لعيونها ...!!!!

[هاوي الهلال]

هااايااات

كيفكم داجين وداجات ....

اول شئ حمد لله على سلامة الطلبه والطالبات
وبالتوفيق انشاء الله
وانشاء الله ناجحين :kany:

ومبروك للي في راسه شئ من زمان ووده يسويه وسواه اليوم :ignor:

مو كان المنتدى هاليومين ميت شوي ....
الاختبارات وانتهة
وكاس العالم والظهر
يعني ماحد له حجه ..

نبي نرجع المنتدى مثل ماكان :)

يعني نبي نشوف مواضيع خاليه من الشات :cry: :cry: :cry: :cry:

واللي في راسه شئ يحطه عندنا
ذبحنا الغالي ماينزل مواضيع غيره ...

المهم اليوم تجمعنا انا والمتميز والعجمي وسداح وصقر النوادي (ومعنا مشرف .. رفض ذكر اسمه :D :D :D )

كنا نتناقش في موضوع مهم جدا ..
وهو قيادة المرأه
وبشكل عام منح المراه حريه ... اكثر
وكل شخص مسؤول عن نفسه وعن عائلته
طبعا كان الاغلبيه معارضين

لكن ... السؤال
هل الفساد مرتبط بمنح الحريه للبنات ؟؟؟
الجميع يرى التشدد عند الكثير
ويمكن ياتي بنتائج عكسيه
كمية الغزل والترقيم .. وملاحق البنات .
عندنا اكثر من اي مكان في الدنيا

بس لاحد يقول تاثير القنوات وغيره ..
الجميع تقريبا يشاهد ويرى ومطلع على الوضع
ولكن هناك من حافظ على نفسه
وهناك من انجرف خلف التيار ..

اذا في النهايه اساس المشكله يكمن في التربيه
وهذا دور الاسره ..

فلا يجب علينا ان نرمي باللوم .
على غيرنا ...

دول كثيره .. بها حريه خاصه للمراه ..
ولم نشاهد لديهم مايحدث لدينا
قد يكون كل ممنوع مرغوب ...


في الخارج .. تشاهد جميع انواع الفتيات .. والبنات
ولكن لاترى من يعترض طريقها ..
الا ماندر ...

اذا العله ليست في البنات او الشباب وحدهم
السبب الرئيسي من اسرهم
ومن اساؤا تربيتهم


للاسف الوضع يزداد سوءا ..
والمنع لن يجدي بنتيجه
هناك خلل
ويجب علاجه

لكن اين يقع هذا الخلل ...

يلا انت وياه كل واحد يقولي وين الخلل وكيف ممكن يتعالج ؟؟؟؟؟




باااااايااات
خالد
(himo)

[Alghaly]

مرحبااااااااااااااااااا

ذبحنا الغالي ماينزل مواضيع غيره ...
وش تبي اسوي من الطفش:hgfd: :slv:


اما موضوعك فراي الشخصي ان الخلل مو في المجتمع الخلل في الافراد يعني اذا نبغى نغير هذه الظاهره لازم نغير انفسنا اول
ونتمسك بديننا اكثر واكثر

واسال الله لنا ولك الثبات وشكرا على الموضوع المهم

[ابورشا]

