل عطلة الويك اند مع اجازة اليوم الوطني بقضاء ثلة من الايام مع أسرته الفاضله بمدينة جده ليرعى في كنفهم ويتمتع بما لذ وطاب من الشراب والطعام (<< مهو بعاقل ابو الدرداء ال سعود :jhgy: ).. مضت الايام تباعا على خير مايرام.. حتى أتى ذلك اليوم الذي أيقضتني فيه الماما-اطال الله بقائها- لتخبرني بأن استقبل الضيف الذي لفانا..

لا أخفيكم انه صدرت من لدني بعض الحلطمة والحشرجة تعبيرا عن عدم الرضا.. فمن هذا الضيف البجيح الذي يزورنا الساعة احدعش ونصف صباحا في نهار رمضان؟! :jhgy:

استقبلت الضيف الذي لا اعرفه.. وقد كان شابا في مقتبل العمر.. ابا ثمانية عشر ربيعا ونيف.. وقد كان مرتدي لباس الاحرام وبيده شنطه صغيره!!

بادرته بالحديث: يبو الظاهر انك مضيع.. الميقات مهوب هنا الله يصلحك :d: ..
فتبسم وقال: هذا بيت فلان بن فلان ..

فأقلطته وتقابلت خشتي بخشته حيث لا قهوة ولا قدوعا ولا عصيرا..

طبعا نسيت أعرفكم بالضيف.. ياجماعه طلع هذا يصير ابن ولد عمة اخو جدتي ومن الرضاعه بعد.. الشاهد انه يصير لنا وهو جاي من الديره مدرعم بقراطيسه :d: .. ومادري منهو داله على البيت.. بس بيني وبينكم والله ان هالقراوى نشبات الله يجيركم ساعتين يحاول يقنعني انه يصير ولد عمي وانا احجر له :d: .. ولا تسالون شلون تفاهمنا.. واحد عبيط اللي هو انا.. وواحد نشبه بثر حقنه دعله :d: .. سمونه اللي تبون :cry: .. وبعد لا تسالون وراك كنت تتكلم فصيح وقلبت عامي لاني كنت احس اني في مسلسل تاريخي وانا اسولف عن علوم الرياجيل بس اكتشفت اني جالس بجلس الكتروني حيث لا قهوة ولا قدوعا ولاعصيرا..(<< فاهم علوم الرياجيل غلط :d: )..

الشاهد.. رحبت بالرجال وجلست معه ناقر ونقير.. وماشاء الله مسرع ماذب الميانه مع انه الضيف! وفي هذه الاثناء رن جوالي والمتصل بابا -اطال الله عمره- رفعت سماعة الهاتف (اجل سماعة الطبيب :jhgy: ).. ووجهني بأن أعتمر واخذ معي ضيفنا الكريم وبعدين اطلعه المطار.. بيني وبينكم بغيت اجحد الرجال بس ماودي اخالف البابا(<<غصب يحسسكم انه دلوع :d: ) واكسر كلمته حيث انه مسافر وبعدين تصير تقصير بحق الضيف وننفضح بالديره :ignor: ..

استمرينا بالمناقره انا والضيف الكريم.. وبيني وبينكم (الله ياخذ ام بي سي ومسلسلاتها اعدمونا) الرجال على نياته لابعد الحدود وفوق هذا نشبه وحقنه.. اجل جيت ابمزح معه وقلت ماني بموديك.. ما امداني اكمل كلامي الا والرجال واقف على راسي.. عمر يله نروح ناخذ عمره.. يله قم بنعتمر.. قم افلح.. وقبل لا ارد عليه يقول: ولاتدري قم وقف تاكسي يوديني.. يله ابي اعتمر.. وشوي قام بيقضب الباب بس اشوى تلاحقت عليه :d: ..

الشاهد.. افطرت انا والرجال واحرمت وسيده على طريق مكه.. طبعا ما أخفيكم انه ابثرني في السياره مابقى شي ما سأل عنه وانا أزلب حينا واصرف حينا اخر.. المهم وصلنا التفتيش اللي عنده يفرقون المعتمرين عن غير المعتمرين.. سألني خويي كالعاده وش يبون؟

وكعادتي ايضا صرفته بأن المسلمين من هنا وغير المسلمين من هناك (himo) ..

قال: طيب شلون بيمشونا وحنا ماعندنا جوازات؟! :jhgy:

قلت: لا الحين خلوه مثل دبي بس بالبطاقه :d: ..

والله ياني بلشت فيه.. الحمدلله وصلنا للحرم على اذان العشاء.. قلتله: نبي نصلي العشاء ثم ناخذ عمرتنا.. قال: طيب بس انا ناوي اصلي وراء السديس! قلت: صاحي انت انواع الزحمه! قال: لاودي اكسب الاجر وودي اطلع بالتلفزيون :d: ..

الله من زين النيه عسى بس ماتسقط على الصالحين في الصراط المستقيم انت ونيتك :d: :d: ..


الشاهد اني اتفقت معه كل واحد ياخذ عمرته بلحاله.. واللي ينتهي قبل يكلم الثاني بالجوال..

ماصدقت على الله افتك من ذا الحقنه.. صليت العشاء وابتديت معركه ثانيه وانا رايح للصحن ابطوف..