حبيب البي..
هلا والله بخلودي..
موضوع والله بالصميم ويستاهل النقاش بصراحه...
واعتقد من وجهة نظري اننا لو تهورنا واعطينا البنات الحريه الكامله مثل قيادة السيارات على سبيل المثال...فحنا محتاجين الى تقريباً اكثر من 20سنه علشان نتأقلم مع الوضع اللي واضح انه يبيله رضع...
وتكمن المشكله اننا اغربي شعب من جميع النواحي...
والدليل اننا نركز على مبدء الطبقيه ..والتمييز سواءً التمييز العرقي او المادي..ونرى ونشوف مدى تطبيق هذين المبدئين من البنات ...اكثر من الشباب..
ولو فرضنا وبدءو البنات بالسواقه ووضع معايير صارمه من الجهات المسؤله لقيادة السياره..كيف نبي نكبح جموح فتل العظلات والأستعراض بالسيارات..امام جامعة عليشه مثلا او جامعة الملك عبدالعزيز بجده..او كلية البنات بالشرقيه..
احكام الغلق على اي شيء ..يؤدي الى نهايه مؤلمه وربما مأساويه نتيجه للكبت الواضح على المحتوى بااختلاف نوعه..ولكن تبقى النتيجه وحده وهي انفجار..
نقطه ثانيه...
الرياض مثله مثل باقي المدن يعج ويلج بالزحمه والأختناقات المروريه....ولكن كيف يكون الحال الى دخلوا بناتنا بالموضوع..رغم انهن مسويات زحمه خلقه..
واخيراً...
والله محنا ناقصين ...الحين الواحد يشتري له سياره بميه وخمسين الف وكل خوفه من الليموزينات...اما اذا دخلوا البنات بالموضوع راح يكون الخوف من الليموزينات والبنات...
بالنسبه للموزين لو تجرء ولمس سيارتك بدون قصد..والله ماتخلي قسم شرطه ولا محكمه الا وتجرجره فيها...
لكن اذا جت البنت راعية الكوريلا...ودخلت باب الأودي اللي انت فرحان فيها....ونزلت وقالت :..والله ماكنت قاصده ياحياتي....( راح يكون موقفك بايخ )..والا لا..
ياعمي فكنا واللي يرحم والديك...
ويخليك ربي حبيب البي..

[مها العالميه]

اهليـــــــــــــــــــــــــن ..

هلا ..هاوي ..منور ..;)

لكن اذا جت البنت راعية الكوريلا

والله يا ابو رشا يعني انتم اودي وحنا كورلا (rambo)

لكوريلا <<<<<<فيروس سداح بدا ينتشر في المنتدى

الاعضاء المصابين بمرض ضعف الاملاء في ازدياد اتمنى تطعيم الاعضاء الأصحاء (rambo)

[المتميز]

هلا خويلد

المهم اليوم تجمعنا انا والمتميز والعجمي وسداح وصقر النوادي (ومعنا مشرف .. رفض ذكر اسمه

اول شيء اللي يشوفك يقول يعني حنا موافقين ...

اصلا من قال اني جلست معكم من الاساس انا رحت انا وصقر النوادي لاحد الشوارع ينفذ شرط عليه ومانفذه للاسف ووعدني بكره ,,,,

ثانيا البنات لو بيسوقون سيارات لازم نترك حنا السواقه مايصلح كلنا نسوق (himo) (himo) (himo)

بكره اشوف بنت مسترجله تفحط بكامري ولابسه طاقيه :D :D :D

[صدى الوجدان]

هلا هااوي


ماافيه شي بهدنيااا اسمه حريه كل شي له حدود كل شي له قوااانين...:) :) :)


بس هذا اللي حبيت اقوله...:) :)

على فكره الموضوع طويييييييييييييييييل وماااااااقريته كله....

:angel: :angel:

[بـحـر]

وينك حبيبى ...

اكيد تذاكر بدل العروووووووووووس:D

المهم اليوم تجمعنا انا والمتميز والعجمي وسداح وصقر النوادي (ومعنا مشرف .. رفض ذكر اسمه
يمكن المشرف خايف على عمره من التفجيرات ... اكيد المشرف سياسي ... بس وش جابه معكم يالدجه (himo)

موضوعك قايل رأيي فيه منذ مبطى حبيبى ولا مانع اعيده :nrey:


<<------- ديموقراطي ... لا يمانع من قيادة المرأة .... وجهة نظر (rambo)

تحياتى


بااا (himo) اااي

[برستيج]

هلا هاوي


خلنا من سواقت الحريم .. الحين ..