يالربع اقسم بالله ماصارت عمره.. مااذكر اني دعيت ابد! كل ماحاولت اخشع واخش جو (<<وش ذا الخطمه ياالمارج :d: ).. كل ماحاولت اركز بالدعاء تجيني ضربه من هنا ولا رفسه من هناك.. استغفر الله العظيم ماصارت فيه روحانيه ابد.. الواحد يفكر بس يخلص ذا السبع أشواط بالاضافه انه يتفادى ينلسع بذا الاحرامات :d: .. والله ياوجهي تمخش من هاللي يعدلون احراماتهم ومايرحمون اللي وراهم.. واشين شي لاجوك هالقروبات مع بعضهم وماسكين بيد بعض واللي مايوخر يندعس وهو يضحك (himo) ..

استغفر الله العظيم ماتحس بالروحانيه ابد.. تخيلوا زحمه ومدافش وترفيس ودعس وتلفيع احرامات وفوق هذا نسيت تحط فازلين :d: ..

المهم.. قضيت من الطواف ونصيت المسعى اللي بالدور الثاني والحمدلله كان سعه شوي.. قلت بس ياولد فرصه عوض عن الادعيه اللي فاتتك بالطواف هنا.. ما امداني اقول بسم الله الا اشم ريحة العطر اللي تشق الخشم شق من بنتين لدرجة ان خشمي نمّل من قوة الريحه :d: .. وبعد عدة محاولات غضيت البصر ودزيت شوي وبعدت عنهم..

ما امداني اركز الا وبنتين ثانيات كنت على وشك اعيد عليهم احسبهم نازلين صلاة العيد من ملابسهم :d: .. لاحول ولاقوة الا بالله تحسون انهم رايحين يصورون فيديو كليب مهوب رايحين يعتمرون على ذا اللبس والماكياج :d: :d: .. مره ثانيه دزيت وحاولت اكمل..

والله وتروح الشوطين الاوله مابين غض البصر والاستغفار :d: .. اما الاشواط الباقيه لاعاد تسألون.. لان الواحد ماعاد الا يدحدر بس يبي يخلص الباقي ومايوعى الا والعالم تراكض لاجات اللمبه الخضراء :d: ..اللهم لك الحمد قضينا من السبع اشواط بس الحين لازم تكمل الثامن علشان ترجع.. طبعا الحاله سيئه تعب بدني وتعب نفسي وفوق هذا تخيل انك ناسي تحط فازلين.. تحس ان رجل بالصفا ورجل بالمروه :d: :d: ..

المهم.. انتهيت من عمرتي وكان الوقت على اخر التراويح.. قلت ياولد شفلك مكان وصل ركعتين واكسب الاجر.. عاد ماشاء الله الحرم ممتلي على اخره وانا ادور على مكان وكل شوي ادحدر على برا ماحسيت نفسي الا والعماير تحاصرني من كل جانب!! الله يضيق عليهم يومهم يضيقون على المسلمين.. التوسعه وكل مالها تضيق! وين المسلمين بيصلون؟

على طاري هالابراج والله يافيها غلاء غير غير طبيعي.. تدرون ان برج زمزم هالجديد قيمة اجار غرفة واحده حق ليله بـ3500 ريال!! والعشر الاواخر فيها باكيج كامل بـ 100,000 ريال!! اجل شلون لو غرفتين او جناح!!


الشاهد.. لحقت على تسليمه والوتر ولله الحمد.. عاد الحين ابتدت رحلة العوده وانا ادور على ذا المطفوق.. وشبكة الجوال عيت تمسك معي مع الزحمه.. وانا ادور عليه رن الجوال ولله الحمد..رفعت سماعة الهاتف (أجل سماعة الطبيب :jhgy: << تراك اقلقتنا بذا الطبيب) ويطلع خويي.. دلني على مكانه بالتوسعه.. دورته ولقيته متربع باحرامه ويراسل وحده بلوتوث!!

قلتله: اعنبوا ابليسك جالس ادورك وانت ترقم! وباحرامك وداخل الحرم بعد!!
قال: ياخي لا تهاوش.. يلعن ابو البنت اللي تفرق بين حجاج بيت الله :slv: :d: ..

اعنبوا ابليسه فاهم الدنيا غلط.. تليته وسيده على التاكسي ومنه على السياره.. وحنا راجعين لجده انواع الخمول بالسياره.. قطع هالخمول صوت جوالي وهو يرن بس الرقم غريب.. رفعت سماعة الهاتف :rolleyes: (<< ترا ان قلت سماعة الطبيب لعنا الطيب في اصلك :d: ) .. وطلعت بنيه!

تقول: هزا جوال المغرور الحزين!!
قلت: خير عسى ماشر؟! مغرور ايه بس حزين لأ..
قالت: بلا استهبال ياواد.. انا أميرة موناكو ..

تلاقطنا شوي وقفلت الخط.. الا وذا الهيس الاربد اللي بجنبي بيموت من الضحك! قلت: عسى ماشر؟ قال: شفت شلون ماعاشت البنت اللي تفرق بين الاشناب! رقمتها برقمك!!

اعنبوا ابليسه مهوب صاحي.. يحسب انه سوى خير :fghty: .. ناقص قرقه انا بعد!

الشاهد.. اني خذيت هالدعله للبيت.. تروشنا وغيرنا وسيده على المطار.. قبل لأ انزله سالته: عسى ماقصرنا بحقك وان شاء الله عمرتك زينه؟ قال: مامنكم قصور بس والله ياذا العمر مهيب محسوبه.. كلها هواش وملاعن مع العالم ولا بنات ضايعات.. حتى المكان مابه مكان! قلت: اول مره تقول شي مفيد.. ما اقول الا ليتنا من حجنا سالمين .. قال: فمان الله ولاتنسانا من أميرة موناكو وقفل الباب :d: .. والله يامن شراله من حلاله عله .. حدك أميرة ضبا وتخب بعد :d: ..


=.=.=.=.=.=.=.=.=.=.=

يالربع اعتذر عن التاخير الخارج عن الاراده .. وايضا اعتذر عن الخلل الفني فاليوم سبقنا هالمثلين بطريقة 2×1 .. بالعربي حق اليوم وبكره .. انتظرونا بالحلقه القادمه في " تيتي تيتي زي مارحتي جيتي"

أخوكم/ ابو الدرداء

[هلالي الظهران]

ابتسحر واقضي مشوار وان شاء الله ابرجع للردود..

سلااااااااام

[KHASHRMI]

الله يعطيكــ العافيهــ (( عموري )) :fghty:

وتقبلــ الله ‘‘ بس توصل عندنا جدة وما تعطينا خبر ‘‘ :(

وننتظر القادمــ ‘‘ :yes:

[محمد الدوسري]

الله يعطيكــ العافيهــ أخوي هلالي الظهران ‘‘

نـنـتظر


تحس ان رجل بالصفا ورجل بالمروه ..

أحــس بــمعاناتك :d:

أجـل نــشحم قبــل مانعتمر :angel: :angel:



تيتي تيتي زي مارحتي جيتي"

[Dr. 2'S]

طلع هذا يصير ابن ولد عمة اخو جدتي ومن الرضاعه بعد..
ياخال أبوي حك ظهري :angel: :angel:
لا قهوة ولا قدوعا ولاعصيرا..(<< فاهم علوم الرياجيل غلط )..
:d:
وكعادتي ايضا صرفته بأن المسلمين من هنا وغير المسلمين من هناك ..
:d: :d: :d: عليك تصريييف :angel: :angel:
تقول: هزا جوال المغرور الحزين!!
قلت: خير عسى ماشر؟! مغرور ايه بس حزين لأ..
هههههههههههههههههههههههههههااي و الله أنك رهيب :angel: :angel:
استغفر الله العظيم ماتحس بالروحانيه ابد.. ..
ماسكه معك هالروحانيـة .. مثل ماهالأنجل ماسكن معي :angel: <== فاهمه التمسك غلط :angel:

مُبدع قليييييله :yes: .. أسلوب رهيب ;)
بأنتظارك دوماً ..
:angel: :angel:

[Dr. 2'S]

:angel:

[سآم9]

قلت: لا الحين خلوه مثل دبي بس بالبطاقه ..

قال: لاودي اكسب الاجر وودي اطلع بالتلفزيون ..

قلتله: اعنبوا ابليسك جالس ادورك وانت ترقم! وباحرامك وداخل الحرم بعد!!
قال: ياخي لا تهاوش.. يلعن ابو البنت اللي تفرق بين حجاج بيت الله ..

ههههههههههههههههههههههههههههههه
ههههههههههههههههههه
هههههههههههههههههههههههههههههههههههههههههههههههه
:d: :d:
اما خويك قسم بالله فله ياخي انا انبسط على سوالف البثارين :d: :d:
بس ادعي ربي اني ما اطيح فيهم ابدا ً :d:

يعطيك العافيه يا هلالي ما شاء الله مبدع
وبانتظار تيتي مثل ما رحتي جيتي :yes:

[abdulmajeed_1]

بما إن ردي السابق لايمكن تحريره لو أضغط زر الاقتباس ست ألاف مره ، راح
أوضح لك الصوره حبيبي عموري .. وأقصد الآيه اللي كانت مكتوبه بدورة المياه !

السالفه ومافيها إن فيه واحد جاي ومسوي فيها حبوب وعلى نياته وكاتب :
[ياشباب لاتكتبون بالحمامات ، عيب]
وجا واحد مدرعم معطبها وكتب :
[أتأمرون الناس بالبر وتنسون أنفسكم] :(
ثم جا واحد معطبها من قلب وكتب تحته :
[أستغفر الله ، حرام عليك ياخي ] :d: :d: :d:

وبيني وبينك مستعد أحلف إن اللي كتب الآيه مايدري هي آيه ولاحكمه ولا مثل
بعدين تعال ، اعنبوا المواضيع اللي تعرفها ياشيخ ، مادي ليش أحس إنك فاهم
فكرةالمواضيع خطأ ، يامنسم ماعمري شفت موضوع معوق زي كذا ، ياخي ردك
نعتبره استرسال وإضافات ولا هرطقه ولا وسوسه ولاش بالضبط تكفى علمنا !

ايه اصبر بعد ، وش اللي راجع بعد السحور ؟ :confused:
وش ذا السحور اللي تآكل فيه ثلاث ايام بلياليهن ، ياخي أشك إن تتبع مذهب
معمر القذافي بالصيام والقيام ، ثلاث ايام تصوم وثلاث بريك للسحور :d:

ياخي لاترد ، ولاترجع
مانبيلك رد بس يرحم والديك لاتعاد تستخف فينا ثاني مره يابو حنضله ؟
مستعد أحلف إنك تبي تغوص كالعاده ولانتب راجع إلا مع العيد وبموضوع
يلحس المخ مثل هذا ، واذا شفت ردودنا فيه بتقول راجع بعدما آخذ عيديتي
ولا نشوفك إلا بعد الحج !