اللي ابي اعرفه .. شي واحد .. بحر وش يقصد ..
اكيد تذاكر بدل العروووووووووووس
(rambo) (rambo) (rambo) (rambo)


اسمع يا غالي ..

موضوع السواقه .. ما اعتقد انه ممكن .. :noo:

فيه عندنا تعاليم اسلاميه .. وتقاليد .. ستكون حاجز صلب امام هذه الفكره ..

بغض النظر عن المشاكل اللي تتكلم عنها من المضايقه اللي ممكن يتعرضون لها .. لان اي شي في بدايته يكون صعب ..

وبعد فتره بيصير الوضع طبيعي .. كباقي الدول .. :)

صحيح ان سواقتهم بتفك عن ناس .. الكثير من المشاوير .. وتريح الازاوج .. وتخليهم ياخذون راحتهم .. (rambo)

لكن .. معليش الواحد يتعب في المشاوير شوي .. ولا يجيه اللي يتعبه طول العمر .. :)

يعني باختصار ..

الخلل يكمن .. في قيادة المراه نفسها .. :nrey:


ومشكور يا غالي .. :yes:

[الطيرالهلالي]

السلام...

شف ياهاااوي.

اذا رضينا بسواقة الحريم...على قولك...الي يبي يخله بنته تسوق بكيفه ولي ما وده برضو بكيفه!!!

لكن مع مرور الزمن راح تكون شي عااادي عند كل الناااس:hgfd:
لان المعصيه تسري بدم واذا طولت اصبحة شي عااادي كنه حلال عنده ..مثل الاغاااني !!!!

والحقيقه ابو رشاء ذكر شي كثير من الي ودي اقوله..شكرا يا بو رشا...

وبعدين...الترقيم اهون من الي .......:ignor:

والله يستر على وليااانا :(


فاااصل قصير...

مها العاالميه....ممكن تقولي ابره تقدر تخليني ما اخطي اخطاء املائيه...:(

وشكراً

[مغرور]

صباحكم خير او مسائكم بالف خير حبيبي هاوي موضوعك مهم وجيد ولكن هل دينك وعقيدتك تسمح بهذا الشي
النقطه الثانيه هل ترض اختك او امك او قريبه لك ان تقود السياره
ماشعورك لو تعطلات السياره عليها وهي في منطقه خاليه من المشاة وتعرض لها الوحوش الضاله
وشرايك تلقاهم في شارع العليا العام مسوين موكب ويلاحقوني
================================================
http://waleed999.jeeran.com/waleed.jpg
================================================
http://waleed999.jeeran.com/ww.jpg

[رهف(RGH)]

اذا رضينا بسواقة الحريم...على قولك
هذا ازين مافيكم
وبعدين...الترقيم اهون من الي .......
امووووووووت في دق على الوتر
مها العاالميه....ممكن تقولي ابره تقدر تخليني ما اخطي اخطاء املائيه
انا اسوء منك انا نحويه:D
الاعضاء المصابين بمرض ضعف الاملاء في ازدياد اتمنى تطعيم الاعضاء الأصحاء
وضعف النحو في له تطعيم مها

وانشاء الله ناجحين
يسمع منك ربنا

ذبحنا الغالي ماينزل مواضيع غيره ...
هههههههههههههههههههههههههههههههههههههههههههههههههههههههههههههههههه

وبشكل عام منح المراه حريه ... اكثر
هذه نقطه رائعه للنقاش
تحياتي للجميع المهجده

[مغرور]

شف البنت وهي تسوق وش سوت في سيارت ابو رشا :yuupy:

http://waleed999.jeeran.com/fun107.jpg

شكل ابو رشا يقولهااااااا :hgfd: مافيه امل اسامحك :sheto:
طبع البنت جالسه تسوي كذا

:cry: :cry: :cry: :cry: :cry: :cry:

وش تتوقع بيقولها ابو رشا :req:
=================================================

http://waleed999.jeeran.com/waleed.jpg
=================================================
=================================================
http://waleed999.jeeran.com/ww.jpg