ولابالله تكفى تعلمنا وشو مشوارك ؟
مراجعه بالسعودي الألماني ولا رايح مع خويك عبدالرحمن لسوق الراشد تشرون جزمات؟ :d:

بعدين تراك موذينا ، أعتمرت واعتمرت
بالله ؟ احلف ؟ تكفى ؟ لاوالله ؟ بالله عليك تعرف تعتمر زينا ؟ تلبس تنوره بيضا يعني ؟ :d:
،آوععععععععععع تسني بك شايل الرداء هذا اخو الازار عن صدرك ، والشعر مغطي
كل ذيك المنطقه واللي يشوفك من بعيد يفكرك من الكاميرون من كثر السواد

تعبت معك .. والله تعبت






















< يالبااااااااااااااااااا :d: :d: :d: :d: :d: :d:


زي ماقلت لك لاترجع ، ولااشوف وجهك بالخاص ، تراك مأذيني هاليومين
وكثرانه رسايلك ، وش تبي ياخي ؟ عندك شي قله هنا ، عندك تعقيب اسدحه
هنا قدام كل الأعضاء ، تبي تمدحني امدحني هنا ، وش فيك خايف ؟
إف .. طفشتني مره .. يالله مناك





:d:

[ابوعابدالهلالي]

خطمت بالغلط وليتني ما خطمت :d:

يا رب خويك ذا يقرأ الموضوع ويقرر ينتقم منك ويحج السنه هذي معااك :angel:


صراحه صراحه موزوع فله لي عوده بعد السحور (rambo)

[طقم ضروس]

وقسم بالله موضوعك واللي صار لك في ساعه وقسم بالله يحكي حالي وحال كل شخص بالسويدي خخخخخخخخخ

انا اشهد ان عقلك مهوب لك ...

<< انواع الشقلبه من الظحك خخخخخخخخخخخخخخخخخ

.
.

ياالربع احيانا يجيني احساس مدري وشو.. احس ان ودي أهاجر لبلد ثاني.. ومايردني الا حبي لاهلي وجراك باعشن << الله من زود الولاء للوطن

والله حال من بعضه بس انا ما عاق معي الا المزيانيه والا كان الحين خارج الوطن << :cool: ههههههههه


مشكلتنا نبي كل شي يوصل حدنا بدون مانقدم مقابل.. ياليت انها توقف على كذا الا انك بعد ماتسلم من الشر!

ايه والله انك صادز ...ياخي احس الشعب ذاله الحكومه صدز لا قالو لك طرار ويتشرط


لدرجة ان الواحد يختم "درايفر" حق البلايستيشن في وقتها من كثر ماهو متعود على المصاقط!!

خخخخخخخخخخخالله يرجك رجن مبحرن هههههههههههههههههه ياخي قسم احس انا اللي كاتب الموضوع ههههههههه اتخيل شكلي وانا بنص المشوار والمصاقط تطلع لي كلمت قيم اوفر خخخخخخخخخخخخخخخخخخخخ


والله الود ودي اسدحها مرتن وااحده

واصل واصل وانا من خلفك اؤاززرك << انشالله ههههههههههههه

عجل علينا يخوك ... انتظركـ

[هلاليه شقرديه]

ههههههههههههههههههههههههههههه

[عنفوان الابـ 15 ـداع]

ههههههههههههههههههههه


و الله من جد موضوع مجنووون ..

تصدق انا يوم شفت العنوان حسبته موضوع ادبي و رسمي بزياده ..

ويوم دخلته قلت الله ياخذ بليسك وراك ماعلمتنا من زماان http://www.mksam.com/vb/images/smilies/666/mksam/4.gif

[هلالي الظهران]

تيتي تيتي زي مارحتي جيتي

ذات ليل وبينما الناس قيام وانا راقد.. حتى اذا انجلى الليل استيقظت ورقد الناس..فبقيت بوضع الاسيقاظ والقيام والناس بعضهم نيام وبعضهم رقاد.. وبينما ان على هذا الحال من الوسوسة سمعت صوتاً يشدو بأجمل الالحان " لقد أطربت الدار بمن زارها فرحا فاهلا واهلا بأهل الجود والكرزي " :jhgy: :d:

كان هذا الصوت المغرد لجاري وهو ينبعث من الدهليز المشترك بين شقتي وشقة جار الهنا في عمارة العزوبيه.. بالمناسبه جاري هذا يسكن مع اخاه الذي هو جاري ايضاً :jhgy: ..

جاري هذا صاحب الصوت المغرد- الله يشافيه - عنده اضطرابات عقليه :( .. يعني جسمه جسم رجل وعقله عقل طفل.. وهو فترات يغيب وفترات يأتي لأخاه ليقطن شقته ويشاركه فيها..

خُطف عقلي وهمت منكباً سارحاً مع جاري وهو يردد رائعته: " لقد اطربت الدار بمن..... " .. يا ألله كم أحسدك ياعادل.. وكم أغار منك.. آآه ياعادل ما أحظظك.. أكبر همك لعبتك.. وأصغر همك ايضا لعبتك.. وقمة سعادتك كمان لعبتك.. وحزنك يمتزج ويتمخض حين لاتجد من يشاركك لعبتك..

( ^
^
لابوك لابو لعبتك :slv: << محاوله أدبيه فاشله لاستثارة المعاطف وتهييج الشواعر :d: )

بالرغم من ان عادل يحمل تفكير طفولي الاّ انه سنايدي ويفعل ماتطلبه منه.. فهو يعمل مايعمله الاخرون من حوله.. على سبيل المثال.. في ثاني او ثالث ليلة من رمضان كنت رايح لصلاة التراويح وصادفت عادل وسالني وين رايح؟ قلتله بنروح نصلي التراويح وأخذته معي..

والله وصلينا العشاء والتراويح والوتر وعادل يصلي جنبي.. وماشاء الله المسجد شبه ممتلئ.. وكان الامام الله يجزيه بالخير قد تحمس وأطال بالدعاء واكثر من الالحاح باجابة الدعاء واسهب وردد كثيرا بعد كل دعاء جملة " ربنا نحن عبيدك فانظر لنا فنحن من المنتظرين" ..

الشاهد.. بعد نهاية الصلاه مباشره اشار عادل باصبعه على الجمع الغفير وقال: الحين هذول كلهم من المنتظرين؟! فارتسمت على محياي ابتسامه وأطرقت برأسي للأعلى والأسفل ايمائةً عن الايجاب.. ثم سكتُّ قليلا وتفرست ملامح وجهه لعلني ارى ردة فعل فلم أجد.. فقلت محاولا استمالته للحديث: فهل انت من المنتظرين؟
أنّكب عادلٌ من سؤالي وأسرع قائلاً: والله مدري وش اقول لكن ابنتظر معكم ماعندي مشكله بس انتم وش تنتظرون؟! :d:
فأطلقت تنهيدة عميقه حتى كادت سعابيلي أن تتطاير وأردفت قائلاً: حنا ننتظر الجنه ياعادل وندعي الله مايدخلنا النار.. وسرعان مااكتست الحماسة وجه أخينا عادل وقال بكلمات تخر لها الجبال الرواسي: أجل سجل عندك واحد ينتظر الجنه :d: :d: ..

الله يسعدك ياعادل.. أحسبك ولياً والله حسيبك ومولاك.. على طاري التراويح يااخوان ليه نشوف المساجد بأول رمضان مليانه وكل مامر يوم نقص العدد؟! استغفر الله بس وكأن الصلاة مثل الشطرنج كل يوم ينقص لاعب وفي النهاية مايفوز الا الملك اللي هو الامام وكم واحد معاه! :jhgy:

مهوب بس في الصلاة الا بعد في القراءه وبقية العبادات.. تشوف الناس متحمسه أول كم يوم وعقبها يخقون!! حتى هالضعيف عادل يجي للصلاه بس اذا شاف المبزره برا يلعبون بالطراطيع والشروخ راح يلعب معهم!

من جد يالربع كل واحد يربي عياله واخوانه زين ولااقضبوهم لايؤذون خلق الله.. والله انه شي يرفع الضغط ماتدري تركز بالصلاه ولاتقط مع هالمبزره في هواشهم ومطاردهم! ياخي اذا ماعرفت تسنع ولدك وتخليه يصلي لاتجيبه المسجد يزعج خلق الله في صلاتهم.. واذا قفلت مع الامام وعطى اهاليهم كلمتين في العظم.. وماصدقت على الله يهدى المسجد وبديت تخش جو في الصلاة ماتدري الا وصاروخ مفرقع يخليك تفز من مكانك.. اعنبوا ابو ابليس اقضبوا عيالكم ولا والله ثم والله لأشرشحكم في المنتدى :d: ..

وبما أني جالس أشرشح فيه شي ثاني باط كبدي :d: .. الحين ليه ماتحلى دوريات الكوره الا برمضان؟! ماقلت لحد يلعب.. العبوا بس بعقل واذا قسمتوا دقوا علي أجي واكملكم مهيب مشكله :d: لكن فيه ناس يروح رمضان كله وهو مطامر من ملعب لملعب ومن دوره للثانيه وكأن رمضان ماخلق الا لعب الكوره!

فيه واحد يحكيني عن شباب انه من زود الطناخة اللي فيهم يلعبون مباراه كامله بعد الفجر.. وعقب المباراه كل واحد يصكها نومه الى المغرب.. هذا ان كان صحى!

طيب اتركوا معي هالمطافيق على جنب.. على الاقل اسمها رياضه وفي حالهم ومامنهم مضره..البلا والله في هاللي مضيعين وقتهم بالمسلسلات.. تخيلوا ياجماعه واحد يقولي رمضان هالسنه طفش مافيه مسلسلات حلوه الا اثنين! ياألله لهالدرجه صرنا نتملل من رمضان ونقطع الوقت فيه بالمسلسلات!!!

طيب تبون تعرضون مسلسلات مافيه مشكله اعرضوا بس ياخي لاتقطعون علينا كل شوي بمقطع (<<واحد يتابع الاعلانات :d: ) ..لا وأبشركم فيه فنانين الحين بدأوا الاستعداد لرمضان القادم وتجهيز أعمالهم (<<قويه صح :d: )..

لا يالربع.. جد والله انتبهوا لانفسكم ولعيالكم.. تصدقون صاروا بعض الصغار مايروحون صلاة التراويح علشان مايفوتهم شي من باب الحاره!حتى عادل هالضعيف جاني هاك اليوم يقول: ارجاتش بالله ومحمد رسول الله ياعين أبوي! :d:
وكل الناس عند عادل صاروا عين ابوه.. قلتله وش بعد ياعين أبوي؟
قال: جميله في قلوبنا :d: :d:

مسكت اخوه على جنب وقلتله ياخي حرام عليك مايصير تارك الادمي كذا اخبره كان يصلي التراويح والحين خاق مع جميله..
قال: ياخي والله تعبت اراكض وراه وهالمبزره مخربين عقله.. بعدين اسكت بس ماتدري وش مسوي هاك الليله.. يسترسل اخوه: استغلني هاك اليوم وخلاني ارقد واخذ بكت السجاير ودخنه كله.. يوم جيت اصحيه قام وحاط يده على راسه ويقول: آآه مصدع .. قلتله وش فيك؟
قال: لا ولاشي بس شفتهم يزينون كذا بالفيلم حق أمس :d: .. يقول اخوه: والله احترت مدري أفهمه انه يصير كذا اذا قرقع مهوب اذا دخن والا اهزئه :d: ..