[POWER]

مرحبا خالد ,,,

أول شي احييك على النقطه المهمه الي تكلمت عنها بموضوعك..وماشاءالله عليك اشوفك من تالي مخّك مفتح شوي وتفكيرك صاير ممتاز ..:D

المهم ...موضوع شيّق..ومثير..ومهم جدا خاصه وانه يعني بناتنا..وبنات المسلمين بشكل عام ..
أول شي..انت تدري ان التلفزيون و الدشوش والانترنت من أهم وسائل الاعلام..ويتبعها خراب كثير مره..والواحد إذا صار عاقل مره او مطوع أكيد بيناظرأقل شي قناة الجزيرة وبس..ومع كذا ما تسلم منه تلقاه يقلب على الحكم وعلى دولته !!:ignor:
واما اللي مهب عاقل فأكيد بيحط قنوات خلها على ربك ..يعني ما ودي أنجس المنتدى بهالكلمه..!!

لذلك..
أول شي الخطأ منالأسرة
لأن وللي أمر الاسرة لازم يكون واحد فاهم ويعرف مصلحة اسرته..وخاصه بناته
أضرب لك مثال :-
انت ياخالد((وخلنا صريحين)) لو شفت بنت متغطيه زين ولابسه لبس محترم وعبايه سعوديه أصيــله ولابسه قفازات في يدينها ولابسه حذيان وساترة رجلينها ..هل بتلحقها وتقعد تغازلها أو تستهبل عليها ؟؟؟
ما أعتقد ((بغض النظر عن كونك خاطب أو بتتزوج))
لكن..
وش اللي دفعك انك تبتعد عنها وما تكلمها أو ما تستهبل عليها ؟؟
أكيد الجواب بيكون ملابسها المحترمه ومشيتها المحترمه ..أو اللي يبي الناس يحترمونه يحترم نفسه أول ..

لكن لو جت بنت لابسه عباة فرنسيه وحاطه لثام ولابسه جنز واذا مريت من جنبها تجي وتوريك صدرها ومدري إيش!! :ignor: ..أكيد بتناظرها أو أقل شي بترقمها أو أقل شي مرررره بتستهبل عليها وتسولف معها

الزبده من هالكلام ان للاسرة السبب الرئيسي في تربية البنت..وان انعدمت التربيه الاسريه خلاص..اعتبر الأساس سيئ في البنت..وهو الأساس والوازع الديني ..

السبب الثاني هوالفراغ
يعني الولد عنده وقت فراغ كثير ..والبنت عنده مثله ..أكيد بيطلعون يتمشون في الشوارع وخذ يا استهبال ولعب في بنات المسلمين !!!

لازم الواحد يشغل نفسه بشي مهم ..ياخي لو الولد يشغل نفسه بالبلاي ستيشن ما يخالف..أهم شي ما يتسكع بالشوارع ويبلش بنات الناس ويشغلنا ماغير زحمه سيارات وغثا !!
والبنت أقل شي تتعلم في وقت الفراغ الطبخ وشغل المطابخ..ياناس والله زين
اسمعوني يا بنات
والله شغل المطبخ مفيد وزين..ومنتب خسرانه شي لو تعلمتي أقل شي تصلحين شاهي وبيض أو ساندويشة جبن
ومنها تساعدون الوالده في أمور البيت

على العموم أحييك على روحك العاليه وعلى طريقة اسلوبك في كتابة الموضوع ..
وأشكرك كل الشكر ..وفعلا لسّه الدنيا بخير مادام فيها واحد مثلك وضميره حي مثلك ..:) :)
وجزاك الله ألف خير..ووفقك دنيا وآخره..قل آميـــن
----------------------------------------------------------------