على طاري الدخان.. والله انا انسان مايرفع ضغطي الا اللي مايمديه يمضغ التمره الا وهو شاب الزقاره يقاله خرمان ومايقدر يستحمل! ويا كم وكم تلاقطت مع ناس اذا افطرنا بمطعم على هالشغله.. اعنبوا ابليسك مسوي حشاش اطلع دخن برا ولاتقعد تعجعج علينا.. انا انسان مااداني الدخان وخصوصا في حالتين اذا جيت آكل او أجرك :d: .. يااخوان والله يخربون ابو مندوب جوي :d: ..

وعلى طاري فطور رمضان بالمطاعم.. والله ياني استانس اذا افطرت بمطعم على شارع رئيسي وخصوصا شارع الظهران.. لانك تشوف سباق راليات يبطي شوماخر وباخشب وربعهم يسوون نصه (himo) ..

طيب يابني ادم وش يضرك اذا اذن وانت بالطريق تفطر على تمره وبتوصل البيت ان شاء الله وعلى مهلك وبتدب في النعمه حتى تقول للحمار ياخاله :d: .. هذا كله كوم والهواش اللي يصير عند المطاعم كوم ثاني.. تقول كأنهم سنين ماكلوا ! الحين بس عرفت ليه يوم يجيبون صور عن اخواننا في الصومال والنيجر مايحن قلبي؟!
والله من الملاقط اللي تشوفه قبل المغرب ماتشوف اخواننا يتهاوشون عليه وهم تمر عليهم ايام بدون ماياكلوا!! صدقوني لو تبونا نحرر القدس جوعوا ربعنا وعلموهم ان الفطور هناك بس لازم يذبحون اليهود وابشروا :d: ..

والبلا انهم ينرفزونك معهم.. اجل هذاك اليوم بعد هوشه عظيمه ماصدقت على الله اطلع من المطعم وانا اركض بالشارع وخويي وراي بالسياره يضرب بوري ومولع الفلشر ويصورني فيديو وانا فرحاااان ارؤكض والسمبوسه بيد والبيتزا بيد :d: ..

يالربع والله رمضان شهر الخير ومايصير هالحكي.. الحسنات اللي نجمعها في رمضان مايجي اخر الشهر الا وحنا مطيرينها.. طيب على الاقل حاولوا تقتصدون في استخدام الحسنات وتقسطونها على طول السنه (<< لاعاد تنصح وانت تحسب تكاليف الزواج :d: )

على طاري رمضان شهر الخير.. الحين شلون نصدق راعين المحلات النسائيه لاقالوا رمضان شهر الخير مع انهم 24 ساعه بمحلاتهم! ماتدري اي خير هم يقصدون العباده والصلاه وكثر الاجر ولا الصدقات والقيام والتهجد.. اعنبوا ابليسهم اكيد بيكون شهر الخير والمبيعات عندهم اضعاف.. عاد حريمنا مايقصرون راعيات واجب! يدخلون السوق يوميا.. وفوق هذا تشتري الشي اللي تبيه والشي اللي ماتبيه.. وفوق هذا وهذا يلفون كل الاسواق حتى اللي مقفل يروحون يشيكون كانهم فتحوه :d: .. وفوق هذا كله يطلعون انهم يطلعون مثل الحمل الوديع ومايكاسرون ابد عن قولة رمضان كريم..

اعنبوا ابليسكم ياهالحريم .. اولا ضيعتوا وقتكم برمضان في الفراره بهالاسواق.. يعني وش يضركم لو انكم شارين اغراضكم من شعبان؟!
طيب نقول نزلت بضاعه جديده حق العيد برمضان.. اوكي اطلعي يوم يومين لكن مهوب كل يوم.. والقهر انهم لافروا السوق كله وضيعوا كم ساعه مايرجعون الا بكيس صغير :zael: .. وياليت انهم يبونه لا بس عن قولة ان المقاس كبيراو اللون ماعجبني حتى تضمن طلعة بكره :d: .. والبلا في النهاية تسمع الجمله السنويه " والله بضاعتهم هالسنه شينه" .. طيب اعنبوا ابو ابو ابو ابليسكم شينه ليش تشترونها؟! :cry:

المهم فكونا من ذا الحريم لاني عصبت :d: .. وعودا على ذي بدء قبل ثلاثة ايام رحت للتراويح ومعي عادل.. صلينا العشاء والتراويح.. وبعد الصلاه تلفت عادل على الموجودين وسألني بنبره استفهاميه: وين المنتظرين راحوا؟ ليه صاروا قليل؟ مايبون ربي يدخلهم الجنه؟

والله مدري وش اقولك ياعادل.. واكتفيت بنظره حزينه.. ولما شعر عادل الطيب بحزني اراد ان يداعبني قائلا: اجل بقولك نكته.. قلتله: قول ياعين أبوي انت.. قال وهو يغالب ضحكاته: نكته! طلعنا من المسجد ووصلنا البيت وعادل يعيد النكته وانا احاول استوعب.. ثمن فقعتها ضحك.. اعنبوا شيطانك ياعادل أجل تجر فيني وتقول أبقول نكته وانا جالس احتريها ثمن طلعت كلكة "نكته" بس ههههههه .. طيب ياعين أبوي انا بقولك مثل وهو .. تيتي تيتي زي مارحتي جيتي.. أظهر عادل اللامبالاه وعطاني مقفاه وبدأ بترديد رائعته " لقد اطربت الدار بمن ...." .. والله مو منك ياعادل من ربعنا اللي يدخل عليهم رمضان ويطلع وهم ماتغيروا وتيتي تيتي زي مارحتي جيتي :( ..


برايفت للجميع: يااخوان هالكلام اللي سبق ذكره اذكر نفسي فيه واذكركم بعد .. ورمضان بقى عليه اسبوع هالله الله فيه.. ولا تنسون حديث الرسول اللهم صلي وسلم عليه :" رغم انفه ثم رغم انفه ثم رغم انفه من ادرك رمضان ولم يغفر له" او كما قال عليه افضل الصلوات والتسليم.

=.=.=.=.=.=.=.=.=.=.=.=.=.=.=.=.=

يالربع اعتذر عن التاخير.. الله وكيلكم لي ثلاث ايام طريح الفراش بعد ان داهمتني الانفلونزا قاتلها الله.. انتظرونا بالحلقه القادمه في " ناظر بقره واحلب عنز"

أخوكم/ ابو الدرداء

[هلالي الظهران]

يالربع احفظوا هذا الرقم عن ظهر قلب 24.. ولاتنسونه لاني برد عليكم منه بس خلال ساعات باذن الله لان الانفلونزا حاست ابو مريري وحرارتي على أعتاب الاربعين :( ..

أكتب لكم واللاب توب فوق صدري وانا طريح فراشي وأعتذر إن خنبقت أعلاه لأني ما أدري وش كتبت !

راجع باذن الله قبل نهاية مدة التحرير بس لاتنسوني من دعواتكم..

برايفت ابو نوره: لعنبوا دارك راجعلك الله لايعوق بشر لو تكون اخر خشه لي :d: .. اباخذ المضاد وابوصل مشوار وراجع ان شاء الله :d:

[برستيج]

يالربع والله رمضان شهر الخير ومايصير هالحكي.. الحسنات اللي نجمعها في رمضان مايجي اخر الشهر الا وحنا مطيرينها.. طيب على الاقل حاولوا تقتصدون في استخدام الحسنات وتقسطونها على طول السنه (<< لاعاد تنصح وانت تحسب تكاليف الزواج :d: )


تبي الجد

والله الخوف من ناس تطلع مديونه في رمضان .. !!






يالربع اعتذر عن التاخير.. الله وكيلكم لي ثلاث ايام طريح الفراش بعد ان داهمتني الانفلونزا قاتلها الله.. انتظرونا بالحلقه القادمه في " ناظر بقره واحلب عنز"

أخوكم/ ابو الدرداء


تصدق .. ما جبنا خبرك انت وخشتك .. :angel: .. :kayf:

وسلامات سلامات حبيبي قلبي .. اجر وعافيه ان شاء الله

وبانتظارك ياحلو .. (himo)

[abdulmajeed_1]

الا ياجعل عيني ماتبتسيك يابن آخي :cry: ، لاترد عليهم .. اشطفهم واناخوك
ترا ألزم ماعلى الواحد صحته :d:

برستيج والله ما أقصدك انت :angel:


24
24
24
24
24
<< ردد يابعدي ردد :d: :d: :d:

[Dr. 2'S]

وأسرع قائلاً: والله مدري وش اقول لكن ابنتظر معكم ماعندي مشكله بس انتم وش تنتظرون؟!
فأطلقت تنهيدة عميقه حتى كادت سعابيلي أن تتطاير وأردفت قائلاً: حنا ننتظر الجنه ياعادل وندعي الله مايدخلنا النار.. وسرعان مااكتست الحماسة وجه أخينا عادل وقال بكلمات تخر لها الجبال الرواسي: أجل سجل عندك واحد ينتظر الجنه ..
عاااااااااااااااادل رهييييييييييييييييييييييييييييييييييييب :angel:
يجننننننننننننننننن يهبببببببببببببببببببببببببببببببببل :angel: :angel:
/
\
على طاري التراويح يااخوان ليه نشوف المساجد بأول رمضان مليانه وكل مامر يوم نقص العدد؟! استغفر الله بس وكأن الصلاة مثل الشطرنج كل يوم ينقص لاعب وفي النهاية مايفوز الا الملك اللي هو الامام وكم واحد معاه!

عليك تشبيه بليييييييييييييغ :jhgy:
/
\
اعنبوا ابو ابليس اقضبوا عيالكم ولا والله ثم والله لأشرشحكم في المنتدى ..
ههههههههههههههههههههههههههههههههههههااري ماأرهبك يافتـى <==محاولة فاشلة في أستنهاض الفصحـى :angel:

يالربع والله رمضان شهر الخير ومايصير هالحكي.. الحسنات اللي نجمعها في رمضان مايجي اخر الشهر الا وحنا مطيرينها.. طيب على الاقل حاولوا تقتصدون في استخدام الحسنات وتقسطونها على طول السنه (<< لاعاد تنصح وانت تحسب تكاليف الزواج )
:angel: :angel: :angel: :angel: :angel:
فضييييييييييع :d:

وعودا على ذي بدء قبل ثلاثة ايام رحت للتراويح ومعي عادل.. صلينا العشاء والتراويح.. وبعد الصلاه تلفت عادل على الموجودين وسألني بنبره استفهاميه: وين المنتظرين راحوا؟ ليه صاروا قليل؟ مايبون ربي يدخلهم الجنه؟
ياليل ع هالتراويح درينـا و الله درينـا وهـه خذ مني / مشاء الله عليه :angel: _ أمزح :qw: _

بالأنتظار يا مُبددددددددددددع :yes:
وماتشوف شـر :)

[Eng.Fahad]

مــبــدع يـاأبـو الدرداء..






نـ،نــتـ،ظركـ يـابو..






فـهــد..