ومبروك للي في راسه شئ من زمان ووده يسويه وسواه اليوم
احم احم :D :D
يعني نبي نشوف مواضيع خاليه من الشات
لا ياشيخ !! :mad: المهم ترانا شرينا قفول جديده من الشميسي ..بنوريكم شغلكم بالعطله !!!:kany:
هل الفساد مرتبط بمنح الحريه للبنات ؟؟؟
نعم ..
الحريه بمفردها ..لا يرتبط فيها فساد..لكن حريه مطلقه أو حريه لا حدود .هذه غير مرغوب فيها
والحدود اللي أقصدها هي حدود ديننا يعني حريه لا تتعدى نطاق ديننا الحنيف..يعني ما تجي بنت وتطلع عريانه وتقول حريّه !!!:ignor:


ولكن في النهايه..كل ممنوع مرغوب ..

وأكرر شكري وتقديري وخالص محبتي لك
تفضل بقبول خالص تحياتي وأرق تمنياتي لك بالتوفيق..
ودمت بخير ..:)

[هاوي الهلال]

هاااايااات


مشكورين شباب على الردود ...
مع احترامي لكل راي .. منكم :)


ابو حسين
وفعلا لسّه الدنيا بخير مادام فيها واحد مثلك وضميره حي مثلك

:magkiss: :magkiss: :magkiss: :magkiss:


مغرور ...
انا منزل الموضوع علشان كل واحد يقول رايه ..
وبامكان تقول رايك بدون ماتقول .. اختك وامك :hgfd:

باااياات
خالد
(himo)

[فهد العجمي]

المهم اليوم تجمعنا انا والمتميز والعجمي وسداح وصقر النوادي (ومعنا مشرف .. رفض ذكر اسمه



من قال اني معكم افا ياهاوي انا ماشفتك من زمااااااااااااااااان ممكن عجمي غيري ممكن بس ماحد راح يصبر عليك
غيري;)



انا كنت طالع مع سداح في حارتنا صايرة مشكلة وقام بحلها جزاة الله كل خير وعافاة :ignor:




اما موضوعك انا قلت رائي فية لك وبرجع اقولة مرة ثانية البنت الي اهلها موافقين انة تسوق عادي
وش المشكلة احسن من طلعة مع السواق بدون محرم
اذا خربت السيارة عليها عادي تشوف اي بنت مارة وكاشخة وكاوية العباية ومكثرة النشا وريحة الطيب تفوح
تركب معها وتوصلها عادي وش المانع


الي بيرضى ان اهلة يسوقون يتحمل النتيجة وعواقبها :jeng:


اختلاف الراي لايفسد للود قضية

[صدى الوجدان]

هلا هااوي

انا صحيح اني بنت لاكن مااااشجع ان الحرمه تسوق



لاني اشوف نفسي 24ساااعه برا البيت وهذا ومااامعي سياااره اجل لويكون معي سياااره وش بيصير

الحين يقااال لكم اني خففت من طلعاااتي


تحياااتي لك

[ياسر عبدالعزيز]

هلا بالغالي..... هاوي:)

انا لي فهمته...... انا مها العالميه عنده كرولا تبغى تبيعه:)
وان ابورشا نوي يلعب عليها<<<< منتب عاقل ياشريطي:angel:

تحياااتي لك:yes:

[POWER]

يا شباب ترى الموضوع مهم مرره ..ونبي كل واحد يدخل ويعطينا رأية وبكل صراحه وصدق

لكن الظاهر انتم ناوين على شات !!
او حراج سيارات !!

اركدو ..
---------------------------------------------------------------

صدى الوجدان :-
طيب انتي تطلعين الحين وأكيد بيصير معك احد..او معك محرم على الأقل..لكن انك تطلعين لحالك في الرياض!!طيب لو تعطلت فيكي السيارة وجا واحد من الشباب يساعدك والله ما يفوّت الفرصه ويفعل أشياء لا اطيق ذكرها بالمنتدى !!!

يعني البنت مهب زينة تسوق سيارة...ولا ما تذكرين حلقة طاش ما طاش !!! :)

تحياتي لكم..

[ميلاد]

موضوع حلو............


راجع:)