[هلالي الظهران]

باااااااااااااك

وهذاني اوفيت بوعدي ورجعت قبل تنتهي الــ24 ساعه :p بس والله مهو بذنبي ان السيستم مخبط! خاصية التعديل مهيب موجوده مع ان الرد ماكمل 24 ساعه :jhgy:


د/ريم الهلاليه


حياك الله دكتور ريم.. وبارك الله في جهودك وتواصلك..


ماهو عوداً حميداً لأن كل ماحمدنـا لك غطست ومارجعـت _ أمزح _


:cry: :cry:
طيب وش اسوي؟
مااقول الا قاتل الله الظروف (himo)


نفس الحكاية بمدارسنـا وربي ساعات أقول مدري وشلون بيكونن أسرة هالطملات


والله وانا اخوك مااتوقع ان اللي يصير بالمدرسه يصير بالبيت .. الا مستحيل لكن البلا في نفس المكان الواحد يستاحش منه ويحاول يطلع باسرع وقت ولهذا تصبع العمليه خبيصه :d:


بعد ضم للأماني أمنيـة /
أني أجي للمدرسة وناس تستقبلني وجيههـا تفتح النفس مبتسمة ماهو مكشرة لاوكله كوم وأن سلمـت باليالله بنت الصف تسلم كني ضاربتها مو مسلمه عليها <== ماادري وش دخل هالأمنية بالأفضلية .. بس يلا دبرونا يمكن تجي..


اييييييييييييه .. بس خلي لهم عندك مصلحه تشوفينهم يشيلونك من عند باب المدرسه لكرسيك على كفوف الراحه.. الله يعين بس :(

حياك ربي ريم.. ولاعدمت تواصلك والباقي بالسرا (himo)



عبدالعزيز الخشرمي


حياك الله ابو عزه.. منور يا الاطخم..

ارفق على نفسك.. بعدين وين القى ابو عزه غيرك..

لاعدمت تواصلك..



ابو نوره شايت الكوره


حيا الله فاسخ التنوره.. حياك الله ياشغفة قلبي ومهجة فؤادي ونن عيني :kello: ..

ياخي انا وابو غالب ومعتز وجميله( :qw: ) كلنا فدوه لعيونك أيها الفاهر..

اجل ابو غالب مضيق خلقك يا الفاهر تذكر يوم اصيدك انت وابوالنار ومعكم ابو بدر الرخمه تاكلون حلاوة شيل الشعر حق البنات تشترونها من البقالة تحسبونها حلاوه بحرينية :d: :d: ..

يارجال مدري وش اقولك فيك بس.. هات براطمك هاللي شققها الدخان عشان امطخها :qw: ..

طيب اسمع الين اوصل لردك اللي تحت ابتسلف فريال خانو من التلفزيون شوي وبحطها معك تتلاعنون شوي الين اوصلك :d:

ابو نوره راجعلك يامحرق القلب بالنار :d:



بيروتي الهلال


حياك الله اخوي .. والله يعافيك ويعطيك الصحه..

لاعدمتك



برستيج


حيا الله مشرفنا الشايب الحبيب اللي اموت فيه :kello: ..

برستيج.. أنورت بقدومك الدار .. وأنورت الصفحه بطلتك.. وأنورت عيني بشوفة يوزرك << احبك يا أنور :d:


اقول يا لشين

الله العالم .. الله العالم

انك كاتب هالتحفه و انت في مشغل يا راعي الكاريه ..


ياحوووووووووول اذا انا شين انت وش تطلع :d: .. اخ بس وينه مدرعم هو اللي يعرفلك :d:

بعدين ترا قلنا كاريه لعيونكم يا الشنبات ولا العالم الحين وصلوا قصة الفراوله والكوكتيل :d:


ترى فيه ملحق في السطح فاضي .. اذا انت محتاج له فالحق عمرك

فيه سباك مصري مكلمنا عليه ..


والله اذا تضمن لي ان مدرعم بعيد ابجيكم :d: .. وياليت الملحق يكون فيه سرير مزوج .. مثلك عارف انا وابو نوره عندنا سوالف نبي نتصارح فيها :kello: :d:

برستيج.. لاعدمتك والله .. وترا مسجاتك اشوفها متاخر فلا مواخذه يابعدي :kello:


وووووووووووه بس تعبت..

لي عفطتن اخرى عقب السحور ان شاء الله (himo)

[ابوسعد الهلالي]

سجل عندك واحد متابع يالظهراني :sheto: ..

بس يارب اطلع بنتيجه من موضوعك موب مثل كل مره :d: ..

[العاتي]

هــلا بأبو سبستيان .. :magkiss:

عودا حميدا .. ونورت الساحه ..

على طاري التراويح يااخوان ليه نشوف المساجد بأول رمضان مليانه وكل مامر يوم نقص العدد؟! استغفر الله بس وكأن الصلاة مثل الشطرنج كل يوم ينقص لاعب وفي النهاية مايفوز الا الملك اللي هو الامام وكم واحد معاه!

هههههههههههههه رايع جدا :d: :d:


هلالي الظهران .. متاااااااابع معاك يا أكوس كاتب . :kello: . :angel:

ننتظر الحلقة القادم .. (himo)



ما تشوف شر يا ابو الدرداء :rolleyes:

[SILENT DEATH]

:rolleyes:

[ابو حقيل الهلالي9]

هههههههههههههههههههههههههه


والله من التنسيم بذا الموضوع شكلي بدخل مواضيعك برقعات تيوب لس


بنتظارك يابطل

[أول العنقود]

هلا عمووور



ننتظر الباقي

[مشتاق لنظره]

مشكور و عودة حميدة

[هلاليه ملكعه]

كاريه ولاكوكتيل ههااي